رونالدو رىۋايىتى

sensiz

ئەگەر چوڭ رونالدودا كىچىك رونالدودىكى چىچەنلىك، كىچىك رونالدودا كىرىستىيانو رونالدودىكى تىرىشچانلىق، كىرىستىيانو رونالدودا چوڭ رونالدودىكى تۇغما تالانت بولغان بولسا ئۈچ رونالدونىڭ رىۋايتى تېخىمۇ قالتىس بولغان بولارمىدى؟

نەچچە يىلدىن كېيىن سىزنىڭ بالىڭىز رونالدو دىگەن كىم؟ دەپ سورىغان ۋاقىتتا سىزنىڭ جاۋابىڭىز تاشقى پىلانت ئادىمى رونالدو بولامدۇ ياكى چىملىقتىكى سەنئەتكار رونالدىنخومۇ ۋە ياكى توپ ئۇرۇش ماشىنىسى كىرىستىيانو رونالدومۇ؟

تەلۋە ئادەم دەپ نام ئالغان داڭلىق مەشقاۋۇل مورىنىئو دۇنيادا بىرلا رونالدو بار دىگەن، بەلكىم كۆپلىگەن مەستانىلەرمۇ شۇنداق قارىشى مۇمكىن، ئۇنداقتا ئۇ بىر رونالدو چوڭ رونالدومۇ، رونالدىنخومۇ، ۋە ياكى كىرىستىيانو رونالدومۇ؟

بىرازىلىيەنىڭ نامراتلار مەھەللىسىدىن كېلىپ چىققان بۇ چولپان ئۆسمۈرلۈك دەۋرىدە كەلگۈسىدىكى مەلۇم بىر كۈندە ئىككى پۇتىغا تايىنىپ دۇنيانى قايىل قىلالايدىغانلىقىنى ئويلاپ باقىمىغان بولىشى مۇمكىن.

تاشقى كۆرىنىشى ئانچە كېلىشكەن بولمىغان بۇ چولپاندا غايەت زور تالانت مەۋجۇت ئىدى، ئۇ تالانتى بىلەن ئۆزىنىڭ كۈچىگە تايىنىپ نۇرغۇن كىشىلەرنى پۇتبول دۇنياسىغا باشلاپ كىرگەن، يەنە نۇرغۇن كىشىلەرنى پۇتبول ئۈچۈن ساراڭ قىلغان.

مەستانىلەرنىڭ نەزىرىدە ئۇ بىر مۇكەممەل توپچى، تېزلىك، تېخنىكا ۋە پارتلاش كۈچى ئۇنىڭ تېنىدە بىرلىشىپ ئۇنىڭ تالانتىنى تېخىمۇ جارى قىلدۇرۇشقا پايدىسى بولغان.

بارسىلونا- ئېنتىر مىلەن- مادرىد- ئاس مىلەن ، پۇتبول دۇنياسىدىكى بۇ ئىككى قان رەقىب كوماندىلاردا ئۇ توپ تېپىپ باققان ۋە ئۆزىنىڭ تېخىنىكىسى بىلەن ئۇلارنى قايىل قىلغان.

ئۇنىڭ ئېرىشكەن شەرەپلىرى راستىنلا بەك كۆپ، لېكىن ئەڭ ئەپسۇسلىنارلىقى بولسا ئۇ ياۋرۇپا ئۇزغۇنلۇق لوڭقىسىغا ئېرىشىپ باقمىغان، ئۇنىڭدىن باشقا ھەر قانداق لوڭقا شەرەپلەرگە ئېرىشكەن. شەخسى مۇكاپات جەھەتتە ئىككى قېتىملىق ياۋرۇپا ئالتۇن توپ مۇكاپاتى، ئۈچ قېتىملىق دۇنيا پۇتبول ئەپەندىسى مۇكاپاتى ئۇنىڭ شۇ ۋاقىتتىكى چولپانلار دەۋرىدىمۇ قالتىس ئىكەنلىكىنى ئىسپاتلاپ تۇرۇپتۇ.

لېكىن ئۇنى مۇكەممەل دەپ قارىغىلى بولمايدۇ، ئۇزۇن يارلانغان ياكى كۆپ يارلانغانلار تىزىملىكىدە ئۇنىڭ ئىسمى بار، ئەگەر ئۇ شۇ يارلىنىشتىن خالى بولغان بولسا يەنە قانچىلىك رىكورتلار بارلىققا كەلگەن بولار ئىدى.

چېكىنىش ئالدىدا ئۇ مۇنداق دەيدۇ: مىنىڭ يەنە داۋاملاشتۇرغۇم بار، لېكىن كۈچۈمنىڭ يۈرۈكۈمگە بويسۇنمايدىغانلىقىنى ھېس قىلدىم. سىتاستىكىلارغا ئاساسلانغاندا ئۇنىڭ 18 يىللىق پۇتبول ھاياتىنىڭ 6 يىلى يارلىنىش بىلەن ئۆتۈپ كەتكەن، شۇڭلاشقا تاراتقۇلارمۇ ئۇنىڭ پۇتىدا ئىلگىركىگە ئوخشاش مۇكەممەل بىر مۇسكۇل قالمىغان دېيىشكەن.

رونالدو لۇيىس نازالىئو دالىما مانا بۇ ئۇنىڭ تولۇق ئىسمى، دۇنيانى قايىل قىلغان بۇ توپچىغا كىشىلەر ئاللىقاچان تاشقى پىلانت ئادىمى دەپ ناممۇ بېرىپ بولغان.

ئەگەر سىزنىڭ كۆڭلىڭىزدىكى رونالدو چوڭ رونالدو بولسا ئۇنداقتا سىز بالىڭىزغا: ئۇ بولسا مەن سېنىڭ ئاپاڭنى ياخشى كۆرۈشتىن بۇرۇن ياخشى كۆرگەن چولپان، لېكىن 2011- يىلىدىكى ئاشىقلار بايرىمىدا ئايرىلىپ كەتتۇق دېيىشىڭىز مۇمكىن.

مىسسى: ئۇ مىنىڭ ياخشى دوستۇم ۋە ئۇستازىم، ئۇ مىنىڭ ئاتامغا بەكرەك ئوخشايدۇ.

ھەر قانداق ئادەمنىڭ ئۆزىگە تۇشلۇق خۇشاللىقى بولىدۇ، لېكىن ئۇنىڭ خۇشاللىقىغا ھەمىشە سىزمۇ ھەمدەم بولىسىز.

ئۇ ئۆزىنىڭ سىھرىگەردەك تالانتى ۋە مەپتۇن قىلغۇدەك كۈلكىسى بىلەن پۈتۈن دۇنيادىكى توپ مەستانىلىرىنىڭ ياقتۇرىشىغا ئېرىشكەن، شۇنداقلا پۇتبول دۇنياسىدىكى چېچەن دەپ نام ئالغان.

ئۇنىڭ پۇتبول مەيدانىدىكى نەپىس چىرايلىق ھەركەتلىرى شۇنداقلا رونالدو ئىسمى مەستانىلەرنى رونالدو رىۋايىتىنىڭ داۋاملىشىدىغانلىقىدىن خۇشال قىلغان ئىدى.

بۇ تالانت ئىگىسى بەك كېلىشكەن ئەمەس، لېكىن چېچەنلىكتە ھەممىدىن قالتسى، ئۇنىڭ پۇتبولغا بولغان تەسەۋۋرۇر كۈچى ئەمىلىيەتتىن ھالقىپ كەتكەن، چېكى يوق ئىدى.

ئۇ بولسا شان شەرەپلەرنى يېغىۋالغۇچى، مەيلى دۇنيا لوڭقسى بولسۇن، دۇنيا پۇتبول ئەپەندىسى بولسۇن ۋە ياكى ياۋرۇپا ئالتۇن توپ مۇكاپاتى بولسۇن ھەممىسى ئۇنىڭ قولىدا ئىدى.

نۆۋەتتە ئۇ 35 ياشقا كىرىپ قالغان بولسىمۇ يەنىلا چىملىقتا چېپىپ يۈرمەكتە، ئۇ چېكىنىشنى رەت قىلدى، چۈنكى ئۇ پۇتبولنى ياخشى كۆرەتتى.

رونالدو دى ئاسىس مورىرا مانا بۇ ئۇنىڭ تولۇق ئىسمى، ئۇنىڭ تونۇش سىماسى، ئەچىللىك بىلەن ئادەمدىن ئۆتۈشلىرى ئاللىقاچان توپ مەستانىلىرىنىڭ گۈزەل ئەسلىمىسىگە ئايلانغان ئىدى.

ئەگەر سىزنىڭ نەزىرىڭىزدىكى رونالدو كىچىك رونالدو بولسا ئۇنداقتا سىز بالىڭىزغا مۇنداق دەيسىز: ئۇ بولسا مىنڭ پۇتبولدىن خۇشاللىق تېپىشىمغا سەۋەپچى بولغان چولپان، لېكىن تۇيۇقسىزلا كۆز ئالدىمدىن غايىپ بولدى، ھەتتا خەيىر خوش دىيىشكىمۇ ئۈلگۈرمىگەن ئىدى.

قىزىل ئالۋاستىلارنىڭ داڭلىق مەشقاۋۇلى فورگوسىن ئىلگىرى مۇنداق دىگەن: ئۇ بولسا مەن قوشىۋالغان توپچىلارنىڭ ئىچىدىكى ئەڭ قالتىس بىرى، ئۇ ھازىر دۇنيادىكى ئەڭ قالتىس توپچىغا ئايلاندى.

گەرچە فورگوسىننىڭ ئۇنىڭغا بەرگەن باھىسى شۇنچە يۇقىرى بولسىمۇ، لېكىن ئۇ يەنىلا باشقا بىر توپچى بىلەن سېلىشتۇرىلىشتىن قۇتۇلالمايۋاتتى.

بىلىپ بىلمەي ئۇ نۇرغۇنلىغان رىكورتلارنىڭ ئەڭ ئۈستىدە ئولتۇردى، ئالتۇن توپ سانى جەھەتتە چوڭ رونالدو ۋە كىچىك رونالدو ئالغان ئالتۇن توپنىڭ يېغىندىسىغا تەڭ بولدى.

ئۇ ئۆزىنىڭ تېخنكىسى ۋە تىرىشچانلىقى بىلەن دۇنيادىكى كۆپلىگەن مەستانىلەرنى قايىل قىلدى، لېكىن مىجەز خارەكتىرى ۋە بارسىلونانىڭ قان رەقبى بولغان مادرىد كوماندىسىدا توپ تېپىش سەۋەبى بىلەن بەزەن مەستانىلەر قايىل ئەمەس ئىدى.

ئۇنىڭ توپ ئۇرۇش ئۈنىمى قالتىس بولۇپ، تۆت قېتىم ياۋرۇپا ئالتۇن بوتىس مۇكاپاتىغا ئېرىشكەن، يەنە كوماندىغا باشلامچى بولۇپ داۋاملىق ئالغا ئىلگىرلەۋاتىدۇ.

ئۇ يېڭىلگەنگە قەتئى تەن بەرمەيدۇ، ئۇنىڭ ئىسپاتلىماقچى بولغىنى بولسا : مەيداندا جەڭ قىلىپ ئۆلۈشكە رازىكى تەسلىم بولۇشقا بولمايدۇ .

كىرىستىيانو رونالدو مانا بۇ ئۇنىڭ ئىسمى، ئۇنىڭ داۋاملىق بوشاشماسلىق روھى، كوماندىغا يىتەكچىلىق قىلىشى مەستانىلەرنىڭ ھۆرمىتى قوزغۇغان.

ئەگەر سىزنىڭ قەلبىڭىزدىكى رونالدو كىرىستىيانو رونالدو بولسا ئۇنداقتا سىز بالىڭىزغا مۇنداق دەيسىز: ئۇ ماڭا چىدامچانلىق ۋە باش ئەگمەسلىكنى ئۆگەتكەن بىر توپچى، شۇنداقلا مەن رەھمەت ئېيتىشقا تېگىشلىك توپچى .

ئۈچ رونالدو پۇتبول دۇنياسىنىڭ پەخرى، چوڭ رونالدودا تۇغما تالانت بار، كىچىك رونالدودا چېچەنلىك بار، كىرىستىيانو رونالدودا تىرىشچانلىق بار .

ھازىر پۇتبول دۇنياسىدا  چوڭ رونالدونىڭ رىۋايىتى، كىچىك رونالدونىڭ ئىزلىرى قالغان بولۇپ رونالدو رىۋايىتىنى داۋاملاشتۇرۇشقا پەقەت كىرىستىنيانو رونالدولا قالغان بولۇپ ئۇ داۋاملىق تىرىشىۋاتىدۇ.

چوڭ رونالدونىڭ تۇغما تالانتى ئاللىقاچان سىمىز بەدىنىگە سىڭىپ كەتكەن بولۇپ، قايتا كۆرگىلى بولمايتتى.

كىچىك رونالدونىڭ چىچەنلىكىمۇ ھاراق بەزمە شارابلار بىلەن بىللە تۈگەپ كەتكەن ئىدى.

كىرىستىيانو رونالدونىڭ تىرىشچانلىقىمۇ يېشىنىڭ چوڭىيىشى بىلەن بارغانسىرى ئاجىزلاۋاتاتتى، بۇنىڭدىن كېيىن كىم رونالدو رىۋايتىنى داۋاملاشتۇرىدۇ؟

ئەگەر، ئەگەر ھە كىچىك رونالدودا كىرىستىيانو رونالدونىڭ يېرىمىچىلىك تىرىشچانلىق بولغان بولسا.

يەنە ئەگەر كىرىستىيانو رونالدودا چوڭ رونالدودىكى تۇغما تالانتنىڭ يېرىمى بولغان بولسا ئۇنداقتا قانداق بولار ئىدى؟ يەنە كەلگۈسىدىكى مەلۇم بىر كۈندە رونالدودىن يەنە بىرى پەيدا بولۇپ، تۇغما تالانت، چېچەنلىك ۋە تىرىشچانلىق مۇجەسسەملەنگەن بولسا ئۇنداقتا قانداق بولۇپ كىتەر

ئەلۋەتتە بۇ پەقەت بىر پەرەز خالاس، مۇكەممەل ئادەم بولمايدۇ، لېكىن بۇ ئۈچ رونالدو ئۆتۈپ كەتكەن 20 يىلدا بىز مەستانىلەرگە ئۇنتۇلمىغۇدەك ئېسىل سوۋغاتلارنى ۋە ئەسلىمىلەرنى قالدۇردى.

نۆۋەتتە كىرىستىيانو رونالدو ئۆزىنىڭ تۆتىنچى قېتىملىق ئالتۇن توپى ئۈچۈن تىرىشىۋاتىدۇ، ئۇ ئۆزى ئۈچۈنلا تىرىشمايدۇ يەنە رونالدو دىگەن رىۋايەتلىك ئىسىم ئۈچۈن تىرىشىدۇ.

ئەڭ ئاخىرىدا مەن رونالدونىڭ كېينكى ئىشلىرىنىڭ ئوڭۇشلۇق بولىشىنى شۇنداقلا رونالدو رىۋايتىنى داۋاملاشتۇرىدىغان يەنە بىر رونالدونىڭ چىقىشىنى ئۈمۈد قىلىمەن.

بەلكىم سىز بۇتبولنى ياخشى كۆرمەسلىكىڭىز مۇمكىن.        
بەلكىم سىز يىرىم كىچىلەردە تىلىۋوزور ئالدىدا ئولتۇرۇشقا ئادەتلەنمىگەن بولىشىڭىز مۇمكىن-پەقەتلا بىر مەيدان مۇسابىقە كۆرۇش ئۈچۈن     
بەلكىم سىز يىشىل مەيداندىكى ئۇ خىل قايناق ھىسىيات،ئالقىش ساداسىنى چۈشەنمەسلىكىڭىز مۇمكىن.     
بەلكىم سىز بۇ خىل تەنھەركەتنىڭ دۇنياغا كىلىشى بىلەنلا كىشىلەرنىڭ ئىتراپ قېلىشىغا ئېرىشكەنلىكىنى بىلمەسلىكىڭىز مۇمكىن .                              
يۈز نەچچە يىلدىن بۇيان بۇ ئەسىر گۇۋاھچىسى مىليۇنلىغان كىشىلەرنىڭ نۇرغۇنلىغان خۇشاللىق ۋە قايغۇلىرىغا گۇۋاھ بولۇپ كەلمەكتە،  مۇنداق بىر سۆزنى ئاڭلىمىغان بولىشىڭىز مۇمكىن- دۇنيادا پەقەت ئىككى خىللا ئورتاق تىل بار بولۇپ مۇزىكا ۋە پۇتبولدىن ئىبارەت،  ئالدىنقىسىغا نەچچەمىڭ يىل بولدى، كەينىدىكىسىگە بولسا يۈز يىلدىن ئاشتى.   
بەلكىم سىز يىشىل مەيداندا بىر مەيدان مۇسابىقە كۆرۈشكە نائېل بولالىسىڭىز  11ئادەمنىڭ مەيداندىكى ماسلىشىشىنى،105مىتىر ئارلىقتىكى قايتىلانغان يۇگرەشلەرنى،ۋارتاغا تىپىلگەن ۋە ئالداپ ئۆتۈلگەن ئېسىل كۆرۇنۈشلەرنى كۆرسىڭىز نىمە ئۈچۈن سانسىزلىغان ئادەمنىڭ پۇتبولغا مەستانە بولغانلىقنى چۈشىنىسىز ۋە بۇ سەنئەت تەنتەربىيىسىنى تەبئىيلا ياخشى كۆرۈپ قالىسىز.  
پۇتبول ھىچقانداق ئەمەس،پەقەت ھەر قانداق دۆلەتتە بۇ تەنھەركەت تۈرى بار
پۇتبول ھىچقانداق ئەمەس،پەقەتلا  ئىتالىيە، گىرمانىيە،ئىنگىلانت،ئىسپانىيە،فىرانسىيە ..... قاتارلىق يۈزدىن ئارتۇق بىرلەشمىسى بار تەنھەركەت تۈرىدىن ئىبارەت.                                    
پۇتبول ھىچقانداق ئەمەس،پەقەتلا  دۇنيا لوڭقىسى ھەل قىلغۇچ مۇسابىقىسىنىڭ كۆرۈلۈش نىسبىتى ئولىمپىك يىغىنى ئىچىلىش مۇرىسىمى كۆرۇلۇش نىسبىتىنىڭ ئۈچ ھەسسىگىلا باراۋەر.   
پۇتبول ھىچقانداق ئەمەس،پەقەتلا  دۇنيا لوڭقىسى،ياۋروپا  لوڭقىسى، جەنۇبى ئامرىكا لوڭقىسى، ئاسىيا  لوڭقىسى، ئافرىقا  لوڭقىسى .....قاتارلىق تۈرلىرى بار.   
پۇتبول ھىچقاندا ئەمەس،پەقەتلا  دۇنيادىكى كۆرۈش سۇپىسى 200مىڭ كىشلىك ئەڭ چوڭ مەيدان پۇتبول مەيدانىدىنلا ئىبارەت         
پۇتبول ھىچقانداق ئەمەس،پەقەتلا  تۆت چوڭ بىرلەشمىنىڭ مەيداندىكى كۆرۈلۈشى40مىڭ-50مىڭ ئەتراپىدا بولۇپ بىرەر تال بىلەتكە ئىرىشىش شۇنداق تەسلا بىر تەنھەركەت.     
پۇتبول ھىچقانداق ئەمەس،پەقەتلا 2002يىللىق دۇنيا لوڭقىسى مۇسابىقىسىدە بىر مىليون كورىيە پۇتبول مەستانىللىرى بىلەت ئالالماسلىق سەۋەپلىك ئورتاق خەلىق مەيدانىغا يىغىلىپ بىرلىكتە مۇسابىقىنى ئىكراندىن كۆرگەندىنلا ئىبارەت.                     
پۇتبول ھىچقانداق ئەمەس،پەقەتلا  پۈتۈن دۇنيادامارادونانى بىلىدىغانلار ئامرىكا  زۇڭتۇڭىنى بىلىدىغانلاردىن ئارتۇق،     
پۇتبول ھىچقانداق ئەمەس،پەقەتلا  خان مادىرىت بىلەن بارسىلونا كۇلۇبىنىڭ ئومۇمى قىممىتى 35مىليارىد خەلىق پۇلىدىن ئارتۇقراق      
پۇتبول ھىچقانداق ئەمەس،پەقەتلا پۇتبولغا بولغان ئىشتىياقىمىزنىڭ ھەممە ئۈستىدىن غالىپ كەلگەنلىكىدىنلا ئىبارەت خالاس.   
بۇ يەردە مىنىڭ باشقا توپ تۈرىنى پۇتبولغا سىلىشتۇرغۇم يوق( سىلىشتۇرۇش مۇمكىن ئەمەس)بىزنىڭ پۇتبولىمىز بىزنىڭ قەلبىمىزدە ئەڭ گۈزەل،ئەڭ ئۇلۇغ، بىزگە ئەڭ زور كۈچ بىغىشلىيالايدۇ، باشقا ھىچ قانداق نەرسە بىلەن سىلىشتۇرۇش مۇمكىن ئەمەس، بۇتبولغا بولغان چۇڭقۇر مۇھەببىتىمىزنى چۇشەندۈرۈشكە ئامالىمىز يوق.                                 

بەلكىم پۇتبول تىلغا ئىلىنغاندا ئالدى بولۇپ خان-مادىرىت، مىلان، مانچىستىر........  بىكخام، رونالدو، كاكا، كىرىستىيانو رونالدو، مىسسى، ....قاتارلىقلار  كۆز ئالدىڭىزغا كىلىشى مۇمكىن خۇددى دۇنيا لوڭقىسى دىسە بىرازىلىيە كۆز ئالدىمىزغا كەلگەندەك، بۇلار بىر قىسمى خالاس . سىز مارادونانىڭ5 ئادەمدىن قانداق ئۆتكەنلىكىنى، زىداننىنىڭ مارسىل پىقىرىشىنى، زانىتتىنىڭ بىر كۇلۇپ ئۈچۇن قانچىلىك سادىق ئىكەنلىكىنى، بادىستۇتانىڭ ھەسرەتلىك كۆز ياشلىرىنى بىلەمسىز ؟ كۆرگەنمىدىڭىز؟بۇلار پەقەتلا بىر قىسمى خالاس   
                              
نەزەر  -دائېرىمىزنى كەڭ تۇتۇپ ھەر-بىر پۇتبول تەنھەركەتچىسىگە ئىھتىرام بىلدۇرەيلى ،    بىزنىڭ نەزىرىمىزدە پۇتبولنى ھەقىقى ئەركەكلەر ئوينايدۇ(ھەقىقى ئەركەك مەستانىلەر پۇتبول مەستانىسىدۇر) ئۇلار پۈتۈن دۇنيادىكى ئەڭ باتۇر ئەڭ قەيسەر كىشىلەردۇر،ئۇلاردا پۇلاتتەك ئىرادە تىز پۇكمەس روھ بولىدۇ.ئۇلار ئۇتتۇرغانغا  ئەزەلدىن تەن بەرگەن ئەمەس سەۋەبى بولسا پۇتبولنىڭ سىھرى- كۈچى ئۇلارنى ھەر ۋاقىت ئۈندەپ تۇرىدۇ.    بىزنىڭ قەلبىمىزگە پۇتبول ئىشتىياقى سالغان، بىزگە ئىسىل كۆرۈنۈش ئاتا قىپ كىلىۋاتقان پۇتبولچىلارغا ھۆرمىتىمىزنى بىلدۈرىمىز

orkax1208

تېما ئىگىسىگە رەخمەت. بەك رەتلىك چىقىپتۇ......ئالغا كىرىستىيانۇ رۇنالدۇ... سىنىڭ رۇنالدۇ تارىخىڭ يەنە داۋاملىق يىزىلغۇسى...

مەشھەر

س رونالدو راستىنلا تىرىشچان پۇتبولچىلارنىڭ  نامايەندىسى.

تېۋىلغا

ئېسىل ،نادىر تېما ،

بارسېلونا-

بودەككە ھېچقايسىسىنى تەڭ قىلمايمەن،

nayil

بودەك رونالدونىڭ ئورنىنى باسقۇدەك ھۇجۇمچى تېخى چىققىنى يوق . بۇ ئۈچىنى سېلىشتۇرۇش تازىمۇ بىمەنىلىك بولسا كېرەك . چۈنكى بۇلارنىڭ ھەممىسى رونالدونىڭ قولىغا سۇ قۇيۇپ بېرەلمەيدۇ ...  تاشقى پىلانت ئادىمى رونالدو يەنىلا ئەڭ قالتىسى .....

ئوتقاش

ھەي ئاشۇ ۋاقىتلار كەلمەسكە كەتتى، تاشقى پىلانت ئادىمى، ئۈچۈنچى ئەۋلات پۇتبول شاھى

سايرام22

قالتىس يېزىپسىز   مەن تېخى ئ‍ىسىمسىز   يازدىمىكى دىسەم سەنسىز يېزىپتۇ يەنەبىر نادىر تېما يېزىپسىز

wali999

ئىسىل ،ئىسىل،ئىسىل.بۇتوپچىلارغا ھەرقانداق بىركۇلۇپ مەستانىسى قايىل بولماي تۇرالمايدۇ،

ھۇررا

سىزگە  كۆپ  رەھمەت ،  ھەقىقەتەن كۆپ رەھمەت ،  بەك  ئ‍ىسىل تىما بوپتۇ ،

ماكانىم

بۇ ئۈچىدىن كىرىستىيانونى ئەڭ ياقتۇرىمەن، رونالدىنغوغا ئەڭ قايىل

yuksaki

ناھايىتى ياخشى يېزىپسىز، قولىڭىزغا دەرت كەلمىسۇن. ئۈچىلا رونالدو ئۆز دەۋرىنىڭ رىۋايەتلىرىنى ياراتقۇچىلاردىن ئىبارەت. ھەممىسىلا بىر بىرىدىن قالتىس توپچىلار!!!