ھەر خىل تىپتىكى تىرنىرلار ۋە ئۇلارنىڭ ئالاھىدىلىگى

exaniq

بىز ھەر يىلى نۇرغۇنلىغان تىرنىرلارنىڭ ئىشتىن چۇشۇش خەۋىرىنى ئاڭلاپ تۇرمىز ،مەيلى داڭلىقلىرى بولسۇن ياكى نامى چىقمىغانلىرى بولسۇن،كوماندا نەتىجىگە ئىرشەلمىدىمۇ بولدى،ئىشتىن چۇشۇش خەۋەرلىرى مۇددەتتىن بۇرۇن تور يۇزىنى قاپلايدۇ ،ئۇنداقتا زادى تىرنىرلار قانچە خىل تىرنىرلار بار ،بىرىنى ئىشتى چۇشۇرۇپ يەنەبىرىنى تەكلىپ قىلىش زادى تىرنىرنىڭ ئۇسلۇبىدىكى گەپمۇ ياكى خاراكتىردىكىمۇ ؟ بىز بەزىدە تىرنىرلارنى سىلىشتۇرۇپ باقىمىز،ئەمىلىيەتتە ئۇسلۇبى ئوخشىمايدىغان تىرنىرلارنى سىلىشتۇرۇشمۇ بىر ئەخمىقانىلىكمىكىن دەيمەن،شۇڭلاشقا بۇ ھەقتە ئىزدەنگەنلىرىمنى مۇنبەرگە سۇندۇم قىنى بىرلىكتە مۇلاھىزە قىلىپ باقايلى!
بۇ تىمىدا داڭلىقلاردىن ، گۇۋادىئاۋلا ئەنچىلوتى،ۋىنگىر،بىنتىز ...قاتارلىقلارنىڭ ئىسمى تىلغا ئىلىنمىدى،ئۇلارنىڭ مولاھىزىسى مۇنبەردىكىلەرگە قالدى.
1-        شاھزادە تىپىدىكى تىرنىر

ئىسمىدىنلا چىقىپ تۇرىدۇ بۇنداق تىرنىرلار شاھزادىگە خاس سالاپەت بىلەن ئوتتۇرغا چىقىدۇ،مەيلى كىم بولىشىدىن قەتتىنەزەر ئۇنڭغا قارشى چىقىشقا پىتىنالمايدۇ،يۇكسەك دەرىجىدىكى ھوقۇق بىلەن دىگىنىنى ئەمەلگە ئاشۇرىدۇ،ئۇنىڭ مەيلى خاتا –ياكى توغرا بولسۇن،ھىچكىم قارشى چىقىشقا پىتىنالمايدۇ ،ئۇنىڭ قارارى قانداق بولىشىىدىن قەتتىنەزەر توپچىلار ئۇنىڭغا شەرىتسىز بويسۇنىشى كىرەك،بۇنداق تىرنىرلار مۇتلەق نوپۇزىغا تاينىپ توپچىلارنى باشقۇرىدۇ ۋە بىرلىككە كەلتۇرىدۇ.
فورگىسىننىڭ توپچىلىق ھاياتى ئانچە ئوتۇقلۇق بولغان ئەمەس، بىراق تىرنىرلىقتا ئۇ ئۆز ئۇسۇلىنى قالدۇرۇپ قويدى،ئۇ مانچىستىر بىرلەشمىسىدە تىرنىرلىق قىلىپ ئۆزىنىڭ ئۆتكۇز ۋە جەسۇر بولۇش،مەردانىلىقىغا تاينىپ ئۆچمەس ئۇتۇقلارغا ئىرىشتى،ئەلۋەتتە ئۆزىگە قارشى چىققانلارنى رەھىمسىزلىك بىلەن باستۇرۇشتا چىڭ تۇردى،ئۇ مانچىستىرنىڭ 92-يىللىق ئوقۇغۇچىللىرىغا تاينىپ ئىنگىلاد بىرلەشمىسىنى بويسۇندۇرۇپ كەلدى،قاپ يۇرەكلىكتە ئۇچىغا چىققان بولۇپ،كىمىكى قارشى چىقىشقا پىتىنىدىكەن قىلچە يۇز خاتىرە قىلمىدى،بىكخام بۇنىڭ تىپىك مىسالى بولالايدۇ،ئۇ توپ كۇماندىسىدا خالىغان بىرىنى باش قىلىپ تەيىنلەيدۇ،ئۇ ئۆلسىمۇ ئۇنىڭغا ئەگىشىپ بارىدۇ،خوددى پادىشاھلار بۇيرۇق چۇشۇرسە  ۋەزىرلەر جاكارلىغانغا ئوخشاش.
ھەممە ئىش ئۇنىڭ كونتىروللىقىدا بولۇپ كەلدى،توپچىلار ھەتتا ئاخبارات ۋاستىللىرىغا گەپ قىلغاندا ئۇنىڭ دىگىنى بۇيچە قىلىدۇ،بولمىسا بىلمەيدىكەنمەن دەپلا جاۋاپ بىرىدۇ،مەيلى قايسى بىرلەشمىدىن كەلگەن قانداق چولپان بولىشىدىن قەتتىنەزەر ئۇنىڭ ئۇسلۇبى،پۇتبول نەزىرىيەسى ۋە تاكتىكىسى بۇيچە ئىش قىلىشى كىرەك،ئۇنىڭ نەزىريەسىگە ۋارىسلىق قىلىشى كىرەك بولمايدىكەن،دەرھال ئورۇننى بىكارلىشى كىرەك.
بۇ خىل ئۇسلۇپتىكى تىرنىرلىقنىڭ ئەۋزەللىگى شۇكى:تىرنىر مۇتلەق ئۇستۇن ئورۇندا بولۇپ ،كوماندىنى ئۇزاق يىتەكلەشكە پەيدىلىق ،كوماندا ئىچىدە ھەر قانداق بىر گورۇھۋازلىق بىردەك قارشى ئىلىنمايدىغان بولغاچقا توپچىلار بىر نىيەت-بىر مەخسەتتە توپ تىپىدۇ،توپچىلارنىڭ تىرنىرنى ئاغدۇرۋىتىشى ئەسلا مومكىن بولمايدۇ، ئۇزاق مەزگىللىك موقۇملۇققا ئۇل سالغىلى بولىدۇ،مانچىستىرنىڭ قولغا كەلتۇرگەن نەتىجىللىرىدىن شۇنى كۆرۋىلىشقا بولىدۇكى،ئۇلارنىڭ ھەر قانداق چىمپىيۇنلىققا خىرىس قىلغۇدەك كۈچى بولىدۇ.
كەمچىللىگى: بەكلا قاتتىق قول بولغاچقا ئاسانلا ئىچكى تاشقى دۇشمەن پەيدا قىلىپ قويۇش ئىھتىماللىقى بولىدۇ،توپچىلارنىڭ ھەر قانچە نارازىلىقى بولسىمۇ ئىيتىشقا جۇرئەت قىلالمايدۇ ،ۋاقىتنىڭ ئۆتىشىگە ئەگىشىپ،تاكتىكا ئىجرا قىلىشتا مەسئولىيەتسىزلىك كۆرۇلىشى مومكىن،پىكىر ھەر قانچە توغرا بولسىمۇ قوبۇل قىلىنمىسا زىدىيەت كۆرۇلىدۇ، نەتىجە توپچىنىڭ كوماندىدىن كىتىشىنى ،ياكى ھەيدىلىشىنى كەلتۇرۇپ چىقىرىدۇ،ئۆزىنىڭ ئويناش ئۇسلۇبىدا چىڭ تۇرغاچقا ،توپچىلار ئارسىدا زەنجىرسىمان ئىنكاس پەيدا قىلىدۇ،بۇ خىل كەيپىيات ئۇزاققا سوزۇلسا بىر مەزگىللىك نەتىجىسىز قىلىشنى كەلتۇرۇپ چىقىردۇ، زىدىيەت ئولغايسا تىرنىر ئالماشتۇرۇشقا توغرا كىلىدۇ،ئەمما يىڭى تىرنىرنىڭ بۇ خىل تىرنىرنىڭ قول ئاستىدىكىللىرىنى بىرلىككە كەلتۇرۇشكە ئۇزاق جەريان كىتىدۇ.
2-        ئائىلە باشلىقى ئۇسلۇبىدىكى تىرنىر

بۇ خىل تىرنىرلار ئۆزىئائىلە باشلىقىلىق رولىنى ئىلىپ ،كوماندىدىكى توپچىلارنى باللىرىدەك كۇرىدۇ،بۇخىل تىرنىرلارنىڭ قول ئاستىدىكى توپچىلارنىڭ ئىپادىسى بىر قەدەر ياخشى ھەم ئۇزۇن مەزگىللىك بولىدۇ،بۇ خىل تىرنىرلار ئىچ مىجەزلىك بولۇپ ،ئىش قىلغاندا سىلىق سىپايە بولىدۇ،توپچىلار ئارسىدا تەبئى شەكىللەنگەن ئابرۇيى ۋە نوپۇزى بولىدۇ،كوماندىنى ناھايىتىمۇ سەۋىرچانلىق بىلەن باشقۇرىدۇ،توپچى ئىشلىتىشتىمۇ ناھايتى سەۋىرچان بولىدۇ.
ھايكىنىس دەل موشۇنداق تىپتىكى تىرنىر بولۇپ ئۇنىڭ قول ئاستىدىكى توپچىلار ئارسىدا ئاساسەن دىگۇدەك زىدىيەت كۆرۇلمىگەن،ئۇنداقلا ئۆز ئابرۇيىغا تاينىپ سەۋىرچانلىق بىلەن نەسىھەت قىلىش ئارقىلىق توپچىلارنى قايىل قىلىدۇ،ھەرگىزمۇ شاھزادىلەردەك بۇيرۇقۋازلىق قىلمايدۇ،كوماندىدا مەلۇم بىرسىنى يولباشچى قىلىۋالمايدۇ،بەلكى پۇتۇن كوللىكتىپقا تاينىپ نەتىجە قازىنىدۇ،قايسى بىر بالا ئاتا-ئانىغا ئامراق بولمايدۇ، قايسى بىر ئاتا-ئانا باللىرىنى باشقۇرمايدۇ،بىراق پادىشاھچە باشقۇرغان بىلەن بۇنىڭ ئوتتۇرسىدا پەرىق بار،شۇڭا ئۇ باشقۇرغان كوماندىدا ئىچكى نىزا كۆرۇلمىگەن،ئەترەت ئەزالىرى گەپكە كىرمىسە ئۇمۇ باشقۇرۇپ بىر تەرەپ قىلىدۇ،بىراق بىر تەرەپ قىلىش قاتتىق بولغاندىمۇ،توپچىلارنىڭ نارازىلىقى ئازراق بولىدۇ،ئەگەر ئۇنداقبولمىغاندا ئاخبارات ۋاستىللىرى كۆپتۇرۇپ خەۋەر بىرىپ بولار ئىدى.
ئۇنىڭ كۇلۇپقا قويغان تەلىۋىمۇ ئانچە يۇقىرى ئەمەس،چىكىدىن ئاشقان تەلىۋىمۇ يوق،ھەممە ئىشنى مۇرەسسە ۋە مادار قىلىش ئارقىلىق ھەل قىلىشقا تىرىشىدۇ.
بۇ خىل ئۇسلۇپتىكى تىرنىرلىقنىڭ ئەۋزەللىگى شۇكى ئۇلار ئوت ئۆچۇرۇشكە تولىمۇ ماس كىلىدۇ،مەلۇم كوماندىدا مالىمانچىلىق چىقسا،ئىقتىسادى كىرزىس،ئىشەنىچ كىرزىسى،ئىچكى نىزا پەيدا بولسا بۇ خىل تىرنىرلار ئۆزىنىڭ نوپۇزى ۋە ئابرويىغا تاينىپ،كوماندىنى تىنجىتىپ،ئاندىن كوماندىنى قايتىدىن رەتلەپ چىقىدۇ ۋە ئەسلىگە كەلتۇرىدۇ،بۇنىڭدا كوماندا قايتىدىن كۈچلىنىپلا قالماي ،توپچىلارنىڭ بىسىمىمۇ بىر قەدەر يەڭگىللەيدۇ،بۇنداق كۇماندىدا ئىشنى ئاقسىتىش،جان قايغۇسىدا توپ تىپىش،بۇشاڭلىق قىلىش ئەھۋاللىرى ئاز كۆرىلىدۇ،شەكىلۋازلىق ۋە شەخسى قەھرىمانلىقى قىلىش قىلمىشلىرىمۇ ئاز سادىر بولىدۇ،ھوجۇم بىلەن موداپىيە تەڭپۇڭلاشتۇرۇلىدۇ، سەللە كۈچىسە كوماندىنىڭ ئوت كۈچى تىخىمۇ ئاشىدۇ،توپچى ئالماشتۇرۇشقا توغرا كەلسىمۇ ئورنى بىر قەدەر ئاجىز ئورۇنغا توپچى ئالماشتۇرىدۇ، كوماندا تەڭپۇڭلىقى ئىشقا ئاشقان بولىدۇ.
بۇ خىل ئۇسلۇپتىكى تىرنىرلارنىڭ كەمچىللىگى شۇكى ئۇلار بىر قەدەر موتەسسىپ كىلىدۇ،بارسا بىلەن 7-0 ئۇينىغان مۇسابىقىدىمۇ موتەسسىپلىك كۇرۇلدىمۇ ؟ ئەلۋەتتە 2-0 بولغاندىن كىيىنلا ئادەم ئالماشتۇردى،ئۇنداقلا ئۆزىنىڭ تۇيۇقسىزلا بوغۇزلىنىپ كىتىشىدىن ئەنسىرەيدۇ،بولۇپمۇ كۈچلۇك كوماندىغا دۈچ كەلگەندە تىخىمۇ شۇنداق،بۇ خىل ئۇسۇل ئارقىلىق نەتىجىنى چەكلەشكە ئۇرىنىدۇ،بۇنداق كوماندىنىڭ مۇسابىقە رىتىمىغا كىرىشىگە ئۇزۇنراق جەريان كىتىدۇ،ئەلۋەتتە توپ مەستانىللىرى شىددەتلىك جەڭنى خالايدۇ،يەنە بىرى كوماندىدا يادرولىق ئەزا،دەرىجىدىن تاشقىرى چولپان مەۋجۇت بولمايدۇ،شۇنداقكەن كۇلۇپنىڭ نەتىجىسى ياخشى بولغان بىلەنمۇ ياراتقان ئىقتىسادى قىممىتى يۇقىرى بولمايدۇ، بۇنداق تىرنىرلار مادىرىدتەك كوماندىلارغا ماس كەلمەيدۇ،بۇ خىل تىرنىرلار كۆپرەك كۇلۇپنىڭ يۇكسەك دەرىجىدە قوللىشىغا موھتاج بولىدۇ.
3-دىرىكتۇر ئۇسلۇبىدىكى تىرنىر

بۇ خىل تىرنىرلاردا دىرىكتۇرلارغا خاس ئۇسلۇپ بولىدۇ،مەنپەئەت بىرلىگى ئاسادىدا كوماندا باشقۇرىدۇ، كۇماندىنىڭ باشقۇرۇش تەرتىۋى ئىنتايىن كۈچلۇك ،باشقۇرغۇچىلار بىلەن ماسلىشىشىمۇ ئىنتايىن ياخشى بولىدۇ،قايسى ئورۇنغا ئۆزگەرتىش لازىم بولسا شۇ ئورۇننى ئۆزگەرتىدۇ، نىمىنى قىلىشنى خالىسا شۇنى قىلىدۇ،ئىقىپ يۇرگەن گەپلەرگە قولاق سىلىپ يۇرمەيدۇ،ئۇنۇمنىڭ قانداق بولىشىدىن قەتتىنەزەر، توپنى قانداق تپىش كىرەك بولسا شۇنداق تىپىشكە بۇيرىيدۇ،كۇماندىنىڭ نەتىجىسى بىلەن بىرگە كۇماندىغا پۇل تىپپىپ بىرىشنى تەڭ ئويلىشىدۇ،توپچىلارنى باشقۇرۇشتا كۇلۇپ بەرگەن نوپۇز ۋە ھوقۇقتىن تولۇق پايدىلىنىدۇ.
مورىنئۇ دەل شۇنداق تىپتىكى تىرنىر، نىمىشقا مورىنئۇنى دىرىكتۇر تىپىدىكى تىرنىر دەيمىز،دىرىكتۇرنىڭ مەخسىدى شىركەتنىڭ قوشۇلماقىممىتىنى ئاشۇرۇش،ئۇسۇلنىڭ قانداق بولىشىدىن قەتتىنەزەر كوماندا ياخشى نەتىجىگە ئىرىشسىلا بولىدۇ،چېلسى خوجاينى ئابراموۋىچمۇ ئۇنىڭ قانداق قىلىشى بىلەن كارى يوق،پەقەت نەتىجىگىلا كۇڭۇل بۆلىدۇ، مادىرىدمۇ شۇنداق ، ئۇسۇلنىڭ قانداق بولىشى بىلەن ھىساپلىشىپ يۇرمەيدۇ،پەقەت بارسانى مەغلۇپ قىلسىلا بولدى،مورىنئۇنىڭ ئادەم بولۇش پىرىنسى ناھايتىمۇ ئىنىق،نۇرغۇن كىشىلەر  مورىنئۇنىڭ  پىرىنسىپى ئىنىق ئەمەس دەيدۇ، بىراق بۇ توپتىن خاتا،ئۇ مەخسەتكە يىتىش ئۇچۇن ۋاستە تاللاپ ئولتۇرمايدۇ، دەيمەن دىگىنىنى دەيدۇ، قىلىمەن دىگىنىنى قىلىدۇ،كوماندىنى بىر شىركەتنى باشقۇرغاندەك باشقۇرىدۇ،ئىختىسادى ئۇنۇم بىلەن نەتىجىنى تەڭ قوغلىشىدۇ،ئۇنىڭ باشقۇرۇش شەكلى كارخانا باشقۇرۇشقا ئوخشاپ كىتىدۇ، مادىرىدتا كىيىم ئالماشتۇرۇش ئۆيىدە مەسىلە چىقتى،مەسىلىنىڭ نىگىزى كاشىلىياسقا ئارتىلدى،قىز دوستى بىلەن مۇناسىۋەتتە كاشىلىياس بەزى سەۋەنلىكلەرنى ئۆتكۇزدى،ئاخىردا كاشىلىياسنىڭ يارلىنىشى بىلەن كاشىلىياس ئاساسلىق ئورۇندىن ئايرىلدى، ساقايغاندىن كىيىنمۇ ئەسلىگە كەلتۇرمىدى، بۇنى كىشىلەر زىدىيەتتىن كۆردى،ئەمىلىيەتتە ئىش ئۇنداق ئەمەس ،مورىنئۇنىڭ باشقۇرۇش قائىدىسىدىن كىلىپ چىققان ،چۇنكى سىز كارخانىنىڭ موئاۋىن دىرىكتورى يىرىم يىل ئارام ئالسا ،ئورنىغا باشقىنى قويسىز، ئۇ ئىلگىركىدەكلا ياخشى قىلىۋاتقان بولسا ،ساقايغىنىنى كىيىنكىسىگە ئالماشتۇرمايسىز ئەلۋەتتە،چۇنكى كىيىنكىسىمۇ ئالدىنقىسىدىن ياخشى قىلغان تۇرسا.....
بۇ خىل تىرنىرلىقنىڭ ئالاھىدىلىكى شۇكى: كوماندىدا نىشان ئىنىق بولغاچقا ،ھەق ناھەق مەسىلىسىدە چوڭ زىدىيەت كۆرۇلمەيدۇ، نىشان ئالدىن بىكىتىلگەن بولغاچقا توپچىلار شۇ نىشان ئۇچۇنلا خىزمەت قىلىدۇ، بىرلەشمە چىمپىيۇنلىقىنى ئالىمىز دىسە ئالىدۇ، باشقىلارنىڭ نىمە دىيىشى بىلەن كارى يوق ئۆز نىشانى ئۇچۇن ئىلگىرلەيدۇ،غەلبە قىلىش ئۇچۇن توپنى جىق ئۇرمىسىمۇ، بەزىدە تۇگۇلىۋالسىمۇ بولىدۇ، مەخسەت مۇسابىقىدە غەلبە قىلىش،ئامال بار توپچىلارنىڭ ئۆز ئالاھىدىللىكى ۋە كوماندىنىڭ ئەمەلى ئىقتىدارى بۇيچە تاكتىكا تۇزەپ ،نىشانغا ئىلگىرلەيدۇ،كوماندا ئاجىز چاغدىمۇ ،كۈچلۇكلەر ئۇستىدىن غالىپ كىلەلەيدۇ،ئۇنىڭدىن باشقا نەتىجە بىلەن ئىقتىسادى قىممەتنى تەڭ ئورۇنغا قويغاچقا ،كۇلۇپ خوجايىنلىرىنىڭ ياختۇرشىغا ئىرشەلەيدۇ،تىز پۇرسەتتە يۆتكىلىپ تىز ئۇنۇم يارتىش ئىقتىدارىغا ئىگە بولغاچقا ، قىسقا ۋاقىت ئىچىدە ئۇنۇم يارتىشتەك ئەۋزەللىككە ئىگە،بۇنداق نەتىجىلەر بىلەن سىزنىڭ ئىغىز ئىچىشىڭىزغا يوچۇق قالدۇرمايدۇ.
بۇ خىل تىرنىرلىقنىڭ كەمچىللىگى شۇكى: بىر كوماندىنى ئۇزۇن يىل يىتەكلەشكە ماس كەلمەيدۇ،قىسقا ۋاقىت ئىچىدە نەتىجە قوغلاشقان ھەم كوماندىنى ئەپلەپ –سەپلەپ نەتىجە ئىرىشتۇرگەن،ھەم كوماندىغا ئۆز ئۇسلۇبىنى سىڭدۇرۋەتكەن بولغاچقا يىڭى كەلگەن تىرنىر بىلەن كۇلۇپ يۇقىرى قاتلىمىنىڭ ئىددىيە بىرلىكىگە كىلىشى ۋە توپچىلارنىڭ ماسلىشىشى ياخشى بولمايدۇ، بەزى بىر تاكتىكا ئارقىلىق يىپىلىپ كىتىۋاتقان بوشلۇق ،كىيىنچە ئاسانلا ئاشكارلىنىپ قالىدۇ،توپچىلارنىڭ بەرداشلىق بىرىش ئىقتىدارى ۋە ۋەزىپە ئورۇنلاش ئىقتىدارى ئۇزۇنغا قالماي تۇۋەنلەشكە باشلايدۇ،توپ مەستانىلللىرى بىلىدىغان يىڭىش يىڭىلىشتىن باشقا يەنە نۇرغۇن قىلىشقا تىگىشلىك ئىشلار بىزگە نامەلۇم بولغىنىدەك ،بەزى ئىشلار  توپ مەستانىللىرى ۋە ئاخبارات ۋاستىللىرىنى رازى قىلالمايدۇ.
4-چوڭ ئاكا ئۇسلۇبىدىكى تىرنىر

بۇ خىل تىرنىرلارنىڭ توپچىلىق ھاياتى بەكمۇ ئۇتۇغلۇق ئەمەس، يىشىمۇ بەك چوڭ بولمايدۇ،ئادەتتە توپچىلار بىلەن بولغان مۇناسىۋەتتە ،ئىچقويۇن-تاشقۇيۇن بولۇش ئارقىلىق مۇناسىۋەتنى تەڭشەيدۇ،ئانچە كىبىرى بولمايدۇ،كۇماندىنىڭ بىرىكىش كۈچىنى ئاشۇرۇپ شۇ ئارقىلىق كوماندىنى رەتلەيدۇ،توپچىلار بىلەن بولغان مۇناسىۋىتى ياخشى بولىدۇ.
كىلوپ دەل مۇشۇنداق تىپتىكى تىرنىر،ئۇ يىڭىدىن بارلىققا كەلگەن تىرنىرلار تىپى ،ئادەتتە بەك ياش تىرنىر بولسا نەتىجىگە يۇزلىنەلمەيدۇ،ئۇ توپچىلار بىلەن ئاكىلىق موناسىۋەتتە موئامىلە قىلىشىدۇ،ئەلۋەتتە ئۇكىسىمۇ ئاكىسىنىڭ گىپىنى يۇۋاشلىق بىلەن ئاڭلايدۇ،توپچىلار مەغلۇپ بولسا چىرايلىق تەسەللى بىرەلەيدۇ،بۇ خىل مۇناسىۋەت ئەمىلىيەتتە توپچىلار بىلەن تىرنىر ئوتتۇرسىدا كۆۋرىگلىك رول ئوينايدۇ،توپچىلارنىڭ يۇشۇرۇن ئىڭىنى قوزغۇتۇپ مۇسابىقىدە ياخشى نەتىجە ئالىدۇ،توپچىلار مۇسابىقىنى بۇيرۇق بولغاچقىلا ئەمەس ،ئاكىسى ئۇچۇن توپ تىپىش ئۇچۇن ئوينايدۇ،مەغلۇپ بولسىمۇ توپچىلار ئاكىسىنىڭ ئالدىدا ئانچە خىجىللىق ھىس قىلىپ كەتمەيدۇ،بۇنداق مۇناسىۋەت ئاستىدا توپچىلار مۇسابىقىنى بىر خىل تەرەققىسىدە ئويناپ تۇگۇتىدۇ، ھىرىپ چارچاش ھىس قىلمايدۇ،شۇنداقتىمۇ قالتىس نەتىجىگە ئىرىشىدۇ،موداپىيە ئارقىلىق قايتارما ھوجۇم قىلىش، ھوجۇم ئارقىلىق قايتۇرما زەربە بىرىش بۇ خىل تىرنىرلارنىڭ ئالاھىدىلىكى بولۇپ ھىساپلىنىدۇ،توپچىلار ئىچىدە كۇزۇر توپچى،غوجائاكا توپچى بولمايدۇ، باراۋەرلىك ئاساس قىلىنىدۇ،كۇماندىنىڭ تەڭپۇقلىقى موقىم بولىدۇ.
بۇ خىل تىرنىرلىقنىڭ ئارتۇقچىلىقى: بۇ خىل مۇناسىۋەتنىڭ ئارتۇقچىلىقى شۇكى،ياش توپچىلارنى قىزىقتۇرۇش كۈچى يۇقىرى بولىدۇ،رىيۇسنىڭ بايرىننى رەت قىلىشى ،ئوۋبامىياڭنىڭ ئارسىنالنى رەت قىلىپ دورىتمۇنىتقا كىلىشى مانا مۇشۇ سەۋەپتىن، يىڭى تۇغۇلغان موزاي يولۋاستىن قورقىماپتۇ دىگەندەك بۇنداق توپچىلار بۇ خىل تىرنىڭ قول ئاستىدا ئەركىن –ئازادە ئۇسۇپ يىتىلىش شارائىتىغا ئىگە بولىدۇ،زەربىدارلىق كۈچى ئاشىدۇ،ئوتتۇرۇپ قويسىمۇ باشقىلارنىڭ مەسخىرىسىگە قالمايدۇ، توپچىللىرى ئاسانلا پىشىپ يىتىلىپ زەردارلارنىڭ كۆزىنى قىزارتىدۇ،باشقا توپ مەستانىللرىنىڭمۇ ياختۇرشىغا ئىرشىدۇ، چۇنكى بۇنداق كوماندىلار ھەمىشە كۈچلۇك جەڭگىۋارلىقى بىلەن ھىچنىمىدىن قورقىماي بەزىدە ھەممىسىنىڭ كۆزىنى قىزارتىۋاتقان زەردارلارنى پۇتلاپ ،باشقىلارنىڭ ھاردۇقىنى چىقىرىپ تۇرىدۇ،كومانىدا بىر تۇركۇم ياشلار بولغاچقا ،ئۇتتۇرۋەتسىمۇ ھىچكىم مەسخىرە قىلمايدۇ،ھەتتاكى ئالقىشقا ئىرشەلەيدۇ،مەستانىللىرىغا ئانچە مۇنچە جاۋاپ قايتۇرۇپمۇ تۇرىدۇ،توپچىلارنىڭ ھاياتى كۈچى ئۇرغۇپ تۇرىدۇ.
كەمچىللىگى بولسا،بۇ خىل تىرنىرلىق ئۇسلۇبى بىر قەدەر ياشلارغا ماس كىلىدۇ، توپچىلارنىڭ يىشى چوڭايغانسىرى،جاھانكەزدىلەر ئاۋۇپ كىتىدۇ،ھەمدە چولپانلار يىغىلغان كۇماندىغا ماس كەلمەيدۇ، بىلانوۋا ئىستىپا بەرگەندىن كىيىن بارسىلونا كىلوپقا قىزىققان، بىراق ئەمىلىيەتتە بارسادا بىر تۇركۇم قىرى چولپانلار ۋە بىر تۇركۇم دەرىجىدىن تاشقىرى چولپانلار يىغىلغان بولۇپ،مىسسىغا دەرىجىدىن تاشقىرى ھوقۇق بىرىلمىسە ،كوماندىدىكى تۆھپىكارلارغا ئالاھىدە ئىمتىياز بىرلىمىسە بولمايتى،ئاكا-ئۇكىلىق مۇناسىۋەت بارساغا ماس كەلمەيتى، باشقىلارنىڭ كۆزىگە قاراپ ئىش قىلىشنى كىلوپ ياختۇرمايتى،دىمەك بۇ تىرنىر ئۆزىنىڭمۇ بارساغا ماس كەلمەيدىغىنىنى بىلەتتى،دورىتمۇنىت كىلوپتىن ئايرىلغان چاغدا نۇرغۇنلىرى ياش تۆكۇشتى،ئەمىلىيەتتە ئۇلار ئاكىسىغا بولغان قىيالماسلىق ھىسياتىدا  ئىدى.
5- ئاشنىدارچىلىق تىپىدىكى تىرنىر

بۇ خىل تىرنىرلارنىڭ ئادەتتە موئەييەن ئۇتۇقلىرى بولىدۇ،مەلۇم تەسىرىمۇ بولىدۇ،شۇڭا بەزىلەر تىرنىر تاللىغاندا بۇ خىل مۇناسىۋەتتىكى تىرنىرلار بىر خىل تۇنۇشتەك ھىس قىلىپ بۇلارنى تاللايدۇ،بۇنداق تىرنىرلار نەتىجىنىڭ قانداق بولىشى ،ماس كىلىش ،كەلمەسلىك بىلەن ھىساپلىشىپ يۇرمەيدۇ،كاماچاۋ  دەل مۇشۇنداق تىپتىكى تىرنىرلارنىڭ ۋەكىلى بولۇشقا مۇناسىپ،كىممۇ ئۆزىگە يات بولغان بىر ئەلدە، تىل قىيىنچىلىق ئادەت قىيىنچىلىقىنى قايرىپ تۇرۇپ،رەت تەرتىپتە 80-ئورۇندا تۇرغان دۆلەتكە،ياۋروپادىن ۋاز كىچىپ كىلىدۇ،ئۇ ئاغزىدا جوڭگۇ پۇتبولى ئۇچۇن دىگەندەك قىلغان بىلەن،ئۇرىپ ئادەت ،مەدەنىيەت ئوخشىماسلىقلىرى مەۋجۇت ھالدا ئۇ نىمە ئىش قىلىپ بەرمەكچى، مەخىسەت پەقەت بىرلا،ئۇ بولسىمۇ پۇل، كىممۇ ئۆزىدىن 20نەچچە ياش چوڭ ،تۇزۇكرەك چىچىمۇ يوق بىر قىرىغا تىگىشنى خالىغان ياش نازىنىن ئايالنىڭ مۇھەببىتىگە ئىشىنىدۇ،ئەلۋەتتە بۇنداق تىرنىرغا ئىرىشىشىمۇ يامان ئىش ئەمەس،چۇنكى بىشەم خۇتۇندىن ،رايىش ئاشنا ياخشى دەيدۇ كونىلار.
بۇ خىل تىرنىرلىق ئورتاق ئالاھىدىلىگى شۇكى ،ئۇلارنىڭ ھەمكارلىقىدا ھىسيات دىگەن نەرسە يوق،تاكتىكا تۇزگەندە ئىجرا بولۇش،بولماسلىق بىلەن ھىساپلىشىپ يۇرمەيدۇ، چۇنكى ئۇ بەرىبىر ئۇنىڭ ئائىلىسى ئەمەس،كۇڭۇل خوشى قىلسىلا بولىدۇ،مەسئولىيەتمۇ بولمايدۇ،كىممۇ ئاشنىسىنىڭ ئۆيىگە ئۆز ئۆيىگە كۇيۇنگەندەك كۇيۇنىدۇ؟مەن پۇلنى ئالدىم تاكتىكا تۇزدۇم،ئجرا بولامدۇ بولمامدۇ،مەندە مەسئولىيەت يۇق دىگەنلەرنى خىيالىدىن ئۆتكۇزىدۇ،ئەلۋەتتە ئالغان پۇلىغا لايىق خىزمەت قىلىدۇ ،ئەمما چىن مۇھەببەت بولمىغان خىزمەتنىڭ ئۇنىمى قانچلىك بولار؟بۇلارنىڭ خىزمەتكە تۇتقان پۇزىتسىيەسى ئاشنا ئوينىغانغا ئوخشاپ كىتىدۇ،ئۇلار بىر-بىرىنى تاللىغانكەن قىستاش يوق،ئاغرىنىش يوق بولىدۇ.
بۇ خىل تىرنىرلىقنىڭ ئالاھىدىلكى شۇكى،بەزى كىشىلەر ئابرۇي پەرەس كىلىدۇ،بۇ خىل تىرنىرلار ئۇلارنىڭ بۇ ئارزۇسىنى قاندۇرىدۇ،نەتىجە كۆرۇلمىسە مەسئولىيەتنى ‹‹ئاشنىسى ››غا ئارتىپ قويىدۇ دە، پۇلنى ئىلىپ ئارقىغا قارماي كىتىۋىرىدۇ،ئەلۋەتتە بۇنىڭ بىر مەزگىل كوماندىغا ئابرۇي ئىلىپمۇ كىلىدۇ،ھىچقانداق مەسئولىيەتنى ئۇستىگە ئالمايدۇ،نەتىجە كۇرۇلسە بۇ ئەلۋەتتە ھەر ئىككىسىگە ياخشى،بولمىسا ياۋروپاغا كىتىدۇ دە ئۆزىنىڭ ئامالسىز ئىكەنلىگىنى ،تىرىشىپ كۆرگەنلىكىنى جار سالىدۇ،ئايرىلغاندا قىلچە ئۇكۇنىش بولمايدۇ،چۇنكى ئۇ يەنە بىرنى تاپالايدۇ ئەمەسمۇ ؟
بۇخىل تىرنىرلىقنىڭ كەمچللىگىنى سۆزلمىسەممۇ بىلىپ بولدۇڭلارغۇ دەيمەن،چۇنكى سىز تىمىنى چوقۇم تولۇق ئوقۇپ چىقتىڭىز بولغاي!
مەنبە : تور دۇنياسىدىكى يازمىلار ئاساسىدا يىزىلدى.
ئەسكەرتىش: بۇمەلۇم بىر يولداشنىڭ ۋە مىنىڭ ئويلىغانلىرىم،پۇتۇنلەي توغرا دەپ كەتكىلىمۇ بولمايدۇ،تورداشلارنىڭ ئىجادى پىكىرلىرىنى ئايىماسلىقىنى ئۈمۇت قىلىمەن.

intir

نادىر يازما بوپتۇ،،  شۇغىنىسى رەسىملىرىڭىز چىقماي قالدى..
ئەنچىلودىنىمۇ ئائىلە باشلىقى تىپىدىكى تىرنىر دىسەك توغرا بولامدۇ قانداق؟  

سايرام22

ھاينىكىس بىلەن كىلوپنىڭ تۇتقان پوزىتسىيىسى بىرقەدەر ئ‍اكتىپمۇ نىمە؟

يۇلغۇن

بارسېلونا-

ئاشنىدارچىلىق تىپىدىكى تىرنىرلار كۈلدۈرۈپ قويدى.....

ئىزچىلار

ئەڭ قابىلىيەتلىك  ئىككى  تېرنىر  يېزىلماپتۇ  ھە..........................
ھەقىقەتەن  ياخشى  يېزىپسىز .............

exaniq

ئىزچىلار يوللىغان ۋاقتى  2015-11-24 17:19
ئەڭ قابىلىيەتلىك  ئىككى  تېرنىر  يېزىلماپتۇ  ھە............... ...

ئۇلارنىڭ قايسى خىل  تىپتىكى تىرنىر ئىكەنلىگىنى بىلەلمىدىم .

يۇرتۇم7

ھەم قىزىقارلىق يەلىرمۇ باكەن ھەم توپچىلارغا تەربىيۋى ئ‍ەھمىتى بار يەرمۇ  باكەن
ھايكىنىس بىلەن گوتازنىڭ تۇتقان يولى ئ‍وخشىمايدىكەن
ۋانجال بىلەن فورگوسىننىڭمۇ شۇنداق  ساقلا كوماندىنڭ ئۇسلۇبنى ئۆزگەرتىۋەتتى
كاماچاۋ ئ‍اشنا ئ‍وينىغىلى كەلگەندەك تۇيغۇ بىردىكەن

كۆسەنى

كەچتە ئولتۇرۇپ ئالدىرماي ئۇقۇي

تارىماخۇن

ئىنرىك قاچان دۇنياۋى تىرنىرلار قاتارىدىن ئورۇن ئالار

يۇرتۇم7

تارىماخۇن يوللىغان ۋاقتى  2015-11-24 17:40
ئىنرىك قاچان دۇنياۋى تىرنىرلار قاتارىدىن ئورۇن ئالار

مادرىدنى يەڭگەندىن تارتىپ دۇنياغا تونۇلۇپ كەتتى سىللە مۇشۇنىڭ غىمىدە قالدىڭلىما ، ڭىھ ڭىھ ڭىڭ

ئىلىمخۇمار

ھايكىنىسنىڭ  ئۇسلۇبى  ياخشىدەك  قىلدۇ  ، لىكىن  مەن  مورنىھوغا  كۇنۇپ  قاپتىمەن  ھې ھ
ئالدىنقى  پەسىلدى  300 مىليۇن پايدا  مورنىھونىڭ  سەۋەبىدىنمىدۇ ？  ئۇ   300 مىليڭن  پۇل توپچىلارنىڭ  مۇئاشى ،كۇلۇپنىڭ  باشقا  چىقىملىرىنى  چىقىرۋەتكەن چاغدىكى  ساپ پايدىسىمىدۇ  ？