ئۆزىل مەخسۇس زىيارىتى:"مەن شەخسىيەتچى ئەمەس."

باھادىر

      




     لوندون. Likya قاينام تاشقىنلىققا تولغان، goldersgreen يولىدىكى تۈركچە كاۋاپ تاماقخانىسى ئىچىگە ھەر خىل قوي گۆشى، كالا گۆشى، يېڭى بېلىق گۆشلىرى، قاراشتىلا ئاچچىق كۆرۈنىدىغان قىزىلمۇچ ۋە پىيازلار تىزىقلىق ئىدى. بىر كىچىك بالا ئىھتىياتسىزلىقتىن چاي چاينىكىنى ئۆرۈۋىتىپ، بىر مەيدان "قالايمىغانچىلىق"نى كەلتۈرۈپ چىقاردى، چاينىڭ خۇش ھىدىغا بالىنىڭ تاتلىق كۈلكىسى ئارىلىشىپ كىشىگە يىقىملىق تۇيغۇ بېرەتتى. Likya دىكى تۈركچە كاۋاپخانا لوندوندا ئەڭ ياخشى ھېسابلىناتتى. ئىشىك تۇيۇقسىزلا ئىچىلدى. ئۆزىل ۋاراڭ-چۇرۇڭغا تولغان كىشىلەر ئارىسىدىن ئاستا مېڭىپ ئۆتتى، ئارسېنالنىڭ بۇ دەرىجىدىن تاشقىرى چولپىنى بېرىپ كۈلۈمسىرەپ تۇرغان دۇكان خوجايىنى بىلەن قۇچاقلىشىپ كۆرۈشتى، ھەمدە تۈرك تىلىدا بىر ئىستاكان ئاپلىسىن شەربىتى بۇيرىدى، ئۇ بۇلۇڭدىكى بىر ئورۇندۇقدا ئولتۇرۇپ مېنىمۇ تەكلىپ قىلدى:"مېنىڭ ئىككىنچى ئائىلەمگە كەلگىنىڭىزنى قارشى ئالىمەن." بىر پارچە پەردە تارتىلدى، بۇنىڭ مەلۇم دەرىجىدە ئاۋاز توسۇش رولى بار ئىدى. شۇنداق قىلىپ، بۇ دۇنيا چېمپيونى ئۆزىنىڭ يېڭى تۇرمۇشى توغرىسىدىكى سۆزلىرىنى باشلىۋەتتى.

——ئۆزىل ئەپەندىم، سىز ھازىرنى كەسپىڭىزنىڭ يېڭىدىن بىر باشلانمىسى دېگەن ئىدىڭىز، نېمە ئۈچۈن بۇنداق دەيسىز؟
——مەن بۇندىن بۇرۇن يارلىنىپ نەچچە ئاي ئارام ئېلىشقا مەجبۇر بولدۇم. دەسلەپ بۇنى بىلگەندە ھەقىقەتەن بەك چۆچۈدۈم، بىراق قايتا قاراپ چىقىپ ئويلانسام، بۇ بىر مەزگىل ئارام ئېلىشنىڭمۇ مەن ئۈچۈن ياخشى تەرەپلىرى بار ئىكەن. بۇ مېنى تېنچلىنىپ بەزى ئىشلارنى ئەستايىدىل ئويلىنىشقا تولۇق ۋاقىت چىقىرىپ بەردى.

——مەسىلەن قانداق ئىشلار؟
——ھايات توغرىسىدائويلىنىش دېگەندەك...

——قانداق دەيسىز؟
——مەن شۇنى ھېس قىلدىمكى، پەقەت تالانتقا تايىنىپلا ئۇلۇغۋار نىشانلارنى ئىشقا ئاشۇرغىلى بولمايدىكەن. مېنىڭ كىچىكىمدىن تارتىپلا ئارزۇ قىلىدىغىنىم ئالتۇن توپغا ئېرىشىش ئىدى، مەن ھازىرمۇ بۇ ئارزۇيۇمدىن ۋاز كەچمىدىم، مېنىڭ بۇنى ئەمەلىيەتكە ئايلاندۇرغۇم بار.

——بەزى تەنقىدلەردە ئېيتىلىشىچە، سىزدە ئۆزىڭىزگە بولغان ئىنتىزامچانلىق كامچىل ئىكەن...
——مېنىڭ دۇنيادىكى خالىغان بىر كىشىگە بىر نەرسىنى ئىسپاتلاپ بېرىشىمنىڭ ھاجىتى يوق. مەن ئۆزۈمنىڭ ياخشى بولغان تالانتقا ئىگە ئىكەنلىكىمنى بىلىمەن. بىراق ئۇلارنىڭ تەنقىدىمۇ توغرا، ئارزۇيۇمغا يىتىش ئۈچۈن تېخىمۇ تىرىشىشىم كېرەك.

——بۇ گەپچە سىز بۇرۇن تازا ئەستايىدىل مەشىق قىلماپتىكەنسىزدە؟
——ھاھاھا، مەن ھازىر بىرىنچى بولۇپ مەشىق مەيدانىغا كېلىمەن، ئەڭ ئاخىرىدا مەشىقنى ئاخىرلاشتۇرىمەن. ئىلگىرى بۇنداق ئەمەس ئىدى.

——سىز پۇتبول جەھەتتە زور تالانتقا ئىگە دەپ قارىلىپ كەلدىڭىز، بۇ سىزنى بوشاشتۇرۇپ قويامدۇ؟
——بەلكىم شۇنداق بولسا مۇمكىن. بىراق مەن ھېچقاچان ھازىرقىدەك تىرىشىپ مەشىق قىلىپ باقمىغان. مېنىڭ مۇسكۇل ئىغىرلىقىم بىر كېلوگرام كۆپەيدى، چۈنكى مەن كۈندە كۈچ مەشىقى ئۆيىدە مەشىق قىلىمەن. ھەر قىتىملىق مەشىق ئاياغلاشقاندىن كېيىن مەن يەنە مۇز سۈيىدە سۇ ئۈزىمەن. چۈنكى مېنىڭ (مەشىقنى بوشاشتۇرۇپ قويۇشۇمغا) ھېچقانداق باھانەم يوق.

——بۇنىڭ ئۈنۈمى بولغانلىقىنى ھېس قىلدىڭىزمۇ؟
——بەدەن ھالىتىم تېخىمۇ تۇراقلاشتى، ئۆزۈمنى تېخىمۇ ھاياتىي كۈچكە تولغاندەك ھېس قىدىم. بۇلارنىڭ ھەممىسى ئېنگلاندتا توپ تېپىش ئۈچۈن كېرەك بولغىنى. مەن گېرمانىيە بىرلەشمىسى ۋە رېئال مادرىدتا تۇرۇپ باققان، بىراق ئېنگلاند بىرلەشمىسى ھەقىقەتەن دۇنيادىكى ئەڭ كەسكىن بىرلەشمە. رەقىبلەر ئاسانلىقچە ۋاز كەچمەيدۇ، ئارسېنال 0:3 نەتىجە بىلەن ئۈستۈنلۈكتە بولسىمۇ ئۇلار ئاخىرىقى مىنۇتقىچە جان تىكىدۇ. شۇڭا بەدەن ھالىتىمنى ئەڭ ياخشى سەۋىيەدە ساقلىشىم كېرەك.



——دۇنيا چېمپيونى بولۇش سالاھىيتىڭىز بىلەن يەنە داۋاملىق كىشىلەرنىڭ تەنقىدىگە ئۇچرايسىز، بۇ كۆڭلىڭىزگە كېلەمدۇ؟
——ياق، مېنىڭ يەنە باشقا نەرسىلەرنى ئىسپاتلىشىمنىڭ كېرىكى يوق، مەن برازىلىيەدە كوماندا ئۈچۈن ئۆزۈمنىڭ بىر كىشىلىك كۈچۈمنى قوشتۇم، مەن بۇنىڭ ئۈچۈن ناھايىتى خۇشال.

——بۇ ھەقتە تەپسىلىي توختالسىڭىز بولامدۇ؟
——ماركو رۇئىس يارىلىنىپ دۇنيا لوڭقىسىدىن خوشلاشقاندىن كېيىن، ترېنېر مېنى سول كىرايغا ئورۇنلاشتۇردى. ھەممىگە ئايان بولغىنىدەك، بۇ مەن ئانچە ياقتۇرۇپ كەتمەيدىغان ئورۇن. بۇ تەرەپتە توپ كۈتۈپ باشقىلارنىڭ پاس بېرىشىگە تايىنىشىم لازىم. 10-نومۇرلۇق ئورۇندا بەلكىم ئوخشاش بولمىغان دۇنيا لوڭقىسىنى تېپىشىم مۇمكىن ئىدى، ھۇجۇمچىنىڭ كەينىدىكى ئوتتۇرا مەيدان ئوتتۇرا يولىدا مەن تېخىمۇ ياخشى ئۇسۇللار بىلەن مۇسابىقىگە تەسىر كۆرسىتەلەيمەن.

——نېمە ئۈچۈن قارشىلىق كۆرسىتىپ، ترېنېرغا مېنىڭ ئوتتۇرا يولدا تەپكۈم بار دەپ ئېيتمىدىڭىز؟
——بۇ مېنىڭ خاراكتېرىم ئەمەس. مەن ئۇنداق شەخسىيەتچى كىشىلەردىن ئەمەس، بەلكى كوللىكتىپنى ئاساس قىلىدىغان توپچى. كوماندا مەسۇت ئۆزىل ئۈچۈن دۇنيا لوڭقىسىغا قاتناشقىنى يوق، گېرمانىيە ئۈچۈن، چېمپيونلۇق ئۈچۈن ئىتتىپاقلىشىمىز كېرەك. مەن بۇ نىشاننى ھەممىنىڭ ئالدىغا قويدۇم، مەن بۇنىڭ ئۈچۈن بىر سىكونتمۇ پۇشايمان قىلىپ باقمىغان.

——گېرمانىيە پۇتبولچىلار بىرلەشمىسى مۇكاپات بەرگەن كىچىك ئالتۇن لوڭقىنى قەيەرگە قويۇپ قويدىڭىز؟
——ياتاق ئۆيۈمدىكى مەخسۇس لوڭقا تىزىدىغان ئىشكاپىمغا.

——دۇنيا لوڭقىسىنى كۆتۈرگەن ۋاقىتتا قانداق ھېسسىياتتا بولغان ئىدىڭىز؟
——مەن، دۇنيا چېمپيونى. مەن تارىخىي ئەھمىيەتكە ئىگە نەتىجىنىڭ بىر قىسمى. مەن دۇنيادىكى ئەڭ ياخشى كوماندىنىڭ بىر ئەزاسى. بۇنىڭ ھەممىسىنى بىرسى قولۇمدىن تارتىپ كىتەلمەيدۇ.

——تەنقىد قىلغۇچىلار: ئۆزىل مۇسابىقىگە بەلگىلىگۈچ تەسىر ئىلىپ كېلەلمەيدۇ. دەيدۇ...
——ھە، شۇنداق دەپتىمۇ؟ ئادەم خاراكتېرىنىڭ ئۆزگىرىشى تەس ئىش. مەن ئۆزۈمنىڭ خوش بولۇشى ئۈچۈن قاپقىغا توپ تەپمەيمەن. مەن ئۈچۈن نېمىنىڭ تېخىمۇ مۇھىم ئىكەنلىكىنى بىلەمسىز؟

——قۇلىقىم سىزدە.
——شۇ ئورۇندىكى باشقا سەپدىشىمغا قاپقىغا ئۇرۇش پۇرسىتى يارىتىپ بېرىش، ھەمدە بىزنىڭ ئاخىرىقى غەلبىگە ئېرىشىشىمىز. مەن ئۆزۈمنىڭ ئىككى قىتىملىق قاپقىغا ئۇرۇش پۇرسىتىمنىڭ بولغانلىقىغا خوش بولۇپ كەتمەيمەن، مەن خوش قىلىدىغىنى ئىككى قىتىملىق توپ كىرگۈزۈش پۈرسىتى يارىتىش.

——سىز رېئال مادرىدتا تۇرۇپ باققان، ھازىر ئېنلاندتا توپ تېپىۋاتىسىز، قاچان گېرمانىيە بىرلەشمىسىگە قايتىشنى ئويلىشىۋاتىسىز؟
——گېرمانىيەگە قايتىش ھازىرچە مېنىڭ پىلانىمدا يوق. مەن ئارسېنالدا ناھايىتى خۇشال ئۆتۈۋاتىمەن، ھازىر مۇشۇنداق بولسا مەن ئۈچۈن كۇپايە.

——ئىلگىرىكى سەپدىشىڭىز پودولسكىنىڭ مىلان تاراتقۇلىرى ئالدىدا نامۇۋاپىق مۇئامىلىگە ئۇچرىغانلىقىغا قارىتا ھېستاشلىق قىلامسىز؟
——بىز ھازىرمۇ داۋاملىق ئالاقىلىشىپ تۇرىمىز. ئۇنىڭ ئۆزىدىن گۇمان قىلىشىنىڭ ھاجىتى يوق. پودولسكىنىڭ ئەمەلىي كۈچى ناھايىتى كۈچلۈك، شۇنداقلا ئۇنىڭ بۇلارنى بىر تەرەپ قىلغۇدەك تولۇق تەجرىبىسى بار. مىلاننىڭ پودولسكىدىن كۈتىدىغىنى ھەقىقەتەن كۆپ بولۇپ كەتتى، يەنە كېلىپ ئۇ ئازراق ۋاقىتقا مۇھتاج، شۇندىلا ئۇ بۇ ئۆتكەللەردىن ئۆتۈپ كېتەلەيدۇ.

——ئائىلە سىز ئۈچۈن نېمىدىن دېرەك بېرىدۇ؟
——بارلىقىم. مەن ئائىلەمدىكىلەردىن پەخىرلىنىمەن، ئۇلار بىلەن ئوتتۇرىمىزدا چوڭقۇر مېھىر بار.



——بىر پارچە رەسىمدە ئاپىڭىز گۈلىزارنىڭ قولىنى سۆيگەنلىكىڭىز تارتىلغان، بۇ قانداق مەناغا ئىگە؟
——مەن ئاپامنى ھۆرمەت قىلىمەن، شۇنداقلا ئۇنى سۆيىمەن.

——ئۇنىڭ بىلەن قانچىلىك ئۇزاقتا كۆرۈشىسىلەر؟
——ئۇ داۋاملىق لوندونغا مېنى كۆرگىلى كېلىدۇ. ماڭا تاماق ئېتىپ بېرىدۇ، بىز كۆپ جەھەتلەردە سىردىشىمىز.

——دادىڭىز مۇستافا ھازىر سىزنىڭ ۋاستىچىڭىز ئەمەس. دادىڭىز بىلەن بولغان مۇناسىۋەتنى ئۈزدىڭىز، ئۇندىن كېيىن ئاراڭلاردا بەزى تالاش-تارتىشلار كۆرۈلدى، كېيىن سوت سىرتىدا بىرلىككە كېلىپ مەسىلە تېنچ ھەل قىلىندى. سىز دادىڭىزغا قانداق پوزىتسىيەدە؟
——بۇلارنىڭ ھەممىسى ئۆتۈپ كەتتى. مەنمۇ ئۆزۈمنىڭ تۇرمۇشىنى قايتىدىن ئورۇنلاشتۇردۇم. ھازىر ئاكام مۇتلۇ بىلەن ۋاستىچىلىق شىركىتىم مېنىڭ ئىشىلىرىمنى بىر تەرەپ قىلىدۇ، مەن ئۇلارغا ئىشىنىمەن.

——ئىلىرىكى قىز دوستىڭىز مەندىي(Mandy) بىلەن قايتىدىن بىرگە بولدۇڭلارمۇ، مۇشۇ ھەقتە ئازراق ئاشكارىلاپ بەرگەن بولسىڭىز...
——ھاھاھا، سىلەرمۇ بەزى نەرسىلەرنى يىزىپسىلەرغۇ. بۇلارنى قەيەردىن تاپقىنىڭلارنى تولىمۇ بەك بىلگۈم بار، مەن ھېچقاچان ئوچۇق ھالدا بىر نەرسە ئېيتقان ئەمەس. بۇ شەخسىي ئىشىم. مېنىڭ ھازىر پەقەت كۆڭۈل قويۇپ پۇتبول تەپكۈم بار،



——جىيەن قىزىڭىز مىرا(Mira) بىلەن بەزى تاتلىق چۈشكەن رەسىملىرىڭىز بار، بالىلىق بولۇشنى ئويلىشىپ باقتىڭىزمۇ؟
——ئويلاشقان، بىراق ھازىر ئەمەس. مەن ئاۋۋال پۇتبولدىكى نىشانلىرىمنى ئەمەلگە ئاشۇرىشىم كېرەك. بۇلار ئەمەلگە ئاشقاندا ئائىلە قۇرۇش جەھەتتە ئويلىشىمەن.

مەنبە: "كلون تېز گېزىتى"

خانزاد1

ئوھوي قىززىق پاراڭلا بوپتىغۇ، مۇشۇ بالا ھەقىقەتەن شەخسىيەتسز توپچىلارنىڭ ئۈلگىسى لىكىن بەزىدا سەل چەكتىن ئاشۇرۋىتەمدۇ قانداق؟ .مەسىلەن قاپقچى بىلەن روبىرو كەلگەندىمۇ قاپقىغا گوم تەپمەي يەنە سەبداش ئىزدەيدۇ.....

LFP

باھادىر قولىڭىزغا دەرت كەلمىسۇن ، بىزنى ئىسىل تىما بىلەن خەۋەردار قىپسىز كۆپ تەشەككۇر

بوتلاق

مادرىدتىكى ئوزىلنى ھەجەپ سىغىندىم...

تۈرك42

مەن تىخى باھادىر ئەپەندى زىيارەت قىلغان ئوخشايدۇ دەپتىمەن بىشىنى ئوقۇپلا

تەلۋە22

يائاللا جىنايەتچىنى سوراق قىلغاندەكلا سوئاللارنى سورۋېتىپتغۇ

ئاتلان7

ئۆزىل مەستانسى باھادىرغا ھۆرمەت.

باھادىر

خانزاد1 يوللىغان ۋاقتى  2015-3-22 01:10
ئوھوي قىززىق پاراڭلا بوپتىغۇ، مۇشۇ بالا ھەقىقەتەن شەخ ...

روبىرو كەلگەندە توپ تەپسە داۋاملىق چۈشمەيدۇ، شۇڭا...

خانزاد1

باھادىر يوللىغان ۋاقتى  2015-3-22 01:18
روبىرو كەلگەندە توپ تەپسە داۋاملىق چۈشمەيدۇ، شۇڭا... [s ...

زەمبىرەكچىدەك تەپسە چۈشىتى.......ھىھىھىھى

tagderem

بەزىدە مۇسابىقە جەريانىدا  پۈتۈن كوماندىنىڭ ئەمەس  پەقەت بىر  ئىككى ئادەمنىڭ     ھەركىتىگە كۆپرەك دىققەت قىلىپ سالىمىز .    مەن ئۈچۈن ئۆزىلنى تونىغان شۇ كۈندىن باشلاپ  ئۇ مەيداندىلا بولدىكەن ، ئۇنىڭ توپ تىپىش ئۇسلۇبىنى كۆرۈشنىڭ ئۆزى بىر ھوزۇر .  

خۇددى قولدا تاشلىغاندەك تاشلايدىغان پاسلىرى ، پۇتىدىن ئاجرىغان ھەر بىر توپنىڭ ھەركەت يۆنىلىشى مىنىڭ نەزىرىمدە  ھەقىقىي ئالدى بەل ئۇقۇمىنى تېخىمۇ  بىيىتىدۇ   ، بىر ئۆزىگىلام خاس بولغان  گۈزەللىكنى سىڭدۈرۋىتىدۇ .     

غەيرەت قىلغىن ئۆزىل ،  ئاپاڭنىڭ دۇئاسى ھەر ۋاقىت ساڭا مەدەت بولسۇن !  تېرىشساڭلا   نىشانىڭغا يىتەلەيسەن .    چۈنكى  سەن تۆت يىل ئىلگىرىلا   ‹‹ ئالتۇن توپ ئالالىشىڭنىڭ  ھەرگىز  چۈش ئەمەس ››    لىكىنى    ئىختىدارىڭ بىلەن جاكارلاپ بولغان  .

دىيارىم

  بۇنى پۇتپۇل مەيدانىدا  شەخسىيەتچى دىگەن ئ‍ادەم  ، ئ‍ۆزى شەخسىيەتچى خالاس  …   

ئەبرار

توپ ئوينىىشمنى ئۆزىلگە ئوخشامدىكىن دەپ قالىمەن بەزىدە