| ئومۇمى يازمىسى: |
ھوقۇق چېكى: 255 |
| جۇغلانمىسى: 25 |
تۆھپىسى: سەر |
|
رېئال مادرىد مادرىد دېربىيسىدە ئاتلېتكا مادرىدقا ئۇتتۇرۇپ قويدى، ئەمما شۇ كۈنى كەچتە پۇتبول چولپىنى كىرىستىيانو رونالدو 150 كىشىلىك تۇغۇلغان كۈن زىياپىتى ئۆتكۈزگەن بولۇپ، رونالدونىڭ بۇ ئىشى مەستانىلەرنىڭ نارازىلىقىنى قوزغاپ قويدى. ‹‹ ماركا گېزىتى ›› نىڭ ئاشكارلىشىچە، رونالدو ئۆزىنىڭ بۇ ئىشنى خاتا قىلغانلىقىنى تونۇپ يەتكەن، ھەمدە بۇ ئىش ئۈچۈن پۇشايمان قىلغان.
رېئال مادرىد ئېچىنىشلىق ئۇتتۇرۇپ قويغان ئاخشىمى، رونالدو دوستلىرى بىلەن بىرلىكتە ئۆزىنىڭ 30 ياشقا كىرگەنلىكىنى تەبرىكلەپ تۇغۇلغان كۈن زىياپىتىنى ئۇيۇشتۇرغان، زىياپەتكە رېئال مادرىد ئەزالىرىدىن خامىس، مودرىچ ۋە قېدىرالارمۇ قاتناشقان. زىياپەت خەۋىرىنىڭ سىرتقا ئاشكارلىنىشى بىلەن، نۇرغۇنلىغان رېئال مادرىد مەستانىلىرى رونالدونىڭ بۇ ئىشدىن غەزەپلەنگەن، ھەتتا بىر قىسىم مەستانىلەر رېئال مادرىدنىڭ مەشىق بازىسىغا بېرىپ، ‹‹ سېنىڭ كۈلكەڭ، بىز ئۈچۈن نومۇسلۇق ›› دېگەن خەت يېزىلغان پلاكاتنى كۆتۈرۈپ، رونالدونى تەنقىد قىلغان. رونالدونىڭ ۋاكالەتچىسى مېندىس بۇ ئىشقا قارىتا دەرھال چۈشەنچە بىرىپ: ‹‹ رونالدو بۇ قېتىمقى زىياپەتنى كېچىكتۈرۈشكە ئامالسىز ئىدى، چۈنكى رونالدونىڭ ئۆيىدىكىلىرى بىلەن دوست-يارەنلىرى ئاللىبۇرۇن مادرىدقا كىلىپ بولغان ئىدى ›› دېگەن .
ئەمما تاراتقۇلارنىڭ ھەرخىل خەۋەر بېرىشى بىلەن ئىشلار بارغانسىرى يامانلاشقان، مادرىدنىڭ يۇقىرى قاتلىمىدىكى بىر قىسىم رەھبەرلەر رونالدوغا جازا بېرىشنى تەلەپ قىلغان، رېئال مادرىد كاپىتانى كاسىللاس بىلەن راموسمۇ رونالدونىڭ بۇ ئىشدىن نارازى بولغان، ھەمدە رونالدونىڭ بۇ ئىشقا قارىتا چۈشەنچە بېرىشىنى تەلەپ قىلغان، ئەمما رونالدو زىياپەت ئۆتكۈزۈپلا قالماي، يەنە زىياپەت سورۇنىدىكى رەسىم ۋە ۋېدىئولارنىڭ سىرتقا تارقىلىپ كېتىشىگە يول قويغان. ‹‹ ماركا گېزىتى ›› نىڭ ئاشكارلىشىچە، رونالدو ئاخىرى ئۆزىنىڭ خاتالىقىنى تونۇپ يەتكەن، شۇنىڭ بىلەن ئۇ ئۆز خاتالىقىنى بوينىغا ئېلىپلا قالماستىن يەنە ، كەڭ مەستانىلەرنىڭ قايتىدىن ئىشەنچىسىگە ئېرىشىشنى ئۈمىد قىلىدىغانلىقىنى بىلدۈرگەن.
رونالدو ئۆز خاتالىقىنى تونۇپ يەتكەندىن كىيىن يەنە، كۇلۇبتىكى سەبداشلىرىدىن، بولۇپمۇ راموسنىڭ ئەپۇ قىلىشىنى ئۈمىد قىلغان. رونالدونىڭ دوستلىرى ئاز ئەمەس، پې پې بىلەن كونتىرۋا رونالدونىڭ ياخشى دوستى، مۇرىنھو دەۋرىدە ، راموس بىلەن رونالدومۇ ياخشى بولغان مۇناسىۋەتنى ساقلاپ كەلگەن ئىدى. ئالتۇن توپ مۇكاپاتىغا ئېرىشكەندىن كىيىن، رونالدو، ‹‹ قىز دوستىدىن ئايرىلىپ كېتىش ۋەقەسى ›› ، ‹‹ قىزىل كارتا ۋەقەسى ›› ، ‹‹ تۇغۇلغان كۈن زىياپىتى ۋەقەسى ›› قاتارلىق ئۆز ئوبرازىغا تەسىر كۆرسىتىدىغان ناچار خەۋەرلەرنى باشتىن كەچۈردى، رونالدو سەبداشلىرىدىن ۋە كەڭ پۇتبول مەستانىلىرىدىن كەچۈرۈم سوراش ئارقىلىق، ئۆز خاتالىقى ئۈستىدە ياخشى ئويلىنىپ، ھەپتە ئاخىرىدىكى لاكرونىيە بىلەن ئېلىپ بېرىلىدىغان مۇسابىقىدە ياخشى ئىپادىسى بىلەن ئۆزىنى ئىسپاتلاپ، مەستانىلەرنىڭ قايتا ئىشەنچىسىگە ئېرىشدىغانلىقىنى ئۈمىد قىلغان.
|
|
ۋاقتى: 2015-2-13 21:21:07
تېما كۆتۈرۈش
تېما چوققىلاش
تېما تاقاش
变色卡
ۋاقتى: 2015-2-14 11:45:46
ۋاقتى: 2015-2-13 21:39:58
