جىددى كېڭەش! ھەممىڭلار كىرىڭلار...

بوغدا

ئەسسالامۇ-ئەلەيكۇم مۇنبەر ئەھلى! كەمىنە بۇغدادىن ئوتلۇق سالام!

    ھەممىمىزگە مەلۇم، پۇتبول مۇنبىرىمىز دىيارىمىزدىكى ئەڭ چوڭ پۇتبول مۇنازىرە مۇنبىرى ھىساپلىنىدۇ. مۇنبىرىمىز نۇرغۇنلىغان پۇتبول سۈيەرلەرنىڭ مىھنەتسىز ئەجىر قىلىشى ئارقىلىق نۇرغۇن ئىسسىق-سۇغۇقلارنى باشتىن كەچۈرۈپ ھازىرقىدەك ھالەتكە يەتتى. كەڭ باشقۇرغۇچىلار ئۇزاق ئويلىنىش ئارقىلىق كەڭ پۇتبول سۈيەرلەرگە رەھمىتىنى بىلدۈرۈش، مۇنبەر ئىللىقلىقىنى يەتكۈزۈش، مۇنبەر دىمۇگراتىيەسىنى ھەقىقى جارى قىلدۇرۇش ئۈچۈن تۈۋەندىكىدەك قارار چىقارماقچى. ئەلۋەتتە، بۇ ئەڭ ئاخىرقى لاھىيە ئەمەس. كەڭ پۇتبول سۈيەر قېرىنداشلارنىڭ قىممەتلىك پىكىرلەرنى بىرىشىنى قىزغىن قارشى ئالىمىز.


1. مۇنبەر چوڭ يوقلىمىسى.

   ئوبىكىت:  

  (1)  مۇنبىرىمىزدە 30غا يېقىن ئالاھىدە باشقۇرغۇچى ۋە ئالىي ئەزا باشقۇرغۇچىلار بار. ھەممىسى ئۆز نۆۋىتىدە مۇنبىرىمىزنىڭ تەرەققىياتىغا ئۇنتۇلغۇسىز تۆھپىلەرنى كۆرسەتتى. ئۇلارغا سەمىمى رەھمىتىمىزنى بىلدۈرىمىز. بىراق، تۇرمۇش بېسىمىنىڭ ئېشىشى، رايۇن خارەكتىرلىك تور توختاش، مۇنبەردىكى ئەھمىيەتسىز جىدەل ماجىرا، ئۇقۇشماسلىققا ئوخشاش نۇرغۇن سەۋەپلەرگە كۈرە نۇرغۇنلىرى مۇنبەردىن ۋاقىتسىز يىراقلاشتى. بىز ئىلگىرىكى پىرىنسىپىمىز بۇيىچە ئايلىق يوقلىمىنى يولغا قويماقچى. شۇنداقلا 3 قېتىملىق يوقلامغا قاتنىشالمىغانلارنى تۆھپىكار ئەزا قىلىپ تەڭشەپ ئورنىغا تورى مۇقىم، دۆلەتنىڭ قانۇن تۈزۈملىرىگە ئاڭلىق بويسۇنىدىغان، ئەخلاقى ياخشى، مۇنبەردە بەلگىلىك تەسىرى بار نامزاتلارنى تاللاپ تۇلۇقلىماقچى.  

   (2) ئالىي ئەزا ۋە پۇتبول لۈكچەكلەر يوقلىمىسى. نۆۋەتتە مۇنبىرىمىزدە 50 تىن ئارتۇق پۇتبول لۈكچەكلىرى بار. سىتاستىكا قىلىش ئارقىلىق مۇنبەرگە كىرمىگەن ۋاقتى 1.5 يىلدىن ئاشقان ئەزالارمۇ بايقالدى. ئەلۋەتتە ئۇلارمۇ مۇنبىرىمىز تەرەققىياتىغا زور تۆھپىلەرنى قوشقان. بىز 3 قېتىملىق يوقلامغا قاتناشمىغان ئەزالارنى تۆھپىكار ئەزا قىلىپ تەڭشەش، بىۋاستە دەرىجىسىنى تۈۋەنلىتىش قاتارلىق ئۇسۇللار بىلەن تەڭشەپ، ئىجاتلىق، سۈپەتلىك تىمىلىرى، نادىر ئىنكاسلىرى ئارقىلىق مۇنبەر مۇھىتىنى جانلاندۇرىۋاتقان ياش نوتىلارنى تاللاپ ئۆستۈرۈپ ئۇلارنىڭ ئورنىغا تۇلۇقلىماقچى.   

   تەدبىر ۋە ئۇسۇل:

   (1) ھەر بىر ئاينى ئۆلچەم قىلىپ مەخسۇس يوقلام تىمىسى يوللىنىدۇ.
   (2) تىما 10 كۈن چوقىلىنىپ يۇرۇتۇپ قۇيىلىدۇ.  
   (3) يوقلام سىتاستىكىسى يوللىنىپ يوقلىمىغا قاتناشمىغان ئالىي باشقۇرغۇچى، ئالىي ئەزا ۋە پۇتبول لۈكچەكلىرى تىزىملىكى ئىلان قىلىنىدۇ ۋە ئەسكەرتىش بىرىلىدۇ.
   (4) يوقلىمىغا قاتناشمىغان قېتىم سانى 2 قېتىمغا يەتكەنلەرنىڭ مىداللىرى مۇسادىرە قىلىنىدۇ ۋە ئەسكەرتىش بىرىلىدۇ.
   (5) يوقلىمىغا قاتناشمىغان قېتىم سانى 3 قېتىمغا يەتكەنلەر دەرىجسىسى بىۋاستە تەڭشىلىدۇ، دەرىجسىسى تۈۋەنلىتىلىدۇ.

  
2. مۇنبەر كىچىك نۇمۇرلىرىنى بىر تەرەپ قىلىش  

    ئالىي باشقۇرغۇچىلار، ئالىي ئەزالار ۋە لۈكچەكلەرنى تەڭشەش خىزمىتىنى ئىشلەپ بولغاندىن كىيىن مەخسۇس كىچىك نۇمۇرلارنىڭ ساندانىنى يۇيۇۋېتىش ئۇسۇلى ئارقىلىق مۇنبەردە قالايمىقانچىلىق كىلىپ چىقىشنىڭ ئالدى ئېلىنماقچى.


3. قۇلاي ID نۇمۇرلار سېتىلىدۇ.

    مۇنبەر مالىيە ئىھتىياجىنى قامداش ۋە رايۇنىمىز جۈملىدىن مۇنبىرىمىز تەرەققىياتىنى ئىلگىرى سۈرۈش ئۈچۈن ئەستا ساقلاش قۇلاي بولغان 500 ئىچىدىكى ID نۇمۇرلار سېتىلىدۇ. يەنى ئىھتىياجلىقلار بولسا سىتاستىكا قىلىش ئارقىلىق ئەزالارنى ID نۇمۇر ۋە باھاسى بىلەن تەمىنلەپ ئۇلارنىڭ تىللا ئارقىلىق سېتىۋېلىش ئىشىنى ئەمەلگە ئاشۇرماقچى. سېتىۋالغان ئەزانىڭ ھازىرقى نۇمۇرى بىۋاستە مۇنبەر ساندانىدىن يۇيۇپ چىقىرۋېتىلىدۇ. ( مەن بىلەن ئالاقىلاشساڭلار مەن ئۇقۇشۇپ بىرىمەن )

4. ئىسىل، مەزمۇنلۇق تىما يوللىغۇچىلار دەرىجسى ئۆستۈرلۈشتىن باشقا مۇنبەر ياۋروسى ۋە مىداللار ئارقىلىق مۇكاپاتلىنىدۇ.

   يېقىندىن بىرى مۇنبەر تور بوشلۇقىنى كۈچۈش قاتارلىق سەۋەپلەرگە كۈرە مۇنبىرىمىز تىما سانى ۋە سۈپىتى زور دەرىجىدە تۈۋەنلىدى. كەڭ ئاپتۇرلارنىڭ قىزغىنلىقىنى قوللاش ۋە رەھمىتىمىزنى بىلدۈرۈش ئۈچۈن تىما سۈپىتى ياخشى، ئىجادى تىمىلارنى بەلگىلىك دەرىجىدە باھالاش ئۇسۇلى ۋە بىۋاستە بانكا پۇل يۆتكەش ئۇسۇلى ئارقىلىق مۇكاپاتلىماقچى.  


     كەڭ پۇتبول سۈيەر قېرىنداشلارنىڭ تىمىغا ئەستايىدىل مۇئامىلە قىلىپ سەمىمىي پۇزۇتسىيەدە قىممەتلىك پىكىرلىرىنى بىرىشىنى ئۆمۈد قىلىمىز. شۇنداقلا كەڭ پۇتبول سۈيەر قېرىنداشلارنىڭ قىممەتلىك پىكىرىگە ئاساسەن ئاخرىقى لاھىيە ئىلان قىلىنىدۇ.


            ھۆرمەت بىلەن:

                                          پۇتبول مۇنبىرى ئىشخانىسى

xah-diyar

ياخشى پىكىركەن قوللايمىز،مەنمۇ خېلى بۇرۇنلا بەزى تەكلىپلەرنى بېرەي دېگەن،لىكىن ئۆزەمگە ئىش
تېپىۋالماي دەپ گەپ قىلمىغان ئىدىم،مۇنبەرگە ئايلاپ يىللاپ كىرمەيدىغان باشقۇرغۇچىلار خېلى باركەن،
شۇ ۋەجىدىن ئۇۋىلىقنى ئىگەللىۋالغان تۇغماس توخۇلاردىن ۋاز كېچىپ ئىقتىدارلىق ئۆز ۋەزىپىسىنىڭ
ھۆددىسىدىن چىقالايدىغان ئەزالارنى ۋەزىپىگە قويۇش كېرەك،يەنە يېقىندىن بۇيان مۇنبەردە كۆچۈرمىكەشلىك
ئەۋىج ئېلىپ كەتتى مۇنبەر مۇشۇنداق ئىشلارغا ۋاقتىدا چارە قوللىنىش كېرەك،يەنە بىر ئىش قاماقخانىنى. تەرتىپكە
سېلىپ 3-قېتىم. ياكى 5-قېتىم تۈرمىگە كىرىپ چىققانلار يەنە تۈرمىگە لايىق خاتالىق ئۆتكۈزسە ئۇلارنى
مەڭگۈلۈك چەكلىنىدىغان قىلىپ ئۆزگەرتسەك،تۈرمە ھازىر بەزىلەرنىڭ ئۆيگە ئايلىنىپ قالاي دىدى.

XaX丶Messi

بىر قىسىم مەخسۇس  جىدەل ئويناش ئۈچۈنلا ئىشلىتىلدىغان نۇمۇرلارنىڭ  مۇنبەردىن يوقلىشىنى ئۈمىد قىلمەن .  مەن بىلدىغان    4-5  نۇمۇر  بار ،   ئۇ يىل - بۇ يىل  تۈزۈك 1 قېتىم ئىنكاس يازمايدىغان ، ئازراقلا  جىدەلنىڭ شەپىسى بۇلغىچە ئۈنۈپ ، نەچچەيلەننىڭ چەكىلىنىشىگە سەۋەپچى بولدىغان ،    ئارقا   تېرىگى   ئىنتايىن كۈچلۇك  .   مېنىڭ چوڭ  نۇمۇرۇممۇ شۇلارنىڭ دەستىدىن قاماقخاندا  ياتىدۇ .  ئۇلار ئاغىزىنى بۇزۇپ تىللىسىمۇ  ،  چىرايلىق  ئىنكاسى ئۈچۈرۇلۇپ  ئىش  تۈگەيدۇ .   بىز سەن  دەپ   بولغىچە زىندانغا  كىرىپ  بولغان .  شۇ سەۋەپتىنمۇ  شۇلارنىڭ   پۇقىغا تېيىلغان بەزى ئېسىل باللارمۇ  مۇنبەرگە  كىرمەسلا بولدى .

XATKAR886

1ھازىر مۇنبەردە بار بولغان باشقۇرغۇچىلار ھەممىسى ئۆزبۇرچىنى ياخشى ئاداقىلىۋاتىدۇ. لىكىن يەنىلام مۇنبەردىكى چوڭ-كىچىك ئىشلارغا يىتىشىپ بۇلاممايدۇ، مەن قارىسام بىرقىسىم باشقۇرغۇچىلار مەسىلىنى ئادىل بىر تەرەپ قىلىمەن دەپ بىرقىسىم ئەزاللارغا يامان بۇلۇپ قالدى. مىنىڭ ئويلايدىغىنىم ئىزىغا سەپلەنگەن باشۇرغۇچىلار بولسۇن، ياكى مۇنبەردىكى باشقۇرغۇچىلار بولسۇن مۇنبەرگە ئۆزىنى ئاتىغان مۇنبەرگە ھەرتەرەپەلەردىن كۈچ قوشقان ئەزاللارنى مۇۋاپىق ئويلاشساق تامامەن بۇلىدۇ، دەپ قاراريمەن.

2مۇنبەرپارتىكومىغا ئۇچۇقلادەي مۇنبرمىزدە مۇنبەرگە تېما يوللاشتا ئاكتىپ تۆھپە قوشقان ئەزللارنى ئۆستۈرۈپ ئۇلارنى رىغبەتلەندۈرۈش ئۇلارنىڭ قىزغىنىلقىنى قوزغاش تېما يوللاشتا قوللايلىق شاراھىت يارتىپ بىرىش ياخشى، لىكىن شۇ ئەزللار بىلەن ماس قەدەمدە مۇنبەرگە باشقا تەرپلەردىن تۆھپە قۇشۇۋاتقان ئەزللاربۇسەپتىن چۈشۈپ قالسا مۇنبەردىن زىرىكىش تۇيغۇسى پەيداقىلىپ قۇيۇشى مۇنكىن، ئككىنجى لاھىيەمۇ ياخشى بوپتۇ، ئىشقا ئاشسا چۇقۇم ياخشى ئۈنۈم بەرگۈسى...

3كىچىك نۇمۇر بۇتەكىلپنى بۇرۇن بىرقاتا بەرگەنتىم يەنى دىربىي خارەكتىرلىك تېمىلار يوللانغاندا جېدەل ئۇرۇقى چاچىدىغان كىچىك نۇمۇرلار پەيدا بۇلۇدىكەن، بۇجىل ئۇسۇلغا قارتا كىچىك نۇمۇرلار مۇنبەرگە كىرگەن ھامان ئنكاس مەلۇم ۋاقىتقىچە ئنكاس يازالماسلىق( 3000مىنۇت دىگندەك) ھالىتىدە تەڭشەپ قويساق ياكى باشقۇرغۇچىلار ئنكاسنى تەستىقلىسا شۇ نۇمۇر كۈزۈتۈش شۇنداقلا شۇدەمدىكى جېدەلنىڭ ئالدىن ئېلىشقا پايدىسى بۇلىدۇ،


4 ئىسىل ناچار دىگەنلەرنى يوق قىلۋەتسەك بۇلاتتى ، بۇنى چىكىشكە قانداقتۇ، شۇئادەمنىڭ ئنكاسىغا قايىل بۇلۇش بىلەن بىرگە شەخسىي ھېسىياتمۇ ئارلاشقان.

مۇنبەر كونا ئەزللىرى نەگە كەتكەندۇ، ئەجىبا شۇلارنىڭ ھەمىسى ئالدراشمۇ ياكى تور يوقمۇ، پۇتبول مەستانىلىرى ۋاقىتلىق بولمايدۇ. ئۇلارمۇنبەرنى چۇقۇم تاشلىۋەتمەيدۇ، چۈنكى بۇيەردە پۇتبول بار.....................

شۇبانىدا دەپ قويغۇم كىلىپ قالدى. مۇنبەردە ھەقىقى پۇتبول مەستانىلىرى ئاز...

بوۋاي

xah-diyar يوللىغان ۋاقتى  2015-1-20 13:39
ياخشى پىكىركەن قوللايمىز،مەنمۇ خېلى بۇرۇنلا بەزى تەكل ...

جىڭ گەپ قىلدىڭلا.  يەنە چەكلەپ يەنە قويۇپ بەرسە،  يەنە چەكلەپ يەنە قويۇپ بەرسە،  دۆلەتتە قانۇن ئائىلىدە تۈزۈم بولىشى كېرەك.  قائىدە تۈزۈمنى ئۆزىمىز چىقىرىپ قويۇپ ئۆزىمىز ئەمەل قىلمىساق.  يەنە سولاپ يەنە قويۇپ بەرسە،  كۈچىگۈم كۈچىگۈم دەپ قويسا كاللىسىغىلا مۈنىپ ئولتۇرۇپلا،  سولاپ قويسا مېنى يەنە قويۋېتىدىغۇ.  مېنى ھىچنىمە قىلالمايدىغۇ دەپ ئويلاپ خاتىرجەم موماخانىدا پۇتىنى ئىلماپ يېتىپ قىلغۇلىقىنى قىلىۋېرىدۇ شۇ. ھەممە ئەزاغا ئاخىرقى قېتىملىق پۇرسەت بېرىپ  ئۆمۈرلۈك چەكلەنگەنلەرنى قويۋېتىشقا قەتئى بولمايدۇ دەپلا بايانات ئېلان قىلشنى قەتئى تەشەببۇس قىلىمەن.  

دىلكەش

ۋەئەلەيكۇم ئەسسالام :
بىر نۇقتىنى سورىۋالاي ، چوقۇم يوقلىما تېمىسىغا ئېنكاس يىزىشىمىز شەرىتمۇ ياكى ئاخىرىقى قېتىم كىرگەن ۋاقتى سۈرۈشتە قىلىنامدۇ ؟
تۇرمۇش قۇرمىغان بولساقمۇ شۇنىڭ ھەلەكچىلىكىدە پالاقشىپ كېتىۋاتىمىز ، ئەمما ۋاقىت چىقسىلا كىرىپ تېما ئىنكاس كۆرەپ تۇرىۋاتىمىز .
دەرىجە ، باشقا مېداللىرىم مەيلى مادرىد مېدالىم ئۆزەمدە قالسۇن .

بوغدا

    تىما ئالدىراشلىق ئىچىدە يېزىلدى. بەزى خاتالىقلار بولسا ئەپۇ قىلغايسىزلەر. ھازىر توردىن چۈشۈپ كەتتىم. قالدىسىنى ئاللاھ خالىسا ئەتە دىيىشەرمىز.

ئوسكار

  قوللايمىز .

@مۆتىۋەر

قوللايمەن، ياخشى باشلىنىش.

ئابلەتجان

  خېلى - خېلى ئىشلارنى ئويلاۋېتىپسىلەر، ئىدىيەڭلار مەن پەرەز قىلغاندىنمۇ بەكرەك ئىلغار ئىكەن... قوللايمىز...  

بارچۇق

مۇنبەر بوشلۇق كۈچۈش مۇۋاپىقىيەتلىك ئاخىرلاشتى

تۈمەن

ياخشى پىكىرلەر ئىكەن، قوللايمىز.

بېرنابۇ

ماۋۇ پىلان لاھىيەلەر ياخشى بوپتۇ، پات ئارىدا مەنمۇ بەزى بىر ئىشلارنى يولغا قويماقچى، قالغىنىنى شۇ ۋاقىتتا دېيىشەرمىز. ئىشقىلىپ مۇنبەرنى تۈزۈك-مۈزۈك تەرتىپكە سالمىساق بولمايدۇ. بەلكىم بۇ يىل 2-3-ئايلاردا 2-قېتىملىق مۇنبەر ئىسلاھاتىنى يولغا قويۇپ قېلىشىمىز مۇمكىن، ئەلۋەتتە بۇ ئىشلار مۇنبىرىمىزنىڭ بارلىق باشقۇرغۇچىلىرى ۋە ئالىي ئەزالار ئارقىلىق ۋۇجۇدقا چىقىدۇ.

بوۋاي

بۇغدا يوللىغان ۋاقتى  2015-1-19 23:59
تىما ئالدىراشلىق ئىچىدە يېزىلدى. بەزى خاتالىقلار بو ...

ئەپەندىم   تىشلىقمۇ.  چ چ  كوت كوت نومۇرلىرنى دەپ بەسىلە ...

خۇشخۇي

قەتتى قوللايمىز !!!