پۇتبول مەيدانىدىكى مۇنەۋۋەر سەنئەتكارلار !!!
بۇ يازمىنى ئاخىرىدا nayil تەھرىرلىگەن. ۋاقتى 2013-8-3 19:37پۇتبول قىزغىنلىقى ۋە پۇتبول تۈرىنىڭ كېڭىيىشىگە ئەگىشىپ نۇرغۇن پۇتبول چولپانلىرى مەيداندىكى ئېسىل ماھارەتلىرى بىلەن پۇتكۈل دۇنيادىكى پۇتبول مەستانىلىرى قەلبىدە ئۆچمەس ئىزلارنى قالدۇرۇپ كەتتى شۇنداقلا قالدۇرماقتا . جۇملىدىن مەن ۋە ماڭا ئوخشاش پۇتبول ھەۋەسكارلىرىنى پۇتبول دۇنياسىغا تېخىمۇ ئىچكىرلىگەن ئاساستا قىزىقتۇرغان . پۇتبول مەيدانىدىكى بۇ تۆھپىكارلار نۇرغۇنلىغان يېڭى پۇتبول نوتىلىرى ۋە ھازىرقى پۇتبول سەھنىلىرىدىكى پۇتبول چولپانلىرىنىڭ پۇتبولغا بولغان ئىشتىياقىنى تېخىمۇ قوزغاپ ، ئىلگىرلىشىگە ۋە پۇتبولدىن ئىبارەت بۇ تەنتەربىيە تۈرىدە زور نەتىجىلەرنى يارىتىشىغا تۈرتكە بولماقتا . تۆۋەندە پۇتبول مەيدانىدىكى تۆھپىكار ، مۇنەۋۋەر سەنئەتكارلار سىلەر بىلەن قايتا بىر ئۇچرىشىپ چىقايلى !!
1 . گاررېنچا ( بىرازىلىيە )
گاررېنچانىڭ ئەسلى ئىسمى ( مانوئېل . فىرانسېسكو . دوس . سانتوس ) بولۇپ ، بىرازىلىيە پۇتبول تارىخىدىكى داڭلىق پۇتبولچى . ئۇ مەيدان كونتىرول قىلىشىنىڭ ئالاھىدە بولۇشى ، ئىنكاسىنىڭ تېز ، ھەرىكىتىنىڭ چەبدەسلىكى ، سۇرئىتىنىڭ تېزلىكى ، بوسۈپ كىرىش ئىقتىدارىنىڭ كۈچلۈكلىكى بىلەن داڭ چىقارغان ۋە ھەممىگە تونۇلغان . پۇتبول مەستانىلىرى ئۇنىڭ پۇتبول تالانتىغا قاراپ ‹‹ گاررېنچا ›› دەپ ئاتالغۇ قىلغان . ‹‹ گاررېنچا ›› پورتۇگال تىلىدا بىر خىل كىچىك قۇشنىڭ ئىسمى بولۇپ ، بۇ ئاتالغۇ ئۇنىڭ شۇ قۇشتەك ئالاھىدە بولغانلىقىغا قاراپ قويۇلغان . بۇ ئىسىم ئاستا-ئاستا ھەممىگە سىڭىشىپ كەتكەن . گاررېنچا دۆلەت كوماندىسىغا ۋەكالىتەن ئوينىغان 60 مەيدان مۇسابىقىسىدە 52 مەيدان ئۇتۇپ ، 7 مەيدان تەڭلىشىپ ، بىر مەيدان ئۇتتۇرغان . گاررېنچا بىلەن پېلى بىللە مەيدانغا چىققان مۇسابىقىدە بىرازىلىيە كوماندىسى بىر مەيدانمۇ ئۇتتۇرۇپ باقمىغان .
2 . پېلى ( بىرازىلىيە )
پېلى 20 ئەسىردىكى ئەڭ ئۇلۇغ پۇتبول چولپىنى ۋە پۇتبول شاھى . پېلى : ‹‹ مەن پۇتبول ئۈچۈن تۇغۇلدۇم ، خۇددى بېتخوۋېن مۇزىكا ئۈچۈن تۇغۇلغاندەك ! ›› . پېلى پۇتكۈل پۇتبول مەستانىلىرى نەزىرىدىكى پۇتبول پېشۋاسى . ئۇنىڭ مەيداندىكى چەبدەسلىكى ، تېخنىكىسىنىڭ ئۈستۈنلىكى ، تېز ۋە پۇرسەت تۇتۇشقا ماھىرلىقى ، ئۇنى كىشىلەر قەلبىدە يۈكسەك ئورۇنغا ئېرىشتۈردى . ئوشۇق سۆزلەشنىڭ ھاجىتى يوق ، پېلى پۇتبول ھەرىكىتىنىڭ پەللىسىنى تېخىمۇ يۇقىرى پەللىگە كۆتۈردى . شەك-شۇبھىسىزكى ، ئۇ ھەقىقى پۇتبول پېشۋاسى !!!
3 . يوسىبېئو ( پورتۇگالىيە )
يوسىبېئو 20 ئەسىرنىڭ 60-يىللىرىدىكى چارلىتون بىلەن ئوخشاش تونۇلغان پۇتبول چولپىنى . ئۇنىڭ ھەممىنى ھەيران قالدۇرغىنى ئېسىل پۇت ئاستى ماھارىتى ۋە تېزلىكى . بولۇپمۇ ئۇنىڭ تېزلىكى . يوسىبىئونىڭ شەخسى تېخنىكىسى ئىنتايىن ياخشى بولۇپ ، ئۇنىڭ كۆپىنچە ئۇرغان توپلىرى ئوتتۇرا مەيداندىن تېخنىكىلىق بۆسۈپ كىرىپ ئۇرغان توپلار . ئۇ كۈچ ، تېخىنىكا ۋە تېزلىكىنىڭ بىرلەشمىسى بولۇپ ، كىشىلەر تەرىپىدىن ‹‹ قارا قاپلان ›› دەپ ئاتالغان . ئۇ شۇ ۋاقىتلاردىكى مۇداپىيىچىلەرنىڭ ئەڭ قورقۇنۇشلۇق چۈشى ئىدى . ئىنگىلاندتا ئۆتكۈزۈلگەن دۇنيا لوڭقىسى تالىشىش مۇسابىقىسىدىكى ئېسىل ئىپادىسى ئېنگىلاندلىقلارنى ، جۈملىدىن پۇتۇن دۇنيانى ھەيران قالدۇرغان . شۇنداقلا ئۇنىڭ ھەيكىلى قاتتۇرۇلۇپ ، ئېنگىلاند دوۋسار خانىم شام ھەيكەل كۆرگەزمىخانىسىغا قويۇلغان . ئۇ شۇ مەزگىلدىكى پورتۇگالىيە گوھىرى !!!
4 . كىرويېف ( گوللاندىيە )
ئالاھىدە بولغان توپ كونتىرول قىلىشى ، ئېسىل پۇت ئاستى ماھارىتى ۋە تېزلىكى ، كوماندىدىكى جەڭگىۋارلىقى ۋە تەشكىللەش ئىقتىدارىنىڭ كۆرۈنەرلىكلىكى بىلەن ھەممىگە تونۇلغان سەنئەتلىك توپ تەپكۈچىنىڭ بىرسى . ئۇ دۆلەت كوماندىسى بىلەن بىرلىكتە ئانچە شانلىق نەتىجىلەرنى يارىتالمىغان ، پەقەت بىر قېتىملىق دۇنيا لوڭقىسى تالىشىش مۇسابىقىسىغا قاتناشقان بولسىمۇ ، مەيداندىكى ئىپادىسى بىلەن پۇتبول سەھنىسىسدىكى ھەقىقى سەنئەتكار ئىكەنلىكىنى نامايان قىلدى . ئۇنىڭ بولۇشى پۇتبولغا ئىسلاھات ، دۇنيا پۇتبولچىلىقىغا يېڭىچە كۈچ ئاتا قىلدى . تەبئىي تالانت ۋە تىرىشچانلىق كىرويېفنى زور ئابروي ۋە شەرەپلەرگە نائىل قىلدى .
5 . زىكو ( بىرازىلىيە )
پېلى : ‹‹ ئۇ ئىنتايىن مۇنەۋۋەر پۇتبول تەنھەركەتچىسى . ئۇنىڭ چەكلەنگەن رايوندىكى سەزگۈرلىكى ئىنتايىن ئالاھىدە . ئۇ قالايمىقانچىلىق ئىچىدىنمۇ كىچىككىنە يوچۇق بولسىلا توپنى بىمالال كونتىرول قىلىپ ئېلىپ چىقىپ كېتىدۇ . ›› دەپ تەرىپلەيدۇ . مانا بۇ ئالدىنقى ئەسىرنىڭ 80-يىللىرىدىكى ‹‹ سامبا ئۇسۇلچىسى ›› زېكو . ئۇنىڭ يەنە ‹‹ ئاق تەنلىك پېلى ››دەپمۇ نامى بار . پېلى چېكىنگەندىن كېيىن بىرازىلىيە پۇتبولچىلىقىدىكى پېلىنى ئىزىنى باسقان بىردىنبىر توپچى ۋە بىرازىلىيەنىڭ ئۈمىد يولتۇزى . زېكونىڭ پۇتبول ماھارىتى ئۇستۈن ، ھەرىكەت دائىرىسى كەڭ ، تېزلىكى ۋە بوسۈپ كىرىشى ئالاھىدە بولۇپ ، بىرازىلىيە پۇتبولچىلىقىغا يېڭى ئۈمىد ۋە شان شەرەپ كەلتۈرگۈچى .
6 . پىلاتېنى ( فىرانسىيە )
20 ئەسىرنىڭ 80-يىللىرىدىكى ئەڭ مۇنەۋۋەر ئوتتۇرا مەيدان شەرىپىگە ئېرىشكۈچى دەل پىلاتېنى . 1978-يىلى 23 ياشقا كىرگەن پىلاتېنىنىڭ دۇنيا لوڭقىسى تالىشىش مۇسابىقىسىغا بىرىنچى قېتىم قاتنىشىشى ئىدى . بىراق ، فىرانسىيە كوماندىسى چىمپىيون بولۇش ئېھتىماللىقى ئەڭ يۇقىرى بولغان ئارگېنتىنا ۋە ئىتالىيەلەر بىلەن بىر گۇرۇپپىغا بۆلۈنگەن ئىدى . گەرچە فىرانسىيە كوماندىسى بۇ قېتىم گۇرۇپپىدىن شاللىنىپ كەتكەن بولسىمۇ ، پىلاتېنى دۇنيا سەھنىسىدە ئۆزىنى نامايان قىلدى ۋە چىمپىيون ئارگېنتىنا كوماندىسىغا ئۆزىنىڭ دۇنيا لوڭقىسى مۇسابىقىسىدىكى بىرىنچى توپىنى ئۇرۇپ كىرگۈزدى . ئۇنىڭدىن كېيىنكى 15 يىللىق پۇتبول ھاياتىدا جەمئىي 649 مەيدان مۇسابىقىغا قاتنىشىپ 353 توپ كىرگۈزدى . ئۇنىڭ مەيداندىكى ھەر بىر ھەرىكىتىنىڭ ئۆزى بىر سەنئەت .
7 . مارادونا ( ئارگېنتىنا )
ئارگېنتىنادا ، پۇتبول مەڭگۈ ئۈزۈلمەس تېما ! ئەگەر مارادونا بولمىغان بولسا ، بوينېس-ئايرېستىكى نامرات مەھەللە ۋېلا-فىئورى كىمنىڭمۇ ئېسىگە كېلەر ئىدى ؟ 1960-يىلى 10-ئاينىڭ 30 كۈنى مارادونا نەق مۇشۇ مەھەللىدە دۇنياغا كەلدى . گەرچە بويى پاكار بولسىمۇ ، تەڭرى بۇ يىگىتكە ئىنتايىن يۇقىرى ماھارەت ۋە خىسلەتلىك سول پۇت ئاتا قىلغان ئىدى . ئۇ ئارگېنتىنانىڭ مەڭگۈلۈك 10-نومۇرى . ئۇ پۇتۇن دۇنيانى ھەيران قالدۇرغان پۇتبول شاھى ، شۇنداقلا ئارگېنتىنا پۇتبولچىلىقىدىكى‹‹ پۇتبول ئىلاھى ›› !!!
8 . باگگىيو ( ئىتالىيە )
چىملىقتىكى باگگىيو ھەقىقى سەتئەتكار . ئۇنىڭ مەيداندىكى يېنىك ، ئەپچىل ھەرىكەتلىرى ، كېلىشكەن سالاپىتى ، ئالاھىدە پۇتبول ماھارىتى نۇرغۇن مەستانىلەرنى ئۆزىگە لال قىلغان . ئۇ بىر ئۆمۈر تەقدىر بىلەن كۈرەش قىلدى ، لېكىن يەنىلا تەقدىر تەرىپىدىن تاشلىۋېتىلدى . باگگىيو مەيلى دۆلەت كوماندىسىدا بولسۇن ، مەيلى كۇلۇبتا بولسۇن ، ئۆزىنىڭ ئەڭ ئېسىل پۇتبول ماھارەتلىرىنى بىزگە تەقدىم ئەتتى .
9 . زىدانى ( فىرانسىيە )
زىدانىنىڭ توپ تەپكىنىنى كۆرۈشنىڭ ئۆزى بىر ھوزۇر . بۇ ئالجىرىيىلىك ئەرەب پۇشتىدىن بولغان فىرانسىيىلىك سەنئەتكارنىڭ مەيداندىكى لەرزان ئۇسۇلى كىشىنى لال قىلماي قويمايدۇ . ئۇ ئانچە كېلىشكەن بولمىسىمۇ ، لېكىن ئۇنىڭ پۇتبول ماھارىتى نۇرغۇنلىغان توپ مەستانىلىرىنى ئۆزىگە ئاشىق قىلغان . ئۇنىڭ پۇت ئاستى ماھارىتى شۈبھىسىزكى 21ئەسىردىكى ئەڭ نادىر ماھارەت ھېسابلىنىدۇ . ئۇنىڭ پۇتبول ھەرىكەتلىرى ئاددى كۆرۈنسىمۇ ، لېكىن ئىنتايىن يېنىك ۋە جەلىپ قىلارلىق . بىرلەشكەن دۆلەتلەر تەشكىلاتىنىڭ سابىق باش كاتىپى ئاننان : ‹‹ ئۇ ئەڭ مۇنەۋۋەر سەنئەتكار ، چىملىقتىكى سەنئەتكار !! ›› دەپ تەرىپلەيدۇ .
10 . رونالدىنھو ( بىرازىلىيە )
رونالدىنھو ھەر تەرەپتىن تولۇق يېتىلگەن پۇتبول چولپىنى . ئۇ رونالدوغا ئوخشاش ۋارتار ئالدىدا ئىنتايىن تەمكىن نومۇر ئالغۇچى ، زىدانىغا ئوخشاش مەيدان كونتىرول قىلغۇچى ، بېكھامغا ئوخشاش ئۇزۇن پاس ۋە ئىختىيارى توپ ماھىرى ، فىگوغا ئوخشاش يان يولدىكى خەتەرلىك بۆسۈپ كىرگۈچى . 2002-يىلىدىكى دۇنيا لوڭقىسى تالىىشش مۇسابىقىسىدە بۇ بىرازىلىيىلىك سامبا ئۇسۇلچىسى ھەممىنى ھەيرەتتە قالدۇرغان .
يەنىلا بىرازىليە كۆپ سانلىقنى ئىگەللەيدىكەن ..... بىرازىليەنى قانچە ماختىسا ئەرزىيدىغان ، پۇتبولچىلارنىڭ سەردارلىرى چىقىدىغان دۆلەتتە ئۇ سەنئەتكارلار دىسە، يالغان يېقىلغۇچىلارمىكىن دەپ قالدىكەن ئادەم. مەن رونالدىنھو غا رەسمىي قول قويىمەن !! بۇ چولپانلار ئۆز دەۋرىدە پۇتبول دۇنياسىنى تىترەتكەن داڭلىق چولپانلاردۇر
سەنئەتكار نۇقتىسىدىن ئالغاندا زىدانى ،رونالدىنخۇ ھەممىدىن قالتىس دەپ قارايمەن گاررىنچانىڭ لەقىمى شاتۇر رونالدىنھو،زىدانى..... رونالدىنخو ئەڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭ مۇشتىغى كۆپ پۇتبولچىلارنى بىلىۋالدىم رەھمەت . بىرازىليەنىڭ چولپانلىرى يامانكەن .... ھەممىسى قالتىس پۇتبولچىلاركەن
بەت:
[1]
2