okutux tatkikati

⑴ نەزىرى يۇقىرى ، ھالى بوش ، سەۋىر تاقىتى يوق كىشىلەر .بۇنداقلار مىنىڭ قابىلىيتىم بار ، مەكتەپ مۇدىرلىقىنى قىلالايمەن ، باشقۇرۇش دىگەن ئاسان دەپ قارايدۇ  . بىراق جاپالىق خىزمەت ئىشلەشكە ، ئۇزۇن ۋاقىت تىرىشىشقا توغرا كەلگەندە ، نەزىرى يۇقىرى ، ھالى بوش، سەۋىر قىلالماسلىقتەك  ئاجىز تەرەپلىرى  ئاشكارىلىنىپ قالىدۇ - دە ، ئاخىرغىچە مۇۋاپىقىيەتلىك بولىشى تەس بولىدۇ.

⑵ ئۆزىنىڭكىنى راس دەپ تۇرىۋالىدىغان كىشىلەر . بۇنداقلار ئۆزىنى باشقىلاردىن ئەقىلىق ، ئىقتىدارلىق دەپ قارايدۇ ، ئوخشاش بولمىغان پىكىرلەرنى ئاڭلاشنى خالىمايدۇ ، ئۆزىنىڭ نوقتى – نەزىرى ۋە كۆز قارشىنى ئەڭ مۇۋاپىق دەپ قاراپ ، باشقىلارنى نادان چاغلايدۇ ، ھەمدە  ئۇلارنىڭ پىكىر –تەلەپلىرىنى ئاسانلا رەت قىلىدۇ-يۇ ، لىكىن ئۆزى ياخشى پىكىر –تەلەپلەرنى ئوتتۇرغا قويالمايدۇ ، تەپەككۇر قىلىش ئۇسۇلى جەھەتتىمۇ بىرتەرەپلىمىلىكنى پۈتۈنلۈك دەپ قارايدۇ  ، ئاسان ھاياجانلىنىدۇ ، جاھىللىق قىلىدۇ ، باشقىلار بىلەن ئاسانلىقچە ھەمكارلىشالمايدۇ .

⑶ ياخشى گەپنى ئېغىزدىلا دەپ قويۇپ ، ئەمەلىيەتتە ئۆز نەپسىگە چوغ تارتىدىغان كىشىلەر . بۇنداقلار ئۆزىنى مىنىڭ تالانتىم كۆزگە كۆرۈنمەي قالدى – دەپ قارايدۇ ،  تەشەببۇسكارلىق بىلەن خۇشامەتچىلىك قىلىدۇ كەلسە - كەلمەس ئۆزىنىڭ مەكتەپ مۇدىرلىقىنى پەش قىلىپ ، ئېغىزدىلا ياخشى گەپنى دەپ قويىدۇ ، باشقىلارنى كەمسىتىپ مەسئۇلىيەتسىزلىك قىلىدۇ ، كۆڭلىدە ئۆزىنىلا ئويلاپ ، ھەر خىل ئامال – چارىلەر بىلەن پايدىغا ئىرىشىشنى مەقسەت قىلىدۇ .