<<  ئوقۇتقۇچى – ئوقۇغۇچىلار بىلەن سۆھبەت | باش بەت | 1. رەھبەرلىك قىلغۇچى ئىددىيسىنى ھەر بىر ئىشچى ـ خىزمەتچىنىڭ قەلبىگە سىڭدۈرىشى كىرەك .  >>

  • 2009-06-09

    ئوقۇتقۇچىلار بىلەن ئىختىيارى پاراڭلار ئۈستىدىكى سۇئال-جاۋاپلار - [تەرمىلەر]

    1.مەكتەپ دىگەن نىمە؟ مەكتەپنىڭ مەھسۇلاتى نىمە ؟ 

    جاۋاپ : ئوقۇغۇچىلارنى تەربىيەلەش ئورنى. ئوقۇغۇچى (بىر قىسىم ئوقۇتقۇچىلاردا ئىنكاس يوق )

    2. دەرس دىگەن نىمە؟

    جاۋاپ : مەكتەپتە ئۆتۈلۇۋاتقان ھەر قايسى پەن دەرسلىرى (بىر قىسىم ئوقۇتقۇچىلاردا ئىنكاس يوق)

    3. كونسىپىك، ئوقۇتۇش لاھىيەسى. دەرس تەييارلاشنى قانداق چۈشۈنۈسىز؟

    جاۋاپ: ئىنكاس يوق

    4. دەرسلىك مەزمۇنى ئۆزگەرمىگەن ئەھۋالدا ، شۇ بىر سائەتلىك دەرسنى ئۆتۈشتە ، ئالدىنقى قېتىم تۈزگەن لاھىيەنى ئىشلەتسەك بولىۋىرەمدۇ ياكى لاھىيەنى قايتا تۈزۈش كېرەكمۇ ؟

    جاۋاپ: ئىلگىرى تۈزۈلگەن لاھىيەنى ئىشلەتسەك بولىۋېرىدۇ .

    5. سىزدە دەرس ئۆلچىمى بارمۇ؟ ئۇنى ئۈگەندىڭىزمۇ؟

    جاۋاپ : بار ، ئۈگەندىم .

    6. ئۈچ ئۆلچەملىك نىشان دىگەن نىمە ؟ دەرس ئۆلچىمى قانچە چوڭ بۆلەكتىن تەركىپ تاپقان؟

    جاۋاپ : ئىنكاس يوق .

    7. ھازىرمۇ ئوقۇغۇچى چاقىرىشقا چىقامسىلەر ؟ ئۆزلىگىدىن مەكتەپكە كېلىپ ئوقۇش ئىددىيىسى بار ئوقۇغۇچىلار كۆپمۇ ؟

    جاۋاپ : ھازىرمۇ چىقىمىز ، ئۇنداق ئوقۇغىچىلار كۆپ ئەمەس .

    8. ئوقۇغۇچىلارنىڭ مەكتەپكە كەلمەسلىكى ياكى مەكتەپتىن زېركىشىنىڭ سەۋەبىنى دەپ باقامسىز ؟

    جاۋاپ : ئاساسلىقى دىھقان باللىرى ، دىھقان دىگەن ساۋاتسىز مەدىنىيەت ساپاسى تۆۋەن باللىرىنى مەكتەپكە ئەۋەرتمەيدۇ .

    9. ئوقۇغۇچىلار تاپشۇرۇقنى تولۇق ئىشلەمدۇ ؟ مۇستەقىل ئىشلەمدۇ ؟

    جاۋاپ : ئۇنىڭ گېپىنى بىر دىمسىلە ، تولۇق ئىشلەش تۈگۈل چالا بولسىمۇ ۋاختىدا تاپشۇرمايدۇ ،مۇستەقىل ئىشلەش دىگەندىن ئېغىز ئېچىش ناھايىتى قىيىن .

    10. سەۋەبى ئۈستىدە ئىزدىنىپ باقتىڭىزمۇ ؟

    جاۋاپ : بۇگۇينڭ باللىرىنىڭ ئوقۇش ئىددىيىسى يوق ،《باغلاپ باققان ئىت ئوۋغا يارىمايدۇ 》

    11. سىز ھازىر چىققان مائارىپقا دائىر  قانۇنلاردىن قايسىللىرىدىن خەۋىرىڭىز بار ؟

    جاۋاپ : ئىنكاس يوق .

    12. سىز بۇ خىزمەتكە ئىرىشكىنىڭىزنى ئۆمىرىڭىزدىكى ئەڭ چوڭ خۇشاللىق ئىش دەپ قارامسىز ؟

    جاۋاپ : شۇنداق

    13. نىمە ئۈچۈن ؟

    جاۋاپ : چۈنكى مۇقىم ئىخدىسادىي كىرىم مەنبەگە ئىرىشتىم .

    14. ئالغان مائاشىڭىزنى خىزمىتىڭىزگە لايىق دەپ قارامسىز ؟

    جاۋاپ : ئانچە ئۇنداق دەپ قارىمايمەن .

    15. نىمە ئۈچۈن ؟

    جاۋاپ : چۈنكى شارائىتى بىزدىن نەچچە ھەسسە ياخشى ئورۇندا ئىشلەيدىغانلارمۇ  بىز بىلەن ئوخشاش ھەتتا بىزدىن يۇقۇرى مائاش ئالىدىغۇ.

    16. مەكتىۋىڭلاردا باشقۇرىدىغان ، ھەيدەكچلىك قىلىدىغان ئادەم بولمىغان ئەھۋالدا ئۆزلىگىدىن سىنىپقا كىرىپ ئوقۇغۇچىلارغا دەرس ئۆتىدىغان ئوقۇتقۇچىلار قانچە پىرسەنتنى ئىگەللەر؟

    جاۋاپ : راست گەپنى قىلسام ئۇنداقلار ئازساندا .

    17. ئۇنداق بولسا ئوقۇغۇچىلارنىڭ ۋاختى بىكارغا كەتمەمدۇ؟

    جاۋاپ : ئۇنىڭ بىلەن كىمنىڭ كارى ، كىم جاپا تارتىشنى خالايدۇ .

    18. دىمەك ئوقۇتقۇچىلار مەجبۇرى ئاساستا دەرس ئۆتىدىكەندە؟

    جاۋاپ : شۇنداق. مەكتەپ باشلىقلىرىنىڭ ھەيدەكچىلىكى. « يۇقۇرۇدىن تەكشۈرۈشكە كېلىدۇ» دىگەن بېسىم بىلەن سىنىپقا كىرىپ دەرس ئۆتىدۈ .

    19. ئالغان مائاشقا يۈزكېلەلمەسلىكتىن ئەنسىرىمەمدۇ؟

    جاۋاپ : بىزنىڭ مۇشۇ يەرگە كېلىپ ئىشلىگىنىمىزنىڭ ئۆزى چوڭ ئىش. شەھەرلەردە بىزدىنمۇ بىكار يېتىپ يەيدىغانلار بارغۇ.

    20. سىز قىلىۋاتقان خىزمىتىڭىزدىن رازىمۇ؟ خىزمىتىڭىز كۆڭۈللۈكمۇ؟

    جاۋاپ : نىمىسىنى دەيلا ،بۇنداق گۇينىڭ مەكتىۋىنى. شارائىتىنىڭ ناچارلىقى ، شوجىڭىنىڭ(مۇدىرنىڭ) ساپاسى يوق ،ئوقۇتقۇچىللىرىنىڭ تېخى. ئوقۇغۇچىدىگەن گۇينىڭ باللىرىنىڭ دۆتلىكى .

    21. ئۇنداقتا بۇ مەكتەپ كىمىنىڭ ؟

    جاۋاپ : كىمنىڭ بولسا بولمامدۇ ، ئىشقىللىپ مەن بىلەن مۇناسىۋەتسىز .

    22. سىزنىڭ ئالدىمىزدىكى قىلماقچى بولغان ئىشىڭىز  قايسى ؟

    جاۋاپ :ئامالنىڭ بارىچە شەھەرگە يۆتكىلىپ كېتىش .

    23. ئالدىمىزدا ئۇنىڭدىن باشقا قلىدىغان ئىشىڭىز يوقمۇ ؟

    جاۋاپ : ئۇنىڭدىن باشقا مۇھىم ئىشىم يوق.

    24. سىلىنىڭ ئۇنۋانلىرى نەچچىنچى دەرىجە؟

    جاۋاپ : ئالى دەرىجە (ئوتتۇرا مەكتەپ ) . ئالىدىغاننى ئېلىپ بولدۇق ، ئەمدى ئاستا جاننى مۇھاپىزەت قىلىپ ئۆتمىسەك بولمايدۇ .

    25. سىلىنىڭ ئۇنۋانلىرىچۇ؟

    جاۋاپ : ئوتتۇرا مەكتەپ 1-دەرىجە ، ئالى دەرىجە ئالارمەنمىكىندەپ سىنىپ تۇتۇپ جان قىيناۋاتىمەن ، بولمىسا جاپا تارتقۇم يوق ئىدى .

    26. ئىككى ئاساسەن دىگەن نىمە؟

    جاۋاپ : نىمە بولاتتى يالغاندىن جەدىۋەل تولدۇرۇش بولمامدۇ .

    27. ئىككىنى ئومۇمەن دىگەن نىمە؟

    جاۋاپ : بىلمەيدىكەنمىز .

    分享到：

    历史上的今天：

    خەتكۈچ: سۆھبەت
    ئادرىسى:
    تەتقىقاتچىۋاقتى 18:37:13 | تەھرىرلەش | 分享　0