بىر ئايفوندا ئىككى ئادەم بىرلا ۋاقىتتا ئوينىغىلى بولىدىغان بىر ئويۇننى تېخى تۈنۈگۈن يوللاپ تۇرىۋېدىم، بۈگۈن مۇشۇنىڭدەك ئويۇندىن يەنە بىرسى ۋاقىتلىق ھەقسىز تارقىتىلىپتۇ. بۇ ئويۇننى گەرچە 1 ئايفوندا ئوينىمىغان بىلەن، كۆك چىش ياكى WiFi بىلەن تورلاشتۇرۇپ ئوينىغىلى بولىدۇ. بۇ ئويۇننىڭ ئىسمى AutoRobot TD Defend and Defeat . ئويۇننىڭ سۈزۈكلىكى ھەقىقەتەن يۇقىرى. ئايفون 4 كە ئۇيغۇن قىلىپ لايىھەلەنگەن يۇقېرى ئېنىقلىقتىكى HD ئويۇنى. ئويۇنخۇمارلار پۇرسەتنى چوقۇم ئۆتكۈزىۋەتمەي چۈشۈرىۋېلىڭ.
رەسىم قوراشتۇرۇش ئويۇنلىرىنى ئويناپ باققانلىقىڭىزغا ئىشىنىمەن. لېكىن بۇ شەكىلدىكىسىنى چوقۇم ئويناپ باقمىغانغۇ دەيمەن؟ قىيىنلىق دەرىجىسى ئاشۇرۇلغان بۇ خىلدىكى رەسىم قوراشتۇرۇش ئويۇنىنىڭ ئىسمى FLUP . بۇ ئويۇننى ئويناڭ دەپ كاللىڭىزنى سەل قىيناپ قويۇدىغان بولدۇق. ئەپۇ قىلاسىز…
بۈگۈنكى ماۋۇمۇ يەنىلا ئەقىل سىناش ئويۇنلىرىغا تەۋە ئويۇن. كۆرىنىشىنىڭ سۈزۈكلىكىدە گەپ يوق . لېكىن قىيىنلىق دەرىجىسى سەل يۇقىرى. ئايفون 4 نىڭ سۈزۈك ئېكرانىغا ماسلىشىدىغان سۈزۈك كۆرىنىشكە ئېگە ئەقىل سىناش ئويۇنى. ئەگەر ھەر بىر ئۆتكەلدىن ئالماس ئېلىپ ئۆتەلىسىڭىز سىزدە ئادەتتىكى كىشىلەردە يوق بولغان ئالاھىدە تەرەققى قىلغان چوڭ مىڭە بارلىقىنى ئىسپاتلىغان بولىسىز.
بۇ ئويۇن ئادەمنىڭ ئەستە تۇتۇش ئىقتىدارىنى، ھۆكۈم قىلىش ئىقتىدارىنى، ئىنكاسىنى ۋە قولىنىڭ ئىتتىك ئاستىلىقى قاتارلىق كۆپ تەرەپلىمىلىك سىناقلاردا سىنايدىغان بولۇپ، ھەممە جەھەتتىن تەڭ ماسلىشىپ ماڭسىڭىز ئاندىن ئالماس ئالالايسىز.
بىر مەزگىل بۇرۇن AppStore دا ئوت بولۇپ كەتكەن ئويۇن Angry Birds نۇرغۇنلىغان ئويۇنخۇمارلارنىڭ ياقتۇرۇپ سېتىۋېلىشىغا ئېرىشكەن ئىدى. ماۋۇسى شۇنىڭغا ئوخشاپ كېتىدىغان ئويۇن. لېكىن كۆرىنىشىمۇ ئۇنىڭدىن قېلىشمايدۇ. بۇ ئويۇندا بىز بىر تال مەنچاناققا ئوخشايدىغان ماشىنا بىلەن تاشقى پلانىت ئادەملىرىنىڭ مىجىقىنى چىقىرىمىز. ئۇ ماشىنىمىزغا ھەرخىل نەرسىلەرنى قاچىلاپ ئېتىپ ئۇلارنى ئۆلتۈرسەكلا بولىدۇ. ئۆلمىكى ئۇنچە تەسمۇ ئەمەس. پەقەت سوقساقلا بولدى.
سىز مەيلى رادىئودا بولسۇن، مەيلى تېلىۋىزۇردا بولسۇن بىرەر جايدا بىر مۇزىكا ياكى ناخشىنى ئاڭلىغان بولسىڭىز، سىزگە يېقىپ قالسا شۇ ناخشىنىڭ نامىنى بىلىۋېلىپ، توردىن ئىزدەپ تېپىپ چۈشۈرۈپ ئاڭلاشنى خالايسىز، شۇنداقمۇ؟ بىرەر كىشىدىن سوراي دېسىڭىز، شۇ ناخشىنى ئۆزىڭىز غىڭشىپ ئوقۇپ بېرىپ، ماۋۇ ناخشا قانداق ناخشا بولغىيتى، دېيىشكە توغرا كېلىدۇ. بۇنداق قىلسىڭىز بەزىدە زاڭلىققا ئۇچرىشىڭىزمۇ مۇمكىن.
بۈگۈنكى ماۋۇ App دەل سىزنىڭ بۇ غېمىڭىزنى يوق قىلىدۇ. Soundhound بولسا AppStore دىكى ئاۋازغا ئاساسەن ناخشا تاپىدىغان دېتاللار ئىچىدىكى ئەڭ تىز ۋە ئەڭ توغرا تاپىدىغان بازىرى ئىتتىك دېتال. بۇ دېتال ئايفون، ئايتاچ، ئايپەدنىڭ ھەممىسىگە چۈشىدۇ.
بۇ ئويۇن بىر ئۆيدىكى چوشقا ۋە توخۇ ئوتتۇرىسىدىكى جەڭ بولۇپ بىز توخۇنىڭ رولىنى ئېلىپ «چوشقا» ئاتىمىز. ۋەقەلىكىدە چوشقىلار توخۇلارنىڭ قولىدا بىر ئېسىل ئەڭگۈشتەرنىڭ بارلىقىنى بىلىپ ئۇلارغا زەھەر قولىنى سالىدۇ. توخۇلارنىڭ ئىچىدىكى 2 نەپىرى بەختكە يارىشا ئامان قېلىپ، بۇ چوشقىلارغا قارىتا جەڭنى باشلايدۇ.
كىچىك ۋاقىتلىرىمىزدا ياقتۇرۇپ ئوينايدىغان مۇشۇنداق بىر ئويۇن بولىدىغان. ئاپام كىر يۇغاندا داسقا يېڭى سۇ قۇيۇپ سوپۇن سالغان چاغدا دەرھال كىچىك قۇتىدىن بىرگە سوپۇن سۈيىنى قاچىلىۋېلىپ ئۆزىمىز ياسىغان نەرسىگە چىلاپ پۈۋلەپ ئاشۇنداق شار چىقىرىپ ئوينايدىغانتۇق. كىيىن ئۇنىڭ بازاردا ھەرخىل ھەرياڭزا، ھەر چىرايلىقلىرى سېتىلىدىغان بوپ كەتكەن. ئايفون پروگرامما تۈزگۈچىلىرى شۇ چاغلىرىمىزنى ئەسلەپ تۇرىشىمىز ئۈچۈن شۇ ئويۇنلارنى ئايفونغىمۇ كۆچۈرۈپ ئەكەپتۇ. بۈگۈن ئەمدى ئۇنىڭ ئاخىرىنى ئايفونىمىزدا ئوينىغۇدەكمىز.
پاسىبان كۇلۇبى سىزنى ساپ ئۇيغۇر تىلىدىكى ئايفون، ماشىنا ۋە فوتوگرافىيە تېمىسىدىكى مەزمۇنلار بىلەن تەمىن ئېتىدۇ. كۇلۇبىمىز سىزنىڭ قەدىمىڭىز ۋە تەكلىپ پىكىرلىرىڭىز بىلەن تېخىمۇ رەڭدار...
ئېلخەت :
ICP ئەن نومۇرى : 新ICP备10202432号
يېقىندا باھا تۆرىدىن ئورۇن ئالغانلار