پاسىبان كۇلۇبى » GameCenter

App Store دا ھەقسىز ئويۇننى قانداق تېپىشنى بىلەمسىز؟

پاسىبان — Fri, 25 Mar 2011 10:15:58 +0000

بۈگۈن 5 كۈن بوپتۇ. يېڭى ئويۇن تەۋسىيە قىلمىدىم. چۈنكى بۇندىن كىيىن ئويۇن مەنبەسى بىلەن تەمىنلەشنى توختاتماقچى بولىۋاتىمەن. بۇ مۇناسىۋەت بىلەن نەچچە ۋاقىتتىن بۇيان كۇلۇبتىكى مۇشۇ مەزمۇنلاردىن پايدىلىنىپ كېلىۋاتقان كۇلۇب ئىشتىراكچىلىرى ئالدىدا تولىمۇ خىجىلمەن. بۇندىن كېيىن ئاساسلىقى ئايفون ۋە كۇلۇبىمىزنىڭ باشقا تۈرىگە تەۋە بولغان ساھەلەر ئۈستىدە مۇلاھىزە، بەزىبىر تېخنىكىلىق بىلىملەر، شۇ ساھەدىكى يېڭىلىق دېگەندەك مەزمۇنلار بىلەن سىلەرنى يەنىلا قارشى ئالىمەن. چۈنكى مېنىڭ بۇ تاللىشىم سىلەر ئۈچۈن تېخىمۇ پايدىلىق دەپ قارايمەن. شۇڭا بۈگۈن ئايفونىڭىز ۋە باشقا ئالما مەھسۇلاتلىرىڭىز ئۈچۈن App Store دا ئەسلى ھەقلىق بولغان، لېكىن 1~2 كۈن ۋاقىتلىق ھەقسىز قىلىپ تارقىتىدىغان پەچەت ئويۇنلارنى قانداق ئىزدەپ تېپىش، دەل شۇ ۋاقتىدا ھەقسىز پايدىلىنىشقا دائىر ئەپچىل چارىلەرنى سىلەرگە چۈشەندۈرۈپ ئۆتمەكچىمەن. بۇنى ئۆگىنىۋالسىڭىز مېنىڭ كۈندە سىلەرگە بۇ يەردە تەۋسىيە قىلىپ ئولتۇرۇشۇمنىڭ ھاجىتى قالمايدۇ. بۇلارنى بىلىۋالسىڭىزلا ئۆزىڭىز قول تىقىپ پەچەت ئويۇنلاردىن ھەقسىز ھوزۇر ئالالايسىز.

ئاۋال ئازراق سەپسەتە ساتاي. مەن ئەزەلدىن دەيدىغىنىم، 91 غا ئوخشاش ئەخلەتچى چوماقچىلارنى ئاز ئىشلىتىش ياكى ئىلاج بولسا ئىشلەتمەسلىك. بۇ پىشقان ئايفونچىلارنىڭ ئورتاق قارىشى. راس، 91 دەسلەپتە ئايفون ئىشلىتىۋاتقانلار ئۈچۈن بەزى قولايلىقلارنى ئېلىپ كەلگەچكە ھەممە ئادەم دىگۈدەك بۇ ئۆتكەلنى بېسىپ ئۆتىشى مۇمكىن. لېكىن سىز 91 نىڭ ئايفونىڭىزغا چىتلاپ قويغان ئەخلەتلىرى، پروگراممىلاردىكى بۇزغۇنچىلىق سەۋەبىدىن كەلتۈرۈپ چىققان مۇقۇمسىزلىق، ئەخلەت كۆپ بولۇش سەۋەپلىك ئىجرا بولىشى ئاستىلاپ كېتىش، ئاقىۋەت سېستىمىنى قايتا قاچىلاي دەپ iTunes ئارقىلىق زاپاسلاپ قويماقچى بولغىنىڭىزدا ئۇنىڭغىمۇ ئۇلىيالماسلىق قاتارلىق كىيىن كۆرىلىدىغان ئادەمنىڭ بېشىنى قايدۇرىدىغان مەسىلىلەرگە يولۇققىنىڭىزدا بۇ «قولاي» نەرسىنىڭ ئاخىرىغىچە «قولاي» لىق ئېلىپ كېلەلمەيدىغانلىقىنى ھېس قىلىپ يېتىسىزدە، مۇھىم ئۇچۇر ۋە خاتىرىلىرىڭىز iTunes ئارقىلىق زاپاسلىيالمىغانلىق سەۋەبىدىن غايىب بولغىنىدا بۇنى ئىشلەتكىنىڭىزدىن پۇشايمان قىلىسىز.

ئايفونغا 91 نى پەقەتلا ئۇلىماڭمۇ دېمەيمەن. چۈنكى مەنمۇ 来电秀 دېگەندەك نەرسىلىرىنى قاچىلاپ ئىشلىتىپ قويىمەن. ئەگەر مۇشۇ بىر نەرسىنىڭ App Store دا سېتىلىدىغان ھەقلىق نەشىرى بولغان بولسىمۇ پۇلغا ئېلىپ ھەقىقى نەشىرىنى ئىشلەتكەن بولاتتىم. گەپنىڭ قىسقىسى، ئىلاج بار بۇنىڭغا ئوخشاش ئوغرى نەشىرىدىكى نەرسىلەرنى ئاز ئىشلىتىش، قۇربىتىڭىز يەتسە پەقەتلا ئىشلەتمەسلىك – سىزنىڭ ئايفونىڭىز ئۈچۈن ئەڭ ياخشى تاللاشتۇر. ھەقلىق نەشىردىكى ھەرقانداق پروگرامما ياكى ئويۇنلار ئالما شىركىتىنىڭ سىنىقىدىن ئۆتكەندىن كىيىن ئاندىن بوشلۇققا يوللىنىپ بازاردا سېتىلىدۇ. بۇ دېتاللار سىزنىڭ ئايفونىڭىزنى تېخىمۇ رەڭدار قىلىدۇكى، ئەخلەتكە توشقۇزىۋەتمەيدۇ. iTunes سىزنىڭ ئايفونىڭىزنىڭ ئەڭ ئىسىل رېمونتچىسى. ئۇ سىزگە بۇزغۇنچىلىق خاراكتىرىدىكى نەرسىنى ئەمەس، باشقا 3-تەرەپ دېتاللىرى بۇزىۋەتكەن نەرسىنى تازىلاش، پاكىزلاش دېگەندەك قولايلىقىلارنى ئېلىپ كېلىدۇ. سىز تۈرمىدىن قاچۇرمىغان، باشتىن-ئاخىر ھەقلىق نەشىردىكى دېتاللارنى قاچىلاپ ئىشلىتىپ كېلىۋاتقان ئالما مەھسۇلاتلىرىنى ئۇزاق مۇددەت ئىشلەتكىنىڭىزدە بۇ جانۋارنىڭ تولىمۇ يۇۋاش، كاشىلا ئاساسەن كۆرۈلمەيدىغان ئەڭ مۇقىم تېلفۇن ئىكەنلىكىنى تونۇپ يېتىسىز. شۇڭا يەنىلا دەيدىغىنىم، قۇربىتىڭىز يەتسە ئايفوننى مۇشۇنداق ئىشلىتىڭ. ھەممىگە يۈز كېلەلەيسىز!

ھەقلىق ئويۇننىڭ ئەڭ چوڭ ئالاھىدىلىكى ئۇ ئىنتايىن مۇقىم. سېستىمىغا زىيىنى يوق. سىناق ۋە تەكشۈرۈشتىن ئۆتكەن. ھېچقانداق تۈرمىدىن قاچۇرۇش ياكى يېشىشنىڭ ھاجىتى يوق. توغرا يول بىلەن ئاددى ئۇسۇلدىلا قاچىلاپ پايدىلىنىسىز. لېكىن ھەقلىق ئويۇنلارنىڭ ھەممىسىنى ھەق تۆلەپ ئېلىش شەرت ئەمەس. بىر كۈنلەردە مۇشۇ نەرسىلەرمۇ ھەقسىز تەمىنلىنىدۇ. پەقەت سىز مۇشۇ پەيتنى توغرا تېپىپ چۈشۈرەلىسىڭىزلا … تېمىغا قايتىپ كەلسەك، ھەقسىز ئويۇنلارنىڭ مەنبەسىگە ئېرىشىشنىڭ بىرقانچە يولى بار.

Free App a day

بۇنىڭ بىرىنجىسى، سۈپىتى ياخشىراقى ۋە داڭلىقراقى ئىسمى Free App a day دەيدىغان بىر تەشكىلات. بۇلارنىڭ ئىش پرىنسىپى بولسا كۆپچىلىك ئۇلارنىڭ تور بېتىگە چىقىپ بىرەر ئەپ (ئويۇن ياكى پروگرامما) نىڭ ھەقسىز بولىشىنى تىلەپ تىلەك يېزىشىدۇ. ئاندىن ئۇلار بېلەت تاشلاش ئارقىلىق تىلىكى ئەڭ كۆپ بولغان (يەنى ئەڭ كۆپ كىشىلەر ھەقسىز بولىشىنى ئۈمىد قىلغان) ئەپنىڭ ياسىغۇچىسى بولغان كىشى ياكى شىركەت بىلەن ئالاقە قىلىدۇ. ياسىغۇچىدىن بۇ ئويۇننى بىر كۈن ھەقسىز قىلىپ تارقىتىپ بېرىشىنى ئۆتۈنىدۇ. بۇ ئۇسۇلدا بىزگە ئوخشاش ئويۇنخۇمارلار ئەڭ ئوبدان پايدىغا ئېرىشسەك ياسىغۇچى شىركەت بولسا كۆپلەپ چۈشۈرگەنلىك سەۋەبىدىن چۈشۈرۈش مىقدارى جەھەتتە رەتكە تىزىلغاندىكى پايدىنى ئالىدۇ. ئۇنىڭدىن باشقا چۈشۈرۈپ بولۇپ باشقىلارنىڭ بەرگەن باھاسىنى پايدا ئالىدۇ. ھەقسىز تارقىتىش مۇددىتى ئۆتۈپ كەتكەندە بولسا بۇ ئويۇن ئاللىقاچان ئەڭ كۆپ چۈشۈرۈلگەن ئويۇنلار قاتارىغان چىقىپ بولغان، نۇرغۇن كىشىلەر 4 ياكى 5 يۇلتۇز باھا بېرىپ بولغان بولىدۇ-دە، ئويۇننىڭ داڭقى چىقىپ بولغاندىن كىيىن كىيىنكى قەدەمدە ھەقلىق سېتىشقا باشلايدۇ. مانا مۇشۇنىڭغا ئوخشاش.

بۇ تەشكىلاتنىڭ تور بېتى : http://www.freeappaday.com/

يۇقارقى باسقۇچلارنى بېسىپ ئۆتۈش بەلكى سىز ئۈچۈن بىر ئاز مۈشكۈل كەپ قېلىشىمۇ مۇمكىن. ئۇنداقتا تۆۋەندىكى ئادرىستىن مۇشۇ تەشكىلاتنىڭ ئەزالىرى ياسىغان، ھەر كۈنى ھەقسىز ئويۇننى ئەڭ قىسقا ۋاقىت ئىچىدە سىزگە ئەسكەرتىپ تۇرىدىغان ئەپنى ئالما بازىرىدىن چۈشۈرىۋېلىڭ.

http://itunes.apple.com/cn/app/freeappaday-store-paid-apps/id409147624?mt=8

بۇنىڭ باھاسى 1 دوللار. سىز ھازىر 1 دوللارغا بۇنى سېتىۋالسىڭىز بۇ سىزگە نەچچە ئون، ھەتتا نەچچە يۈز دوللارلىق ھەقلىق ئويۇنلارنىڭ ھەقسىز چۈشۈرۈش مەنبەسى بىلەن تەمىن ئېتىدۇ. 1 دوللار دەسمىي بىلەن ھەقلىق ئويۇنلاردىن مەڭگۈ ھەقسىز چۈشۈرۈپ پايدىلىنالايسىز. ئىناۋەتلىك كارتىسى بارلار سېتىۋالساڭلار بولىدۇ. ئەگەر سىزدە بولمىسا مەن سىزگە ۋاكالىتە ئېلىپ بەرسەممۇ بولىدۇ. 1 دوللارلىق ئەپ 7 يۈەن بويىچە ھېساپلىنىدۇ.

Free App Calendar

بۇنىڭ 2-سى بولسا Free App Calendar بولۇپ، بۇلارنىڭ ئورگان تور بېتى http://www.freeappcalendar.com/ .بۇلارنىڭ ئىش پرىنسىپىمۇ ئۈستىدىكىسى بىلەن ئوخشاش بولۇپ، ئالما دۇكىنىدا مەخسۇس خەۋەرچى دېتالى يوق. شۇڭا ھەقسىز مەنبەلەرنى ئورگان بېتىگە چىقىپ ئىزدەش كېرەك.

Open Feint

3-سى ھەممىمىزگە تونۇشلۇق ئويۇنچىلار سۇپىسى Open Feint . بۇنى دېمىسەممۇ بىلىسىلەرغۇ دەيمەن. بەزى ئويۇنلارنىڭ ئۈستىدىكى ئىككى تال يېشىل يوپۇرماقنىڭ بەلگىسى بار لوگو دەل مۇشۇ شۇ. ئالمىنىڭ ئۆزىنىڭ Game Center گە ئوخشاش دۇنيادىكى چوڭ ئويۇن سۇپىسى. بۇ ئەڭ دەسلەپ چىققان سۇپا. Game Center كىيىن پەيدا بولغان. بۇ سۇپا ئارقىلىق سىز دوسلىشالايسىز. دوسلىرىڭىز بىلەن بىللە ئوخشاش ئويۇننى تورلاشتۇرۇپ ئوينىيالايسىز ۋە ھەمبەھرلىنەلەيسىز دېگەندەك.

بۇ ئۇلارنىڭ ئورگان تور بېكىتىدىكى ئايفون ئۈچۈن ھەقسىز ئويۇن تەمىنلەيدىغان ئادرىسى : http://openfeint.com/ios/free_games

iAppsToday

4-سى بولسا بىر قەدەر كىيىنرەك چىققان، جۇڭگودا كۆپرەك ئىشلىتىلىۋاتقان خەنزۇلارنىڭ iAppsToday نامى بىلەن قۇرۇلغان ھەقسىز ئويۇن تەمىنلەش سۇپىسى. ئۇلارنىڭ ھازىرقى تور بېكىتى: http://www.iapps.im/ بۇلار ئاساسەن ئاشۇ توربەتلەردىكى ھەقسىز ئويۇن ياكى پروگراممىلارنى يىغىپ ئەكىلىپ تور بېكىتىدە تەۋسىيە قىلىپ چىقىرىپ قويىشىدۇ. ئۇلارنىڭ خەۋەرچى دېتالىنى iTunes ئارقىلىق چۈشۈرىۋېلىپ ئايفونىڭىزغا قاچىلىۋېلىپ كىچىكرەك بولسا ئايفون بىلەنلا چۈشۈرىۋالسىڭىزمۇ بولىدۇ. يېڭى ئويۇنلارنى ھەر كۈنى نەچچە قېتىم ئۇچۇر يەتكۈزۈش ئارقىلىق سىزگە مەلۇم قىلىپ تۇرىدۇ. ئايفون ۋە ئايپەد بولۇپ كۈندە تەخمىنەن 5~10 غىچە ئويۇن يوللىنىدۇ. بۇ بىزگە بىر قەدەر قولاي بولسا كېرەك. بۇلارنىڭ خەۋەرچىسىنى بۇ جاينى بېسىپ چۈشۈرىۋېلىڭ.

مانا مۇشۇنداق. ئەگەر سىز مۇشۇ 4 خىل ئۇسۇل بىلەن ھەر كۈنى قويماي ئاقتۇرۇپ كۈندە 1~2 گىچە ئويۇن ياكى پروگراممىنى قاچىلىغىلى تۇرسىڭىز 2 ئاي ئىچىدە ئايفونىڭىزدىكى ئويۇنلارنى ئويناپ تۈگىتىپ بولالماي قالىسىز. شۇڭا بۇ چارىلەرنى سىزگە قالدۇرۇپ قويدۇم. مېنىڭ ياردىمىمسىز كۈندە ھەقىقىي نەشىردىكى ھەقلىق ئويۇنلاردىن ھەقسىز بەھرلىنەلەيسىز.

بۇندىن كىيىن ئاساسلىقى ئايفوندىكى تېخنىكىلق قىيىنچىلىقلارغا يولۇققان بولسىڭىز، سورىسىڭىز شۇلارغا قولۇمدىن كېلىشىچە ئەتراپلىق جاۋابىمنى بېرىمەن. بۇندىن كىيىن مېغىزلىق، پايدىلىق بىلىملەر يوللىنىدۇ. بەزى قىممىتى بار ھەقلىق دېتاللار تەۋسىيە قىلىنىدۇ. شۇڭا ھەقسىز ئويۇن ئەمدى تامام. بۇندىن كىيىن ئايفون، ماشىنا ۋە فوتوگرافىيە تېمىسىدىكى پايدىلىنىش ئۇچۇرلىرى يەنىلا سىلەرنىڭ ھوزۇرۇڭلاردا…

كۆڭلىڭىزدىكىنى تاپايمۇ؟

2 نەپەر پەچچەت Universal ئويۇن بۈگۈن سەھەردە ھەقسىز ھوزۇرۇڭلاردا…

پاسىبان — Fri, 18 Mar 2011 04:10:52 +0000

ئەتىگەندە قارىسام بۇ ئىككى ئويۇننى ۋاقىتلىق ھەقسىز تارقىتىپتۇ. ھەر ئىككىلىسى Universal بولۇپ، ئايفون، ئايتاچ ۋە ئايپەد ھەممىسىگە ئورتاق. بىرى 3D لىك جەڭ ئويۇنى. 使命召唤 گە ئوخشاش ئۇنداق ھوزۇرنى بېرەلمىسىمۇ دەمال شۇنىڭغا ئوخشاپ قالىدۇ. يەنە بىرسى بولسا 2D لىك بولغىنى بىلەن ناھايىتىمۇ قىزىقارلىق ئويۇن. ھەر ئىككىلىسى ساقلاپ قويىدىغان ياخشى ئويۇنلار ئىكەن.

ئاۋال OverKill ناملىق 3D لىك ئويۇندىن باشلايلى. بۇ ئويۇن Craneballs شىركىتىنىڭ مەھسۇلاتى بولۇپ، 3D لىك جەڭ ئويۇنلىرى تۈرىگە تەۋە. ئويۇندا 12 خىل خالىغانچە يېڭىلاپ ئۆزگەرتىشكە بولىدىغان نادىر قوراللار تەمىنلەنگەن بولۇپ، ئۇنىڭ ئىچىدە بىز CS تە ياقتۇرۇپ ئوينايدىغان AK-47, M16, RPG قاتارلىق قوراللارمۇ بار.

ئاران 12 خىلمىدۇ دەپ قالماڭ. ئۇنى سىز تۇتقۇچ، قارغا ئالىدىغان ئەينەك، شازا قاتارلىق جايلىرىنى ھەر خىل ئۆزگەرتىش ئارقىلىق 100 نەچچە خىل ئوخشىمىغان قورال ھاسىل قىلالايسىز. ئۆزىڭىزگىلا تەۋە بولغان خاس قورال ئىشلىتەلەيسىز.

ئويۇندا 30 خىل دەرىجە بار. ئالما ئورگان تەرەپنىڭ ئويۇن سۇپىسى Game Center نى قوللايدۇ. ئويۇندا 84 خىل ھاسىلات (Game Center دىكى نومۇر ھېساپلايدىغان بىرلىك) سىزنىڭ ئېرىشىشىڭىزنى ساقلاۋاتىدۇ…

بۇ ئويۇندىن قىسقا فىلىم كۆرۈپ باقايلى

2-ئويۇن 3D لىك ئەمەس. لېكىن ناھايىتى قىزىقارلىق بىر خىل ئويۇن. فىزىكىلىق ئېلىمېنتلىرى تولۇق. ئويۇن ئالەم بوشلۇقىدا داۋام ئېتىدۇ. شەيئىلەرنىڭ تارتىشىش قانۇنىغا ئاساسەن لايىھەلەنگەن بولۇپ، سىزنىڭ شارىڭىز ئالەم بوشلۇقىدىكى ھەرقايسى پلانىتلار ئارا توختىماي يۇقىرىغا ئۆرلىشى كېرەك.

ئايلىنىۋاتقاندا سىز چوقۇم پەيتىنى ياخشى تاللاپ ئېكرانغا بىر چېكىپ شارىڭىزنى ھازىرقى پلانېتتىن ئاجرىتىپ ئالىسىز. ئەگەر شار ئايلىنىپ ئاستىدىن كۆتۈرىلىۋاتقاندا چېكەلىسىڭىز ئۈستىگە ئۆرلەيدۇ. ئەگەر ئاستىغا چۈشىۋاتقان چاغدا بولسا پەسكە چۈشۈپ كېتىدۇ، دېگەن گەپ. ئىشقىلىپ بەكلا قىزىقارلىق ئويۇن. Game Center نى قوللايدۇ. قېنى قانچىلىك ئۇزاققا بارالايسىزكىن كۆرۈپ باقامدۇق؟

بۇ ئويۇننىڭمۇ قىسقا فىلىمىنى بىر كۆرەيلى

ئويۇن ئىسمى : Overkill

ياسىغان شىركەت : Craneballs

ئويۇن تۈرى : جەڭ

قوللايدىغان سۇپا: Game Center

چوڭلۇقى : 73.4 MB

ئەڭ تۆۋەن سېستىما تەلىپى : + iOS 3.1.3

چۈشۈرۈش ئادرىسى :

ئويۇن ئىسمى : Gravity Gambit HD

ياسىغان شىركەت : Half Fast Games

ئويۇن تۈرى : ئارامبەخش، كۆڭۈل ئېچىش

قوللايدىغان سۇپا: Game Center

چوڭلۇقى : 42.9 MB

ئەڭ تۆۋەن سېستىما تەلىپى : + iOS 3.0

چۈشۈرۈش ئادرىسى :

ئەسكەرتىش: بۇ ئويۇننىڭ ھەقسىز تارقىتىش مۇددىتى ناھايىتى قىسقا بولغاچقا بەلكىم سىز چۈشۈرمەكچى بولغاندا ۋاقتى ئۆتۈپ كەتكەن بولىشى مۇمكىن. بىز ئەڭ قىسقا ۋاقىت ئىچىدە ھەقسىز مەنبەلەر بىلەن تەمىنلەشكە تىرىشىمىز. ئەگەر ھەقسىز چۈشۈرۈش ۋاقتى ئۆتۈپ كەتكەن بولسا بۇنىڭغا ئامال يوق. بۇ خىل ئاۋارىچىلىقنىڭ ئالدىنى ئېلىش ئۈچۈن تېزراق چۈشىرىۋېلىشىڭىزنى تەۋسىيە قىلىمىز.

تەۋسىيە: ئەگەر سىز ئايفون ئارقىلىق WiFi سىمسىز تورى بىلەن كۇلۇبىمىزنى زىيارەت قىلىپ ئۈستىدىكى ئۇلانمىنى بىۋاستە چەكسىڭىز ئۇ چاغدا بۇ ئويۇننى ئايفونىڭىزغا بىۋاستە قاچىلىيالايسىز. ئۇلانما ئايفوندا سىناق قىلىندى.

iTunes قا تىزىملىتىش جەريانىنى بىلىش ئۈچۈن بۇ ماقالىنى كۆرۈپ چىقىڭ.

كۆڭلىڭىزدىكىنى تاپايمۇ؟

دېڭىز ئۇرۇشى ئويۇنى – Battle of Midway Pro (ئىچىدە ئايپەد نۇسقىسىمۇ بار)

پاسىبان — Tue, 15 Mar 2011 04:18:01 +0000

بۇ ئويۇننىڭ ئىلگىرى Battle of Midway دېگەن نەشىرىنى ھەقسىز قىلىپ تارقاتقاندا ئويۇنچىلار شۇنداق خوش بولۇشۇپ كەتكەن ئىدى. بۈگۈنكىسى Battle of Midway Pro بولۇپ، ئالىي دەرىجىلىك نەشىرى ھېساپلىنىدۇ. بۇنىڭ چوڭ ئارتۇقچىلىقى – تورلاشتۇرۇپ ئوينىغىلى بولىدۇ. Pro نەشىرىنىڭ تېخى تۇنجى قېتىم ھەقسىز قىلىپ تارقىتىلىشى. ستراتىگىيىلىك جەڭ ئويۇنلىرىغا ئامراق دوسلارنىڭ چۈشۈرۈپ ئوينىشىغا ئەرزىيدىغان ياخشى ئويۇن.

بايا ئېيتقىنىمىزدەك، Battle of Midway Pro بولسا سىتراتىگىيىلىك دېڭىز ئۇرۇشى ئويۇنى. ئويۇندا سىزنىڭ ۋە دۈشمەننىڭ تەڭ بۆلەك يېرىڭىز بولىدۇ. سىز دۈشمەن ئورۇن ئېگەللىۋېلىشتىن بۇرۇن ياخشى جاينى تاللاپ ئېگەللىۋېلىشىڭىز كېرەك. دۈشمەننىڭ كىيىنكى قەدەمدە يەنە قانداق ھەرىكەت قىلىدىغانلىقىنىمۇ ئالدىن پەرەز قىلىپ شۇنىڭغا كۆرە پىلان بىلەن ئىش كۆرىشىڭىز كېرەك.

ئويۇن 45 گرادۇسلۇك كۆرۈش بۇلۇڭى ھالىتىدە داۋام ئېتىدۇ. كەينى مەنزىرىنى ئۆزىمىز ئۆزگەرتەلەيمىز. قىيىنلىق دەرىجىسى ئوخشىمايدىغان ئويناش ئۇسۇللىرى خېلى كۆپ. كۈچ سىنىشىش ئېڭى كۈچلۈكلەر سىناپ باقسا بولىدىغان ئوبدان ئويۇن. پەچەت يېرى – ئىككى iDevice تا WiFi تورى ئارقىلىق تورلاشتۇرۇپ ئوينىغىلى بولىدۇ. بۇنىڭ بىرى ئايفون، يەنە بىرى ئايپەد بولسىمۇ بولىۋېرىدۇ.

ئايفون ۋە ئايپەد تورلاشتۇرۇپ ئويناۋاتقان ھالەتتىن بىر كۆرۈنۈش

ئويۇن ئىسمى : Battle of Midway Pro

ياسىغان شىركەت : Wang Lixiang

قوللايدىغان سۇپا : Game Center

ئويۇن تۈرى : جەڭ

چوڭلۇقى : 15.3 MB

* ئەڭ تۆۋەن سېستىما تەلىپى : + 4.0

ئايفون چۈشۈرۈش ئادرىسى :

ئايپەد چۈشۈرۈش ئادرىسى :

iTunes قا تىزىملىتىش جەريانىنى بىلىش ئۈچۈن بۇ ماقالىنى كۆرۈپ چىقىڭ.

* ئىزاھ : بەزى دوسلار تەمىنلىگەن ئويۇنلارنى چۈشۈرۈپ بولۇپ قاچىلىيالمىغانلىقىنى ئىنكاس قىلىشتى. ھازىر يېڭى چىقىۋاتقان ئويۇنلارنىڭ كۆپىنچىسى يېڭى سېستىمىغا ئاساسەن ياسالغان بولغاچقا «ئەڭ تۆۋەن سېستىما تەلىپى» دېگەن تۈرنى قوشۇپ قويدۇم. ئەگەر سىزنىڭ ئۈسكىنىڭىزنىڭ سېستىما نەشىرى بۇنىڭدىن تۆۋەن بولسا قاچىلىغىلى بولمايدۇ. سىز چوقۇم نەشىرىنى ھازىرقى ئەڭ يېڭى نەشىرگە يېڭىلىغاندىن كىيىن ئاندىن قاچىلىيالايسىز. بۇ قانداقتۇر ئويۇندىكى ۋە ئايفونىڭىزدىكى مەسىلە ئەمەس.

كۆڭلىڭىزدىكىنى تاپايمۇ؟

تەۋسىيە: رېتىنا ئىكرانغا ماس سۈزۈك ئويۇن – Van Pershing

پاسىبان — Sun, 13 Mar 2011 13:44:23 +0000

Van Pershing ناملىق بۇ ئويۇن يۈرۈشلۈك بولۇپ، بۈگۈنكىسى Van Pershing – The Showdown . بۇنىڭدىن باشقا Van Pershing – Monsters Hunter دەپ ئۆتكەل ئېشىپ ئوينايدىغان يەنە بىر ئويۇنى بار. بۇ ئويۇن Universal تېخنىكىسى بىلەن ياسالغاچقا ئايفون، ئايپود تاچ (ئايتاچ) ۋە ئايپەدلەرنىڭ ھەممىسى ماس كېلىۋېرىدۇ. بىر قانچە ئالما مەھسۇلاتلىرىنى تەڭ ئىشلىتىۋاتقانلارغا ئوشۇقچە چىقىمنىڭ ھاجىتى يوق. لېكىن بۇ بۈگۈن ھەقسىز!

بۇ ئويۇننىڭ 2D كۆرۈنىشى سۈپسۈزۈك بولۇپ، ئايفون 4 نىڭ رېتىنا ئىكران تەلىپى بويىچە لايىھەلەنگەن. پىرسوناژ ئۆزى كارتون شەكىللىك بولغىنى بىلەن جەريان ناھايىتى كەسكىن، جانلىق.

ئويۇننىڭ ئاۋازى تولىمۇ ماس كەلگەن بولۇپ، قويۇق ئورماندا مۇردا ئارىسىدا قېلىۋاتقان ھىسياتنى بېرەلەيدۇ.

جەڭدە ئۆزىڭىزنىڭ قولىڭىزدىكى قورال ئارقىلىق سىزگە توختىماي ھۇجۇم قىلىۋاتقان مۇردا، يەكچەشمە، مادورا ۋە بۆرىلەرنى قىرىپ تاشلايسىز.

ئويۇننىڭ 2 خىل ئويناش ئۇسۇلى بار. بىرى ئىستىھكامدا تۇرۇپ جان قوغداش ھالىتى. يەنە بىرى، چەكسىزلىك ھالىتى. قېنى سىز قانچىلىك بەرداشلىق بېرەلەيسىزكىن؟

ئويۇن ئىسمى : Van Pershing – The Showdown

ياسىغان شىركەت : ECO Pawel Jarosz

قوللايدىغان سۇپا : Game Center

ئويۇن تۈرى : جەڭ

چوڭلۇقى : 38.1 MB

چۈشۈرۈش ئادرىسى : (ئايفون ۋە ئايپەد ئۈچۈن ئورتاق)

iTunes قا تىزىملىتىش جەريانىنى بىلىش ئۈچۈن بۇ ماقالىنى كۆرۈپ چىقىڭ.

كۆڭلىڭىزدىكىنى تاپايمۇ؟

تەۋسىيە: كاللا ئىشلىتىدىغان يەنە بىر فىزىكىلىق پەچەت ئويۇن – Enigmo2

پاسىبان — Fri, 11 Mar 2011 02:07:05 +0000

بۇ خەق نېمە بولاۋاتىدىكىن تاڭ، iPad2 نىڭ ئېلان قىلىنىشى بىلەن ھەممىسى ياخشى ئويۇنلىرىنى ئايىماي ئوتتۇرىغا تۆككىلى تۇردى. ئايىغى ياراشتى جۇمۇ iPad2 نىڭ. Enigmo2 ئالما بازىرىدا ئىنتايىن بازارلىق ئويۇن بولۇپ، 2008-يىللىق Apple ئەڭ ياخشى ئويۇنى مۇكاپاتىغا ئېرىشكەن. AppStore دا 2.99$ دىن ھېلىھەم ياخشى سېتىلىۋاتقان ئويۇن ئىدى. بۈگۈن بۇ كاتتا ئويۇن سوۋغا سۈپىتىدە ھەقسىز چۈشۈرۈشكە تەمىنلىنىپتۇ. فىزىكىلىق ئويۇنلارنى ئويناۋېرىپ ئالىم بوپ كېتىدىغان بولدىڭىزدە!

Enigmo2 (سېھىرلىك سۇ تامچىسى) ئويۇنى فىزىكىلىق سىر يېشىش تۈرىگە تەۋە. كاللا ئىشلىتىپ ئەقىل-ئىدراك چېنىقتۇرىدىغان ئالاھىدىلىككە ئېگە. چوڭراق ياشتىكى بالىڭىزغا ماس كېلىدۇ. كۆرۈنمە يۈزى 3D لىك بولۇپ، بۇرۇنقى نەشىرىگە قارىغاندا كۆپ غايىۋانە لايىھەلەنگەن. قوشۇلغان مۇزىكىسى بىلەن قويۇق فانتازىيە تۈسىنى بېرىدۇ.

Enigmo2 غا Universal تېخنىكىسى قوللىنىلغان بولغاچقا، iPhone ۋە iPad ئۈچۈن ئايرىم-ئايرىم سېتىۋېلىشنىڭ ھاجىتى يوق. بىراقلا ھەر ئىككىسىگە ماس كېلىدۇ.

سىزگە بېرىلگەن ئوخشىمىغان قوراللار ئارقىلىق ھەرخىل رەڭدىكى سۇ تامچىلىرىنى ئوخشاش رەڭلىك قۇتىغا كىرگۈزسىڭىز بولىدۇ. سول تەرەپ ئاستىدا سىزگە بېرىلگەن سايمان-جابدۇقلارنى تاپالايسىز. ئارقا-ئارقىدىن 40 تامچە كىرگۈزىشىڭىز كېرەك. ئارىلىقتا ئۈزۈلۈپ قالسا قۇتىدىكى سۇ «قۇرۇپ كېتىپ» قايتا كىرگۈزۈش كېرەك بوپقالىدۇ.

ئويۇن GameCenter سۇپىسىنى قوللايدۇ. نومۇرىڭىزنى دوست-بۇرادەرلىرىڭىز بىلەن رەتكە تىزالايسىز.

ئويۇن ئىسمى : Enigmo2

ياسىغان شىركەت : Pangea Software

قوللايدىغان سۇپا : Game Center

ئويۇن تۈرى : ئەقىل سىناش

چوڭلۇقى : 11.3 MB

چۈشۈرۈش ئادرىسى : (ئايفون ۋە ئايپەد ئۈچۈن ئورتاق)

iTunes قا تىزىملىتىش جەريانىنى بىلىش ئۈچۈن بۇ ماقالىنى كۆرۈپ چىقىڭ.

كۆڭلىڭىزدىكىنى تاپايمۇ؟

تەۋسىيە: قويۇق فىزىكا پۇرىقىغا ئېگە ئويۇن – Isaac Newton’s Gravity

پاسىبان — Wed, 09 Mar 2011 09:30:40 +0000

Isaac Newton’s Gravity ناملىق بۇ ئويۇن كۆرۈنۈش يۈزى ۋە لايىھەسى پەچچەت فىزىكىلىق ئەقىل سىناش، تېپىشماق تېپىش تۈرىدىكى ئويۇن بولۇپ، Namco شىركىتىنىڭ پەخرلىك مەھسۇلاتى. بۇ شىركەتنىڭ نامىنى SONY ئويۇنلىرىنى ئوينىغان بولسىڭىز چوقۇم ئاڭلاپ باققانغۇ دەيمەن. شۇنداق، بۇ ئويۇن ساھەسىدىكى خېلى چوڭ شىركەت. بۈگۈن بۇ ئويۇننىڭ ئايفون ۋە ئايپەد ھەر ئىككى نۇسقىسى ھەقسىز. ئەقىل سىناش ئويۇنىغا ئامراق فىزىكاخۇمارلار ۋاقىتنى چىڭ تۇتۇڭ. ھەقلىق قىلىشىغا يەنە ئازلا قالدى!

50 كە يېقىن ئۆتكەل سىزنىڭ ئەقىل ئىشلىتىشىڭىزنى كۈتۈپ تۇرىدۇ. سىز ھەر ئۆتكەلدە سىزگە بەرگەن نەرسىلەردىن ئۈنۈملۈك پايدىلىنىشنى بىلىشىڭىز كېرەك. ئاخىرىدا موگۇسىمان كونۇپكىنى بېسىپ ئۇنى قوزغاتسىڭىز ئۆتكەلدىن ئۆتكەن بولىسىز.

ئىچىدىكى تەھرىرلىگۈچ بىلەن ئۆزىڭىز ئۆتكەل ياسىسىڭىزمۇ، ياسىغىنىڭىزنى باشقىلار بىلەن ئورتاقلىشىپ ئۇنى جەڭگە چاقىرسىڭىزمۇ بولىدۇ. توردىن يېڭى ئۆتكەل چۈشۈرۈپ ئويۇننى يەنە داۋام قىلىشقىمۇ بولىدۇ. پەچەتمىكەن؟ ۋاقىت ئاز قالدى!

بۇ ئويۇننىڭ سىن ھۆججىتىنى كۆرۈپ باقايلى

ئويۇن ئىسمى : Isaac Newton’s Gravity

ياسىغان شىركەت : Namco

قوللايدىغان سۇپا : Game Center

ئويۇن تۈرى : ئەقىل سىناش

چوڭلۇقى : 39 MB

ئايفون ئۈچۈن چۈشۈرۈش ئادرىسى :

ئايپەد ئۈچۈن چۈشۈرۈش ئادرىسى :

iTunes قا تىزىملىتىش جەريانىنى بىلىش ئۈچۈن بۇ ماقالىنى كۆرۈپ چىقىڭ.

كۆڭلىڭىزدىكىنى تاپايمۇ؟

ئايفون ۋە ئايپەد ئۈچۈن نادىر ئويۇن Facebrick

پاسىبان — Mon, 07 Feb 2011 16:43:27 +0000

Facebrick ناملىق بۇ ئويۇن ئەقىل سىناش تۈرىدىكى ئويۇن بولۇپ، كۆرۈنۈش يۈزى خېلى سۈزۈك. ئومومى جەھەتتىن ئېلىپ ئېيتقاندا خېلى ياخشى ھېساپلىنىدىغان ئەقىل سىناش ئويۇنى دېيىشكە بولىدۇ. ئايفون ۋە ئايپەد ھەر ئىككى نۇسقىسىنى چاغانلىق ھەقسىز چۈشۈرۈش پائالىيىتى ئېلىپ بېرىپتۇ. چۈشۈرۈپ ساقلاپ قويىدىغان ئويۇنكەن.

ئويۇندا بىز تىك تۆت بۇلۇڭ شەكىلدە كاتەكچىلەرنى سىزىمىز. پەقەت بىرلا تەلەپ بار. سىزغان تىك تۆت بۇلۇڭنىڭ ھەر بىر بۇلۇڭىدا ئوخشاش رەڭلىك كاتەكچە بولسىلا ئىچىدىكى ھەممە كاتەكچىلەر يوقايدۇ. قانچە چوڭ سىزالىسىڭىز شۇنچە كۆپ نومۇرغا ئېرىشىسىز.

سىز ئېكراندىكى بارلىق چىراي ئىپادىسى بار كاتەكچىلەرنى يوقىتىپ بولغاندا كېيىنكى ئۆتكەلگە كىرەلەيسىز.

ئويۇن ئىسمى : Facebrick

ياسىغان شىركەت : GUANGZHOU YINGZHENG INFORMATION TECH.CO.,LTD.

قوللايدىغان سۇپا : Game Center

ئويۇن تۈرى : ئارامبەخش

چوڭلۇقى : 26.1 MB

چۈشۈرۈش ئادرىسى :

ئايپەد ئۈچۈن بۇ يەرنى بېسىڭ .

iTunes قا تىزىملىتىش جەريانىنى بىلىش ئۈچۈن بۇ ماقالىنى كۆرۈپ چىقىڭ.

كۆڭلىڭىزدىكىنى تاپايمۇ؟

تەۋسىيە : نادىر ئويۇن – Fragger Desert Strike

پاسىبان — Mon, 31 Jan 2011 16:00:47 +0000

مونوسى داڭلىق ئويۇن ئىشلەش شىركىتى Miniclip.com نىڭ نادىر ئەسىرى بولۇپ، AppStore دا ئىنتايىن بازارلىق ئويۇن ئىدى. پېقىرمۇ ناھايىتى ياخشى كۆرگەن پەچەت ئويۇن. بىر مەزگىللەردە كىرىشىپلا كەتكەن ئىدىم. ئۇ چاغدا 91 تېلفۇن ياردەمچىسى ئارقىلىق چۈشۈرۈپ قاچىلىغان ئېدىم. نېمىلا دېگەن بىلەن ئەسلى زاۋۇتنىڭكىگە يېتەمدۇ؟ بۈگۈن ۋاقىتلىق ھەقسىز تارقىتىش پائالىيىتى ئېلىپ بېرىپتۇ. دەرھال چۈشۈرىۋالغايسىز.

ئويۇن باشتىن ئاخىر قىزىقارلىق ۋە ئوماق كۆرۈنۈشلىرى بىلەن سىزنى مەپتۇن قىلىدۇ. ئويۇندا بىز تېرورچىلارغا قارشى زەربىدار بولۇپ ئالدىن بېرىلگەن سانى چەكلىك بومبا ئارقىلىق ھەممە تېرورچىلارنى پارتىلىتىپ تۈگىتىمىز. بۇ جەرياندا خېلى ئەقىل ئىشلىتىشكە توغرا كېلىدۇ. بۇمۇ ئويۇننىڭ سىزنى رام قىلىۋېلىشىدىكى يەنە بىر سەۋەپ.

بۇ ئويۇننىڭ بۈگۈنكى ھەقسىز تارقاتقىنى بۇرۇنقىسىغا سەل ئوخشىمايدىكەن. ئەسلى نەشىرىنىڭ ھەقسىز نۇسقىسى ئەمەس ئوخشايدۇ. لېكىن يەنىلا ساقلىۋېلىشقا ئەرزىيدىغان ئىسىل ئويۇن. ئايفون 4 نىڭ رېتىنا ئېكرانىغا ماس كېلىدىغان يۇقىرى سۈزۈكلۈكتىكى ئويۇن. جەمئىي 40 ئۆتكەل بار. قېنى، ۋاقىتنى چىڭ تۇتۇپ نادىر ئويۇننى قاچۇرۇپ قويماڭ.

ئويۇن ئىسمى : Fragger Desert Strike

ياسىغان شىركەت : MiniClip SA

ئويۇن تۈرى : ئەقىل سىناش

قوللايدىغان سۇپا : Game Center

چوڭلۇقى : 14.2 MB

چۈشۈرۈش ئادرىسى :

ئەسكەرتىش: بۇ ئويۇننىڭ ھەقسىز تارقىتىش مۇددىتى ناھايىتى قىسقا بولغاچقا بەلكىم سىز چۈشۈرمەكچى بولغاندا ۋاقتى ئۆتۈپ كەتكەن بولىشى مۇمكىن. بىز ئەڭ قىسقا ۋاقىت ئىچىدە ھەقسىز مەنبەلەر بىلەن تەمىنلەشكە تىرىشىمىز. ئەگەر ھەقسىز چۈشۈرۈش ۋاقتى ئۆتۈپ كەتكەن بولسا بۇنىڭغا ئامال يوق. بۇ خىل ئاۋارىچىلىقنىڭ ئالدىنى ئېلىش ئۈچۈن دىققىتىڭىز دائىم كۇلۇبىمىز مەزمۇنلىرىدا بولسۇن.

iTunes قا تىزىملىتىش جەريانىنى بىلىش ئۈچۈن بۇ ماقالىنى كۆرۈپ چىقىڭ.

كۆڭلىڭىزدىكىنى تاپايمۇ؟

ئايپەد ئويۇنى Robot NGun HD

پاسىبان — Tue, 18 Jan 2011 14:54:20 +0000

ئويۇننىڭ ئارقا كۆرىنىشى ئېنىرگىيە يېتىشمەسلىكتىن كېلىپ چىققان ئۇرۇش بولۇپ، ماشىنا ئادەملەر ئىنسانلارغا ھۇجۇم قىلىش ئۈچۈن ئېنىرگىيە تالىشىشقا توغرا كېلىدۇ. بىز ئۇلارنىڭ ئىچكى قىسمىغا بۆسۈپ كىرىپ ئۇلارنىڭ بازىسىنى بىتچىت قىلىمىز. ئايپەدتە ئوينىغاندا چوقۇم ئاجايىپ ئېسىل چىقىدۇ. ئايپەد ئىشلىتىۋاتقانلارغا ياخشى پۇرسەت. قولدىن بېرىپ قويمىغايسىز.

پەچچەت كۆرۈنمە يۈز، ۋەيران قىلىش كۈچى يۇقىرى قوراللار، 150 ئۆتكەل، قورال – جابدۇقلارنى ئەلالاشتۇرۇش، كۈچتۈڭگۈر BOSS قا تاقابىل تۇرۇش قاتارلىق تولۇق مەزمۇندىكى ئويۇن بۈگۈن ھەقسىز! ئاۋال سىن فېلىمىنى كۆرۈپ باقايلى. قالدى گەپ قولىڭىزدا سىناپ باققاندىن كىيىن ئۆزىڭىزگە ھاۋالە قالدى.

ئويۇن ئىسمى : Robot NGun HD

ياسىغان شىركەت : Hsieh Jason

ئويۇن تۈرى : ئېتىشىش

قوللايدىغان سۇپا : Game Center

چوڭلۇقى : 60.7 MB

چۈشۈرۈش ئادرىسى :

ئەسكەرتىش: بۇ ئويۇننىڭ ھەقسىز تارقىتىش مۇددىتى ناھايىتى قىسقا بولغاچقا بەلكىم سىز چۈشۈرمەكچى بولغاندا ۋاقتى ئۆتۈپ كەتكەن بولىشى مۇمكىن. بىز ئەڭ قىسقا ۋاقىت ئىچىدە ھەقسىز مەنبەلەر بىلەن تەمىنلەشكە تىرىشىمىز. ئەگەر ھەقسىز چۈشۈرۈش ۋاقتى ئۆتۈپ كەتكەن بولسا بۇنىڭغا ئامال يوق. بۇ خىل ئاۋارىچىلىقنىڭ ئالدىنى ئېلىش ئۈچۈن دىققىتىڭىز دائىم كۇلۇبىمىز مەزمۇنلىرىدا بولسۇن.

iTunes قا تىزىملىتىش جەريانىنى بىلىش ئۈچۈن بۇ ماقالىنى كۆرۈپ چىقىڭ.

كۆڭلىڭىزدىكىنى تاپايمۇ؟

HD سۈزۈكلۈكتىكى مۇردا ئويۇنى Wanted Zombies

پاسىبان — Mon, 17 Jan 2011 02:49:59 +0000

ھەممىمىزگە مەلۇم. ئايفون 4 نىڭ ئېكرانى ھازىر دۇنيا بويىچە ئەڭ سۈزۈك ئېكران ھېساپلىنىدۇ. بۇ ئىكراننى رېتىنا (Retina) ئېكرانى دەيمىز. HD بولسا High Definition نىڭ قىسقارتىلىمىسى بولۇپ، خەت مەنىسى بويىچە ئېيتساق يۇقىرى ئېنىقلىق دېگەن مەنا چىقىدۇ. رېتىنا ئېكرانى دەل HD ئېكران. ماۋۇ ئويۇنمۇ ئايفون 4 نىڭ رېتىنا ئېكرانىنى قوللايدىغان HD ئويۇنكەن. ئالدىنقى مەزگىللەردە ئۆسۈملۈك بىلەن مۇردا ئويۇنى بەكلا مودا بوپ كەتكەن ئېدى. بۇمۇ شۇنىڭغا ئوخشاپ كېتىدىغان ئۆزگىچە ئويۇن ئىكەن.

Wanted Zombies نى ياسىغۇچىلار AppStore دىكى كلاسسك ئويۇن Go!Go!Go! نىڭ ئاپتورى ياسىغان بولۇپ، بىز ئېكراندا كۆرسىتىلگەن تۇتۇش بۇيرىقى چىقىرىلغان مۇردىنى چېكىش ئارقىلىق ئوينايمىز.

ئۇلارنى پەرقلەندۈرۈش ئۇسۇلى 3 خىل. بىرى، رەڭگى ئوخشاش بولغان مۇردىنى چېكىمىز. يەنە بىرى، شەكلى ئوخشاش مۇردىنى چېكىمىز. ئاندىن يەنە ئوخشاش ھارۋىغا چىقىۋالغان مۇردىنى چېكىمىز. ئۇلارنى چەكسەكلا تۇتقان ھېساپ.

قېنى، ئىلگىرىكىك مۇردا ئويۇنلىرىغا ئامراق بولغان ئويۇنخۇمارلار پۇرسەتنى قولدىن بەرمىگەيسىلەر…

ئويۇن ئىسمى : Wanted Zombies

ياسىغان شىركەت : Jung Hun Baek

ئويۇن تۈرى : كۆڭۈل ئېچىش

قوللايدىغان سۇپا : Game Center

چوڭلۇقى : 9.4 MB

چۈشۈرۈش ئادرىسى :

ئەسكەرتىش: بۇ ئويۇننىڭ ھەقسىز تارقىتىش مۇددىتى ناھايىتى قىسقا بولغاچقا بەلكىم سىز چۈشۈرمەكچى بولغاندا ۋاقتى ئۆتۈپ كەتكەن بولىشى مۇمكىن. بىز ئەڭ قىسقا ۋاقىت ئىچىدە ھەقسىز مەنبەلەر بىلەن تەمىنلەشكە تىرىشىمىز. ئەگەر ھەقسىز چۈشۈرۈش ۋاقتى ئۆتۈپ كەتكەن بولسا بۇنىڭغا ئامال يوق. بۇ خىل ئاۋارىچىلىقنىڭ ئالدىنى ئېلىش ئۈچۈن دىققىتىڭىز دائىم كۇلۇبىمىز مەزمۇنلىرىدا بولسۇن.

iTunes قا تىزىملىتىش جەريانىنى بىلىش ئۈچۈن بۇ ماقالىنى كۆرۈپ چىقىڭ.

كۆڭلىڭىزدىكىنى تاپايمۇ؟

بۇ يازمىلارغىمۇ ئىشتاھايىڭىز بولىشى مۇمكىن
App Store دىكى ئۇيغۇرچە ئەپلەر توپلىمى	تەۋسىيە: ئاجايىپ ئېسىل ئەپ – Orient	تەۋسىيە: بالىلارنىڭ زېھنىنى ئاچىدىغان ئېسىل ئەپ	سىرىنى iPhone 4 كە سۆرەپ ئەكىرەيلىمۇ؟	ئايفوندا TXT ھۆججىتى كۆرۈش دەرسلىكى (فىلىملىك)
无觅

بۇ يازمىلارغىمۇ ئىشتاھايىڭىز بولىشى مۇمكىن
قورقۇنۇشلۇق ئەپ Demon Cam	تەۋسىيە : ئاجايىپ – غارايىپ ئەپ (5) Remix your life	iPhone 4S ئېلان قىلىش يىغىنىنىڭ خەنچە چۈشەندۈرىلىشى	تەۋسىيە: بالىلارنىڭ زېھنىنى ئاچىدىغان ئېسىل ئەپ	دورامچۇق ئىت-مۈشۈكلەرنىڭ جېڭى يەنە باشلىنىپتۇدەك
无觅

بۇ يازمىلارغىمۇ ئىشتاھايىڭىز بولىشى مۇمكىن
ھېيتلىق لازىممۇ؟! مانا ئەمىسە!	تەۋسىيە : ئاجايىپ – غارايىپ ئەپ (5) Remix your life	تەۋسىيە: بالىلارنىڭ زېھنىنى ئاچىدىغان ئېسىل ئەپ	App Store دىكى ئۇيغۇرچە ئەپلەر توپلىمى	تەۋسىيە : 3D لىك بىليارت 3D Pool Master Pro
无觅

بۇ يازمىلارغىمۇ ئىشتاھايىڭىز بولىشى مۇمكىن
ھېيتلىق لازىممۇ؟! مانا ئەمىسە!	تەۋسىيە: رېتىنا ئىكرانغا ماس سۈزۈك ئويۇن – Van Pershing	App Store دىكى ئۇيغۇرچە ئەپلەر توپلىمى	تەۋسىيە: بالىلارنىڭ زېھنىنى ئاچىدىغان ئېسىل ئەپ	تەۋسىيە: ئاجايىپ ئېسىل ئەپ – Orient
无觅

بۇ يازمىلارغىمۇ ئىشتاھايىڭىز بولىشى مۇمكىن
ھېيتلىق لازىممۇ؟! مانا ئەمىسە!	ئاجايىپ-غارايىپ ئەپ (2) – ئالۋاستى گېتار	تەۋسىيە: مەن ياخشى كۆرىدىغان ئويۇن Sentinel 2	تۈرمىدىن قاچۇرغانمۇ؟ ئۇنداقتا ئايفوننى ئىسراپ قىلماڭ (2) (فىلىملىك)	تەۋسىيە: ئاجايىپ ئېسىل ئەپ – Orient
无觅