پاسىبان كۇلۇبى » ھەقسىز

دورامچۇق ئىت-مۈشۈكلەرنىڭ جېڭى يەنە باشلىنىپتۇدەك

پاسىبان — Mon, 17 Oct 2011 03:58:24 +0000

دورامچۇقلارنىڭ ئوماقلىقىدىن بۇنى قاچىلىمايدىغانلار ئاساسەن ناھايىتى ئازغۇ دەيمەن. دورامچۇقلار ئائىلىسىدىكى يېڭىلىقلارنى كۇلۇبىمىزدا ۋاقتى-ۋاقتىدا سىلەرنىڭ دىققىتىڭلارغا سۇنۇپ تۇرغان ئىدۇق. بۈگۈن كونا رەقىبلەر قايتىدىن بىر يەرگە كەپتۇدەك. كەلگەندىمۇ جامائەتچىلىككە ئاشكارا جايدا كەپتۇدەك …

تام ئۆيگە ئېگە بولغاندىن كىيىن كەپسىز بەن ئۇنى تولىمۇ بەسىرەمجان قىلىپ يۈرەتتى. بۇ خوشنىلار ھازىر تېلىۋېزىيە ئىستانسسىدا خىزمەت تېپىپتۇدەك.

بۇلار ئۆزىچە خەۋەرگە رىياسەتچىلىك قىلىپ كېتىدىكەن. خەۋەر مەزمۇنىنى ئەلۋەتتە بىز ئۆزىمىز قارار قىلىمىز. بىز ئۆزىمىز خەۋەر قىلغان مەزمۇنلارنى بۇ ئىككى كەپسىزنىڭ ئورۇنلىشىدا سىنغا ئالالايمىز.

بۇ كەپسىزلەر تېلىۋېزور ئېكرانىدىمۇ كەپسىزلىكىنى تاشلىمايدىكەن. بىرى گەپ قىلسا يەنە بىرى زاڭلىق قىلىۋاتقان. تۇرۇپ – تۇرۇپ مۇشتلىشىپ كېتىۋاتقان … ئاستىدىكى تېلىۋېزورنىڭ رەسىمى بار جاينى بېسىپ ئۆزىمىز سىنغا ئېلىپ ئاستىدىكى ئېكراندا كۆرىنىدىغان يەرگە بايا ئالغان سىننى ئالماشتۇرىۋالالايمىز.

نەدىلا بولسا بىر-بىرىگە قاپقان قۇرۇپ توختىمايدىكەن. ئۇرۇشۇپ، جىدەللىشىپ، خەۋەر تارقىتىۋاتقان كامېرانىمۇ ئۆرۈپ … ئىشقىلىپ بۇ دورامچۇقلار يەنە ئوماقلىقىنى يوقاتمىغان.

بۇنى App Store دىن ھەقسىز چۈشۈرىۋالالايمىز. ھەقسىز نۇسقىسىدا بەن تامنى بوزەك قىلىدۇ. تام بىچارىنى بىز پۇل خەجلەپ سېتىۋالغاندىن كىيىن ئۆچ ئالدۇرالايمىز.

بۇنى سېتىۋېلىش ئالمىنىڭ يېقىندا پاتېنت دەۋاسى قىلىۋاتقان In App Purchasing دېگەن ئىقتىدارى ئارقىلىق ئەمەلگە ئاشىدىكەن. تۆۋەندىكى ئادرىستىن ئاۋال بۇ ئەپنى چۈشۈرۈشڭ.

ئەپ ئىسمى : Talking Tom & Ben News

ساتقۇچى : Outfit7 Ltd.

تۈرى : دورامچۇق ، كۆڭۈل ئېچىش

چوڭلۇقى : 48.9 MB

باھاسى : ھەقسىز

iPhone نۇسقىسىنىڭ چۈشۈرۈش ئادرىسى :

iPad نۇسقىسىنىڭ چۈشۈرۈش ئادرىسى :

يېشىش ئۇسۇلى

بۇلارنى چۈشۈرۈپ بولغاندىن كىيىن iTools ئارقىلىق تۆۋەندىكى مۇندەرىجىنى ئېچىڭ.

var / mobile / applications / Talking Tom & Ben News / Documents

بۇ جايغا چۈشۈرۈشكە تەمىنلەنگەن ھۆججەتنى چىقىرىپ قاپلىۋەتسەك ئىش پۈتىدۇ.

ئەگەر ئۈستىدىكى ئادرىسقا 文件系统已越狱 دىن كىرسىڭىز Appilication نىڭ ئاستىدا 9ED1F8B3-11CE-47D2-A20F-4E10B1744585 دېگەندەك مۇندەرىجە چىقىۋېلىشى مۇمكىن. سىز تۆۋەندىكى ئۇسۇل ئارقىلىق بۇ سان-سىفىرلارنى ئەپ ئىسمىغا ئايلاندۇرۇپ ئاسانلا تاپالايسىز (iTools ئارقىلىق):

文件管理 نى باسسىڭىز ئوڭ تەرەپتە （程序（用户 دەپ بىر جاي بار. شۇنى باسقاندىن كىيىن قاچىلىغان ئەپنىڭ ئىسمى يۇقىرىدىكى سان-سىفىر شەكلىدە ئەمەس، ئەپ ئىسمى ھالەتتىلا كۆرىنىدۇ. سىز ئۇلارنىڭ ئارىسىدىكى Talking News نىڭ ئىچىنى ئاچسىڭىزلا بايىقى Documents دېگەن مۇندەرىجىنى تاپالايسىز. بۇ تولىمۇ ئاسان بىر ئۇسۇل.

يېشىش ھۆججىتىنى چۈشۈرۈڭ

iPhone نۇسقىسىنىڭ چۈشۈرۈش ئادرىسى.

iPad نۇسقىسىنىڭ چۈشۈرۈش ئادرىسى.

باشقا دورامچۇقلارنى تۆۋەندىكى ئۇلانمىلاردىن كۆرۈۋېلىڭ.

كۆڭلىڭىزدىكىنى تاپايمۇ؟

ئالدىنقى ھەپتە ئالما ئېلان قىلغان 10 ياخشى ئەپ

پاسىبان — Sun, 31 Jul 2011 04:26:56 +0000

ئالدىنقى ھەپتە iOS ئۈسكۈنىلىرى ئىچىدىكى تەۋسىيە قىلىنغان ئالدىنقى قاتاردىكى 10 ئەپنى تىزىپ چىقىپتۇمىش. سىز بۇلارنىڭ قايسىسىنى چۈشۈرۈپ قاچىلاپ باقتىڭىز؟ قايسىسىنى كۆرۈپ باققان ئىدىڭىز؟ 300 مىڭدىن ئارتۇق ئەپلەرنىڭ ئىچىدە ئالدىنقى قاتاردىكى تەۋسىيە قىلىنغان 10 ئەپ زادى قايسى، بىرلىكتە كۆرۈپ ئۆتەيلى.

10-سى : Baby Monitor

بۇنىڭ 10-سى Baby Monitor ئىسىملىك ئەپ بولۇپ، بۇ ئەپنىڭ ئىقتىدارى بولسا بوۋاقنىڭ يىغىسىنى نازارەت قىلىپ چوڭلارغا خەۋەت بېىرىكەن. سىز بۇ ئەپنى قوزغىتىپ iOS ئۈسكۈنىسىنى (مەسىلەن، ئايفوننى) بوۋاقنىڭ ئالدىغا قويۇپ قويۇپ مەيلى ئۆيدە ۋەياكى سىرتتا بولماڭ، بوۋىقىڭىز يىغلىغان ھامان ئۇنىڭ ئاۋازىنى ئاڭلايدىكەنسىز. لېكىن شەرتى، تور مۇھىتى بولىشى كېرەك ئىكەن.

سېتىۋالغۇچىنىڭ بىرى باھا يېزىپ، بۇ بەلكى بوۋاق تەربىيىسىنىڭ كەلگۈسىدىكى ئەينىكى بولسا كېرەك، ھەيران قالارلىقى بوۋىقىم يىغلىغان ھامان مەن ئۇچۇر قوبۇل قىلىۋالدىم، ھەقىقەتەن قالتىس ئىكەن! دەپتۇ.

ئەپ ئىسمى : Baby Monitor

باھاسى : 4.99 $

ياسىغۇچى : JEFF MCMORRIS

تۈرى : قوللىنىشچان

چوڭلۇقى : 2.2 MB

چۈشۈرۈش ئادرىسى :

9-سى : SKTCH for iPad

Sktch ئىسىملىك بۇ ئەپ iPad ئۈچۈن لايىھەلەنگەن بولۇپ، خاسلىققا ئېگە ھەرخىل 2D لىك ۋە 3D لىك رەسىم سىزغىلى بولىدۇ. ئالدىن قوشىۋېتىلگەن 16 خىل ئىقتىدارى ئارقىلىق 2D ۋەياكى 3D لىك ئۈنۈم ھاسىل قىلغىلى، ھەتتا كۆپ نوقتىنى تەڭ بېسىش ئارقىلىق ئۆ‍زگىچە تۈس قوشقىلى بولىدىكەن. رەسساملار ئۈچۈن پەچەت ئەپ بولسا كېرەك.

ئەپ ئىسمى : Sktch

باھاسى : 1.99 $

ياسىغۇچى : Filip Visnjic

تۈرى : فوتو-سۈرەت

چوڭلۇقى : 7.7 MB

چۈشۈرۈش ئادرىسى :

8-سى: Thrutu

بۇ قوللىنىشچان ئەپ بولۇپ، تېلىفون ئۇرىۋاتقان ۋاقىتنىڭ ئۆزىدە رەسىم، تېلىفۇن دەپتىرىدىكى ئۇچۇرلار ۋە ياكى ئورنىمىز قاتارلىقلارنى ئېۋەتكىلى بولىدىكەن. بۇنداق قىلسا نېمە پايدىسى بار دېيىشىڭىز مۇمكىن. لېكىن ئويلاپ باقسىڭىز، چوڭراق بىرەر يىغىلىش ۋە ياكى مەيدان، ياكى بىرەر زالدا بۇ ئەپ ھەقىقى رولىنى كۆرسىتەلەيدۇ. ئىۋەتكەن رەسىم ۋە ئورنى ئارقىلىق سىز ئۇ كىشىنى دەرھاللا تاپالايسىز.

ئەپ ئىسمى : Thrutu

باھاسى : ھەقسىز

ياسىغۇچى : MetaSwitch

تۈرى : قوللىنىشچان

چوڭلۇقى : 2.0 MB

چۈشۈرۈش ئادرىسى :

7-سى: Sid Meier’s Pirates! for iPad

ئىلگىرى ئايفون ئويۇنلىرى ئىچىدە قارشى ئېلىنغان Pirates ئويۇنىنىڭ iPad نۇسقىنى ئاخىرى ئېلان قىلىنىپتۇ. Pirates ئويۇنىدا سىز كاپىتاننىڭ رولىنى ئېلىپ، دېڭىزنى كېزىپ دۈشمەننى ئىزدەيسىز. باشقا پاراخوتتىكىلەر بىلەن ئېتىشىسىز. جەڭدە يېڭىپ fame غا ئېرىشسەك يېڭى جايلارنى ئېگەللىيەلەيدىكەنمىز. بۇ ئويۇن sandbox قا ئوخشاپ كېتىدىغان پەچەت PC ئويۇنلىرىدەك ياخشى ئويۇن بولغاچ iPad نۇسقىسىمۇ بەكلا قارشى ئېلىنغان.

ئەپ ئىسمى : Sid Meier’s Pirates! for iPad

باھاسى : 3.99 $

ياسىغۇچى : 2K Games

تۈرى : ئويۇن

چوڭلۇقى : 436 MB

چۈشۈرۈش ئادرىسى :

6-سى: Biophilia

بۇ قانداقتۇر بىرەر ئەپ بولماستىن، مۇزىكانت Björk نىڭ ناخشا توپلىمى ئىكەن. بۇ مۇزىكا توپلىمى تەبىئەت ۋە پەن-تېخنىكىنىڭ ئادەتتىن تاشقىرى بېرىكىشىنىڭ ھاسىلاتى ئىكەن. Biophilia پەقەت ناخشا توپلىمىلا بولماستىن مۇزىكا ۋە سەنئەت يىتەكچىسى بولالايدىكەن. Biophilia نىڭ ئۆزىدىلا 10 دانە ئەپ بار ئىكەن. ئەپلەرنى ئاچسىڭىز سىمفونىيە Cosmogony نىڭ لەرزان مۇڭى بىلەن سامانيولىنى مەستخۇشلۇق بىلەن ئايلىنىدىكەنسىز. بۇنىڭ شۇنچە كۆپ ئىقتىدار بولغىنى بىلەن ھەقسىز ئىكەن.

ئەپ ئىسمى : Biophilia

باھاسى : ھەقسىز

ياسىغۇچى : Second Wind Ltd Apps

تۈرى : مۇزىكا

چوڭلۇقى : 114 MB

چۈشۈرۈش ئادرىسى :

5-سى : grüvtron

سىز grüvtron ئارقىلىق نۇرغۇن سازلارغا، ئاۋازغا ئېلىش ئۆيىگە ۋە ھەرخىل ئۈنۈم قوشۇدىغان كەسپىي خىزمەت ئۆيىگە ئېگە بولالايسىز. ئىشلىگەن مۇزىكىلارنى iTunes قا يوللىغىلىمۇ بولىدىكەن. بۇ ئەپنىڭ كەسپىيلىكى بىر قەدەر يۇقىرى بولغاچ بىر قاراپلا بىلىۋالغىلى بولمىسا كېرەك. بىر كىشى باھا بېرىپ، بۇ ئەپ KORG نىڭ قاتىلى ئىكەن، دەپتۇدەك.

ئەپ ئىسمى : grüvtron

باھاسى : 4.99 $

ياسىغۇچى : Sound Trends LLC

تۈرى : مۇزىكا

چوڭلۇقى : 104 MB

چۈشۈرۈش ئادرىسى :

4-سى : Moviefone Movies

بۇ ئەپنىڭ چۈشەندۈرىشىدە Flixster نى ئارام ئېلىشقا خىتاب قىپتۇدەك. Moviefone ناملىق بۇ ئەپنىڭ كۆرىنىشى كۆركەم بوپقالماستىن، ھەرقانداق كىنوخۇمارلارنىڭ ياقتۇرىدىغان نەرسىسىنى ئۆزىگە مۇجەسسەملىگەن. ئەڭ يېڭى فىلىملەرنىڭ ئۇچۇرلىرى، تەشۋىق فىلىملىرى، كىنوغا مۇناسىۋەتلىك خەۋەرلەر ۋە سىزنىڭ جۇغراپىيەلىك ئورنىڭىزغا ئاساسەن قويۇلماقچى بولغان ئەڭ يېڭى فىلىملەر … بۇلارنىڭ ھەممىسى Moviefone دا بار ئىكەن.

ئەپ ئىسمى : Moviefone Movies – Movie Theaters, Trailers, Showtimes, and News from Hollywood

باھاسى : ھەقسىز

ياسىغۇچى : AOL, Inc.

تۈرى : كۆڭۈل ئېچىش

چوڭلۇقى : 5.1 MB

چۈشۈرۈش ئادرىسى :

3-سى: EDITION29 STRUCTURES

بۇ ئەپ سىزنى دۇنيادىكى ئىسىل قۇرۇلۇش-ئىمارەت، گۈزەل مەنزىرە ۋە بەدىئىي سۈرەت قاتارلىق يېقملىق فوتو-سۈرەتلەر بىلەن تەمىنلەيدۇ. لېكىن ئايپەد بولىشى كېرەككەن. بۇ ئەپنىڭ 29-نەشىرىدە 100 نەچچە بەتلىك دۇنيادىكى داڭلىق ئىمارەتلەرنىڭ رەسىملىرى باركەنمىش.

ئەپ ئىسمى: EDITION29 STRUCTURES

باھاسى : ھەقسىز

ياسىغۇچى : 29GPS, LLC.

تۈرى : كۆڭۈل ئېچىش، فوتو-سۈرەت

چوڭلۇقى : 1.3 MB

چۈشۈرۈش ئادرىسى :

2-سى: Calvetica Calendar

Calvetica Calendar ناملىق بۇ ئەپ نۆۋەتتىكى ئەڭ ياخشى كالىندار ۋە ئايلىق پىلان تۈزىدىغان ئەپ بولۇپ كېلىۋاتىدۇ. بۇنىڭ ئايپەد نەشىرىمۇ بار ئىكەن. ئايپەد ئۈچۈن Calvetica Calendar بەلكى تولىمۇ چىرايلىق، تولۇق ئىقتىدارلىق كالېندار بولسا كېرەك. بۇ كالېندار ئارقىلىق سىز بىرەر كۈنگە پائالىيەت ئورۇنلاشتۇرالايسىز. ئايلىق پلانلىرىڭىزنى ئورۇنلاشتۇرالايسىز. ۋاقتى كەلگەندە ئاۋازلىق ئەسكەرتىدىكەن. بۇنى دېمىسەممۇ بىلىسىلەرغۇ دەيمەن. ئايفوننىڭ ئۆزىدىكى كالېندارنىڭمۇ مۇشۇنداق ئىقتىدارى بار. 2 دوللار ساتسىمۇ كىشىلەر بەس-بەستە سېتىۋالغانغا قارىغاندا بۇنىڭ چوقۇم سەۋەبى بولسا كېرەك. ئاستىدا يېشىۋەتكەن نۇسقىسىنىڭ ئادرىسىمۇ قالدۇرۇلدى. قاچقۇنلار قاچىلاپ سىناپ كۆرۈڭ.

ئەپ ئىسمى: Calvetica Calendar

باھاسى : 1.99 $

ياسىغۇچى : Mysterious Trousers, LLC

تۈرى : قوللىنىشچان

چوڭلۇقى : 3.4 MB

چۈشۈرۈش ئادرىسى :

يېشىۋەتكەن نۇسقىسىنى چۈشۈرۈڭ:

ئەڭ ئاخىرقىسى، يەنى ئەڭ ياخشى باھا بېرىلگىنى : Google+

+ Google بولسا گوگل شىركىتىنىڭ يېڭىدىن يولغا قو ئىجتىمائى ئالاقە مەھسۇلاتى. ئالاقىدار بۆلۈملەرنى نەچچە ھەپتىلەپ مۇزاكىرە قىلىشى ئارقىلىق بۇ مەھسۇلاتنى App Store دا ئېلان قىلغان. بۇ ئەپ App Store دا قويۇلغان كۈنىلا چۈشۈرۈلۈش تەرتىۋى بويىچە 1- ئورۇنغا ئۆتۈپ كەتكەن. نۆۋەتتە بۇ مەھسۇلات Facebook نىڭ ئەڭ چوڭ رىقابەتچىسى بوپقالىدىكەن. چۈشۈرۈلۈش قېتىم سانى ۋە ئىشلەتكۈچىلەرنىڭ باھاسىغا قارىغاندا Google ھەقىقەتەن ئىسىل مەھسۇلاتتىن بىرنى چىقارغاندەك قىلىدۇ.

تولىمۇ ئەپسۇس، بۇ ئەپ ھازىر سىناق باسقۇچىدا بولغاچقا بىرەر كىشىنىڭ تەكلىپى بولمىسا ئىشلەتكىلى بولمايدىكەن. مەنمۇ قاچىلىدىميۇ ئىشلىتەلمىدىم. ھەقىقى بازارغا سېلىشىغا قاراپ ئولتۇرۇپتۇق. Facebook قا ئوخشاش چەكلەنمىسىلا مەيلىتىغۇ ئىشقىلىپ…

ئەپ ئىسمى: Google +

باھاسى : ھەقسىز

ياسىغۇچى : Google Mobile

تۈرى : قوللىنىشچان، ئىجتىمائى ئالاقە(پاراڭلىشىش)

چوڭلۇقى : 5.3 MB

چۈشۈرۈش ئادرىسى :

كۆڭلىڭىزدىكىنى تاپايمۇ؟

دورامچۇقلار ئائىلىسىدىن يەنە بىر ئوماق ئەپ- Talking LadyBug

پاسىبان — Tue, 14 Jun 2011 14:05:58 +0000

ئايفونىڭىزغا دورامچۇقلار ئائىلىسىدىن ھېچ بولمىسا بىرەر دانە بولسىمۇ قاچىلانغانغۇ دەيمەن؟ بۈگۈن تەۋسىيە قىلماقچى بولغان بۇ خانقىزمۇ ناھايىتى ئوماق دورامچۇقنىڭ بىرى بولۇپ، ھازىرغىچە مەن بىلىدىغان دورامچۇقلار ئىچىدە ئەڭ ئوماق قىز جىنسىدىكى دورامچۇق ھېساپلىنىدۇ.

ئەڭ دەسلەپ مەن بۇنى باشقىلارنىڭ تېلىفۇنىدا كۆرگىنىمدە بۇ خانقىزنىڭ پۇتىنى باسقاندا ئۇيغۇرچە «ۋوي» ، «ۋوي» دېيىشى مېنى بەكلا قىزىقتۇرغان ئىدى. بۇ بەكلا كۈلكىلىك، كىشىنىڭ تولىمۇ مەستلىكىنى كەلتۈرەتتى.

ھەيران بولغىنىم، بىزدىن باشقا يەنە قايسى مىللەت «ۋوي!» دەيدىغانلىقى بولدى. بۇ خانقىز قىزچاقلىقىغا تولىمۇ ماس كەلگەن ئوماقلىقى، تاتلىق ئاۋازى بىلەن سىزنى چوقۇم مەپتۇن قىلىۋالىدۇ. تام مۈشۈككە ئوخشاش يىگىتلەرنىڭ دوراشلىرىدىن زېرىككەن بولسىڭىز بۇنى چوقۇم قاچىلاپ قويۇڭ.

كىچىك ئۇكىلىرىڭىز ياكى بالىلىرىڭىز بولسا چوقۇم خوش بوپقالىدۇ. مېنىڭ ئوغلۇممۇ شۇنداق ئامراق. بۇنىڭمۇ ئوخشاشلا پۇت-قوللىرىنى، چىشىنى باسسىڭىز ئىنكاس قايتۇرىدۇ. بېشىدىن ئاستىغىچە سىلىسىڭىز كۈلىدۇ. ئەسلى نەشىرىنى چۈشۈرسىڭىز باشقا ھەرىكەتلىرى پۇللۇق. ئاستىدا مەن تەمىنلىگەن ئادرىستىن چۈشۈرسىڭىز يېشىۋەتكەن نۇسقىسى بولۇپ، تولۇق ھەرىكەتلىرى بار. ئەلۋەتتە، بۇنىڭ ئۈچۈن تۈرمىدىن قاچۇرغان بولىشڭىز ۋە Cydia دىن مۇناسىۋەتلىك ياماقنى قاچىلىۋەتكەن بولىشڭىز كېرەك.

خوش، قالدى گەپنى ئۆزىڭىز چۈشۈرۈپ سىناپ باققاندىن كېيىن سىزدىن ئاڭلايلى.

ئويۇن ئىسمى : Talking Lady Bug

ياسىغان شىركەت : Hu Yaqiong

ئويۇن تۈرى : كۆڭۈل ئېچىش

چوڭلۇقى : 44.0 MB

App Store دىن چۈشۈرۈش ئادرىسى :

يېشىۋېتىلگەن نۇسقىسىنى چۈشۈرۈڭ : (115 تور دېسكىسى)

يېشىۋېتىلگەن نۇسقىسىنى چۈشۈرۈڭ : (DBank تور دېسكىسى)

iTunes قا تىزىملىتىش جەريانىنى بىلىش ئۈچۈن بۇ ماقالىنى كۆرۈپ چىقىڭ.

كۆڭلىڭىزدىكىنى تاپايمۇ؟

داڭدار مۈشۈك تام ئەمدى ئۆيگە ئېگە بولدى

پاسىبان — Thu, 02 Jun 2011 04:55:07 +0000

دورامچۇق مۈشۈك تام – دورامچۇقلار ئارىسىدا ئەڭ بۇرۇن چىققان ۋە ئەڭ يۈز تاپقان ئەرمەك ھايۋان ئىدى. شۇنىڭ ئۈچۈنمۇ بۇ مۈشۈكنى Outfit7 شىركىتىنىڭ ئوبراز ۋەكىلى دېيىشكە بولىدۇ. بۇ مۈشۈك خەلقئارادا چوڭ يۈز تېىپىپ كوچىدىكى سەرگەردان ھاياتىنى ئاخىرلاشتۇرۇپ ھەشەمەت ئۆيىگە يېنىپ كەپتۇدەك…

بىچارە بوزەك تام ئەسلىدىنلا قورقۇنچاق بولغاچ بىزدىن تولا مۇش-پەشۋا يېسىمۇ گەپ قىلماي تۇراتتى. كېلىپ-كېلىپ قوشنا-خۇلۇملىرىمۇ بۇنى بوزەك قىلىپ قورقىتىدىكەن.

قوشنىلىرى كىم بولماقچىدى، يەنە شۇ بىر نەچچە كۈن بۇرۇن تونۇشتۇرغان كەپسىز كۈچۈك بەن بولمامدۇ؟ كەينىگە ئۆتىۋېلىپ خالتىنى پارتىلاتسا بىچارە تامنىڭ بولىشى مۇشۇ!

يەنە خېلى كۆپ يېڭىلىقلار بار. بۇنى تەپسىلىي چۈشەندۈرۈشنىڭ ھاجىتى يوققۇ دەيمەن؟ كۆپچىلىك تام بىلەن خېلى كونا بۇرادەر.

قالغان يېڭىلىقلارنى ئۆزىڭىز چۈشۈرۈپ بىر كۆرىۋەتمەمسىز؟ ئۇنداقتا تۆۋەندىكى ئۇلىنىشنى بېسىپ تامنى قارشى ئالايلى!

ئويۇن ئىسمى : Talking Tom 2

ياسىغان شىركەت : OutFit7

ئويۇن تۈرى : كۆڭۈل ئېچىش

چوڭلۇقى : 35.8 MB

چۈشۈرۈش ئادرىسى :

iTunes قا تىزىملىتىش جەريانىنى بىلىش ئۈچۈن بۇ ماقالىنى كۆرۈپ چىقىڭ.

دورامچۇق تام 2 نىڭ يېشىش ئۇسۇلى

بۇنى App Store دىن چۈشۈرۈپ بولغاندىن كىيىن تۈرمىدىن قاچۇرغان بولسىڭىز يېشىۋەتكىلى بولىدۇ. بۇنىڭ ئۈچۈن بۇ جاينى بېسىپ appSettings.plist ھۆججىتىنى چۈشۈرۈپ يېشىڭ. ئاندىن iTools ئارقىلىق قاچىلانغان بۇ ھۆججەتنى قاپلىۋەتسەك ئىش تامام. iTools قا ئۇلىغاندىن كىيىن سول تەرەپتىن 文件管理 نى تاللاڭ، ئاندىن 程序（用户） نى تاللاڭ. ئوڭ تەرەپتە سىز قاچىلىغان ئەپلەرنىڭ ھەممىسى كۆرىنىدۇ. بۇنىڭ ئىچىدە سىز قاچىلىغان Talking Tom 2 نى تېپىڭ. ئاندىن ئىچىدىن Documents دېگەن بىر ھۆججەت قىسقۇچ بار. شۇنىڭ ئىچىنى ئاچسىڭىز بايىقى چۈشۈرۈش تەمىنلىگەن appSettings.plist نامدىكى ھۆججەتنى كۆرىسىز. چۈشۈرگەن بۇ ھۆججەتنى قاپلىۋەتسىڭىز ئىش تامام!

كۆڭلىڭىزدىكىنى تاپايمۇ؟

يەنە بىر پەچەت پاراڭلىشىش قورالى – iPTT

پاسىبان — Thu, 26 May 2011 11:44:12 +0000

پاراڭلىشىش قوراللىرىنىڭ تۈرلىرى تولىمۇ كۆپ. قېرىشقاندەك كىيۇ-كىيۇنىڭ ئايفون نەشىرىنىڭ ئىقتىدارى تازا مۇكەممەل ئەمەس. ئاۋازلىق پاراڭلاشقىلى تېخى بولمايدۇ. سۈرەتلىك تېخى … بۈگۈن يەنە قايتا بىر تونۇشتۇرماقچى بولغۇن بۇ ئەپ تولىمۇ قولايلىق بولۇپ، ھىچ كۈچىمەيلا ئاۋازىڭىزنى نەچچە ئون ئادەمگە ئاڭلىتالايسىز. نۆۋەت سىزگە تەگسىلا «رادىئو ئاڭلىتىش ئۆيى» سىزگە تەۋە بولغاندەكلا پاراڭ سالالايسىز.

بۇ ئەپنىڭ ئاساسلىق ئىش پرىنسىپى بىزنى مەلۇم بىر پاراڭلىشىش زالىغا ئەكىرىپ قويىدۇ. جەمئىي 300 دانە زال بار بولۇپ، ھەر بىر زالدا ئايرىم-ئايرىم خانىلەر بولىدۇ. بىز ئايرىم خانىلەر ۋە چوڭ زال ئارىسىدا خالىغانچە كىرىپ-چىقالايمىز. پاراڭلاشماقچى بولغان دوستىمىزنى تاللاپ ئايرىم خانىگە ئەكىرىپ پاراڭلىشالايمىز. پەقەت تورلا بولسا بۇ «چايخانا» خىزمەت قىلىۋېرىدۇ.

دەسلەپ بىزدىن تىزىملىتىشنى تەلەپ قىلىدۇ. ئېلخەت ئادرىسىمىزنى كىرگۈزۈپ تىزىملىتىمىز. تىزىملاتقاندا خالىغانچە ھەرپ، بەلگە ۋە ساننى قوللانساق بولىدۇ. ئەلۋەتتە ئۇيغۇرچىنىمۇ قوللايدۇ. تىزىملىتىش ئۇتۇقلۇق بولغاندىن كىيىن دولقۇننى ئاستىدىكى جاينى ئوڭ-سولغا سۈرۈش ئارقىلىق توغرىلايمىز. بۇ ئەپنى پۈتۈن دۇنيادىكى ھەرقايسى جايدىن كەلگەن ئالمىداشلار ئورتاق ئىشلىتىدىغان بولغاچ كىچىككىنە ئايفون ئارقىلىق پۈتۈن دۇنيادىكى ئالمىداشلار ئارا پاراڭلىشالايسىز.

بۇ قورالنىڭ ئەۋزەللىكى شۇكى – بۇ رايون ئايرىمايدۇ. ھەرقانداق ئىشلەتكۈچىنىڭ ئورتاق سۆزلەش ھوقوقى بار. دوسلار ئارا يىراق مۇساپىلىق سىمسىز يىغىلىش قىلىشقىلى، ئايرىم خانىدا گۇڭۇر-مۇڭۇر قىلىشقىلى بولىدۇ. سىرتقا چىققاندا باشقىلاردىن يول سوراش، بىرەر جاينى ئىزدەش دېگەندەك ئەمەلىي قوللىنىشچانلىققا ئېگە. بۇ ئەپنى GPRS ئارقىلىقمۇ ئىشلەتكىلى بولىدۇ. لېكىن ئېقىم مىقدارىنى ھېساپلاپ تۇرۇپ ئىشلەتكەيسىز.

ئىشلىتىش توغرىسىدا ئاددىي چۈشەنچە

تەڭگىنىڭ مەركىزىنى بېسىپ تۇرۇپ پاراڭلىشىسىز. سۇس كۆك رەڭلىك ھالەت كۆپچىلىك تەڭ ئاڭلىيالايدىغان PUBLIC mode بولۇپ، بۇ چاغدا بىز گەپ قىلساق مۇشۇ دولقۇنغا توغرىلىغان ھەممە ئادەم ئاڭلىيالايدۇ. تەڭگىنىڭ ئاستىدىكى switch to WHISPER mode دېگەننى باسساق ئايرىم خانىگە كىرىپ پاراڭلىشىش ھالىتىگە ئۆتىدۇ. ئاندىن ئاستى تەرەپتىكى بۇرايدىغان جاينى ئوڭ-سولغا سۈرۈپ پاراڭلاشماقچى بولغان ئادەمنى تاللاپ گەپ قىلساق، گېپىمىزنى پەقەت شۇ ئادەملا ئاڭلايدۇ. ئەگەر ئارىلىقتا زالدىكى باشقىلارنىڭ پارىڭى دەخلى قىلغۇدەك بوپقالسا سول تەرەپ ئاستىدىكى ياڭراتقۇنى بېسىپ Mute Public نى باسساق چوڭ زالنى ئاۋاسسىز قىلىپ تەڭشەيدۇ. بۇ چاغدا سىز چوڭ زالغا قايتسىڭىزمۇ ئاۋاز ئاڭلانمايدۇ. Mute Whisper بولسا ئايرىم خانىدىن كەلگەن ئاۋازنى چەكلەش. بۇلارنى توختىتىش (ئاۋازنى ئەسلىگە كەلتۈرۈش) ئۈچۈن يەنە بايىقى تىزىملىكتىن Unmute نى باسىمىز.

ئاستى تەرەپتىكى ئايفوننىڭ بەلگىسى بار جاينى باسساق بىر تەڭشەك تىزىملىكى كۆرىنىدۇ. Turn Backgrounding Off ياكى ON دەپ. ئادەتتە ON ھالەتتە بولۇپ، ئارقا سۇپىغا ئۆتۈپ كەتسىمۇ خىزمەت قىلىۋېرىدۇ. ئەگەر بۇ ئىقتىدارىنى ئەتمەكچى بولساق مۇشۇ جاينى بېسىۋەتسەك بولىدۇ. بۇ چاغدا بەلگە ئايفون ئالدىغا خاتا بەلگىسى قويۇلغان ھالەتكە ئۆزگىرەيدۇ. بۇ ئارقىلىق ئوشۇقچە ئېقىم مىقدارىنىڭ پەيدا بولىشىنىڭ ئالدىنى ئالغىلى بولىدۇ. قالغان جايلىرىنى ئۆزىڭىز مالتىلاپ كۆرۈڭ. يەنە قانداق ئالاھېدىلىكى باركىن؟

چۈشۈرۈش ئادرىسى:

* بىز 18.0 دە پاراڭلىشايلى. مۇشۇ دولقۇنغا تەڭشەڭ. بۇنىڭدا ئادەتتە كۆپ ئادەم يوق.

كۆڭلىڭىزدىكىنى تاپايمۇ؟

«دورامچۇق تام» ئائىلىسىدىن يەنە بىر يېڭىلىق – Talking Ben

پاسىبان — Wed, 25 May 2011 11:14:08 +0000

Talking Tom نى ئايفون ئىشلىتىپ باققانلار ئاساسەن دېگۈدەك چوقۇم قاچىلاپ باققانغۇ دەيمەن. مۇشۇ تېمىنى كۆرۈۋاتقان ئايفونداشلارنىڭ ھېلىھەم ئايفونىدا بۇ كلاسسىك مۈشۈك بولسا كېرەك. يېقىندا بۇ شىركەت يەنە Ben ئىسىملىك تېخىمۇ ئوماق بىر كۈچۈكنى ياساپ چىقىپتۇ. بۇ چوقۇم ئوماقلىقىدا Tom نى بېسىپ چۈشىدىكەن.

چوڭ سۈپەت ئولتۇرغان بۇ كۈچۈكنىڭ ئىسمى بەن «Ben». ئەڭ ئاۋال بۇنى كۆرگىنىمىزدە گېزىت ئوقۇپ ئولتۇرغان ھالىتىنى كۆرىمىز. گېزىتتە ستىۋ جوبسنىڭ تامنى ياخشى كۆرىدىغانلىق توغرىسىدا خەۋەر بېسىلغان. بۇ كۈچۈك ناھايىتى ئەقىللىق بولۇپ، يېنىدا تۇرغان تېلفۇن ئارقىلىق سىز بىلەن پاراڭلىشالايدۇ. تېلفۇننى بىر باسساق تېلفۇن سايرايدۇ. بەن تېلفۇننى ئالغاندىن كىيىن سىز بىلەن پاراڭلىشىشنى باشلايدۇ.

بۇ كۈچۈكنى بوش چاغلىماڭ. بۇ قايسى بىر ئۇنىۋېرىستىتنىڭ خىمىيە فاكۇلتىتىنى پۈتتۈرگەن ئەلاچى ئوقۇغۇچى. ئۈستىدىكى ئوقۇش پۈتتۈرۈش سۈرېتى بۇنىڭ ئىسپاتى. بۇ رەسىمنى باسقاندا ئاۋايلاپراق بېسىڭ ھە، چېقىلىپ كېتىپ قالمىسۇن. ئاستىدىكى پروبىركىنىڭ رەسىمىنى بېسىپ بەننىڭ تەجرىبىخانىسىغا كىرەيلى

ئاستىدا بىزگە ئەڭ دەسلەپ 2 تال خىمىيىلىك دورا بېرىدۇ. بۇ ئىككىسىنى رىئاكسىيەلەشتۈرۈش ئارقىلىق ھەرخىل ئۈنۈملەرگە ئېرىشىمىز.

پارتىلاشتىنمۇ ساقلانغىلى بولمايدۇ ئەلۋەتتە.

ئورۇندۇقنى بېسىپ بۇرۇنقى ھالىتىگە قايتىمىز. بۇنىڭمۇ ئوخشاشلا قول-پۇتلىرىغا باسساق ھەرخىل ئىنكاس پەيدا بولىدۇ. قورسىقىنى سىلىساق غىدىقى كېلىدۇ. ئەڭ ئوماق يېرى تېلفۇن ئارقىلىق بىز بىلەن پاراڭلىشىشى ئىكەن. مېنىڭچە تامغا قارىغاندا بۇ بەكلا ئوماقكەن. دەرھال ھەرىكەتلىنىپ ئاستىدىكى ئۇلىنىشنى بېسىپ iTunes ئارقىلىق چۈشۈرىۋېلىڭ.

يېشىش ئۇسۇلى

بۇلارنى چۈشۈرۈپ بولغاندىن كىيىن iTools ئارقىلىق تۆۋەندىكى مۇندەرىجىنى ئېچىڭ.

var / mobile / applications / Talking Ben / Documents

بۇ جايغا چۈشۈرۈشكە تەمىنلەنگەن ھۆججەتنى چىقىرىپ قاپلىۋەتسەك ئىش پۈتىدۇ.

文件管理 نى باسسىڭىز ئوڭ تەرەپتە （程序（用户 دەپ بىر جاي بار. شۇنى باسقاندىن كىيىن قاچىلىغان ئەپنىڭ ئىسمى يۇقىرىدىكى سان-سىفىر شەكلىدە ئەمەس، ئەپ ئىسمى ھالەتتىلا كۆرىنىدۇ. سىز ئۇلارنىڭ ئارىسىدىكى Talking Ben نىڭ ئىچىنى ئاچسىڭىزلا بايىقى Documents دېگەن مۇندەرىجىنى تاپالايسىز. بۇ تولىمۇ ئاسان بىر ئۇسۇل. مۇشۇ جايغا بۇ نەرسىنى چۈشۈرۈپ قاپلىۋەتسىڭىزلا كۇپايە.

iPhone نۇسقىسىنى چۈشۈرۈڭ

iPad نۇسقىسىنى چۈشۈرۈڭ

كۆڭلىڭىزدىكىنى تاپايمۇ؟

App Store دا ھەقسىز ئويۇننى قانداق تېپىشنى بىلەمسىز؟

پاسىبان — Fri, 25 Mar 2011 10:15:58 +0000

بۈگۈن 5 كۈن بوپتۇ. يېڭى ئويۇن تەۋسىيە قىلمىدىم. چۈنكى بۇندىن كىيىن ئويۇن مەنبەسى بىلەن تەمىنلەشنى توختاتماقچى بولىۋاتىمەن. بۇ مۇناسىۋەت بىلەن نەچچە ۋاقىتتىن بۇيان كۇلۇبتىكى مۇشۇ مەزمۇنلاردىن پايدىلىنىپ كېلىۋاتقان كۇلۇب ئىشتىراكچىلىرى ئالدىدا تولىمۇ خىجىلمەن. بۇندىن كېيىن ئاساسلىقى ئايفون ۋە كۇلۇبىمىزنىڭ باشقا تۈرىگە تەۋە بولغان ساھەلەر ئۈستىدە مۇلاھىزە، بەزىبىر تېخنىكىلىق بىلىملەر، شۇ ساھەدىكى يېڭىلىق دېگەندەك مەزمۇنلار بىلەن سىلەرنى يەنىلا قارشى ئالىمەن. چۈنكى مېنىڭ بۇ تاللىشىم سىلەر ئۈچۈن تېخىمۇ پايدىلىق دەپ قارايمەن. شۇڭا بۈگۈن ئايفونىڭىز ۋە باشقا ئالما مەھسۇلاتلىرىڭىز ئۈچۈن App Store دا ئەسلى ھەقلىق بولغان، لېكىن 1~2 كۈن ۋاقىتلىق ھەقسىز قىلىپ تارقىتىدىغان پەچەت ئويۇنلارنى قانداق ئىزدەپ تېپىش، دەل شۇ ۋاقتىدا ھەقسىز پايدىلىنىشقا دائىر ئەپچىل چارىلەرنى سىلەرگە چۈشەندۈرۈپ ئۆتمەكچىمەن. بۇنى ئۆگىنىۋالسىڭىز مېنىڭ كۈندە سىلەرگە بۇ يەردە تەۋسىيە قىلىپ ئولتۇرۇشۇمنىڭ ھاجىتى قالمايدۇ. بۇلارنى بىلىۋالسىڭىزلا ئۆزىڭىز قول تىقىپ پەچەت ئويۇنلاردىن ھەقسىز ھوزۇر ئالالايسىز.

ئاۋال ئازراق سەپسەتە ساتاي. مەن ئەزەلدىن دەيدىغىنىم، 91 غا ئوخشاش ئەخلەتچى چوماقچىلارنى ئاز ئىشلىتىش ياكى ئىلاج بولسا ئىشلەتمەسلىك. بۇ پىشقان ئايفونچىلارنىڭ ئورتاق قارىشى. راس، 91 دەسلەپتە ئايفون ئىشلىتىۋاتقانلار ئۈچۈن بەزى قولايلىقلارنى ئېلىپ كەلگەچكە ھەممە ئادەم دىگۈدەك بۇ ئۆتكەلنى بېسىپ ئۆتىشى مۇمكىن. لېكىن سىز 91 نىڭ ئايفونىڭىزغا چىتلاپ قويغان ئەخلەتلىرى، پروگراممىلاردىكى بۇزغۇنچىلىق سەۋەبىدىن كەلتۈرۈپ چىققان مۇقۇمسىزلىق، ئەخلەت كۆپ بولۇش سەۋەپلىك ئىجرا بولىشى ئاستىلاپ كېتىش، ئاقىۋەت سېستىمىنى قايتا قاچىلاي دەپ iTunes ئارقىلىق زاپاسلاپ قويماقچى بولغىنىڭىزدا ئۇنىڭغىمۇ ئۇلىيالماسلىق قاتارلىق كىيىن كۆرىلىدىغان ئادەمنىڭ بېشىنى قايدۇرىدىغان مەسىلىلەرگە يولۇققىنىڭىزدا بۇ «قولاي» نەرسىنىڭ ئاخىرىغىچە «قولاي» لىق ئېلىپ كېلەلمەيدىغانلىقىنى ھېس قىلىپ يېتىسىزدە، مۇھىم ئۇچۇر ۋە خاتىرىلىرىڭىز iTunes ئارقىلىق زاپاسلىيالمىغانلىق سەۋەبىدىن غايىب بولغىنىدا بۇنى ئىشلەتكىنىڭىزدىن پۇشايمان قىلىسىز.

ئايفونغا 91 نى پەقەتلا ئۇلىماڭمۇ دېمەيمەن. چۈنكى مەنمۇ 来电秀 دېگەندەك نەرسىلىرىنى قاچىلاپ ئىشلىتىپ قويىمەن. ئەگەر مۇشۇ بىر نەرسىنىڭ App Store دا سېتىلىدىغان ھەقلىق نەشىرى بولغان بولسىمۇ پۇلغا ئېلىپ ھەقىقى نەشىرىنى ئىشلەتكەن بولاتتىم. گەپنىڭ قىسقىسى، ئىلاج بار بۇنىڭغا ئوخشاش ئوغرى نەشىرىدىكى نەرسىلەرنى ئاز ئىشلىتىش، قۇربىتىڭىز يەتسە پەقەتلا ئىشلەتمەسلىك – سىزنىڭ ئايفونىڭىز ئۈچۈن ئەڭ ياخشى تاللاشتۇر. ھەقلىق نەشىردىكى ھەرقانداق پروگرامما ياكى ئويۇنلار ئالما شىركىتىنىڭ سىنىقىدىن ئۆتكەندىن كىيىن ئاندىن بوشلۇققا يوللىنىپ بازاردا سېتىلىدۇ. بۇ دېتاللار سىزنىڭ ئايفونىڭىزنى تېخىمۇ رەڭدار قىلىدۇكى، ئەخلەتكە توشقۇزىۋەتمەيدۇ. iTunes سىزنىڭ ئايفونىڭىزنىڭ ئەڭ ئىسىل رېمونتچىسى. ئۇ سىزگە بۇزغۇنچىلىق خاراكتىرىدىكى نەرسىنى ئەمەس، باشقا 3-تەرەپ دېتاللىرى بۇزىۋەتكەن نەرسىنى تازىلاش، پاكىزلاش دېگەندەك قولايلىقىلارنى ئېلىپ كېلىدۇ. سىز تۈرمىدىن قاچۇرمىغان، باشتىن-ئاخىر ھەقلىق نەشىردىكى دېتاللارنى قاچىلاپ ئىشلىتىپ كېلىۋاتقان ئالما مەھسۇلاتلىرىنى ئۇزاق مۇددەت ئىشلەتكىنىڭىزدە بۇ جانۋارنىڭ تولىمۇ يۇۋاش، كاشىلا ئاساسەن كۆرۈلمەيدىغان ئەڭ مۇقىم تېلفۇن ئىكەنلىكىنى تونۇپ يېتىسىز. شۇڭا يەنىلا دەيدىغىنىم، قۇربىتىڭىز يەتسە ئايفوننى مۇشۇنداق ئىشلىتىڭ. ھەممىگە يۈز كېلەلەيسىز!

ھەقلىق ئويۇننىڭ ئەڭ چوڭ ئالاھىدىلىكى ئۇ ئىنتايىن مۇقىم. سېستىمىغا زىيىنى يوق. سىناق ۋە تەكشۈرۈشتىن ئۆتكەن. ھېچقانداق تۈرمىدىن قاچۇرۇش ياكى يېشىشنىڭ ھاجىتى يوق. توغرا يول بىلەن ئاددى ئۇسۇلدىلا قاچىلاپ پايدىلىنىسىز. لېكىن ھەقلىق ئويۇنلارنىڭ ھەممىسىنى ھەق تۆلەپ ئېلىش شەرت ئەمەس. بىر كۈنلەردە مۇشۇ نەرسىلەرمۇ ھەقسىز تەمىنلىنىدۇ. پەقەت سىز مۇشۇ پەيتنى توغرا تېپىپ چۈشۈرەلىسىڭىزلا … تېمىغا قايتىپ كەلسەك، ھەقسىز ئويۇنلارنىڭ مەنبەسىگە ئېرىشىشنىڭ بىرقانچە يولى بار.

Free App a day

بۇنىڭ بىرىنجىسى، سۈپىتى ياخشىراقى ۋە داڭلىقراقى ئىسمى Free App a day دەيدىغان بىر تەشكىلات. بۇلارنىڭ ئىش پرىنسىپى بولسا كۆپچىلىك ئۇلارنىڭ تور بېتىگە چىقىپ بىرەر ئەپ (ئويۇن ياكى پروگرامما) نىڭ ھەقسىز بولىشىنى تىلەپ تىلەك يېزىشىدۇ. ئاندىن ئۇلار بېلەت تاشلاش ئارقىلىق تىلىكى ئەڭ كۆپ بولغان (يەنى ئەڭ كۆپ كىشىلەر ھەقسىز بولىشىنى ئۈمىد قىلغان) ئەپنىڭ ياسىغۇچىسى بولغان كىشى ياكى شىركەت بىلەن ئالاقە قىلىدۇ. ياسىغۇچىدىن بۇ ئويۇننى بىر كۈن ھەقسىز قىلىپ تارقىتىپ بېرىشىنى ئۆتۈنىدۇ. بۇ ئۇسۇلدا بىزگە ئوخشاش ئويۇنخۇمارلار ئەڭ ئوبدان پايدىغا ئېرىشسەك ياسىغۇچى شىركەت بولسا كۆپلەپ چۈشۈرگەنلىك سەۋەبىدىن چۈشۈرۈش مىقدارى جەھەتتە رەتكە تىزىلغاندىكى پايدىنى ئالىدۇ. ئۇنىڭدىن باشقا چۈشۈرۈپ بولۇپ باشقىلارنىڭ بەرگەن باھاسىنى پايدا ئالىدۇ. ھەقسىز تارقىتىش مۇددىتى ئۆتۈپ كەتكەندە بولسا بۇ ئويۇن ئاللىقاچان ئەڭ كۆپ چۈشۈرۈلگەن ئويۇنلار قاتارىغان چىقىپ بولغان، نۇرغۇن كىشىلەر 4 ياكى 5 يۇلتۇز باھا بېرىپ بولغان بولىدۇ-دە، ئويۇننىڭ داڭقى چىقىپ بولغاندىن كىيىن كىيىنكى قەدەمدە ھەقلىق سېتىشقا باشلايدۇ. مانا مۇشۇنىڭغا ئوخشاش.

بۇ تەشكىلاتنىڭ تور بېتى : http://www.freeappaday.com/

يۇقارقى باسقۇچلارنى بېسىپ ئۆتۈش بەلكى سىز ئۈچۈن بىر ئاز مۈشكۈل كەپ قېلىشىمۇ مۇمكىن. ئۇنداقتا تۆۋەندىكى ئادرىستىن مۇشۇ تەشكىلاتنىڭ ئەزالىرى ياسىغان، ھەر كۈنى ھەقسىز ئويۇننى ئەڭ قىسقا ۋاقىت ئىچىدە سىزگە ئەسكەرتىپ تۇرىدىغان ئەپنى ئالما بازىرىدىن چۈشۈرىۋېلىڭ.

http://itunes.apple.com/cn/app/freeappaday-store-paid-apps/id409147624?mt=8

بۇنىڭ باھاسى 1 دوللار. سىز ھازىر 1 دوللارغا بۇنى سېتىۋالسىڭىز بۇ سىزگە نەچچە ئون، ھەتتا نەچچە يۈز دوللارلىق ھەقلىق ئويۇنلارنىڭ ھەقسىز چۈشۈرۈش مەنبەسى بىلەن تەمىن ئېتىدۇ. 1 دوللار دەسمىي بىلەن ھەقلىق ئويۇنلاردىن مەڭگۈ ھەقسىز چۈشۈرۈپ پايدىلىنالايسىز. ئىناۋەتلىك كارتىسى بارلار سېتىۋالساڭلار بولىدۇ. ئەگەر سىزدە بولمىسا مەن سىزگە ۋاكالىتە ئېلىپ بەرسەممۇ بولىدۇ. 1 دوللارلىق ئەپ 7 يۈەن بويىچە ھېساپلىنىدۇ.

Free App Calendar

بۇنىڭ 2-سى بولسا Free App Calendar بولۇپ، بۇلارنىڭ ئورگان تور بېتى http://www.freeappcalendar.com/ .بۇلارنىڭ ئىش پرىنسىپىمۇ ئۈستىدىكىسى بىلەن ئوخشاش بولۇپ، ئالما دۇكىنىدا مەخسۇس خەۋەرچى دېتالى يوق. شۇڭا ھەقسىز مەنبەلەرنى ئورگان بېتىگە چىقىپ ئىزدەش كېرەك.

Open Feint

3-سى ھەممىمىزگە تونۇشلۇق ئويۇنچىلار سۇپىسى Open Feint . بۇنى دېمىسەممۇ بىلىسىلەرغۇ دەيمەن. بەزى ئويۇنلارنىڭ ئۈستىدىكى ئىككى تال يېشىل يوپۇرماقنىڭ بەلگىسى بار لوگو دەل مۇشۇ شۇ. ئالمىنىڭ ئۆزىنىڭ Game Center گە ئوخشاش دۇنيادىكى چوڭ ئويۇن سۇپىسى. بۇ ئەڭ دەسلەپ چىققان سۇپا. Game Center كىيىن پەيدا بولغان. بۇ سۇپا ئارقىلىق سىز دوسلىشالايسىز. دوسلىرىڭىز بىلەن بىللە ئوخشاش ئويۇننى تورلاشتۇرۇپ ئوينىيالايسىز ۋە ھەمبەھرلىنەلەيسىز دېگەندەك.

بۇ ئۇلارنىڭ ئورگان تور بېكىتىدىكى ئايفون ئۈچۈن ھەقسىز ئويۇن تەمىنلەيدىغان ئادرىسى : http://openfeint.com/ios/free_games

iAppsToday

4-سى بولسا بىر قەدەر كىيىنرەك چىققان، جۇڭگودا كۆپرەك ئىشلىتىلىۋاتقان خەنزۇلارنىڭ iAppsToday نامى بىلەن قۇرۇلغان ھەقسىز ئويۇن تەمىنلەش سۇپىسى. ئۇلارنىڭ ھازىرقى تور بېكىتى: http://www.iapps.im/ بۇلار ئاساسەن ئاشۇ توربەتلەردىكى ھەقسىز ئويۇن ياكى پروگراممىلارنى يىغىپ ئەكىلىپ تور بېكىتىدە تەۋسىيە قىلىپ چىقىرىپ قويىشىدۇ. ئۇلارنىڭ خەۋەرچى دېتالىنى iTunes ئارقىلىق چۈشۈرىۋېلىپ ئايفونىڭىزغا قاچىلىۋېلىپ كىچىكرەك بولسا ئايفون بىلەنلا چۈشۈرىۋالسىڭىزمۇ بولىدۇ. يېڭى ئويۇنلارنى ھەر كۈنى نەچچە قېتىم ئۇچۇر يەتكۈزۈش ئارقىلىق سىزگە مەلۇم قىلىپ تۇرىدۇ. ئايفون ۋە ئايپەد بولۇپ كۈندە تەخمىنەن 5~10 غىچە ئويۇن يوللىنىدۇ. بۇ بىزگە بىر قەدەر قولاي بولسا كېرەك. بۇلارنىڭ خەۋەرچىسىنى بۇ جاينى بېسىپ چۈشۈرىۋېلىڭ.

مانا مۇشۇنداق. ئەگەر سىز مۇشۇ 4 خىل ئۇسۇل بىلەن ھەر كۈنى قويماي ئاقتۇرۇپ كۈندە 1~2 گىچە ئويۇن ياكى پروگراممىنى قاچىلىغىلى تۇرسىڭىز 2 ئاي ئىچىدە ئايفونىڭىزدىكى ئويۇنلارنى ئويناپ تۈگىتىپ بولالماي قالىسىز. شۇڭا بۇ چارىلەرنى سىزگە قالدۇرۇپ قويدۇم. مېنىڭ ياردىمىمسىز كۈندە ھەقىقىي نەشىردىكى ھەقلىق ئويۇنلاردىن ھەقسىز بەھرلىنەلەيسىز.

بۇندىن كىيىن ئاساسلىقى ئايفوندىكى تېخنىكىلق قىيىنچىلىقلارغا يولۇققان بولسىڭىز، سورىسىڭىز شۇلارغا قولۇمدىن كېلىشىچە ئەتراپلىق جاۋابىمنى بېرىمەن. بۇندىن كىيىن مېغىزلىق، پايدىلىق بىلىملەر يوللىنىدۇ. بەزى قىممىتى بار ھەقلىق دېتاللار تەۋسىيە قىلىنىدۇ. شۇڭا ھەقسىز ئويۇن ئەمدى تامام. بۇندىن كىيىن ئايفون، ماشىنا ۋە فوتوگرافىيە تېمىسىدىكى پايدىلىنىش ئۇچۇرلىرى يەنىلا سىلەرنىڭ ھوزۇرۇڭلاردا…

كۆڭلىڭىزدىكىنى تاپايمۇ؟

دورامچۇق دېنوزاۋۇر Talking Rex the Dinosaur

پاسىبان — Sun, 19 Dec 2010 13:07:00 +0000

دورامچۇق ئويۇنلىرىنى ئويناپ باققان بولىشىڭلار مۇمكىن، ئىنتايىن قىزىقارلىق. Outfir7 نىڭ مۇشۇنداق يۈرۈشلۈك مەھسۇلاتلىرى بار. ئالما دۇكىنىدىن ئاشۇ ئىسىمنى كىرگۈزۈپ ئىزدىسەك ھەممىسى چىقىدۇ. بۈگۈنكىسى بۇلارنىڭ ئەڭ يېڭى مەھسۇلاتى Talking Rex the Dinosaur. بۇ شىركەت ياسىغان مەھسۇلاتلارنىڭ ھەممىسى دېگۈدەك Talking XXX دېگەن نامدا. باشقا مەھسۇلاتلىرىنىڭ ھەقسىز نۇسخىلىرىمۇ بار. لېكىن ھەممىسى Lite . تولۇق ھەقسىز دېگىلى بولمايدۇ. بۈگۈن چۈشۈرەلەيدىغان بۇ دېنوزاۋۇر پۈتۈنلەي ھەقسىز، ھەم تولۇق ئىقتىدارلىق.بۇ دېنوزاۋۇرنىڭ ئىسمى Rex ، ئاۋازى بومراق (پى-پىدەك چىقسا بولامدىكى ) . ئۆزى ۋەھشى ھايۋان بولغىنى بىلەن سىپايە ئاۋازدا سىزنى دورايدۇ. تىللىسىڭىز تىللايدۇ، ماختىسىڭىز ماختايدۇ. كۈلسىڭىز كۈلىدۇ، يەنە كۈلسىڭىز يەنە كۈلىدۇ، سىز ھارىسىز ئۇ ھارمايدۇ. ھەم ھەممە گەپنى دىيەلەيدۇ. ئەگەر 3~4 ئادەم بىر يەرگە كېلىپ چۆرىدەپ بۇنىڭغا گەپ قىلسا بۇ بىز دېگەننى قايتىلاپ بىزنى دورايدۇ، ئىشقىلىپ بەكلا قىزىق بۇنداق ئويۇنلار. كۆڭۈل ئېچىش خاراكتىرىدىكى ئويۇنلارغا كىرىدىغان بۇنداق ئويۇنلارنىڭ ئۇلىنى سالغۇچىلاردىن يەنە بىرسى بار ئېدى، ئىسمى SmackTalk دەيدىغان. ئىزدەپ باقساڭلار بولىدۇ. بۇ شىركەتنىڭ ياسىغان دورامچۇق ھايۋانلارنى تۇتساق ياكى ئۇرساق بەزىبىر قىزىقارلىق ھەرىكەتلەرنى چىقىرىدۇ. بارلىق ھەرىكەت ۋە ئاۋازلارنى سىنئالغۇغا ئېلىپ YouTube, Facebook لارغا يوللاپ باشقىلار بىلەن ھەمبەھىرلىنىشكە بولىدۇ. ئويناش ئۇسۇلى ئىنتايىن ئاددى. گەپ قىلىسىز گەپ قىلىدۇ، قۇيرۇقىنى تۇتسىڭىز سىزنى يىمەكچى بولىدىكەن. چىشىغا تېگىۋەرسىڭىز غەزەپلىنىپمۇ قويىدىكەن. ئەگەر سىلىسىڭىز راھەت ھېس قىلامدىكى، خوش بوپ كېتىدىكەن.

بىرقانچە رەسىملىرىنى كۆرۈپ باقايلى:

ياسىغان شىركەت: Outfit7

ئويۇن ئىسمى: Talking Rex the Dinosaur

ئويۇن تۈرى : كۆڭۈل ئېچىش

قوللايدىغان سۇپا: Facebook, YouTube

چوڭلۇقى: 17.1 MB

چۈشۈرۈش ئادرىسى: (ئايپەدكە چۈشۈرىدىغانلار بۇيەرنى بېسىڭ)

ئەسكەرتىش: بۇ ئويۇننىڭ ھەقسىز تارقىتىش مۇددىتى ناھايىتى قىسقا بولغاچقا بەلكىم سىز چۈشۈرمەكچى بولغاندا ۋاقتى ئۆتۈپ كەتكەن بولىشى مۇمكىن. بىز ئەڭ قىسقا ۋاقىت ئىچىدە ھەقسىز مەنبەلەر بىلەن تەمىنلەشكە تىرىشىمىز. ئەگەر ھەقسىز چۈشۈرۈش ۋاقتى ئۆتۈپ كەتكەن بولسا بۇنىڭغا ئامال يوق. بۇ خىل ئاۋارىچىلىقنىڭ ئالدىنى ئېلىش ئۈچۈن دىققىتىڭىز دائىم كۇلۇبىمىز مەزمۇنلىرىدا بولسۇن.

تەۋسىيە: ئەگەر سىز ئايفون ئارقىلىق WiFi سىمسىز تورى بىلەن كۇلۇبىمىزنى زىيارەت قىلىپ ئۈستىدىكى ئۇلانمىنى بىۋاستە چەكسىڭىز ئۇ چاغدا بۇ ئويۇننى ئايفونىڭىزغا بىۋاستە قاچىلىيالايسىز. ئۇلانما ئايفوندا سىناق قىلىندى.

چۈشۈرىۋالدىڭىزما؟ ئىنكاس يازسا پۇل ئالمىغاندىكىن قورقماي يازىلى دەيمە!

كۆڭلىڭىزدىكىنى تاپايمۇ؟

بۇ يازمىلارغىمۇ ئىشتاھايىڭىز بولىشى مۇمكىن
ھېيتلىق لازىممۇ؟! مانا ئەمىسە!	App Store دىكى ئۇيغۇرچە ئەپلەر توپلىمى	قورقۇنۇشلۇق ئەپ Demon Cam	تەۋسىيە : ئاجايىپ – غارايىپ ئەپ (5) Remix your life	تەۋسىيە: بالىلارنىڭ زېھنىنى ئاچىدىغان ئېسىل ئەپ
无觅

بۇ يازمىلارغىمۇ ئىشتاھايىڭىز بولىشى مۇمكىن
ھېيتلىق لازىممۇ؟! مانا ئەمىسە!	دورامچۇق ئىت-مۈشۈكلەرنىڭ جېڭى يەنە باشلىنىپتۇدەك	تەۋسىيە: بالىلارنىڭ زېھنىنى ئاچىدىغان ئېسىل ئەپ	تەۋسىيە : ئەڭ قوللىنىشچان ئايفون دېتالى SoundHound	iOS 5 نى نامۇكەممەل تۈرمىدىن قاچۇرۇش
无觅

بۇ يازمىلارغىمۇ ئىشتاھايىڭىز بولىشى مۇمكىن
دورامچۇق ئىت-مۈشۈكلەرنىڭ جېڭى يەنە باشلىنىپتۇدەك	ھېيتلىق لازىممۇ؟! مانا ئەمىسە!	داڭدار مۈشۈك تام ئەمدى ئۆيگە ئېگە بولدى	تەۋسىيە : ئاجايىپ – غارايىپ ئەپ (5) Remix your life	iPhone 4S ئېلان قىلىش يىغىنىنىڭ خەنچە چۈشەندۈرىلىشى
无觅

بۇ يازمىلارغىمۇ ئىشتاھايىڭىز بولىشى مۇمكىن
تەۋسىيە: بالىلارنىڭ زېھنىنى ئاچىدىغان ئېسىل ئەپ	تەۋسىيە : ئاجايىپ – غارايىپ ئەپ (5) Remix your life	ھېيتلىق لازىممۇ؟! مانا ئەمىسە!	قورقۇنۇشلۇق ئەپ Demon Cam	دورامچۇق ئىت-مۈشۈكلەرنىڭ جېڭى يەنە باشلىنىپتۇدەك
无觅

بۇ يازمىلارغىمۇ ئىشتاھايىڭىز بولىشى مۇمكىن
ھېيتلىق لازىممۇ؟! مانا ئەمىسە!	ئۇنىۋېرسال قويغۇچ بۈگۈن ھەقسىز! بازار چاققاننىڭ!	تەۋسىيە : ئاجايىپ – غارايىپ ئەپ (5) Remix your life	تەۋسىيە: بالىلارنىڭ زېھنىنى ئاچىدىغان ئېسىل ئەپ	ئاجايىپ-غارايىپ ئەپ (3) – توپ تېپىش
无觅

بۇ يازمىلارغىمۇ ئىشتاھايىڭىز بولىشى مۇمكىن
ھېيتلىق لازىممۇ؟! مانا ئەمىسە!	ھايۋانات فوتوگرافچىلىقى نادىر ئەسەرلىرىدىن تاللانما	تەۋسىيە : ئاجايىپ – غارايىپ ئەپ (5) Remix your life	دورامچۇق ئىت-مۈشۈكلەرنىڭ جېڭى يەنە باشلىنىپتۇدەك	App Store دىكى ئۇيغۇرچە ئەپلەر توپلىمى
无觅

بۇ يازمىلارغىمۇ ئىشتاھايىڭىز بولىشى مۇمكىن
دورامچۇق ئىت-مۈشۈكلەرنىڭ جېڭى يەنە باشلىنىپتۇدەك	ئايفوننى تۈرمىدىن قاچۇرامسىز؟ بۇنى Cydia قۇرغۇچىسى سىزگە ئېيتىپ بەرسۇن!	داڭدار مۈشۈك تام ئەمدى ئۆيگە ئېگە بولدى	قورقۇنۇشلۇق ئەپ Demon Cam	iOS 5 نى نامۇكەممەل تۈرمىدىن قاچۇرۇش
无觅