پاسىبان كۇلۇبى » پاراڭلىشىش

ئالدىنقى ھەپتە ئالما ئېلان قىلغان 10 ياخشى ئەپ

پاسىبان — Sun, 31 Jul 2011 04:26:56 +0000

ئالدىنقى ھەپتە iOS ئۈسكۈنىلىرى ئىچىدىكى تەۋسىيە قىلىنغان ئالدىنقى قاتاردىكى 10 ئەپنى تىزىپ چىقىپتۇمىش. سىز بۇلارنىڭ قايسىسىنى چۈشۈرۈپ قاچىلاپ باقتىڭىز؟ قايسىسىنى كۆرۈپ باققان ئىدىڭىز؟ 300 مىڭدىن ئارتۇق ئەپلەرنىڭ ئىچىدە ئالدىنقى قاتاردىكى تەۋسىيە قىلىنغان 10 ئەپ زادى قايسى، بىرلىكتە كۆرۈپ ئۆتەيلى.

10-سى : Baby Monitor

بۇنىڭ 10-سى Baby Monitor ئىسىملىك ئەپ بولۇپ، بۇ ئەپنىڭ ئىقتىدارى بولسا بوۋاقنىڭ يىغىسىنى نازارەت قىلىپ چوڭلارغا خەۋەت بېىرىكەن. سىز بۇ ئەپنى قوزغىتىپ iOS ئۈسكۈنىسىنى (مەسىلەن، ئايفوننى) بوۋاقنىڭ ئالدىغا قويۇپ قويۇپ مەيلى ئۆيدە ۋەياكى سىرتتا بولماڭ، بوۋىقىڭىز يىغلىغان ھامان ئۇنىڭ ئاۋازىنى ئاڭلايدىكەنسىز. لېكىن شەرتى، تور مۇھىتى بولىشى كېرەك ئىكەن.

سېتىۋالغۇچىنىڭ بىرى باھا يېزىپ، بۇ بەلكى بوۋاق تەربىيىسىنىڭ كەلگۈسىدىكى ئەينىكى بولسا كېرەك، ھەيران قالارلىقى بوۋىقىم يىغلىغان ھامان مەن ئۇچۇر قوبۇل قىلىۋالدىم، ھەقىقەتەن قالتىس ئىكەن! دەپتۇ.

ئەپ ئىسمى : Baby Monitor

باھاسى : 4.99 $

ياسىغۇچى : JEFF MCMORRIS

تۈرى : قوللىنىشچان

چوڭلۇقى : 2.2 MB

چۈشۈرۈش ئادرىسى :

9-سى : SKTCH for iPad

Sktch ئىسىملىك بۇ ئەپ iPad ئۈچۈن لايىھەلەنگەن بولۇپ، خاسلىققا ئېگە ھەرخىل 2D لىك ۋە 3D لىك رەسىم سىزغىلى بولىدۇ. ئالدىن قوشىۋېتىلگەن 16 خىل ئىقتىدارى ئارقىلىق 2D ۋەياكى 3D لىك ئۈنۈم ھاسىل قىلغىلى، ھەتتا كۆپ نوقتىنى تەڭ بېسىش ئارقىلىق ئۆ‍زگىچە تۈس قوشقىلى بولىدىكەن. رەسساملار ئۈچۈن پەچەت ئەپ بولسا كېرەك.

ئەپ ئىسمى : Sktch

باھاسى : 1.99 $

ياسىغۇچى : Filip Visnjic

تۈرى : فوتو-سۈرەت

چوڭلۇقى : 7.7 MB

چۈشۈرۈش ئادرىسى :

8-سى: Thrutu

بۇ قوللىنىشچان ئەپ بولۇپ، تېلىفون ئۇرىۋاتقان ۋاقىتنىڭ ئۆزىدە رەسىم، تېلىفۇن دەپتىرىدىكى ئۇچۇرلار ۋە ياكى ئورنىمىز قاتارلىقلارنى ئېۋەتكىلى بولىدىكەن. بۇنداق قىلسا نېمە پايدىسى بار دېيىشىڭىز مۇمكىن. لېكىن ئويلاپ باقسىڭىز، چوڭراق بىرەر يىغىلىش ۋە ياكى مەيدان، ياكى بىرەر زالدا بۇ ئەپ ھەقىقى رولىنى كۆرسىتەلەيدۇ. ئىۋەتكەن رەسىم ۋە ئورنى ئارقىلىق سىز ئۇ كىشىنى دەرھاللا تاپالايسىز.

ئەپ ئىسمى : Thrutu

باھاسى : ھەقسىز

ياسىغۇچى : MetaSwitch

تۈرى : قوللىنىشچان

چوڭلۇقى : 2.0 MB

چۈشۈرۈش ئادرىسى :

7-سى: Sid Meier’s Pirates! for iPad

ئىلگىرى ئايفون ئويۇنلىرى ئىچىدە قارشى ئېلىنغان Pirates ئويۇنىنىڭ iPad نۇسقىنى ئاخىرى ئېلان قىلىنىپتۇ. Pirates ئويۇنىدا سىز كاپىتاننىڭ رولىنى ئېلىپ، دېڭىزنى كېزىپ دۈشمەننى ئىزدەيسىز. باشقا پاراخوتتىكىلەر بىلەن ئېتىشىسىز. جەڭدە يېڭىپ fame غا ئېرىشسەك يېڭى جايلارنى ئېگەللىيەلەيدىكەنمىز. بۇ ئويۇن sandbox قا ئوخشاپ كېتىدىغان پەچەت PC ئويۇنلىرىدەك ياخشى ئويۇن بولغاچ iPad نۇسقىسىمۇ بەكلا قارشى ئېلىنغان.

ئەپ ئىسمى : Sid Meier’s Pirates! for iPad

باھاسى : 3.99 $

ياسىغۇچى : 2K Games

تۈرى : ئويۇن

چوڭلۇقى : 436 MB

چۈشۈرۈش ئادرىسى :

6-سى: Biophilia

بۇ قانداقتۇر بىرەر ئەپ بولماستىن، مۇزىكانت Björk نىڭ ناخشا توپلىمى ئىكەن. بۇ مۇزىكا توپلىمى تەبىئەت ۋە پەن-تېخنىكىنىڭ ئادەتتىن تاشقىرى بېرىكىشىنىڭ ھاسىلاتى ئىكەن. Biophilia پەقەت ناخشا توپلىمىلا بولماستىن مۇزىكا ۋە سەنئەت يىتەكچىسى بولالايدىكەن. Biophilia نىڭ ئۆزىدىلا 10 دانە ئەپ بار ئىكەن. ئەپلەرنى ئاچسىڭىز سىمفونىيە Cosmogony نىڭ لەرزان مۇڭى بىلەن سامانيولىنى مەستخۇشلۇق بىلەن ئايلىنىدىكەنسىز. بۇنىڭ شۇنچە كۆپ ئىقتىدار بولغىنى بىلەن ھەقسىز ئىكەن.

ئەپ ئىسمى : Biophilia

باھاسى : ھەقسىز

ياسىغۇچى : Second Wind Ltd Apps

تۈرى : مۇزىكا

چوڭلۇقى : 114 MB

چۈشۈرۈش ئادرىسى :

5-سى : grüvtron

سىز grüvtron ئارقىلىق نۇرغۇن سازلارغا، ئاۋازغا ئېلىش ئۆيىگە ۋە ھەرخىل ئۈنۈم قوشۇدىغان كەسپىي خىزمەت ئۆيىگە ئېگە بولالايسىز. ئىشلىگەن مۇزىكىلارنى iTunes قا يوللىغىلىمۇ بولىدىكەن. بۇ ئەپنىڭ كەسپىيلىكى بىر قەدەر يۇقىرى بولغاچ بىر قاراپلا بىلىۋالغىلى بولمىسا كېرەك. بىر كىشى باھا بېرىپ، بۇ ئەپ KORG نىڭ قاتىلى ئىكەن، دەپتۇدەك.

ئەپ ئىسمى : grüvtron

باھاسى : 4.99 $

ياسىغۇچى : Sound Trends LLC

تۈرى : مۇزىكا

چوڭلۇقى : 104 MB

چۈشۈرۈش ئادرىسى :

4-سى : Moviefone Movies

بۇ ئەپنىڭ چۈشەندۈرىشىدە Flixster نى ئارام ئېلىشقا خىتاب قىپتۇدەك. Moviefone ناملىق بۇ ئەپنىڭ كۆرىنىشى كۆركەم بوپقالماستىن، ھەرقانداق كىنوخۇمارلارنىڭ ياقتۇرىدىغان نەرسىسىنى ئۆزىگە مۇجەسسەملىگەن. ئەڭ يېڭى فىلىملەرنىڭ ئۇچۇرلىرى، تەشۋىق فىلىملىرى، كىنوغا مۇناسىۋەتلىك خەۋەرلەر ۋە سىزنىڭ جۇغراپىيەلىك ئورنىڭىزغا ئاساسەن قويۇلماقچى بولغان ئەڭ يېڭى فىلىملەر … بۇلارنىڭ ھەممىسى Moviefone دا بار ئىكەن.

ئەپ ئىسمى : Moviefone Movies – Movie Theaters, Trailers, Showtimes, and News from Hollywood

باھاسى : ھەقسىز

ياسىغۇچى : AOL, Inc.

تۈرى : كۆڭۈل ئېچىش

چوڭلۇقى : 5.1 MB

چۈشۈرۈش ئادرىسى :

3-سى: EDITION29 STRUCTURES

بۇ ئەپ سىزنى دۇنيادىكى ئىسىل قۇرۇلۇش-ئىمارەت، گۈزەل مەنزىرە ۋە بەدىئىي سۈرەت قاتارلىق يېقملىق فوتو-سۈرەتلەر بىلەن تەمىنلەيدۇ. لېكىن ئايپەد بولىشى كېرەككەن. بۇ ئەپنىڭ 29-نەشىرىدە 100 نەچچە بەتلىك دۇنيادىكى داڭلىق ئىمارەتلەرنىڭ رەسىملىرى باركەنمىش.

ئەپ ئىسمى: EDITION29 STRUCTURES

باھاسى : ھەقسىز

ياسىغۇچى : 29GPS, LLC.

تۈرى : كۆڭۈل ئېچىش، فوتو-سۈرەت

چوڭلۇقى : 1.3 MB

چۈشۈرۈش ئادرىسى :

2-سى: Calvetica Calendar

Calvetica Calendar ناملىق بۇ ئەپ نۆۋەتتىكى ئەڭ ياخشى كالىندار ۋە ئايلىق پىلان تۈزىدىغان ئەپ بولۇپ كېلىۋاتىدۇ. بۇنىڭ ئايپەد نەشىرىمۇ بار ئىكەن. ئايپەد ئۈچۈن Calvetica Calendar بەلكى تولىمۇ چىرايلىق، تولۇق ئىقتىدارلىق كالېندار بولسا كېرەك. بۇ كالېندار ئارقىلىق سىز بىرەر كۈنگە پائالىيەت ئورۇنلاشتۇرالايسىز. ئايلىق پلانلىرىڭىزنى ئورۇنلاشتۇرالايسىز. ۋاقتى كەلگەندە ئاۋازلىق ئەسكەرتىدىكەن. بۇنى دېمىسەممۇ بىلىسىلەرغۇ دەيمەن. ئايفوننىڭ ئۆزىدىكى كالېندارنىڭمۇ مۇشۇنداق ئىقتىدارى بار. 2 دوللار ساتسىمۇ كىشىلەر بەس-بەستە سېتىۋالغانغا قارىغاندا بۇنىڭ چوقۇم سەۋەبى بولسا كېرەك. ئاستىدا يېشىۋەتكەن نۇسقىسىنىڭ ئادرىسىمۇ قالدۇرۇلدى. قاچقۇنلار قاچىلاپ سىناپ كۆرۈڭ.

ئەپ ئىسمى: Calvetica Calendar

باھاسى : 1.99 $

ياسىغۇچى : Mysterious Trousers, LLC

تۈرى : قوللىنىشچان

چوڭلۇقى : 3.4 MB

چۈشۈرۈش ئادرىسى :

يېشىۋەتكەن نۇسقىسىنى چۈشۈرۈڭ:

ئەڭ ئاخىرقىسى، يەنى ئەڭ ياخشى باھا بېرىلگىنى : Google+

+ Google بولسا گوگل شىركىتىنىڭ يېڭىدىن يولغا قو ئىجتىمائى ئالاقە مەھسۇلاتى. ئالاقىدار بۆلۈملەرنى نەچچە ھەپتىلەپ مۇزاكىرە قىلىشى ئارقىلىق بۇ مەھسۇلاتنى App Store دا ئېلان قىلغان. بۇ ئەپ App Store دا قويۇلغان كۈنىلا چۈشۈرۈلۈش تەرتىۋى بويىچە 1- ئورۇنغا ئۆتۈپ كەتكەن. نۆۋەتتە بۇ مەھسۇلات Facebook نىڭ ئەڭ چوڭ رىقابەتچىسى بوپقالىدىكەن. چۈشۈرۈلۈش قېتىم سانى ۋە ئىشلەتكۈچىلەرنىڭ باھاسىغا قارىغاندا Google ھەقىقەتەن ئىسىل مەھسۇلاتتىن بىرنى چىقارغاندەك قىلىدۇ.

تولىمۇ ئەپسۇس، بۇ ئەپ ھازىر سىناق باسقۇچىدا بولغاچقا بىرەر كىشىنىڭ تەكلىپى بولمىسا ئىشلەتكىلى بولمايدىكەن. مەنمۇ قاچىلىدىميۇ ئىشلىتەلمىدىم. ھەقىقى بازارغا سېلىشىغا قاراپ ئولتۇرۇپتۇق. Facebook قا ئوخشاش چەكلەنمىسىلا مەيلىتىغۇ ئىشقىلىپ…

ئەپ ئىسمى: Google +

باھاسى : ھەقسىز

ياسىغۇچى : Google Mobile

تۈرى : قوللىنىشچان، ئىجتىمائى ئالاقە(پاراڭلىشىش)

چوڭلۇقى : 5.3 MB

چۈشۈرۈش ئادرىسى :

كۆڭلىڭىزدىكىنى تاپايمۇ؟

iPhone QQ 2011 نۇسقىسى ئېلان قىلىندى

پاسىبان — Fri, 24 Jun 2011 06:00:15 +0000

iPhone دا QQ غا چىقىۋاتقانلار بىلەتتى. ئىلگىرىكى ئايفون ھەتتا كىچىك بىر پارچە رەسىمنىمۇ ئىۋەتەلمەيتتى. بۇنىڭغا يانداشتۇرۇپ 微信 نى قوشۇپ ئىشلىتىپ ھېرىپ كېتەتتى كىشى. نەچچە ۋاقىتتىن بۇيان QQ نىڭ 2011 نۇسقىسىنى ئاشكارا سىناش باسقۇچىدىن ئۆتۈپ بۈگۈن App Store دا سېتىشقا باشلاپتۇدەك. ئەلۋەتتە، بۇ ھەقسىز!

نۆۋەتتىكى QQ 2011 نىڭ 1.0 نۇسقىسى 4-ئايدىن باشلاپ قايتىدىن iOS ئۈچۈن لايىھەلىنىشكە باشلىغان بولۇپ، ئارقا سۇپىدا توردا تۇرۇش، PUSH قوبۇللاش، رەسىم ئىۋەتىش ۋە قوبۇللاش قاتارلىق ئىقتىدارلارغا ئېگە بولدى. يىپيىڭى سىرتقى كۆرىنىشكە ئېگە بولغان بۇ پاراڭ دېتالى تۆۋەندىكىدەك يېڭى ئالاھىدىلىكلەرگە ئېگە.

يىپيىڭى سىرتقى كۆرىنىش. سۈزۈك ۋە ئاددى بولغان UI، شۇنداقلا Retina ئېكرانىغا ماس يۇقىرى سۈزۈكلۈكتىكى كۆرۈنۈش لايىھەسى.
رەسىم قوبۇل قىلىش، ئىۋەتىش ۋە HD (يۇقىرى ئېنىقلىق) باش سۈرەت ئارقىلىق پاراڭنى تېخىمۇ رەڭدار قىلىش.
ئارقا سۇپىدا توردىن ئۈزۈلۈپ كەتمەي تۇرۇش ۋە PUSH قوبۇللاش.
كومپىيۇتېر ۋە ئايفوندا بىرلا ۋاقىتتا توردا تۇرۇش. يەنى بۇرۇنقىدە ئايفوندا QQ نى ئاچساق كومپىيۇتېردىن چۈشۈپ كەتمەيدىكەن.
دوسلارنىڭ يانفون ئارقىلىق ياكى كومپىيۇتېر ئارقىلىق تورغا چىقىۋاتقانلىقىنى ئايرىپ بېرەلەيدۇ.
بىرقانچە نومۇرنى تېز سۈرئەتتە ئالماشتۇرۇپ ئېچىشنى قوللايدۇ.
7 كۈنلۈك پاراڭ خاتىرىسىنى زاپاسلاش ۋە ماسقەدەملەشنى قوللايدۇ.
يېڭىدىن تىزىملىتىپ كىرىش سېستىمىسى لايىھەلەنگەن بولۇپ، ئارقىمۇ-ئارقا، قايتا-قايتا تەستىق نومۇرى يېزىپ كىرىشنى ھاجىتى يوق.

7-ئاينىڭ ئوتتۇرىلىرىدا 2.0 نۇسقىسى ئېلان قىلىنماقچى ئىكەن. بۇنىڭ ئاساسلىق ئالاھېدىلىكى بولسا سۈرەتلىك پاراڭلىشىش ئىكەن. بۇ توغرىسىدا ئەڭ تېز ئۇچۇرغا ئېگە بولماقچى بولسىڭىز ئورگان تەرەپ مىكروبلوگىغا قۇلاق سالغايسىز: http://t.qq.com/iphoneQQ

ئورگان تەرەپنىڭ ئېيتىشىچە بەزىدە رەسىم قوبۇل قىلالمىغاندا ئايفون ۋە كومپىيۇتېردا تەڭ ئېچىۋالغىنىڭىزدىن بولغان بولىشى مۇمكىن ئىكەن. PUSH نىڭ نورمال بولماسلىقى ئايفونىڭىزنىڭ سېگنالى ۋە ئالما مۇلازىمىتىرىنىڭ ئالدىراشلىقى سەۋەبىدىن بولىشى مۇمكىن ئىكەن.

ئەپ ئىسمى : QQ 2011 1.0

ياسىغان شىركەت : Tencent

قوللايدىغان سۇپا : ئۆزىنىڭ مۇلازىمىتىرى

تۈرى : پاراڭلىشىش

چوڭلۇقى : 13.2 MB

چۈشۈرۈش ئادرىسى :

كۆڭلىڭىزدىكىنى تاپايمۇ؟

يەنە بىر پەچەت پاراڭلىشىش قورالى – iPTT

پاسىبان — Thu, 26 May 2011 11:44:12 +0000

پاراڭلىشىش قوراللىرىنىڭ تۈرلىرى تولىمۇ كۆپ. قېرىشقاندەك كىيۇ-كىيۇنىڭ ئايفون نەشىرىنىڭ ئىقتىدارى تازا مۇكەممەل ئەمەس. ئاۋازلىق پاراڭلاشقىلى تېخى بولمايدۇ. سۈرەتلىك تېخى … بۈگۈن يەنە قايتا بىر تونۇشتۇرماقچى بولغۇن بۇ ئەپ تولىمۇ قولايلىق بولۇپ، ھىچ كۈچىمەيلا ئاۋازىڭىزنى نەچچە ئون ئادەمگە ئاڭلىتالايسىز. نۆۋەت سىزگە تەگسىلا «رادىئو ئاڭلىتىش ئۆيى» سىزگە تەۋە بولغاندەكلا پاراڭ سالالايسىز.

بۇ ئەپنىڭ ئاساسلىق ئىش پرىنسىپى بىزنى مەلۇم بىر پاراڭلىشىش زالىغا ئەكىرىپ قويىدۇ. جەمئىي 300 دانە زال بار بولۇپ، ھەر بىر زالدا ئايرىم-ئايرىم خانىلەر بولىدۇ. بىز ئايرىم خانىلەر ۋە چوڭ زال ئارىسىدا خالىغانچە كىرىپ-چىقالايمىز. پاراڭلاشماقچى بولغان دوستىمىزنى تاللاپ ئايرىم خانىگە ئەكىرىپ پاراڭلىشالايمىز. پەقەت تورلا بولسا بۇ «چايخانا» خىزمەت قىلىۋېرىدۇ.

دەسلەپ بىزدىن تىزىملىتىشنى تەلەپ قىلىدۇ. ئېلخەت ئادرىسىمىزنى كىرگۈزۈپ تىزىملىتىمىز. تىزىملاتقاندا خالىغانچە ھەرپ، بەلگە ۋە ساننى قوللانساق بولىدۇ. ئەلۋەتتە ئۇيغۇرچىنىمۇ قوللايدۇ. تىزىملىتىش ئۇتۇقلۇق بولغاندىن كىيىن دولقۇننى ئاستىدىكى جاينى ئوڭ-سولغا سۈرۈش ئارقىلىق توغرىلايمىز. بۇ ئەپنى پۈتۈن دۇنيادىكى ھەرقايسى جايدىن كەلگەن ئالمىداشلار ئورتاق ئىشلىتىدىغان بولغاچ كىچىككىنە ئايفون ئارقىلىق پۈتۈن دۇنيادىكى ئالمىداشلار ئارا پاراڭلىشالايسىز.

بۇ قورالنىڭ ئەۋزەللىكى شۇكى – بۇ رايون ئايرىمايدۇ. ھەرقانداق ئىشلەتكۈچىنىڭ ئورتاق سۆزلەش ھوقوقى بار. دوسلار ئارا يىراق مۇساپىلىق سىمسىز يىغىلىش قىلىشقىلى، ئايرىم خانىدا گۇڭۇر-مۇڭۇر قىلىشقىلى بولىدۇ. سىرتقا چىققاندا باشقىلاردىن يول سوراش، بىرەر جاينى ئىزدەش دېگەندەك ئەمەلىي قوللىنىشچانلىققا ئېگە. بۇ ئەپنى GPRS ئارقىلىقمۇ ئىشلەتكىلى بولىدۇ. لېكىن ئېقىم مىقدارىنى ھېساپلاپ تۇرۇپ ئىشلەتكەيسىز.

ئىشلىتىش توغرىسىدا ئاددىي چۈشەنچە

تەڭگىنىڭ مەركىزىنى بېسىپ تۇرۇپ پاراڭلىشىسىز. سۇس كۆك رەڭلىك ھالەت كۆپچىلىك تەڭ ئاڭلىيالايدىغان PUBLIC mode بولۇپ، بۇ چاغدا بىز گەپ قىلساق مۇشۇ دولقۇنغا توغرىلىغان ھەممە ئادەم ئاڭلىيالايدۇ. تەڭگىنىڭ ئاستىدىكى switch to WHISPER mode دېگەننى باسساق ئايرىم خانىگە كىرىپ پاراڭلىشىش ھالىتىگە ئۆتىدۇ. ئاندىن ئاستى تەرەپتىكى بۇرايدىغان جاينى ئوڭ-سولغا سۈرۈپ پاراڭلاشماقچى بولغان ئادەمنى تاللاپ گەپ قىلساق، گېپىمىزنى پەقەت شۇ ئادەملا ئاڭلايدۇ. ئەگەر ئارىلىقتا زالدىكى باشقىلارنىڭ پارىڭى دەخلى قىلغۇدەك بوپقالسا سول تەرەپ ئاستىدىكى ياڭراتقۇنى بېسىپ Mute Public نى باسساق چوڭ زالنى ئاۋاسسىز قىلىپ تەڭشەيدۇ. بۇ چاغدا سىز چوڭ زالغا قايتسىڭىزمۇ ئاۋاز ئاڭلانمايدۇ. Mute Whisper بولسا ئايرىم خانىدىن كەلگەن ئاۋازنى چەكلەش. بۇلارنى توختىتىش (ئاۋازنى ئەسلىگە كەلتۈرۈش) ئۈچۈن يەنە بايىقى تىزىملىكتىن Unmute نى باسىمىز.

ئاستى تەرەپتىكى ئايفوننىڭ بەلگىسى بار جاينى باسساق بىر تەڭشەك تىزىملىكى كۆرىنىدۇ. Turn Backgrounding Off ياكى ON دەپ. ئادەتتە ON ھالەتتە بولۇپ، ئارقا سۇپىغا ئۆتۈپ كەتسىمۇ خىزمەت قىلىۋېرىدۇ. ئەگەر بۇ ئىقتىدارىنى ئەتمەكچى بولساق مۇشۇ جاينى بېسىۋەتسەك بولىدۇ. بۇ چاغدا بەلگە ئايفون ئالدىغا خاتا بەلگىسى قويۇلغان ھالەتكە ئۆزگىرەيدۇ. بۇ ئارقىلىق ئوشۇقچە ئېقىم مىقدارىنىڭ پەيدا بولىشىنىڭ ئالدىنى ئالغىلى بولىدۇ. قالغان جايلىرىنى ئۆزىڭىز مالتىلاپ كۆرۈڭ. يەنە قانداق ئالاھېدىلىكى باركىن؟

چۈشۈرۈش ئادرىسى:

* بىز 18.0 دە پاراڭلىشايلى. مۇشۇ دولقۇنغا تەڭشەڭ. بۇنىڭدا ئادەتتە كۆپ ئادەم يوق.

كۆڭلىڭىزدىكىنى تاپايمۇ؟

ئايفوننى سىمسىز سۆزلىشىش ئاپاراتى قىلغۇڭىز بارمۇ؟

پاسىبان — Fri, 18 Feb 2011 04:51:52 +0000

iPTT ناملىق بۇ ئەپ ئارقىلىق سىز دۇنيادىكى ھەرقانداق جايدىكى ئادەم بىلەن تورلا بولسا پاراڭلىشالايسىز. بۇ خۇددى رادىئوغا ئوخشاشلا دولقۇننى تەڭشەپ قوبۇل قىلىپ ئاڭلىغاندەكلا بىر ئىش. لېكىن بۇ رادىئونىڭ تارقاتقۇچىسى خالىغان بىر كىشى بولالايدۇ. سىزمۇ بۇنىڭ سىرتىدا ئەمەس. بۇنىڭ ئۈچۈن تور بولىشى كېرەك. ئەگەر ئايلىقى كۆتۈرىگە ئېلىۋېلىنغان 3G ئابونتى بولسىڭىز، سىرتقا چىققاندا دوسلىرىڭىز بىلەن ھەقسىز پاراڭلىشىدىغان ئىنتايىن قولاي بىر نەرسە بولىدۇ.

بۇ ئەپنىڭ ئىش پرىنسىپى پاراڭلىشىش قوراللىرىدەكلا بەلگىلەنگەن ئۆيگە كىرگەن ھەممە كىشى شۇ مۇلازىمىتىرنىڭ ۋاستىسى ئارقىلىق سۆز قىلغۇچىنىڭ سۆزىنى ئاڭلىيالايدۇ. ھەممە كىشىلەرنىڭ ئادىل ئىشلىتىش ئۈچۈن ھەر بىر كىشىنىڭ بىر قېتىمدا سۆزلەش ۋاقىت چېكى بولىدۇ.

بۇ ئەپنى ئىشلىتىش ناھايىتى قولاي. سىز تىزىملىتىپ كىرگەندىن كىيىن دوستىڭىز بىلەن دېيىشىۋالغان بىرەر دولقۇننى ئاسىتىدىكى بۇراش كونۇپكىسى بىلەن بۇراپ توغرىلايسىز. ئاندىن ئوتتۇرىدىكى يۇمىلاق كونۇپكىنى بېسىپ سۆز قىلىپ، سۆزىڭىز ئاخىرلاشقاندا قويىۋەتسىڭىزلا بولدى. سۆزلەۋاتقانلارنىڭ ئىسمى ئېكراندا كۆرىنىدۇ. ئېكراندىكى ھالەت ئۇچۇرلىرىغا دىققەت قىلىپ قالغان ئىقتىدارلىرىنى ئاستا-ئاستا تەتقىق قىلىپ بېقىڭ.

قېنى، سىزمۇ ئايفون ئىشلىتىۋاتقان بولسىڭىز بىزمۇ بىر پاراڭلىشىپ باقمايمىزمۇ؟

ئەپ ئىسمى : iPTT

ياسىغان شىركەت : Circle Apps LLC

قوللايدىغان سۇپا : ئۆزىنىڭ مۇلازىمىتىرى

تۈرى : پاراڭلىشىش

چوڭلۇقى : 6.5 MB

چۈشۈرۈش ئادرىسى :

ئەسكەرتىش: بۇ پروگراممىنىڭ ھەقسىز تارقىتىش مۇددىتى ناھايىتى قىسقا بولغاچقا بەلكىم سىز چۈشۈرمەكچى بولغاندا ۋاقتى ئۆتۈپ كەتكەن بولىشى مۇمكىن. بىز ئەڭ قىسقا ۋاقىت ئىچىدە ھەقسىز مەنبەلەر بىلەن تەمىنلەشكە تىرىشىمىز. ئەگەر ھەقسىز چۈشۈرۈش ۋاقتى ئۆتۈپ كەتكەن بولسا بۇنىڭغا ئامال يوق. بۇ خىل ئاۋارىچىلىقنىڭ ئالدىنى ئېلىش ئۈچۈن تېزراق چۈشىرىۋېلىشىڭىزنى تەۋسىيە قىلىمىز.

تەۋسىيە: ئەگەر سىز ئايفون ئارقىلىق WiFi سىمسىز تورى بىلەن كۇلۇبىمىزنى زىيارەت قىلىپ ئۈستىدىكى ئۇلانمىنى بىۋاستە چەكسىڭىز ئۇ چاغدا بۇ ئويۇننى ئايفونىڭىزغا بىۋاستە قاچىلىيالايسىز. ئۇلانما ئايفوندا سىناق قىلىندى.

iTunes قا تىزىملىتىش جەريانىنى بىلىش ئۈچۈن بۇ ماقالىنى كۆرۈپ چىقىڭ.

كۆڭلىڭىزدىكىنى تاپايمۇ؟

بۇ يازمىلارغىمۇ ئىشتاھايىڭىز بولىشى مۇمكىن
ھېيتلىق لازىممۇ؟! مانا ئەمىسە!	تەۋسىيە: ئاجايىپ ئېسىل ئەپ – Orient	ئۇنىۋېرسال قويغۇچ بۈگۈن ھەقسىز! بازار چاققاننىڭ!	دورامچۇق ئىت-مۈشۈكلەرنىڭ جېڭى يەنە باشلىنىپتۇدەك	يەنە بىر پەچەت پاراڭلىشىش قورالى – iPTT
无觅

بۇ يازمىلارغىمۇ ئىشتاھايىڭىز بولىشى مۇمكىن
ھېيتلىق لازىممۇ؟! مانا ئەمىسە!	تۈرمىدىن قاچۇرمايمۇ تېلفۇن ئۇرۇشنى قولاي قىلغىلى بولىدۇ	تەۋسىيە : ئاجايىپ – غارايىپ ئەپ (5) Remix your life	تەۋسىيە: ئاجايىپ ئېسىل ئەپ – Orient	تەۋسىيە: بالىلارنىڭ زېھنىنى ئاچىدىغان ئېسىل ئەپ
无觅

بۇ يازمىلارغىمۇ ئىشتاھايىڭىز بولىشى مۇمكىن
ھېيتلىق لازىممۇ؟! مانا ئەمىسە!	تەۋسىيە: ئاجايىپ ئېسىل ئەپ – Orient	تەۋسىيە : ئاجايىپ – غارايىپ ئەپ (5) Remix your life	ئاجايىپ-غارايىپ ئەپ (3) – توپ تېپىش	ئالدىنقى ھەپتە ئالما ئېلان قىلغان 10 ياخشى ئەپ
无觅

بۇ يازمىلارغىمۇ ئىشتاھايىڭىز بولىشى مۇمكىن
ھېيتلىق لازىممۇ؟! مانا ئەمىسە!	ئايفوننىڭ ئۆزگىچە تەگلىكىدىن بىرنەچچە تال	تەۋسىيە: بالىلارنىڭ زېھنىنى ئاچىدىغان ئېسىل ئەپ	تەۋسىيە : ئاجايىپ – غارايىپ ئەپ (5) Remix your life	iPhone 4S ئېلان قىلىش يىغىنىنىڭ خەنچە چۈشەندۈرىلىشى
无觅