پاسىبان كۇلۇبى » ئارىلاش كۈچ مەنبەلىك

BMW X6 نىڭ Hybrid نۇسقىسىنى ياساش بېكار قىلىندى

پاسىبان — Wed, 05 Oct 2011 02:29:00 +0000

Hybrid نىڭ نېمىلىكىنى بىلىسىلەر. ئارىلاش كۈچ مەنبەلىك دېگەن مەنىدە. BMW نىڭ دالا چاپقۇرى X6 نى مۇشۇنداق ئارىلاش كۈچ مەنبەلىك قىلىپ لايىھەلىگەندىن كىيىن بەزى سەۋەبلەر تۈپەيلى تۈركۈملەپ ئىشلەپچىقىرىشتىن ۋاز كېچىلگەن ئىكەن. بۇنىڭدا قانداق سىر بار؟

Hybrid ئېنىرگىيە تېجەشتىكى ئىسىل تېخنىكا بولۇش سۈپىتى بىلەن ھازىر ھەرقايسى ماشىنا ياساش كارخانلىرى كەڭ كۆلەمدە ئىشلىتىۋاتىدۇ. BimmerFile نىڭ خەۋىرىدە مۇنداق بىر خەۋەر بېرىلگەن:

ئەگەر سىز تېز سۈرئەت ۋە يۇقىرى ئىقتىدارنى قوغلىشىدىغان، دۇنيادىكى پەقەت 10 نىڭ بىرىنىڭ ئېگىسى بولۇشنى ئارزۇ قىلىدىغان كىشى بولسىڭىز، تېزدىن شۇ جايدىكى BMW سېتىش دۇكىنى بىلەن ئالاقىلىشىپ كۆرۈڭ. چۈنكى 480 ئات كۈچى، 780 نىيۇتن . مېترىلىق تولغىنىش مومېنتىغا ئېگە دالا چاپقۇرى BMW X6 ActiveHybrid تۇيۇقسىز ئىشلەپچىقىرىش ھاياتىنى ئاياغلاشتۇردى.

ئارىلاش كۈچ مەنبەلىك Hybrid ماشىنىلارنىڭ ئىقتىدارى ھەقىقەتەن پەچەت، كۈچلۈك. لېكىن خېلىلا ئېغىر. BMW X6 نى مىسالغا ئالساق Hybrid لىقى نورمالدىكىسىگە قارىغاندا 400 قاداق (181 كېلوگرام) ئېغىر.

مۇشۇ سەۋەبلەر تۈپەيلى BMW X6 ActiveHybrid نورمال نەشىردىكى V6 ياكى V8 لىك ماتورلۇق نۇسقىسى بىلەن سېلىشتۇرۇلغاندا شەھەر ئەتراپىدىكى خىلۋەت جايلاردا ھەيدىگەندە ھېچقانداق كۆرۈنەرلىك ئۈنۈم بېرەلمەيدىكەن. ئۇنداقتا نۇرغۇن پۇلنى ئارتۇق خەجلەپ بۇ ماشىنىنى سېتىۋېلىشنىڭ نېمە ھاجىتى قالدى؟ مۇشۇ سەۋەبلىك BMW تەرەپ مەغلۇب بولغان بۇ تۈرنى ئىشلەپچىقىرىشتىن توختىتىشنى قارار قىلغان.

تۆۋەندە دۇنيادا پەقەت نەچچىسىلا بار بولغان بۇ دالا چاپقۇرىنىڭ 46 پارچە تەگلىك رەسىمىنى تەمىنلىدىم. ياقتۇرغانلار چۈشۈرۈپ تەگلىك قىلىۋالساڭلار بولىدۇ.

BMW X6 ActiveHybrid

ھەممىنى كۆرۈش

ھەممىنى چۈشۈرۈش

كۆڭلىڭىزدىكىنى تاپايمۇ؟

BMW 5 نىڭ 535 ئات كۈچىلىك Hybrid ماشىنىسى

پاسىبان — Sun, 02 Oct 2011 02:12:36 +0000

Hybrid نىڭ نېمىلىكىنى كۇلۇبىمىزدىكى مۇشۇنىڭغا مۇناسىۋەتلىك يازمىلارغا دىققەت قىلىپ كەلگەن، ياكى توردىن مۇشۇ ساھەدىكى ماشىنىلارغا يېقىندىن دىققەت قىلىپ كەلگەن دوستلار ئېنىق بىلىشى مۇمكىن. بۇ ئارىلاش كۈچ مەنبەلىك دېگەن مەنىدە. يەنى، بېنزىنغا ئوخشاش يېقىلغۇ بىلەن ئېلىكتىر كۈچىنى كۈچ مەنبەسى قىلىدىغان ماشىنىلارنى ئارىلاش كۈچ مەنبەلىك ماشىنىلار، يەنى بىز دەۋاتقان Hybrid ماشىنىلار دەپ ئاتايمىز. يەنە بىر ئاتالغۇغا ئىزاھ بېرىلدى. بىزگە ئەڭ تونۇشلۇق بولغان TOYOTA ماركىسىنىڭ Perius دەيدىغان ماشىنىسى دەل مۇشۇ تېخنىكىدىن ياسىلىپ بىز بىلەن كەڭ ئۇچراشقان ئىدى. ئەمدىلىكتە ئېنىرگىيە تېجەش كۈچلۈك تەشەببۇس قىلىنىۋاتقان مۇشۇ چاغلاردا ھەشەمەت ماركىلىرىدىن تارتىپ بۇنىڭغا كەڭ ئاۋاز قوشۇۋاتىدۇ. BMW مۇ بۇنىڭدىن مۇستەسنا ئەمەس ئىكەن.

يېقىنقى خەۋەرلەرگە قارىغاندا ھەشەمەت ماركىسى BMW ئۆزىنىڭ 5 تۈرىدىكى مەھسۇلاتلىرى ئىچىدە ئارىلاش كۈچ مەنبەلىك ماشىنا ياساش ئۈستىدە تەتقىق ئېلىپ بېرىپتۇدەك. 5 تۈرىنىڭ باتارىيەسى 3 كە قارىغاندا ئۇنچە بەك چوڭ كۈچ بېرەلمىسىمۇ، بۇ پاكىز ئېنىرگىيە يەنىلا ئىشلەتكۈچىلەرنىڭ قىزغىن ئالقىشىغا ئېرىشىشى مۇمكىن ئىدى.

گىرمانىيە ماشىنا ئىشلەپچىقىرىش كارخانىسى يېقىندا ئەڭ يېڭى مەھسۇلات ActiveHybrid 5 نى ئېلان قىلىپ كۆرگەزمە قىلدى.

ActiveHybrid 5 بولسا ئەسلىدىكى 535i نىڭ ھەرقايسى ئىقتىدار ۋە قۇرۇلمىلىرىنى ئۆزىگە مۇجەسسەملىگەن ئاساستا لايىھەلەنگەن بولۇپ، بۇ شىركەت لايىھەلىگەن 6 سېلىندىرلىق تۇربو (Turbo) ماتورغا 55 ئات كۈچىلىك ئېلىكتىر ماتور ۋە 8 خوتلۇق كورۇپكا ئورنىتىلغان.

بىر دانە لېتىيلىق ئاككۇمۇلياتور مەخسۇس ئېلىكتىر ماتور ئۈچۈن توك بىلەن تەمىنلەيدۇ. ئېلىكتىر ماتورى بىلەن قوشۇلۇپ جەمئىي 335 ئات كۈچى چىقىرالايدۇ. پەقەتلا ئېلىكتىر ماتور بىلەن قوزغالسا 22 ئېنگلىز مېلى (تەخمىنەن 35 كېلومېتىر) لىك سۈرئەتكە چىقالايدۇ. باتارىيەسى تولۇق ۋاقتىدا ئاران 2.5 مېل ( 4 كېلومېتىر ) يول يۈرەلەيدۇ.

قىياسلارغا قارىغاندا، گەرچە بۇ سان-سىفىرلار بەك ئويلىغىنىمىزدەك بولمىسىمۇ، 2 خانىلىق ماي سەرپىياتقا ئېگە 535i نىڭ ماشىنا ئېگىسىگە خېلىلا كۆپ سەرپىيات ئىقتىساد قىلىپ بېرەلەيدىكەن.

ActiveHybrid ئېلىكتىر ماتورنىڭ ياردىمى بىلەن 60 MPH (تەخمىنەن 96 كېلومتېرلىق) سۈرئەتكە چىقىشى ئۈچۈن پەقەت 5.7 سېكونت ۋاقىت سەرپ قىلغان. بۇ نەتىجە ئەسلىدىكى 535i غا قارىغاندا خېلىلا تېزلەشكەن.

BMW تەرەپنىڭ ئاشكارىلىشىچە بۇ ماشىنىنى كېلەر يىلنىڭ 3-ئايلىرىغىچە ئامېرىكىدىكى سېتىش نوقتىلىرىغا تەمىنلەشكە تېرىشىدىكەن. نۆۋەتتە بۇ ماشىنىنىڭ ھەقىقىي ماي سەرپىياتى توغرىسىدا BMW ھېچقانداق ئۇچۇر بىلەن تەمىنلىمىگەن. ماي سەرپىيات توغرىسىدىكى قاراشلارنىڭ ھەممىسى پەقەت قىياس، ئوي-پىكىردىن ئىبارەت ئىكەن.

بۇ قېتىمقى ActiveHybrid 5 نىڭ ئېلان قىلىنىشى، ئىلگىرىكى ActiveHybrid X6 نىڭ ئىشلەپچىقىرىشتىن ۋاز كېچىشىدىكى «تولۇقلىما» مىدۇ؟ ئەلۋەتتە، ھەممە ئادەم مۇشۇنداق ئويلىسا كېرەك. ئاللاھ نىسىپ قىلسا ActiveHybrid X6 نىڭ ئىشلەپچىقىرىشتىن ۋاز كېچىلىشى توغرىسىدا ئازراق مەلۇمات بېرىپ ئۆتىمەن. ئۇ چاغقىچە ھەقىقىي ئىشلەپچىقىرىلماقچى بولغان بۇ «كاساپەت» نىڭ بىر قانچە پارچە رەسىملىرىنى كۆرۈپ ئۆتەيلى.

كۆڭلىڭىزدىكىنى تاپايمۇ؟

BMW ئۇقۇم ماشىنىسى Vision Efficient Dynamics دۈبەيدە

پاسىبان — Mon, 03 Jan 2011 14:40:29 +0000

ئۇقۇم ماشىنىسى بىر ماشىنا زاۋۇتىنىڭ ئەڭ يۇقىرى تېخنىكىسىغا ۋەكىللىك قىلالايدۇ. BMW نىڭ Vision Efficient Dynamics ناملىق بۇ ئۇقۇم ماشىنىسى فرانكفورت ماشىنا يەرمەنكىسىدە كۆرگەزمىگە قويۇلغاندىن كىيىن ھەۋەسكارلارنىڭ كۆزىدىن ئوت چىقىرىۋەتكەن ئېدى. بۈگۈنكى كۈنلەردە بولسا مۇھىت ئاسرايدىغان بۇ ئالاھىدە چاپقۇر خەلقئارا مەركىزى شەھەر دۈبەيدە پەيدا بوپتۇدەك.

بۇ ماشىنا 2+2 كىشىلىك قىلىپ لايىھەلەنگەن بولۇپ، چايكا قانىتى شەكلىدىكى ئىشىكى بار. سىرتقى كۆرىنىشىنىڭ گۈزەللىكى ئىلمىي فانتازىيەلىك كىنولاردىكى غايىۋانە ماشىنىلارنى ئەسلىتىدۇ. ماشىنا ئېگىزلىكى 1.24 مېتىر. پۈتكۈل ماشىنا ئايرودىنامىكىغا ئاساسلىنىپ لايىھەلەنگەنلىكى ئۈچۈن قارشىلىقى پەقەت 0.22Cd .

ماتور قىسمىغا بولسا مۇھىت ئاسراشنى ئاساسى مەقسەت قىلغان ھالدا 1.5 لېتىرلىق 3 سېلىندىرلىق تۇربېنلىق بېسىم ئاشۇرغۇچلۇق دېزىل ( سەلياركا) ماتور سەپلەنگەن. ئۇنىڭغا ئارقا چاقىغا ئورۇنلاشتۇرغان ياردەمچى ئېلىكتىر ماتور قوشۇلۇپ تۆۋەن سەرپىيات بىلەن يۇقىرى ئۈنۈمگە يىتەلەيدىغان ھەقىقى «غايىۋانە ماشىنا» مەيدانغا كەلگەن. ئېلىكتىر ماتور ۋە دېزىل ماتور بىرلىشىپ ئەڭ يۇقىرى بولغاندا 356 ئات كۈچى چىقىرالايدۇ.

قوشۇلغان ئېلىكتىر ماتورنى 98 دانە جەمئىي 10.8 كېلوۋات سائەتلىك ھەجىمدىكى لىتىيلىق باتارىيە توك بىلەن تەمىنلەيدىغان بولۇپ بۇ باتارىيەنىڭ ئېغىرلىقى ئاران 84.82 كېلوگرام. لىق توك قاچىلاش ئۈچۈن پەقەت 2.5 سائەتلا ۋاقىت كېتىدۇ. بۇ ماشىنىمۇ سىرتتىن توك بىلەن توك قاچىلاشقا بولىدىغان ئارىلاش كۈچ مەنبەلىك ئۇقۇم ماشىنىسى. ساپ توك بىلەن يول يۈرگەندە 50 كېلومېتىر ئۇزۇنلۇققا بارالايدۇ.

ماي سەرپىياتى كىشىنى ھەقىقەتەن ھەيران قالدۇرىدىغان بولۇپ، شۇنچە كۈچلۈك، شۇنچە ئىقتىدارلىق بۇ چاپقۇرنىڭ 100 كېلومېتىردىكى ماي سەرپىياتى پەقەت 3.75 لېتىر. BMW تەرەپنىڭ يەنە بىر مەلۇماتىدا 1 لېتىر دېزىل بىلەن 25 كېلومېتىر يول يۈرەلەيدىغانلىقىنى قەيت قىلىدۇ. شۇنىڭ ئۈچۈنمۇ ئاران 24 لېتىرلىق ماي باكىغا لىق تولدۇرۇپ 700 كېلومېتىر يول يۈرگىلى بولىدۇ. 0-100 كېلومېتىرلىق سۈرئەتكە پەقەت 4.8 سېكونتتىلا چىقىپ بولىدۇ. ئەڭ يۇقىرى سۈرئىتى 250 km/h. بۇ سانلىق مەلۇماتلار BMW نىڭ بۇ جانۋارىنىڭ ھەقىقى ئەمەلىي كۈچىنى يورۇق ئىسپاتلاپ تۇرماقتا.

ياۋرۇپادا ئېلان قىلىنغان خەۋەرلەرگە ئاساسلانغاندا بۇ ماشىنىنىڭ سېتىلىش باھاسى 200 مىڭ دوللار ئەتراپىدا بولۇپ، ئەڭ تېز بولغاندا 2013-يىللىرى كۆپلەپ ئىشلەپچىقىرىلىشى مۇمكىنكەن. بۇ ماشىنىنىڭ دۈبەيدە پەيدا بولىشىدىن پۇلدارلار ئۈچۈن ئالاھىدە ياسىلىپ ئارقا ھويلىدا پۈتۈشكەن بولىشىنى پەرەز قىلىش مۇمكىن.

بۇ جانۋارنىڭ بىرقانچە پارچە چوڭ رەسىملىرىنى كۆرۈپ باقايلى:

رەسىمنىڭ ئاخىرىنى بۇ جايدىن كۆرۈڭ.

ئەگەر يازمىلىرىمىز سىزگە يارىسا كۇلۇبىمىزنى باشقىلارغا تەۋسىيە قىلىشنى ئۇنۇتماڭ. باشقا جايدا ئېلان قىلماقچى بولسىڭىز مەنبەنى ئەسكەرتىڭ. يازما ئادرىسى:

/20110103600.html

كۆڭلىڭىزدىكىنى تاپايمۇ؟

2010-يىللىق گۇاڭجۇ يەرمەنكىسى : 3-ئەۋلاد تويوتا پرىيۇس (TOYOTA PRIUS)

پاسىبان — Sun, 26 Dec 2010 05:05:23 +0000

3-ئەۋلاد تويوتا پرىيۇسنى ئېلىكتىر مەنبەگە چېتىپ تۇرۇپ توك قاچىلىغىلى بولىدىغان قىلىپ لايىھەلىگەن بولۇپ، بۇ ماشىنا مۇنەۋۋەر بولغان HYBRID، يەنى «ئارىلاش كۈچ مەنبەلىك» ماشىنا ھېساپلىنىدۇ. پرىيۇس دۇنيادا ئەڭ دەسلەپ ياسالغان ئارىلاش كۈچ مەنبەلىك ماشىنا ئىدى. ھەممە يەردە ئېنىرگىيە تېجەشنى تەشەببۇس قىلىۋاتقان بۈگۈنكى كۈندە كۆپلىگەن ماركىدىكى ماشىنىلار ئارىلاش كۈچ مەنبەلىك ماشىنا ياساش يولىغا قەدەم قويۇشقا باشلىدى ۋە قويۇپ بولدى. مەسىلەن، ھەشەمەت تىپىدىكى ماشىنىلاردىن لېكساسنىڭ LEXUS LS 600hL، بېنزنىڭ M-BENZ S400 HYBRID ، ئوتتۇرا قاتلامدىكى كۆپ ئۇچرايدىغان ماشىنىلاردىن دۆلىتىمىزدە ياساۋاتقان خوندا سۋىك، تويوتا كەمرىي قاتارلىقلارنىڭمۇ ئارىلاش كۈچ مەنبەلىك تىپىدىكى ماشىنىلىرى بار.

ئىلگىرىكى پاسونلىرىدا ئايرىم توك قاچىلايدىغان ئېغىزى يوق ئىدى. بىر تەرەپتىن بېنزىندا مېڭىپ بىر تەرەپتىن قاچىلايتى. ئۇنىڭ توك قاچىلاش ئۈنىمى تەلەپتىن يىراق بولغاچقا 3-ئەۋلاد پرىيۇس ئايرىم توك قاچىلايدىغان قىلىپ لايىھەلەنگەن. ساتقۇچى ئورۇننىڭ ئېيتىشىچە پرىيۇسقا 100 كېلومېتىر مېڭىش ئۈچۈن پەقەت 3.92 لېتىر بېنزىن كېتىدىكەن. تيەنجىن بىرىنجى ئاپتوموبىل – تويوتا شىركىتى كېلەر يىلىدىن باشلاپ كۆپلەپ ئىشلەپچىقىرىدىكەن.

3-ئەۋلاد پرىيۇسقا لىتيى ئىئونلۇق باتارىيەنى ئېلىكتىر ماتورغا توك مەنبەسى قىلىپ تاللىغان بولۇپ، ئائىلىدە ئىشلىتىدىغان توكقا چېتىپلا توك قاچىلاشقا بولىدۇ. بۇ ھازىرغىچە HYBRID تېخنىكا ساھەسىدە تېخى يېڭىلىق. نېمىلا دېگەن بىلەن ئەڭ دەسلەپ ياسالغان ئارىلاش كۈچ مەنبەلىك ماشىنا يەنە مۇشۇ ساھەدە ئالدىنقى سەۋىيەدىكى تېخنىكا ئورنىنى ساقلاپ كېلىۋاتىدۇ.

PRIUS PLUG-IN HYBRID Concept دەپ ئاتىلىدىغان 3-ئەۋلاد پرىيۇسنىڭ نىشانى 1 لېتىر بىنزىن بىلەن 55 كېلومېتىر يول يۈرۈش. كاربون -IV ئوكسىدنىڭ قويۇپ بېرىلىش مىقدارىنى 42g/km دائىرىسىدە ساقلاش. توكى لىق قاچىلانغان ھالەتتە ساپ توك مەنبەسى بىلەن يول يۈرگەندە ئارىلىقنى 20 كېلومېتىردىن ئاشۇرۇش. زاۋۇت تەرەپنىڭ ئۇچۇر تەمىنلىشىچە 100 ۋولتلۇق توك مەنبەسى بىلەن 180 مىنۇتتا، 200 ۋولتلۇق توك مەنبەسى بىلەن 100 مىنۇتتا توكنى لىق قاچىلاپ بولغىلى بولىدىكەن.

ئېنىرگىيە مەنبەسى توختىماي خوراۋاتقان، ماشىنىلار تۈركۈملەپ كۆپلەپ ئىشلەپچىقىرىلىۋاتقان، ماي باھاسى كۈندىن-كۈنگە ئۆسىۋاتقان بۈگۈنكى كۈندە ئارىلاش كۈچ مەنبەلىك ياكى ساپ توكلۇق ماشىنىلار – ئەڭ ئاقىلانە تاللاش ھېساپلىنىدۇ.

* باشقا جايدا ئېلان قىلماقچى بولسىڭىز مەنبەنى ئەسكەرتىشنى ئۇنۇتماڭ. يازما ئادرىسى:

/20101226386.html

كۆڭلىڭىزدىكىنى تاپايمۇ؟

بۇ يازمىلارغىمۇ ئىشتاھايىڭىز بولىشى مۇمكىن
BMW 5 نىڭ 535 ئات كۈچىلىك Hybrid ماشىنىسى	ماشىنا ئاتالغۇلىرىغا ئىزاھات – تولغىنىش مومېنتى	高德导航 نىڭ ئەڭ يېڭى نەشىرى 6.2 ئېلان قىلىندى	2010-يىللىق گۇاڭجۇ يەرمەنكىسى : 3-ئەۋلاد تويوتا پرىيۇس (TOYOTA PRIUS)	گېگانت قۇش A380 جۇڭگودا تۇنجى قېتىم ئۇچتى.
无觅

بۇ يازمىلارغىمۇ ئىشتاھايىڭىز بولىشى مۇمكىن
ماشىنا ئاتالغۇلىرىغا ئىزاھات – تولغىنىش مومېنتى	BMW X6 نىڭ Hybrid نۇسقىسىنى ياساش بېكار قىلىندى	iOS 5 نى نامۇكەممەلمۇ ئەمەس، مۇكەممەلمۇ ئەمەس بىر نېمە قىلىش	iOS 5 نى نامۇكەممەل تۈرمىدىن قاچۇرۇش	سىرىنى iPhone 4 كە سۆرەپ ئەكىرەيلىمۇ؟
无觅

بۇ يازمىلارغىمۇ ئىشتاھايىڭىز بولىشى مۇمكىن
BMW X6 نىڭ Hybrid نۇسقىسىنى ياساش بېكار قىلىندى	BMW 5 نىڭ 535 ئات كۈچىلىك Hybrid ماشىنىسى	سىرىنى iPhone 4 كە سۆرەپ ئەكىرەيلىمۇ؟	iOS 5 نى تۈرمىدىن قاچۇرۇشقا تەييارلىق – SHSH نى زاپاسلاش	ھېيتلىق لازىممۇ؟! مانا ئەمىسە!
无觅

بۇ يازمىلارغىمۇ ئىشتاھايىڭىز بولىشى مۇمكىن
ماشىنا ئاتالغۇلىرىغا ئىزاھات – تولغىنىش مومېنتى	2010-يىللىق گۇاڭجۇ يەرمەنكىسى : تويوتا توكلۇق ئۇقۇم ماشىنىسى FT-EVII	2010-يىللىق گۇاڭجۇ يەرمەنكىسى : يىپيېڭى پولو	BMW 5 نىڭ 535 ئات كۈچىلىك Hybrid ماشىنىسى	iOS 5 نى نامۇكەممەل تۈرمىدىن قاچۇرۇش
无觅