پاسىبان كۇلۇبى » ماشىنا كۆرگەزمىسى

6-قېتىملىق يىۋۇ ماشىنا كۆرگەزمىسىدىن كۆرۈنۈشلەر

پاسىبان — Tue, 10 May 2011 03:36:57 +0000

6-قېتىملىق يىۋۇ ماشىنا كۆرگەزمىسى 2011-يىل 5-ئاينىڭ 6-كۈنىدىن 9-كۈنىگىچە يىۋۇ خەلقئارا كۆرگەزمە مەركىزىدە ئۆتكۈزۈلدى. كۆرگەزمە 4 چوڭ زالدا ئېلىپ بېرىلغان بولۇپ، ئومومى كۆلىمى جەمئىي 38 مىڭ كۋادرات مېتىر كېلىدۇ. گەرچە يېڭى ئۇقۇم ماشىنىلىرى كۆرگەزمە قىلىنمىسىمۇ جېجياڭ تەۋەسىدىكى كۆلىمى بىر قەدەر چوڭ كۆرگەزمە ھېساپلىنىدۇ.

ئېچىلىش مۇراسىمى 7-ماي ئۆتكۈزۈلدى. مۇراسىمغا شەھەر ۋە ئۆلكە رەھبەرلىرى، جۇڭگو ئاپتوموبىل سانائىتى خەلقئارا ھەمكارلىق باش شىركىتىنىڭ رەھبەرلىرى قاتنىشىپ لېنتا كەستى.

رەھبەرلەر كۆرگەزمىگە «دەسلەپ» قىلماقتا

- ئاۋۇ لەمبورگىنىنىڭ قانىتى سەل قىيپاش تۇرامدۇ-نېمە؟ مايەگە كېلىپ بىر قاراپ بېقىشسىلا

دەبدەبىلىك سۆزلەرنى قويۇپ ئەمەلىي رەسىمدىن بىر ئىككى پارچە كۆرۈپ ئۆتەيلى. ئىشىكتىن كىرىپلا بىزگە تونۇشلۇق بولغان نىسسان تىداغا كۆزۈم چۈشتى. بۇ يىلقى ئەڭ يېڭى نۇسقىسى ئوخشايدۇ. قارىماققا ئاكىسى تىنا (ھەدىسىمۇيە؟) غا ئوخشاپ كېتىدىكەن. بۇرۇنقىغا قارىغاندا تېخىمۇ كۆركەم چىقىپتۇ.

بېك ئۆزىنىڭ رەڭگارەڭ يىپيېڭى رېگالى بىلەن كىشىلەرنىڭ دىققىتىنى خېلىلا ئۆزىگە جەلپ قىلىدىكەن.

ماۋۇ سېرىق رەڭگىنى كۆرۈپ ئۆزىنىڭ بىر تۇققىنى بولغان Camaro نىڭ رەڭگىنى ئەسلىدىڭلارمۇ؟

ئەسلى زاۋۇتىدىن ئۆزگەرتىلگەن سپورت نۇسقىسىدىكى بۇ رېگالنى تۇنجى كۆرۈشۈم.

مودىلغا قايلاۋەگىنىنى! ئەمدى ماشىنىغا قايلايلى جۇما!

خوندانىڭ يېڭى ماشىنىسى- CrossTour

شەكلى X6 نى دورىغاندەكلا كۆرۈندى

بۇ ماشىنا ئەسلى خوندانىڭ ھەشەمەت ماركىسى ئاكيۇرانىڭ لايىھەسىدە ئېدى. جۇڭگودا گۇاڭجۇ خوندا زاۋۇتىدا خوندا ماركىسى بىلەن ياسىلىپتۇ.

يەنىلا BENZ غا ئوخشاش ئالىي دەرىجىلىك ماشىنىلار كىشىنىڭ دىققىتىنى تارتىدىكەن. ماشىنا كۆرگەزمىسىدە ماشىنا كۆپ، لېكىن باشقىلىرى كوچىدا تولا ئۇچرىتىپ زېرىكىپ كەتكەن تۈرلەر. يېڭىلىقنى ئىزدەپ كىرگەنكەنمىز بۇ خىلدىكى ماشىنىالارنى سۈرەتكە تارتقىم كەلمىدى. ماۋۇسى E تۈرىنىڭ ئۈستى ئوچۇق نەشىرى ئىكەن.

CLS تۈرى – ھەشەمەت تۈرىدىكى چاپقۇر تىپىغا تەۋە تۈر. بۇ نۇسقىسىنى ئىشلەشتىن توختىغان بولسىمۇ يەنىلا كۆرگەزمىدە ئۇچراتقىنىمدىن تەئەججۈپلەندىم. يېڭى نۇسقىسى چىققىلى نەۋاق.

C تۈرى مەن BENZ نىڭ ئىچىدىكى ئەڭ ياقتۇرىدىغان تۈر بولۇپ، جۇغى كىچىك. ماتورى كۈچلۈك. C 200 نىڭ ماتورى 1.8 ، مېخانىكىلىق بېسىم ئاشۇرغۇچ بىلەن ئات كۈچىنى 180 گە يەتكۈزەلەيدۇ. BMW نىڭ 3 تۈرىدىكى 320 گە قارىغاندا 100 كېلومېتىرغا تىزلىنىشتە 1 سېكونت ئالدىدا. بۇ نۇسقىسى ساياھەتكە چىقىشقا تېخىمۇ كۆپ بوشلۇق بىلەن تەمىنلەيدىغان 2 ساندۇقلۇق نۇسقىسى ئىكەن.

X5 ۋە Q7 نىڭ رىقابەتچىسى – ML

BENZ نىڭ ئەڭ ھەشەمەت نۇسقىسىنىڭ S تۈرى ئىكەنلىكىنى بىلىمىز.

بۇ نۇسقىسى ئەڭ قىممەت نەشىرى -S600

ماتورى 12 سېلىندىرلىق 6.0 لىك ماتور

X3 ۋە Q5 نىڭ رىقابەتچىسى – GLK

R تۈرى بولسا BENZ نىڭ پەخرلىك سودا ماشىنا (MPV) تۈرى

ئاقسۆڭەك قىزلىرىنىڭ ھەيدىۋالىدىغان چاپقۇر تۈرى – SLK

دەرىجىدىن تاشقىرى چاپقۇر تۈرى – SLS AMG . بۇ تۈرىنى ئاقسۆڭەك قىزلار ئەمەس، ماشىنا سپورتىنى ھەقىقى قىزغىن سۆيىدىغان ئەركەكلەر ھەيدەيدۇ!

ماشىنا قانات چىقىرىپ ئۇچالمايدۇ. لېكىن توختىغاندا بۇنىڭغا قانات چىقىدۇ!

ماڭغاندا مۇشۇ «قانات» بۇ ماشىنىنى «ئۇچۇرىدۇ»

ئالدىنقى تېمىدىكى «چاقتىكى پارامېتىرلارنىڭ مەنىسى» بويىچە بۇ چاقنىڭ قانداق چاق ئىكەنلىكىنى بىلەلىدىڭلارمۇ؟ 265/35ZR19 ئىكەن. سۈرئېتى ۋە ئېغىرلىق كۆتۈرۈشچانلىقى 98Y ئىكەن. ھېساپلاپ كۆرۈڭلار

AMG بولسا BENZ نىڭ مەخسۇس يۇقىرى ئىقتىدارلىق سپورت نۇسقىسىدىكى ماشىنا تەتقىق بۆلۈمى بولۇپ، BENZ نىڭ ئەڭ يۇقىرى قاتلامدىكى سپورت ماشىنىلىرىنى ياسايدۇ.

AMG خۇددى BMW نىڭ M تۈرىدىكى، ئاۋدىنىڭ RS ياكى Quattro تۈرىدىكى، ۋولكسۋاگېننىڭ R تۈرىدىكىلەرگە ئوخشايدۇ. AMG ھەقىقەتەن تېز!

ھەر بىر تۈرنىڭ AMG نۇسقىسى بار. مەسىلەر C63 AMG, S65 AMG, E63 AMG دېگەندەك.

خەۋرىمچە بۇ ماشىنىنى BENZ نىڭ باش شىتاب بىناسىنىڭ ئۈستىدىن ساڭگىلىتىپ بوشلۇققا ئېسىپ قويىدىكەن. شۇڭا قارىماققا كۆكتە پەرۋاز قىلىۋاتقان قۇشقا ئوخشايدىكەن.

سىندىن تېخىمۇ تەپسىلىي كۆرەلىشىڭلار مۇمكىن.

ئۆزگىرىشچان ماشىنا ئادەملەر (变形金刚 TRANSFORMERS) دېگەن فىلىمنى ھەممەيلەن كۆرگەنغۇ دەيمەن. سامنىڭ ماشىنىسى CAMARO ھەقىقەتەن پەچەت!

كۆرگەزمىگە بۇ ماشىنىمۇ قويۇلۇپتۇ. چاتاق يېرى مۇشۇ جايغا كەلگەندە ئاپاراتنىڭ مېيى تۈگەپ قالدى. ئامال يوق iPhone دا بولسىمۇ بىر-ئىككى پارچە سۈرەتكە تارتىۋالدىم

20 سۇڭلۇق بەنداش تولىمۇ ھەيۋەت!

كەيپىياتنى تېخىمۇ ئەۋجىگە كۆتۈرۈش ئۈچۈن ماشىنا ئادەم – سېرىق ھەرىمۇ كۆرگەزمىگە تەكلىپ قىلىنغان!

داۋامىنى قىسقا-قىسقا قىلىپ سىنغا ئېلىپ يوللىدىم

تېخىمۇ ھەشەمەت ماشىنىلار ئەلۋەتتە بار. ئاپارتنىڭ مېيى يار بەرمىگەنلىكتىن سىنغىلا ئېلىپ يوللاي دېدىم. ئۇنداقتا دىققىتىڭلار روللس-رويسنىڭ «سايە»سىدە، لەمبورگىنىنىڭ گاللاردوسىدا بولسۇن!

ماسىراتى، فەررارىلارمۇ كەم ئەمەسكەن. بۇ ھەشەمەت چاپقۇرلار ھەممىسى بىر جايغا يىغىلىۋاپتۇ. 2012 دېگەن فىلىمدىكى ئاۋاز ئارقىلىق كونترول قىلىنىدىغان بېنتلىي ئېسىڭلاردا بولسا كېرەك؟ ئۇنىڭ ئەنگىلىيە خان جەمەتىدىكىلەر مەخسۇس ئولتۇرىدىغان نەشىرىمۇ كۆرگەزمىدە بار ئىكەن.

كۆڭلىڭىزدىكىنى تاپايمۇ؟

فەرارى FF ! رىۋايەتلەردىكى Shooting Brake

پاسىبان — Tue, 01 Feb 2011 17:47:03 +0000

ياندىن قاراپ بۇنى BMW نىڭ Z3 Coupe غا ئوخشىتىپ قالغانسىز ھەقاچان؟ تېخىمۇ تەپسىلىيرەك قاراڭ. بەنداشلىرى، ئالدى لايىھەسى BMW نىڭ لايىھەسىگە ئوخشىمايدۇ. تاپالىدىڭىزما؟ چاقىغا قاراپ قايسى ماشىنىنى ئېسىڭىزگە ئالدىڭىزغۇ دەيمەن؟ شۇنداق ! بۇ بولسا فەرارى FF ! بۇ بىز بۇرۇن داڭقىنى ئاڭلاپ باققان فەرارى Shooting Brake نىڭ دەل ئۆزى شۇ. مانا بۇ جەنۋە كۆرگەزمىسىدە بىر بىلەن يۈر كۆرۈشمەكچى بولغان فەرارى يېڭى ئەسىرى !

بۇ بىز بىلىدىغان ماتورى ئالدىدا ۋە ئالدى چاق قوزغىلىدىغان شەكىلدە ئەمەس، ماتورى ئالدىدا، تۆت چاق قوزغىلىدىغان شەكىلدىكى ئالاھىدە چاپقۇر! نامىدىكى FF بولسا Ferrari Four نىڭ قىسقارتىلمىسىدىن كەلگەن. بۇ 4 كىشىلىك ۋەياكى 4 چاق قوزغىلىدىغان دېگەن مەنىلەرنى بېرىدۇ.

ماشىنىنىڭ رازمېرى 4907mm X 1953mm X 1379mm بولۇپ، فەرارى 612 دىن 30 مىللىمېتىر ئېگىز تۇرىدۇ. 450 لېتىر ھەجىمدىكى ئارقا ساندۇقى بار بۇ ماشىنىنىڭ ئارقا ئورۇندۇقىنى تۈزلىۋېتىش ئارقىلىق ساندۇقىنى 800 لېتىر ھەجمگە ئېگە بولغىلى بولىدۇ. بۇ فەرارى تارىخىدىكى «ئەڭ» نىڭ بىرى. بۇنىڭدىن سىرت خېرىدارلارنىڭ تەلىپىگە ئاساسەت 6 خىل رەڭ تاللاشقا قويۇلغان.

FF بولسا Ferrari تارىخىدىكى تۇنجى 4 چاق قوزغىلىدىغان ماشىنا بولۇپ، بۇنىڭغا فەرارى 4RM دەپ (4 Ruote Motrici) نام بەرگەن. زاۋۇت تەرەپنىڭ دېيىشىچە 4RM نىڭ ئومومى ئېغىرلىقى باشقا 4 چاق قوزغىلىدىغان ماشىنىلارغا ئىشلەتكەن قوزغىلىش سېستىمىسىدىن 50 % يېنىك بولۇپ، FF نىڭ مۇكەممەل بولغان 47:53 نىسبەتتىكى ئېغىرلىق نىسبىتىنى ساقلاپ قالغان.

ماتور قۇۋۋىتى جەھەتتىكى سانلىق مەلۇماتلارغا قارايدىغان بولساق فەرارى FF نىڭ ئومومى ماسسىسى 1790 كېلوگرام بولۇپ، 612 گە قارىغاندا 50 كېلوگرام يېنىك. بۇنىڭغا سېلىندىر ئىچىگە بىۋاستە پۈركۈيدىغان 6.3 لېتىرلىق V12 (يەنى V شەكىللىك 12 سېلىندىرلىق) ماتور سەپلەنگەن. بۇ ماتور 660 ئات كۈچىگە ئېگە. ئات كۈچى ۋە ماتور ماسسىسىنى نىسبەتلەشتۈرسەك 2.7 كېلوگرام ھەر ئات كۈچىگە ئېرىشىمىز. كورۇپكا قىسمىغا F1 غا ئىشلىتىلىدىغان قوش ئايرىغۇچلۇق كورۇپكا سەپلەنگەن بولۇپ، ماتورنىڭ تولغىنىش مومېنتى 69.69 كېلوگرام.مېتىر . 0-100 غا پەقەت 3.7 سېكونتلا ۋاقىت كېتىدۇ. ئەڭ يۇقىرى سۈرئېتى 335 كېلومېتىر.

بەلكى بۇ قېتىم فەرارى ماشىنىسىغا Stop/Start ئاپتۇماتىك ئوت ئالدۇرۇش سېستىمىسىنى سەپلىشى، ماي سەرپىياتى جەھەتتە ھەر لېتىرغا 6.5 كېلومېتىرلىق ئۆتكەلنى بۆسۈشى مۇمكىن. تېخىمۇ كۆپ تەپسىلاتلارنى جەنۋە كۆرگەزمىسىدە كۆرگۈدەكمىز، ئىنشا ئاللاھ …

كۆڭلىڭىزدىكىنى تاپايمۇ؟

جەنۋە كۆرگەزمىسىدىن ئالدىن خەۋەر – مازدا Minagi

پاسىبان — Thu, 20 Jan 2011 14:16:22 +0000

تېخى ئەمدىلا ئاياقلاشقان دىترويىت كۆرگەزمىسىدىن كىيىنلا ئۇلىشىپ جەنۋە ماشىنا كۆرگەزمىسى باشلىنىدىغان بولغانلىقى ئۈچۈن، بارلىق قاتناشقۇچى شىركەت-كارخانىلار جىددىي تەييارلىق قىلىۋاتىدۇ. بۇ يىل ھەقىقەتەن ئالدىراشلا بىر يىل باشلىنىپ كەتتى. چۈنكى جەنۋەدە كۆرگەزمە ئاياقلاشقاندا 4-ئايدا يەنە شاڭخەيدە كۆرگەزمە باشلىنىدۇ. ئاندىن ئۇنىڭغا ئۇلىشىپلا ئەڭ داڭلىق فرانكفورد ماشىنا كۆرگەزمىسى. مونوسى مازدانىڭ جەنۋە كۆرگەزمىسى ئۈچۈن تەييارلىغان ئۇقۇم ماشىنىسى Minagi ئىكەن.

بۇ قېتىمقى جەنۋە كۆرگەزمىسىدە خېلى يېڭىلىقلار بولىدىغاندەك. ياۋرۇپادىكى تۇنجى كۆرگەزمىگە مازدا تېخى چاڭگىسىدىن چىقارمىغان يېڭى ئۇقۇم ماشىنىسى Minagi نى قاتناشتۇرغۇدەك.

يېڭى Minagi توغرىسىدا ئۇچۇر كۆپ ئەمەسكەن. لېكىن بۇنىڭغا مازدانىڭ ئەي يېڭى لايىچەلىگەن تەگلىكىنى ۋە SkyActiv نامىدىكى ماتور ۋە كورۇپكا بىرلەشكەن يېڭى تېخنىكىسى قوللىنىشى مۇمكىنكەن. مازدانىڭ بۇ ماشىنىسى بەلكى Mazda CX نىڭ ئىزباسارى سۈپىتىدە Mazda CX-5 بولۇپ يېڭىدىن سەپكە قوشۇلۇشى مۇمكىنكەن. نېمىلا دېگەن بىلەن كۆرگەزمىگە قويۇدىغان ئەڭ يېڭى مەھسۇلات بولغانلىقتىن زاۋۇت تەرەپ بەك كۆپ ئۇچۇرلارنى تەمىنلىمىگەن.

بۇ قېتىم مازدا كۆرگەزمىگە قاتناشتۇرىدىغان ماشىنىلار :

ئۇقۇم ماشىنىسى

Minagi

Shinari

سېتىلىۋاتقان ماشىنىلار

Mazda2
Mazda3
Mazda5
Mazda6
Mazda MX-5
Mazda CX-7
Mazda BT-50

يېڭى تېخنىكىلار

Mazda SkyActiv-G سېلىندىر ئىچىگە بىۋاستە پۈركۈيدىغان بېنزىن ماتور

Mazda SkyActiv-D سېلىندىر ئىچىگە بىۋاستە پۈركۈيدىغان دېزىل ماتور

Mazda SkyActiv- Drive كورۇپكىسى

Mazda SkyActiv-MT قول خوت كورۇپكىسى

كۆڭلىڭىزدىكىنى تاپايمۇ؟

فورد فىيېستانىڭ دۇنيا راللىي مۇسابىقە ماشىنىسى تەۋەللۇت قىلدى

پاسىبان — Tue, 18 Jan 2011 14:26:08 +0000

فورد فىيېستانىڭ Fiesta RS تىپلىق دۇنيا راللىي مۇسابىقە ماشىنىسى يىل بېشىدا ئۆتكۈزۈلگەن خەلقئارا مۇسابىقە ماشىنا كۆرگەزمىسى Autosport International Racing Car Show دە تۇنجى بولۇپ كىشىلەر بىلەن يۈز كۆرۈشتى. بۇ يېڭى مۇسابىقە ماشىنىسىنىڭ يوپۇقىنى فورد مۇسابىقە ئەترىتىگە تەۋە Mikko Hirvonen ئاچتى.

بۇندىن كىيىن بۇ ماشىنىمۇ ئاكىسى فوكۇسقا ئەگىشىپ دۇنيا ئاپتوموبىل تەنھەرىكىتى فېدراتسىيىسى FIA نىڭ (Federation of International Autosport) دۇنيا راللىي لەۋھە تالىشىش مۇسابىقىسى WRC دا (World Rally Championship) مۇسابىقىگە قاتنىشىدۇ. مۇسابىقە ئەترىتىنىڭ نامى «فورد ئەبۇزەبى دۇنيا راللىي ئەترىتى» دەپ بېكىتىلدى.

فورد ئۆتكەن يىل 9-ئايدا پارىژ كۆرگەزمىسىدە مۇشۇنداق بىر مۇسابىقە ماشىنىسى ياساپ چىقىدىغانلىقىنى پۇرىتىپ ئۆتۈپ كەتكەن ئىدى. لىكىن، ئۇ چاغدىكى لايىھەدە ئازراق ئوخشىماسلىق كۆرۈلگەن بولۇپ، فورد شىركىتىنىڭ ياۋرۇپا مۇسابىقە بۆلۈمىنىڭ مەسئۇلى چۈشەندۈرۈپ : بىزنىڭ سىرتقى كۆرىنىشىنى تېخىمۇ دىققەتنى تارتىدىغان قىلىپ لايىھەلىگەنلىكىمىز، شۇنداقلا يېڭى مۇسابىقە ئەترىتىمىز قۇرۇلغانلىقتىن بۇرۇنقى لايىھەگە تۈزىتىش كىرگۈزدۇق. كېلەر ئاينىڭ 10~13 كۈنىدە شىۋىتسارىيەدە مۇسابىقىنى باشلايمىز، دېدى.

بۇ فىيېستا RS نىڭ 1.6 لىك ماتورىغا EcoBoost نىڭ تۇربوسى قوشۇلغان بولۇپ، 4 چاق قوزغىلىدىغان قىلىپ لايىھەلىگەن. تېخىمۇ تەپسىلىي سانلىق مەلۇماتلار كېلەر ئايدا ئېلان قىلىنىدىكەن.

كۆڭلىڭىزدىكىنى تاپايمۇ؟

2011-يىللىق دىترويت ماشىنا كۆرگەزمىسى – كادىللاك Cadillac CTS-V Coupe

پاسىبان — Wed, 12 Jan 2011 15:04:17 +0000

2011-يىللىق شىمالىي ئامېرىكا ماشىنا كۆرگەزمىسى، يەنى دىترويىت ماشىنا كۆرگەزمىسى 1-ئاينىڭ 10- كۈنى رەسمىي باشلاندى. بۇنىڭ بىلەن ھەر قايسى چوڭ ماشىنا تور بېكەتلىرى ئالدىنقى سەپكە ئاتلىنىپ ئەڭ يېڭى ئۇچۇرلار بىلەن تور ئەھلىنى تەمىن ئېتىشكە باشلىدى. رەسىمدىكى بۇ ماشىنا ئامېرىكىنىڭ كونا ماركىسى كادېللاكنىڭ SCCA World Challenge مۇسابىقىسىگە ئاتاپ ياسىغان CTS-V Coupe نامىدىكى مۇسابىقە ماشىنىسىدۇر.

كادىللاك ئالدىنقى ئايدا SCCA يەنى Sports Car Club of America غا قاتنىشىدىغانلىقىنى جاكارلىغان ئىدى. ئۇلارنىڭ بۇ جەڭدە ئىشلىتىدىغىنى دەل CTS-V Coupe ناملىق مۇسابىقە ماشىنىسى ئىكەن. بۇ ماشىنا كادىللاك شىركىتىنىڭ Pratt &Miller شىركىتى بىلەن تېخنىكا جەھەتتىن ھەمكارلىشىپ مەيدانغا كەلگەن .

ماشىنىنىڭ ئارقا تەرەپىگە رەڭگارەڭ بويالغان رەڭلىك لايىھەنى قوللانغان بولۇپ، كىشىگە جانلىق سپورت تۇيغۇسىنى بېرىدۇ.

ماشىنىنىڭ گەۋدىسىگە كاربون تالاسىدىن ياسالغان ماتىرىيال ئىشلەتكەنلىكى ئۈچۈن ئېغىرلىقىنى يېنىكلىتىش ئارقىلىق تارتىدىغان يۈكنى تۆۋەنلەتكەن. شامال قارشىلىقىنى تۆۋەنلىتىش ئۈچۈن CTS-V Coupe غا كۆپ قىسىم ئايرودىنامىكىلىق قۇرۇلمىلار سەپلەنگەن. تەگلىك بىلەن ماشىنا گەۋدىسى ئارانلا بىرقانچە مىللىمېتىر كېلىدۇ.

V8 لىك 6.2 لېتىرلىق ماتورغا مېخانىكىلىق بېسىم ئاشۇرۇش قۇرۇلمىسى سەپلەنگەن.

ئەڭ دەسلەپتە 3-ئاينىڭ ئاخىرىدىكى فلورىدا شىتاتىنىڭ ساينت پېتىر شەھىرىدىكى مۇسابىقىسىدە قوللانماقچى ئىكەن. بۇ ماشىنىنىڭ مۇسابىقىدە ئۇتۇق قازىنىشىغا تلەكداشمىز!

كۆڭلىڭىزدىكىنى تاپايمۇ؟

بۇ يازمىلارغىمۇ ئىشتاھايىڭىز بولىشى مۇمكىن
ھېيتلىق لازىممۇ؟! مانا ئەمىسە!	دۆلىتىمىز ئىشلىگەن قىسقا فىلىم ئالما دەۋرى	ماشىنا ئاتالغۇلىرىغا ئىزاھات – تولغىنىش مومېنتى	iOS 5 نى تۈرمىدىن قاچۇرۇشقا تەييارلىق – SHSH نى زاپاسلاش	iOS 5 نى نامۇكەممەلمۇ ئەمەس، مۇكەممەلمۇ ئەمەس بىر نېمە قىلىش
无觅

بۇ يازمىلارغىمۇ ئىشتاھايىڭىز بولىشى مۇمكىن
iOS 5 نى نامۇكەممەلمۇ ئەمەس، مۇكەممەلمۇ ئەمەس بىر نېمە قىلىش	سىرىنى iPhone 4 كە سۆرەپ ئەكىرەيلىمۇ؟	iOS 5 نى نامۇكەممەل تۈرمىدىن قاچۇرۇش	iOS 5 نى تۈرمىدىن قاچۇرۇشقا تەييارلىق – SHSH نى زاپاسلاش	ھايۋانات فوتوگرافچىلىقى نادىر ئەسەرلىرىدىن تاللانما
无觅

بۇ يازمىلارغىمۇ ئىشتاھايىڭىز بولىشى مۇمكىن
ماشىنا ئاتالغۇلىرىغا ئىزاھات – تولغىنىش مومېنتى	iOS 5 نى تۈرمىدىن قاچۇرۇشقا تەييارلىق – SHSH نى زاپاسلاش	iOS 5 نى نامۇكەممەلمۇ ئەمەس، مۇكەممەلمۇ ئەمەس بىر نېمە قىلىش	دۆلىتىمىز ئىشلىگەن قىسقا فىلىم ئالما دەۋرى	iOS 5 نى نامۇكەممەل تۈرمىدىن قاچۇرۇش
无觅

بۇ يازمىلارغىمۇ ئىشتاھايىڭىز بولىشى مۇمكىن
ھېيتلىق لازىممۇ؟! مانا ئەمىسە!	iOS 5 نى تۈرمىدىن قاچۇرۇشقا تەييارلىق – SHSH نى زاپاسلاش	iOS 5 نى نامۇكەممەل تۈرمىدىن قاچۇرۇش	سىرىنى iPhone 4 كە سۆرەپ ئەكىرەيلىمۇ؟	iOS 5 نى نامۇكەممەلمۇ ئەمەس، مۇكەممەلمۇ ئەمەس بىر نېمە قىلىش
无觅

بۇ يازمىلارغىمۇ ئىشتاھايىڭىز بولىشى مۇمكىن
iOS 5 نى تۈرمىدىن قاچۇرۇشقا تەييارلىق – SHSH نى زاپاسلاش	سىرىنى iPhone 4 كە سۆرەپ ئەكىرەيلىمۇ؟	خوندا بىر قىسىم ئاككورد ۋە CR-V ماشىنىلىرىنى قايتۇرىۋالدى	iOS 5 نى نامۇكەممەلمۇ ئەمەس، مۇكەممەلمۇ ئەمەس بىر نېمە قىلىش	iOS 5 نى نامۇكەممەل تۈرمىدىن قاچۇرۇش
无觅