پاسىبان كۇلۇبى » كۆڭۈل ئېچىش

قورقۇنۇشلۇق ئەپ Demon Cam

پاسىبان — Tue, 01 Nov 2011 07:36:55 +0000

رەسىمنى ھەرقىسىم ئۆزگەرتىدىغان ئەپلەر تولىمۇ كۆپ. Demon Cam ئىسىملىك بۇ ئەپ سۈرەتلىك، ھەرىكەتلىك بىر شەكلىدە ئادەم چىرايىنى غەلىتە مەخلۇققا ئوخشىتالايدىغان ئەپ ئىكەن. قارىماققىلا ساختىلىقى چىقىپ تۇرىدىغان ئەپلەرمۇ ئاز ئەمەس. لېكىن بۇ ئەپنىڭ ياسىلىش تېخنىكىسى خېلىلا پەچەت. ھەممىدىم مۇھىمى – مۇشۇ پەچەت ئەپ بۈگۈن ھەقسىز!

رەسىمدىكىدەك، بۇ ئادەم چىرايىنى مۇشۇنداق جىن-ئالۋاستىلارنىڭكىگە ئوخشىتىپ ئوينايدىغان كۆڭۈل ئېچىش خاراكتىرىدىكى بىر ئەپ. ئۇنىۋېرسال بولغانلىقى ئۈچۈن، iPhone ۋە iPad لەرگە تەڭلا ماس كېلىدۇ. ئايرىم چۈشۈرۈش ياكى سېتىۋېلىشنىڭ ھاجىتى يوق ئىكەن.

بۇ ئەپنى ئەڭ ياخشىسى كىچىك بالا بار ئۆيدە ئېچىپ ئۇلارغا كۆسەتمىگەن ياخشى. ئۆتكەندە بىرەيلەن مۇشۇ ئەپ بىلەن ئۆزىنى بىر جىنغا ئوخشىتىۋېلىپ قىزىغا كۆرسىتىپ خېلى بىر ئىش تېرىپتۇدەك. شۇندىن بۇيان ئۇ قىزچاق دادىسىنىڭ چىرايىغىمۇ قارىيالماپتۇ.

بۇنداق قاپ يۈرەكلىك قىلماي، جايىدا كۆڭۈل ئېچىش مەقسىتىدە ئىشلەتسىڭىزمۇ بولىدۇ. بۇ ئەپنىڭ تەشۋىق فىلىمىنى كىنو-فىلىملەرنىڭ تەشۋىق فىلىمىدەكلا ئىشلىۋېتىپتۇ. تەشۋىق فىلىمىگە Andrew Kramer رېژىسسورلۇق قىپتۇدەك. بۇ فىلىمنى كۆرۈپ باقايلى.

ئەپ ئىسمى : Demon Cam™

ساتقۇچى : Video Copilot

تۈرى : كۆڭۈل ئېچىش

چوڭلۇقى : 18.9 MB

باھاسى : ۋاقىتلىق ھەقسىز.

iTunes چۈشۈرۈش ئادرىسى :

كۆڭلىڭىزدىكىنى تاپايمۇ؟

تەۋسىيە : ئاجايىپ – غارايىپ ئەپ (5) Remix your life

پاسىبان — Sat, 29 Oct 2011 11:51:44 +0000

iPhone دا ئاجايىپ-غارايىپ ئەپلەر ناھايىتىمۇ كۆپ. Remix your life ناملىق بۇ ئەپنى تۈردىكى ئەپلەرگە كىرەمدۇ يوق، يەنىلا ئۆزىڭىز بەلگىلەڭ. لېكىن مەن مۇشۇ تۈرگە كىرىدۇ دەپ قارىدىم. چۈنكى بۇ ئەپ ئارقىلىق سىز ئۆزىڭىزنىڭ تەپەككۇرىڭىزنى ئېچىپ باشقىلارنى ھەيران قالدۇرىدىغان بىر نەرسىلەرنى ياساپ چىقالايسىز. ياساپ چىقىش چىقالماسلىقىڭىز پەقەت سىزنىڭ تەسەۋۋۇرىڭىزغا باغلىق.

Smule دېگەن بۇ نامنى بۇرۇن ئاڭلىغانمىدىڭىز؟ مەندە بۇ شىركەت ياسىغان ھەر خىل ئەپلەر بار. بىز Smule ئارقىلىق iPhone ىمىزنى ھەرخىل چالغۇ ئەسۋابلىرىغا ئايلاندۇرالايمىز. بۇ شىركەت مۇشۇنداق مۇزىكا ئېلمىنتى بار كىشىلەرنىڭ ئەڭ ياقتۇرىدىغان ئەپلىرىنى ياساپ ساتىدۇ. ئەپلىرىمۇ ناھايىتى بەك ئوماق.

بۈگۈنكىسى ئۇلارنىڭ تولىمۇ تەسەۋۋۇرغا تولغان بىر نەرسىسى بولۇپ، …. بولدىلا! ئارتۇق گەپنى قىلماي، فىلىمنىلا كۆرۈڭ. ھەممىنى بىلىسىز!

خوش خەۋەر!

بۈگۈن بۇ ئەپ ۋاقىتلىق ھەقسىز تارقىتىلىپتۇ. ئەلۋەتتە iPhone ۋە iPad ھەر ئىككى نۇسقىسى ۋاقىتلىق ھەقسىزكەن. ئەگەر كۇلۇبقا ھەر ۋاقىت دىققەت بىلەن كېلىۋاتقان بولسىڭىز بۇ ئېسىل ئەپتىن ھەقسىز بەھرىمان بولغۇدەكسىز. قېنى ئەمىسە!

iPhone كۆرۈنمە يۈزى

iPad كۆرۈنمە يۈزى

بۇمۇ iPhone دىكىسىگە ئوخشاپ قالىدىكەن. چىقارمايلا قوياي. iPad ىڭىزدا چۈشۈرۈپ ئۆزىڭىزلا كۆرمەمسىز!

ئەپ ئىسمى : MadPad – Remix Your Life

ساتقۇچى : Smule

تۈرى : كۆڭۈل ئېچىش

چوڭلۇقى : 19.6 MB

باھاسى : ۋاقىتلىق ھەقسىز. (ھەقلىق باھاسى قانچە بولغىيتى؟ :evil: )

iTunes چۈشۈرۈش ئادرىسى( iPhone ) :

iTunes چۈشۈرۈش ئادرىسى( iPad ) :

كۆڭلىڭىزدىكىنى تاپايمۇ؟

تەۋسىيە: بالىلارنىڭ زېھنىنى ئاچىدىغان ئېسىل ئەپ

پاسىبان — Thu, 20 Oct 2011 07:13:46 +0000

نەچچە كۈندىن بۇيان بىر نەچچە تال ئاجايىپ-غاارايىپ ئەپلەرنى تونۇشتۇرۇپ چىقىپتىمەن. بۈگۈنكىسىنى ئۇنچە بەك ئاجايىپ بولمىسىمۇ، ئۇكىلىرى ياكى بالىلىرى بولغان ئالمىداشلارنىڭ قاچىلىشى مەنچە زۆرۈر بولغان بىر ئەپ. بۇ ئەپ زادى بولامدۇ يوق، ئۆزىڭىز بىرنېمە دەڭ ئەمىسە.

بۇ ئەپ ئىنتايىن ئاددىي. لېكىن رولىنى ئاددىي چاغلىغىلى بولمايدۇ. بۇ ئەپ كىچىك بالىلارغا ئىنتايىن ياقىدۇ. رەسىمدىكى رەڭلىك قونچاقلارنىڭ ئۈستىگە باسساق شۇنىڭ رېتىنا ئېكران ئۆلچىمىدە تارتىلغان سۈزۈك رەسىمى بىلەن ئاۋازى قوشۇلۇپ چىقىدۇ.

iPhone 4 نىڭ Retina ئېكرانىغا ماسلاشقان سۈزۈك رەسىم بىلەن، رەسىمگە ماس بولغان سۈزۈك ئاۋاز بۇ ئەپنى تېخىمۇ جانلاندۇرىدۇ. بىر خىل ھايۋاناتنى يەنە بىر قېتىم باسساق يەنە باشقا ئاۋاز ۋە رەسىم كۆرۈنىدۇ. يەنى ھەر بىر خىل ھايۋان ئىچىدە بىر قانچە خىل ئاۋاز ۋە رەسىم كىرگۈزۈلگەن. ئادەمگە زېرىكىشلىك تۇيغۇسى بەرمەيدۇ.

بۇ ئەپتە پەقەت ھايۋاناتلانىڭ ئاۋاز ۋە رەسىملىرى بولۇپلا قالماستىن قاتناش قوراللىرى، ئۆي ھايۋانلىرى، ياۋايى ھايۋانلار، ئۆي سايمانلىرى … قاتارلىق نۇرغۇن نەرسىلەر بار. ئىشقىلىپ كىچىك بالىلارنى ئۆزىگە رام قىلىۋالىدىغان ئوماق ئەپنىڭ بىرى.

چالغۇ ئەسۋاب قاتارىدىكى ھەرخىل ئەسۋابلارنى باسقاندا ئۆزىگە يارىشا ناھايىتى مۇڭلۇق مۇزىكىلار چىقىدۇ.

قالدى گەپنى ئەپنىڭ ئۆزىدىنلا كۆرسىڭىز بولىدۇ. بۇ ئۇنچە مۇرەككەپ ئەپ ئەمەس. كىچىك بالىلار ئۈچۈن ياسىغان ئەپ ئەلۋەتتە ناھايىتى ئاددى بولىدۇ. پروگراممېرنىڭ ئېيتىشىچە بۇ ئەپ كىيىنكى نەشىرلىرىدە فىلىملىك قىلىپ ياسىلامىش. ئۇ چاغدا تېخىمۇ نوچى بولۇپ كەتسە كېرەك. بۇ ئەپ iPad ۋە iPhone ئۈچۈن ئورتاق ئۇنىۋېرسال ئەپ.

ئەپ ئىسمى : SoundTouch 触摸声音

ساتقۇچى : SoundTouch

تۈرى : كۆڭۈل ئېچىش

چوڭلۇقى : 156 MB

باھاسى : 2.99 دوللار (مېنىڭچە بۇ باھا ئەپنىڭ ياسىلىش تېخنىكىسى ۋە قىممىتىگە قارىغاندا كۆپ ئەرزان)

iTunes چۈشۈرۈش ئادرىسى :

يېشىۋەتكەن نۇسقىسىنى بۇ يەردىن چۈشۈرەلەيسىز.

كۆڭلىڭىزدىكىنى تاپايمۇ؟

ئاجايىپ-غارايىپ ئەپ (4) – iWatermelon

پاسىبان — Wed, 19 Oct 2011 03:40:11 +0000

راستىنى ئېيتسام بۇ ئەپنى دەسلەپتە كۆرۈپ كۈلۈپ تاشلىدىم. قىززىق ئەپلەر بولىدىكەن. بۇ ئەپنىڭ غەلىتىلىكىدىن راستىنلا تەۋسىيە قىلماي بولمىدى. بىزدە پەقەت iPhone بولسىلا باققاللاردىن خام كاۋا، خام تاۋۇزلارنى تاللاپ ئىلغىۋېتەلەيدىكەنمىز. :o))):

بۇ ئەپنىڭ ئۆزىگە يارىشا خىزمەت پرىنسىپى بار ئىكەن. بىز iPhone دا بۇ ئەپنى ئېچىپ تاۋۇزنىڭ ئۈستىگە قويىدىكەنمىز. تاۋۇزنىڭ چوڭ-كىچىكلىكى، رەڭگىنى تاللاپ بەرگەندىن كىيىن تاۋۇزغا 3 قېتىم ئۇرىدىكەنمىز. تاۋۇزدىن چىققان ئاۋازنى تەھلىل قىلىش ئارقىلىق بۇ تاۋۇزغا نومۇر قويىدىكەن. 1 يۈرەك بوپقالسا بۇ تاۋۇزنى تاللىمىساقمۇ بولىدىكەن. ئەگەر 3 يۈرەك چىقىپ قالسا بۇ تاۋۇز ئاساسى جەھەتتىن ناھايىتى ياخشى، تاتلىق تاۋۇز بولۇپ چىقىدىكەن.

ھەممىمىز بىلىمىز، ئەلۋەتتە بۇنىڭ توغرىلىق نىسبىتى %100 ئەمەس. ئادەملەرمۇ %100 توغرا تاپالمايدۇ ئەمەسمۇ. ئەمەلىي سىناقلاردىن بايقىلىشىچە 1 يۈرەك باھا بېرىلگەن تاۋۇزلارمۇ بەلكى ياخشى بولۇپ قېلىشى مۇمكىنكەن. لېكىن 3 يۈرەك باھا بېرىلگەن تاۋۇز ئاساسەن ياخشى چىقىدىكەن. شۇڭا iPhone ىمىز بىزگە يامان تاۋۇز تاللاپ بەرمەيدىكەن دېسەك تامامەن بولغۇدەك. تۆۋەندە ئەمەلىي سىناقنى سىن ئارقىلىق كۆرۈپ چىقايلى.

بۇ خەۋەنى تەپسىلىي كۆرۈپ چىقىڭ.

بۇ ئەپنىڭ كارامىتىنى ئاساسەن كۆرۈپ چىققاندىن كىيىن بىلدىڭىزغۇ دەيمەن. ئەڭ يېڭى نەشىرىدە كاۋىنىڭ ياخشى-يامىنىنىمۇ ئايرىپ بېرىدىكەن. بۇ ئەپ ئارقىلىق ئىچى بوش بىرەر نەرسىنىڭ (مەسىلەن، ئىچىملىك قۇتىسى، شىرە) ئۈستىگە قويۇپ تۇرۇپ سىنىغاندا ئۆزگىچە جاۋابلارغىمۇ ئېرىشكۈدەكمىز. سىناپ باققۇلۇق.

مەن ئېنگىلىزچە نۇسقىسىنى تېپىپ بوشلۇققا چىقىرىپ قويدۇم. خەنچە نەشىرىنى توردىن ئىزدەپ تېپىپ قويدۇم لېكىن قاچىلىمىدىم. ئۆزىڭىز ئېھتىياجلىق نۇسقىسىنى چۈشۈرۈپ قاچىلىۋېلىڭ.

ئەپ ئىسمى : iWatermelon Deluxe

ساتقۇچى : LookAndFeel

تۈرى : كۆڭۈل ئېچىش، قوللىنىشچان

چوڭلۇقى : 12.8 MB

باھاسى : 0.99 دوللار

iTunes چۈشۈرۈش ئادرىسى :

يېشىۋېتىلگەن نۇسقىسى (ئېنگلىزچە) : بۇيەرنى بېسىڭ

يېشىۋېتىلگەن نۇسقىسى (مۇرەككەپ خەنچە) : بۇيەرنى بېسىڭ

كۆڭلىڭىزدىكىنى تاپايمۇ؟

ئاجايىپ-غارايىپ ئەپ (3) – توپ تېپىش

پاسىبان — Tue, 18 Oct 2011 05:36:14 +0000

iPhone دا ئادەمنىڭ ئەقلىنى ھەيران قالدۇرىدىغان ئەپلەرنى دائىم ئۇچرىتىپ تۇرىمىز. ئالدىنقى قېتىم تەۋسىيە قىلغان ئەپمۇ ئادەمنىىڭ كاللىسىغا كەپ باقمايدىغان غەيرى ئەپ ئىدى. ماۋۇنى غەيرى دېگىلى بولامدۇ يوق، ئۆزۈڭلار بىر دەپ بېقىڭلار.

بۇ قانداقتۇر PES تۈرىدىكىدەك ۋارتاغا توپ تېپىدىغان توپ مۇسابىقىسى خاراكتىرىدىكى ئويۇن ئەمەس. بەلكى توپنى پۇتىمىزدىلا ئوينايمىز. ئىچىدىكى توپنى قولىمىزدا iPhone نىڭ ئۇيەر-بۇ يېرىدىنى ئەمەس، پۇتىمىزدا تېپىپلا ئوينايمىز.

پۇتتا قانداق ئوينىغىلى بولىدۇ، ئەجەبا iPhone نى پۇتىمىز بىلەن تېپەمدىغاندۇق دىمەيۋاتقانسىز ھە؟ ئۇنداق ئەمەس. ئاۋال بۇ سىننى كۆرەيلى. ئۇ چاغدا مېنىڭ دەيدىغانلىرىم خېلى زور دەرىجىدە ئازىيىدۇ.

مانا مۇشۇنداق. سىز پاكىزە، ئارتۇق رەڭ ۋە قالايمىغان شەيئىلەردىن خالىي بىر جاينى تېپىڭ. سىندىكىدەك ئاق يەر بولسا ئەڭ مۇۋاپىق. دەسلەپتە ئورۇننى تاللاپ بەرگەن چاغدىكى كۆرسەتكۈچ سىزگە تاللىغان جايىڭىزنىڭ مۇۋاپىق ياكى ئەمەسلىكىنى كۆرسىتىپ بېرىدۇ. كۆرسەتكۈچ Clear دېگەن يېشىل رەڭلىك تەرەپكە قانچە بەك سۈرۈلسە، شۇنچە ياخشى بولىدۇ. Dirty دېگەن تەرەپكە قانچە يېقىنلاشسا كۆرۈنۈشنىڭ شۇنچە قالايمىقانلىقىنى كۆرسىتىدۇ. بۇ چاغدا توپ تېپىشىمىزگە تەسىر يېتىدۇ.

ئەپ ئىسمى : ARSoccer – Augmented Reality Soccer Game

ساتقۇچى : Laan Consulting Corp

تۈرى : توپ ، كۆڭۈل ئېچىش

چوڭلۇقى : 9.4 MB

باھاسى : 1.99 دوللار

iPhone نۇسقىسىنىڭ چۈشۈرۈش ئادرىسى :

يېشىۋېتىلگەن نۇسقىسىنى بۇ يەردىن چۈشۈرۈڭ

كۆڭلىڭىزدىكىنى تاپايمۇ؟

گېگانت قۇش A380 جۇڭگودا تۇنجى قېتىم ئۇچتى.

پاسىبان — Mon, 17 Oct 2011 10:10:19 +0000

يولۇچىلار ترانسپورتىغا ئىشلىتىدىغان ئايرۇپىلانلار ئىچىدە چوڭلۇقتا تەڭدىشى يوق، ھەشەمەتلىكتە يۈكسەك ئۈستۈنلۈككە ئېگە، دۇنيادىكى ئايروپىلان سانائىتىدىكى كاتتىباش كارخانا AirBus نىڭ ئەڭ پەخرلىك مەھسۇلاتى AirBus A380 بۈگۈن جۇڭگودا تۇنجى قېتىم ئۇچتى.

شىنخۇا تورى خەۋىرى : بېيجىڭ ۋاقتى 2011-يىل 10-ئاينىڭ 17-كۈنى جەنۇب ئاۋىئاتسىيە شىركىتىنىڭ AirBus A380 تىپلىق ئايرۇپىلانى بېيجىڭدىن گۇاڭجۇغا ئۇچۇش ۋەزىپىسىنى ئۆتىدى. رەسىمدە، ئايرۇپىلان خادىملىرى ئۇچۇش بۇيرۇقىنى كۈتمەكتە.

بۇ قېتىملىق ئۇچۇشقا قاتناشقان ئۇچقۇچىلار. (يوغانلىقىدىن 5 ئادەم ئۇچۇرىدىكەن بۇ كاساپەتنى)

بۇ قېتىمقى ئۇچۇش لىنىيەسى بېيجىڭنىڭ T2 ئايروۋوگزالىدىن باشلانغان بولۇپ، رەسىمدە ئايرۇپىلان يولۇچىلارنىڭ چىقىشىغا تەق بولۇپ تۇرۇپتۇ. رەسىمدىن كۆرۈۋېلىشقا بولىدۇكى، 2 قەۋەت بۆلۈمچىگە 2 دانە كارىدورلۇق پەشتاق ئورۇنلاشتۇرىدىكەن.

بۇ قېتىمقى ئۇچۇش، A380 نىڭ جۇڭگو دۆلەت ئىچىدىكى تۇنجى قېتىملىق ئۇچۇشى بولۇپ، بۇنىڭ ئۈچۈن ئالاھىدە مۇراسىم ئورۇنلاشتۇرۇلغان. مۇنداقچە قىلىپ ئېيتقاندا بۇ جۇڭگودىكى تۇنجى گېگانت ئايرۇپىلاننىڭ تۇنجى قېتىم دۆلەت ئىچىدە قاتنىشى بولۇپ ھېساپلىنىدۇ. رەسىمدە رەھبەرلەر مۇراسىم ئۈستىدە لېنتا كېسىۋاتىدۇ.

بۇ گېگانت ئايرۇپىلاننىڭ چاقىغا قاراپ بېقىڭلار. كېمىدە 1.3 مېتىر كېلىدىغاندەك …

بۇ قېتىملىق ئۇچۇشقا جەنۇب ئاۋىئاتسىيە شىركىتى مەرۋايىت كۇلۇبىغا ئەزا يولۇچىلىرىغا تەكلىپنامە ئېۋەتىپ تەكلىپ قىلغان. تۇنجى قېتىملىق ئۇچۇش بىر قەدەر داغدۇغىلىق ئېلىپ بېرىلغان. بەلكى ئىچىدە ھەرخىل پائالىيەتلەر بولغان بولىشىمۇ مۇمكىن. بىزگە تونۇشلۇق ۋاسكىتبول چولپىنى ياۋمىڭ 姚明 مۇ بۇ قېتىملىق ئۇچۇشقا قاتنىشىپ ئاخبارات ۋاستىلىرىنىڭ دىققىتىنى تارتتى.

بۇ رەسىمگە قارىغاندا ئالدىدا ئېيتقان «ھەشەمەت» دېگەن سۆزىمىز ئارتۇق كەتمىگۈدەك. نېمانچە كەڭ ئورۇن بۇ؟

ئايرۇپىلاننىڭ ئىچى خۇددى بىر مېھمانخانىدەكلا. كىممۇ بۇنى ئايرۇپىلاننىڭ ئىچى دەپ ئويلايدۇ؟

لېكىن ئاستىدىكىسى ئايرۇپىلاننىڭ ئىچى ئەمەس، چىقىش ئېغىزى ئىكەن.

دۆلىتىمىز تەۋەلىكىدىكى تۇنجى A380 تۈنۈگۈن (16-ئۆكتەبر) ئوڭۇشلۇق ھالدا سىناقتىن ئۆتۈپ 上海浦东国际机场 شاڭخەي پۇدۇڭ خەلقئارا ئايروپورتىغا مۇۋاپپىقىيەتلىك قوندى. شۇنىڭ بىلەن جۇڭگو خەلق ئاۋىئاتسىيە باش ئىدارىسى (中国民航总局) بۇ تۇنجى گېگانت ئايرۇپىلاننىڭ سىناپ ئۇچۇش تەستىقىدىن ئۆتكەنلىكىنى جاكارلىدى.

16-ئۆكتەبر سىناقتىن ئۆتكەندىن كىيىن 17-ئۆكتەبر كۈنى تۇنجى قېتىم يولۇچىلارنى چىقىرىپ بېيجىڭدىن گۇاڭجۇغا ئۇچۇش ۋەزىپىسىنى ئۆتىگەن. 18-ئۆكتەبردىن باشلاپ يولۇچىلار ئۈچۈن تىجارى ترانسپورتنى باشلايدىكەن.

بۇ ئايرۇپىلان جەنۇب ئاۋىئاتسىيە شىركىتى (中国南方航空公司) نىڭ كوزۇرى ھېسابلىنىدۇ. جەنۇب ئاۋىئاتسىيەسى Skytrax نىڭ 5 يۇلتۇزلۇق مۇلازىمەت ئۆلچىمى بويىچە ئايرۇپىلان كۈتكۈچىلىرى ئىچىدىن مەخسۇس A380 ئۈچۈن ئىنچىكىلىك بىلەن تاللاپ ئورۇنلاشتۇرىدىكەن.

مەخسۇس A380 ئۈچۈن ئورۇنلاشتۇرۇلغان ئايرۇپىلانغا چىقىش كارتىسى بېجىرىش ئورنى بار بولۇپ، بېيجىڭ پايتەخت ئايروپورتى (北京首都机场) نىڭ T2 ئايروۋوگزالى (航站楼) نىڭ F01-F02 ئېغىزىدا؛ گۇاڭجۇ بەييۈن ئايروپورتى (广州白云机场) نىڭ E17-E24 ئېغىزىدا بېجىرىدىكەن. بۇنىڭدىن باشقا بىرىنجى بۆلۈمچە (头等舱) يولۇچىلىرى ئۈچۈن ئالاھىدە كۈتۈش زاللىرى ئورۇنلاشتۇرۇلغان. بۇ زال بېيجىڭ پايتەخت ئايروپورتى (北京首都机场) نىڭ T2 ئايروۋوگزالى (航站楼) ئۇچۇش زالىدىكى 14-ئىشىكنىڭ ئۇدۇلىدىكى جەنۇب ئاۋىئاتسىيەسى ئەزىز مېھمانلار ئايرۇپىلانغا چىقىش مۇلازىمەت رايونى 南航高端旅客乘机服务区 ئىكەن. گۇاڭجۇ بەييۈن ئايروپورتى (广州白云机场) نىڭ ئۇچۇش زالىدىكى 1-2 ئىشىك ئارىلىقىدىكى جايدا ئىكەن.

A380 نىڭ ئايرۇپىلان بۆلۈمچىسىنى كۆلىمى 550 كۋادرات مېتىر بولۇپ، بۇ جەمئىي 3 دانە تېنىس توپ (چويلا توپ) مەيداننىڭ كۆلىمىگە تەڭ ئىكەن. 506 نەپەر يولۇچى سىغىدىكەن. جەمئىي 2 قەۋەت، 3 بۆلۈم ( بۇ يەردە ئېيتىلغىنى يۈك-تاق بۆلۈمى، 1- ۋە 2- قەۋەتنى كۆرسىتىدۇ) ئىكەن.

جەمئى 14 ھاجەتخانا بار ئىكەن.

بۇ بىرىنجى بۆلۈمچە 头等舱 بولۇپ، ئورۇندۇقنى تۈزلەپ ياتقىلىمۇ بولىدىكەن. ئورۇندۇقنىڭ ئورنىنى ئەستە ساقلاش ئالاھىدىكىمۇ باركەن.

8 دانە ئايرىم خانە بار بولۇپ، بۇ ھەشەمەت بىرىنجى بۆلۈمچىسى 豪华头等舱 دەپ ئاتىلىدىكەن. بۇ ئايرۇپىلاننىڭ ئورۇندۇق لايىھەسىنى جەنۇب ئاۋىئاتسىيەسى ئۆزى مەخسۇس بۇيرۇتقان بولۇپ، باشقا A380 لارغا قارىغاندا يولۇچى سانى ئاز ئىكەن. چۈنكى بۇلار ئورۇندۇق ئارىلىقىنى راھەتلىكىنى كۆزدە تۇتۇپ كەڭ ياساتقان ئىكەن. بۇ خانىلەردە ئىشخانا، كۆڭۈل ئېچىش ۋە ئىستراھەت ئەسلىھەلىرى تولۇق ئىكەن.

پۈتۈن ئايرۇپىلاندا جەمئىي 19 ئاشخانا بار بولۇپ، 87 توشۇش ھارۋىسى بار ئىكەن. بۇ نۆۋەتتە دۇنيادىكى ئەڭ چوڭ سانلىق قىممەت ھېسابلىنىدۇ.

مەخسۇس ئىشلەنگەن يىمەكلىكلەر. بۇ خىلدىكى يىمەكلىكلەر نۆۋەتتە پەقەت مۇشۇ ئايرۇپىلاندىلا بولسا كېرەك …

بۇ ئايرۇپىلاننىڭ ماتورى مەيلى ماي سەرپىيات جەھەتتە بولسۇن، مەيلى شاۋقۇن ئاۋازى جەھەتتە بولسۇن، ئەڭ ئۈستۈنلۈكنى ئېگەللەيدىكەن.

نۆۋەتتە جەنۇب ئاۋىئاتسىيەسىنىڭ بۇ ئايرۇپىلانى دۆلەت ئىچىدە يولۇچى توشۇيدىغان تۇنجى 2 قەۋەتلىك ئايرۇپىلان ھېسابلىنىدۇ.

گەرچە ئايرۇپىلان شۇنچە چوڭ بولسىمۇ، جىددى ئەھۋال يۈز بەرگەندە ئىنكاس قايتۇرۇش ئۈچۈن كەتكەن ۋاقىت ئاران 11.5 سېكونت بولغان. يەنى جىددى ئەھۋال يۈز بېرىپ 11.5 سېكونت ئىچىدە ئايرۇپىلان خادىملىرى بارلىق جىددى تارقىلىش ئىشىكلىرىنى ئېچىپ بولغان. بۇ ۋاقىت خەلق ئاۋىئاتسىيە باش ئېدارىسىنىڭ تەلىپىدىن 3.5 سېكونت تېز ئىكەن.

بۇ قېتىملىق ئۇچۇشقا BMW نىڭ ئوماق ماركىسى Mini نىڭ Countryman ماشىنىسى يول باشلىغۇچى بولۇپ بېكىتىلگەن. تۆۋەندە ئاشۇ سىننى بىر كۆرەيلى.

تۆۋەندىكىسى جەنۇب ئاۋىئاتسىيە شىركىتىنىڭ مەخسۇس A380 ئۈچۈن ئىشلىگەن ئېلانى

ئېلان قىلىش يىغىنىدىن كۆرۈنۈش

تەگلىك رەسىملىرى (رەسىمنى چېكىپ چوڭايتالايسىز)

جەنۇب ئاۋىئاتسىيە شىركىتى مەخسۇس ئۆزىنىڭ A380 ئايرۇپىلانىنى چۈشەندۈرۈپ ئىشلىگەن ژورنالىنى بۇ يەرنى بېسىپ چۈشۈرۈڭ.

كۆڭلىڭىزدىكىنى تاپايمۇ؟

دورامچۇق ئىت-مۈشۈكلەرنىڭ جېڭى يەنە باشلىنىپتۇدەك

پاسىبان — Mon, 17 Oct 2011 03:58:24 +0000

دورامچۇقلارنىڭ ئوماقلىقىدىن بۇنى قاچىلىمايدىغانلار ئاساسەن ناھايىتى ئازغۇ دەيمەن. دورامچۇقلار ئائىلىسىدىكى يېڭىلىقلارنى كۇلۇبىمىزدا ۋاقتى-ۋاقتىدا سىلەرنىڭ دىققىتىڭلارغا سۇنۇپ تۇرغان ئىدۇق. بۈگۈن كونا رەقىبلەر قايتىدىن بىر يەرگە كەپتۇدەك. كەلگەندىمۇ جامائەتچىلىككە ئاشكارا جايدا كەپتۇدەك …

تام ئۆيگە ئېگە بولغاندىن كىيىن كەپسىز بەن ئۇنى تولىمۇ بەسىرەمجان قىلىپ يۈرەتتى. بۇ خوشنىلار ھازىر تېلىۋېزىيە ئىستانسسىدا خىزمەت تېپىپتۇدەك.

بۇلار ئۆزىچە خەۋەرگە رىياسەتچىلىك قىلىپ كېتىدىكەن. خەۋەر مەزمۇنىنى ئەلۋەتتە بىز ئۆزىمىز قارار قىلىمىز. بىز ئۆزىمىز خەۋەر قىلغان مەزمۇنلارنى بۇ ئىككى كەپسىزنىڭ ئورۇنلىشىدا سىنغا ئالالايمىز.

بۇ كەپسىزلەر تېلىۋېزور ئېكرانىدىمۇ كەپسىزلىكىنى تاشلىمايدىكەن. بىرى گەپ قىلسا يەنە بىرى زاڭلىق قىلىۋاتقان. تۇرۇپ – تۇرۇپ مۇشتلىشىپ كېتىۋاتقان … ئاستىدىكى تېلىۋېزورنىڭ رەسىمى بار جاينى بېسىپ ئۆزىمىز سىنغا ئېلىپ ئاستىدىكى ئېكراندا كۆرىنىدىغان يەرگە بايا ئالغان سىننى ئالماشتۇرىۋالالايمىز.

نەدىلا بولسا بىر-بىرىگە قاپقان قۇرۇپ توختىمايدىكەن. ئۇرۇشۇپ، جىدەللىشىپ، خەۋەر تارقىتىۋاتقان كامېرانىمۇ ئۆرۈپ … ئىشقىلىپ بۇ دورامچۇقلار يەنە ئوماقلىقىنى يوقاتمىغان.

بۇنى App Store دىن ھەقسىز چۈشۈرىۋالالايمىز. ھەقسىز نۇسقىسىدا بەن تامنى بوزەك قىلىدۇ. تام بىچارىنى بىز پۇل خەجلەپ سېتىۋالغاندىن كىيىن ئۆچ ئالدۇرالايمىز.

بۇنى سېتىۋېلىش ئالمىنىڭ يېقىندا پاتېنت دەۋاسى قىلىۋاتقان In App Purchasing دېگەن ئىقتىدارى ئارقىلىق ئەمەلگە ئاشىدىكەن. تۆۋەندىكى ئادرىستىن ئاۋال بۇ ئەپنى چۈشۈرۈشڭ.

ئەپ ئىسمى : Talking Tom & Ben News

ساتقۇچى : Outfit7 Ltd.

تۈرى : دورامچۇق ، كۆڭۈل ئېچىش

چوڭلۇقى : 48.9 MB

باھاسى : ھەقسىز

iPhone نۇسقىسىنىڭ چۈشۈرۈش ئادرىسى :

iPad نۇسقىسىنىڭ چۈشۈرۈش ئادرىسى :

يېشىش ئۇسۇلى

بۇلارنى چۈشۈرۈپ بولغاندىن كىيىن iTools ئارقىلىق تۆۋەندىكى مۇندەرىجىنى ئېچىڭ.

var / mobile / applications / Talking Tom & Ben News / Documents

بۇ جايغا چۈشۈرۈشكە تەمىنلەنگەن ھۆججەتنى چىقىرىپ قاپلىۋەتسەك ئىش پۈتىدۇ.

ئەگەر ئۈستىدىكى ئادرىسقا 文件系统已越狱 دىن كىرسىڭىز Appilication نىڭ ئاستىدا 9ED1F8B3-11CE-47D2-A20F-4E10B1744585 دېگەندەك مۇندەرىجە چىقىۋېلىشى مۇمكىن. سىز تۆۋەندىكى ئۇسۇل ئارقىلىق بۇ سان-سىفىرلارنى ئەپ ئىسمىغا ئايلاندۇرۇپ ئاسانلا تاپالايسىز (iTools ئارقىلىق):

文件管理 نى باسسىڭىز ئوڭ تەرەپتە （程序（用户 دەپ بىر جاي بار. شۇنى باسقاندىن كىيىن قاچىلىغان ئەپنىڭ ئىسمى يۇقىرىدىكى سان-سىفىر شەكلىدە ئەمەس، ئەپ ئىسمى ھالەتتىلا كۆرىنىدۇ. سىز ئۇلارنىڭ ئارىسىدىكى Talking News نىڭ ئىچىنى ئاچسىڭىزلا بايىقى Documents دېگەن مۇندەرىجىنى تاپالايسىز. بۇ تولىمۇ ئاسان بىر ئۇسۇل.

يېشىش ھۆججىتىنى چۈشۈرۈڭ

iPhone نۇسقىسىنىڭ چۈشۈرۈش ئادرىسى.

iPad نۇسقىسىنىڭ چۈشۈرۈش ئادرىسى.

باشقا دورامچۇقلارنى تۆۋەندىكى ئۇلانمىلاردىن كۆرۈۋېلىڭ.

كۆڭلىڭىزدىكىنى تاپايمۇ؟

ئالدىنقى ھەپتە ئالما ئېلان قىلغان 10 ياخشى ئەپ

پاسىبان — Sun, 31 Jul 2011 04:26:56 +0000

ئالدىنقى ھەپتە iOS ئۈسكۈنىلىرى ئىچىدىكى تەۋسىيە قىلىنغان ئالدىنقى قاتاردىكى 10 ئەپنى تىزىپ چىقىپتۇمىش. سىز بۇلارنىڭ قايسىسىنى چۈشۈرۈپ قاچىلاپ باقتىڭىز؟ قايسىسىنى كۆرۈپ باققان ئىدىڭىز؟ 300 مىڭدىن ئارتۇق ئەپلەرنىڭ ئىچىدە ئالدىنقى قاتاردىكى تەۋسىيە قىلىنغان 10 ئەپ زادى قايسى، بىرلىكتە كۆرۈپ ئۆتەيلى.

10-سى : Baby Monitor

بۇنىڭ 10-سى Baby Monitor ئىسىملىك ئەپ بولۇپ، بۇ ئەپنىڭ ئىقتىدارى بولسا بوۋاقنىڭ يىغىسىنى نازارەت قىلىپ چوڭلارغا خەۋەت بېىرىكەن. سىز بۇ ئەپنى قوزغىتىپ iOS ئۈسكۈنىسىنى (مەسىلەن، ئايفوننى) بوۋاقنىڭ ئالدىغا قويۇپ قويۇپ مەيلى ئۆيدە ۋەياكى سىرتتا بولماڭ، بوۋىقىڭىز يىغلىغان ھامان ئۇنىڭ ئاۋازىنى ئاڭلايدىكەنسىز. لېكىن شەرتى، تور مۇھىتى بولىشى كېرەك ئىكەن.

سېتىۋالغۇچىنىڭ بىرى باھا يېزىپ، بۇ بەلكى بوۋاق تەربىيىسىنىڭ كەلگۈسىدىكى ئەينىكى بولسا كېرەك، ھەيران قالارلىقى بوۋىقىم يىغلىغان ھامان مەن ئۇچۇر قوبۇل قىلىۋالدىم، ھەقىقەتەن قالتىس ئىكەن! دەپتۇ.

ئەپ ئىسمى : Baby Monitor

باھاسى : 4.99 $

ياسىغۇچى : JEFF MCMORRIS

تۈرى : قوللىنىشچان

چوڭلۇقى : 2.2 MB

چۈشۈرۈش ئادرىسى :

9-سى : SKTCH for iPad

Sktch ئىسىملىك بۇ ئەپ iPad ئۈچۈن لايىھەلەنگەن بولۇپ، خاسلىققا ئېگە ھەرخىل 2D لىك ۋە 3D لىك رەسىم سىزغىلى بولىدۇ. ئالدىن قوشىۋېتىلگەن 16 خىل ئىقتىدارى ئارقىلىق 2D ۋەياكى 3D لىك ئۈنۈم ھاسىل قىلغىلى، ھەتتا كۆپ نوقتىنى تەڭ بېسىش ئارقىلىق ئۆ‍زگىچە تۈس قوشقىلى بولىدىكەن. رەسساملار ئۈچۈن پەچەت ئەپ بولسا كېرەك.

ئەپ ئىسمى : Sktch

باھاسى : 1.99 $

ياسىغۇچى : Filip Visnjic

تۈرى : فوتو-سۈرەت

چوڭلۇقى : 7.7 MB

چۈشۈرۈش ئادرىسى :

8-سى: Thrutu

بۇ قوللىنىشچان ئەپ بولۇپ، تېلىفون ئۇرىۋاتقان ۋاقىتنىڭ ئۆزىدە رەسىم، تېلىفۇن دەپتىرىدىكى ئۇچۇرلار ۋە ياكى ئورنىمىز قاتارلىقلارنى ئېۋەتكىلى بولىدىكەن. بۇنداق قىلسا نېمە پايدىسى بار دېيىشىڭىز مۇمكىن. لېكىن ئويلاپ باقسىڭىز، چوڭراق بىرەر يىغىلىش ۋە ياكى مەيدان، ياكى بىرەر زالدا بۇ ئەپ ھەقىقى رولىنى كۆرسىتەلەيدۇ. ئىۋەتكەن رەسىم ۋە ئورنى ئارقىلىق سىز ئۇ كىشىنى دەرھاللا تاپالايسىز.

ئەپ ئىسمى : Thrutu

باھاسى : ھەقسىز

ياسىغۇچى : MetaSwitch

تۈرى : قوللىنىشچان

چوڭلۇقى : 2.0 MB

چۈشۈرۈش ئادرىسى :

7-سى: Sid Meier’s Pirates! for iPad

ئىلگىرى ئايفون ئويۇنلىرى ئىچىدە قارشى ئېلىنغان Pirates ئويۇنىنىڭ iPad نۇسقىنى ئاخىرى ئېلان قىلىنىپتۇ. Pirates ئويۇنىدا سىز كاپىتاننىڭ رولىنى ئېلىپ، دېڭىزنى كېزىپ دۈشمەننى ئىزدەيسىز. باشقا پاراخوتتىكىلەر بىلەن ئېتىشىسىز. جەڭدە يېڭىپ fame غا ئېرىشسەك يېڭى جايلارنى ئېگەللىيەلەيدىكەنمىز. بۇ ئويۇن sandbox قا ئوخشاپ كېتىدىغان پەچەت PC ئويۇنلىرىدەك ياخشى ئويۇن بولغاچ iPad نۇسقىسىمۇ بەكلا قارشى ئېلىنغان.

ئەپ ئىسمى : Sid Meier’s Pirates! for iPad

باھاسى : 3.99 $

ياسىغۇچى : 2K Games

تۈرى : ئويۇن

چوڭلۇقى : 436 MB

چۈشۈرۈش ئادرىسى :

6-سى: Biophilia

بۇ قانداقتۇر بىرەر ئەپ بولماستىن، مۇزىكانت Björk نىڭ ناخشا توپلىمى ئىكەن. بۇ مۇزىكا توپلىمى تەبىئەت ۋە پەن-تېخنىكىنىڭ ئادەتتىن تاشقىرى بېرىكىشىنىڭ ھاسىلاتى ئىكەن. Biophilia پەقەت ناخشا توپلىمىلا بولماستىن مۇزىكا ۋە سەنئەت يىتەكچىسى بولالايدىكەن. Biophilia نىڭ ئۆزىدىلا 10 دانە ئەپ بار ئىكەن. ئەپلەرنى ئاچسىڭىز سىمفونىيە Cosmogony نىڭ لەرزان مۇڭى بىلەن سامانيولىنى مەستخۇشلۇق بىلەن ئايلىنىدىكەنسىز. بۇنىڭ شۇنچە كۆپ ئىقتىدار بولغىنى بىلەن ھەقسىز ئىكەن.

ئەپ ئىسمى : Biophilia

باھاسى : ھەقسىز

ياسىغۇچى : Second Wind Ltd Apps

تۈرى : مۇزىكا

چوڭلۇقى : 114 MB

چۈشۈرۈش ئادرىسى :

5-سى : grüvtron

سىز grüvtron ئارقىلىق نۇرغۇن سازلارغا، ئاۋازغا ئېلىش ئۆيىگە ۋە ھەرخىل ئۈنۈم قوشۇدىغان كەسپىي خىزمەت ئۆيىگە ئېگە بولالايسىز. ئىشلىگەن مۇزىكىلارنى iTunes قا يوللىغىلىمۇ بولىدىكەن. بۇ ئەپنىڭ كەسپىيلىكى بىر قەدەر يۇقىرى بولغاچ بىر قاراپلا بىلىۋالغىلى بولمىسا كېرەك. بىر كىشى باھا بېرىپ، بۇ ئەپ KORG نىڭ قاتىلى ئىكەن، دەپتۇدەك.

ئەپ ئىسمى : grüvtron

باھاسى : 4.99 $

ياسىغۇچى : Sound Trends LLC

تۈرى : مۇزىكا

چوڭلۇقى : 104 MB

چۈشۈرۈش ئادرىسى :

4-سى : Moviefone Movies

بۇ ئەپنىڭ چۈشەندۈرىشىدە Flixster نى ئارام ئېلىشقا خىتاب قىپتۇدەك. Moviefone ناملىق بۇ ئەپنىڭ كۆرىنىشى كۆركەم بوپقالماستىن، ھەرقانداق كىنوخۇمارلارنىڭ ياقتۇرىدىغان نەرسىسىنى ئۆزىگە مۇجەسسەملىگەن. ئەڭ يېڭى فىلىملەرنىڭ ئۇچۇرلىرى، تەشۋىق فىلىملىرى، كىنوغا مۇناسىۋەتلىك خەۋەرلەر ۋە سىزنىڭ جۇغراپىيەلىك ئورنىڭىزغا ئاساسەن قويۇلماقچى بولغان ئەڭ يېڭى فىلىملەر … بۇلارنىڭ ھەممىسى Moviefone دا بار ئىكەن.

ئەپ ئىسمى : Moviefone Movies – Movie Theaters, Trailers, Showtimes, and News from Hollywood

باھاسى : ھەقسىز

ياسىغۇچى : AOL, Inc.

تۈرى : كۆڭۈل ئېچىش

چوڭلۇقى : 5.1 MB

چۈشۈرۈش ئادرىسى :

3-سى: EDITION29 STRUCTURES

بۇ ئەپ سىزنى دۇنيادىكى ئىسىل قۇرۇلۇش-ئىمارەت، گۈزەل مەنزىرە ۋە بەدىئىي سۈرەت قاتارلىق يېقملىق فوتو-سۈرەتلەر بىلەن تەمىنلەيدۇ. لېكىن ئايپەد بولىشى كېرەككەن. بۇ ئەپنىڭ 29-نەشىرىدە 100 نەچچە بەتلىك دۇنيادىكى داڭلىق ئىمارەتلەرنىڭ رەسىملىرى باركەنمىش.

ئەپ ئىسمى: EDITION29 STRUCTURES

باھاسى : ھەقسىز

ياسىغۇچى : 29GPS, LLC.

تۈرى : كۆڭۈل ئېچىش، فوتو-سۈرەت

چوڭلۇقى : 1.3 MB

چۈشۈرۈش ئادرىسى :

2-سى: Calvetica Calendar

Calvetica Calendar ناملىق بۇ ئەپ نۆۋەتتىكى ئەڭ ياخشى كالىندار ۋە ئايلىق پىلان تۈزىدىغان ئەپ بولۇپ كېلىۋاتىدۇ. بۇنىڭ ئايپەد نەشىرىمۇ بار ئىكەن. ئايپەد ئۈچۈن Calvetica Calendar بەلكى تولىمۇ چىرايلىق، تولۇق ئىقتىدارلىق كالېندار بولسا كېرەك. بۇ كالېندار ئارقىلىق سىز بىرەر كۈنگە پائالىيەت ئورۇنلاشتۇرالايسىز. ئايلىق پلانلىرىڭىزنى ئورۇنلاشتۇرالايسىز. ۋاقتى كەلگەندە ئاۋازلىق ئەسكەرتىدىكەن. بۇنى دېمىسەممۇ بىلىسىلەرغۇ دەيمەن. ئايفوننىڭ ئۆزىدىكى كالېندارنىڭمۇ مۇشۇنداق ئىقتىدارى بار. 2 دوللار ساتسىمۇ كىشىلەر بەس-بەستە سېتىۋالغانغا قارىغاندا بۇنىڭ چوقۇم سەۋەبى بولسا كېرەك. ئاستىدا يېشىۋەتكەن نۇسقىسىنىڭ ئادرىسىمۇ قالدۇرۇلدى. قاچقۇنلار قاچىلاپ سىناپ كۆرۈڭ.

ئەپ ئىسمى: Calvetica Calendar

باھاسى : 1.99 $

ياسىغۇچى : Mysterious Trousers, LLC

تۈرى : قوللىنىشچان

چوڭلۇقى : 3.4 MB

چۈشۈرۈش ئادرىسى :

يېشىۋەتكەن نۇسقىسىنى چۈشۈرۈڭ:

ئەڭ ئاخىرقىسى، يەنى ئەڭ ياخشى باھا بېرىلگىنى : Google+

+ Google بولسا گوگل شىركىتىنىڭ يېڭىدىن يولغا قو ئىجتىمائى ئالاقە مەھسۇلاتى. ئالاقىدار بۆلۈملەرنى نەچچە ھەپتىلەپ مۇزاكىرە قىلىشى ئارقىلىق بۇ مەھسۇلاتنى App Store دا ئېلان قىلغان. بۇ ئەپ App Store دا قويۇلغان كۈنىلا چۈشۈرۈلۈش تەرتىۋى بويىچە 1- ئورۇنغا ئۆتۈپ كەتكەن. نۆۋەتتە بۇ مەھسۇلات Facebook نىڭ ئەڭ چوڭ رىقابەتچىسى بوپقالىدىكەن. چۈشۈرۈلۈش قېتىم سانى ۋە ئىشلەتكۈچىلەرنىڭ باھاسىغا قارىغاندا Google ھەقىقەتەن ئىسىل مەھسۇلاتتىن بىرنى چىقارغاندەك قىلىدۇ.

تولىمۇ ئەپسۇس، بۇ ئەپ ھازىر سىناق باسقۇچىدا بولغاچقا بىرەر كىشىنىڭ تەكلىپى بولمىسا ئىشلەتكىلى بولمايدىكەن. مەنمۇ قاچىلىدىميۇ ئىشلىتەلمىدىم. ھەقىقى بازارغا سېلىشىغا قاراپ ئولتۇرۇپتۇق. Facebook قا ئوخشاش چەكلەنمىسىلا مەيلىتىغۇ ئىشقىلىپ…

ئەپ ئىسمى: Google +

باھاسى : ھەقسىز

ياسىغۇچى : Google Mobile

تۈرى : قوللىنىشچان، ئىجتىمائى ئالاقە(پاراڭلىشىش)

چوڭلۇقى : 5.3 MB

چۈشۈرۈش ئادرىسى :

كۆڭلىڭىزدىكىنى تاپايمۇ؟

App Store دىكى تۇنجى ئاۋاز ئارقىلىق كونترول قىلىنىدىغان ئويۇن

پاسىبان — Wed, 22 Jun 2011 11:00:35 +0000

ئالدىنقى كۈنى PaPaBong ناملىق ئاۋاز ئارقىلىق كونترول قىلىنىدىغان ئويۇننى تونۇشتۇرغان ئىدىم. بۈگۈنكىسى App Store دىكى مۇشۇ ساھەدە يول ئاچقۇچى، ئەڭ دەسلەپ ياسالغان ئاۋاز ئارقىلىق كونترول قىلىنىدىغان ئويۇن.

ئويۇندا باشتىن ئاخىر ئاۋاز ئارقىلىقلا كونترول قىلىشقا بولىدۇ. باشلانغاندىمۇ يۇقىرى ئاۋازدا «پا!» دېمىسىڭىز باشلانمايدۇ. يەنە كېلىپ 3 قېتىم دېيىش كېرەك.

ئويۇننىڭ ئىسمىدىكى AHHHHHHH دېگەننى كۆردىڭىزغۇ دەيمەن. ئويۇندا پەقەت PAH دېيىشلا كۇپايە قىلمايدۇ. «ئـــــــــــــــــــــــــــــــــــــــــــــــــــاھ» دېيىش ئارقىلىق ئايرۇپىلاننىڭ يۇقىرى تۆۋەنلىكىنى تەڭشىسەك «پاھ!» دېيىش ئارقىلىق ئوق چىقىرىمىز. ئالدىمىزدىكى تاشنى مۇشۇ ئۇسۇل ئارقىلىق يوقىتىپ ماڭىمىز

قىزىقمىكەن؟ ئوينىغاندا تولىمۇ قىززىق تۇيۇلىدۇ. ئاۋال بۇ ئويۇننىڭ سىنىنى بىر كۆرۈپ ئۆتەيلى

بۇ ئويۇننى خەنلەر بۇ شەكىلدىمۇ ئويناپ بېقىپتۇ. كۆرۈپ باقايلى.

App Store دىن چۈشۈرۈش ئادرىسى :

قۇربىتىڭىز يەتسە ھەقلىق نۇسقىسىنى سېتىۋالغايسىز. ئەگەر چوقۇم يېشىۋەتكەن نۇسقىسى لازىم بولسا ئۇچاغدا تۆۋەندىكى ئادرىستىن چۈشۈرىۋالسىڭىزمۇ بولىدۇ.

115 تور بوشلۇقىدىن چۈشۈرۈڭ:

DBank تور بوشلۇقىدىن چۈشۈرۈڭ:

كۆڭلىڭىزدىكىنى تاپايمۇ؟

تەۋسىيە: ئاۋاز بىلەن كونترول قىلىنىدىغان ئويۇن

پاسىبان — Mon, 20 Jun 2011 12:19:45 +0000

Pah دەيدىغان ئويۇن ئېلان قىلىنغاندىن بۇيان كۆپ قىسىم كىشىلەرنىڭ قىزغىن ئالقىشىغا ئېرىشتى. ئويۇننى ئاۋاز ئارقىلىق كونترول قىلىپ ئويناش بىزگە كۆپ يېڭىلىق ئىدى. Pah بۇ ئېرىقنى ئېچىپ بەرگەندىن بۇيان خېلى كۆپ قىسىم پروگراممىرلار بۇ يېڭىلىق ئۈستىدە ئىزدەنگەن ئىكەن. بۈگۈنكى تونۇشتۇرماقچى بولغان Pa Pa Bong مۇ دەل مۇشۇنىڭ مەھسۇلى!

بۇ ئويۇننى تىترەتكۈزۈش ۋە ئاۋاز ئارقىلىق كونترول قىلىشقا بولىدۇ. بۇنىڭ مىسالى، ئايفوننى ئۈستەلگە قويۇپ قويۇپ، ئايفوننىڭ ئىككى تەرىپىگە خالىغان بىرەر نەرسە بىلەن ئۈستەلگە ئۇرۇش ئارقىلىق ئوينىغىلى بولىدۇ.

قۇرۇق گەپنىڭ پايدىسى يوق. تۆۋەندىكى سىننى كۆرۈپ باقايلى:

سىننى كۆردۇق. بۇ ئويۇننى ئويناشنىڭ ھەرخىل ئۇسۇللىرى بار ئىكەن. بۇنىڭ App Store دىكى باھاسى 0.99 دوللار ئىكەن. بۇ ئويۇن باھاسىغا ئەرزىمدۇ يوق؟

App Store دىن چۈشۈرۈش ئادرىسى :

قۇربىتىڭىز يەتسە ھەقلىق نۇسقىسىنى سېتىۋالغايسىز. ئەگەر چوقۇم يېشىۋەتكەن نۇسقىسى لازىم بولسا ئۇچاغدا بىر ئاز ساقلىشىمىز كېرەك ئوخشايدۇ. بۇنىڭ ھازىرچە يېشىۋەتكەن نۇسقىسى يوق ئىكەن. ئىزدەپ تاپقاندىن كىيىن ئىنشا ئاللاھ مۇشۇ تېمىنىڭ ئاستىغا يوللاپ قويىمەن.

كۆڭلىڭىزدىكىنى تاپايمۇ؟

بۇ يازمىلارغىمۇ ئىشتاھايىڭىز بولىشى مۇمكىن
ھېيتلىق لازىممۇ؟! مانا ئەمىسە!	تەۋسىيە : ئاجايىپ – غارايىپ ئەپ (5) Remix your life	App Store دىكى ئۇيغۇرچە ئەپلەر توپلىمى	تەۋسىيە: ئاجايىپ ئېسىل ئەپ – Orient	تەۋسىيە: بالىلارنىڭ زېھنىنى ئاچىدىغان ئېسىل ئەپ
无觅

بۇ يازمىلارغىمۇ ئىشتاھايىڭىز بولىشى مۇمكىن
App Store دىكى ئۇيغۇرچە ئەپلەر توپلىمى	قورقۇنۇشلۇق ئەپ Demon Cam	ھېيتلىق لازىممۇ؟! مانا ئەمىسە!	iPhone 4S ئېلان قىلىش يىغىنىنىڭ خەنچە چۈشەندۈرىلىشى	تەۋسىيە: بالىلارنىڭ زېھنىنى ئاچىدىغان ئېسىل ئەپ
无觅

بۇ يازمىلارغىمۇ ئىشتاھايىڭىز بولىشى مۇمكىن
ھېيتلىق لازىممۇ؟! مانا ئەمىسە!	App Store دىكى ئۇيغۇرچە ئەپلەر توپلىمى	تەۋسىيە : ئاجايىپ – غارايىپ ئەپ (5) Remix your life	دورامچۇق ئىت-مۈشۈكلەرنىڭ جېڭى يەنە باشلىنىپتۇدەك	ئۇنىۋېرسال قويغۇچ بۈگۈن ھەقسىز! بازار چاققاننىڭ!
无觅

بۇ يازمىلارغىمۇ ئىشتاھايىڭىز بولىشى مۇمكىن
ھېيتلىق لازىممۇ؟! مانا ئەمىسە!	App Store دىكى ئۇيغۇرچە ئەپلەر توپلىمى	تەۋسىيە : ئاجايىپ – غارايىپ ئەپ (5) Remix your life	تەۋسىيە: بالىلارنىڭ زېھنىنى ئاچىدىغان ئېسىل ئەپ	سىرىنى iPhone 4 كە سۆرەپ ئەكىرەيلىمۇ؟
无觅

بۇ يازمىلارغىمۇ ئىشتاھايىڭىز بولىشى مۇمكىن
تەۋسىيە: بالىلارنىڭ زېھنىنى ئاچىدىغان ئېسىل ئەپ	تەۋسىيە : ئاجايىپ – غارايىپ ئەپ (5) Remix your life	ھېيتلىق لازىممۇ؟! مانا ئەمىسە!	دورامچۇق ئىت-مۈشۈكلەرنىڭ جېڭى يەنە باشلىنىپتۇدەك	iPod touch 4 VS iPhone 4
无觅

بۇ يازمىلارغىمۇ ئىشتاھايىڭىز بولىشى مۇمكىن
ئۇلۇغ قۇربان ھېيتىڭلارغا مۇبارەك بولسۇن!	دۆلىتىمىز ئىشلىگەن قىسقا فىلىم ئالما دەۋرى	تەۋسىيە: رېتىنا ئىكرانغا ماس سۈزۈك ئويۇن – Van Pershing	سىرىنى iPhone 4 كە سۆرەپ ئەكىرەيلىمۇ؟	BMW X6 نىڭ Hybrid نۇسقىسىنى ياساش بېكار قىلىندى
无觅