پاسىبان كۇلۇبى » تۈرمىدىن قاچۇرۇش

iOS 5 نى نامۇكەممەلمۇ ئەمەس، مۇكەممەلمۇ ئەمەس، ئىشقىلىپ بىر نېمە قىلىش

پاسىبان — Tue, 01 Nov 2011 12:17:00 +0000

iPhone نىڭ تۈرلىرى ئاۋۇغانسىرى، تۈرمىدىن قېچىشنىڭ ئۇسۇلىمۇ ھەرخىل بولۇپ كېتىۋاتىدۇ. تامدىن ئارتىلىپ قېچىش، يەرنى كولاپ قېچىش، تامنى چېقىپ قېچىش، گۇندىپاينى جايلاپ قېچىش، دوختۇرنى كەلتۈرۈپ قېچىش … شۇنىڭغا ئوخشاش بىر ئىككى كۈندىن بۇيان «يېرىم مۇكەممەل تۈرمىدىن قېچىش» دەپ بىر نېمە چىقىپتۇ دەيدۇ …

ئالدىنقى يازمىلاردا ئېيتقاندەك، نامۇكەممەل تۈرمىدىن قاچقاندا ئەڭ چوڭ كەمچىللىكى بىرەر قورالنىڭ ۋاستىسى ئارقىلىق قايتا قوزغىلىش ئەمەلگە ئاشىدۇ. ئۆزلىكىدىن قايتا قوزغىلالمايدۇ. Cydia ئاتامانى Saurik مۇشۇ مەسىلىنى ھەل قىلدى دەيدۇ. مۇنداقكەن.

بۇ ئۇسۇل iPad 2 ۋە iPhone 4S كە ماس كەلمەيدىكەن. ئاۋال iOS 5 نى نامۇكەممەل تۈرمىدىن قاچۇرىمىز. (بۇ يازمىغا قاراڭ) ئاندىن Cydia غا بۇ مەنبەنى قوشىمىز. (مەنبە قوشۇشنى بىلمىسىڭىز بۇ يازمىدىن ئۆگىنىڭ)

http://thebigboss.org/semitether

ئاندىن SemiTether دەپ ئىزدەپ تېپىپ قاچىلىۋېتىڭ. نامۇكەممەل تۈرمىدىن قاچقان iDevice ئەمدى يۇمشاق دېتالنىڭ ياردىمىسىز ئۆزى قايتا قوزغىلالايدۇ. بۇ ئۇنىڭ ئارتۇقچىلىقى بولسا، ئۇچۇر يوللاش، قوبۇل قىلىش، تېلىفون ئۇرۇش دېگەندەك مەشغۇلاتلاردىن نورمال بولغاندىن سىرت كەمچىللىكى تۆۋەندىكىدەك بىرقانچە خىل ئىكەن.

ئېلخەت Mail نورمال ئىشلىمەسلىكى مۇمكىن؛
Safari نورمال ئىشلىمەسلىكى مۇمكىن؛
Cydia نورمال ئىشلىمەسلىكى مۇمكىن؛
تۈرمىدىن قاچۇرسا ئاندىن نورمال ئىشلەيدىغان ئەپلەر نورمال ئىشلىمەسلىكى مۇمكىن.

يۇقارقى خاتالىقلارنى redsn0w ئارقىلىق قايتا قوزغىتىۋەتسەك نورمال ئىشلەيدىكەن. بۇنىڭدىن ئەنسىرىمىسەكمۇ بولىدىغاندەك تۇرىدۇ.

بۈگۈن Saurik مۇشۇ خاتالىقلارنىڭ بەزىلىرىنى تۈزەپتۇدەك. ھازىرقى نەشىرى 0.9.1 بولۇپ، بۇ نەشىردە Mobile Substrate نىڭ ياردىمى بىلەن مۇقىملىقى ئېشىپتۇدەك.

Mobile Substrate دېگەن Cydia ئاتىسى Saurik نىڭ قولى بىلەن پۈتكەن، تۈرمىدىن قاچقاندا ئاندىن نورمال ئىشلەيدىغان نۇرغۇن نەرسىلەرنىڭ ئېھتىياجى چۈشىدىغان، ئادەتتە Cydia دا SBSettings, Winterboard دېگەندەك ئەپلەرنى قاچىلىغاندا بىللە قاچىلىنىدىغان، مۇنداقچە ئېيتقاندا شۇلارنىڭ نورمال يۈرۈشىشىگە چوڭ پايدىسى تېگىدىغان ياردەمچى سۇپا. بۇنى قاچىلىمىغان بولسىڭىز ئىزدەپ قاچىلىۋەتسىڭىزلا ئىش تامام.

SemiTether نىڭ يېڭى نەشىرىدىمۇ مۇشۇ ئوقەتنىڭ ياردىمىگە مۇھتاج بولىدىكەن. مۇشۇ سەۋەبلىك يۇقارقى بەزى كەمچىللىكلەرنى تۈزەتكەن ئوخشايدۇ. يېڭى نۇسقىسىدا سافارىنى نورمال ئىشلەتكىلى بولارمىش. ئۇلار ھازىر مۇشۇ جەھەتتە كۈچەپ، كىيىنكى نەشىرىدە ئىقتىدارىنى تېخىمۇ مۇكەممەللەشتۈرۈپ، نامۇكەممەلنى مۇكەممەل تۈرمىدىن قاچۇرۇشقا ئايلاندۇرۇش ئۈچۈن تىرىشىۋېتىپتۇ. مۇشۇ خىل ئۇسۇل 5.0 نىڭ مۇكەممەل تۈرمىدىن قاچۇرۇش ئۇسۇلى بوپقالامدۇ يوق، بىلمىدۇق…

كۆڭلىڭىزدىكىنى تاپايمۇ؟

سىرىنى iPhone 4 كە سۆرەپ ئەكىرەيلىمۇ؟

پاسىبان — Mon, 31 Oct 2011 14:32:13 +0000

ئىككى كۈندىن بۇيان iOS 5 نىڭ مۇكەممەل تۈرمىدىن قاچۇرۇش ئۇسۇلى چىقمىسىمۇ تونۇشتۇرۇپ يۈرگىنىم ئەسلى مۇشۇ سەۋەبتىن ئىدى. مەقسەتكە كەلسەك، سىرى iPhone 4S نىڭ پاتېنتى ئەمەس. تۈرمىدىن قاچۇرساقلا، iPhone 4 كىمۇ ئەكىرىش مۇمكىن. ئەلۋەتتە، ھازىرچە نامۇكەممەل تۈرمىدىن قاچۇرغانلار ئۈچۈنمۇ بولىۋېرىدۇ.

دىققەت: تۆۋەندىكى مەشغۇلاتلار سېستىمىنىڭ نېگىزىنى ئۆزگەرتىدىغان بولغاچقا سېستىمىغا بۇزغۇنچىلىق قىلىشى مۇمكىن. ئاۋال يازمىنى تولۇق بىر ئوقۇپ چىقىڭ، ئاندىن چاتاچ چىقسا ئۆزۈم ئېگە دىيەلىگەندە ئاندىن مەشغۇلات قىلىڭ. iPhone بۇزۇلسا كارىم يوق!

يۇقارقى سۈرەتتىكىسى خاككېرلارنىڭ iPhone 4 تىكى سىرىنىڭ ئالمىنىڭ مۇلازىمېتىرىگە مۇۋاپپىقىيەتلىك ئۇلىغانلىقى توغرىسىدىكى سۆزى. بۇنداق ئېيتىلىشىدە، دەسلەپتە سىرىنى iPhone 4 كە مۇۋاپپىقىيەتلىك قاچىلىغان. لېكىن، ئالمىنىڭ مۇلازىمېتىرىدىن ھېچقانداق ئۇچۇر ئوقۇپ ئالالمىغان. بۇنداق بولغىنىدا سىرىنىڭ ھېچ ئەھمىيىتى بولماس ئىدى. ئەجەبا بىز iPhone 4 نى 4S قىلىپ كۆرسىتىشكە ئىشلىتەرمىدۇق؟

خاككىرلارنىڭ جاپا چېكىشى بىلەن 4 تىكى سىرىنى ئالمىغا ئۇلاپ مىۋە بېرىشكە باشلاپ قويغانمۇ ئوخشايدۇ. بۇنىڭ ئۇسۇلى مۇنداقكەن.

ئاۋال بىزدە نامۇكەممەل بولسىمۇ، تۈرمىدىن قاچقان iPhone 4 ياكى iPod touch 4 بولىشى كېرەككەن. (iOS 5 نى نامۇكەممەل تۈرمىدىن قاچۇرۇش ئۇسۇلى بۇ يازمىدا بار) ئاندىن كومپىيۇتېرىمىزدا iFunbox ياكى iTools تەك زىيارەتچى بولىشى كېرەككەن. iPhone غا Cydia دىن iFile دېگەن بۇ دېتالنى قاچىلاش لازىمكەن. بۇلار تەق بولغاندىن كىيىن سىرىنى بۇ جايدىن چۈشۈرۈپ كومپىيۇتېرنىڭ بىز بىلىدىغان جايىغا ساقلاپ قويۇپ قويىدىكەنمىز.

سىرى ھۆججىتىنى چۈشۈرۈڭ.

چۈشۈرگەن ھۆججەتنى يېشىڭ. ئىچىدە iFunbox مۇ بار. بۇ خۇددى iTools نىڭ iPhone ئىچىدىكى ھۆججەتلەرنى زىيارەت قىلىدىغان ئىقتىدارىغا ئوخشايدىغان بىر قورال. مۇشۇ ئارقىلىق كۆچۈرسەكمۇ بولىدۇ. بۇنىڭ ئىچىدىكى AssistantServices.framework ئىسىملىك مۇندەرىجىنى iPhone ئىچىدىكى بۇ مۇندەرىجىگە كۆچۈرۈڭ:

/System/Library/PrivateFrameworks/

SpringBoard_Assistant_pics دېگەن مۇندەرىجىنىڭ ئىچىدىكى ھۆججەتلەرنى (دىققەت: بۇ مۇندەرىجىنى ئەمەس، ئىچىدىكى ھۆججەتلەرنى) تۆۋەندىكى ئادرىسقا كۆچۈرۈڭ:

/system/library/coreservice/springboard.app

ئاندىن /system/library/coreservice/springboard.app نى تېپىپ، iPhone 4 ئابونتلىرى N90AP.plist ھۆججىتىنى، iPod touch ئابونتلىرى N81AP.plist ھۆججىتىنى تېپىڭ. iPhone دىكى iFile ئارقىلىق بۇ ھۆججەتنى تەھرىرلىيەلەيسىز. تۆۋەندىكىدەك ئۆزگەرتىپ ساقلاڭ.

ئەمەلىيەتتە چۈشۈرۈشكە تەمىنلىگەن rar ھۆججىتىدە ئۆزگەرتىپ بولغان N90AP.plist ھۆججىتى بار. Restart SpringBoard يەنى 注销 قىلىپ، قوزغالغاندا قايتىش كونۇپكىسىنى بېسىپ تۇرۇڭ. سىرى قوزغالغاندۇ؟ مۇبارەك بولسۇن. ئەمدى 4S ئالمايمۇ سىرىدىن ھوزۇرلانغاچ تۇرسىڭىز بولىدۇ.

دىققەت قىلىشقا تېگىشلىك ئىشلار

ھۆججەت ئالماشتۇرۇشتىن بۇرۇن ئەڭ ياخشىسى ئەسلى ھۆججەتنى زاپاسلاپ قويۇڭ. چاتاق چىقىپ قالسا ئەسلىگە كەلتۈرۈپ ئوڭشىغىلى بولىدۇ.
SpringBoard_Assistant_pics مۇندەرىجىسىنىڭ ئىچىدىكى ھۆججەتلەرنى كۆچۈرىمىز، مۇندەرىجىنى ئەمەس.
سېستىما ھۆججەتلىرىنى ئالماشتۇرۇش سېستىمىغا ئېغىر زىيان سېلىشى مۇمكىن. ئېھتىيات قىلىڭ. بىرەر مەسىلە كۆرۈلگىدەك بولسا ئۈلگۈرسىڭىز زاپاسلىۋالغان ھۆججەتلەرنى قايتۇرۇڭ، كىيىن قوشقان ھۆججەتلەرنى كاللىڭىزنى يىغىپ تۇرۇپ ئۆچۈرىۋېتىڭ.

iPhone 4 كە سىرىنى مۇۋاپپىقىيەتلىك قاچىلاپ سىناق قىلغان كۆرۈنۈش

iPhone 4 كە سىرىنى كۆچۈرۈپ ئەكەلگەن پروگراممېر ستىۋىننىڭ iPhone 4 تىكى سىرىنى سىناق قىلغان كۆرۈنىشىنى كۆرۈپ چىقايلى

كۆڭلىڭىزدىكىنى تاپايمۇ؟

iOS 5 نى نامۇكەممەل تۈرمىدىن قاچۇرۇش

پاسىبان — Mon, 31 Oct 2011 04:44:16 +0000

ئالدىنقى يازمىمىزدا iOS 5 نى تۈرمىدىن قاچۇرۇشقا تەييارلىقنى سۆزلەپ ئۆتتۇق. ھازىرچە بۇنىڭ مۇكەممەل تۈرمىدىن قاچۇرۇش ئۇسۇلى چىقمىغان بولسىمۇ، ئەپقاچتى گەپلەرگە قارىغاندا پات ئارىدا ئېلان قىلىدىغاندەك تۇرىدۇ. نامۇكەممەل تۈرمىدىن قاچۇرۇشنى مەن ئەزەلدىن تونۇشتۇرمايتتىم. لېكىن بۇ قېتىم تونۇشتۇرۇشىمدا ئازراق سەۋەب بار.

نامۇكەممەل تۈرمىدىن قاچۇرۇش دېتالى يەنىلا Redsn0w0.9.9b6 . بۇنى تۆۋەندىكى ئۇلانمىدىن چۈشۈرىۋېلىڭ.

b6 نۇسقىسى b4 نۇسقىسىدىكى بەزى BUG لارنى ئوڭشىغان بولۇپ، iOS 5 نى يەنىلا نامۇكەممەل قاچۇرالايدۇ. نامۇكەممەل تۈرمىدىن قاچۇرۇش دېگەن، سېستىمىغا بەلگىلىك زىيىنى بولۇش ئېھتىمالى بولغان (سېستىمىنىڭ ئۆزىدە بار بولغان بەزى ئىقتىدارلار ئىشلىمەسلىكى، نورمال يۈرۈشمەسلىكى، بەزى ئىقتىدارلىرى يوقاپ كېتىشى دېگەندەك ئېھتىماللىقلار بار)، ئەڭ چوڭ پەرقى قايتا قوزغاتقاندا مۇشۇنىڭدەك دېتاللار ئارقىلىق قوزغىتىش لازىم بولىدىغان تۈرمىدىن قاچۇرۇش، دېگەنلىك. شۇڭا بۇنى ئادەتتە مەن چۈشەندۈرۈپ كېتىشكە ئالدىرىمايتتىم.

لېكىن نەچچە كۈن ئىلگىرى iPhone 4S نىڭ پاتېنتى بولغان Siri نى خاككىرلار مۇۋاپپىقىيەتلىك ھالدا iPhone 4 تە ئالما مۇلازىمېتىرىغا ئۇلاپتۇدەك. شۇنىڭ بىلەن سىرىمۇ iPhone 4 كە كۆچۈپ كەپتۇ. بۇنىڭ ئۈچۈن تۈرمىدىن قاچۇرۇش شەرت بولىدىكەن. شۇڭا نامۇكەممەل بولسىمۇ، سىناشقا ئالدىراپ كەتكەنلەر تەمىنى تېتىغاچ تۇرامدىكىن دەپ بۇنى چۈشەندۈرۈپ يېزىپ ئولتۇرۇپتىمەن.

جاۋابكارلىق باياناتى

تۈرمىدىن قاچۇرۇش – خەتىرى بار مەشغۇلات. بۇ مەشغۇلاتتا سىزنىڭ ئۈسكۈنىڭىز ئىچىدىكى بارلىق ئۇچۇرلار ئۆچۈپ كېتىشى، مۇناسىۋەتلىك ماتىرىياللىرىڭىز يوقاپ كېتىشى مۇمكىن. بۇ باسقۇچنى بېسىشتىن بۇرۇن ئۇچۇرلىرىڭىزنى زاپاسلىۋېلىڭ. ئەگەر بىخەستەلىك قىلىپ ياكى باشقا ھەرقانداق بىر سەۋەب بىلەن ئۇچۇرلىرىڭىز يوقاپ كەتسە ياكى تېلىفونىڭىز سېستىمىسى بۇزغۇنچىلىققا ئۇچرىسا بىز ھېچقانداق مەسئۇلىيەتنى ئۈستىمىزگە ئالمايمىز. مۇشۇ ئاقىۋەتلەرگە ئۆزىڭىز ئېگە بولالىسىڭىز داۋامىنى ئوقۇڭ. ئەگەر ساغلام، قائىدە-يوسۇنى بىلەن ئىشلىتىمەن دېسىڭىز بۇنى بىز تولىمۇ قوللايمىز. تۈرمىدىن قاچۇرمايلا ئىشلىتىڭ.

يېشىشنى باشلىدۇق ئەمىسە

ئاۋال يېشىش دېتالى (تۈرمىدىن قاچۇرۇش دېتالى) نى چۈشۈرۈپ، SHSH نى زاپاسلاپ قويۇڭ. (بۇ يازمىدا تەپسىلاتى بار)

يېشىش دېتالى بار مۇندەرىجىگە iOS 5 نىڭ سېستىما بولىقىنى قويۇپ قويۇڭ. (بۇ يازمىدىن ئۆزىڭىزگە ماس كېلىدىغاننى تاللىۋېلىڭ)

ئەسكەرتىش: ئەگەر سىز iOS 5 نى قاچىلاپ بولغان بولسىڭىز قايتىدىن چۈشۈرۈشىڭىزنى ھاجىتى يوق.

iTunes 10.5 نى قاچىلىغان بولىشىڭىز كېرەك. تېخىچە تۆەن نەشىردىكى iTunes نى ئىشلىتىۋاتقان بولسىڭىز بۇ يازمىغا بېرىپ iTunes 10.5 غا يېڭىلىۋېلىڭ.

ئەگەر Win7 ئابونتلىرى بولسا تۆۋەندىكىدەك تەڭشەك ئېلىپ بېرىشقا توغرا كېلىشى مۇمكىن. RedSn0w.exe نىڭ 属性 دىن 兼容性 نى ئېچىپ تۆۋەندىكىدەك تەڭشەپ قويىمىز.

رەسىمدىكىسى b1 نۇسقىسى. چۈشۈرۈشكە تەمىنلەنگىنى بولسا b6 نۇسقىسى. ئەڭ يېڭى نەشىرىنىڭ چۈشۈرۈش ئادرېسىنى قالدۇرۇپ قويدۇم. يېڭى نەشىرىدىمۇ بۇ مەشغۇلاتلار ئوخشاش. بۇنىڭدىن ئۈستىدىكى تۈرمىدىن قاچۇرۇش «Jailbreak» دېگەن جاينى تاللايمىز.

باسقاندىن كىيىن بۇ كۆزنەككە ئۆزگىرىدۇ

بۇ چاغدا iPhone ياكى iPad كومپىيۇتېرغا ئۇلانغان، ئۆچۈرۈلگەن ھالەتتە بولىشى كېرەك. بۇنىڭ ئۈچۈن iPhone ياكى iPad كومپىيۇتېرغا ئۇلانغان ھالەتتە ئۈستىدىكى ئۆچۈرۈش كونۇپكىسىنى 5 سېكونت بېسىپ تۇرۇپ، ئىستىرىلكا چىققاندىن كىيىن يانغا سۈرۈپ ئۆچۈرسەك بولىدۇ.

ئاندىن ئالدىنقى يازمىدا ئېيتقاندەكلا DFU ھالىتىگە كىرىمىز. بۇنىڭ ئۇسۇلى مۇنداق:

ئۆچۈرۈش كونۇپكىسىنى 2 سېكونت باسىمىز؛ 2 سېكونتتىن كىيىن ئۆچۈرۈش كونۇپكىسىنى قويۇۋەتمەي قايتىش كونۇپكىسى (ئاستىدىكى يۇمىلاق كونۇپكا) نى بىللە باسىمىز. 10 سېكونتتىن كىيىن ئۆچۈرۈش كونۇپكىسىنى قويىۋېتىمىز، قايتىش كونۇپكىسىنى داۋاملىق باسىمىز. بۇ قېتىم قايتىش كونۇپكىسىنى 15 سېكونت باسىمىز.

ئەگەر ئوڭۇشلۇق ھالدا DFU غا كىرسىڭىز يېشىش قورالى ئاپتۇماتىك تاپىدۇ. ئەگەر ئوڭۇشلۇق بولمىسا قايتىدىن قىلسىڭىز بولىدۇ. ئوڭۇشلۇق بولغاندىن كىيىن ئۈسكۈنە قايتا قوزغىلىدۇ.

قايتا قوزغىلىش جەريانىدا سېستىما نېگىزىغا مۇناسىۋەتلىك كودلارنى يازىدۇ.

كىيىنكى باسقۇچتا بۇ تاللاشلار ئارىسىدىن Cydia نى قاچىلاش دېگەن تۈرنى تاللايمىز.

next نى باسقاندىن كىيىن، كىيىنكى باسقۇچتا iPhone غا سېستىمىنى يۈكلەشكە باشلايدۇ.

بۇ مەشغۇلات ئاياغلاشقاندا تۆۋەندىكىدەك كۆزنەك كۆرىنىدۇ. سېستىما قايتا قوزغالغاندا ئېكرانغا Cydia نىڭ بەلگىسى قوشىلىدۇ.

نامۇكەممەل تۈرمىدىن قاچۇرۇش تامام. ئۇتۇقلۇق بولغاندىن كىيىن يېشىش قورالى redsn0w ئايفونىڭىزنى قوزغىتىپ بېرىدۇ. چۈنكى بۇ نامۇكەممەل تۈرمىدىن قاچۇرۇش. ئۆزى قوزغىلالماسلىقى مۇمكىن.

بۇ قورال ئارقىلىق قايتا قوزغىتىش ئۇسۇلى

بۇنىڭدىن Extras نى باسىمىز

تاللاش تۈرى ئىچىدىكى Just boot نى تاللايمىز

بۇ جاي مەخسۇس قايتا قوزغىتىشقا ياردەم بېرىدىغان ئورۇن. قايتا قوزغىتىش لازىم بولسا مۇشۇ يەردىن قوزغىتىپ ئىشلەتسىڭىز بولىدۇ.

بەزى كىچىك مەسىلىلەرنى ھەل قىلىش

1. Cydia نىڭ رەسىمى ئاق بولۇپ قالسا :

ھەل قىلىش چارىسى: ئۈستىدىكى Just boot ئارقىلىق قايتا بىر قوزغىتىپ سىناپ كۆرۈڭ.

ئەگەر بۇنىڭدىمۇ ئوڭشالمىسا 4 – ئۇسۇل ئارقىلىق بىر قېتىم مەشغۇلات قىلىۋېتىپ ئاندىن يۇقارقى ئۇسۇلنى قوللىنىپ سىناپ كۆرۈڭ.

2. Cydia دىن بىر نەرسە ئىزىدىگۈچە چېكىنىپ چىقىپ كەتسە:

ھەل قىلىش چارىسى: خەنزۇچە كىرگۈزۈش تاختىسىنى تاقىۋېتىش ياكى ئېنگىلىزچىغا ئالماشتۇرىۋېلىش.

3. Cydia دىن بىر نەرسە ئىزدەپ تاپالماسلىق:

ھەل قىلىش چارىسى: بۇ يازمىدىكى ئۇسۇل بويىچە قايتىدىن تۈرمىدىن قاچۇرۇش.

4. Cydia ئىچىدە ھەرقايسى مەشغۇلاتلارنى قىلالماسلىق:

Openssh ۋە apt نى ئىزدەپ تېپىپ قاچىلاش. SSH ئارقىلىق bash بۇيرۇقىنى ئىجرا قىلىش.

ھازىرغىچە Cydia دىكى iOS 5 بىلەن سىغىشىدىغان دېتاللار

3G Unrestrictor

Dreamboard

Direct Closer Pro

FolderLock

DeleteMail

Five Icon Dock

PrefrenceLoader

Manual Correct

Fake Operator

afcadd

openssh

opensl

[PIRACY]

Fastr

EZdecline

Cyntact

ChatPic

App Switcher Rotator

App Switcher Brightness

barrel

fake clock

backgrounder

Winterboard (بەزىلەر SafeMode غا كىرىپ قالىدۇ دەپ ئىنكاس قىلغان، بەزىلەردە نورمال)

Firewall iP

FolderCloser

PictureMe

iFile

CyDelete

OpenSSH

iSHsh*t

TetherMe

Grooveshark

MarkThatMessage

Unlimtones

NoSpot

Lockdown Pro

iconmaker

Barrel

Anyring

Pandora skip hack

Cyntact

سىغىشمايدىغانلىقى ئىنكاس قىلىنغانلار

gridlock

SBSettings

Safari Download Manager

LiveClock

Covert

SwitcherMod

FBphotoSave

FBUploader

FolderEnhancer

PkgBackup

Infinifolders

AlertArtist

n64iphone

Iconoclasm

Colorkeyboard

Iphonedelivery

Dreamstore

Theme it

Mewseek pro

SB2Cloud

BiteSMS

Netflix

كىيىنكى يازمىدا iPhone 4 كە Siri نى قانداق ئېلىپ كىرىشنى تونۇشتۇرىمەن، ئىنشا ئاللاھ!

كۆڭلىڭىزدىكىنى تاپايمۇ؟

iOS 5 نى تۈرمىدىن قاچۇرۇشقا تەييارلىق – SHSH نى زاپاسلاش

پاسىبان — Sun, 30 Oct 2011 08:41:12 +0000

iPhone Dev Team نى iPhone ئىشلىتىپ كېلىۋاتقانلار بىلىمىز، تۈرمىدىن قاچۇرۇشتا چوڭ تۆھپە قوشۇۋاتقان خاككىرلار گورۇپپىسى. ئۇلارنىڭ ئەڭ يېڭى نەشىردىكى RedSn0w 0.9.9b6 نى iOS 5 ئېلان قىلىنغاندىن كىيىن تارقىتىشتى. بۇ نەشىردىكى يېڭى ئىقتىدار بولسا SHSH نى زاپاسلىيالايدۇ.

نېمە ئۈچۈن TinyUmbrella ئارقىلىق زاپاسلىماي بۇنىڭ بىلەن زاپاسلايمىز دېيىشىڭلار مۇمكىن. بۇندىن كىيىن قاچىلاش بولىقىنى Rendsn0w ئاپتۇماتىك تاللايدىكەن. SHSH نى زاپاسلىۋالغاندىن كىيىن، تۈرمىدىن قاچۇرغاندا بىۋاستە Cydia ياكى ئالمىنىڭ مۇلازىمىتىرىدىن ئوقۇپ ئالىدىكەن. يەنى، Rendsn0w ئۆزىدە SHSH نى زاپاسلاش ۋە ئوقۇش ئىقتىدارىنى مۇجەسسەملىگەن. تۈرمىدىن قاچۇرۇشقا تېخىمۇ قولايلىق ياراتقان.

تۆۋەندە بىز بۇ ئوقەت ئارقىلىق SHSH نى زاپاسلاشنى بىر-بىرلەپ كۆرۈپ چىقايلى. ئاۋال تۆۋەندىكى ئۇلانمىدىن RedSn0w 0.9.9b6 نى چۈشۈرۈڭ.

چۈشۈرۈپ ئۆزىمىز بىلىدىغان بىر مۇندەرىجىگە يېشىمىز. ئەگەر Win7 ئابونتلىرى بولسا تۆۋەندىكىدەك تەڭشەك ئېلىپ بېرىشقا توغرا كېلىشى مۇمكىن. RedSn0w.exe نىڭ 属性 دىن 兼容性 نى ئېچىپ تۆۋەندىكىدەك تەڭشەپ قويىمىز.

رەسىمدىكىسى b1 نۇسقىسى. چۈشۈرۈشكە تەمىنلەنگىنى بولسا b6 نۇسقىسى. ئەڭ يېڭى نەشىرىنىڭ چۈشۈرۈش ئادرېسىنى قالدۇرۇپ قويدۇم. يېڭى نەشىرىدىمۇ بۇ مەشغۇلاتلار ئوخشاش.

بۇنىڭدىن ئاستىدىكى باشقا دېگەن جاينى «Extras» تاللايمىز.

بۇنىڭدىن SHSH blobs نى تاللاپ زاپاسلاش ئىقتىدارى ئىچىگە كىرىمىز.

بۇلارنىڭ ئىچىدىكى Fetch نى باسساق، iPhone ياكى iPad ىمىزنىڭ SHSH سىنى ئوقۇپ ئېلىپ Cydia مۇلازىمېتىرىغا يوللايدۇ. دىققەت قىلىشقا تېگىشلىكى شۇكى، iPhone ياكى iPad تاقالغان ھالەتتە كومپىيۇتېرغا ئۇلانغان بولىشى كېرەك. بۇنىڭ ئۈچۈن كومپىيۇتېرغا ئۇلانغان ھالەتتە ئۈستىدىكى ئۆچۈرۈش كونۇپكىسىنى 5 سېكونت بېسىپ تۇرساق ئۆچۈرىدىغان جاي چىقىدۇ. مۇشۇ ھالەتتە تۇرغاندىن كىيىن يۇقارقى مەشغۇلاتنى قىلىڭ.

ئاندىن يۇقىرىدىكى رەسىمدىكى كۆزنەك چىقىدۇ. يۇقارقى تەلەپ ئورۇنلانغاندىن كىيىن next نى باسىمىز. خۇددى تۈرمىدىن قاچۇرغانغا ئوخشاش بۇنىڭغا ئەگىشىپ DFU ھالىتىگە كىرىمىز.

ئەگەر redsn0w ئارقىلىق تۈرمىدىن قاچۇرۇپ باققان بولسىڭىز بۇ مەشغۇلاتنى ئىلگىرى قىلىپ باققانغۇ دەيمەن. بۇنىڭ ئۇسۇلى مۇنداق:

ئاندىن iPhone ياكى iPad قايتا قوزغىلىدۇ.

قايتا قوزغىلىش جەريانىدا دېتالنىڭ SHSH سىنى ئوقۇپ ئالىدۇ.

مۇۋاپپىقىيەتلىك ئوقۇپ ئالغاندىن كىيىن تۆۋەندىكىگە ئوخشىغان ئەسكەرتمە ئۇچۇر چىقىدۇ. 1-قۇردىكى …accepted ## blobs… دېگەن جايغا دىققەت قىلسىڭىز، سىزنىڭ iPhone ىڭىزنىڭ Cydia مۇلازىمېتىرىدا قانچە دانە SHSH ساقلانغان ئىكەنلىكىنى بىلەلەيسىز. مەسىلەن، رەسىمدىكىدە جەمئىي 16 سى بار ئىكەن.

ئەگەر مۇۋاپپىقىيەتلىك بولدىمۇ يوق، ئېنىقلىماقچى بولسىڭىز بۇنىڭغىمۇ بولىدۇ. ئۈستىدىكى رەسىمگە دىققەت قىلىڭ. ECID دېگەن جايدا 3 دېگەن رەقەم بار ئىكەن. بۇ بىر ئازدىن كىيىن ئىشلەيدۇ.

redsn0w نىڭ باش بېتىگە بېرىپ يەنە SHSH blobs نىڭ ئىچىگە كىرىمىز. ئاندىن Query نىڭ ئىچىگە كىرىمىز.

بۇنى باسقاندىن كىيىن ECID نى كىرگۈزۈشنى تەلەپ قىلىدۇ. ئۇنى كىرگۈزۈپ OK نى باسىمىز.

مۇلازىمېتىردىن ئوقۇپ ئالغاندىن كىيىن تۆۋەندىكىدەك ئەسكەرتمە ئۇچۇرى چىقىدۇ. بۇ سىزنىڭ iPhone ياكى iPad ىڭىزنىڭ Cydia مۇلازىمېترىدا ساقلانغان SHSH لىرى.

بۇ دېتال ئارقىلىق SHSH نى زاپاسلىۋالساق، redsn0w نىڭ مۇندەرىجە ئاستىغا SHSH ھۆججىتىنى ساقلاپ قويىدۇ. كۆرۈپ باقسىڭىز بولىدۇ.

مۇشۇنىڭدەك. بۇنىڭدا زاپاسلاش بۇرۇنقى TinyUmbrella دەك قولاي بولمىسىمۇ، تۈرمىدىن قاچۇرغىچە ياكى ياندۇرغىچە TinyUmbrella نىڭ ياردىمىگە ئېھتىياجىمىز چۈشمەيدىكەن. ھەممىنى redsn0w ئۆزى قىلىپ كېتىدىكەن.

ھازىرقى تۈرمىدىن قاچۇرۇش ئۇسۇللىرى نامۇكەممەل بولغاچقا بۇنى تونۇشتۇرۇشقا ئالدىراپ كەتمىدىم. لېكىن ئېھتىياجى بارلار سىناق قىلىپ بېقىشى ئۈچۈن بولسىمۇ تونۇشتۇرۇپ قويايمىكىن دەيمەن. ئاللاھ خالىسا ئەتىگىچە بۇ يازمىنى يېزىپ پۈتتۈرىمەن.

كۆڭلىڭىزدىكىنى تاپايمۇ؟

بىزنى تەقەززا قىلغان iOS 5 مانا!

پاسىبان — Wed, 12 Oct 2011 17:08:13 +0000

دىققەت قىلسام بۈگۈن (12-ئۆكتەبر) ھەممەيلەن iOS 5 نى ساقلاپ تاقىتىمىز تاق بولدى. راست ئەمەسمۇ! ئامېرىكا ۋاقتى بىزنىڭ دىيارىمىزدىكىگە قارىغاندا ئون نەچچە سائەت پەرق قىلغانلىقتىن بىزنى مۇشۇنداق تەقەززا قىلدى. مانا ھازىر (شىنجاڭ ۋاقتى 12-چىسلا كەچ سائەت 11 دىن 5 ئۆتكەندە) iOS 5 نىڭ ھەقىقىي نەشىرى چۈشۈرۈشكە تەمىنلەندى.

چۈشۈرۈش

ئەڭ ئاۋال چۈشۈرش ئادرېسىنى قالدۇراي. ئاۋال چۈشكەچ تۇرسۇن.

iPhone 4S ئۈچۈن بۇ يەرنى بېسىپ چۈشۈرۈڭ؛

iPhone 4 ئۈچۈن بۇ يەرنى بېسىپ چۈشۈرۈڭ (GSM)؛

iPhone 3GS ئۈچۈن بۇ يەرنى بېسىپ چۈشۈرۈڭ؛

iPad 2 ئۈچۈن بۇ يەرنى بېسىپ چۈشۈرۈڭ (WiFi)؛

iPad 2 ئۈچۈن بۇ يەرنى بېسىپ چۈشۈرۈڭ (3G GSM)؛

iPad ئۈچۈن بۇ يەرنى بېسىپ چۈشۈرۈڭ؛

iPod Touch 4 ئۈچۈن بۇ يەرنى بېسىپ چۈشۈرۈڭ؛

iPod Touch 3 ئۈچۈن بۇ يەرنى بېسىپ چۈشۈرۈڭ؛

iOS 5 ھەققىدە

iOS 5 تىكى يېڭىلىقلارنى تۆۋەندىكى سىندىن كۆرۈڭ (iPhone ۋە iPad تە كۆرۈش ئۈچۈن بۇ جاينى بېسىڭ)

ئەگەر بۇنىڭدىكى يېڭىلىقلارنى ئۇيغۇرچە تىلدا چۈشۈنەي دېسىڭىز بۇ جاينى بېسىپ مۇناسىۋەتلىك يازمىغا بېرىڭ . يېڭى سېستىمىدا 200 دىن ئارتۇق يېڭىلق بار بولۇپ، بۇنىڭ ئىچىدىكى ئەقلى ئىقتىدارلىق ماشىنا ئادەم Siri ھەممىدىن بەك كىشىنى دىققىتىنى تارتىدۇ. بۇ توغرىسىدا ئايرىم بىر يازما يازدىم. بۇ يەردىن سىرى توغرىسىدا تېخىمۇ كۆپ چۈشەنچىگە ئېگە بولالايسىز. قالغان يېڭىلىقلار ئۆزىڭىزنىڭ ئاستا-ئاستا چۈشۈنۈپ يېڭىتىشىڭىزگە ئېھتىياجلىق.

iOS 5 توغرىسىدا Apple تور بېتىدە تېخىمۇ كۆپ مەزمۇنلار بار بولىشى مۇمكىن. بۇ يەرنى بېسىپ ئورگان بېتىگە بېرىڭ.

يېڭىلاش ئۇسۇلى

iTunes نى ئېچىپ، ئاۋال سول تەرەپتىكى 设备 نىڭ ئاستىدىكى «پالانچىنىڭ ئايفونى» دېگەننى ئوڭ تەرەپنى بېسىپ 备份 قىلىۋالىمىز. بۇنداقتا iPhone نىڭ ھازىرقى ھالىتىدە زاپاسلىۋالىدۇ. بۇ چاغدا بىزنىڭ تېلىفون خاتىرىمىز، تېلىفون دەپتىرىمىز، ئۇچۇر ۋە باشقا خاتىرىلىرىمىز دېگەن بىز قول بىلەن ئۆزگەرتكەن ھەممە تەڭشەكلەرنى ساقلاپ زاپاسلىۋالىدۇ. ئاندىن زاپاسلاپ بولغاندىن كىيىن، 更新 دېگەننى Shift بىلەن باسىمىز. (بۇنداق باسقاندا بىۋاستە توردىن چۈشۈرۈپ قاچىلىماستىن چۈشۈرۈپ بولغان سېستىما بولىقىنى تاللاپ بەرگىلى بولىدۇ.) چىققان كۆزنەكتىن بايا چۈشۈرگەن سېستىما بولىقىنى كۆرسىتىپ بەرسەك بولدى. قالغان باسقۇچلارنى ئېكراندىكى كۆرسەتمە بويىچە قىلسىڭىزلا بولىدۇ.

تۈرمىدىن قاچۇرۇش

خەۋەرلەردە iOS 5 نىڭ مۇكەممەل تۈرمىدىن قاچۇرۇش ئۇسۇلى تېپىلىپمۇ بولغان ئوخشايدۇ. ئەگەر بۇ يوچۇق ھەقىقىي نۇسقىسىدا ئېتىۋېتىلمىگەنلا بولسا بەلكى بۇنى ئەتىگىچە «iOS 5 نى مۇكەممەل تۈرمىدىن قاچۇرۇش ئۇسۇلى» دەپ ئېلان قىلىپ ئۈلگۈرىشىمىزمۇ مۇمكىن.

ئەسكەرتىش : ئەگەر 迅雷 ئارقىلىق چۈشۈرسىڭىز، چۈشكەندىن كىيىن قۇيرۇقنامى rar ياكى zip ھالەتكە ئۆزگىرىپ قالسا ئۆزىڭىز قولىڭىز بىلەن ipsw گە ئۆزگەرتىپ قويسىڭىز بولىدۇ.

كۆڭلىڭىزدىكىنى تاپايمۇ؟

ساياھەتكە چىققاندا ئەسقاتىدىغان iPhone ئەپ توپلىمى

پاسىبان — Mon, 03 Oct 2011 08:51:01 +0000

ساياھەت بىزنىڭ ھاياتىمىزدىكى ئەڭ گۈزەل مىنۇتلارنىڭ بىرى. رەسىمگە تارتىش بولسا بۇ گۈزەل مىنۇتلارنى خاتىرىلەش ئۇسۇلى بولغاچ ساياھەتنىڭ ئەڭ كەم بولسا بولمايدىغان بىر بۆلىكى. مۇشۇنداق گۈزەل مىنۇتلاردا ئايفونىمىزنى يېنىمىزدىن ئايرىمايمىز ئەلۋەتتە. لېكىن ئايفوننىڭ ئۆزىدىكى ئاپاراتنىڭ باشقا ئالاھىدە ئىقتىدار ياكى رەسىمگە ئۈنۈم قوشۇشتەك ئالاھىدىلىكلىرى بولمىغانلىقتىن بەزى چاغلاردا تازا ھاجەتتىن چىقالماي قالىدۇ. تۆۋەندە مەن ئايفوننىڭ سۈرەتكە تارتىش ئىقتىدارىنى مۇكەممەللەشتۈرىدىغان بەزى ئەپلەرنى تەۋسىيە قىلاي.

يېقىندىن بۇيان تۈرمىدىن قاچۇرماسلىق لازىملىقىنى تېخىمۇ چوڭقۇر ھېس قىلىپ يەتتىم. مۇشۇ ئۇيغۇرچە فونتنى تونىتىدىغانلا ئىشنى دەپ قېلىۋاتىمەن، بولمىسا تارتىشقۇدەك باشقا نەرسەممۇ يوق ئىدى. قائىدىسى بويىچە ئىشلىتىشكە رازى ئېدىم. شۇڭا سىلەرگىمۇ تۈرمىدىن قاچۇرماسلىقنى تەۋسىيە قىلىمەن. شۇنىڭ ئۈچۈن بۈگۈن بولسىمۇ ھەممە ئەپلەرنىڭ بىۋاستە iTunes تىن چۈشۈرۈش ئادرىسىنىلا قالدۇراي. يېشىۋەتكەن نۇسقىسىنى توردىن ئۆزۈڭلار ئىزدەپ تېپىپ چۈشۈرىۋېلىڭلار. بۇنىڭ يوللىرىنى دېمىسەممۇ بىلىسىلەر ھەقاچان. 51ipa.com ، 威锋网 ۋە ئايفوننىڭ ئۆزىگە قاچىلايدىغان دۇنيادىكى ئەڭ داڭلىق Crack App چۈشۈرۈش دېتالى Installous دېگەندەك جايلاردىن تاپالايسىلەر. Installous نى Cydia دىن تېپىپ چۈشۈرىۋالساڭلار بولىدۇ. بۇ ئارقىلىق چۈشۈرگەن ئەپلەرنى iTools ئارقىلىق بىۋاستە كومپىيۇتېرغا چۈشۈرىۋېلغىلىمۇ بولىدۇ. مۇشۇنچىلىك دەپ بەرسەم قالغىنىنى ئۆزۈڭلار ئىزىدىنىپ تېپىپ قاچىلىۋېلىڭلار.

Camera360 – 手机摄影大师 چوڭلىقى : 24.9 مېگابايت باھاسى : 0.99 دوللار	Panoramatic 360全景摄影 چوڭلىقى : 14.3 مېگابايت باھاسى : 1.99 دوللار
TiltShift Generator 移轴 چوڭلىقى : 1.4 مېگابايت باھاسى : 0.99 دوللار	Hipstamatic 创意相机 چوڭلىقى : 19.8 مېگابايت باھاسى : 1.99 دوللار
Camera+ 超强相机 چوڭلىقى : 18.8 مېگابايت باھاسى : 0.99 دوللار	Nabit 极速抓拍 چوڭلىقى : 11.1 مېگابايت باھاسى : ھەقسىز
Dermandar 全景相机 چوڭلىقى : 2.6 مېگابايت باھاسى : 1.99 دوللار	Magic Shutter 魔法快门 چوڭلىقى : 0.4 مېگابايت باھاسى : 2.99 دوللار
KineticCam 智能动作捕捉 چوڭلىقى : 1.0 مېگابايت باھاسى : 0.99 دوللار	Lomo 相机乐么 چوڭلىقى : 19.9 مېگابايت باھاسى : ھەقسىز
Instagram分享拍照 چوڭلىقى : 10.9 مېگابايت باھاسى : ھەقسىز	CamCam Pro 声控相机 چوڭلىقى : 2.3 مېگابايت باھاسى : 0.99 دوللار

كۆڭلىڭىزدىكىنى تاپايمۇ؟

سېستىما يېڭىلاشتىكى تەجرىبىلىرىم ( 1013خاتالىقىنى ھەل قىلىش)

پاسىبان — Wed, 07 Sep 2011 09:49:11 +0000

نەچچە ۋاقىتتىن بۇيان تېلىفونۇمنىڭ نەشىرى 4.2.1 دىلا ئىدى. 4.3 نەشىرىدە خېلى كۆپ يېڭىلىقلار يېڭىلانغان بولسىمۇ ئامېرىكا نۇسقىسىدىكى ئايفون بولغاچقا خاتىرجەم يېڭىلىيالماي قىينىلىپ يۈرگەن ئىدىم. بۈگۈن قاپيۈرەكلىك بىلەن 4.3.3 كە ئوڭۇشلۇق يېڭىلىۋالدىم.

ئامېرىكا نۇسقىسىدەك قۇلۇپى بار ئايفوننى خاتىرجەم يېڭىلىغىلى بولمايدىغان بىر چاتاق يېرى بار. قۇلۇپى يوق (شىياڭگاڭ ۋە جۇڭگو ئايفونلىرىدەك <لىيەنتوڭنىمۇ ئۆز ئىچىگە ئالىدۇ>) ئايفونلارنى يېڭى سېستىما چىققاندا ناۋادا بىلمەي يېڭىلاپ قالغان تەقدىردىمۇ تۈرمىدىن قاچۇرغىلى بولمىغاننى ھېساپقا ئالمىغاندا نورمال ئىشلەۋېرىدۇ. لېكىن، قۇلۇپى بار ئايفوننى بولسا تۈرمىدىن قاچۇرماي ئىشلەتكىلى بولمايدۇ. يەنە بىر مۇھىم نوقتا، سېستىما يېڭىلاشتا مودىم نەشىرى baseband version 调制解调器固件 نى ساقلاپ قالغان ئاساستا يېڭىلاش كېرەك. چۈنكى قۇلۇپى بار ئايفوننىڭ قۇلۇپىنى يېشىش مۇشۇ نەرسىگە مۇناسىۋەتلىك. نۆۋەتتە iPhone 4 نىڭ 01.59.00 دېگەن مودىم نەشىرىدىن باشقا نەشىرلەرنىڭ قۇلۇپىنى يەشكىلى بولمايدۇ. دېمەك مودىم نەشىرى بۇنىڭدىن يۇقىرى بولغان بۇ خىلدىكى قۇلۇپى بار ئايفوننى ھەرقانچە تۈرمىدىن 10 قېتىم قاچۇرساقمۇ كارتا تونىمايدۇ دېگەن گەپ.

بۇ قېتىمقى يېڭىلاشتا مېنى ئەنسىرىتىدىغان 2 چوڭ مەسىلە بار. بۇنىڭ 1-سى مودىم نەشىرىنى مۇۋاپىقىيەتلىك ساقلىيالامدىم يوق؟

2-سى، نۆۋەتتىكى ئەڭ يېڭى سېستىما 4.3.5 ، لېكىن مەن مۇكەممەل تۈرمىدىن قاچۇرالايدىغان 4.3.3 كە يېڭىلىشىم كېرەك. لېكىن بۇنى قاچىلىغۇچە iTunes ئالمىدىن تەستىق ئالىدىغان يەردىن ئۆتەلمەيمەن. چۈنكى مەن تۈرمىدىن قاچۇرۇلغان نەشىرگە يېڭىلىماقچى. شۇڭا تەستىقلىغۇچى مۇلازىمېتىر 4.3.5 تىن تۆۋەن نەشىرنى تەستىقلىمايدۇ-دە يېڭىلاش مەغلۇپ بولىدۇ. شۇنىڭ بىلەن مەن مۇنداق قىلدىم:

TinyUmbrella نىڭ ئەڭ يېڭى نەشىرى 5.00.10 نى ئورگان تور بېتىدىن چۈشۈردۈم. DBank بوشلۇقىدىن چۈشۈرىۋېلىڭ.

بۇ ئارقىلىق مودىم نەشىرىنى ساقلاپ قېلىپ يېڭىلاشقا بولىدۇ. بۇنىڭ دەرسلىكىنى بۇ يەردىن كۆرۈۋېلىڭ. يەرلىككە 4.3.3 نىڭ SHSH نى ساقلىۋالدىم. كۈنلۈكنىڭ يېڭى نەشىرىدە 2 خىل ئەسكەرتمە چىقىۋالىدىكەن. بۇنىڭ مەنىسى، Cydia يېقىندىن بۇيان كۈنلۈكنىڭ ئۇلارنىڭ ئامبىرىدىن SHSH نى ئوقۇپ ئېلىشىنى چەكلىۋەتتى. شۇڭا سىز تاللاش تۈرىدىن ئۇلارنىڭ مۇلازىمىتىرېدىن SHSH نى ئوقۇپ ئېلىش دېگەن تۈرنى ئېلىۋېتىڭ، دېگەن ئۇچۇر. يەنە بىرى بولسا، چېكىنگەندە hosts نى تەڭشىۋېتىش بولۇپ، بۇنى ئاساسى كۆزنەك ئىچىدىكى Advanced نىڭ ئىچىدىن تەڭشەپ قويىمىز. رەسىمدىكىدەك:

بۇ يەرنى توغرىلاپ قويغاندىن كىيىن چوقۇم يەرلىكتە SHSH نى ساقلىۋالغان بولىشىمىز كېرەك. رەسىمدە مەن SHSH نى ساقلىغان ئورۇنغا D:\.shsh نى كۆرسىتىپ قويدۇم. بۇ يەرنى كۆرسىتىپ ئاۋۇ ئىككى يەرنى ئېلىۋەتكەندىن كىيىن SHSH نى يەرلىكتىنلا ئېلىپ ئوقۇيدۇ. شۇڭا يەرلىكتە SHSH نى Save SHSH دېگەن جاينى بېسىپ زاپاسلىۋېلىشىڭلار لازىم. زاپاسلاش پۈتكەندىن كىيىن Start TSS Server نى بېسىپ سېستىما يېڭىلاشنى باشلىساق بولىدۇ. مۇشۇ يەر ئىنتايىن مۇھىم. چوقۇم TSS Server is running دېگەنگە كاپالەتلىك قىلىش لازىم.

شۇنىڭ بىلەن 1-مەسىلە ھەل بولغان بولىدۇ. 2-مەسىلە ئالما مۇلازىمىتىېرىنىڭ ئەڭ يېڭى نەشىرى بولمىغانلىق سەۋەبىدىن يېڭىلاشنى رەت قىلىشى. بۇنى سېستىما چۈشۈرۈش سۆزلەنگەن يازمىغا ئوخشاش hosts دىكى ئالما مۇلازىمېتىر ئادرېسىنى Cydia نىڭكىگە ئۆزگەرتىۋېلىپ ھەل قىلدىم.

ھەر ئىككى مەسىلە ھەل بولدى. ئەمدى زاپاسلاپ بولغاندىن كىيىن يېڭىلاشنى باشلىساق بولىدۇ. يېڭىلاش ئۈچۈن iTunes تىن 恢复 دېگەن جاينى Shift بىلەن بېسىپ، 4.3.3 نىڭ بولىقىنى كۆرسىتىپ بەردىم. چوقۇم Shift بىلەن بېسىش كېرەك. بولمىغاندا ئالما مۇلازىمېتىرىدىن ئەڭ يېڭى نەشىرىنىلا چۈشۈرۈپ شۇنى قاچىلىۋېتىدۇ. بۇنىڭغا دىققەت قىلىش كېرەك.

مۇھىم نوقتا

يېڭىلاپ بىر يەرگە كەلگەندە 1013 خاتالىقى چىقتى. بۇ خاتالىق چىققاندا ئايفوندا USB سىمىنىڭ iTunes قا ئۇلىغان بىر رەسىمى تۇرغان ھالەتتە قانداق قىلساق چېكىنمەي تۇرىۋالىدۇ. بۇنى ئوڭشاشنىڭ ئامالىنى ئېيتىپ ئۆتەي:

بۇ چاغدا بۇ خاتالىق ئۇچۇرىنى ئۆچۈرىۋەتمەي تۇرۇپ تۆۋەندىكىدەك مەشغۇلات قىلدىم. كۆپ قىسىم ئايفونداشلار مۇشۇنى ھەل قىلالماي كۆپ سۇئال سوراپ كەتتى. ئاۋال بۇ ئادرىستىن Fixrecovery43 نى چۈشۈردۈم. ئىچىدىكى 1 تال DLL ھۆججىتىنى C:\Windows\System32 نىڭ ئىچىگە كۆچۈرۈپ قويدۇم. كۆچۈرۈپ بولۇپ، iTunes قاچىلانغان مۇندەرىجىدىكى iTunes Helper.exe نى تېپىپ ئىجرا قىلدىم. بۇنى ئىجرا قىلغاندا ئايرىم كۆزنەك ئېچىلمايدۇ. ئارقا سۇپىدا ئىجرا بولغىنىنى كۆرگىلى بولىدۇ. بۇنى قوزغىتىپ بولۇپ FixRecovery43 نى ئاچتىم. بۇ چاغدا iTunes ئاپتۇماتىك تاقىلىپ كېتىدۇ. ئاندىن DOS كۆزنىكىدە 2 قۇر خەت چىقىىپ تۇرىدۇ. ئاندىن مەن ئايفوننىڭ قايتىش كونۇپكىسى بىلەن ئۆچۈرۈش كونۇپكىسىنى تەڭ بېسىپ تۇردۇم. ئايفون ئۆچكەندىن كىيىن ئۆچۈرۈش كونۇپكىسىنى دەرھال قويۇۋەتتىم. قايتىش كونۇپكىسىنى داۋاملىق بېسىپ تۇردۇم. ئاندىن كومپىيۇتېر قاتتىق دېتال تاپقاندەك ئىنكاس قايتۇردى. شۇنىڭ بىلەن بايىقى DOS ھالىتىدىكى كۆزنەك (يەنى ئىجرا بولىۋاتقان FixRecovery ) خىزمەتكە كىرىشىپ كەتتى. بىردەم ساقلىغاندىن كىيىن مەشغۇلات ئايفوندا داۋاملىشىدىكەن. خۇددى redsn0w ئارقىلىق تۈرمىدىن قاچۇرغاندەكلا. تەخمىنەن 4~5 مىنۇتتىن كىيىن ئايفون ساق-سالامەت نورمال قوزغالدى. :cute:

يېڭى سېستىما قاچىلاپ تۇنجى قوزغالغاندا ئايفوننى ئاكتىپلاشقا توغرا كېلىدۇ. ئاكتىپلاشتىن بۇرۇن پەقەت جىددى تېلىفۇن Emergency 紧急电话 غىلا تېلىفۇن قىلغىلى بولىدۇ. ئاكتىپلاشنى ئىچىگە كارتا سېلىپ تۇرۇپ iTunes قا چېتىپ ئاكتىپلايمىز.

ئامېرىكا نۇسقىسىدىكى ئايفونداشلار دىققەت قىلىشى كېرەككى: ئاكتىپلىغاندا چوقۇم AT&T نىڭ كارتىسىنى سېلىپ تۇرۇپ ئاكتىپلاش كېرەك. ناھايىتى كۆپ قىسىم تورداشلار ئۆزىنىڭ ئىشلىتىۋاتقان كارتىسى بىلەنلا ئاكتىپلاپ ئاقىۋەت FaceTime ئىشلىمەيدىغان، PUSH يەنى 推送 ئىقتىدارى نورمال ئىشلىمەيدىغان چاتاقلارغا يولۇققان. بۇ بىردەك يۈز بەرگەن مەسىلە. شۇڭا چوقۇم ئايفوننى ئالغاندا بەرگەن AT&T نىڭ كارتىسىنى سېلىپ ئاندىن ئاكتىپلاش كېرەك.

مېنىڭ ئۇ كارتام يۈتۈپ كەتكەن ئىكەن، توردا قارىسام 12 يۈەنگە ساتىدىكەن. كىراسى بىلەن 20 يۈەن ئەتراپىدا قولۇمغا تەگكۈدەك. شۇڭا سىرتقا چىقىپ تېلىفۇن بازىرىدىكى بىرىگە 10 يۈەنگە 1 قېتىم سېلىۋېلىپ ئاكتىپلىۋالدىم. ئاكتىپلاپ بولۇپ ئۆزۈمنىڭ كارتىسىنى سېلىپ قوزغىتىۋېدىم، سېگنالى چىقمىغاننى ھېساپقا ئالمىغاندا تېلىفونۇم نورمال قوزغالدى.

ئەلۋەتتە 1-بولۇپ قارايدىغىنىم مودىم نەشىرى. ئەگەر كۈنلۈك نورمال كۈچىنى كۆرسەتمەي مودىم نەشىرى كۆتۈرۈلۈپ كەتسە چاتاقنىڭ چوڭى چىقىدۇ. چاپلاق بىلەن ئىشلەتمەي ئامال يوق. دەرھال قارىدىم. خۇداغا شۈكۈر، نەشىرى 4.3.3، مودىم نەشىرى يەنىلا 01.59.00 . نەشىرلەر ئارا نەچچە قېتىملاپ يېڭىلاپ كەپتىمەن. لېكىن بۇ سان ئېسىمدىن پەقەتلا چىكەتمەيدۇ. چۈنكى كارتا تونۇش تونىماسلىقى مۇشۇ سانغا بىۋاستە مۇناسىۋەتلىك. قۇلۇپى يوقلار قاراپ بېقىڭلار، 4.3 تىن يېڭى نەشىردىكى مودىم نەشىرىڭلار قانچە ئىكەن؟ شۇ چاغدا 01.59.00 دېگەن بۇ نەشىرنىڭ قانداق ساقلاپ كېلىنگەنلىكىنى، تولىمۇ كلاسسىك ئىكەنلىكىنى بىلىسلەر.

تۈرمىدىن قاچۇرۇش

شۇنىڭ بىلەن 2-قىلىدىغان ئىشىم تۈرمىدىن قاچۇرۇش بولدى. يانچۇغۇمدىن Android تېلىفۇننى ئېلىپ 3G تورىنى WiFi ئارقىلىق ھەمبەھرلەندىم. ئايفونىمدا شۇنىڭ تورى بىلەن http://jailbreakme.com نى ئاچتىم. Cydia نى ناھايىتى ئاسانلا چۈشۈرۈپ قاچىلىۋالدىم. مۇشۇنداق ئاسانلا تۈرمىدىن قاچۇرۇش ئۆزۈمنىڭ تېلىفونىدا 2-قېتىم ئىدى. ئىلگىرى يەنە مۇشۇ تور بەتتە Slide to Jailbreak (يانغا سۈرۈپ تۈرمىدىن قاچۇرۇڭ) دېگەن بىر ئۇسۇل چىققان. خۇددى ئايفوننىڭ قۇلۇپ ئېكرانىنى ئاچقاندەكلا. يانغا سۈرۈپ بىر ئازدىن كىيىن ئېكرانغا Cydia قاچىلىنىپ چىقاتتى. شۇنداق قىلىپ بۇنى قاچىلاپ بولۇپ، مەنبەگە 威锋网 نىڭ مەنبەسى http://apt.weiphone.com نى قوشتۇم. ئەلۋەتتە ئەڭ دەسلەپ قاچىلايدىنىم قۇلۇپ يېشىدىغان ھەقسىز گۆھەر ultrasn0w بولىدۇدە. قاچىلاپ قايتا قوزغىتىم تولىمۇ ھاياجانلاندىم. چۈنكى سېگنال توپتۇلۇق چىقىپ 中国移动 دەپ كۆرۈنۈپ تۇراتتى.

شۇنداق قىلىپ يېڭى سېستىمىنى ئوڭۇشلۇق قاچىلاپ قۇلۇپنى ئوڭۇشلۇق ئېچىپ ساق-سالامەت ئەسلىگە كەلتۈرىۋالدىم. ئۆيگە كېلىپ iTunes تىن بايا زاپاسلىۋالغان بويىچە قايتۇردۇم. ئايفونىم خۇددى بۈگۈن چۈشتىكىدەكلا پەچەت ئوڭشىلىپ بولدى. ئاللاھنىڭ رەھمىتى بىلەن ھېلىھەم ساق ئىشلىتىپ يۈرۈپتىمەن. قۇلۇپى بار ئايفونداشلار مۇشۇ ئۇسۇل بويىچە 4.3.3 نى قاچىلاپ كۆرسەڭلار بولىدۇ. 1013 خاتالىقىنى مۇشۇ يازمىدىكى ئۇسۇل بويىچە قايتا-قايتا سىناپ كۆرۈڭلار. چوقۇم غەلبە قىلىسىلەر، ئىنشا ئاللاھ!

كۆڭلىڭىزدىكىنى تاپايمۇ؟

سېستىما نەشىرىنى مۇنداق قىلىپ چۈشۈرىمىز!

پاسىبان — Mon, 29 Aug 2011 16:37:27 +0000

iOS ئۈسكۈنىلىرىنىڭ باشنى ئاغرىتىدىغان بىر چاتىغى بار. ئۇ بولسىمۇ نەشىرىنى كۆتۈرىۋالساق چۈشۈرۈپ بولالمايمىز. چۈنكى ئالما ئۈستىگە يامىشىدۇ، پەسكە چۈشمەيدۇ. بۇنىڭ ئەڭ چوڭ سەۋەبى – تۆۋەن نەشىردە تۈرمىدىن قاچۇرۇش ئۇسۇلى ئېلان قىلىنغاندىن كىيىن يېڭى نەشىردە ئاشۇ يوچۇقنى يامايدۇ. ئابونتلارنىڭ يېڭى نەشىرىنى تۈرمىدىن قاچۇرالماي كونىسىغا چۈشىۋېلىشىنىڭ ئالدىنى ئېلىش ئۈچۈن ئەقىللىق جوبس مۇشۇنى ئويلاپ چىققان.

ئۇنداقتا بۇنى قانداق قىلىپ چۈشۈرىمىز؟ قىستۇرما رەسىمدىكىگە ئوخشاش ئايفوننى دۈم قىلىپلا چۈشۈرگىلى بولمايدۇ، ئەلۋەتتە. بۇنىڭ ئۈچۈن ئازراق ھۈنەر ئىشلىتىش كېرەك. يېڭى ئايفون ئىشلىتىۋاتقانلار بۇ مەسىلىگە تولا يولۇقۇپ، تولا سوراپ كەتتى. مەن ئاددىيلا قىلىپ چۈشەنچە بېرىپ ئۆتەي.

(بۇ ئۇسۇل iPad 2 گە ماس كەلمەيدۇ. ئەگەر سىزنىڭ ئايپەدىڭىزنى يۇقىرى نەشىرگە كۆتۈرىۋەتكەن بولسىڭىز پەقەت ئەپسۇسلا دېيەلەيمىز…)

بۇنىڭ ئۈچۈن سىز چوقۇم كونا نەشىرىنىڭ (چۈشۈرمەكچى بولغان نۇسقىسىنىڭ) SHSH نى زاپاسلىۋالغان بولىشىڭىز كېرەك. بۇنىڭ نېمىلىكىنى بىلمىسىڭىز بۇ يازمىغا مۇراجىئەت قىلىڭ. سىز چۈشۈرمەكچى بولغان نەشىرنىڭ IPSW بولىقىنى بۇ ئۇلىنىشتىن تېپىپ چۈشۈرىۋېلىڭ.

چۈشۈرۈشكە ئەڭ يۇقىرى بولغاندا 4.3.3 نەشىرىنىڭ سېستىما بولىقى ئادرېسى قالدۇرۇلدى. چۈنكى ھازىرقى ئەڭ يېڭى مۇكەممەل تۈرمىدىن قاچۇرغىلى بولىدىغان نۇسقىسى مۇشۇ. چۈشۈرۈپ بولغاندىن كىيىن ئۈسكۈنىڭىزنى DFU ھالىتىگە ئەكىلىڭ. ئۇسۇلى مۇنداق:

ئاۋال iPhone, iPod, iPad نى كومپىيۇتېرغا ئۇلاڭ. ئاندىن ئۆچۈرۈڭ (ئۈستىدىكى قۇلۇپلاش كونۇپكىسىنى 5 سېكونت باسسىڭىز تىزىملىك چىقىدۇ، يانغا سۈرۈپ ئۆچۈرىسىز). ئاندىن كومپىيۇتېردىن iTunes نى ئېچىڭ. ئاندىن ئايفون ئۆچۈك ھالەتتە ئوتتۇرىدىكى قايتىش كونۇپكىسى (يۇمىلاق كونۇپكا) بىلەن ئۆچۈرۈش كونۇپكىسىنى بىللە 10 سېكونت بېسىپ تۇرۇڭ. 10 سېكونتتىن كىيىن ئۆچۈرۈش كونۇپكىسىنى قويىۋېتىڭ. لېكىن Home (يەنى قايتىش) كونۇپكىسىنى قويىۋەتمەي داۋاملىق بېسىپ تۇرۇڭ. بۇ چاغدا كومپىيۇتېرىڭىز يېڭىچە بىر دانە USB ئۈسكۈنىسىنى تاپىدۇ. شۇنىڭ بىلەن بىر ۋاقىتتا iTunes قايتۇرۇش ھالىتىدىكى ئۈسكۈنىنى تاپتىم، سېستىمىنى ئەسلىگە كەلتۈرەمسىز دەپ سورايدۇ. ئايفونىڭىز بۇ چاغدا قارا ئېكران ھالەتتە بولىدۇ. ئەگەر مۇشۇنداق ئىنكاس يوق بولسا بۇ ئۇسۇلنى قايىتىدىن قىلىپ چىقىڭ. بۇ سىزنىڭ DFU ھالىتىگە ئوڭۇشلۇق كىرەلمىگىنىڭىزنىڭ ئىپادىسى.

كىيىنكى قەدەم بىر قەدەر مۇھىم. بىز بۇ باسقۇچتا iTunes نى ئالداپ قويىمىز. نېمىشقا ئالدايمىز دېگەندە، iTunes ھەر دائىم سېستىمىنى يېڭىدىن قاچىلىغاندا ئالمىنىڭ مۇلازىمىتىرىغا تەستىق ئېۋەتىدۇ. بۇ ئالدىنئالا مۇشۇنداق قىلىپ تەڭشىۋېتىلگەن. ئالمىنىڭ مۇلازىمىتىرى نۆۋەتتىكى ئەڭ يېڭى سېستىمىدىن تۆۋەن بولغان سېستىمىنى قاچىلاش ئېلىپ بېرىلغاندا ئاپتۇماتىك رەت قىلىدۇ. شۇنىڭ بىلەن كونا سېستىما قاچىلانمايدۇ دېگەن گەپ. شۇڭا iTunes نىڭ تەستىق ئالىدىغان جايىنى Cydia نىڭ مۇلازىمىتىرىغا ئۇلاپ قويساق iTunes بېرىپ ستىۋ جوبستىن سورىماي، Saurik تىن سورايدۇ. بۇنىڭ ئۈچۈن مۇنداق قىلىمىز:

سېستىمىڭىز تېخىچە XP بولسا بۇ جاينى ئېچىپ C:\Windows\System32\drivers\etc قارىسىڭىز hosts دېگەن بىر ھۆججەتنى تاپالايسىز. بۇنى 记事本 ئارقىلىق ئېچىڭ. Win7 دە بۇنى چوقۇم باشقۇرغۇچى سالاھىيىتىدە ئېچىشىڭىز كېرەك.

ئېچىپ ئاخىرقى قۇرغا بۇنى كۆچۈرۈپ چاپلاڭ:

74.208.105.171 gs.apple.com

كومپىيۇتېرغا چاپلىغاندا IP سولدا، ئادرېس ئوڭدا كۆرىنىدۇ. بۇ نورمال. ساقلاپ چېكىنىڭ.

ئاندىن يەنە iTunes نى ئېچىپ ئىشىمىزنى داۋاملاشتۇرىمىز. Shift بىلەن 恢复 نى بېسىڭ. ئەگەر Shift بىلەن باسمىسىڭىز بىۋاستە ئالمىنىڭ مۇلازىمىتىرىدىن ئەڭ يېڭى بولاقنى چۈشۈرۈپ قويىدۇ. شۇڭا Shift بىلەن بېسىپ بايىقى چۈشۈرۈپ قويغان كونىراق نەشىردىكى سېستىما بولىقىنى كۆرسىتىپ بېرىڭ.

ئەمدى ئاخىرقى ئىشلارنى iTunes قا تاپشۇرۇپ قويساق بولدى. مەشغۇلات ئاخىرلىشىشتىن بۇرۇن ئايفوننى كومپىيۇتېرغا ئۇلىغان ھالەتتە قويۇڭ. iTunes نىمۇ ئۆچۈرمەڭ. iTunes بەزىردە 1013 خاتالىقى كۆرسىتىپ تۇرىۋالىدۇ. بۇنىڭ بىلەن كارىڭىز بولمىسا بولدى. بۇ نەشىر چۈشۈرگەندە تولا كۆرۈلىدىغان مەسىلە. چوڭ گەپ يوق. بۇ خىل خاتالىق چىقىۋالسا بەك چوڭ مەسىلە كۆرۈلدى دېسەك، ئايفوندا Recovery Mode ، يەنى سېستىما ئەسلىگە قايتۇرۇش ھالىتى كۆرۈلۈپ تۇرىۋېلىشى مۇمكىن. بۇنىڭدا ئايفوندا قارا ئېكران بىلەن « USB سىم ئارقىلىق iTunes قا ئۇلاش » رەسىمى چىقىپ تۇرىدۇ. ئايفوننى قايتۇرۇش ھالىتىدىن قۇتۇلدۇرۇش ئۈچۈن FixRecovery ياكى TinyUmbrella غا مۇراجىئەت قىلساق بولىدۇ. TinyUmbrella نى ئېچىپ Exit Recovery نى باسساقلا ئىش كۇپايە. Fix Recovery دىمۇ ئاساسەن ئوخشاش (بۇنىڭدا ئاۋال iTunes نى ئېچىپ قويۇپ ئاندىن FixRecovery نى قوزغىتىڭ).

2-ئاۋغۇست يېڭىلانغىنى:

يازمىدا FixRecovery نىڭ چۈشۈرۈش ئادرېسىنىمۇ قالدۇرماپتىمەن. بۇ جايدىن چۈشۈرۈڭ.

FixRecovery نىڭ ئالاھېدىلىكى قايتۇرۇش ھالىتىدىن چېكىندۈرەلەيدۇ. لېكىن كېلىپ-كېلىپ 4.3.3 كە قايتۇرغۇچە 1013 خاتالىقى چىققاندا بۇ پروگرامما قىسمەن ئەھۋاللاردا كۈچىنى كۆرسىتەلمەيدىكەن. بۇ چاغدا بىز بۇنىڭغا ئازراق ياردەم قىلىشىمىز كېرەك بولىدىكەن. (ئەگەر بۇ پروگرامما ئوڭۇشلۇق ھالدا قايتۇرۇش ھالىتى 恢复模式 دىن چېكىندۈرەلىسە تۆۋەندىكى ياردەم بېرىش باسقۇچىدىن ئايلىنىپ ئۆتۈپ كېتىڭ.) ياردەمنى مۇنداق قىلىمىز:

1. ئاۋال iTunes نىڭ قاچىلىغان مۇندەرىجىسىنى ئېچىپ iTunesHelper دېگەن ئېجرا ھۆججىتىنى ئاچىمىز. (بۇ ئارقا سۇپىدا ئېجرا بولىدۇ. شۇڭا ئىجرا بولغىنى بىۋاستە كۆرۈنمەيدۇ. )

2. FixRecovery نى ئېچىڭ.

3. ئايفوننى قايتىدىن DFU غا ئەكىرىڭ. بۇنىڭ ئۇسۇلى بايىقىغا ئازراق ئوخشىمايدۇ. چۈنكى ھازىر تېلىفۇنىڭىز ئوچۇق ھالەتتە. تېلىفۇننى تاقىغاندا ئاندىن DFUگە كىرگىلى بولىدۇ. لېكىن بۇنى تاقاي دېسەكمۇ نورمال ئۇسۇلدا تاقىيالمايسىز. بۇنىڭ ئۈچۈن قانداق قىلىش كېرەك؟ ئەلۋەتتە قاتتىق قوزغىتىش ئۇسۇلىنى قوللىنىمىز. يەنى، قايتىش كونۇپكىسى HOME بىلەن ئۆچۈرۈش كونۇپكىسىنى تەڭ بېسىپ 5~10 سېكونت ئەتراپىدا باسىمىز. بۇ چاغدا ئايفون ئۆچىدۇ. ئۆچۈرۈش كونۇپكىسىنى دەرھال قويىۋېتىپ قايتىش كونۇپكىسىنى داۋاملىق بېسىپ تۇرىمىز. ئايفون قوزغىلىپ ئالما كۆرۈنگەندە قايتىش كونۇپكىسىنىمۇ قويىۋېتىمىز.

4. ئەمدى FixRecovery خىزمەتنى باشلىۋېتىدۇ. ئىش تامام.

FixRecovery گە ياردەم بېرىش تەرتىۋىنى ئاددى قىلىپ ئېيتساق:

iTunes ئوچۇق ھالەتتە iTunesHelper نى ئاچىمىز > FixRecovery نى قوزغىتىمىز > (ئايفون ئوچۇق ھالەتتە، يەنى قايتۇرۇش ھالىتىدە) قايتىش ۋە ئۆچۈرۈش كونۇپكىسىنى 10 سېكونت باسىمىز > ئايفون ئۆچكەندىن كىيىن دەرھال ئۆچۈرۈش كونۇپكىسىنى قويىۋېتىپ، قايتىش كونۇپكىسىنى داۋاملىق باسىمىز > قايتىش كونۇپكىسىنى قوزغىلىپ ئالما كۆرۈنگەندىلا قويىۋېتىمىز > تامام.

* ناۋادا zlib1.dll تاپالمىغانلىق ئۇچۇرى چىقسا چۈشۈرۈش تەمىنلىگەن FixRecovery نىڭ مۇندەرىجىسى ئىچىدىكى مۇشۇ ناملىق ھۆججەتنى C:\Windows\System32 گە كۆچۈرۈپ قويىمىز.

* ئەگەر يەنە نورمال قوزغالمىسا قىزىل يامغۇر Redsn0w ئارقىلىقلا تۈرمىدىن قاچۇرۇڭ. بۇ ئەھۋالدىن قۇتۇلىشىڭىزغا ياردىمى تېگىپ قېلىشى مۇمكىن. تۈرمىدىن قاچۇرىدىغان قورال بۇ : http://dl.dbank.com/c0p7gloei6 باشقا ئۇسۇللىرى بۇ يازمىغا ئوخشاش.

ئايفون ئەمدى نورمال قوزغىلىدۇ. سېستىما نەشىرىگە قاراڭ. نورمال قاچىلىنىپتىمۇ؟

نەشىرىنى چۈشۈرۈپ بولغاندىن كىيىن بايىقى hosts نىڭ ئاخىرىغا قوشقان جاينى ئۆچۈرۈپ تاشلاڭ، ياكى شۇ قۇرنىڭ بېشىغا # نى قوشۇپ قويۇپ ساقلاپ چېكىنىڭ. بۇنىڭدا مۇلازىمېتىر ئەسلىگە كېلىدۇ.

تۆۋەندە 4.3.3 نىڭ ئەڭ ئېسىل تۈرمىدىن قاچۇرۇش ئۇسۇلىدىن بىرنى ئېيتىپ ئۆتەي. ئەگەر سىزنىڭ ئامېرىكا نۇسقىسىدىكى ئايفون بولمىسىلا مۇشۇ ئارقىلىق تۈرمىدىن ناھايىتى ئوڭايلا قاچۇرىۋالالايسىز.

http://jailbreakme.com نىڭ ناھايىتى تېز ھەم قولاي تۈرمىدىن قاچۇرۇش ئۇسۇلى بىلەن تەمىنلەيدىغانلىقىنى بىلەمسىلەركىن؟ ئىلگىرى بىر سېستىمىدا «يانغا سۈرۈپ تۈرمىدىن قاچۇرۇڭ» دەپلا بىر ئۇسۇلنى ئىجاد قىلغان ئىدى. نۆۋەتتە iOS 4.3.3 تىن تۆۋەن بولغان ھەرقانداق iDevice نى بۇ توربەت يەنە مۇشۇنىڭغا ئوخشاش ئىنتايىن ئاددى ئۇسۇلدا تۈرمىدىن قاچۇرالايدۇ. بىر ئاي بۇرۇن بىر دوستىمىزغا iPad2 دىن بىرنى ئېلىپ مۇشۇ ئۇسۇلدا تۈرمىدىن قاچۇرۇپ بەردىم. مەشغۇلاتى ئىنتايىن، راستىنلا ئىنتايىن ئاددى.
ئاۋال ئايفون ياكى ئايپەدتىكى Safari ئارقىلىق بۇ توربەتنى ئېچىڭ: http://jailbreakme.com
ئاندىن Cydia نىڭ بەلگىسىنى كۆرىسىز. بۇنى خۇددى App Store دىن بىرەر ئەپنى قاچىلىغانغا ئوخشاشلا قاچىلاڭ. تۈرمىدىن قاچۇرۇش تامام!

كۆڭلىڭىزدىكىنى تاپايمۇ؟

ئايفونىڭىزنى قانچىلىك چۈشىنىسىز؟

پاسىبان — Mon, 22 Aug 2011 18:53:24 +0000

ئالما تېلىفۇنى ئەقلى ئىقتىدارلىق يانفون ئىچىدە ئالدىنقى قاتاردا تۇرىدىغان تېلىفۇن بولۇش سۈپىتى بىلەن بىز بىلىپ بولمايدىغان نۇرغۇن ئىقتىدارلارنى، تېگىگە يېتىپ بولمايدىغان سىرلارنى، چەكسىز كېڭەيتىشچانلىققا ئېگە بولغانلىقى ئۈچۈن بىزگە كۈندە يېڭىلىق بېرەلەيدىغان يوشۇرۇن ئىقتىدارنى ئۆزىگە مۇجەسسەملىگەن. سىز ئايفون ئىشلەتكۈچى بولسىڭىز ئايفونىڭىزنى قانچىلىك چۈشىنىسىز؟ بەلكى مەن ئۆزۈممۇ بۇ سۇئالغا جاۋاب بېرەلمەسلىكىم مۇمكىن.

بۈگۈن دوسلار بىلەن ئورتاقلاشماقچى بولغىنىم ئايفوندىكى «ئۈسكۈنە ھەققىدە»، يەنى 关于本机 دېگەن تىزىملىكتىكى بەزى سان-سىفىرلارنىڭ مەنىسى. بەلكى سىز بۇ تىزىملىكنى ئايفوننى دەسلەپ قولىڭىزغا ئېلىپ ئۇيەر-بۇيەرلىرى بىلەن ھەپىلىشىپ بىلمەي بىرەر قېتىم ئاچقانسىز ياكى ئاچمىغانسىز. بەلكى بۇ جايدىكى سان-سىفىرلارنىڭ نېمە مەنا بىلدۈرىدىغانلىقىنى ئويلاپمۇ قويمىغانسىز. بۈگۈن بىز بىرلىكتە بۇنى يېشىپ چىقايلى.

بۇ تىزىملىك ئايفونىڭىزنىڭ بارلىق ئۇچۇرلىرىنى كۆرسىتىپ بېرىدۇ. بۇنى تەڭشەك تىزىملىكىدىن چىقىرىمىز. يەنى 通用 دىن ئەڭ ئۈستىدىكى 关于本机 باسسىڭىز بولىدۇ. بىز ئۈستىدىن ئاستىغا تەرتىپ بويىچە كېلەيلى.

بۇ تىزىملىكنىڭ ئىچىگە كىرىپ ئەڭ ئۈستىگە قارىساق، سىزنىڭ ئايفونىڭىزنىڭ ئىسمى كۆرىنىدۇ. يەنى پالانچىنىڭ ئايفونى، دېگەندەك. بۇ خەتنى سىز iTunes ئارقىلىق ئۆزگەرتىۋالالايسىز. iTunes قا ئۇلاپ مۇشۇ خەتنى يان ستوندىن تېپىڭ. شۇنى ئاستا 2 قېتىم بېسىپ تەھرىرلەش ئارقىلىق خالىغانچە ئۆزگەرتىۋالالايسىز.

ئۇنىڭ ئاستىدا 网络 يەنى تور دېگەن ستون بار. بۇ سىزنىڭ قايسى تېلېگراف شىركىتىنىڭ تورىنى (يەنى SIM كارتىسىنى) ئىشلىتىۋاتقانلىقىڭىزنى بىلدۈرىدۇ.

歌曲 بولسا ئايپودنىڭ ئىچىگە قاچىلىغان مۇزىكىنىڭ سانى. بۇنى iTunes بىلەن 同步音乐 دېگەن جاي ئارقىلىق قوشالايسىز.

视频 دېگىنى سىزنىڭ ئايپود ئىچىدىكى سىن ھۆججىتى ئەمەس. بەلكى ئايفونىڭىز ئارقىلىق سۈرەتكە ئالغان فىلىمنىڭ سانىنى كۆرسىتىدۇ.

照片 بولسا ئايفون ئىچىدىكى رەسىم ئامبىرىدىكى رەسىمنىڭ سانىنى كۆرسىتىدۇ.

应用程序 سىزنىڭ ئايفونغا قاچىلىغان ئەپلىرىڭىزنىڭ سانى.

总容量 ئايفوننىڭ ھەجمىنى كۆرسىتىدۇ. بىز دەيدىغان 16 گېگابايتلىق ۋە 32 گېگابايتلىق دېگەننى مۇشۇ يەردىن كۆرىمىز. ھەقىقى بوشلۇق دەل 16 ياكى 32 بولمايدۇ. ئادەتتە ئۇنىڭدىن ئازراق بولىدۇ. بۇ ھەرقانداق قاتتىق دېسكىنىڭ ھېساپلاش ئۇسۇلى بويىچە ھېسابلىنىدۇ. يەنى، 1 كېلوبايتنى 1024 بايت بويىچە ھېساپلىغىنىمىز بىلەن 16 گېگابايت دەپ سېتىلغان قاتتىق دېسكىلار 1000 كېلوبايت بويىچە ھېساپلىنىدۇ. شۇنداق بولۇپ 1 كېلوبايتتا 24 بايتتىن كەم ھېساپلىنىپ ئاخىرىغا كەلگەندە شۇنچىلىك پەرق چىقىدۇ. ئەمەلىيەتتە بۇ 16 مىليارت بايت بولۇپ، مۇشۇ بويىچە ھېساپلىساق تەخمىنەن 14 ياكى 15 گېگابايت ئەتراپىدا چىقىدۇ. شۇڭا بۇنىڭدىن چۆچۈپ كېتىشىڭىزنىڭ ھاجىتى يوق.

可用容量 بولسا بىكار ئورۇن بولۇپ، بۇ ئورۇنغا سىز يەنە ئويۇن ياكى باشقا ئەپلەرنى قاچىلىسىڭىز بولىدۇ.

版本 بولسا ئايفونىڭىزنىڭ سېستىما نەشىرى. بىز دەۋاتقان iOS 4.3.5 دېگەندەك سېستىما نەشىرى دەل مۇشۇ. ئۇنىڭ ئاخىرىدىكى تىرناق ئىچىدىكى بولسا سېستىما نەشىرىنىڭ كود نومۇرى. بۇ ھەر بىر نەشىردە ئوخشاش بولمايدۇ.

运营商 بولسا سىزنىڭ قايسى تېلگىراف ئابونتى ئىكەنلىكىڭىزنى ۋە كارتىڭىزنىڭ نەشىرىنى كۆرسىتىىپ بېرىدىغان جاي.

型号 دېگەن بۇ جايدىكى سان ۋە ھەرپلەرنىڭ ئارىلاشمىسى بىر قەدەر مۇھىم ئۇچۇر بولۇپ، سىز مۇشۇلار ئارقىلىق ئايفونىڭىزنىڭ قايسى يەرنىڭ ئىكەنلىكىنى، قۇلۇپى بار يوقلىقىنى پەرقلەندۈرەلەيسىز. پەرقلەندۈرۈش ئۈچۈن تۆۋەندىكى مەلۇماتقا مۇراجىئەت قىلىڭ.

قۇلۇپسىز نەشىرى

جۇڭگو
MC603CH/A – 16GB Black
MC605CH/A – 32GB Black

شىياڭگاڭ
MC603ZP/A – 16GB Black
MC605ZP/A – 32GB Black

ئاۋمىن
MC603ZP/A – 16GB Black
MC605ZP/A – 32GB Black

تەيۋەن
MC603TA/A – 16GB Black
MC605TA/A – 32GB Black

سىنگاپور
MC603ZA/A – 16GB Black
MC605ZA/A – 32GB Black

مالايسىيا
MC603ZA/A – 16GB Black
MC605ZA/A – 32GB Black

يېڭى زىلاندىيە
MC603X/A – 16GB Black
MC605X/A – 32GB Black

ئەرەپ بىرلەشمە خەلىپىلىكى
MC603AB/B – 16GB Black
MC605AB/B – 32GB Black

رۇسىيە
MC603RS/A – 16GB Black
MC605RS/A – 32GB Black

گرىتسىيە
MC603GR/A – 16GB Black
MC605GR/A – 32GB Black

ئىتالىيە
MC603IP/A – 16GB Black
MC605IP/A – 32GB Black

تۆۋەندىكىلىرى قۇلۇپى بار نەشىرى

ئامېرىكا
MC608LL/A – 16GB Black
MC610LL/A – 32GB Black
MC318LL/A – 16GB Black
MC319LL/A – 32GB Black

كانادا
MC603C/A – 16GB Black
MC605C/A – 32GB Black

ياپونىيە
MC603J/A- 16GB Black
MC605J/A- 32GB Black

كورىيە
MC603KH/A – 16GB Black
MC605KH/A – 32GB Black

فىلىپپىن
MC603PP/A – 16GB Black
MC605PP/A – 32GB Black

ئاۋسترالىيە
MC603X/A – 16GB Black
MC605X/A – 32GB Black

گىرمانىيە
MC603DN/A – 16GB Black
MC605DN/A – 32GB Black

ئەنگىلىيە
MC603B/A – 16GB Black
MC605B/A – 32GB Black

فرانسىيە

MC603FB/A – 16GB Black
MC605FB/A – 32GB Black

دىيىلىۋاتقان قۇلۇپى بار ۋە قۇلۇپسىز نەشىرى دېگەنگە ئازراق چۈشەنچە بېرىپ ئۆتەي.

ئايفون ياسالغان چاغدا ئالما شىركىتى تېلېگراف شىركىتى بىلەن توختاملىشىپ ياسىغان بولۇپ، ياسالغان تېلىفۇن پەقەت شۇ شىركەتنىڭ كارتىسى سېلىنغاندىلا ئاندىن نورمال خىزمەت قىلىدۇ. بولمىغاندا تېلىفۇن ئىقتىدارى چەكلىمىگە ئۇچرايدۇ. مەسىلەن، ئامېرىكىدا AT&T نىڭ كارتىسى چۈشىدىغان ئايفوننى بىز جۇڭگودا نورمال ئىشلىتەلمەيمىز. ھەتتا ئامېرىكىنىڭ ئۆزىدە باشقا شىركەتنىڭ كارتىسىنى سېلىپمۇ ئىشلىتەلمەيمىز. بۇنىڭ ئۈچۈن تۈرمىدىن قاچۇرۇپ بۇ چەكلىمىنى بۇزۇشقا توغرا كېلىدۇ. لېكىن بۇ چەكلىمە مودىم بىلەن مۇناسىۋەتلىك. چاتاق يېرى ئايفون ھەر قېتىم سېستىما يېڭىلىغاندا يېڭىچە مودىم نەشىرى Baseband 基带版本 ئىشلىتىدۇ. يەنى مودىم نەشىرى ھەر قېتىم يېڭىلىنىدۇ. مودىم نەشىرى نۆۋەتتە بۇزۇپ تاشلاش ئەڭ قىيىن بولىۋاتقان نەرسە بولغاچقا، ئايفون 4 ئابونتلىرى پەقەت 01.59.00 دېگەن نەشىردىن باشقا نەشىردىكى قۇلۇپى بار ئايفوننى يېشەلمەيۋاتىدۇ. قۇلۇپى بار ئايفوننىڭ تېلىفۇن ئىقتىدارىنى يېشىش ئۈچۈن ultrasnow بىلەن يېشىمىز. Cydia دىن قاچىلايمىز.

دۆلىتىمىزدە كۆپ ئۇچرايدىغان قۇلۇپى بار نەشىرى ئامېرىكا نۇسقىسى. ھەممە خىلدىكى قۇلۇپى بار ئايفونلار ئامېرىكا نۇسقىسىغا ئوخشاش. ئەگەر سىز مۇشۇنداق ئايفون ئىشلىتىۋاتقان بولسىڭىز يېڭى سېستىما چىققاندا ئەڭ ياخشىسى مائوسنى بۇ جايدىن نېرى تۇتۇڭ. يېڭىلاپ قالسىڭىز يېڭى نۇسقىسىنىڭ تۈرمىدىن قاچۇرۇش ئۇسۇلى چىقمىغۇچە تېلىفۇن ئۇرالماي يۈرۈيسىز. چۈنكى تېلىفۇننى يېشىش ئۈچۈن Cydia بولىشى كېرەك. بۇ بولۇشى ئۈچۈن تۈرمىدىن قېچىشى كېرەك. ئەگەر قۇلۇپى بار ئايفون 4 ئىشلەتكۈچىسى بولسىڭىز تېخىمۇ ئېھتىيات قىلغايسىز. مودىم نەشىرىنى چوقۇم TinyUmbrella ئارقىلىق 01.59.00 نى ساقلاپ قالغان ئاساستا يېڭىلىمىسىڭىز بولمايدۇ (ئۇلانمىدىن كۆرۈڭ). چۈنكى ئايفون 4 نىڭ باشقا مودىم نەشىرلىرىنى UltraSnow يېشەلمەيدۇ. ئەگەر يېڭىلاپ قالغان بولسىڭىز ئۇ چاغدا كارتا چاپلاپ ئىشلىتىسىز. ياكى ئايپودنىڭ ئورنىدا ئويۇن ئويناپ ناخشا ئاڭلاپ، تېلىفۇندىن باشقىنى ئالىسىز. مۇشۇنداق گەپ.

كۆپ ئۇچرايدىغان قۇلۇپسىز نەشىرى بولسا شياڭگاڭ نۇسقىسى ۋە جۇڭگو نۇسقىسى. ھەممە خىلدىكى قۇلۇپسىز ئايفونلار شياڭگاڭ نۇسقىسى بىلەن ئوخشاش. بۇنىڭ بىر قولاي يېرى شۇكى، يېڭى نەشىرى چىققاندا يېڭىلاپ قالسىڭىزمۇ ھېچقىسى يوق. چۈنكى تېلىفۇن نورمال ئىشلەۋېرىدۇ. پەقەت Cydia دىن بىر نەرسە قاچىلىيالمايسىز. تۈرمىدىن قاچۇرۇش ئۇسۇلى چىققۇچە جىم بېسىقىدا ئايفون ئىشلىتىشنىڭ ئەسلى قائىدىسى بويىچە App Store دىن ئويۇن قاچىلاپ ئىشلىتىپ تۇرىسىز. بۇنىڭدا چوڭ چاتاقمۇ چىقمايدۇ. ئىشقىلىپ قۇلۇپى يوق نەشىرى بەكلا قولاي.

مېنىڭچە سىز مۇشۇ يەرگىچە سۆزلەنگەن مەزمۇنلارنى ئوقۇپ خېلى كۆپ بىلىملەرگە ئېگە بولدىڭىزغۇ دەيمەن؟ يەنە داۋاملاشتۇرايلى.

序列号 بولسا سىزنى ئايفونىڭىزنىڭ سېرىيال نومۇرى بولۇپ، بۇ نومۇرلاردىن ئايفونىڭىزنىڭ ئىشلەپچىقىرىلغان يىل ۋە ئاينى بىلگىلى بولىدۇ. بۇنىڭ 3-خانىسى ئىشلەپچىقىرىلغان يىلنى ئىپادىلەيدۇ. 4- ۋە 5- خانىسى بولسا شۇ يىلغا تەۋە ھەپتىنى ئىپادىلەيدۇ. مەسىلەن، 3-، 4-، 5- خانىسى 019 بولسا 2010-يىلى 19- ھەپتىدە ئىشلەنگەنلىكىنى بىلىۋالالايمىز. ئەگەر 932 بولسا 2009-يىلنىڭ 32-ھەپتىسى ئىشلەنگەنلىكىنى بىلىۋالالايمىز.

سىز يەنە مۇشۇ نومۇر ئارقىلىق ئورگان تور بېتىدىن تېخىمۇ كۆپ ئۇچۇرلارغا ئېگە بولالايسىز. ئايفونىڭىزنىڭ راس-يالغانلىقىنى مۇشۇ نومۇر ئارقىلىق تەكشۈرۈپ باقتىڭىزمۇ؟ تەپسىلاتىنى گوگل ياكى بەيدۇلاپ بېقىڭ.

WiFi ئادرىسىڭىز سىزنىڭ شۇ ئۈسكىنىڭىزگە تەۋە بولغان بىردىنبىر پەرقلەندۈرگۈچى نومۇر بولۇپ، سان ۋە ھەرپنىڭ ئارىلاشمىسىدىن تۈزۈلگەن. بەزى سىمسىز تور مۇھىتىدا مۇشۇ نومۇرنى كىرگۈزۈپ سىزنى تور زىيارەت قىلىشقا يول قويىدۇ. مۇنداقچە قىلىپ ئېيتقاندا بۇ سىزنىڭ WiFi كىملىكىڭىز.

蓝牙 كۆكچىش كىملىكىڭىز. بۇنىڭ خاراكتىرىمۇ ئۈستىدىكىگە ئوخشاپ كېتىدۇ.

IMEI نومۇرى بولسا خەلقئارا كۆچمە ئۈسكۈنە كىملىكى International Mobile Equipment Identity نىڭ قىسقارتىلمىسى. بۇ ھەرقانداق يان تېلىفۇندا بولىدۇ. بۇمۇ پەقەت شۇ ئاپاراتقا تەۋە بولغان بىردىنبىر نومۇر.

ئۇنىڭ ئاستىدىكى ICCID بولسا Integrate circuit card identity نىڭ قىسقارتىپ يېزىلىشى. يەنى توپلاشتۇرۇلغان توك يولى كارتىسىنىڭ پەرقلەندۈرۈش نومۇرى. بۇ SIM كارتىسىغا يېزىۋېتىلگەن. بۇ 20 خانە بولۇپ، كۆچمە خەۋەرلىشىشنىڭ 898600 دىن باشلىنىدۇ. بىرلەشمە خەۋەرلىشىشنىڭ 898601 دىن باشلىنىدۇ.

ئۇنىڭ ئاستىدىكى 调制解调器固件 دەل بىز دەۋاتقان مودىم نەشىرى Baseband شۇ. قۇلۇپى بار نەشىرىدىكى ئايفونداشلار ئايفوننى يەشكەندە مۇشۇ جايغا دىققەت قىلىڭ. UltraSnow سىزنىڭ ئايفونىڭىزنىڭ مۇشۇ نەشىرىنى يېشەلەمدۇ يوق شۇنىڭغا دىققەت قىلسىڭىز بولىدۇ.

كۆڭلىڭىزدىكىنى تاپايمۇ؟

قىسقا ئۇچۇرلىرىڭىزنى كومپىيۇتېر بىلەن ئېۋەتكىڭىز بارمۇ؟

پاسىبان — Thu, 11 Aug 2011 06:10:41 +0000

بەزىدە كومپىيۇتېرنىڭ ئالدىدا ئولتۇرغان ۋاقىتتا ئايفوننى ئېلىپ ئۇچۇر ئېۋەتىش خوش ياقمايمۇ قالامدۇ؟ بەزىدە كومپىيۇتېردىكى بىر پاتمان مەزمۇنلارنى بىرسىگە ئۇچۇر ئارقىلىق ئېۋەتىش توغرا كەلگەندە ھەممە مەزمۇننى قولىڭىز بىلەن ئايفوندا يېزىش خوش ياقمايمۇ قالامدۇ؟ بۇ چاغدا كومپىيۇتېر ئارقىلىق ئۇچۇر يوللاشنى ئويلاپمۇ قالغان بولغىيتىڭىز ھە؟ قېنى كېلىڭ، بۇ چۈشىڭىزنى رىئاللىققا ئايلاندۇرايلى.

WiFi SMS ناملىق بۇ ئەپ سىزگە بۇ توغرىسىدا ياردەم قىلالايدۇ. ئەلۋەتتە، بۇنىڭ ئۈچۈن تۈرمىدىن قاچۇرغان بولىشىڭىز شەرت. چۈنكى بۇنى Cydia دىن قاچىلايمىز. بۇنىڭ ئۈچۈن ئايرىم مەنبە قوشۇشنىڭ ھاجىتى يوق. چۈنكى بۇ Cydia نىڭ ئۆزىدە بار بولغان BigBoss مەنبەسى ئىچىدە بار. شۇڭا بىۋاستە ئىزدەيدىغان جايدىن مۇشۇنداق ئىزدەپ تېپىپ قاچىلىۋېتىڭ.

ئىسمىدىنمۇ چىقىپ تۇرۇپتىكى بۇنى چوقۇم WiFi مۇھىتىدا ئىشلىتىسىز. يەنى سىزنىڭ ئايفونىڭىز ۋە كومپىيۇتېرىڭىز ئوخشاش WiFi تور مۇھىتىدا بولىشى شەرت. بۇنى SBSettings بىلەن بىللە قاچىلىدىغۇ دەيمەن(ئەلۋەتتە، ئىلگىرى قاچىلاپ بولغان بولسىڭىز يېڭىدىن قاچىلىمايدۇ. قاچىلىمىغانلارغا ئېيتتىم). شۇڭا ئېكراننىڭ ئۈستىدىكى ھالەت ستونىنى بىر سىيرىڭ. چىققان كۆزنەكتىن WiFi SMS نى قوغىتىڭ. ئاندىن شۇ كۆزنەكنىڭ ئاستىغا قارىسىڭىز سىزنىڭ ئايفونىڭىزنىڭ WiFi IP ئادرېسى كۆرىنىدۇ(192.168.1.100 دېگەندەك). سىز مۇشۇ IP ئادرىسىنىڭ ئاخىرىغا:8080 نى قوشۇپ تور كۆرگۈچ بىلەن ئېچىڭ. مەسىلەن : 192.168.1.100:8080 بۇنى چوقۇم Internet Explorer دىن باشقا كۆرگۈچ ئارقىلىق ئېچىڭ. چۈنكى بۇ IE نى قوللىمايدۇ. 360, Maxthon دېگەندەكلەرنىڭ ھەممىسى IE نىڭ چاپىنى خالاس. شۇڭا شۇنىڭ بىلەن ئاچساممۇ ئېچىلمىدىغۇ دەپ سوئال سوراپ يۈرمەڭ. بۇ ئايرىم تور كۆرگۈ ئەمەس. دېمەكچى بولغىنىم FireFox ياكى Chrome ياكى بولمىسا كومپىيۇتېرىڭىزغا قاچىلىغان سافارى. مۇشۇلار ئارقىلىق ئاچىسىز.

نېمىنى بايقىدىڭىز؟ ئايفونىڭىزدىكى بارلىق ئۇچۇرلار تور كۆرگۈڭىزنىڭ بېتىدە پەيدا بولدىمۇ؟ ئاستىغا يازىدىغان ئۇچۇرنى يېزىپ ئېۋەتىپ بېقىڭ. ئاۋازىمۇ ئايفونغا ئوخشاش تېخى!

بۇ ئەپنى ئىشلىتىپ بايقىغان بىر مەسىلەم، ئىلگىرى ئۇچۇر ئېۋەتىپ باققان بىرەرسىگە ئۇچۇر يازغىلى بولىدىكەن. ئۆزىمىز يېڭىدىن ئۇچۇر يازىمەن دەپ يازالمايدىكەنمىز. يېڭىدىن يازىدىغان جاينى تاپالمىدىم. سىلەر تاپالىغان بولساڭلار ئوتتۇرىغا قويۇڭلار، تەڭ پايدىلىنايلى!

سەمىمىي تەۋسىيە: IE نىڭ دەۋرى ئۆتتى. بولۇپمۇ IE 6 نىڭ. باشقىلار بۇنى ئاللىقاچان دەپنە قىلىپ يەرلىكىدە قويۇپمۇ بولغان ئىدى(بۇ يەردىن كۆرۈڭ). بىز بولساق بۇنى قەۋرىسىدىن تارتىپ چىقىپ ئىشلىتىۋاتىمىز. مۇشۇ ئەبجەق تور كۆرگۈنى يەنە ئىشلىتىۋاتقانلارغا سەمىمىي تەۋسىيەرىم، ئاتەش تۈلكە (FireFox) ياكى گوگلنىڭ كروم كۆرگۈسىمۇ بەك پەچەت، سۈرئىتى بەك تېز. شۇنى ئىشلىتىپ كۆرۈڭلار. مۇشۇ بلوگنى مۇشۇ پەچەت كۆرگۈلەر بىلەن كۆرسەڭلار بۆلەكچە چىرايلىق كۆرۈنىدۇ. IE دا يەنە باشقىچە كۆرىنىدۇ. دەۋرگە ماسلىشىپ زامانىۋى تور كۆرگۈنى ئىشلىتىڭ. ئايفونىڭىزغا لايىق تۈزۈكرەك كۆرگۈ ئىشلىتىڭ.

ئاتەش تۈلكىگە دائىر تېخىمۇ كۆپ چۈشەنچىگە ئېرىشىش ئۈچۈن بۇ يەردىن تەدبىركارنىڭ چۈشەندۈرىشىگە قۇلاق سېلىپ كۆرۈڭ. يازمىنى تەپسىلىي بىر كۆرۈپ چىقسىڭىز ئەبجەق IE دىن ئىلغار كۆرگۈچكە ئۆتىشىڭىزگە پايدىسى تېگىشى مۇمكىن.

Google Chrome نىڭ نۆۋەتتە دۇنيادىكى ئەڭ تېز تور كۆرگۈ ئىكەنلىكىنى بىلىسىزغۇ دەيمەن. قانچىلىك تېزلىكىنى باشقىلار مۇنداق سىناق قىپمۇ بېقىپتۇ. (تېمىغا مۇناسىۋەتلىك بولغانلىقى ئۈچۈن بۇنىمۇ يوللاپ قوياي.) بۇنى كۆرۈپ سىز يەنە ئاشۇ قوتۇر بىلەن تور بەت كۆرەمسىزكىن؟

كۆرگىنىڭىزدەك، باشقىلار بۇ تور كۆرگۈنىڭ سۈرئېتىنى ئاۋاز ۋە چاقماق بىلەن سېلىشتۇرىۋاتىدۇ. شۇڭا مۇشۇ 2 خىل تور كۆرگۈنى سىلەرگە تەۋسىيە قىلماقچىمەن. Google Chrome بىلەن بۇ بلوگنى بىر ئېچىپ كۆرۈڭلار. IE دىكىگە قارىغاندا رەتلىك، چىرايلىق كۆرۈنىدۇ. بۇ بەتلا ئەمەس، باشقىلىرىمۇ شۇنداق. سىز زادى IE غا كۆنۈپ قېلىپ بۇنىڭغا ئالمىشالمىغۇدەكمەن دەپ قالسىڭىز بۇ بەتنى كۆرۈڭ. تەدبىركار سىزنىڭ كرومىڭىزنى IE غا ئوخشىتىۋېلىشىڭىزغا ياردەم قىلىدۇ.

ئاخىرىدا يەنە بىر ئەسكەرتىپ ئۆتەي. 搜狗, TT, 360, Maxthon دېگەندەك كۆرگۈلەر ئايرىم كۆرگۈ ئەمەس. ھەممىسى IE نىڭ چاپىنىدا تەرلەيدىغانلار. ئىچىنى چۇۋۇسىڭىز ھەممىسى IE نىڭ يادروسىنى ئىشلىتىدۇ. شۇڭا ئېشەككە چاپاننىڭ قانچە چىرايلىقىنى ئېلىپ كەيدۈرسەكمۇ ئۇ يەنە ئېشەك، ئات بولالمايدۇ. قالغىنى سىزنىڭ تاللىشىڭىز. يازمىغا مۇناسىۋەتسىز ھەم مۇناسىۋەتلىك بولغانلىقى ئۈچۈن بۇلارنى ئېيتىپ قالدىم. ياخشى نەرسىدىن بىللە بەھرلىنىش لازىم ئەمەسمۇ؟

كۆڭلىڭىزدىكىنى تاپايمۇ؟

بۇ يازمىلارغىمۇ ئىشتاھايىڭىز بولىشى مۇمكىن
iOS 5 نى تۈرمىدىن قاچۇرۇشقا تەييارلىق – SHSH نى زاپاسلاش	iOS 5 نى نامۇكەممەل تۈرمىدىن قاچۇرۇش	iOS 4.2.1 نىڭ مۇكەممەل تۈرمىدىن قاچۇرۇش جەريانى	iOS 4.3.1 نەشىرى ئېلان قىلىندى. يېڭىلىق ئەلۋەتتە بار. قۇلۇپى يوق ئالمىداشلار يىڭىلىسا تامامەن بولىدۇ	ماشىنا ئاتالغۇلىرىغا ئىزاھات – تولغىنىش مومېنتى
无觅

بۇ يازمىلارغىمۇ ئىشتاھايىڭىز بولىشى مۇمكىن
ھېيتلىق لازىممۇ؟! مانا ئەمىسە!	تەۋسىيە: بالىلارنىڭ زېھنىنى ئاچىدىغان ئېسىل ئەپ	iPhone دا رەسىم تارتىشتىكى يىڭى بىر ئەپ Fast Snap	تەۋسىيە: ئاجايىپ ئېسىل ئەپ – Orient	تۈرمىدىن قاچۇرغانمۇ؟ ئۇنداقتا ئايفوننى ئىسراپ قىلماڭ (2) (فىلىملىك)
无觅

بۇ يازمىلارغىمۇ ئىشتاھايىڭىز بولىشى مۇمكىن
iOS 5.0.1 ئېلان قىلىندى	iOS 5 نى تۈرمىدىن قاچۇرۇشقا تەييارلىق – SHSH نى زاپاسلاش	iOS 5 نى نامۇكەممەلمۇ ئەمەس، مۇكەممەلمۇ ئەمەس بىر نېمە قىلىش	iOS 4.3.1 نەشىرى ئېلان قىلىندى. يېڭىلىق ئەلۋەتتە بار. قۇلۇپى يوق ئالمىداشلار يىڭىلىسا تامامەن بولىدۇ	App Store دىكى ئۇيغۇرچە ئەپلەر توپلىمى
无觅

بۇ يازمىلارغىمۇ ئىشتاھايىڭىز بولىشى مۇمكىن
iOS 5 نى نامۇكەممەلمۇ ئەمەس، مۇكەممەلمۇ ئەمەس بىر نېمە قىلىش	iOS 5 نى نامۇكەممەل تۈرمىدىن قاچۇرۇش	iOS 4.3.2 نىڭ مۇكەممەل تۈرمىدىن قاچۇرۇش جەريانى	سىرىنى iPhone 4 كە سۆرەپ ئەكىرەيلىمۇ؟	ماشىنا ئاتالغۇلىرىغا ئىزاھات – تولغىنىش مومېنتى
无觅

بۇ يازمىلارغىمۇ ئىشتاھايىڭىز بولىشى مۇمكىن
iOS 5.0.1 ئېلان قىلىندى	iOS 5 نى نامۇكەممەل تۈرمىدىن قاچۇرۇش	iOS 5 نى تۈرمىدىن قاچۇرۇشقا تەييارلىق – SHSH نى زاپاسلاش	iOS 5 نى نامۇكەممەلمۇ ئەمەس، مۇكەممەلمۇ ئەمەس بىر نېمە قىلىش	iOS 5.0 دىن بىر – ئىككى پارچە رەسىملەر
无觅