باش ئەگمەس مىللەت-ئۇيغۇرلار

مەنزىل · ۋاقتى: 2014-5-7 11:05:12


	بۇ يازمىنى ئاخىرىدا يۈكسەل تەھرىرلىگەن. ۋاقتى 2014-5-7 22:30 （بۇ مەزمۇن پۈتۈنلەي ئويلىرىم مۇنبىرىدىن كۆچۈرۈلگەن،تور ئادرېسى::http://bbs.oylirim.cn/ ） "باش ئەگمەس مىللەت-ئۇيغۇرلار" （بۇ مەزمۇن پۈتۈنلەي ئويلىرىم مۇنبىرىدىن كۆچۈرۈلگەن،تور ئادرېسى::http://bbs.oylirim.cn/ ） ئاپتورى بىر ئامېرىكىلىق، تىمىنىڭ تىرناق ئىچىدىكى ئىزاھاتى بولسا "جوڭگۇنىڭ ئىچكى ئۆلكىلىرىدىكى ئۇيغۇرلارنى كۆرۈپ ھېس قىلغانلىرىم". ماقالىدىن ئۆزۈم مۇھىم دەپ قارىغان قۇرلارنى تېپىشقا ئالدىرىدىم: " ئۇيغۇر خىزمەتچىلەر.... ئۆزلىرى بېيجىڭدا ياشايدۇ، سائىتى ئۈرۈمچى ۋاقتىغا توغرىلاقلىق. بېيجىڭدا ياشىغىنىغا 10-20 يىل بولغان، ئەمما بېيجىڭلىقلاردىن بىرمۇ دوستى يوق، ئۇلار بىلەن ئارىلىرىدىكى ئەڭ يېقىن دېيىلگەن مۇناسىۋەت خىزمەتداشلىق. 'دۆلىتىڭنى سۆيەمسەن؟' دەپ سورىساڭ ھەئە دەپ باش لىڭشىتىپ قويىدۇ، ئەمما بىللە ئولتۇرۇپ مۇسابىقە كۆرسەڭ، چاۋاكنى جوڭگۇ كوماندىسىنىڭ ئەمەس، چەتئەل كوماندىسىنىڭ ئۇتۇقىغا چالىدۇ.... ئۆزۈمگە مۇناسىۋەتلىك قۇرلار تېپىلمىغاندىن كېيىن ئىككىنچى ئابزاسقا ئاتلاپ كەتتىم: " .... ئۇيغۇر ئوقۇغۇچىلار..... سانى بىر ئونۋېرسىتتا 70 ياكى 80 ، ئېشىپ كەتسە 200 ياكى 300 . ئونمىڭ، 20 مىڭ ئوقۇغۇچىسى بار ئونۋېرسىتلاردا خۇددى مۇشۇلارلا ئوقۇۋاتقاندەك مەۋجۇتلۇقى نامايەن... كېچىدە چىرىقى ئەڭ ئاخىرىدا ئۆچىدىغان ياتاق مۇشۇلارنىڭ. ھەپتە ئاخىرلىرى ئەڭ جۇشقۇن مۇزىكىلار جاراڭلايدىغان، ئەڭ قاتتىق كۈلكە ياڭرايدىغان ياتاقلارمۇ ھەم. گاھى باشقا ئۆلكىلىكلەر بىلەن، گاھى مەكتەپنىڭ مۇھاپىزەتچىلىرى بىلەن كالتەك-چوماقنى قىز-ئوغۇل تەڭ كۆتۈرۈپ چىقىپ سوقۇشىدىغانلارمۇ ھەم مۇشۇلار. بۇ ئالامەتلەرگە بىر قارىساڭ كۆرىلىدىغىنى تەرتىپسىزلىك، بىر قارىساڭ چاقنايدىغىنى ھاياتقا بولغان قىزغىن مۇھەببەت، دوستلۇققا، قېرىنداشلىققا بېرىلگەن يۈكسەك ئەھمىيەت.... يەنە بىر قارىساڭ، بۇ دۆلەتتىكى ئاساسلىق نوپۇس بىلەن تەڭ ئولتۇرۇپ، تەڭ قوپالمايدىغان پەرقلىق مىللىي زوق، سىڭىشىپ بولالمايدىغان پەرقلىق بىر ھايات شەكلى".... " تىرىكچىلىك كويىدىكى ئۇيغۇرلار.... يول قويساڭ، ئالدىنى توسمىساڭ، ھەممىسى ئۇستا تىجارەتچى- سودىگەر. ..پۇتلىكاشاڭ چىقارساڭ، ھەر بىرسى بىر جەڭچى. بۇلار قولىدا نېنى قالمىسا، تىلەپ يىمەيدۇ، بۇلاپ يەيدۇ. يانچۇقىدا پۇلى تۈگىسە، كوچىدا ياتمايدۇ، تۈرمىدە ياتىدۇ....ئەسلىدە بېشىدىن كەچۈرىۋاتقىنى كۈن ئەمەس، بىر جەڭ. بېشىغا كەلگەن ئېگىز-پەس كۈنلەر بەزلىرىنىڭ قولىدا سۇنۇق، بەزىلىرىنىڭ بېشىدا يېرىق ئىزى قالدۇرغان، ئەمما كۆزلىرىدىن ۋە تونلىرىدىن مەلۇمكى، روھىي سۇنۇق ئەمەس، يۈرىكى ئېزىك ئەمەس. بۇلار يەرلىكلەرگە قورقۇنۇچلۇق كۆرۈنۈشكە رازىكى، غېرىپ-بىچارە كۆرۈنۈشكە رازى ئەمەس. ھەق-ناھەق جىدەللىرىدە تاياق يېگۈچى بولۇشقا رازىكى تاماشىبىن بولۇشقا رازى ئەمەس....زىيارىتىم داۋامىدا ئۇنتۇلماس بىر دىيالوگقا شاھىد بولدۇم. ئىككى شېرىك، ياق ئىككى سەبداش، ياق ئىككى تەقدىرداش، بىرى كۈندىلىك ئوقىتى ئۈچۈن بوسۇغۇدىن ئاتلاشنىڭ ئالدىدا يەنە بىرىگە تاپىلىدى: -ئەگەر بۈگۈن كەچ قايتىپ كېلەلمەي قالسام، بۇ پۇلنى تۈرمىدىكى ئاكامنىڭ ئايالىغا يوللاپ بەر . -ئېتىلىپ كەتكەن ئاكاڭنىڭ بالىلىرى تېلىفون قىلپ قالسىچۇ؟ -ئالدىنقى قېتىملىق ئولجىنىڭ پۇلىنى مەن شۇلارغا ئەۋەتكەن. -كۆرۈشمەكچىتىم دەپ قالسىچۇ؟ -'ئالدىراش، مەكتەپتە ئوقۇۋاتىدۇ' دەپ قوي. تىلىنى چۈشۈنۈپ قالدىم، مەكتەپ دېگىنى تۈرمە ياكى مازار. بۇنىڭغىمۇ ھەيران قالمىدىم، چۈنكى كۆرۈپ بولغانمەن، بۇ شەھەردە بىرمۇ ئۇيغۇر مەھەللىسى يوق، ئەمما ئۇيغۇر مازارلىقى بار، بۇ مازارلقىتىكى گۈمبەزنىڭ سانى، بۇ شەھەردە مىدىرلاپ يۈرگەن ئۇيغۇرلارنىڭ سانىدىن ئاز ئەمەس. تەسىر قىلىغىنى بۇ سۈزلەرنى دەۋاتقان چاغدىكى ئۇ تەمكىن روھىي ھالەت، بوسۇغۇدىن ئاتلىغان چاغدىكى ئۇ مەزمۇت قەدەم. مېنىڭچە بۇ " مەن ياشايمەن"لا ئەمەس، " ئائىلەم ۋە قەۋمۇ-قېرىنداشلىرىمنىمۇ ياشىتىمەن!" دېگەن ئۈنسىز بىر بايانات! ئەگەر بىر مىللەت ئاچلىقتىن يوقۇلىدىغان ئىش بولسا، بۇلار كوپىراتسىيە دەۋرىدە يەنى 1960-، 1970‏-يىللاردا يوقۇلۇپ بولغان بولاتتى؛ ئەگەر بىر مىللەت نادان قالدۇرۇلۇش بىلەن تۈگىشىدىغان ئىش بولسا، ياڭ زېڭشېڭ دەۋرىدىن كېيىنلا ئىزى يوقالغان بولاتتى؛ ئوقتا بىر مىللەتنىڭ يوقۇلۇشى مۇمكىن ئەمەس، ئەگەر ئوقتا بويسۇندۇرغىنى بولىدىغان ئىش بولسا، بۇ مىللەت زو زوڭتاڭ دەۋرىدىن كېيىن باش كۆتۈرەلمىگەن بولاتتى. جوڭگۇنىڭ تەرەققىياتىنى خالىمايدىغان، ھە دېسىلا جوڭگۇدىن ئەيىپ ئىزدەيدىغان بەزى كۈچلەر بۇ كىشىلەرنىڭ تەقدىرى ھەققىدە ئۇنى-بۇنى دەپ يۈرىدۇ، ئەمما بۇ مىللەتنى يوقىلىدۇ، دېسە مەن ئىشەنمەيمەن... بۇ مىللەت بۈگۈنگىچە يوقالمىدى، ئىنتېرنېت دەۋرىدە ئەسلا يوقالمايدۇ." （بۇ مەزمۇن پۈتۈنلەي ئويلىرىم مۇنبىرىدىن كۆچۈرۈلگەن،تور ئادرېسى::http://bbs.oylirim.cn/ ） جۇڭگۇ خەۋەر تورىدىن ئېلىندى

سەنسىز · ۋاقتى: 2014-5-8 20:26:41


	ناھايتۇ تۇغرا يېزىپتۇ ......

ئويلىرىم · ۋاقتى: 2014-5-10 18:50:32


	شۇنداق راسلا

ھېسابات		ساقلاش	پارول قايتۇرىۋېلىش
پارول			ئەزا بۇلۇڭ