باشقىلارنىڭ سەۋەنلىكى بىلەن ئۆزىڭىزنى جازالىماڭ

oylirim · ۋاقتى: 2015-12-13 15:07:30


	باشقىلارنىڭ سەۋەنلىكى بىلەن ئۆزىڭىزنى جازالىماڭ ئىجتىمائىي تۇرمۇشتا باشقىلاردىن ئورۇنسىز تىل ئىشتىدىغان، قوپال مۇئامىلىسىگە ئۇچرايدىغان ئەھۋاللار دائىم يۈز بېرىپ تۇرىدۇ. بىر قىسىم كىشىلەر مۇشۇنداق ئىشقا يولۇققاندا، تەمكىنلىك بىلەن كەيپىياتىنى تەڭشىۋالالىسىمۇ، يەنە بىر قىسىم كىشىلەر ئىچ – ئىچىدىن ئازابلىنىپ، نەچچە كۈنگىچە بىئارام بولۇپ يۈرىدۇ، بۇ ئەمەلىيەتتە باشقىلارنىڭ سەۋەنلىكى ئارقىلىق ئۆزىنى جازالاشتىن باشقا نەرسە ئەمەس!（بۇ مەزمۇن پۈتۈنلەي ئويلىرىم مۇنبىرىدىن كۆچۈرۈلگەن،تور ئادرېسى::http://bbs.oylirim.cn/ ） يېقىندا بىر تونۇشۇم ئۆزىنىڭ خىزمەت ئىشى بىلەن ئىدارە باشلىقىنى ئىزدەپ ئۇنىڭ ئىشخانىسىغا كىرىپتۇ ۋە يولۇققان قىيىنچىلىقىنى ئېيتىپ، خىزمەت ۋەزىپىسىنى مۇۋاپىق تەڭشەپ قويۇشنى تەلەپ قىلىپ، ئىلتىماسىنى سۇنۇپتۇ. ئىدارە باشلىقى ئىلتىماسقا قاراپمۇ قويماستىن، ھېلىقى تونۇشۇمنى قاتتىق ئەيىبلەپ كېتىپتۇ ۋە قوپال گەپلەر بىلەن ئىشخانىسىدىن چىقىرىۋېتىپتۇ. ئەمەلىيەتتە تونۇشۇمنىڭ تەلىپى ئەقىلگە مۇۋاپىق بولۇپ، پەقەت ئۆزىنىڭ ئالاھىدىلىكىنى تېخمۇ بەكرەك جارى قىلدۇرالايدىغان ۋەزىپىنى ئۈستىگە ئېلىشنى تەلەپ قىپتىكەن. بۇ ئىش تونۇشۇمغا قاتتىق ھار كەلگەچكە، نەچچە كۈنگىچە ئازابلىنىپ يۈرۈپتۇ، خىزمەتتىنمۇ رايى يېنىپ، ھەتتا خىزمىتىدىن ۋاز كەچكىلى تاسلا قاپتۇ. （بۇ مەزمۇن پۈتۈنلەي ئويلىرىم مۇنبىرىدىن كۆچۈرۈلگەن،تور ئادرېسى::http://bbs.oylirim.cn/ ） بۇ يەردىكى سەۋەنلىك زادى كىمدە؟ ئەلۋەتتە، قول ئاستىدىكىلەرنىڭ ھالىغا يەتمەيدىغان، رەھبەرلىك ئىستىلى ناچار، ساپاسىز ئىدارە باشلىقىدا. ئۇنداقتا، شۇ باشلىقنىڭ سەۋەنلىكى ئۈچۈن نېمە دەپ بۇنچە ئازاب چەككۈلۈك؟ باشقىلارنىڭ ئورۇنسىز زەربىسى، تىل – ئاھانىتى ئەلۋەتتە ھەر قانداق كىشىنىڭ ئاچچىقىنى كەلتۈرىدۇ، لېكىن بۇ ئىش ئۈچۈن ئۆزىنى بىھۇدە ئەيىپلەش، بىھۇدە ئازابلاش ئۆزىگە زىيانلىق ئاقىۋەتلەرنى ئېلىپ كېلىشتىن باشقا پايدا بەرمەيدۇ، بۇ ماھىيەتتە باشقىلارنىڭ سەۋەنلىكى ئارقىلىق ئۆزىنى جازالاشتىن باشقا نەرسە ئەمەس! （بۇ مەزمۇن پۈتۈنلەي ئويلىرىم مۇنبىرىدىن كۆچۈرۈلگەن،تور ئادرېسى::http://bbs.oylirim.cn/ ） ھايات شۇنداق بىر سەھنە، ئۇنىڭ خۇشاللىق تەرەپلىرىمۇ،كۆڭۈلنى غەش قىلىدىغان يېقىمسىز توقۇناقلىرىمۇ، ئاچچىق ئەلەملىرىمۇ بولىدۇ. شۇڭا پەزىلەتسىز كىشىلەرنىڭ يامان مۇئامىلىسىگە ئۇچرىغاندا، تۆھمەت – ئاھانەتكە قالغاندا، ئۆزىمىزنىڭ پىسخىك كەيپىياتىمىزنى تەڭشەپ، ئۈمىدۋارلىق بىلەن ھاياتقا كۈلۈپ قارىيالايمىز.

ھېسابات		ساقلاش	پارول قايتۇرىۋېلىش
پارول			ئەزا بۇلۇڭ