ئۇلۇغ ئانا ھەققىدە چۆچەك (چۆچەك)

（بۇ مەزمۇن پۈتۈنلەي ئويلىرىم مۇنبىرىدىن كۆچۈرۈلگەن،تور ئادرېسى::http://bbs.oylirim.cn/ ）
قەدىمدە تەكلىماكان باغرىدا قەمەر دېگەن بىر شەھەر بار بولۇپ، خەلقلىرى پاراۋان ئىكەن. ئەتراپتىكى باشقا دۆلەتلەر بۇ شەھەرنىڭ بايلىقى، ئاۋاتلىقى، گۈزەللىكىدىن ھەيران ئىكەن. پادىشاھنىڭ ئوغلى بولمىغاچقا، قىزىنى شاھ ۋارىسى قىلىپ بەلگىلەپتۇ. ئۇ ناھايتى گۈزەل بولغاچقا، قوشنا دۆلەتلەر پادىشاھلىرى ئۇنىڭغا ئەلچى ئەۋەتىپتۇ، ئەمما قىز ھېچكىمنى قۇبۇل كۆرمەپتۇ. بۇ شەھەرنىڭ چېتىدە بىر تۇل ئايال يالغۇز ئوغلى بىلەن ياشايدىكەن. ئوغلى ناھايىتى كۈچتۈڭگۈر ھەم باتۇر ئىكەن. كۈنلەرنىڭ بىرىدە بۇ يىگىت شىكارغا چىققان شاھ قىزىنى ئۇچرىتىپ قاپتۇ ھەم ئاشىق-بىقارار بوپتۇ. يىگىتنىڭ ئاپىسى ئەھۋالنى بىلگەندىن كېيىن، ئوغلى ئۈچۈن شاھ ئالدىغا ئەلچىلىككە بېرىپتۇ. قىز ئانىنى مەسخىرە قىلىپ، ئوغلىنىڭ ئۆزى كېلىشنى بۇيرۇپتۇ. يىگىت قىزنىڭ ئالدىغا ئۆزى بېرىىپتۇ. قىز يىگىتكە ئانىسىنىڭ يۈرىكىنى تويلۇققا ئېلىپ كېلىشنى بۇيرۇپتۇ. بۇنى ئاڭلىغان ئانا جانجىگەر ئوغلى ئۈچۈن يۈرىكىنى تەقدىم قىلىدىغانلىقىنى ئېيتىپتۇ. يىگىتمۇ قىلچە ئىكلەنمەي، پىچاق بىلەن ئانىسىنى ئۆلتۈرۈپ، يۈرۈكىنى سۇغۇرۇپ ئاپتۇ- دەە، ئوردىغا قاراپ يۈگۈرۈپتۇ. بىراق، يىگىت يولدا پۇتلىشىپ يېقىلىپ چۈشۈپتۇ. شۇ چاغدا يۈرەك زۇۋانغا كىرىپ: «بالام، بىر يېرىڭ ئاغرىدىمۇ؟» دەپ سوراپتۇ. بۇنىڭدىن تەسىرلەنگەن تەڭرى يۈرەكنى ئورنىغا سېلىپ قۇيۇپتۇ. ئانا تىرىلىپتۇ. يىگىت سەرسان بولۇپ، باشقا ئەللەرگە كېتىپتۇ ۋە باتۇر، قاراملىقى شۇ ئەل پادىشاھىنىڭ قۇلىقىغا يېتىپتۇ. بۇ شەھەر پادىشاھى ئىزچىل شەھىرى قەمەرنى بېسىۋلىش كويىدا قوشۇن توپلاۋاتقانىكەن. بۇ يىگىتنى كۆرۈپ مەقسىتىگە يېتىشنى ئويلاپتۇ. يىگىتمۇ شاھنىڭ تەلىپىگە ماقۇل بوپتۇ. تاغلار دىيارى ئېلىنىڭ قۇشۇنلىرى يىگىتنىڭ يول باشلىشىدا شەھىرى قەمەرگە يول ئاپتۇ ۋە ھەممىدىن بىخەۋەر تۇرغان شەھىرى قەمەر ئاھالىلىرىنى قاتتىق قىرغىن قىلىپتۇ. شەھەر قولىدىن كېتىش خەۋىپىدە قاپتۇ. قورغان ئۈستىدە تۇرغان ئانا دۈشمەن قۇشۇنىنىڭ ئالدىدا تەلۋىلەر يول ئېچىپ كېلىۋاتقان ئوغلىنى تونۇپتۇ- دەە، سېپىلىدىن سىرتقا چىقىپتۇ. ئوغۇل ئانىسىنى كۆرۈپ تىزلىنىپتۇ. ئانا ئوغلىغا لەنەت ئوقۇپتۇ ۋە پىچاق بىلەن ئوغلىنى ئۆلتۈرۈپتۇ. دۈشمەن تارمار بوپتۇ. ئال ئامان بوپتۇ.
（http://bbs.oylirim.cn）8 u" P' u( i5 Q6 c" [6 R; m; B ئەزىز دوستلار، داستاندا بىلىمسىز نادان ئوغۇلنىڭ ئۆز خۇشلۇقى ئۈچۈن، ئانىنىڭ يۈرىكىنى يېرىپ ئالغانلىقى ۋە دۈشمەن بىلەن تىل بىرىكتۈرۈپ، ئۆز ۋەتىنىگە تاجاۋۇز قىلغانلىقىدەك ۋەقەنى سۆزلەش ئارقىلىق، دۇنيادىكى بارلىق يامانلىقلارنىڭ تۈپ مەنبەسى نادانلىق ئىكەنلىكى، ئىلىم- مەرىپەت بىلەن دىلىمىزنى يۇرۇتۇپ نادانلىقتىن قۇتۇلۇپ، ئۇلۇغ ئانا ھەم ئۇلۇغ ۋەتىنىمىزنى قىزغىن سۆيىشىمىز لازىملىقىنى ئوتتۇرىغا قويغان.