غەيۋەت ۋە پىتنە-پاساتتىن يىراق تۇرايلى

（بۇ مەزمۇن پۈتۈنلەي ئويلىرىم مۇنبىرىدىن كۆچۈرۈلگەن،تور ئادرېسى::http://bbs.oylirim.cn/ ）
   ئەگەر سىز ئەتراپىڭىزنى دىققەت بىلەن كۆزىتىدىغان بولسىڭىز كۈندىلىك تۇرمۇشتا پۇرسەت تاپسىلا غەيۋەت قىلىشقا، گەپ توشۇشقا، پىتنە – پاسات تېپىشقا خۇشتار ئادەملەرگە دائىم ئۇچراپ تۇرىسىز، بۇ خىلدىكى ئادەملەر نەگىلا بارمىسۇن ئوڭايلا باشقىلارنىڭ نەزەرىدىن چۈشىدۇ. شۇڭا ياخشى مىجەزلىك ئادەم بولۇش، باشقىلارنىڭ ئىززەت – ھۆرمىتىگە نائىل بولۇش ئۈچۈن چوقۇم غەيۋەت قىلىش، گەپ توشۇش ۋە پىتنە – پاساتتىن ئۆزىمىزنى چەتكە ئالغىنىمىز ياخشى.（بۇ مەزمۇن پۈتۈنلەي ئويلىرىم مۇنبىرىدىن كۆچۈرۈلگەن،تور ئادرېسى::http://bbs.oylirim.cn/ ）
   كىشىلىك تۇرمۇشتا تۆت – بەش ئادەم بىر يەرگە جەم بولۇپ پاراڭلىشىپ تۇرىدۇ، پاراڭ ئۇزاققا سوزۇلۇپ كەتسە، ئارىدىكى بەزى ئادەملەر تۇيۇقسىز ئەقىللىقلىشىپ كېتىپ، سورۇندا يوق بىرسىنىڭ ئۈستىدىن گەپ باشلايدۇ، شۇنىڭ بىلەن بىلىپ – بىلمەيلا غەيۋەت باشلىنىپ كېتىدۇ. غەيۋەتخورلار دائىم تۈگمىدەك ئىشىنى تۆگىدەك كۆرسىتىپ باشقىلارنى ئىشەندۈرۈشكە تىرىشىدۇ. غەيۋەت باشلانغان يەردىن ئۆزىنى قاچۇرۇش ئەڭ ئاقىلانىلىكتۇر. پېشىڭىزنى قېقىپ قوپۇپ كېتىشىڭىزنىڭ ئۆزىلا غەيۋەتخورلارغا بېرىلگەن ئۈن – تىنسىز رەددىيە. بىزدە «گاس دەپ غەيۋەت قىلما، قارىغۇ دەپ خىيانەت قىلما» دېگەن ماقال بار. غەيۋەت قانداقلا بولمىسۇن شۇ كىشىنىڭ قۇلىقىغا ھامان يېتىدۇ– دە، بىھۇدە كۆڭۈل ئاغرىقلىرىنى كەلتۈرۈپ چىقىرىدۇ.
（http://bbs.oylirim.cn）$ A0 r7 m' ], ?3 J   غەيۋەت سورۇنلىرىدا كۆپىنچە گەپ توشۇيدىغانلار چىقىپ تۇرىدۇ. گەپ توشۇماق بىراۋنىڭ سۆزىنى شەخسەن باشقىلارغا يەتكۈزگەنلىك بولۇپ بۇ سۇخەنچىلىق قىلغانلىق بىلەن باراۋەر. گەپ توشۇغۇچىلار باشقىلارنىڭ ئارقىدىن پىتنە– پاسات تارقىتىپ، باشقىلارنىڭ ئىناۋىتىنى چۈشۈرمەكچى بولىدۇ، ھەتتا بەزى پىتنە – پاساتلار باشقىلارغا ناھايىتى ئېغىر ئاقىۋەتلەرنى ئېلىپ كېلىدۇ. چۈنكى، پىتنە – پاسات غەرەزلىك ھالدا بىراۋنى قارىلاش ئۈچۈن ئويدۇرۇپ چىقىرىلغان يالغان سۆز مۇنداقچە ئېيتقاندا تۆھمەت.
（http://bbs.oylirim.cn）+ z" O1 U. {* O) Q   مۇنداق بىر مەسەل باركەن. كالا ئېتىزلىقتا بىر كۈن ئىشلەپ قايتىپ كېلىپ ھارغىنىدىن ئېغىلغا ئۆزىنى تاشلاپ ئارام ئالاي دەپ ياتسا ئىت ئۇنى كۆرگىلى كەپتۇ. كالا ئۆزىنىڭ بەكلا ھېرىپ كەتكەنلىكىنى، بۈگۈن راۋرۇس بىر ئۇخلاپ ئارام ئالىدىغانلىقىنى ئېيتىپتۇ. ئىت كالا بىلەن خوشلاشقاندىن كېيىن تام تۈۋىدە مۈشۈكنى كۆرۈپ ئۇنىڭغا: «ئاداش، باياتىن كالا تاغىمىزنى كۆرۈپ كەلدىم، ئۇ بەكلا ھېرىپ كېتىپتۇ. بىر كۈن ئارام ئالىمەن دەيدۇ. دېمىسىمۇ ئويلاپ باقمامسەن، خوجايىننىڭ ئۇنىڭغا بەرگەن ئىشى بەكلا كۆپ ھەم ئېغىر» دەپتۇ. مۈشۈك بۇنى ئاڭلاپ بېرىپلا توخۇغا مۇنداق دەپتۇ: «كالا تاغىمىز خوجايىننىڭ ئۆزىگە بەرگەن ئىشىنى ئېغىر دەپ ئاغرىنىپ بىر كۈن ئارام ئالماقچى ئىكەن، ئەتە ئىشلىمىگۈدەك». توخۇ قويغا «كالىنىڭ خوجايىننىڭ ئىشىنى قىلغۇسى يوق ئىكەن، خوجايىننىڭ بەرگەن ئىشىنى ئېغىر دەپ قاقشاپتۇ. ھەي، باشقا خوجايىنلار كالىلىرىغا ياخشىراق مۇئامىلە قىلامدۇ – يوق، يا بىزمۇ بىلمىدۇق». قوي ئاتقا «كالا خوجايىنغا ئىشلىمەسلىكنى ئويلىشىۋېتىپتۇ، دېمىسىمۇ شۇنداق، خوجايىن كالىغا قىلچىمۇ ئىچ ئاغرىتمايدۇ، يەنە تېخى ئۇنى قامچىلاپ، ئۇرۇپ، تىللايدۇ.» بۇ گەپلەر خوجايىننىڭ قۇلىقىغا يېتىپتۇ، خوجايىن كالىنىڭ ئۆزىگە ئاسىيلىق قىلغىنىدىن دەرغەزەپكە كېلىپ، كالىنى ئۆلتۈرۈۋېتىپتۇ. تولىمۇ ئەپسۇس، جان تىكىپ ئىشلەيدىغان بىر كالا مانا مۇشۇنداق پىتنە – پاسات سەۋەبىدىن مۇشۇنداق ئېغىر ئاقىۋەتكە دۇچار بوپتۇ.（بۇ مەزمۇن پۈتۈنلەي ئويلىرىم مۇنبىرىدىن كۆچۈرۈلگەن،تور ئادرېسى::http://bbs.oylirim.cn/ ）
   باشقىلار ئۈستىدىن پىتنە – پاسات تاپماسلىق، باشقىلارنىڭ شەخسىي مەخپىيەتلىكىنى ساقلاش شۇ كىشىنى ھۆرمەت قىلغانلىقنىڭ ئىپادىسى. باشقىلارنى ھۆرمەتلەپ، قەدىر – قىممىتىنى قىلىش ئەمەلىيەتتە ئۆزىمىزنىڭ قەدىر – قىممىتىنى قىلغانلىق بىلەن باراۋەر. باشقىلارنىڭ مەخپىيەتلىكىگە ياتىدىغان بىر قىسىم ئىشلار سۆز – چۆچەككە ئايلىنىپ مەيلى ئۇ يېنىك ياكى ئېغىر بولسۇن سىرتقا چىقىپ كەتسىلا شۇ ئادەمگە زىيانكەشلىك قىلغانلىق ھەتتا ئۆلتۈرگەنلىك بىلەن باراۋەر بولۇپ قالماستىن، بەلكى سۆز – چۆچەك تارقاتقۇچى ئۆزىنىڭ ئىززەت – ھۆرمىتىنىمۇ يەرگە ئۇرغانلىق بولىدۇ. باشقىلارنىڭ ھۆرمىتىگە ئېرىشىمىز دەيدىكەنمىز ئالدى بىلەن غەيۋەت، پىتنە – پاسات سورۇنىدىن ئۆزىمىزنى چەتكە ئېلىشىمىز كېرەك. كوچا پاراڭلىرىنى تارقىتىشقا ئامراق «پالچى»لاردىن ئۆزىمىزنى تېخىمۇ يىراق تۇتۇشىمىز، شۇنداق كىشىلەرگە رەددىيە بېرىشكە جۈرئەت قىلىشىمىز كېرەك.
（http://bbs.oylirim.cn）9 @3 L6 n; R# v# h8 eمەنبەسى قەشقەر تورى