|
|
|
جەننەتىمۇ دوزاختىمۇ
مەن دوزاختىمەن. شوڭىلاشقا مەن تولىمۇ بىچارە. ساماۋى كىتاپلاردا ئېيتىلىشچە ئادەم ئۆلگەندىن كىيىن ئاندىن ئۇ دوزىخى ۋە جەننىتى بولۇپ ئايرىلاتتىكەن. ئەمما مەن تىرىك تۇرۇپلا دوزاخقا مەھكۇم بولغان بىچارىمەن. شوڭا مەن پۈتۈن دۇنياغا جار سالدىم . مېنى قۇتۇلدۇرۋېلڭلار. ئەمما ھېچكىم مېنىڭ نالەمگە قۇلاق سالغىنى يوق. ھېچكىممۇ يۈرىكىمنىڭ پارە-پارە بولغان ھالىتىنى كۆرەلمەيدۇ. ھەتتا ھېس قىلالمايدۇ.
ئەنە يەر شارى يەنىلا ئۆز ئوقىدا ئايلانماقتا. بىر موتۇسىكلىت توپا توزۇتقىنىچە يېنىمدىنلا ئۆتۈپ كەتتى. مۈكچەيگەنلىكتىن پۇتلىرى تېلىپ يول بويىدىلا ئولتۇرۇپ ھاردۇقىنى چىقىرىۋاتقان بىچارە موماي چاڭ توزان ئارىسدا غايىپ بولدى. لىكىن مەن ئۇنىڭغا ئازاپلانغىنىم يوق. مېنىڭ ھالىم باشقىچە. ئەمدى سۆزلەپ بېرەي.
قارىغاندا مەنمۇ سوڭۋۇكۇڭغا ئوخشاش تاشنىڭ ئارىسىدىن چىققان ئوخشايمەن. شوڭا ئانامنىڭ يېنىدا تۇرۇپمۇ ئۆزۈمنى بەخىتسىز يېتىم ھېساپلايمەن. تۆت ياشلىق قىزىم ئائىشە، تىرىك يېتىم بولغان گۇناھى ئۈچۈن ئۆزنى چوڭلارنىڭ تايىقىنى، تىل دەشنىمىنى يىشىشكە ھەقلىق دەپ قارايدۇ.
پۇلۇم كۆپەيدى. ئەمما شادلىقىم كۆپەيمىدى. تونۇش-بىلىشلىرىم كۆپەيدى. ئەندىشلىرىممۇ تەڭلا كۆپەيدى. تۇغقانلىرىم كۆپەيدى. ئەمما مەن ئۈچۈن غەم يەيدىغان كىشلەر ساناقلىق.
ئانام ئاغرىپ قېلىپ ئۆلۈپ كەتكىلى ئازلا قالغان قوينى بازارغا ئاپپىرىپ چاندۇرماستىن سېتىۋىتىپ كەلدى. شۇنداقلا ئانام بوغازكەن دەپ ئېلىپ كەلگەن قوي ئەمەلىيەتتە بىر نەچچە كۈن بۇرۇن قوزىلاپ بولغان قوي بولۇپ چىقتى.
دوختۇرخا كىرگىلى يەتتە كۈن بولغان بىر بىمارنى مەجبۇرى دوختۇرخانىدىن چىقىرىۋەتتى. ئەمما ئۇ بىمار تېخى ساقايمىغان دوختۇرلار ئۇنىڭغا ئۆيدە بىر ھەپتە دەم ئېلىپ كېلىشنى ئۇختۇردى. چۈنكى ئۇ بىمار دوختۇرخانىدا بىر ھەپتە يېتىپمۇ ساقايمىغان بولسا، دوختۇرلار ئۆز باشلىقلىرىغا جاۋاپ بېرەلمەيتى.
دوختۇرخانىغا يېڭىدىن بىر بىمار كىردى. دوختۇرلار ئالدى بىلەن ئۇنىڭ نىمە خىزمەت قىلىدىغانلىقىنى سورۋالدى. چۈنلى ئۇلار ئورۇق-بىمارغا بىر خىل، سىمىزرەك بىمارغا بىر خىل دورا يازاتتى. بۇ يەردىكى سىمىز بىمار ئەسلىدە پۇلى كۆپ، يېنى توم دىگەننى بىلدۈرەتتى. ھۆكۈم قىلىپ بېقىڭلار. مەن جەننەتىمۇ دوزاقتىمۇ؟
يۇقىرىدىن باشلىقلار كەپتۇمىش، نامرات ئائىلىلەرنىڭ تىزىملىكىنى ئالارمىش. بەزى كىشلەرنىڭ كۆزلىرىدىن خۇددى گۆھەر تىپىۋالغاندەك بىر خۇشاللىقىنى كۆردۈم. چۈنكى مۇناسىۋەتلىك تارماقلار ئۇلارنى نامراتلار قاتارىغا ئاپتۇدەك.
قوشىمىز خېلى باي ئادەم ئىدى. توپا ئىتتىرىش ماشىنىسى 94 تىپلىق تىراكتۇرى بار ئىدى.
_ ئۇلارنىڭ كۆزى يوقمىدۇ، نىمە دەپ سېنى نامراتلار قاتارىغا يازىدۇ. سېنىڭ ئورنۇڭغا پالانىنى، پۇستانىنى يازسا بولمامدۇ،-دىۋىدىم ئۇ كۈلۈپ كېتىپ دىدى.
-سەن بۇ دۇنيادا بارمۇ، چۈنكى مەن دىگەن باي، مېنى باي قىلماق سېنى باي قىلماقتىن كۆپ ئاسان، دەپ باقە، سەل ئېتى بار ئىنەك چاققان سەمرىمدۇ ياكى ئۇستىخانلىرى كۆرۈنۈپ تۇرغان ئورۇق ئىنەكمۇ؟
بىر كۈنى مالىيە پونكىتىنىڭ بىر ماتىريالىنى كومپىيوتىردا ئۇرۇپ بەرگىلى كىردىم. ئۇلار دىھقانلارنىڭ بۇ يىللىق كىرىم-چىقىم ئەھۋالىنى سىتاستىكا قىلىۋىتىپتۇ.
-باشلىق يىللىق كىشى بېشى كىرىمنى قاندا ھېساپلايمىز؟- دەپ سوردى. بىر خىزمەتچى.
- بۇلتۇرقىغا قارىغاندا يەتتە-سەككىز پىرسەنىت ئاشۇرۇپ يازساڭلا بولىدۇ،-دىدى باشلىق تاماكا ئىسىنى ئاسمانغا پۈۋلىگەچ خىرامان ھالدا.
جوڭگۇدا ئىككى ئىش زادىلا تۈگىمەيدۇ. بىر پارىخورلۇق. بىر سەمىمىيەتسىزلىك،
تىلىۋۇزۇرنى ئاچتىم. مەلۇم بىر كادىرنىڭ 20 يىلغىچە پارە ئالماي. نەپسانىيەتچلىك قىلماي، خەلىق ئۈچۈن جان كۆيدۈرۈپ ئىشلىگەنلىكىنى سۆزلەۋاتىدۇ. ئويلاپ قالدىم. ئەسلىدە خىزمەتنى ياخشى ئىشلەش، ھۆكۈمەت بەرگەن مائاشنى ھالاللاپ ئېلىش مەيلى قايسى تارماقتىكى خادىم بولسۇن. ھەممەيلەننىڭ ئەڭ ئەقەللى بۇرچى ، ئەقەلى ۋەزىپىسى ئىدى. ئەمما دۆلىتىمىزدە قانچلىك كادىر بۇ نوقتىنى تونۇپ يەتكەن. مۆمكىن بولسا ئەسلىدە مىڭ ياخشىنىڭ ئىچىدىن بىر ياماننى تاللىۋالساق بولاتتى. ئەمما بىز ھازىر مىڭ ياماننىڭ ئىچىدىن بىر ياخشىنى تاللاشقا مەجبۇرمىز، چۈنكى ھەممە ئادەمدە بىردىن قورساق بار-دە. شوڭا ئويلاپ قالىمەن. ئەگەر بىزگە بىر ماشىنا ئادەم باشلىق بولسا ئۇمۇ چوقوم توك پۇلى،زاپچاس پۇلى پارا ئالغان بولاتتى.
باھار كەلدى. بىز كۆچەت تىكتۇق. يول بويلىرىغا. باشلىقلار كۆرىدىغان يەرلەرگە كۆچەتنىڭ چوڭنى چىرايلىقىنى تىكتۇق. قىرنىڭ كەينى يولدىن يىراق، باشقىلارنىڭ نەزىرى ئاسان چۈشمەيدىغان جايلارغا خالىغانچە تىكىۋەردۇق.
يۇقىرىدىن خىزمەت تەكشۈرگىلى چوڭ باشلىقلار كەلدى. كادىرلار ئارىسىدىن تاللانغان ۋەكىللەر. يۇرىتتىكى يۈزى بار بايلار. شۇ باشلىقلار بىلەن كۆرۈشۈش شەرىپىگە ئىرىشتى. نامراتلارغا بولسا يولدا پۇتلىكاشاڭ بولماسلىقنى بولماسلىقنى جىكلىدى. باشلىقلار كادىرلار كۆرسەتكەن ئالدىنئالا ئورۇنلاشتۇرۇپ قويغان، ئۆيلەرنى زىيارەت قىلدى. دىھقانلار كادىرلار ئۈگەتكەن سۆزلەرنى شاتۇتتەك يادىلاپ بەردى. نامرات دىھقانلار بولسا ئىچكىرى ئۆيدە ئولتۇرۇپ يۇقىرىدىن كەلگەن كادىرلارنىڭ كۆزلىرىگە كۆرۈنمەسلىككە تىرىشتى. مەن بىلمەي قالدىم. شۇنچلىك يالغانلار ئارىسىدا ياشاۋاتىمەن. مەن زادى دوزاقتىمۇ ، جەننەتتىمۇ؟
بىرسى يولدا كېتىۋىتىپ ئون يۈۋەن پۇل تېپىۋالدى. ئەتراپىغا قارىدى. ھېچكىم يوق. ئۇ پۇلنى پەم بىلەن ئېلىپ يانچۇققا سالدى. ئۆيگە يانغاندا ھېلىقى پۇلغا گۆش ئېلىپ ياندى. ھېلىقى گۆشتە ئايالى لەغمەن ئەتتى. ئاغزىدىن سۈت چىشى چۈشمىگەن نارەسىدە بالىلار ئىشتىھا بىلەن تاماق يىدى.
دادىسى ئۆلگىلى ھەپتە بولغان ئوغۇللار مىراس دەۋاسى قىلىپ سوت مەھكىمىسىگە كىرىشتى. سودىيە ئۇلارنىڭ بىر دادىنىڭ، بىر ئانىنىڭ بالىلىرى ئىكەنلىكىنى، قېرىنداش ئىكەنلىكىنى بىلىپمۇ ئۇلارنىڭ يەنە مىراس دەۋاسى بىلەن ئالدىغا كىرگەنلىكىدىن قىلچە ھەيران بولمىدى ۋە قىلچە ئىككىلەنمەي دىلونى قۇبۇل قىلدى.
بىر قىز ئاھالىلەر كومىتىتىدىن ئانىسىغا بېرىلگەن تۆۋەن تۇرمۇش كاپالەت پۇلىنى ئانىسغا ۋاكالىتەن ئېلىپ ئوغۇل دوستىغا خەجلەپ بېرىشتىن قىلچىمۇ نۇمۇس ھېس قىلمىدى.
بىر يىگىت ئاتا-ئانسى يوق. تۇرمۇشتا قىيىنچىلىقى بار بىر قىز بىلەن ئوچۇق-ئاشكارا ئىپپەت سودىسى قىلدى. قىزنىڭ قايتا-قايتا يالۋۇرۇشلىرىغا قاراپ باھانى نەچچە قېتىم ئۆستۈردى.
بىر يىگىت قىماردا ئۇتتۇرۋىتىپ ئۆز ئايالىنىڭ بىر كېچىلىكىنى تىكىتى. ئۇنىمۇ ئۇتتۇرۋىتىپ ئۆزى بىر ھاراقخانىدا تاڭ ئاتقۇزدى. ئۇنىڭ ئايالى باشقا بىرنىڭ قۇچىقىغا بېشىنى قويۇپ بەخىت پەيزىنى سۈردى.
بىر قىز ئىككى ئوغۇل دوستىدىن ئايرىلىپ كېتىپمۇ كۆڭلىنى قىلچىمۇ يېرىم قىلمىدى. چۈنكى ئۇ تېخى بايىلا بىر ئوغۇل بالا بىلەن تونۇشۇپ قالغاندى.
بىر دىھقان كەنىت كادىرنىڭ ئالدىغا ھال ئىيتىپ باردى. كادىرنىڭ ئاۋازى توم ، ئۇرغۇلۇق چىقتى. ئۇ بېشىنى ئىگىز كۆتۈرۈپ تۇرۇپ سۆزلىدى. دىھقاننىڭ ئاۋازى بولسا يەڭگىل، بېشى تۆۋەن، خۇددى ئاتا-ئانىسىنىڭ ئالدىدا تۇرغان كىچىك بالىدەك . ئۇنىڭدىن خېلى يىراقتا تۇرۇپ ئۇلارغا قاراپ تۇرغان بىر ناتونۇش كىشى ھېلىقى ئىككىسىنىڭ سالاھىتىگە ۋەكىللىك قىلدىغان ھېچقانداق بىر ئاساس يوق. شۇنداقلا ئۇلارنىڭ كىيىم-كىچەكلىرى ئاساسەن ئوخشاش ئەھۋالدىمۇ ئۇلارنىڭ قايسى دىھقان، قايسىسى كادىر ئىكەنلىكىگە توغر ھۆكۈم چىقىرالىدى.
دۇنيا يالغانلارغا لىق تولغان. ئۆزۈمنى قاتمۇ-قات ئورالمىلار ئىچىگە ئېلىۋالدىم. ئەمدى ياراتقۇچىدىن ئۆزگە ھېچكىم مېنىڭ ئەسلى ماھىيتىمنى بىلمەيدۇ. بىر يالغاننى يوشۇرۇش ئۈچۈن يەنە ئون يالغاننى تېپىشقا مەجبۇرمەن. ئاھ خۇدا مەن جەننىتىڭدىمۇ دوزىخىڭدىمۇ؟
بەزىدە قېرىنداشلىرىمدىن يات كىشىلەر سەل ئىشەنچىلىك كۆرۈنىدۇ. بەزىدە ئۇرۇق-تۇققانلار ئارىسىدا تۇرۇپمۇ ئۆزۈمنى يەككە –يىگانە ھېس قىلىمەن. كېچىسى ئايالىمنى باغرىمغا بېسىپ ياتىمەنۇ-كۈندۈزى ئىشقا ماڭغان چېغىمدا ئۇنىڭغا ئىنساپ تىلەيمەن. كەچتە قايتىپ كەلسەم ئۇ مېنىڭ تىلفۇنۇمنى تەكشۈرۈپ يات نۇمۇردىن تىلفۇن كەلگەن-كەلمىگەنلىكىنى تەكشۈرىدۇ.
شوپۇر چىرايلىق قىزنى ماشىنىسغا سېلىپ ئوينىغىلى ماڭدى. ئايالى تىلفۇن قىلىپ نەدىلىكىنى سورىۋىدى. بىر ئېغىر بىمارنى ئېلىپ دوختۇرخانىغا جىددى كېىۋاتقانلىقىنى ئېيىتتى. بۇ گەپنى ئاڭلاپ ئايالى ئۇنىڭ ھازىرچە قايتىپ كەلمەيدىغانلىقىغا ھۆكۈم قىلدى-دە خاتىرجەم ھالدا ئاشنىسىنى ئۆيگە تەكلىپ قىلدى.
مەن بۇزۇلدۇم، سەن بۇزۇلدۇڭ. ئۇمۇ بۇزۇلدى. ئاخىرىدا ھەممەيلەن تەڭلا ‹‹ جەمئىيەت بۇزۇلۇپ كەتتى›› دەپ چۇقان سالدۇق. ئەمما مەن جەمئىيەتنىڭ، دۇنيانىڭ بۇزۇلغىنىنى كۆرمىدىم. قوياش ھېلىمۇ شەرىقتىن چىقىپ غەرىپكە پېتىۋاتىدۇ. يەنىلا ئاينىڭ ئونبەشى يورۇق، ئونبەشى قاراڭغۇ بولىۋاتىدۇ. شوڭا كېسىپ دەيمەنكى جەمئىيەت بۇزۇلمىدى. ئىنسان بۇزۇلدى.
ئىككى قىز ئالدىمدىن مېڭىپ ئۆتۈپ كەتتى. تولغان ساغرا تار ئىشتانغا سىغماي قالغان ھېلىلا پارتىلاپ چىقىدىغاندەك، ئويما ياقىلىق كۆينەك، ئىگىز پاشنىلىق ئاياغ، قىزىل بويالغان كالتە چاچ، لەۋ سۇرۇق، يۈز مايلىرى بىر ئالغان ئاپئاق تىرە، دەسلەپتە ئۇلارغا ئاچچغىم كەلدى. ئۇلار ئاشۇنداق تېشى پال-پال، ئىچى غال-غال بولۇۋېلىپ قانداق ئۇلۇغۋار مەخسەتكە يەتمەكچى، يىگىتلەرنىڭ شەھۋانى نەپسى ئۇرغۇپ تۇرغان يامان نىيەت كىشىلەرنىڭ دىھقىتىنى ئۆزىگە ئاشۇنداق يوللار ئارقىلق جەلىپ قىلىش ئۇلار ئۈچۈن شۇنچە مۇھىممىدۇ؟ كىيىن ئۇلارغا ئىچ ئاغرىتتىم. توغرا ئۇلارمۇ ئۆزىدىكى دەسمىسىنى بازارغا ساپتۇ. خۇددى باققاللار چىرايلىق ئالما، ئانار، بانانلىرىنى بازارغا سالغاندەك. پۇلغا ئالمايدىغان نەرسىنى ھېچكىم بازارغا سالمايدۇ-دە . ئەگەر ئەگەر ئەڭ مۇقەددەس يارىتىلغان ئىنسان تېنىنىمۇ پۇلغا سېتىۋالغىلى بولسا، بۇ جاھاندا پۇلغا ئالغىلى بولمايدىغان نىمە قالدى؟
بىر قارىسام بۇ دۇنيا شۇنچە ئىللىق، شۇنچە يېقىملىق. يەنە بىر قارىسام شۇنچە يىرگىنىشلىك، شۇنچە بەدبەشىرە، مەن زادىلا بىلەلمىدىم . مەن جەننەتتىمۇ ، دوزاختىمۇ؟
تۇرمۇشتىكى نۇرغۇن مەسلىلەرنى ھەل قىلىشقا مېنىڭ ھېچبىر ئەقلىم يەتمەي قويدى. ئويلاپ قالدىم، مەن ھازىر جەننەتتە بولغان بولسا دوزاخقا بىر چىقىپ باقسام، ئەگەر دوزاختا بولسام جەننەتكە بىر كىرىپ باقسام ئۇ يەر زادى قانداقتۇ؟
مېنىڭ پىسخكى ھالىتىم-يول قويغاننى قورىقتى دەيمەن. پۇل تاپقاننى سوقتى دەيمەن. گەپ قىلمىسا گاچا دەيمەن. سۆزلىگەننى غالچا دەيمەن. ئىگىز بولسا ئەخمەق دەيمەن. پاكار بولسا دىقماق دەيمەن. ئالدىمغا ھەر تۈرلۈك ئادەملەر كەلسە ئۇلارغا ماس كېلىدىغان قالپاقلىرىممۇ شۇ ھامان تەييار بولىدۇ.
بازار ئىگىلىكى دەۋرىدە- چولپان ئوبرازىنى ساتىدۇ. ئوقۇتقۇچى بىلىمىنى، ھۆنەرۋەن ھۆنىرىنى، تەنھەركەتچى پۇت-قولىدىكى ماھارەتنى ، گومپىچى مۇشتىنى، ئىنژىنىر بىلىمىنى، رادىل ئابلا ئارمان قۇۋەت تالقىنىنى ساتىدۇ. مەن بولسام قۇرۇق گەپ ساتىمەن. قىزلار بولسا ئىپپەت –نۇمۇسىنى تاۋار ئورنىدا ساتىدۇ. چۈنكى جەمئىيەتتە شۇنىڭغىمۇ ئېتىياجلىق ئادەملەر تولا. دوختۇر دورىسىنى ساتىدۇ. ئالىم بىلىمىنى ساتىدۇ. قىزلار قىزلىقىنى ساتىدۇ. جۇۋان جۇۋانلىقىنى ساتىدۇ. ئەيدىز كېسلىنى بىزگە كىم ساتتى؟
بەزىلەر مېنى مېجەزىڭ بەك چۇس دەيدۇ. بەزىلەر پەقەتلا ئاچچىغىڭ يوق دەيدۇ. بەزىلەر سەن بەك جۇشقۇن دەيدۇ. يەنە بەزىلەر سەن بەك خىيالچان دەيدۇ. بەزىلەر سەن بەك ۋات-ۋات دەيدۇ. يەنە بەزىلەر سەن بەك كەمسۆز دەيدۇ. بەزىلەر سېنىڭ بەك ئىچىڭ تار دەيدۇ. يەنە بەزىلەر سەن بەك كەڭ قورساق دەيدۇ.
توۋا مەندە بار بولغان ھەسەت، غەزەپ، مۇھەببەت ، نەپرەتنىڭ ھەممىنى ماڭا ئىگەم بەرگەن. ئەمما ئۇلارنىڭ قايسىسىنى قانداق جايدا ئىشلىتىشنى تېخىچە ئيتىپ بېرىپ باقمىدى. شوڭا ئۆزۈمنى ئۆزۈممۇ چۈشەنمەي قالدىم.
بوۋام دەۋرىدە ھەممە ئادەم ئاچ-زارلىقتا ياشايدىكەن. ئەمما كۆڭلى تولىمۇ خاتىرجەم ئىكەن. ئۆي ئىگىسى بىر ياققا ماڭماقچى بولسا ئۆيىنىڭ ئاچقۇچىنى قوشنىسىغا بېرىپ قويۇپ ئەگەر مىھمىنى كېلىپ قالسا ئۆزىگە ۋاكالىتەن كۈتۈپ قويۇشنى ئېيتاتتىكەن، ئۇ چاغلاردا ئالى مەلۇماتلىق دوختۇرلار بولمىسىمۇ يۇقىرى پەن-تخنىكا بولمىسىمۇ يۈز ياشقىچە ئۆمۈر كۆرۈش ئادەتتىكى بىر ئىشكەن. دادام بولسا 67 يېشىدا ئالەمدىن ئۆتتى. ئۇ دەۋىرلەردە مەن قولۇمدىكى ناننىڭ بىر پارچىسىنى قىلچە ئىككىلەنمەيلا يېنىمدىكى ناتونۇش بالىغا تەڭلەيتىم. مانا ئەمدىلىكتە پۇل ئۈچۈن ئۆزۈم بىلەن قىلچىمۇ پايدا-زىيان مۇناسىۋىتى بولمىغان بىرنى ئوتقا ئىتتىرىش مەن ئۈچۈن ئادەتتىكى بىر ئىش.
ئىلىم-پەننىڭ تەرەققىياتى بىلەن بەخىت-سائادەت ئوڭ تاناسىپ ئەمەسكەن.
كىشىلەرنىڭ ئېڭىنىڭ ئۆسۈشى بىلەن تىنىچلىق ئوڭ تاناسىپ ئەمەسكەن.
بايلىق بىلەن خاتىرجەملىك ئوڭ تاناسىپ ئەمەسكەن
دوختۇرلار بىلەن بىمارلار ئوڭ تاناسىپكەن.
پۇل بىلەن ھوقۇق ئوڭ تاناسىپكەن.
ياخشىلىق بىلەن يامانلىق ئوڭ تاناسىپكەن.
ئەرزان مەھسۇلات بىلەن ناچار خېرىدار ئوڭ تاناسپكەن.
ئىنسان كۆپەيگەن بىلەن مىھىر-مۇھەببەت كۆپەيمەيدىكەن.
پۇل كۆپەيگەن بىلەن ھەقىقى دوست كۆپەيمەيدىكەن.
ھەممە ئادەمگە بىر كۆرسىتەي دەپ ياخشىلىق قىلسام ھېچكىم كۆرمەيدىكەن. ھېچكىم كۆرمىسۇن دەپ يامانلىق قىلسام ھەممە ئادەم كۆرۈپ قالدىكەن.
ئاخىرىدا شۇنى چۈشەندىمكى ئەزرائىل پارا ئالمايدىكەن، ئۆلۈك يالغان سۆزلىمەيدىكەن. ھايۋانلار ئادەم ئالدىمايدىكەن. ھەرىلەر ھۇجۇمغا ئۇچرىمىسىلا ئادەم چاقمايدىكەن.
بەزىلەر ھاراق ئىچىش ۋە تاماكا چېكىشنى مەيدىسىدە تۈكى بار ئادەملەر قىلىدىغان ئىش دەيدۇ. مېنىڭ ئېشىكىمنىڭ مەيدىسىدە ئاجايىپ جىق تۈك بار. ئەمما مەن ئەزەلدىن ئۇنىڭ ئىچىملىك ۋە چېكىملىككە بېرىلگەنلىكىنى كۆرمىدىم. دوختۇرخانىدا تەكشۈرتۈپ باقتىم. ئۇ ئەيدىز كېسىلى بولماپتۇ. جىگەر قېتىشىشىمۇ بولماپتۇ. نىرۋىسىدىنمۇ ئاداشماپتۇ. ئىنتايىن ساغلامكەن.
كەلگۈلۈك نىمىشقا ئىنسانلارغىلا كېلىدىغاندۇ، مەن زادىلا بىلمەي قالدىم. مەن زاى جەننەتتىمۇ دوزاقتىمۇ؟ جەننەتىمۇ ياكى دوزاقتىمۇ؟
مەنبە: ئۆزخان
|
|
بايلىق
شۆھرەت
ۋاقتى: 2016-4-6 22:48:38
ساقلاش
ھەمبەھر
قېزىلما
قوللاش
قارشى
ۋاقتى: 2016-4-7 11:21:22
