|
تىلسىم:
ئەجەپ ئىش مەن ساڭا كۆيمەيتىم ئەسلى ،
كۆيدۈردۈڭ ئوت يىقىپ ھەم تۇترۇق بولۇپ .
نە قىلاي پىراقىڭ قىينىسا ئەمدى ،
يۈرەيمۇ دەردىڭدە يىغلاپ ئاھ ئۇرۇپ .
بىلمىدىم كۆيدۈڭمۇ سەنمۇ ھەقىقى ،
يا تىرىك ئويۇنچۇق دەپلا بىلدىڭمۇ .
ئىزىلىپ ئازاپتا سىقىلىپ يۈرسەم ،
سەن مىنى ئازاپلاپ كۈلسەڭ مەيلىمۇ .
بولساڭمۇ ئەگەردە شۈنچە رەھىمسىز ،
سالمىغىن سەن ماڭا ئۈنچە كۈلپەتنى .
كۆرمەس ئىدى بەلكىم كۆزلىرىم خاتا ،
سەندىكى سىھىرلىك كۆزنى خىسلەتنى.
گۈلۈم:
رەھىمسىز تامغىسى بىسىپسەن ماڭا،
كۈلكەمنى شۇ پىتى قالىمەن ساقلاپ.
تەۋرىمەس بۇ كۆڭۈل زىنھار ئۆزگىگە،
مايمۇندەك يۈرمەسكەن شاخلاردا شاخلاپ.
ئەقىدەم بىرىگە ساقلاندى ئۇزۇن،
ھىلىھەم دىلىمدا يانار بىر ئۇچقۇن.
تاش يۈرەك نامىنى قىلغىن سەن ئىنئام،
بوپ قالاي تۈرمەڭدىن قاچقان بىر تۇتقۇن.
سىھرىمنى سالىمەن ئەمدى كىشەنلەپ،
يوشۇرۇپ ئۆزۈمنى تىكەن ئاستىغا.
قۇلۇپلار سىلىندى كۆڭۈل خانەمگە،
قاچىدۇ مۇھەببەت يەنە دالدىغا....
تىلسىم:
تاڭدىكى شەبنەمدەك سۈزۈك ياشلىرىڭ،
چۈشمەكتە ئاناردەك مەڭزىڭنى بويلاپ.
تىترەيدۇ تەنلىرىڭ ئازاپ دەستىدىن،
شۇ شىرىن ئەسلىمەڭ ئۆتمۈشنى ئويلاپ.
تۆكۈسەن ئۈنچىدەك سۈزۈك يېشىڭنى،
ھىجرانلىق كۈنلەرگە بىرەلمەي بەرداش.
يىغلىما بىر كۈنى ھامان كۈلەرسەن،
قايتقاندا يېنىڭغا شۇ يايرىڭ دىلداش.
كەچ كىرسە باشلىنار سەندىكى ھىجران ،
جېنىڭدىن ئۆتەر ھەم ئاچچىق سىغىنىش.
چۈشۈڭدە ئارزۇيۇڭ پەقەتلا بىرلا ،
چىن سۆيگۈڭ ئۈچۈنلا مۇرادقا يىتىش.
كۆزلىرىڭ ياشتا ھەم يۈرەكتە ھەسرەت،
ئۇنتالماي شۇ جانان شىرىن سۆزىنى
ئاھ دەيسەن چىدىماي يىغلايسەن يەنە،
كۆرەلمەي مەشۇقۇڭ ئايدەك يۈزىنى.
غىرىپ دەپ ئويلىما ھەرگىز ئۆزۈڭنى ،
ياشلاپمۇ يۈرمىگىن قارا كۆزۈڭنى
ئاللاھىم ساڭا ھەم بولسۇن مەدەتكار
ئىخلاستا نۇرلاندۇر مىسكىن يۈزۈڭنى.
گۈلۈم:
ئۇنۇتقىن بۇ بەلكىم ئۆتكۈنچى ھەۋەس،
ئەتىگە كۆز تىككىن ئۈمىد قۇچاقلاپ.
مەن مىڭىپ ئارقامغا قارىماي كەتسەم،
چۈشەنگىن :ئۇ كەتتى ۋىسال باغاشلاپ.
تولۇنئاي ھەر كۈنى كۆرسەتمەس جامال،
نىگاھتا رەھىمسىز كىلەر بۇلۇتمۇ.
يۇلتۇزنىڭ چاقنىشى بەلكىم خۇشاللىق،
ئۆچىدۇ ئۇچقۇنداپ يۈرگەن كۆيۈكمۇ.
ياشلىرىم چۈشىدۇ شادلىقتىن تىنماي،
سۈبھېگە كۆز تىكىپ ئاچقان شۇ تاڭدا.
مەنزىلىڭ تاپارسەن شۇ چاغدا سەنمۇ،
قالمىسۇن يۈرىكىڭ ھىجراندا ، داغدا.
يىراقتىن ئاڭلانسا بىر مۇڭلۇق سادا،
چۈشەنمە ئالدىراپ ماڭا چالدى دەپ.
بەلكىم شۇ مۇڭلارنىڭ جۆرىسى باشقا،
كۆزۈڭنى ياشلىما ئارتۇقچە غەم يەپ.
| 
بايلىق
شۆھرەت
ۋاقتى: 2014-1-4 20:44:16
ساقلاش
ھەمبەھر
قېزىلما
قوللاش
قارشى
ئىگىسى
ۋاقتى: 2014-1-4 20:54:40
