نورۇزنامە .!!!!!!!

نورۇزنامە

نورۇز كەلدى ، باھارىم كەلدى ،
زەپ چىرايلىق گۈلزارىم كەلدى .
بىزگە تىلەك ئۈمۈد بېغىشلاپ ،
يېڭى بىر يىل ، ئىقبالىم كەلدى .

نورۇز كەلدى كۈي نەغمە بىلەن ،
ياشارتماقتا بارچە دىللارنى .
نورۇز كەلدى بوستانىم بىلەن ،
سايراتماقتا شوخ بۇلبۇللارنى .

نورۇز كەلدى تالچىۋىقلارنى ،
ئات ئېتىشەر سەبىي بالىلار .
نورۇز ئېشى تۇتۇپ قولىدا ،
بەخىت تىلەر بىزگە ئانىلار .

نورۇز كەلدى خۇش – خۇي قىزچاقنىڭ ،
خان ئەتلەستەك چېھرى قىزاردى .
مەردۇ – مەردان ئىشچان يىگىتنىڭ ،
كۆڭلى ئاپتاپ بولۇپ ياشاردى .

نورۇز كەلدى ، نورۇزۇم كەلدى ،
ماڭا ئىقبال يۇلتۇزۇم كەلدى .
خەلقىم ئۈچۈن نەغمە ياڭرىتىپ ،
گۈلگۈلۈستان قۇندۇزۇم كەلدى .

ئاپتۇرى - شىرئەلى يۈسۈپ ياقۇپ