تەقدىر نىسىپ قىلمىسا ئەگەر
نۇرئەلى مەمەت كۆكلەم
كىچەلمەيمەن دىمە ھىچكىمدىن،
بۇ سەندىكى ئەركىنلىك ئەمەس.
تەقدىر نىسىپ قىلمىسا ئەگەر،
بولۇپ قالار مەڭگۈلۈك ھەۋەس.
كۆزلىرىڭدىن ياشلار ئاققۇزار،
سىنى سۆيگەن ئاشۇ گۈل نىگار.
تەقدىر نىسىپ قىلمىسا ئەگەر،
نۇرغۇن ۋەدە قەسەملەر بىكار.
شۇنچە قىلساڭ تاشلاپ كىتىدۇ،
تەقدىر نىسىپ قىلمىسا ئەگەر.
دەسلەپ سىنى سۆيدۈرگەن بىلەن،
كىيىن ئالدار بولۇپ ھىيلىگەر.
ئۈمىدىڭنى ئۈزەلمەي شۇنداق ،
سەن يۈرىسەن يارنىڭ كەينىدە.
تەقدىر نىسىپ قىلمىسا ئەگەر ،
ئۆچتۈڭ مەڭگۈ يارنىڭ كۆڭلىدە.
كۆيۈپ پىشىپ يۈرگەن چاغلىرىڭ ،
بولۇپ قالار ئاچچىق ئەسلىمە.
تەقدىر نىسىپ قىلمىسا ئەگەر،
ئۆزۈڭنى سۆي ھەرگىز قەسلىمە.
شۇڭا ئاۋال ئۆزۈڭنى سۆيگىن ،
باشقىلاردىن سۆيگۈ سورىماي.
تەقدىر نىسىپ قىلمىسا ئەگەر،
ئۆز يىغىڭدا ئۆزۈڭ قورىماي.
كىچىكىڭدىن سۆيگىنىڭ بىلەن،
قىلالمايسەن تەقدىرگە ئامال.
تەقدىر نىسىپ قىلمىسا ئەگەر،
بولۇپ قالار قۇرۇق خام-خىيال.
2016.يىلى3.ئاينىڭ 25.كۈنى
ئۈرۈمچى
| 
بايلىق
شۆھرەت
ۋاقتى: 2016-3-26 14:35:51
ساقلاش
ھەمبەھر
قېزىلما
قوللاش
قارشى
ۋاقتى: 2016-3-27 18:15:43
ئىگىسى
