ئوقۇغۇچىلار تورى »مۇنبەر › ئەدەبىيات گۈلزارى › شېئىرىيەت › ئارتۇچ ناخشا تېكىسىتلىرى

كۆرۈش: 292|ئىنكاس: 2

ئارتۇچ ناخشا تېكىسىتلىرى

[ئۇلانما كۆچۈرۈش]

ئارتۇچ

“”

22 تېما	59 يازما	445 جۇغلانما

ئوقۇغۇچى

ئەزا ئۇچۇرى

تىزىم نومۇرى: 708

يازما سانى:

تىللا:

386

تۆھپە:

جەۋھەر يازما:

توردا:

20 سائەت

ئاخىرقى:

2017-3-5

ئۇچۇر

لىفىت

ساھىبخان

ۋاقتى: 2016-7-20 13:06:21 | ئايرىم كۆرۈش |چوڭ رەسىمنىلا ئىنكاس مۇكاپاتى

|تەتۈر تىزىش |كۆرۈش شەكلى

ئەمەتجان زۇنۇن ئارتۇچنىڭ تەرجىمھالى

شېئىرىي ئىجادىيەت قوشۇنىمىزدا  ئۆزىنىڭ بوشاشماس تىرىشچانلىقلىقى ئارقىلىق ئىزچىل قەلەم تەۋرىتىپ كېلىۋاتقان ياش شائىر ئەمەتجان زۇنۇن ئارتۇچ 1976-يىلى ئاتۇشتا دېھقان ئائىلسىدە تۇغۇلغان .  1984-يىلدىن 1995 –يىلىغىچە باشلانغۇچ ۋە ئۇتتۇرا مەكتەپلەردە ئوقۇپ، ئوقۇشىنى تاماملىغاندىن بۇيان، گەرچە ھېچقانداق بىر كەسىپتە سېستىمىلىق تەربىيەلىنىش پۇرسىتىگە ئېرىشەلمىگەن بولسىمۇ، ئەمما ئۆزىنىڭ ئەمەلىي تىرىشچانلىقىغا تايىنىپ، سىرچىلىق، بېزەكچىلىك كەسپىنى ئىگىلەپ  ئۆز تۇرمۇشىنى قامداش بىلەن بىرگە،  ئىزچىل ھالدا ئەدەبىي ئىجادىيەتكە  چوڭقۇر ئىشتىياق باغلاپ، 1999-يىلى ‹‹ قىزىلسۇ گېزىتى›› دە ئېلان قىلغان ‹‹ مەن سەھرالىق دېھقان بالىسى›› ناملىق شېئىرى بىلەن ئەدەبىيات سېپىگە قەدەم قويغان . 2000-يىلى جۇڭگۇ كومنىستىك پارتىيىسگە كىرگەن. ئۇ تۇنجى ئىجادىيەت مېۋىسىنى كىتابخانلارغا  سۇنۇشقا باشلىغاندىن تارتىپ ھازىرغىچە ئىلگىرى-ئاخىرى بولۇپ، ھازىرغىچە ‹‹ قىزىلسۇ گېزىتى»،  ‹‹ قىزىلسۇ ئەدەبىياتى »،  ‹‹ ئاتۇش ئەدەبىياتى»، «قەشقەر»،‹‹مەركىزى شەھەر ئۇچۇرلىرى» ،  ‹‹ قەشقەر گېزىتى»، ‹‹  خوتەن گېزىتى» ، ‹‹مۇزات دولقۇنلىرى»،  ‹‹ ئاقسۇ گېزىتى»،‹‹ شايار ‹‹ ‹‹لوپنۇر مەدەنىيىتى» ،  ‹‹ دولان»، ‹‹ تۇرپان گېزىتى»،  ‹‹ شىنجاڭ گېزىتى»، ‹‹ مايبۇلاق»،‹‹ئۈرۈمچى كەچلىك گېزىتى»،  ‹‹ ئىشچىلار ۋاقىت گېزىتى» ، ‹‹ بورتالا گېزىتى»،  ‹‹مۆلجەرتاغ»... قاتارلىق تۈرلۈك گېزىت - ژۇرناللاردا  250 پارچىغا يېقىن شېئىرى ئېلان قىلىنغان .

ئىجادىيەتكە زور ئىشتىياق، تولۇپ-تاشقان قىزغىنلىق بىلەن كىرىشىپ، تۇرمۇشىمىزنىڭ ھەر قايسىى قاتلاملىرىدىكى  رەڭگا-رەڭ ھايات كارتىنىلىرىنى يارقىن ئەكىس ئەتتۈرۈپ كېلىۋاتقان شىجائەتلىك شائىر ئەمەتجان زۇنۇن ئارتۇچ ھازىر ئون نەچچە يىللىق ئىجادىيەتلىرىنىڭ سەمەرىسى بولغان  « ۋىسال تاڭلىرى سۈزۈك » ناملىق تۇنجى  شېئىرلار توپلىمىنى نەشىرگە تەييارلاۋاتىدۇ .

ئارتۇچ ناخشا تېكىستلىرى

ئەمەتجان زۇنۇن ئارتۇچ

مېھرى - مۇھەببەت

تامامى جاننى ۋەسلى ياشناتقان ،
چەكسىز شاپائەت مېھرى - مۇھەببەت .
گۈزەل دۇنياغا نۇرلار تاراتقان ،
پۈتمەس سائادەت مېھرى - مۇھەببەت .

كۆزنى - كۆزلەرگە نۇرلۇق قاراتقان ،
ئوتلۇق ھارارەت مېھرى - مۇھەببەت .
بۇلبۇلگويادەك خۇشخۇي سايراتقان ،
سېھرى كارامەت مېھرى - مۇھەببەت .

ۋىسال پەيزىدە تەپتى يايراتقان ،
ھوزۇر - پاراغەت مېھرى - مۇھەببەت .
ئۆمۈر رىشتىنى مەھكەم باغلاتقان ،
ئۈمىد - جاسارەت مېھرى - مۇھەببەت .

سۆيگۈ ئوتلىرى يارقىن پارلاتقان ،
بەخىت  ، ھالاۋەت مېھرى - مۇھەببەت .
تەڭرىم ئىنساننى ئۇلۇغ ياراتقان ،
بۈيۈك كامالەت مېھرى - مۇھەببەت .

بىر يول بار ئاشىقلىق ئوتى ئۆچمىگەن

ئۆچمەس ئىز ، ئارماندەك ھاياتتىن ئۇزۇن ،
پاكلىق ، ھەق ۋىسالى ئويغاتقان غورۇر .
مۇستەسنا ئالجىغان تەقدىر ئەندىشى ،
مۇھەببەت - نەپرەتتىن قەدەملەر مەغرۇر .

ۋاپاسىز نازىنىن ۋەسلى يىراقتۇر ،
نائىنساب مەلئۇننىڭ مەنزىلى ئەمەس .
ئەل سۆيگەن ياخشىلار ، دىلى يورۇقلار ،
بارىنى بېغىشلاپ ئۆتكەن زەبەردەس .

قار - يامغۇر ، جۇدۇندا كۆكلەيدۇ باغرى ،
ئاي - يىللار سوۋغىسى ئۈمىد بېغىشلاپ .
ئوت يۈرەك شائىرنىڭ يۈرىكى تۇتاش ،
قۇياشلىق زىمىنغا سىڭىدۇ ئاپتاپ .

ئانا يۇرت مېھرى

قۇياشلىق مېھرىڭدىن بەرگەچ ھارارەت ،
تەۋپىق ئىز ، روھىدىن سۆيدى پاراسەت .
قىزىدى توي -بايرام ، مەشرەپ - باراۋەت ،
قوينۇڭدا يايرىدۇق كۈلدى سائادەت .

مىھنەتتە تاۋلىنىپ بېيىدى دېھقان ،
شات ۋىسال پەيزىگە چۈمدى قىز -ئوغلان ،
ئىناقلىق تەپتىدىن ئاشتى كۈچ -دەرمان ،
ئارمانلار يولىدا ئۇرغۇپ جاسارەت .

ئەنجۈر ھەم مۇناقى داڭقى پۇر كەتتى ،
باھادىر نۇسرىتى ئەلنى خۇش ئەتتى ،
قۇت -بەركەت ناۋاسى پەلەككە يەتتى ،
چېھرىڭدىن پارلىدى بەخىت - ھالاۋەت .

سودىگەر كارۋىنىڭ ھېكمىتى بۈيۈك ،
شەۋكىتىڭ سېھرىدىن تاڭلار سۈپسۈزۈك ،
كەڭ زىمىن ۋەسلىدە سەن ئالتۇن ئۈزۈك ،
ھەق ۋىجدان رىشتىسى تاپتى كامالەت .

جان كىردى بەس- بەستە ھەممە ئېقىمغا ،
ئۈمىدلەر ئايلاندى راۋان ئېقىنغا ،
چىن سۆيگۈڭ نۇر -ئاپتاپ يىراق - يېقىنغا ،
ئىشقىڭدا تاشىدۇ غورۇر - ساداقەت .

ۋىسالىڭسىز ياشىمايمەن دىلبىرىم

رۇخسارىڭدىن تۆكۈلىدۇ نۇر - زىيا ،

خىسلىتىڭدىن جىلۋىلەنگەن  قۇت ، ۋاپا ،

ئىزلىرىڭدىن چېچەكلىگەن كەڭ دالا ،

ۋىسالىڭسىز ياشىمايمەن دىلبىرىم .

گۈل ھىدىڭدىن خۇشپۇراقلىق ئانا يەر ،

شاتلىقىڭدىن سۈپسۈزۈكتۇر تاڭ سەھەر ،

دىدارىڭسىز زەر ئەمەسكەن  زەررە تەر ،

ۋىسالىڭسىز  ياشىمايمەن دىلبىرىم .

ئەت توپىلىق سەھرالاردا يايرىدىڭ ،

باغلىرىدا گۈلى رەيھان ئاينىدىڭ ،

خۇش ناۋالىق بۇلبۇلۇمدەك سايرىدىڭ ،

ۋىسالىڭسىز  ياشىمايمەن دىلبىرىم .

مېھرى سۆيگۈڭ رىشتىدىن جان كۆكلىگەن ،

نەۋ باھاردەك دىلدا ئارمان كۆكلىگەن ،

ئەل - ئاۋام شاد تەندە دەرمان كۆكلىگەن ،

ۋىسالىڭسىز ياشىمايمەن دىلبىرىم .

پۇتبۇل ئىشقى

كۆپكۈك ئاسمان ياپيېشىل مەيدان ،

يۈرەكلەردە ئۈمىد - ھاياجان .

تاڭدەك سۈزۈك  ، نۇرانە ئارمان ،

جۇشقۇن قەدەم دەۋرەپ ئالامان .

قايتارما  :

پۇتبۇل ئوينا مەردانە ئالغا  ،

ھۇررا  ، ھۇررا  نۇرانە دۇنيا .

پۇتبۇل ئىشقى ئۆملۈك ناۋاسى ،

قۇتلۇق مەنزىل ، نۇسرەت ساباسى .

ساپ ئەقىلدىن تەننىڭ داۋاسى ،

ئوغلانلارنىڭ  داغدام سەيناسى .

قايتارما  :

پۇتبۇل روھى ، ھېكمىتى ئۇلۇغ ،

ئەل - ۋەتەننىڭ قوينى قىزىل تۇغ .

ئۇرغۇپ تاشسۇن غەيرەت - جاسارەت ،

مەدەت - ئالقىش ئاقسۇن ھارارەت  .

يارقىن تىلەك  ،  سۆيسۈن كامالەت  ،

ئىلىم يولى بەخىت - سائادەت  .

قايتارما :

كەلگىن دوسىتلار تۇتۇشايلى قول  ،

پۇتبۇل ئاچار  ساغلاملىققا  يول .

ئۆيلىنەي

تەنھالىقنىڭ قەرزى  پۈتسۇن ئۆيلىنەي ،

دەردى - ھېجران ئوتى ئۆچسۇن ئۆيلىنەي .

داغدا قالسۇن كۆزى ئوتلۇق بىۋاپا ،

چىن ۋىسالنىڭ مېھرى سۆيسۇن  ئۆيلىنەي.

شات يېشىمدىن ئۈنچە - مارجان چېچىلسۇن  ،

قۇت تويۇمدىن رىشتە دەرمان قېتىلسۇن  ،

ئىزلىرىمدىن گۈلى رەيھان ئېچىلسۇن ،

جۇتتا تۈنلەر ھىدى كۆيسۇن ئۆيلىنەي .

جۇدالىقنىڭ  سەۋدالىرى توزىسۇن ،

پەيلى شەيتان ئۇز سەنەملەر ئۇزىسۇن ،

ئاغزى بەدبۇي پىتنىغورلار قۇرىسۇن ،

جۈپ يۈرەكلەر تۆرگە كۆنسۇن ئۆيلىنەي .

پەسلى كۆكلەم ساپ ھاۋالىق باھارىم ،

ۋەسلى نۇرلۇق زىيا چاچقان ناھارىم ،

ھەمرا بولسۇن ۋاپادارىم ، نىگارىم ،

تەشنا دىللار پەيزى سۈرسۇن  ئۆيلىنەي .

ھايات مېھرى

تۇغۇلدۇق تەڭرى ھىممىتى ھامان قەبرىدە كۆكلەيمىز ،

ئۇلۇغ ئارمانغا يەتكۈچە تالاي جەبرىدە كۆكلەيمىز .

ھايات تەلقىنلىرى تاۋلاپ ئۆتەرمىز نى داۋان ئاتلاپ ،

سۈزۈك تاڭدەك كۆيۈپ پارلاپ يورۇق پەللىدە كۆكلەيمىز .

ھالال تەردىن تۆكۈپ تەرلەر باغۇ - بوستان ئانا يەرلەر ،

باياۋاندىن قېزىپ زەرلەر جاپا ئەجرىدە كۆكلەيمىز .

غەنىيمەت قىسقا دەملەردە مالۇ - دۇنيا ئەلەملەردە ،

گۈزەل مەنزىل قەدەملەردە چىنار قەددىدە كۆكلەيمىز .

دىيانەتتىن تېپىپ نۇسرەت ئادىمىيلىك قەدىر - قىممەت ،

ھەقىقەتتىن ، مۇھەببەتتىن ئۈمىد سەۋرىدە كۆكلەيمىز .

ئاتامكەن

بۇ ھاياتقا كۈلۈپ باققان ئاتامكەن ،
ئەجرىدىن نۇر -زىيا چاچقان ئاتامكەن .
ھەق -دىيانەت پىراقىدا پەرۋانە ،
نۇسرەتلەرگە يوللار ئاچقان ئاتامكەن .

ئادىمىيلىك شەپقىتىنى تونۇتۇپ ،
ھېكمىتىدىن قارا دىلنى يورۇتۇپ ،
نادانلىقنىڭ يىلتىزىنى قۇرۇتۇپ ،
قۇت كۆكىدە قانات قاققان ئاتامكەن .

ئايلاندۇرۇپ ئەت توپىنى گۆھەرگە ،
بەركەت ياغقان ئىزى چۈشكەن ھەر يەرگە ،
مېھرى -ۋاپا ، شاتلىق بەرگەن بەندىگە ،
ساداقەتتىن گۈلخان ياققان ئاتامكەن .

ئۇرغۇپ تاشقان ئۈمىد - جاسارەت  ،
يورۇق ئاڭدا ئەقىل يۈكسەك كامالەت ،
قۇچاق ئاچقان ئۇلۇغ بەخىت -سائادەت ،
ئەل -ئاۋامغا دەرمان قاتقان ئاتامكەن .

گەپ تاپتى

باي خېنىمغا كۆيۈپتۇ دەپ گەپ تاپتى ،
چوڭ شەھەردە بېيىپتۇ دەپ گەپ تاپتى .
زىيان تارتىپ قېرىپتۇ دەپ گەپ تاپتى ،
مۇكەررەمگە بېرىپتۇ دەپ گەپ تاپتى .

ئىچىپ -چېكىپ ئۆلۈپتۇ دەپ گەپ تاپتى ،
ئاشنىسىنى كۈتۈپتۇ دەپ گەپ تاپتى .
ئالىي پىكاپ مىنىپتۇ دەپ گەپ تاپتى ،
ياتتىن پەرزەنىت كۆرۈپتۇ دەپ گەپ تاپتى .

مائاش قوشۇپ بىرىپتۇ دەپ گەپ تاپتى ،
ئەجەپ پۇزۇر كېيىپتۇ دەپ گەپ تاپتى .
بەزمىلەرگە كۆنۈپتۇ دەپ گەپ تاپتى ،
چولپانلارنى سۆيۈپتۇ دەپ گەپ تاپتى .

باشلىق ئۆسۈپ چۈشۈپتۇ دەپ گەپ تاپتى ،
پارا يېگەن  تۇتۇپتۇ دەپ گەپ تاپتى .
ئاكىسىنى ئۇرۇپتۇ دەپ گەپ تاپتى ،
بەڭگە زاۋۇت قۇرۇپتۇ دەپ گەپ تاپتى .

ياخشىلارغا شادلىق تىلەيمەن

جان -دىلىدىن ئەل -يۇرتقا كۆيگەن ،

روھى ئويغاق  دىيانەت سۆيگەن ،

مىھنىتىدىن مەردانە كۈلگەن ،

ياخشىلارغا شاتلىق تىلەيمەن

ئايلاندۇرغان توپىنى زەرگە ،

قان -تەرىنى سىڭدۈرۈپ يەرگە ،

بېغىشلىغان بارىنى ئەلگە ،

ياخشىلارغا شاتلىق تىلەيمەن  .

قار - جۇدۇنغا باش ئەگمەس كارۋان ،

جاپالاردا بەردەم تاۋلانغان ،

زەپەرلەرگە مەغرۇر ئاتلانغان ،

ياخشىلارغا شاتلىق تىلەيمەن .

خىسلىتىدىن سۈپسۈزۈك ئاسمان ،

نۇرانە تاڭ ، يوپيۇرۇق جاھان ،

ئىزلىرىدىن ئۈمىد پارلىغان ،

ياخشىلارغا شاتلىق تىلەيمەن .

مەجنۇن ناخشىسى

سەنەمگە ئاشىق بولۇپ پەرۋانە ،

دەردۇ - ھېجراندا ، سەۋدادا قالدىم .

ئىشقى ۋەسلىمدىن ئەللەر ھەيرانە ،

ئىزدەپ جامالى بالادا قالدىم .

دەشتى - چۆل كەزگەن غېرىب بەندىمەن ،

ئەقلىدىن ئازغان بىھۇش تەندىمەن ،

قارارسىز رىشتىم ئۆتەر غەم بىلەن ،

دەرمانسىز سەبرى ، سالادا قالدىم .

نازىلىق خۇلقى سېھرىدىن كەچمەي ،

پەتىسى تولا مېھرىدىن كەچمەي ،

يىراق كېتەلمەي ۋىسالغا يەتمەي ،

ھوزۇرى سۈرمەي تالادا قالدىم .

ۋەيلۇندا گويا كۆيدۈم ئوتىدا ،

قىلدەك تولغۇنۇپ يارنىڭ كويىدا ،

ھەق سۆيگۈ كۆزلەپ ئۈمىد يولىدا ،

مەنزىلىم نەدۇر تامادا قالدىم .

ۋاپاسىز

كۆڭۈل بەرسەم ئالدىدىڭ جانان ،

ۋاپا كۈتۈپ خاتا قىپتىمەن .

كۆنگەن يامان كۆيگەنمۇ يامان ،

سۆيىدۇ دەپ چۈشىنىپتىمەن .

ئەقىدەمنى خارۇ -زار ئەيلەپ ،

مۇھەببەتنى كۆرۈپسەن ئويۇن .

ياتنى يار دەپ مال -دۇنيا كۆزلەپ ،

ئۇچۇرۇپتۇ بەرگىڭنى قۇيۇن .

پۇشايمانلىق ياشقا داۋا يوق ،

تەقدىرىڭگە ئۆزۈڭ جاۋاپكار .

يۈرىگىمدىن ئوتلۇق سادا يوق ،

ئۇنتۇپ كېتەي خوش ئەمدى نىگار .

سېنى كۈتەرمەن

ماڭا كۆڭۈل بېرەلمىسەڭمۇ ،

چىن ئىشقىڭدىن كۆيەلمىسەڭمۇ ،

يىراقلاردىن كېلەلمىسەڭمۇ ،

ئۆمۈر بويى سېنى كۈتەرمەن .

تۈندە ئايغا -يۇلتۇزغا قاراپ ،

كۈندە يارقىن قۇياشتەك پارلاپ ،

شاماللارنىڭ چېچىنى تاراپ ،

ئۆمۈر بويى سېنى كۈتەرمەن .

كارۋانلاردىن ھالىڭنى سوراپ ،

ئىزلىرىڭدىن ھىدىڭنى پۇراپ ،

تۇرنىلاردىن سالاملار يوللاپ ،

ئۆمۈر بويى سېنى كۈتەرمەن .

ئاشىق ئۈچۈن ھوزۇرلۇق ھېجران ،

تىنىقىدىن يورۇقتۇر جاھان ،

ئارمان قىلىپ ۋەسلىڭنى جانان ،

ئۆمۈر بويى سېنى كۈتەرمەن .

ئەللىك ياشقا كىرگەندە

قۇتلۇق مەنزىل نۇرانە  ،

گۈلگۈن ئىزلار مەردانە ،

تاڭدەك نۇرلۇق ئوت رىشتە  ،

ئەللىك ياشقا كىرگەندە  .

كۈلدۈرىدۇ ئارمانلار  ،

كۆيدۈرىدۇ ھېجرانلار ،

سۆيدۈرىدۇ دەرمانلار ،

ئەللىك ياشقا كىرگەندە .

مىسلى جەننەت سارايىڭ ،

پەرىشتىدەك جانانىڭ ،

غورۇر سىڭگەن قارارىڭ ،

ئەللىك ياشقا كىرگەندە .

ئۈمىد كۆكلەپ خۇش باققان ،

ياخشىلىقلارھىد چاچقان ،

مېھرى - سۆيگۈ قۇت تاپقان ،

ئەللىك ياشقا كىرگەندە  .

ئايگۈزەل

ئۇزلۇقىدىن ھۆر - پەرىلەر ھەيرانە ،

چېھرى نۇرلۇق نەۋ باھارىم ئايگۈزەل .

پاكلىغىدىن قەددى مەغرۇر ، مەردانە ،

مېھرى ئوتلۇق نۇر ناھارىم ئايگۈزەل .

خۇش ھىدىدىن گۈل -چىمەندۇر كەڭ دالا ،

شاتلىغىدىن تاڭدا يارقىن بۇ دۇنيا ،

ئىزلىرىدىن رىشتى ئۆچمەس قۇت ۋاپا ،

ئەلگە ياققان ئىپتىخارىم ئايگۈزەل .

پەزىلەتلىك خىسلىتىڭدىن كۈلدى جان ،

شەرمى - ھايا ...ئەخلاقىڭدىن ئۇز جاھان ،

مىھنىتىڭدىن ئانا تۇپراق شادىمان ،

پەرىشتىدەك مېھرىبانىم ئايگۈزەل .

گۈل ھاياتنىڭ شاتلىغىسەن ئايگۈزەل ،

ھوزۇرىسەن ، تاتلىغىسەن ئايگۈزەل ،

ئاقلىغىسەن ، ساپلىغىسەن ئايگۈزەل ،

دىلىستانىم ، غەمگۇزارىم ئايگۈزەل .

كۈتىدۇ بىر  قىز خىلۋەت سەھرادا

مەيىن شامالدىن سوراپ ئىسمىمنى  ،
كۈتىدۇ بىر قىز خىلۋەت سەھرادا .
ئېتىز - باغلاردىن ئىزدەپ ئىزىمنى ،
كۈتىدۇ بىر قىز خىلۋەت سەھرادا  .

سالام يوللايدۇ سۈزۈك سۇلاردىن ،
ھىدىمىز سڭگەن توپا يوللاردىن ،
تاڭدەك سۈپسۈزۈك خىيال - ئويلاردىن ،
كۈتىدۇ بىر قىز  خىلۋەت  سەھرادا  .

ئانارگۈلىدەك  ھۆسنى نۇرانە  ،
توغراق شېخىدەك قەددى مەردانە ،
چىۋەرلىكىدىن ئەل -يۇرت  ھەيرانە ،
كۈتىدۇ بىر قىز خىلۋەت سەھرادا  .

قولىدا كەشتە ئوتلۇق ھەۋەستە ،
تاڭلار ئويغۇتۇپ بۇلبۇل بەس - بەستە ،
سەھراغا كۆيگەن ھەر بىر نەپەستە ،
كۈتىدۇ بىر قىز خىلۋەت سەھرادا  .

ھويلا - ئارامدىن قۇياش كۈلگۈنچەك ،
كۈلكىسى تەبئى مۇقام كۈيىدەك ،
مېھرى رىشتىگە تۇتاش ئوت يۈرەك ،
كۈتىدۇ بىر قىز خىلۋەت سەھرادا .

مۇھەببەتكە مۇھەببەت كىرەك

ئىنسان ئۇلۇغ بولسا ئوت يۈرەك ،
يۈرىگىدە  تۇرسا ساپ تىلەك .
مۇھەببەتسىز جاھان قىيامەت ،
مۇھەببەتكە مۇھەببەت كىرەك .

مۇھەببەت بار قىلدى ھەممىنى ،
باغلاپ ئوتلۇق ، پۈتمەس رىشتىنى ،
بەردى جاندىن بۈيۈك ئىشقىنى ،
مۇھەببەتكە مۇھەببەت كىرەك .

مۇھەببەتسىز ياشاش مەنىسىز ،
مۇھەببەتسىز ئادەم قەدىرسىز ،
مۇھەببەتسىز بولماس يورۇق ئىز ،
مۇھەببەتكە مۇھەببەت كىرەك .

مۇھەببەتنىڭ تۇغى ۋاپادۇر ،
ھەق -ئادالەت ، ئەخلاق ، ھايادۇر ،
مۇھەببەتنىڭ ۋەسلى ، لاۋادۇر ،
مۇھەببەتكە مۇھەببەت كىرەك .

مۇھەببەتتىن تۆكۈلگەن بەركەت ،
مۇھەببەتتىن ئويغاق ھەقىقەت ،
مۇھەببەتتىن قۇچىمىز نۇسرەت ،
مۇھەببەتكە مۇھەببەت كىرەك .

ئاتامكەن

بۇ ھاياتقا كۈلۈپ باققان ئاتامكەن ،
ئەجرىدىن نۇر -زىيا چاچقان ئاتامكەن .
ھەق -دىيانەت پىراقىدا پەرۋانە ،
نۇسرەتلەرگە يوللار ئاچقان ئاتامكەن .

ئادىمىيلىك شەپقىتىنى تونۇتۇپ ،
ھېكمىتىدىن قارا دىلنى يورۇتۇپ ،
نادانلىقنىڭ يىلتىزىنى قۇرۇتۇپ ،
قۇت كۆكىدە قانات قاققان ئاتامكەن .

ئايلاندۇرۇپ ئەت توپىنى گۆھەرگە ،
بەركەت ياغقان ئىزى چۈشكەن ھەر يەرگە ،
مېھرى -ۋاپا ، شاتلىق بەرگەن بەندىگە ،
ساداقەتتىن گۈلخان ياققان ئاتامكەن .

ئۇرغۇپ تاشقان ئۈمىد - جاسارەت  ،
يورۇق ئاڭدا ئەقىل يۈكسەك كامالەت ،
قۇچاق ئاچقان ئۇلۇغ بەخىت -سائادەت ،
ئەل -ئاۋامغا دەرمان قاتقان ئاتامكەن .

ئاتا  سۆزى

قان -تەرلەردىن يارالغان بۈگۈن،
كەچمىشكە  باق ئويلا كۈنۈ -تۈن.
مەلئۇن تامان ئات سالغان كارۋان-
ئەجدادلىرىڭ ئىقبالىڭ ئۈچۈن.

جىسمىڭدا بار ئەجدادىڭ قېنى،
قانات بەردى ئەل مىھرى،نېنى.
قەدرىگە يەت بۈيۈك خىسلەتنىڭ،
ئۇ تىلتۇمار  ئەنئەنە  جېنى.

پۈتمەس قۇدرەت ساڭا ئىلىم -پەن،
ئىجتىھات قىل ،ھارمىغىن  ئۈگەن.
ئىزلىرىڭنى سۆيسۈن ئاي -قۇياش،
رازى بولسۇن سەندىن ئەل -ۋەتەن.

قەدىرىمنى بىلەرسەن بەلكىم.

باغرىڭغا ياش تۆكۈلسە سىم -سىم ،
ئەلەملەردىن ئۆرتەنسەڭ  جېنىم .
ئەسلەپ مېنى  سېغىنىپ غەمكىن ،
قەدىرىمنى بىلەرسەن  بەلكىم .

ياڭرىغاندا  ناۋالىق  كۈيلەر ،
چۈشلىرىڭدىن ئويغاتسا تۈنلەر،
شىۋىرغانلىق،ھېجرانلىق كۈنلەر ،
قەدىرىمنى بىلەرسەن بەلكىم .

باغلىرىڭدا  قۇترىسا  قۇيۇن ،
تەڭتۈشلىرىڭ  بىلىنسە يوچۇن ،
ۋۇجۇدۇڭنى  تىترەتسە جۇدۇن ،
قەدىرىمنى بىلەرسەن بەلكىم .

ۋاپا  ئىزلەپ كۆڭلى ياماندىن ،
ئاھانەتلەر  ئۆتكەندە جاندىن ،
پۇشايماندا كېچىپ جاھاندىن ،
قەدىرىمنى بىلەرسەن بەلكىم .

قېرىنداشلا رھامان  يادىمدا

ئانا زىمىن باغرىدا كۈلگەن ،
ئەل - ۋەتەننى ئەزىزلەپ سۆيگەن ،
ھەق ئىشقىدا قۇياشتەك كۆيگەن ،
قېرىنداشلار ھامان يادىمدا  .

مەنزىللەرگە داغدام ئاتلانغان ،
كەچمىشلەردە روھى تاۋلانغان ،
قۇت رىشتىسى مەھكەم باغلانغان ،
قېرىنداشلار ھامان يادىمدا.

ئارمانلىرى باھاردەك يېشىل ،
يۈرەكلىرى چوغدەك قىپ -قىزىل ،
پەزىلىتى ئالەمچە ئېسىل ،
قېرىنداشلار ھامان يادىمدا .

ياخشى يولدا مەردانە كارۋان ،
دەشتى - چۆلنى ئەيلىگەن بوستان ،
مېھرى- شەپقەت ئىشقىدا ۋولقان ،
قېرىنداشلار  ھامان يادىمدا .

ۋەتەن

ھاياتقا گۈزەللىك ياراتتىڭ ۋەتەن ،
مېھرىڭدىن نۇر - زىيا تاراتتىڭ ۋەتەن .
مۇھەببەت تەپتىدىن  كۆكلەيدۇ  جانلار  ،
ئىنساننى ۋىسالغا قاراتتىڭ  ۋەتەن  .

قۇياشلىق قوينۇڭدا  قۇچتۇق  نۇسرەتلەر  ،
يۈرەكتە  قۇت ،  ئارمان پارلاتتىڭ  ۋەتەن  .
ياغدۇرۇپ زىمىنغا ئامەت  - بەركەتلەر  ،
نەۋ باھار  ۋەسلىدە  يايراتتىڭ ۋەتەن .

ئۇلۇغلۇق تەختىدە تەنھاسەن  بۈيۈك  ،
كۈرەشكە ئۈمىتلەر باغلاتتىڭ  ۋەتەن  .
نۇرانە مەنزىلدە تاڭلار  سۈپسۈزۈك ،
ئەل ئىشقى  ھەق ئۈچۈن سايراتتىڭ ۋەتەن .

خۇشخۇي دىدار ئېسىل پەزىلەت

خۇشخۇي دىدار ئېسىل پەزىلەت ،
سالاملاردىن كۆڭۈل  يورۇيدۇ .
خۇش چىرايلار جاھانغا بېزەك ،
ئىناقلىقتىن ياشنايدۇ پۈتكۈل .

تۆكۈلىدۇ ئالەمچە بەركەت ،
شاتلىق سىڭغان ئوت يۈرەكلەردىن .
ئاتا قىلغاي ئىنسانىي قىممەت ،
ئۈمىد قونغان ساپ تېلەكلەردىن .

ئۆمۈر قىسقا بىباھا ھىممەت ،
رىشتىمىزدىن كۆكلەيدۇ ھايات .
ئىزىمىزدىن پارلىسا نۇسرەت ،
بەخىت قۇشى قاقىدۇ قانات .

قەدىرلەنسە مېھرى - مۇھەببەت ،
كۈلكىمىزگە جۈر بولغاي جاھان .
پاكلىق بىلەن ئۇلۇغ ھەقىقەت ،
چېچەكلەيدۇ دىللاردا ئارمان .

ئانام

ئىككى دۇنيالىق بەختىمگە دەرمان ،
پاك ئەجرىڭ بىلەن بەردىڭسەن ئىمكان ،
ھايات ياشنايدۇ كۆكلەيدۇ ئارمان ،
ئۇلۇغسەن بۈيۈك مېھرىبان ئانام .

ئاياپ قويمىسا تەقدىر - قىسمەتلەر ،
ھامان ياغدۇردۇڭ بەركەت - ھىممەتلەر ،
روھىڭدا  كامال  مېھرى  - شەپقەتلەر ،
ئۇلۇغسەن بۈيۈك  قەدىردان ئانام  .

ئىزىڭنى سۆيگەن ۋاپا  ،  دىيانەت  ،
جىسمىڭدا كۈلگەن پاكلىق ، ئادالەت ،
چىن ۋىسال سۈرگەن تەۋپىق ، ھىدايەت ،
ئۇلۇغسەن بۈيۈك  پاسىبان  ئانام  .

تاۋلاپ ئۆتىدۇ ھايات سەيناسى  ،
سەن بىلەن تېرەن مەزمۇن - مەناسى ،
نۇرانە مەڭگۈ  يارقىن جۇلاسى  ،
ئۇلۇغسەن بۈيۈك نۇر جاھان ئانام  .

سەھرا قىزى

مېھىرلىك كۆزۈڭدىن تۆكۈلىدۇ نۇر،

پەرىشتە قەددىدەك نۇرلۇق جىلۋىگەر.

چوغ بولۇپ ئاقىدۇ مۇھەببەت ،غورۇر،

سۆيگەندەك زىمىننى سۈپسۈزۈك سەھەر .

قۇياشتەك پارلىغان ئاپئاق يۈزۈڭدە،

تەبەسسۈم شۇقەدەر ئوتلۇق، بىغۇبار.

تاغ سۈيىدەك زىل ، جاراڭلىق كۈيۈڭدە،

چىچەكلەر ئاچىدۇ قۇتلۇق نەۋ باھار.

كېلىسەن سەھرادا خۇش ئىپار چېچىپ،

ئويغۇتۇپ كۆڭۈلدە ياپيېشىل ئۈمىت.

مىننەتسىز ئەجرىڭدە بەركەتلەر تېپىپ،

توغراقتەك كۆكلەيسەن جۇتتا تاۋلىنىپ.

پاكلىغىڭ ھىممىتى ھاياتقا ئەنداز،

نۇرانە ئىزلىرىڭ ئەل-يۇرتقا بەركەت.

دىيانەت  كۆكىدە قىلىسەن  پەرۋاز،

ئايىغىڭ ئاستىدا كۈلىدۇ جەننەت.

ئانا قەسىدىسى

مېھرىڭىزدىن نۇرانە تاڭلار ،
چېھرىڭىزدىن كۆكلىگەن باغلار .
بالام دەيسىز بىر ئۆمۈر تىنماي ،
جىسمىڭىزدىن مەزمۇتتۇر تاغلار .

قولىڭىزدا تەۋرەنسە دۇنيا ،
ئەجرىڭىز بار تامامى جاندا .
پەرىشتىدەك بەركەت ياغىدۇ ،
ھايات ئەزىز ئويغانغان ئاڭدا .

بالامنىڭ دەپ تاپقان تەرگەننى ،
بالامنىڭ دەپ ئېگەم بەرگەننى .
سىزنى يۈدۈپ مەككىگە بارسام ،
ئادا بولماس بىر رەت ئەمگەننى .

ئىزىڭىزدا جەننەت جىلۋىسى ،
روھىڭىزدۇر سۆيگۈ قىبلىسى .
مەڭگۈ سىزگە قەرزىدار ئىنسان ،
ئۈزۈلمەيدۇ ئوتلۇق رىشتىسى .

ئانىلارنى ئۇلۇغلايلى بىز

ئوتلۇق مېھرى تەپتى نۇر  قۇياش ،

پەرشتىگە خىسلىتى  تەڭداش ،

يۈرىگىدىن ئاقمىسۇن قان -ياش ،

ئانىلارنى ئۇلۇغلايلى بىز .

ئەجرى بىلەن ياشنايدۇ دۇنيا ،

ھاياتلىققا ئەيلەيدۇ ۋاپا ،

ھەق يولىدا بارلىغى پىدا ،

ئانىلارنى ئۇلۇغلايلى بىز .

روھى ئويغاق جاپا - قىسمەتتىن ،

بۈيۈك رىشتى چاقناپ مىھنەتتىن ،

ۋىسال تاپقان پاكلىق ، بەركەتتىن ،

ئانىلارنى ئۇلۇغلايلى بىز .

ئارمانلىرى ئاچقان گۈل - چېچەك  ،

تىلەپ شاتلىق ،تەۋپىق ، ھىدايەت ،

ئىزلىرىنى سۆيگەن قۇت - نۇسرەت ،

ئانىلارنى ئۇلۇغلايلى بىز .

ئانام

ئىككى دۇنيالىق بەختىمگە دەرمان ،
پاك ئەجرىڭ بىلەن بەردىڭسەن ئىمكان ،
ھايات ياشنايدۇ كۆكلەيدۇ ئارمان ،
ئۇلۇغسەن بۈيۈك مېھرىبان ئانام .

ئاياپ قويمىسا تەقدىر - قىسمەتلەر ،
ھامان ياغدۇردۇڭ بەركەت - ھىممەتلەر ،
روھىڭدا  كامال  مېھرى  - شەپقەتلەر ،
ئۇلۇغسەن بۈيۈك  قەدىردان ئانام  .

ئىزىڭنى سۆيگەن ۋاپا  ،  دىيانەت  ،
جىسمىڭدا كۈلگەن پاكلىق ، ئادالەت ،
چىن ۋىسال سۈرگەن تەۋپىق ، ھىدايەت ،
ئۇلۇغسەن بۈيۈك  پاسىبان  ئانام  .

تاۋلاپ ئۆتىدۇ ھايات سەيناسى  ،
سەن بىلەن تېرەن مەزمۇن - مەناسى ،
نۇرانە مەڭگۈ  يارقىن جۇلاسى  ،
ئۇلۇغسەن بۈيۈك نۇر جاھان ئانام  .

ئانا

ھاياتلىق ئىزلىرى خۇشبۇي قاقاس چۆللەردە مېھرىڭ بار ،

ۋىسال دەملەر  قۇچاق ئاچقان يورۇق تۈنلەردە مېھرىڭ بار .

ھالال ئەجرىڭ نۇرى بىرلە داۋانلاردىن ئېشىپ كەلدۇق ،

سەھەر - تاڭ پەيزىدە شاتلىق گۈزەل كۈيلەردە مېھرىڭ بار .

ۋاپا ، پاكلق ئارا ياشناپ تەسەددۇق ئەيلىدىڭ ھەرچاغ ،

دىيانەت قەسرىدە ياڭراق ، تېرەن ئۈنلەردە مېھرىڭ بار .

جاھاننى كۆكلىتىپ ئۆتكەن كۆيۈك باغرىدا جان كۈلگەن ،

ھىدىڭدىن ئۇز  ھۆسىن تۈزگەن قىزىلگۈللەردە مېھرىڭ بار .

ئىلاھىي ئوت غورۇر  ئىشقىڭ ئۈزۈلمەيدۇ ئەبەد رىشتىڭ ،

بۈيۈك ئارمانغا يانداشقان ئۇلۇغ كۈنلەردە مېھرىڭ بار  .

ئەسكەرتىش : ھەرقانداق ئورۇن ۋە شەخىسنىڭ مەزكۇر ئەسەرلىرىمنى رۇخسىەتسىز ئىشلىتىشىگە بولمايدۇ .

ئەگەر سېزىلىپ قالسا جاۋابكارلىقى قانۇن بويچە سۈرۈشتۈرىلىدۇ  .

كامالىي ئېھتىرام بىلەن :  ئەمەتجان زۇنۇن ئارتۇچ

يانفۇن نومۇرۇم : 15699088894  . چ چ  نومۇرۇم : 2536190268

تىلسىم بۇ تېمىنى تەستىقلىغان، ۋاقتى: 2016-7-20 14:58

بۇ يازمىنى يىقىندا زىيارەت قىلغانلار : كۆرۈنىشى باش رەسىم ھالىتى تىزىملىك ھالىتى

ساقلاش0 ھەمبەھر قېزىلما0 قوللاش0 قارشى0 ئۈندىدارغا

ئەمەتجان زۇنۇن ئارتۇچ

چ چ : 2536190268 . يانفۇن : 15699088894

ئىنكاس

جابدۇق پاش قىلىش

سەبىر

“”

7 تېما	940 يازما	4144 جۇغلانما

مۇنبەر مەلىكىسى

ئەزا ئۇچۇرى

تىزىم نومۇرى: 489

يازما سانى:

940

تىللا:

2798

تۆھپە:

133

جەۋھەر يازما:

توردا:

315 سائەت

ئاخىرقى:

2017-3-3

ئۇچۇر

دېۋان

ۋاقتى: 2016-9-9 10:24:10 | ئايرىم كۆرۈش

بۇ يالغانچى ئاكام ئاتۇشقا بارساممۇ كۆرۈشۈپ قوياي دىمىدى. ئەمدى بۇيەردە ئۆزىنىڭ تەرجىمھالىنى ئۆزى يوللاپ ئولتۇرۇپتۇ خۇددى ھېلقى ..........يىغلايدىغان ئادەم يوق ئۆزى قوپۇپ يىغلاپتۇ دېگەندەك