كۆرۈش: 132|ئىنكاس: 4

قىزنىڭ دادىسىغا يازغان ۋەھىمىلىك خېتى

“”

60 تېما	125 يازما	987 جۇغلانما

سىنىپ باشلىقى

ئەزا ئۇچۇرى

تىزىم نومۇرى: 526

يازما سانى:

125

تىللا:

832

تۆھپە:

10

جەۋھەر يازما:

0

توردا:

70 سائەت

ئاخىرقى:

2017-2-11

ئۇچۇر

لىفىت

ساھىبخان

ۋاقتى: 2016-11-25 05:36:27 | ئايرىم كۆرۈش ئىنكاس مۇكاپاتى

|تەتۈر تىزىش |كۆرۈش شەكلى

   قىزنىڭ دادىسىغا يازغان ۋەھىمىلىك خېتى
      ‹ خالىدە ئوسمان تەرجىمىسى›

دادا قىزىنىڭ ياتاق ئۆيىنىڭ ئالدىدىن ئۆتۈپ كېتىۋېتىپ، ئۆينىڭ ئالاھىدە رەتلىك بولۇپ قالغانلىقىغا دىققەت قىلىپ قالدى. قىزى 16 ياشقا كىرىپ قالغان، مودا قوغلىشىدىغان قىز بولسىمۇ، ئەمما ياتاق ئۆيى ئەزەلدىن قالايمىقان ئىدى. نېمىش بولغانكى، بۈگۈن ئورۇن-كۆرپىلەر رەتلىك قاتلانغان، باشقا بويۇملارمۇ ئۆز ئورنىدا ناھايىتى رەتلىك تىزىلغان، ئازراقمۇ چاڭ-توزان قونمىغان ئىدى. دادا ياستۇق ئۈستىگە قويۇلغان بىر كونۋىرتنى كۆرۈپ قالدى. ئۇ ئۆيگە كىرىپ خەتنى قولىغا ئالدى، كونۋىرت يۈزىدە «سۆيۈملۈك دادا» دېگەن بىر قۇر خەت تۇراتتى. دادىنىڭ كۆڭلى بىر شۇملۇقنى سەزگەندەك بولدى ۋە قوللىرى تىترىگىنىچە كۇنۋېرتنى يىرتىپ ئوقۇشقا باشلىدى.
سۆيۈملۈك دادا:
بۇ خەتنى ھەقىقەتەن ئازاب ۋە تەشۋىش ئىچىدە يېزىۋاتىمەن. ئەمما يەنىلا سىزگە ئېيتىش نىيىتىگە كەلدىم، مەن ئۆيدىن چىقىپ كەتتىم. ئاپام ئىككىڭلارنىڭ يولۇمنى توسۇپ قويماسلىقىڭلار ئۈچۈن، ئوغۇل دوستۇم راندى بىلەن مۇشۇنداق قېچىپ كەتمەكچى بولدۇم، چۈنكى بىز بىر جان بىر تەن، ھېچكىم بىزنى ئايرىۋېتەلمەيدۇ. ئىشىنىمەنكى، ئۇنى كۆرسەڭلار سىلەرمۇ ياقتۇرۇپ قالىسىلەر. ئۇ بەدىنىگە ھەر خىل نەقىشلەرنى چېكىۋالغان، كىيىنىشلىرى مودىغا لايىق ئالاھىدە ھەرەڭ-سەرەڭ، چاچ پاسونىنىمۇ دۇنيادا بىر دېيىشكە بولىدۇ. بىز بىر-بىرىمىزنى ياخشى كۆرگەنلىكىمىزدىن، ھازىر بىر مىنۇتمۇ ئايرىلىشقا كۆزىمىز قىيمايدۇ. ئۇنىڭ ئۈستىگە ھازىر بويۇمدا بار، راندى ماڭا بالا كېرەك، ئۈچىمىز چوقۇم بەختلىك تۇرمۇش كەچۈرىمىز دېدى. مېنىڭچىمۇ بىز بەختلىك بولالايمىز.  گەرچە راندى مەندىن سەل چوڭ كۆرۈنسىمۇ (ئەرلەر 42 ياشتىمۇ بەك قېرى ھېسابلانمايدۇ، شۇنداققۇ؟)، گەرچە پۇلى يوق بولسىمۇ، ئەمما بۇلار ئىككىمىزنىڭ ھېسسىياتىغا توسقۇنلۇق قىلالمايدۇ، توغرىمۇ؟
بىز ئورمانلىقتا بىر ئېغىز ياغاچ ئۆي سېلىپ ئولتۇرايلى دېيىشتۇق، ئۇ يەردە قىشتىن ئۆتىۋېلىش ئۈچۈن ئوتۇنلارنىمۇ تەييار قىلىپ قويدۇق. ئەلۋەتتە، راندىنىڭ يەنە بىر نەچچە قىز دوستى بار، ئەمما ئىشىنىمەنكى ئۇ يەنىلا ئۆزگىچە ئۇسۇل بىلەن ماڭا سادىق ئۆتۈپ كېتىدۇ. ئۇ بىز تېخى نۇرغۇن بالىلىق بولىمىز دەيدۇ، بۇمۇ دەل مېنىڭ ئارزۇيۇم.
راندى نەشە ھېچكىمنى نابۇت قىلمايدۇ دەيدۇ، شۇڭا ئۇنىڭ بىلەن كەندىر، ئەپيۇن، كوكائىن تېرىماقچى بولۇۋاتىمەن، ئاندىن ئۇنى دوستلىرىمىزغا ساتايلى دېيىشتۇق. بىز يەنە تەڭرىدىن ئالىملارنىڭ ئەيدىز كېسىلىنى داۋالاشنىڭ ئامالىنى بالدۇرراق تېپىشىنى تىلەۋاتىمىز، بۇنىڭ بىلەن راندىنىڭ سالامەتلىكى ئەسلىگە كەلگەن بولاتتى، ئۇ ھەقىقەتەن شۇنداق جاۋابقا ئېرىشىشكە لايىق ئادەم.                                                                                        سىزنى سۆيۈپ قىزىڭىز رۇسى

دادا خەتنى ئوقۇپ ھوشىدىن كەتكىلى تاس قالدى ۋە ئەڭ ئاستىغا يېزىلغان «مەزمۇن تېخى تۈگىمىدى، كەينىگە قاراڭ» دېگەن بىر قۇر خەتنى كۆرۈپ، دەرھال قەغەزنى ئۆرۈپ بىر نەچچە قۇر خەتنى كۆردى.
  دادا، بايا ئوقۇغانلىرىڭىزنىڭ ھەممىسى يالغان. ئەمەلىيەت بولسا مۇنداق:
مەن قوشنىمىزنىڭ ئۆيىدە. سىزگە شۇنى بىلدۈرگۈم كېلىۋاتىدۇ، تۇرمۇشتا نۇرغۇن ئىشلار مېنىڭ ئۆگىنىش نەتىجەمدىنمۇ ئوسال. مېنىڭ ئىمتىھان نەتىجە قەغىزىم ئۈستىلىمنىڭ ئوتتۇرىدىكى تارتمىدا، ئىمزايىڭىزنى قويۇپ بولۇپ ماڭا تېلېفون قىلىڭ، ئۆزۈمنىڭ ئۆيگە ساق-سالامەت كىرەلەيدىغانلىقىمغا چىنپۈتكەندىن كېيىن قايتىپ كىرەي.

تىلسىم بۇ تېمىنى تەستىقلىغان، ۋاقتى: 2016-11-25 17:57

بۇ يازمىنى يىقىندا زىيارەت قىلغانلار : كۆرۈنىشى باش رەسىم ھالىتى تىزىملىك ھالىتى