ئ‍انا

ئ‍ابلىكىم مۇھەممەت ئ‍ۇپقۇن

ئ‍ەي ئ‍انا مىھرىڭ دىڭىزدۇر،بارچە مىھىر ئ‍ۇندا لال.
شام كەبى تۈگەيدۇ جىسمىڭ،سەن كەبى قۇياش مىسال.

تەرىپىڭگە يەتمەيدۇ سۆز،ئ‍ەي قاياشىم ئ‍انىجان،
زەر بېرىپ چىقساڭ ھاياتقا قامىتىڭدىن گۈل ئ‍وسال.

سىرغىسا كۆزۈڭدە ياش،مەن ساڭا بەرسەم ئ‍ازار،
بوستانلىقىم قاقشال بولۇپ،باشلىنار شۇندا زاۋال.

چاچلىرىڭ قۇندۇزغا تەققاس،يۈزلىرىڭدىن نور ياغار،
ئ‍التۇن ئ‍ۆزۈكنىڭ كۆزىدەك،يارىشار مەڭزىڭدە خال.

ئ‍اھ ئ‍انا سەن سۇلتانلىقىم،بېغىمدا بوستانلىقىم،
پۇت قولۇم تېترەر سېنىڭسىز،ئۇندا مەن بىر قىرى چال.

تونىماس سەن بولمىساڭ،يار بۇرادەر دوستلىرىڭ،
ئ‍ۇندا مەن بىر خەس بولۇرمەن،ياكى بىر ئ‍ەخلەت پاخال.

تەۋرىنەر قولۇڭدا دۇنيا،تەۋرىنەر پۈتكۈل ئ‍الەم،
ئ‍ەپغان يۇتار ئ‍ۇپقۇن بۈگۈن دىلىنى قىلغاچ قامال.