كۆرۈش: 265|ئىنكاس: 2

ياشلارنىڭ بەخت قارىشى توغرىسىدا.!!!

“”

39 تېما	94 يازما	402 جۇغلانما

ئوقۇغۇچى

ئەزا ئۇچۇرى

تىزىم نومۇرى: 1009

يازما سانى:

94

تىللا:

308

تۆھپە:

0

جەۋھەر يازما:

0

توردا:

37 سائەت

ئاخىرقى:

2017-2-28

ئۇچۇر

لىفىت

ساھىبخان

ۋاقتى: 2016-9-3 12:28:04 | ئايرىم كۆرۈش ئىنكاس مۇكاپاتى

|تەتۈر تىزىش |كۆرۈش شەكلى

ئىنسانلارنىڭ تۇرمۇشى ئىنتايىن مۇرەككەپ ھەم سىرلىق بولىدۇ، ئىنسانلار ھاياتلىق ئۈچۈن بىر- بىرى بىلەن ئالاقە قىلىدۇ ھەم ئۆز ئارا مۇناسىۋەت ئورنىتىدۇ.
ماددىي ۋاسىتىلىرىنىڭ ئىشلەپچىقىرىلىشى ئىنسانلار جەمىيىتىنىڭ مەۋجۇت بولۇپ تۇرۇش ۋە تەرەققىي قىلىشنىڭ ئاساسى، جەمىيەت بولسا كىشىلەرنىڭ ئەركىن تەرەققىي قىلىش سەھنىسىدۇر. ئىنسانلارنىڭ ھاياتىدا قايغۇلۇق ۋە خۇشاللىق، ئازابلىنىش ۋە راھەت كۆرۈشكە ئوخشاش قارىمۇقارشى ھادىسىلەر تەڭ مەۋجۇت بولۇپ تۇرىدۇ. بۇلارنى بىر- بىرىدىن ئايرىپ قاراشقا بولمايدۇ، ئۇلار مەلۇم ۋاقىت ۋە شارائىتتا بىر-بىرىگە ئايلىنىدۇ ۋە ئۆزگىرىپ تۇرىدۇ، بۇلار بىر ئۇچار قۇشقا ئوخشاش ئىنسانلارنىڭ بېشىدا ئايلىنىپ يۈرىدۇ  ئۇنداقتا بەخت دېگەن نېمە؟
بەخت ئىجتىمائىي تۇرمۇش شەرت شارائىتىنىڭ كىشىلەرنىڭ ئېڭى ۋە ھېسسىياتىدا ئەكس ئېتىشى بولۇپ، ئۇ كىشىلەرنىڭ رېئال تۇرمۇشى ۋە غايىسى بىلەن ئىنتايىن زىچ باغلانغان بولىدۇ.
بەخت قارىشىغا كەلسەك، ئۇ كىشىلەرنىڭ مۇئەييەن مەيدانىدىكى نېمىنىڭ بەخت ئىكەنلىكى، قانداق قىلغاندا ھەقىقىي بەختكە ئېرىشكىلى بولىدىغانلىقى، قانداق قىلسا ھەقىقىي بەخت بولىدىغانلىقىغا ئوخشاش سوئال-جاۋابلار ھەم كىشىلەرنىڭ بەخت مەسىلىسىگە بولغان ئومۇمىي نۇقتىنەزىرى ۋە كۆز قارىشى بولۇپ ھېسابلىنىدۇ.
ئىنسانلارنىڭ تۇرمۇشى كۆپ خىللىققا ۋە ئۆزگىرىشچانلىققا ئىگە. شۇڭا بەخت كۆپ تەرەپلىمىلىك ۋە كۆپ قاتلاملىق مۇرەككەپ بىر قۇرۇلمىدىن ئىبارەت.
دېمەك، بەخت مەلۇم ئىقتىسادىي مۇناسىۋەت ۋە تارىخىي شارائىتتىكى ئادەملەرنىڭ ماددىي ۋە مەنىۋى تۇرمۇش شارائىتىدىكى ئەمەلىيىتى جەريانىدا ھېسسىياتى، غايىسى ۋە نىشانىنى ئەمەلگە ئاشۇرۇش ئۈچۈن ياراتقان مەنىۋى جەھەتتىكى بىر خىل قانائەتلىنىشتىن ئىبارەت.
بەخت قارىشى بىلەن ئىنسانلارنىڭ ئىجتىمائىي تۇرمۇشنىڭ مۇناسىۋىتى زىچ باغلانغان بولىدۇ.
كىشىلەر ئوخشىمىغان دەۋردە ئوخشاش بولمىغان ئىقتىسادىي ۋە سىياسىي ئورۇندا تۇرۇپ كەلگەچكە، تۇرمۇشنىڭ كونكرېت مەزمۇنىمۇ ئوخشاش بولمايدۇ. كۈرەش قىلىپ يەتمەكچى بولغان نىشانى، مەقسىتى، قىسقىسى غايىسىمۇ زادىلا ئوخشاش بولمايدۇ. سىنىپ پەيدا بولغاندىن كېيىن ئىنسانلار سىنىپىي جەمىيەتكە قەدەم قويدى، بۇنىڭ بىلەن ئوخشىمىغان سىنىپلارنىڭ مۇتەپەككۇرلىرى  ئۆز سىنىپىنىڭ جانىجان مەنپەئىتىنى چىقىش قىلىپ بەختنىمۇ ئوخشىمىغان ھالدا چۈشەندۈرۈپ كەلدى ۋە بۇ ئارقىلىق ئۆزىنىڭ بەخت قارىشىنى تىكلەپ كەلدى، شۇنىڭ بىلەن بىر ۋاقىتتا يەنە  ھەر خىل ئۇسۇل ۋە شەكىللەر ئارقىلىق ئۆزىنىڭ بەخت قارىشىنى تەشۋىق قىلدى ۋە ئىپادىلىدى.

مەيلى بەخت ئۇقۇمى بولسۇن ۋە ياكى بەخت قارىشى بولسۇن، ھەممىسى ئىجتىمائىي تارىخىي شەرت شارائىتنىڭ ئۆزگىرىشىگە ۋە راۋاجلىنىشىغا ئەگىشىپ ئۆزگىرىپ ۋە راۋاجلىنىپ كەلدى. ياشلارنىڭ نەزىرىدە بەخت خۇددى يېنىۋاتقان بىر مەشەلگە ئوخشايدۇ. ئۇلار ئەنە شۇ مەشئەلگە قاراپ ئىنتىلىدۇ ھەم شۇ مەشئەلگە يېتىش ئۈچۈن جاپالىق كۈرەش قىلىدۇ  ھەربىر كىشى ئۆز تۇرمۇشنىڭ ئىنتايىن بەخىتلىك ئۆتۈشنى خالايدۇ، ئۆز ئېھتىياجنى تولۇق ئەمەلگە ئېشىشنى ئارزۇ قىلىدۇ، ھەرگىزمۇ تۇرمۇش يولىدا ئارتۇقچە جاپا چېكىشنى راۋا كۆرمەيدۇ. ھازىرقى جەمىيىتىمىز كىشىلەرنىڭ ئارزۇسىنى تولۇق ئەمەلگە ئېشىشىغا، بەختنى قولغا كەلتۈرۈشىگە ئوبيېكتىپ جەھەتتىن تولۇق شەرت شارائىت يارىتىپ بەردى. بىراق بۇ خىل نىشاننى ئەمەلگە ئاشۇرۇش ھامان مەلۇم ماكان ۋە زاماننىڭ چەكلىمىسىگە ئۇچرايدۇ، ھەرقانداق كىشىنىڭ ئۆز دەۋرىدىن ھالقىپ پىكىر قىلىشى ۋە ھەرىكەت قىلىشى مۇمكىن ئەمەس. بۇ خىل ئەھۋال ئاستىدا ياشلاردا ئوخشىمىغان بەخت قارىشى مەۋجۇت، بىزنىڭ بەزى ياشلىرىمىز مەنىۋى جەھەتتىكى ئۈستۈنلۈكنى قولغا كەلتۈرۈشنى بەختنىڭ بىر جۈملىسى دەپ قارىسا، يەنە بەزى ياشلىرىمىز ماددىي جەھەتتىكى ئۈستۈنلۈكنى، مەسىلەن، كۆپلەپ بايلىققا ئىگە بولۇشنى، پۇل-مال توپلاشنى بەختنىڭ بىر جۈملىسى دەپ قارايدۇ. يەنە بەزى ياشلىرىمىز ماددىي ۋە مەنىۋى جەھەتتىكى تۇرمۇشنىڭ سەۋىيىسىنى يۇقىرى كۆتۈرۈشنى بەختلىك بولغانلىق دەپ ھېسابلايدۇ، يۇقىرىقى بەخت توغرىسىدىكى قاراشلىرى ئاساسەن بەخت قارىشىنىڭ ئايرىم بىر تەرىپى. يەنە كېلىپ بەخت قارىشى مەسىلىسىنىڭ ئاساسلىق تەرىپى بولماستىن بەلكى ئايرىم بىر تەرىپىدىنلا ئىبارەت. ئۇلارنىڭ بەخت توغرىسىدىكى قاراشلىرى قىسمەنلىك چىقىش قىلىنىپ، ئومۇملۇققا سەل قارالغان، ئايرىملىق تەكىتلىنىپ بىر پۈتۈنلۈككە سەل قارالغان.
ياشلارنىڭ بۇ قاراشلىرى ئاساسەن تار دائىرىدىن چىقىپ كېتەلمىگەن، بۇ ھەقىقىي توغرا بەخت قارىشىغا، يەنى پۈتكۈل ئىنسانىيەتكە بەخت ئاتا قىلىشتەك بەخت قارىشىغا ۋەكىللىك قىلالمايدۇ.
خاتا، چىرىك ۋە بىر تەرەپلىمىلىك تۈسنى ئالغان بەخت قارىشى كىشىلەرنى ھالاكەت يولغا باشلايدۇ.
شۇنىڭ ئۈچۈن ياشلارنىڭ توغرا ۋە ھەقىقىي بەخت قارىشىنى تىكلىشى ئىنتايىن مۇھىم.
بىرىنچى، شەخسنىڭ بەخت يولىدىكى ئىزدىنىشنى كۆپچىلىكنىڭ بەخت يولىدىكى ئىزدىنىشى بىلەن بىرلەشتۈرۈش لازىم.
ئىككىنچى، ئاممىنىڭ بەختىنىڭ خۇسۇسىنىڭ بەختىدىن ئۈستۈن ئورۇندا تۇرۇش قارىشىنى تىكلەش لازىم.
ئۈچىنچى، ياشلار ئۆز بەختىنى قولغا كەلتۈرۈش ئۈچۈن توغرا بولغان تۇرمۇش قارىشىنى تىكلىشى لازىم.
مەنبە:نۇر تورى

چېچەك بۇ تېمىنى تەستىقلىغان، ۋاقتى: 2016-9-3 19:24

بۇ يازمىنى يىقىندا زىيارەت قىلغانلار : كۆرۈنىشى باش رەسىم ھالىتى تىزىملىك ھالىتى

ساقلاش0 ھەمبەھر قېزىلما0 قوللاش0 قارشى0 ئۈندىدارغا

ئەقىللىق ئايال ئېرىنى پادىشا قىلىپ قويۇپ مەڭگۈ پادىشانىڭ خانىشى بولۇپ ياشىسا
دۆت ئەقلى يوق ئايال ئېرىنى قۇل قىلىپ قويۇپ مەڭگۈ قۇلنىڭ خوتۇنى بول

ئىنكاس

جابدۇق پاش قىلىش

چېچەك

“”

5 تېما	652 يازما	3268 جۇغلانما

ئالاھىدە باشقۇرغۇچى

ئەزا ئۇچۇرى

تىزىم نومۇرى: 681

يازما سانى:

652

تىللا:

2064

تۆھپە:

500

جەۋھەر يازما:

0

توردا:

458 سائەت

ئاخىرقى:

2017-2-8

ئۇچۇر

دېۋان

ۋاقتى: 2016-9-3 19:38:33 | ئايرىم كۆرۈش

بەخت ئىجتىمائىي تۇرمۇش شەرت شارائىتىنىڭ كىشىلەرنىڭ ئېڭى ۋە ھېسسىياتىدا ئەكس ئېتىشى بولۇپ، ئۇ كىشىلەرنىڭ رېئال تۇرمۇشى ۋە غايىسى بىلەن ئىنتايىن زىچ باغلانغان بولىدۇ.لىكىن ھەر كاللىدا ھەر خىيال دەيدىغان گەپ بار ھەر كىمنىڭ قارشى ئوخشاش ئەمەس.
ما تىما گەرچە كۆچۈرۈلمە تىما بولسىمۇ مەزمۇنى ياخشىكەن .