كۆرۈش: 144|ئىنكاس: 1

چەتنەش

“”

4 تېما	6 يازما	39 جۇغلانما

ئوقۇغۇچى

ئەزا ئۇچۇرى

تىزىم نومۇرى: 985

يازما سانى:

6

تىللا:

33

تۆھپە:

0

جەۋھەر يازما:

0

توردا:

6 سائەت

ئاخىرقى:

2016-4-1

ئۇچۇر

لىفىت

ساھىبخان

ۋاقتى: 2016-3-22 15:13:43 يانفوندا يوللانغان | ئايرىم كۆرۈش ئىنكاس مۇكاپاتى

|تەتۈر تىزىش |كۆرۈش شەكلى

   چەتنەش
   (نەسىر)

   سۈبھىدىن شەپەقكە كېتىۋاتقان قۇياش كىرپىكلەرنىڭ كۆتۈرۈلىشىدەك ئاستا،كۆزلەرنىڭ پايانىدەك زور.ئۇنىڭ كۆتۈرۈلىشى دېنوزاۋۇرلارنىڭ تاش قاتمىسى ئۈستىگە سىزىلغان رەسىمنى ئەسلىتىدۇ.ئىككى تاش ئارىسىدىن بارلىققا كەلگەن بۇ رەسىمدە ئۈچ بۇلۇڭ ۋە يېرىم چەمبەر سىزىلغان بولۇپ ئەدىبىيلىكى شۇنچە ئۆلچەملىك ئىدىكى كۆرگىنىنى كۆرسىتەلىگەن.سۈنئىيلىكنىڭ تۇنجى ئاپىرىدىسى بولغان يېزىق بۇ رەسىمگە «تەسۋىرىي يېزىق»دەپ بۆھتان چاپلىدى.بۇ دەل چىنلىقنىڭ كۆزدىن چەتنەش تارىخىنىڭ باشلىنىشى بولۇپ قالدى.گۈزەللىك مەۋجۇتلۇقنىڭ تىركىشىش باسقۇچىغا قەدەم قويۇشتىن بۇرۇن ئاشىقلىقتىن رەسسام چىقاتتى.ھېسسىيات ھاياجانغا،تۇيغۇ سېزىمگە مەنسۇپ ئىدى.ئەدەبىياتنىڭ سەنئەت تۈسىنى ئېلىشى ياڭراتقۇنىڭ قۇش ئاۋازىغا ئوخشاش چاستوتىدا تەۋرىنىشىگە ئوخشاپ كىتىدۇ.يەنىلا گۈزەل،ئەمما كۆز ئەمەس پەقەتلا قۇلاق بۇ گۈزەللىكنى قىياس قىلالايدۇ.تام رەسىملىرى يېزىققا پۈتۈلگەندە ئوخشىشىپراق كېتىدىغان بىر نەرسىلەرگە ئايلىنىپ كېتىدۇ.كۆرۈرمەن ئوقۇرمەنگە ئايلىنىدۇ.جۈملە تۈزۈشنى بىلىدىغان كىشىلەرنىڭ تەسەۋۋۇرغا باي بولىشى شۇنىڭ ئۈچۈنكى بەزىدە ئۇلار شېئىر يېزىپ قويىدۇ.چۈنكى ئوقۇرمەنلەرمۇ تەسەۋۋۇرغا ئوخشاشلا باي.
   «ئەڭ ئاخىرقى كەچلىك تاماق»نىڭ شۇنچە ئۇزۇنغا سوزۇلۇلىشى  تىراگىدىيە قەلبلەرنىڭ بالىلىق تۇيغۇسىنى ئويغىتالايدۇ.بالىلىق قەلىب ئىپتىدائىي ئىقتىدار بويىچە شېئىرنى ئەمەس رەسىمنى چۈشىنىدۇ.ئەرەپ قىزغا سۆيگۈ خېتى يازماقچى بولغان ئىتاليان پادىچى بالا ئەرەپ سودىگەردىن «مەكتۇپ»دېگەن سۆزنىڭ مەنىسىنى سورىغىنىدا ئەرەپ سودىگەر:«بۇ سۆزنىڭ چىن مەنىسىنى بىلمەكچى بولساڭ ئەرەپ بولۇپ تۇغۇلۇشۇڭ كېرەك»دېگەنىدى.چۈنكى سودىگەر جۈملە تۈزەلەيتتى رەسىم سىزالمايتتى.شائىرلارنىڭ مەيدانغا چىقىشى بىلمەسلىكىنىڭ قىستىشىدىن بولغان.چۈنكى كۆپىنچە شائىرلار رەسىم سىزىشنى بىلمەيتتى.ئۇلار شېئىرلىرىغا جان كىرگۈزمەكچى بولسا پاساھەتكە تىۋىناتتى لېكىن كامالەتنى قوغلاشمايتتى.غەربنىڭ ئەدەبىيات گۈللىنىش دەۋرىدە ھەر قايسى ئېقىمدىكىلەر قوللانغان قۇۋ ئۇسۇللار كېچىكىپ بولسىمۇ ئۇلارغا يېتىپ كەلگىنىدە ئۇلارنىڭ ئوقۇرمەن توپلىشى بەدەن تەسۋىرلىرىگە مۇراجەت قىلدى.رەسىمدىكى بىردىنبىر ئوبراز ۋە شېئىردىكى كۆپ قىرلىق تەسۋىر ئۇلارغا مۇشەققەت ۋە ئاسانلىق تۇغدۇردى.تارىخ تەرىپىدىن يادلىنىشى كېرەك بولغان شېئىرلار ئۇنداق بولمايدۇ.
ھەقىقىي شائىرلار سۇلالىلەر دەۋرىدىكى رەسساملارنىڭ رەسىمگە يانداش يازغان شېئىرلىرىنى رەسىمگە بېقىندى قىلمايدۇ،ھېسسىيات ئەمەس تۇيغۇ ئويغىتالايدۇ.فانتازىيە ئەمەس كۆرۈنۈش شەكىللەندۈرەلەيدۇ.ئىلھامدىن ئەمەس ئىدىيەدىن شېئىرنى پۈتىدۇ.چۈنكى ئۇلار شېئىر تارىخىنىڭ پەلسەپىدىن ئۇزۇن ئىكەنلىكىنى بىلىدۇ.شېئىردا چىنلىقنىلا يارىتىدۇ تەپەككۇرنى ئوقۇرمەنگە قالدۇرىدۇ.ئۇلار يالغانچى شائىرلارنىڭ ئۆز تەپەككۇرى ئارقىلىق ئوقۇرمەننى چىنلىققا باشلىماقچى بولغانلىقىنى ئىستىلسىزلىق دەپ قارايدۇ.شېئىر يېزىشنى تاماق يېيىشكە ئەسلا ئوخشاتمايدۇ.شېئىرنىڭ ئېسىل بىر پارچە رەسىم ئىكەنلىكىگە چىن پۈتىدۇ.
   سۈبھىدىن شەپەقكە كېتىۋاتقان قۇياش كىرپىكلەرنىڭ كۆتۈرۈلىشىدەك ئاستا،كۆزلەرنىڭ پايانىدەك زور.ئۇنىڭ كۆتۈرۈلۈشتىن توختىشى يالماۋۇز كۆزلەرنىڭ ئېچىلىپ بولغانلىقىدىن بېشارەت.نەقەدەر شېرىن كۆرۈنۈش ھە!

_مەنبە:ئۆزۈم
2016.3.21

بۇ يازمىنى يىقىندا زىيارەت قىلغانلار : كۆرۈنىشى باش رەسىم ھالىتى تىزىملىك ھالىتى