بۇ يازمىنى ئاخىرىدا ئاتىكەم تەھرىرلىگەن. ۋاقتى 2016-4-3 18:53
ئازاپ
نۇرئەلى مەمەت كۆكلەم
ھىسسىياتىم ئۆلىدۇ بىرپەس،
قار ئاستىدا قالغان چىچەكتەك.
يۈرىكىمنى ئوغىرلار ئازاپ،
مومام ئىيتقان ئاشۇ چۆچەكتەك.
كۆز ياشلىرىم قۇرۇغان دەريا،
ئازاپلاردا سوزۇلۇپ ياتار.
يۈرەكلەرنى باسقان غىرىپلىق،
قۇياش بويلاپ ئۇپۇققا پاتار.
كۈلكىلىرىم قاچتى كىيىكتەك،
ئوۋ ئېتىدىن قاچقاندەك گويا.
يۈرىكىمنىڭ ئىچىدە قەپەس،
سايراپ تۇرار بىر بۇلبۇلگويا.
ئازاپلاردا تىتىلغان جىنىم،
يەر تىگىگە كۆمەر ئۆزىنى.
تاغ پارتىلاپ تۇتىدۇ ماتەم،
ئاسمان تۆكەر كۈندە يېشىنى.
2016.يىل3.ئاينىڭ31.كۈنى
ئۈرۈمچى
سۆيگۈ
نۇرئەلى مەمەت كۆكلەم
تىتىلغان لەۋلەردە ھىجران يانىدۇ،
بۇ كۆڭۈل بىغىدا گۈللەر چىچەكلەپ.
ئاشىقلىق ئوتىدا قىينالغا بىر جان،
قەزدار كىشىدەك سۆزلەر كىكەچلەپ.
سولاشقان گۈللەردىن ئالغاندەك چىراي،
گۈل يۈزلەر گوياكى كۈزنىڭ رەڭگىدە.
ئاشىقلىق قەلىبنى قىلغاندا قامال،
سۆيگۈلەر جاراڭلار ئالتۇن تەڭگىدە.
قەلىپكە ئۇرۇلغاچ سۆيگۈ مۆھۈرى،
كىچەلمەي يۈرىدۇ ھال رەڭ سۆيگۈدىن.
جېنىنى نەچچە رەت قاقشاتقان لىۋەن،
مۇستەسنا يۈرىدۇ بۇ خىل سەزگۈدىن.
2016.يىلى3.ئاينىڭ30.كۈنى
ئۈرۈمچى
ئۆزگىچە بىر ياشىسام دەيمەن
نۇرئەلى مەمەت كۆكلەم
ئۆزگىلەردىن پەرقلەنگۈدەك،
ئاتا-ئانام پەخىرلەنگۈدەك.
قىلغىنىمغا تەقدىرلەنگۈدەك،
ئۆزگىچە بىر ياشىسام دەيمەن.
خەلقىم ئۈچۈن كۈيلەر چالغۇدەك،
ھاياتىمدىن ئىزلار قالغۇدەك.
خەلقىم مىنى ئەسكە ئالغۇدەك،
ئۆزگىچە بىر ياشىسام دەيمەن.
ھەممە ئىشقا كۈلۈپ باققۇدەك،
ئىلىم بىلەن قانات قاققۇدەك.
چاڭقىغانغا سۇدەك ياققۇدەك،
ئۆزگىچە بىر ياشىسام دەيمەن.
ھاياتىمدىن يارىتىپ مەنا،
تاپمىساممۇ ئاي يۈزلۈك رەنا.
باشقىلارغا بولماي مەستانە،
ئۆزگىچە بىر ياشىسام دەيمەن.
ئەل-يۇرت ئۈچۈن جەڭگە بارغۇدەك،
دۈشمېنىمنىڭ باغرى يارغۇدەك.
ھەيۋە قىلسا يەرگە ئۇرغۇدەك،
ئۆزگىچە بىر ياشىسام دەيمەن.
2016.يىل3.ئاينىڭ 29.كۈنى
ئۈرۈمچى
| 
بايلىق
شۆھرەت
ۋاقتى: 2016-4-2 19:25:01
ساقلاش
ھەمبەھر
قېزىلما
قوللاش
قارشى
ۋاقتى: 2016-4-3 18:57:30
ئىگىسى