ئوقۇغۇچىلار تورى »مۇنبەر › تەكلىپلىك يازغۇچىلار ئەسەرلىرى › ئاقيول ئەسەرلىرى › قاراڭغۇ ئۆڭكۈر (ھېكايە)

كۆرۈش: 500|ئىنكاس: 5

قاراڭغۇ ئۆڭكۈر (ھېكايە)

[ئۇلانما كۆچۈرۈش]

ئاقيول

“”

7 تېما	124 يازما	1899 جۇغلانما

سىنىپ مۇدىرى

ئەزا ئۇچۇرى

تىزىم نومۇرى: 202

يازما سانى:

124

تىللا:

1367

تۆھپە:

130

جەۋھەر يازما:

توردا:

90 سائەت

ئاخىرقى:

2015-12-31

ئۇچۇر

لىفىت

ساھىبخان

ۋاقتى: 2013-12-3 12:15:38 | ئايرىم كۆرۈش |چوڭ رەسىمنىلا ئىنكاس مۇكاپاتى

|تەتۈر تىزىش |كۆرۈش شەكلى

بۇ يازمىنى ئاخىرىدا ئاقيول تەھرىرلىگەن. ۋاقتى  2013-12-3 12:18

  قاراڭغۇ ئۆڭكۈر                            (ھېكايە)
                        ئېلى ياسىن(ئاقيول)

-

نىغمەت،سىزگەزادى نىمە بولدى؟ سىزنى ئۆزىگە شۇنچە مەپتۇن قىلىۋالغان،ئانىڭىزنى،خۇتۇن –باللىرىڭىزنى پۈتۈنلەي ئۇنتۇلدۇرۇپ ئۆزىگە شۇنچە شەيدا قىلىۋالغان بۇ زادى قانداق نىمە؟ ئېيتىڭە؟بۇنەرسىدە زادى قانداق سېھرىي كۈچ بار؟ئىشتىن چۈشۈپلا مۇشۇ يەرگە كىلىۋالدىكەنسىز، سىزنىڭ نەزىرىڭىزدە ئائىلە دېگەن ئوقۇم بارمۇ يوق؟...
ئاق پىشماق، چىرايلىق چوكان ھەدەپ ئىرىنى سىلكىشلەپ توختىماي گەپ سورىۋاتاتتى، ساقاللىرى ئۆسۈپ چاچلىرى تاغاق سېلىنمىغانلىقتىن قۇش چاڭگىسىغا ئوخشاپ قالغان، كۆزلىرى ئولتۇرشۇپ قان قۇيغاندەك قىزىرىپ كەتكەن نىغمەت توختىماي تاماكىسىنى شۇراپ ئايالىنىڭ گەپلىرىگە پەرۋا قىلماستىن ئالدىدىكى ئويۇنچۇق كونۇپكىلىرىنى توختىماي بېسىپ ئولتۇراتتى.ئادەتتە ھەمىشە چېچىنى موسۇلاپ،كۈندە ئەتتىگەن ئىشقا مېڭىشتىن ئىلگىرى ساقىلىنى پاك- پاكىز قىرىپ ،قەرەلىدە كىيىملىرىنى ئالماشتۇرۇپ رەتلىك يۈرىيدىغان،ئايىغى پاقىراپ تۇرسىمۇ قۇلىدىن ئاياغ چوتكىسى چۈشمەيدىغان نىغمەت ئەمدىلىكتە ئۆزگۈرۈپ باشقىچىلا بىر ئادەمگە ئايلىنىپ قالغانىدى،ھازىرئۇنىڭدابۇرۇنقى پاكىزلىق ۋە رەتلىكلىقتىن ئەسەرمۇ يوق،پۈتۈنلەي ئۈزىنى تاشلىۋەتكەن ،تۇرمۇشتىكى ھېچقانداق ئىشقا كۆڭۈل بۆلمەيدىغان مەسئۇليەتسىز بىر ئەرگە ئايلىنىپ قېلىۋاتاتتى،مانا ئايالى ئۇنىڭ بېشىدا تۇرۇپ شۇنچە گەپ قىلسىمۇ ئۇ ھېچنىمىنى ئاڭلىمىغاندەك بىخارامان ئولتۇراتتى...
-باياتتىن ياقى تامغا گەپقىلمىدىم سىزگە گەپقىلىۋاتىمەن! ۋوي! مەن سىزنىڭ ئايالىڭىز بولىمەن ماڭا جاۋاپ بىرىڭ،سىزنىڭ خىيالىڭىزدا ئائىلە دېگەن ئوقۇم بارمۇ-يوق؟
-ئاپلا،بۇ قېتىم يەنە كەلمىدى،ئۆتۈنۈپ قالاي نۇربىيە، بېشىمدا تۇرىۋالساڭ كاللام چېچىلىپ ماۋۇ ئويۇن ئويۇندەك بولمايدىكەن، سەن كېتىپ تۇر مەن كەينىڭدىنلا بارىمەن.
-بولمايدۇ، بىرگە قايتىمىز،ھازىرچە تالادا بىردەم ساقلاپ تۇراي، بەش مىنۇتقىچە چىقىپ بولۇڭ، بۇيەر قاراڭغۇ ھەم سېسىق پۇرايدىكەن پەقەت چىدىيالمىدىم،پەقەت بەش مىنۇت جۇمۇ؟چىقمىسىڭىز كىرىپ قۇلۇقىڭىزنى تارتىپ ئۆيگە يالاپ ئېلىپ كىتىمەن...
-بولىدۇ،خاتىرجەم بۇلۇڭلا،-نىغمەتنىڭ كۈلگىسى بولمىسىمۇ ئايالىغا زورىغا كۈلۈمسىرەپ قويدى ۋە ئايالى چىقىپ كەتكۈچە قاراپ ئولتۇردىدە نومۇر قاچىلايدىغان مۇلازىمەتچىنى چاقىرىپ،-شاڭفىر- دېدى
نىغمەت يانچۇقىدىن بەش يۈز سومچە پۇلنى ئېلىپ نۇمۇر قاچىلايدىغان مۇلازىمەتچىنىڭ ئالدىغاتاشلىدى، مۇلازىمەتچى ئاچقۇچنى بىر تولغاپلا نىغمەتنىڭ ئالدىدىكى نومۇر تاختىسىغا نومۇر قاچىلىدى،ئويۇنچۇقخانا ئىچى قاراڭغۇ بولۇپ پەقەت ئويۇنچۇقلارنىڭ ئالا-يېشىل چىراغلىرىدا غۇۋا يۇرۇپ تۇراتتى، تاماكا ئىسى ۋە ھەرخىل پۇراقلار قوشۇلۇپ ئويۇنچۇقخانىنىڭ ئىچى تۇلىمۇ بەتبۇي پۇرايىتتى، بۇ يەردە ئوتتۇرا ياشلىقلارمۇ، بۇرۇتى ئەمدىلا خەت تارتقان ياشلارمۇ، ھەتتا مەكتەپ يېشىدىكى كىچىك بالىلارمۇ بار ئىدى،ئۇلارنىڭ كۆپىنچىسىنىڭ ئاغىزىدا بىردىن تاماكا،قايسى ئورۇندا كىم كۆپ پۇل تېكىپ ئويناۋاتقان بولسا بىكارچىلار شۇنىڭ قېشىغا بېرىپ سالاچىلىق قىلىشاتتى، ئوينىغۇچىغا ‹‹تەدبىر، چارە›› كۆرسىتىشەتتى، ھازىرلا نىغمەتنىڭ يان تەرپىدە ئولتۇرغان بىرسى يېنىدىن يۈز سوملۇقتىن بىر باغلام چىقىرىپ ئويناشقا تۇتۇش قىلىۋىدى ئەتىراپتىكى بىكارنىيازلار يۇپۇرلۇپ كەلدى:
-ياخشى ئاشۇنىڭغا باسايلى... مەن بولغان بولسام ئاۋۇنىڭغىمۇ بەش يۈز نومۇر بېسىشنى ئۇنتىمايىتتىم... قالغان نومۇرنى ئاۋۇنىڭغا، كېلىپ قالسا ئەجەپ ئەمەس...
ھەممىنىڭ كۆزلىرى ئۇيان تاختىسىغا تىكىلىپ قېتىپ قېلىشتى، ھايال ئۆتمەي ئوينىغۇچىنىڭ چىرايى كونا ئەسكى تامدەك تاتىرىپ ئىڭەك تىرەپ ئولتۇرۇپ قالدى ئۇنىڭ ‹‹ ئامىتى›› قاچقان بولۇپ ئالدىدىكى نومۇر تاختىسى‹‹0›› رەقىمىنى كۆرسۈتۈپ تۇراتتى، ئۇ يىغلىغۇدەك بولۇپ ئالدى ئارقىسىغا قارىماي چىقىپ كەتتى.
-بىچارە، بۈگۈن شۇنداق قىلىپ ئەللىك مىڭ سومدەك پۇلنى ئۇتتۇرۋەتتى.
-ئۇغۇ ئەللىكمىڭنى ئۇتتۇرۇپتۇ، بايىقى ئۇزۇن تۇرا ئاداش يۈز ئەللىكمىڭنى سېلىپ بىرىپ قان- يامغۇر يىغلاپ چىقىپ كەتتىغۇ...
ئەتىراپتىكىلەر ھەم ئىچ ئاغرىتىپ ھەم ئەپسۇسلانغان قىياپەتتە يەنە باشقا تەرەپكە نەزەر ئاغدۇرۇپ قايسى ياقتا
چوڭ ئويناش بولسا شۇ تەرەپكە قاراپ يۈگۈرشەتتى،ئەگەر بىراۋ پۇل ئۇتتۇۋالسا ئەلۋەتتە ئۇلارغىمۇ ئانچە مۇنچە چوتۇ
پۇل تىگەتتى.
بايىقى ئاداش ئونمىڭنى ئۇتتۇرۇپ بولغىچە نىغمەتمۇ ئاللاقاچان ھېلىقى بەش يۈزسومچە پۇلنى بىر تەرەپ قىلىپ بولۇپ يېلى چىقىپ كەتكەن كاماردەك بۇشۇشۇپ ئولتۇرۇپ قالغانىدى، گەرچەئۇ ھېلىقىلاردەك ئەللىكمىڭنى، يۈزئەللىكمىڭنى ئۇتتۇرۋەتمىگەن بولسىمۇ بىراق بۈگۈن ئالغان بىر ئايلىق مائاشىنى ئۇتتۇرۇپ يېنىدا يۈزسومچە پۇل قالغانىدى.ئۇ ئاخىرقى ئۈمىدىنى مۇشۇ يۈزسومغا باغلىدىدە ئالدىدىكى ئۇيۇنچۇق بىلەن ھەل قىلغۇچ ‹‹ جەڭ›› قىلماقچى بولدى، چۈنكى ئۇ بىر قېتىم ئەللىك سوم پۇل بىلەن ئۈچمىڭ سومچە پۇل ئۇتقانىدى.
- شاڭفىر،- ئۇ شۇنداق دەپ يۈز سومنى مۇلازىمەتچىنىڭ ئالدىغا تاشلىشى ئايالى كىرىپ قالدى،ئەسلىدە ئايالى سىرىتتا ساقلاپ تۇرسۇمۇ ئۇ خېلىغىچە چىقمىغاچقا ئايالى ئۇنى ئۆيگە قايتۇرۇپ كىتىش ئۈچۈن بۇ يەرگە كىرگەنىدى:
- ياخشى، پۇل خەجلەشنى ئوبدان بىلىدىكەنسىزھە؟ يېقىننىڭ ياقى نىمىشقا ئۆيگە ئۇن-ياغ، گۆش-سەي ئەكىرىشنى ئۇنتۇپ قالدىكى دېسەم ئەسلىدە پۇلنى مۇشۇ يەردە خەجلەۋېتىپسىزكەن ھە؟ سىز ئۆيگە مائاشىڭىزنى ئەكىرمىگىلى ساق ئىككى ئاي بولدى، تېخى بىر ئاغىينەمگە قەرز بىرىپ تۇرغان دېسىڭىز ئىشىنىپتىمەن، ئەسلىدە سىز مۇشۇ يەرگە كىرىپ قىمار ئوينايدىكەنسىزغۇ؟!
- ئوينىسام نىمە بوپتۇ؟ سىنىڭ پۇلۇڭغا ئوينىمىدىم، تۇلا بېشىمنى ئاغىرتماي يۇقىلە كۆزۈمدىن..
- نىمە؟...
نۇربىيە ئىرىنىڭ ئاغىزىدىن بۇنداق گەپ چىقىشىنى ئويلاپ باقمىغانىدى، ئۇلار تۇنۇشۇپ مۇھەببەتلىشىۋاتقان ۋاقىتلاردىمۇ، توي قىلغاندىن كىيىنمۇ نىغمەت ھېچقاچان ئۇنىڭغا بىر ئېغىزمۇ كۆڭۈل ئاغرىتىدىغان گەپ قىلىپ باقمىغانىدى، بەلكى ھەرۋاقىت ئۇنىڭغا شىرىن گەپلەرنى قىلاتتى، بەزىدە تېخى ‹‹ سىزنى چىن دىلىمدىن ياخشى كۆرىمەن ئۇمىقىم›› دەپمۇ قۇياتتى. نۇربىيە نىغمەتنىڭ ئاشۇنداق شىرىن سۆزلىرىدىن ئالەمچە خۇشال بولۇپ ئۈزىنى دۇنيادىكى ئەڭ بەخىتلىك ئايال دەپ ھىسابلايىتتى.لېكىن يېقىندىن بىرى نىغمەت مۇشۇ يەرگە كۈنىۋالغاندىن كىيىن ھەممىنى ئۇنتۇپ بىكار بولسىلا مۇشۇ ‹‹ قاراڭغۇ ئۆڭكۈر›› گە كىرىۋالىدىغان بولدى. ئەمدىلىكتە بۇ يەر ئۆزۋاختىدا بىر ھازا قوغلۇشۇپ ئەڭ ياخشى كۆرۈپ توي قىلغان ئۆزى ئۈچۈن قەدىرلىك، سۈيۈملۈك سانىلىدىغان  ئامىراق ئايالىدىنمۇ كەچتۈرۋاتاتتى.
-نىغمەت، بۇ سىزمۇ؟ مەن سىزنى ھېچ تۇنىيالمايۋاتىمەنغۇ؟!...
-ھە، مەن شۇ! قانداق؟ كۆزۈمگە سەت كۆرۈنمەي يۇقال بۇيەردىن!...
نۇربىيەنىڭ كۆزىگە لۆممىدە ياش كەلدى، ئۆزۋاختىدا پەرىزات كۆرىنگەن بۇ ئايال ئەمدى ئۇنىڭغا سەت كۆرىنىۋاتاتتى،ئۇ ئىرىنىڭ گەپ سۆزلىرىدىن قاتتىق خورلۇق ھىس قىلغان بولسىمۇ شەھلا كۆزلىرىدىن ياش تۈكۈلگەن بولسىمۇ لېكىن ئۆزىنى قاتتىق بېسىۋېلىپ ياغلىقىنى يۈزىگە تۇتقان پېتى چىقىپ كەتتى،نىغمەت بولساپاخپاق چېچىنى قاماللىغانچە ئېغىر پۇشۇلداپ ئولتۇرۇپ قالدى...
                                                   ※             ※             ※
شۇنچە نەسىھەت ،يالۋۇرۇش ھەم ئۈتۈنۈشلەر ئۇنىڭغا كار كەلمىدى،نۇربىيە ئۇنى ھېلىقى يەرگە كىرىشتىن تۇسۇپمۇ تۇسۇپ بۇلالمىدى،بۇ توغرىسىدا بىر نەچچە قېتىم جىدەل بولدى ،ئۇ نۇربىيەنى ئۇردى،بۇرۇن شۇنچە مېھرىبان خۇشچاقچاق بىر ئەرنىڭ تۇيۇقسىز ئۆزگۈرۈپ ياۋۇزلىشىپ كىتىشى نۇربىيەنى  ھەيران قالدۇردى ،توي قىلىشتىن ئىلگىرى نۇربىيە باشقىلاردىن ‹‹پالانى خۇتۇنىنى ئۇرۇپتۇ›› دېگەندەك گەپلەرنى ئاڭلىسا ئىچىدە‹‹ توۋا،ئەر خوتۇن تۇرۇپمۇ ئۇرۇشۇپ يۈرىشىدىكەن،نىغمەت توي قىلىپ بولغاندىن كېيىن مىنىمۇ ئۇرارمۇ؟ياق، ئۇ بەكمۇ چىقىشقاق خۇشچاقچاق ئۇنىڭ ئۈستىگە مىنى ھۆرمەتلەيدۇ ھەم ماڭا بەك كۆيىنىدۇ ئۇنىڭ مېنى ئۇرۇشى مۇمكىن ئەمەس››دەپ نىغمەتنىڭ ۋاپادارلىقىغا شەكسىز ئىشەنىچ قىلاتتى،ھەم نىغمەتنىڭ ئۆز ئاغىزىدىنمۇ‹‹ نۇربىيە،خاتىرجەم بولۇڭ،سىز بىلەن توي قىلسام سىزنى ھەرگىز تاك ئىتىپ چەكمەيمەن،مەڭگۈ سىزنى كۆز قارچۇقۇمنى ئاسىرغاندەك ئاسىرايمەن›› دېگەن ۋەدىلەرنى،شىرىن-شىكەر گەپلەرنى ئاڭلىغانىدى،لېكىن مانا ئۇ ئەڭ ئىشەنگەن ئەر ئۇنى ئۇرۇپ يۈز-كۆزلىرىنى كۆكەرتىپ قويدى،شۇ سەۋەبلىك نۇربىيە بىر نەچچە ھەپتىگىچە ئىدارىسىدىن رۇخسەت سۇراپ تالاغىمۇ چىقالمىدى، ئورۇپ بولغاندىن كېيىن نىغمەت نۇربىيەگە ‹‹مەن خاتالىشىپتىمەن،مېنى كەچۈرۈڭ،ئەمدى گېپىڭىزنى ئاڭلايمەن، ئۇيۇنچۇقخانىغا ھەرگىز قەدەم باسمايمەن›› دەپ قايتا- قايتا يالۋۇردى،ئاياللارنىڭ كۆڭلى تۇلىمۇ ئەپۇچان بۇلىدۇ،نىغمەتنىڭ يىلىنىپ يالۋۇرىشى بىلەن ھەم ئائىلىسىنى بالىلىرىنى دەپ نۇربىيە ئۇنى كەچۈرۋەتتى، لېكىن نىغمەتنىڭ ۋەدىسى بىر ھەپتىلىكلا بولدى، ئۇ ھەپتىدىن كېيىن يەنە  ئويۇنچۇقخانىغا كىرىپ يېنىدىكى ئىككى مىڭ سومچە پۇلنى ئۇتتۇرۇپ ئاچچىغىدا غىققىدە مەس بولۇپ ئۆيگە كىردى، ھەم ئاللا قاچان ئۇخلاپ قالغان ئايالىنى ئويغۇتۇپ‹‹ ماڭا پۇل تېپىپ بەر››دەپ ئايالىنى قىستىدى،ئايالى ئۇنىڭ پۇل بولسىلا ئويۇنچۇقخانىغا كىرىپ قىمار ئوينايدىغان خۇيىنى بىلگەچكە ئۇنىڭغا پۇل يوق دەپ بەرگىلى ئۇنىمىدى،شۇنىڭ بىلەن نىغمەت ئۇنى يوتقاندىن سۆرەپ چۈشۈرۈپ يەنە ئۇردى،بىردەمدىلا ئۇلارنىڭ ئۆيى يىغا زار قىيۇ-چىيوغا تولدى ،نىغمەتنىڭ ئانىسى كىسەلچان ھەم ياشىنىپ قالغاچقا نىغمەتكە كۈچى يەتمەي ئۇنى ئاجىرتالمىدى،ئۇنىڭ ئىككى بالىسى چىقىراپ يىغلايىتتى ،ئىلگىرى قېتىم تاياق يەپ كۈكۈرۈپ ئاران ساقايغان چىرايىنىڭ يەنە تاياقتىن بۇزۇلۇپ كېتىشىدىن ئەنسىرگەن نۇربىيە بۇ قېتىم چىرايىنى ئىككى قۇلى بىلەن چىڭ قوغدىدى... ئاللا قاچان ئۇخلاپ قالغان قۇلۇم-قوشنىلار يىغا زاردىن ئويغۇنۇشۇپ ئۇلارنىڭ ئۆيىگە كىردى ھەم غالجىرلىق بىلەن نۇربىيەنى دەسساۋاتقان نىغمەتنى سۆرەپ سىرىتقا ئاچىقىپ كەتتى، نۇربىيە ئۈن سېلىپ يىغلىمىدى پەقەت ئۈنسىز ئۆكسۈپ، باياتتىنقى سوقۇشتىن قورقۇپ چىقىراپ يىغلاۋاتقان باللىرىنى باغرىغا باستىدە ئۆز ئورنىغا كىرىپ ياتتى، نىغمەتنىڭ ئانىسى توختىماي ئوغلىنى ئەيىپلەپ نۇربىيەنى بەزلەيىتتى، بىر دەمدىن كېيىن ئەتىراپ گۇيا بايا ھېچ ئىش يۈز بەرمىگەندەك تىپتىنىچ بولۇپ قالدى،ئەتىسى نۇربىيە ئەتتىگەن تۇرۇپ بورۇنقىدەكلا ئەتتىگەنلىك ناشتىلىقنى تەييارلاپ بولۇپ بالىلارنى ئېلىپ سىرىتقا ماڭدى، كىلىنىنىڭ يامانلاپ كىتىشىدىن ئەنسىرگەن مۇماي ئۇنىڭدىن ئوغلىنى يەنە بىر قېتىم كەچۈرۋېتىشىنى،ئۇنىڭ خاتالىقنى،يامان ئىللەتلىرىنى تۈزۈتۈشكە ئۈزى كىپىل بولىدىغانلىق توغرىسىدا كۆپ سۆزلەپ نۇربىيەگە يالۋۇردى،لېكىن نۇربىيە كۆزياشلىرىنى سۈرۈتكەن ھالدا:
- ئانا،ھېلىمۇ ئۇنىڭغا كۆپ يول قويدۇم، ئەمدى چىدىغۇچىلىكم قالمىدى،مەن چوڭ ئۆيگە بېرىپ بىر مەزگىل تۇرۇپ كىلەي،ئوغۇللىرىنىڭ ئىدىيىسىدىن ئۈتۈپ قايتىدىن ئادەم بولغاندا ،ئۇنىڭغا ئائىلە،خۇتۇن، بالا لازىم بولغاندا ئاندىن بىزنى ئىزدەپ بارا...
شۇنداق قىلىپ نۇربىيە بالىلارنى ئېلىپ ئانىسىنىڭ ئۆيىگە يامانلاپ كەتتى.ئەتىسى نىغمەت ئۆزىنىڭ تۇلىمۇ خاتا قىلغانلىقىنى ھىس قىلىپ نۇربىيەدىن كەچۈرۈم سۇراش ئۈچۈن ئۇنىڭغا تېلىفۇن قىلىۋىدى نۇربىيە تېلىفۇننى كۈتەرمىدى،ئانىسى توختىماي ئۇنى ئەيىپلەيىتتى،ھەم نۇربىيەنى قايتۇرۇپ كىلىشنى قايتا-قايتا ئېيىتتى، بىراق نىغمەت يەنە قايسى يۈزى بىلەن نۇربىيەنىڭ ئالدىغا بارىدۇ؟ ئۇ ئۇنى ئىككى قېتىم ئۇردى. بىرىنچى قېتىمدىغۇ نۇربىيە كەڭ قۇرساقلىق قىلىپ ئۇنى كەچۈرۋەتتى، لېكىن ئۇنى ئىككىنچى قېتىم يەنە ئۇرغان تۇرسا،ئەمدى ئۇنىڭ ئالدىغا نىمە دەپ بارىدۇ،ئەگەر نۇربىيە ئىرىنىڭ ئۇرغانلىقىنى ئاتا-ئانىسىغا ئېيىتقان بولسىچۇ؟ ئۇ چاغدا ئۇنىڭ ئاتا-ئانىسى قىزىنى قۇشۇپ بەرمەيلا قالماستىن نىغمەتنى ئەيىپلەيدۇ، ئۇنىڭغا بولغان پۇزۇتسىيسىنى ئۆزگەرتىدۇ،بەلكىم ئۇنى بۇسۇغا ئاتلاتماسلىقىمۇ مۇمكىن...نىغمەت قانداق قىلىشنى بىلەلمەي بېشى قاتتى، نۇربىيەگە قايتا-قايتا تېلىفۇن قايتۇرسىمۇ نۇربىيە تېلىفۇننى كۈتەرمىدى،شۇ تەرىقىدە ئىككى ھەپتە ئۈتۈپ كەتتى ،ئۆيدە نۇربىيەنىڭ بولماسلىقى تۇلىمۇ چاندى،ئايالى بار ۋاقتتا ئايالى بىر تەرەپتىن ئىشلىگەچ يەنە بىر تەرەپتىن كىسەلچان ئانىسى ۋە بالىلارنى بېقىپ نىغمەتمۇ ئانىسىدىن خاتىرجەم ئىدى، ئەمدىلىكتە نۇربىيە يامانلاپ كېتىپ ئۇ ئىشلىگىلى كەتكەندە ئۆيىدە كىسەلچان ئانىسىلا يالغۇز قېلىپ  نىغمەت ئانىسىدىن خاتىرجەم بۇلالمىدى، شۇڭا ئۇ نىمە بولسىمۇ بۈگۈن نۇربىيەنى قايتۇرۇپ كىلىش ئۈچۈن ئايالىنىڭ چوڭ ئۆيىگە باردى،دەسلەپتە ئۇ‹‹ قېينى ئانام بىلەن قېينى ئاتام نىمە دەر؟ئەگەر نۇربىيە ئويۇنچۇقخانىغا كىرىپ قىمار ئوينىغىنىمنى ۋە ئۆزىنى ئۇرغۇنۇمنى ئۇلارغا دېگەن بولسا قانداق قىلارمەن؟›› دەپ قورقۇنۇش بىلەن ئىشىك ئالدىغا بېرىپ بولۇپ قايتىپ كەتمەكچى بولغانىدى،لېكىن سىرىتقا چىقماقچى بولۇپ ئىشىك ئالدىغا چىققان قېينى ئانىسى ئۇنى كۆرۈپ قېلىپ:
-بالام،نىغمەت ئۆيگە كىرمەي نەگە ماڭدىڭىز،-دېدى.
-ھە،مەن نۇربىيەنى ئالغىلى كەلگەندىم،ئۇ ئۆيدە بارمۇ؟
-بار،قېنى ئۆيگە كىرىڭ،-ئايال ئىشىكنى ئېچىپ نىغمەتنى ئۆيگە باشلىدى.ئادەتتە قېينى ئانىسى ئۇنىڭغا ئۆز ئوغلىغا مۇئامىلە قىلغاندەك مۇئامىلە قىلاتتى،قاچانلا ئۆيگە كەلسە ئۇنى ئەتىۋارلاپ قىلمىغانلىرى قالمايىتتى،لېكىن نۇربىيە يامانلاپ كەتكىلى ئىككى ھەپتە بولغان تۇرسا،قېينى ئانىسىنىڭ يەنىلا ھېچ ئىش بولمىغاندەك ياخشى مۇئامىلە قىلىشى نىغمەتنى ھەيران قالدۇردى‹‹ ئەجىبا نۇربىيە ئۇلارغا دېمىگەنمىدۇ؟››
-نۇربىيە، سىزنى نەگىدۇر بىر يەرگە كاماندۇرۇپكىغا چىقىپ كەتكەن،ئۇ كىلىپ بولغىچە سىزگە ھەمىرا بولۇپ تۇراي،دېگەنىدى، ئۇ ھازىر تاماق ئىتىۋاتىدۇ،قىنى ئىچكىرگە كىرىڭ...
دېمەك ئويۇنچۇقخانا توغرىسىداۋە ئۇرغانلىق توغرىسىدا نۇربىيە ئاتا-ئانىسىغا ھېچنىمە دېمىگنىدى،قېينى ئانىسىنىڭ سۆزىنى ئاڭلاپ نىغمەت خىجىللىق ھىس قىلدىمۇ، بۇيۇنلىرىغىچە قىزىرىپ كەتتى... نۇربىيە ئىچكىرى ئۆيدە خېمىر يۇغۇرۋاتاتتى،ئۇ نىغمەتنى كۆرۈپ ئورنىدىن تۇرۇپ ھېچ ئىش بولمىغاندەك كۈلۈمسىرەپ:
-قاچان كەلدىڭىز، تۇيۇقسىز كەلگۈچە تېلىفۇندا بولسىمۇ خەۋەر قىلىپ قويماي،-دېدى.
-مەن...
نىغمەت دۇدۇقلاپ قېلىۋىدى،نۇربىيە كۆزىنى يۇمۇشلاپ قويدى،نىغمەتمۇ ئايالىنىڭ مەقسىتىنى چۈشۈنۈپ:
-ھە،بايىلا كەلگەن،ئالدىراشچىلىقتا خەۋىرىنى قىلالمىدىم،- ئۇ بىر تەرەپتىن ئايالىنىڭ تۇلۇمۇ كەڭ قۇرساق ئەپۇچانلىقىدىن ئىچىدە تەسىرلەنسە يەنە بىر تۇرۇپ خىجىلچىلىقتىن يەرگە كىرىپ كەتكۈدەك بۇلىۋاتاتتى...
نۇربىيە بىردەمدىلا تاماق تەييارلىدى،ئۇلار بىرگە ئولتۇرۇپ تاماق يىدى، تاماق يەۋاتقان نىغمەت پات-پات يەر ئاستىدىن ئايالىغا قارايىتتى، نۇربىيەنىڭ چىھرىدىن يەنىلا بورۇنقىدەك تەبەسسۇم ھەم مېھرىبانلىق يېغىپ تۇراتتى، بۇ تەبەسسۇم نىغمەتنى بىر تۇرۇپ خاتىرجەم قىلسا يەنە بىر تۇرۇپ قاتتىق خىجىل قىلاتتى، ‹‹ ئىسىت، بىر ئوبدان ئايالىمنى خارلاپتىمەن، مېنىمۇ ئەر كىشى دېگىلى بۇلامدۇ، ئەمدى ئىككىنچى ئۇنىڭ دېلىغا ئازار بەرمەيمەن... ھەم ئويۇنچۇقخانا دېگەن يەرگە ھەرگىز قەدەم باسمايمەن، بۇرۇن تۇرمۇشۇم بىر ئوبدان رەتلىك ھەم خۇشال ئۈتەتتى،شۇ يەرگە كىرىپ كۆنگەندىن كېيىن تۇرمۇشتا قالايمىقانلىشىپ ئايالىم بىلەنمۇ ئىناق ئۈتەلمىدىم،شۇڭا ئەڭ ياخشىسى شۇ يەرگە ئىككىنچى دەسسىمەي...››
شۇنداق قىلىپ ئۇلارنىڭ بەخىتلىك تۇرمۇشى يەنە ئەسلىگە كەلدى،نىغمەتمۇ بۇرۇنقى ناچار ئىللەتلىرىنى تۈزۈتۈشكە تىرىشتى،ھەم ئويۇنچۇقخانىغا قەدەم باسمىدى.نۇربىيەنىڭ تاپىلاشلىرى، كۈيۈنۈشلىرى بىلەن ئۇ ئۆزىنى بۇرۇنقىدەك تۈزۈشتۈرۈپ يۈرىيدىغان بولدى، ئۇنىڭ خۇشچاقچاقلىقى يەنە ئەسلىگە كەلدى، تېخى ئۆتكەن ھەپتىلا ئۇ نۇربىيەنىڭ تۇغۇلغان كۈنىنى ئۆتكۈزۈپ بىرىپ ئۇنىڭغا گۈل سوۋغا قىلدى،بىكار چاغلىرىدا بالىلارنى باغچىلارغا ئاپىرىپ ئويناتتى، كەچ قۇرۇنلىرى بالىلىرىنىڭ تاپشۇرۇق ئىشلەشلىرىگە يىتەكچىلىك قىلدى،نۇربىيە ئىرىدىكى بۇ ئۆزگۈرۈشتىن خۇشال بولۇپ ئۇنىڭغا بۇرۇنقىدىنمۇ بەك كۈيىنىدىغان بوپقالدى.
نۇربىيەنى قايتۇرۇپ كەلگەندىن كېيىن نىغمەت خېلى ئۇزاققىچە ئۇيۇنچۇقخانىغا كىرمىدى، بىر ئىككى قېتىم ئوينىمىسىمۇ كىرىپ بېقىش نىيتىگە كەلدىيۇ، لېكىن ئۇ ئايالىغا يۈز كىلەلمەسلىكنى ئويلاپ بۇ ئۇيىدىن يالتايدى...
ئادەم چىن نىيەتتىن ئۆزگەرمىسە بىكار بولغاندەك شەيتان ئۇنىڭ ئىرادىسى ئۈستىدىن يەنە غالىپ كەلدى. بىر كۈنى  مائاش كارتىسىغا پۇل كىرگەنلىك ئۇچۇرىنى كۆرۈپ ئۇ ھېلىقى جايغا بىر كىرىپ چىقماقچى، خىيالىدا ئوينىمىسىمۇ باشقىلارنىڭ ئوينىغىنىغا قاراپ ‹‹ھاردۇقى››نى چىقارماقچى بولدى. لېكىن ئۇ كىرگەندىن كېيىن قوللىرى قىچىشىپ ئىختىيارسىز ئويۇنچۇق تاختىسىنىڭ ئالدىدا ئولتۇرۇپ قالغانلىقىنى ئۆزىمۇ بىلمەي قالدى،‹‹ مەيلى، بىر قېتىم ئويناپ باقاي، كەلسە كىلە،كەلمىسە قۇپۇپ كىتەرمەن››... ئاشۇنداق ‹‹ مەيلى، مەيلى›› بىلەن نىغمەت يانچۇقىنىڭ سۈتى قالمىغان ئۆچكە يىلىنىدەك قۇرۇقدىلىنىپ قالغانلىقىنى ھىس قىلدى، بىر ئايلىق مائاش بىردەمدىلابارماقلىرى ئاستىدىكى كونۇپكىلارنى بەش- ئالتە قېتىم بېسىش بىلەن تەڭ غايىپ بولغانىدى، بۇ ‹‹ زىيان›› ئۇنىڭغا تۇلىمۇ ئېغىر كەلدى، ئۇ ئەتىراپتىكى تۇنۇشلىرىدىن پۇل قەرز ئېلىپ ‹‹ زىيان›› نى تىرىلدۈرۋالماقچى بولغانىدى،بىراق ئۇلار ئۇنىڭغا پۇل بەرمىدى،چۈنكى بۇيەردە بىرەرسىگە پۇل قەرز بىرىش پۇلنى قەلەندەرگە بىرىپ دۇئا ئالغاندەك ئىش ئىدى.
‹‹يىقىلغان چېلىشقا تويماپتۇ›› دېگەندەك ئۇ بىر ئامال قىلىپ پۇل تېپىپ ئۇتتۇرۋەتكەن بىر ئايلىق مائاشىنى قايتۇرۇپ ئەكەلمەكچى بولدى.بولمىسا نۇربىيە ئۇنىڭ بۇ يەرگە يەنە كىرگەنلىكىنى بىلسە چۇقۇم ئۇنى كەچۈرمەسلىكى مۇمكىن،چۈنكى ئۇ ئايالىغا ئۇيۇنچۇقخانىغا قەتئىي كىرمەسلىككە ۋەدە بەرگەنىدى..
                                                ※             ※             ※
نىغمەتنىڭ ئانىسى يېقىندىن بىرى كىسىلى ئېغىرلىشىپ قالغاچقا دوختۇرخانىدا يېتىپ داۋالىنىۋاتاتتى، نۇربىيە ئىدارىسىدىن ئىككى ھەپتىلىك رۇخسەت سۇراپ ئۇنىڭ ھالىدىن خەۋەر ئېلىۋاتاتتى، مويسىپىت ئايال يولدىشىدىن بۇرۇنلا ئايرىلغان، نىغمەتتىن ئىبارەت بىرلا ئوغلى بار ئىدى، باشقا تۇغقانلىرى بولسىمۇ ئۇلار تۇرمۇش ھالاكچىلىكىدە ئالدىراش، ئۇنىڭ ھالىدىن داۋاملىق خەۋەر ئېلىپ بۇلالمايىتتى، ئۇ كىلىنىنىڭ ئۆزىنىڭ ھالىدىن ئۆز قىزىدەك خەۋەر ئېلىۋاتقانلىقىدىن تەسىرلىنىپ نەچچە قېتىم كۆزلىرىگە ياش ئالغانىدى.
-قىزىم نۇربىيە، سىز بولمىغان بولسىڭىز مەن قانداقمۇ قىلاتتىم، قېرىغاندا سىزگە ئېغىرلىقىمنى سېلىپ كۆپ جاپا تارتقۇزدۇم،- قوللىرىغا ئاسما ئۇكۇل سېلىنغان ھالدا كىسەل كارۋىتىدا ئوڭدا ياتقان ئايال كىلىنىگە قاراپ ئىختىيارسىز يىغلىۋەتتى.
-ئۇنداق دىمىسىلە ئانا، بۇ نىمە دېگەنلىرى؟ مەن سىلىنىڭ كىلىنلىرى بۇلۇپلا قالماي، ئۆز قىزلىرىغا ئوخشاش، مۇشۇنچىلىك قىلمىسام مىنى قانداقمۇ كىلىن دېگىلى بۇلىدۇ...
-رەخمەت قىزىم،مەندىن يانمىسا، خۇدايىمدىن يانا، خۇدايىم ئائىلەڭلىگە مەڭگۈ بەركەت، خۇشاللىق ئاتا قىلا...- ئايال مىشىلداپ يىغلاپ كەتتى.
-ئانا، يىغلىمىسىلا، مەن سىلىگە چۆچىرە ئەكەلگەن ئىسسىغىدا ئىچىۋالسىلا.
ئايال چۆچىردىن بىر- ئىككى قۇشۇق ئېغىز تىگىپلا ‹‹ تازا تاۋىم يوق، بىردەمدىن كىيىن ئىچەي قىزىم›› دەپ قالغىنىنى ئىچكىلى ئۇنىمىدى.نۇربىيە ئاشنى ئۈستەلگە قۇيۇپ قۇيۇپ سائىتىگە قارىۋىدى سائەت يەتتىدىن ئاشقانىدى. ئادەتتە نىغمەت كىلىپ بولسا بۇلاتتى، ئۇ ئىرىغا تېلىفۇن قىلىۋىدى، نىغمەتنىڭ تېلفۇنى ئېتىۋىتىلگەن بولۇپ چىقتى.نۇربىيە نىغمەتنىڭ بىرەر ئىشى چىقىپ قالغان بولسا كېرەك ھېلىغىچە كەپقالا دەپ ئويلىدى.
-ۋايجان، مەن بۇلالمايدىغان ئوخشايمەن، بۇنداق ئازاپ تارتقۇچە بۇرۇنراق جېنىم چىقسا بولمامدۇ...
ئۇرۇندۇقتا ئولتۇرۇپ مۈگىدەپ قالغان نۇربىيە قېينى ئانىسىنىڭ ئاۋازىدىن چۆچۈپ كۆزىنى ئاچتى، ئايالنىڭ يۈزى تۈمۈردەك قارىداپ نەپسى يىتىشمەي قالغانىدى.
-ئانا نىمە بولدى؟
-قىزىم... مەن... مەن بۇلالمايدىغان ئوخشايمەن...
-ئانا ئۇنداق دېمىسىلە، بىردەم چىدىسىلا مەن دوختۇر چاقىراي...
نۇربىيە يۈگۈرۈپ دېگۈدەك مەسئۇل دوختۇرنىڭ ئالدىغا باردى.
-بىمارنىڭ داۋالىنىش پۇلى تۈگەپتۇ، ئەھۋالدىن قارىغاندا بىمارنى جىددى ئوپراتسىيە قىلمىساق بولمىغۇدەك، شۇڭا تىزدىن پۇل ئۆتكۈزىڭلار،- دېدى دوختۇر
-ئاۋۋال داۋالاپ تۇرۇڭلار، مەن ھازىرلا پۇل تېپىپ كىلەي...
-بۇ دوختۇرخانىنىڭ بەلگىلىمىسى، ئاۋۋال پۇل ئۆتكۈزىڭلار بولمىسا داۋالىغىلى بولمايدۇ...
-قانچە پۇل ئۆتكىزسەك بۇلا؟
-ئالدىن ئەللىك مىڭنى ئۆتكۈزۈپ تۇرۇڭلار...
-دوختۇر سىزدىن ئۈتىنىپ قالاي، ھازىر ئانام بەك قىينىلىپ كىتىۋاتىدۇ، ھازىر يېنىمدا ئىككى مىڭ سومچە پۇل باركەن، ئۆتكەزسەم ئانامنى داۋالىغاچ تۇرساڭلار، مەن ئەتىگىچە پۇلنى تېپىپ تەييار قىلىپ بەرسەم...
-بۇلىدۇ، بىراق ئەتىدىن قېپقالمىسۇن، بىمارنى قانچە بۇرۇن ئوپراتسىيە قىلساق شۇنچە ياخشى.
جىددىيلىشىپ نىمە قىلارىنى بىلەلمەي قالغان نۇربىيە كىسەلخانىغا يۈگۈرۈپ كىردى، ئۇنىڭ كاللىسى پىقىراپ نىمە قىلىشنى بىلەلمەي قالدى، پۇل سانىنىڭ كۆپلىكىدىن خۇدىنى يۇقۇتۇپ قويغانىدى.ئۇ نىغمەتكە تېلىفۇن قىلىۋىدى تېلىفۇنىسى يەنىلا ئىتىك بولۇپ چىقتى.بۇ ئىش بەك جىددىي بولغاچقا ئامالسىز ئانىسىغا ئېيىتتى.
-ئانا، دوختۇر پۇل ئۆتكۈزۈڭلار دەيدۇ، راستىنى دېسەم يېنىمدا ئىككى مىڭ سومچە پۇل بارئىكەن بۇ پۇل ھېچنىمىگە يەتمەيدۇ.قانداق قىلساق بۇلار؟
-بولدى، مەن ئۈچۈن پۇل بۇزۇپ يۈرمەڭلار...
-ئۇنداق دېمىسىلە ئانا، جان مۇھىم...
-ھەقىچان ئۆمىرىم ئاخىرلىشىپ قالدى... بولدى قىلىڭ قىزىم...- ئايال گەپنىڭ ئاخىرىنى دەپ بولۇپلا قاتتىق ھۆتۈلۈپ كەتتى.
-ياق،مەن نەدىن بولمىسۇن پۇل تېپىپ سىلىنى قۇتقۇزىمەن،- نۇربىيە بۇقۇلداپ يىغلىۋەتتى.
-قىزىم، ئۇنداق بولسا سىز بېرىپ بىزنىڭ ئۆيدىكى ياغاچ ساندۇقنىڭ ئىچىنى ئاختۇرسىڭىز ئەڭ ئاستىدا بىر كارتا بار ، كارتىنىڭ مەخپىي نۇمۇرىنى بىرتال قەغەزچىگە يېزىپ كارتا بىلەن بىرگە قويۇپ قويغان، ئىچىدە يۈز مىڭ سوم بار... بۇ رەھمەتلىك قېينى ئاتىڭىز بىر ئۆمۈر تىرىكچىلىك قىلىپ توپلىغان پۇل ئىدى... بېرىڭ قىزىم...
قايتىدىن ئۈمىد تۇغۇلغاندەك بولدىدە، نۇربىيە‹‹ ئۇھ ›› دەپ بايىقى ۋەھىمىلىك ئەھۋالدىن قۇتۇلغاندەك بولۇپ يولغا چىقىپلا تاكسى تۇسۇپ ئۆيگە كەلدى،ئۆيگە كىرىپ ساندۇققا قاراپ بېشىدىن تۈتۈن چىقىپ كەتتى.چۈنكى ساندۇق ئېغىزى ئۇچۇق تۇراتتى...
                                             ※             ※             ※
-خۇجايىن ئۇنداق قىلماڭ، بۇ پۇل ئانامنى داۋالىتىش ئۈچۈن يىغىپ قۇيۇلغان پۇل ئىدى، بۇ پۇل بولمىسا ئانامنى داۋالىيالمايمىز.
تاماكىنى قىڭغىر چىكىپ ئولتۇرغان مۇز قاپاق ئادەم ئاغىزىدىن توختىماي ئىس چىقىرىپ ئولتۇراتتى، نىغمەت ئۇنىڭ ئالدىدا تىزلىنىپ يالۋۇرىۋاتاتتى.
-بۇ پۇل ئانامنىڭ ھاياتى بىلەن مۇناسىۋەتلىك...خۇجايىن رەھىم قىلىپ پۇلنىڭ يېرىمىنى بولسىمۇ قايتۇرۇپ بەرگەن بولسىڭىز...
ھېلىقى ئادەم تاماكىنى كۈلدانغا تاشلاپ يەرگە قاغا چىچقاندەك بىرنى تۈكۈردىدە:
-بىز سىنى بۇ يەرگە پۇت-قۇلۇڭنى باغلاپ ئەكىردۇقمۇ؟سىنى بىز ئويناڭ دەپ مەجبۇرلىدۇقمۇ؟پۇلنى ئۆزۈڭ ئۇتتۇرۇپ بۇلۇپ ئەمدىلىكتە ئۆكتەملىك قىلماقچىمۇ سەن؟
-مەن... مەن... بىلمەي...
-نىغمەت!!!...
نىغمەت كەيىنىگە ئۆرۈلۈپ قارىۋىدى،ئايالى نۇربىيەنىڭ ئۆزىگە مېختەك قادىلىپ تۇرغانلىقىنى كۆرۈپ تېخىمۇ جىددىيلىشىپ كەتتى،ئايالىنىڭ كۆزىدىن ھەم غەزەپلىنىش ھەم نىغمەتنىڭ ھالىغا قاراپ ئېچىنىشتەك بىر خىل مەنە چىقىپ تۇراتتى،ئۇ ئەزەلدىن ئىرىنى بۇنداق بىچارە،ئاجىز باشقىلارغا تىز پۈكىدىغان ھالەتتە كۆرمىگنىدى،نىغمەتمۇ ئۆزىنى تۇنجى قېتىم ئايالى ئالدىدا ئەڭ ئۇسال ئەھۋالدا قالغاندەك ھىس قىلىپ پىشانىسىدىن بۇژژىدە سۇغۇق تەر چىقتى.
-خۇتۇن، مەن... مەن...
-ئىسىت،مەن تېخى سىزنى خېلى ۋەدىسىگە ۋاپا قىلىدىغان ئەركەك ھىسابلايىتتىم، قاراڭ ئەپتىڭىزگە،شۇ تاپتا ئانىڭىز دوختۇرخانىدا ھالى تۇلۇمۇ يامانلىشىپ جان تالىشىۋاتسا، ئوغلى بولغان سىز بۇ يەردە...
-ئانامغا؟...
-شۇنداق،ئانىڭىزنىڭ ھاياتى ھازىر ناھايىتى خەتەرلىك ئەھۋالدا،تىزدىن پۇل ئۆتكۈزمىسەك بولمايدىكەن...
-شۇنداقمۇ،- نىغمەت بېشىدا چاقماق چاققاندەك بولدىدە دەرمانىدىن كەتكەن جىنايەتچىدەك بىردەم تۇرۇپ قالدى، ۋە تۇيۇقسىز ھېلىقى مۇز قاپاق ئادەمنىڭ پۇتىغا ئېسىلىپ يىغلاشقا باشلىدى.
-خۇجايىن، ئۈتۈنۈپ قالاي، ئۇتتۇرۋەتكەن پۇلنىڭ يېرىمىنى بولسىمۇ قايتۇرۇپ بەرگەن بولسىڭىز،ئۈتۈنۈپ قالاي، كېيىنچە پۇل تاپقاندا قايتۇرۇپ بەرسەم... بىچارە ئانام...
-ماڭە نېرى،- مۇز قاپاق ئادەم ئۇنى بىر تىپىۋېدى،نىغمەت كەينىگە يېقىلىپ چۈشتى،-قېنى سىلەر؟ ماۋۇ كۆكەمە ئۇششۇقنى بۇ يەردىن قوغلاپ چىقىرىڭلار!...
كالتەك تۇتىۋالغان ئىككى قاۋۇل ئەر ئېتىلىپ كىلىپ نىغمەتنىڭ ئۇدۇل كەلگەن يىرىگە ئۇرۇشقا باشلىدى.
-ئۇرماڭلار! ئىرىمنى ئۇرماڭلار... ئۇنى ئۇرماڭلار!...
ئۇلار نۇربىيەنىڭ ۋارقىراشلىرىغا پىسەنىت قىلىپ قويماستىن قۇناق سوققاندەك نىغمەتنى ئۇرۇشتىن توختىمىدى، نۇربىيە ۋارقىراپ،ۋارقىراپ دېمى ئىچىگە چۈشۈپ ئايلىنىپ ئىزىغا يىقىلىپ يېتىپ قالدى...

بۇ يازمىنى يىقىندا زىيارەت قىلغانلار : كۆرۈنىشى باش رەسىم ھالىتى تىزىملىك ھالىتى

ساقلاش0 ھەمبەھر قېزىلما0 قوللاش0 قارشى0 ئۈندىدارغا

‏ئوقۇغۇچىلار مۇنبىرى ھەممىمىزنىڭ ئىللىق ئائىلىسى.

ئىنكاس

جابدۇق پاش قىلىش

تارىخىم

“”

57 تېما	346 يازما	2158 جۇغلانما

سىنىپ مۇدىرى

ئەزا ئۇچۇرى

تىزىم نومۇرى: 239

يازما سانى:

346

تىللا:

1554

تۆھپە:

جەۋھەر يازما:

توردا:

104 سائەت

ئاخىرقى:

2015-7-12

ئۇچۇر

دېۋان

ۋاقتى: 2013-12-3 20:10:12 | ئايرىم كۆرۈش

ھىكايىنى چۈشتە ئىشخانىدا ئولتۇرۇپ ئوقۇغان ئىدىم.ئەمما،قول تېلفوندا تورغا چىققاچقا ئەزالىق سالاھىيىتىدە كىرەلمىگەچ،ئەمدى ئىنكاس يېزىپ ئولتۇرۇپتىمەن.
تېما نۆۋەتتىكى رىئال تۇرمۇشىمىزنى،ئەتىراپتىكى شۇ بىچارىلەرنى ناھايتى ئوبرازلىق تەسۋىرلەپ بەرگەن.مەن شۇنداقلاردىن بىر نەچچىنى تۇنۇيمەن.بىر چىرايلىق ئائىلىسى بار.ئەمما ئۇلار بۇ ئىشتىن قول ئۈزەلمىدى.تېخى ھەممىسى ھۆكۈمەت كادىرى،بىر نەچچىسى مۇئەللىم تېخى،ئۇلارغا نىمە دىيىشنى،قانداق تۇسۇشنى پەقەتلا بىلەلمىدىم.بىزدىن باشقا مىللەت ئوينىماسمىش ئاڭلىسام، شىنجاڭدىن باشقا جايلاردا چەكلەنگەنمىش ئاڭلىسام.بىزنىڭ باشلىقلار مۇشۇنداق ئىشنى تۇسۇماي، باشقۇرماي نىمە ئىش قىلدىغاندۇ؟

ئىنكاس ئېسىل ناچار

جابدۇق پاش قىلىش

ئۆزخان

“”

98 تېما	1143 يازما	6769 جۇغلانما

مۇنبەر شاھزادىسى

ئەزا ئۇچۇرى

تىزىم نومۇرى: 84

يازما سانى:

1143

تىللا:

4825

تۆھپە:

237

جەۋھەر يازما:

توردا:

413 سائەت

ئاخىرقى:

2017-3-2

ئۇچۇر

ئورۇندۇق

ۋاقتى: 2013-12-3 22:22:59 | ئايرىم كۆرۈش

تىمىمۇ ياخشى تاللىنىپتۇ. ھەم ياخشى يېزىلىپتۇ. بىراق ئىملا ۋە سۆز ئىشلىتىش جەھەتتە سەل دىھقەت قىلىسىڭىز بولغىدەك. لىكىن ئومۇمى جەھەتتىن ئالغاندا ئۇتۇغلۇق بوپتۇ. سىزگە كۆپ تەشەككۇر.

ساڭا دەيدىغىنىم يەنىلا مەغرۇر ياشاۋەر. يۈرىكىمدىكى مۇ ...

ئىنكاس ئېسىل ناچار

جابدۇق پاش قىلىش

تۇمارىس

“”

46 تېما	3294 يازما	1 تۈمەن جۇغلانما

مەكتەپ مۇدىرى

تەشۋىقات ئەلچىسى

ئەزا ئۇچۇرى

تىزىم نومۇرى: 77

يازما سانى:

3294

تىللا:

10210

تۆھپە:

جەۋھەر يازما:

توردا:

1778 سائەت

ئاخىرقى:

2017-2-4

ئۇچۇر

يەر

ۋاقتى: 2013-12-4 00:18:44 | ئايرىم كۆرۈش

بەك ياخشى يىزىپسىز قەلمىڭز ھارمىغاي

سوزلىمسەڭ يوق ھىچكمنڭ كارى.
سوزلىسەڭ دەلىلى بىلەن ئارى.

ئىنكاس ئېسىل ناچار

جابدۇق پاش قىلىش

شۈكرى

“”

31 تېما	814 يازما	4254 جۇغلانما

مەكتەپ مۇدىرى

ئەزا ئۇچۇرى

تىزىم نومۇرى: 11

يازما سانى:

814

تىللا:

3344

تۆھپە:

جەۋھەر يازما:

توردا:

280 سائەت

ئاخىرقى:

2016-8-27

ئۇچۇر

5^#

ۋاقتى: 2013-12-4 01:23:56 | ئايرىم كۆرۈش

ئىسىت ئىنساپ ۋىجدان ..ئىسىت ساماۋى ۋەدە ! ئىسىت ،راسلا بۇ ھىكايىنى ئوقۇپ قراڭغۇ ئۆڭكۇرگە كىرىپ چققاندەك بولدۇم ! راس مەنمۇ بىر قىتىم ئوقۇش پۇلۇمنى ئۇتتۇرۋىتىپ بىر ئاي قىينالغانتىم ،،ئەمما ئىكىنجى قەدەم باسمىدىم .رەھمەت ئۇستاز .

قىرىنداشلار ،تارىخمۇ مۇھىم تارىخ توغىرلىق تىمىلار چولدۆرەپ قالمىسۇن!

ئىنكاس ئېسىل ناچار

جابدۇق پاش قىلىش