|
|
قېرىنداش
باشقا ئېغىر كۈن چۈشسسە يۆلەلەيدۇ قېرىنداش ،
سارغايغاننى قۇچاقلاپ سۆيەلەيدۇ قېرىنداش ،
قايناقسۇغا نان چىلاپ كۈلەلەيدۇ قېرىنداش .
ئىچ –ئىچىدىن سېغىنىپ مۆرەلەيدۇ قېرىنداش،
ھارغان چاقنى مۈدىرەپ سۆرەلەيدۇ قېرىنداش.
ئاتلاپ دائىم بوسۇغا ئەھۋالىڭنى سورايدۇ ،
تاپقىنىغا يارىشا يانچۇقىنى كولايدۇ،
مەسلەھەتتە بىرلىشىپ پىلانىڭنى قوللايدۇ ،
تۈرەر دەرھال يېڭىنى قول قوشتۇرۇپ تۇرمايدۇ ،
خائىشىغا چەك قويماي كېلەلەيدۇ قېرىنداش .
ئازدۇرىدۇ ئادەمنى نەپسى خائىش شەيتىنى ،
پۈۋلەپ تۆھمەت قېپىغا ساقلاپ تۇرار پەيتىنى ،
روھىيەتكە غىدىقلار راھەت تۇرمۇش كەيپىنى ،
ئېسىل ئەخلاق ئادەمنىڭ ئاشكارلىماس ئەيپىنى ،
كۆڭۈلدىكى نىيەتنى بىلەلەيدۇ قېرىنداش.
نەزىر–چىراق، توي–تۆكۈن تاللىمايدۇ پەسىلنى،
ئەمەلىدە ئۈلگىلىك قالدۇرىدۇ تەسىرنى،
ئەل –جامائەت ئىشىدا قالدۇرمايدۇ كەسىرنى ،
كۈندۈزى رەت ئۇزىتار بامدات، پېشىن ، ئەسىرنى،
دۇئاسىدا ياخشىلىق تىلەلەيدۇ قېرىنداش.
ئارىمىزدىن كېتىدۇ دائىم يۈرەك پارىلەر ،
تىتىرەيدۇ ئۈزۈلۈپ مۇڭدا يۈرەك تارىلەر
سۆيۈشكەندە چوڭ-كىچىك ئېغىز ئالار يارىلەر ،
بوسۇغىدا داتلىشار ناباپ نىيەت ئالىلەر ،
سىناقلارغا بەرداشلىق بېرەلەيدۇ قېرىنداش.
بىر باش قوناق رېتىدەك كەمبىغىلى بېيىمۇ ،
ئاتلاپ قالساڭ بوسۇغا قايناپ تۇرغان چېيىمۇ ،
دەستۇرخاندا مۇڭدىشار ئەر-ئايال ، ياش -قېرىمۇ ،
ئالتۇن –كۈمۈش نەۋرىلەر تاتلىقلاردىن نېرىمۇ ،
زىمىستاندا شەبنەمدەك ئېرەلەيدۇ قېرىنداش.
جەمەتىدىن شاخلىنار ھەر خىل كەسىپ مىۋىلەر ،
ئەسىر ھالقىپ بىر ئەۋلاد رەستىلەردە جىلۋىلەر،
شۇڭا ئەلباش كارخانا تۆت قۇلاقتەك كۆرىنەر،
مىۋىسى توق ئەمگەكتىن پۇتۇن قەۋىم سۈيۈنەر ،
باياۋانغا قىزىلگۈل تېرەلەيدۇ قېرىنداش.
ئاپتۇرى :ئابلەت مۇھەممەت باغۋەن
|
|
بايلىق
شۆھرەت
ۋاقتى: 2015-3-8 00:17:08
ساقلاش
ھەمبەھر
قېزىلما
قوللاش
قارشى
