|
غەپلەتتىن قۇتۇلۇش
قىينار داۋام ۋۇجۇدۇمنى گۇناھلىق تۇيغۇ،
يەم بولىدۇ قەيسەرلىكنىڭ تېمى تىتىلىپ.
ئىزتىراپتا كۆزلىرىمدىن قاچىدۇ ئۇيقۇ،
يۈرىكىمنىڭ رېتىمىنى ئولجىغا ئېلىپ.
بەخت دەيمەن،كۆز ئالدىمدا يوقتەكلا بەخت،
چىرمىۋالغاچ ۋۇجۇدۇمنى ،مەن ئۇنىڭ قۇلى.
خىيالىمدا مەڭگۈلۈككە تىكلەيمەن تەخت،
كۆرۈنۈشتە بەكمۇ ھەيۋەت،ئەمما بوش ھۇلى.
بەدەلسىزلا ئاسان ئەمەس،توغان ياسىماق،
چىداش بەرمەس،بولمىغاندا كۈچتۈڭگۈر-قارام.
ھاياتىمغا مەنا ئىزدەپ بولسام ياشىماق،
مەيۈسلۈكنى قىلدى سوۋغا،بەرمىدى ئارام.
ئۈمىدسىزلىك-يوقلۇق،ئەمما مەن مەۋجۇت ئىنسان،
ناماياندۇر ئەجدادىمنىڭ سىماسى مەندە.
ئۈمىد-نۇردۇر،ئۈمىد قۇياش،ئۈمىد كۆك ئاسمان،
ئۈمىد بولغاچ ئايلىنار قان بېجىرىم تەندە.
خىياللاردىن تاپتىم نىمە،كۆرمىدىم خوۋلۇق،
ئىزتىراپنىڭ يىلتىزىنى چاپىمەن ئەمدى.
ئۇزاپ غەشلىك،دىل قەسرىممۇ بولدى يوپيورۇق،
ئىككى دۇنيا چىن بەختىمنى تاپىمەن ئەمدى!
مەنبە: ئىجادىيىتىم. | 
بايلىق
شۆھرەت
ۋاقتى: 2015-7-13 19:53:42
ساقلاش
ھەمبەھر
قېزىلما
قوللاش
قارشى
ۋاقتى: 2015-7-13 21:10:58
ئىگىسى