ئۇپقۇن:سېممىتىرىك شېئىرلار

سېممىتىرىك شېئىرلار

ئابلىكىم مۇھەممەت ئۇپقۇن

كەچ كۈز

دەرەخ
كائىينات
يالىڭاچلاندى
غۇر-غۇر شامال
كوچىلاردا سەرسان
ئەتراپ ئالتۇن رەڭگىدە
تۇرنىلار جەنۇپقا ئۇچتى
ئىتىزلار داڭگالغا ئايلاندى
قوي-ئۆچكىلەر بەس-بەستە مەرەشتى
قۇشلارنىڭ قانىتى يارلاندى
باغلىرىمىزدىن ياز كۆچتى
قۇياش بۇلۇت بەرگىدە
ئۇيغاندى زىمىستان
چېچەكلىدى قار
يۇلتۇز ياندى
ئاھ ھايات
كەل نەخ

كۈتۈش

چەكسىزلىك
ۋاقىتنىڭ سىرتى
تەكرار ئاھ ئۇرۇش
چىغىر يولغا قاراش
دېرىزىگە تاش ئېتىش
ئىچ-ئىچىدىن تىت-تىت بولۇش
سول كۆكسى چىڭقىلىپ ئاغرىش
ھەي،ئەپسۇسلىنىپ بېشىنى چايقاش
بىر دەقىقە گۈللەرنىڭ توزۇشىنى كۆرۈش
تاش پەلەمپەيلەرگە ئۈنسىز تىكىلىپ تۇرۇش
ئالبۇمدىكى سۈرەتكە يېنىشلاپ سۆيۈش
كۈتۈشنىڭ يولىدا چېچەكلىگەن تاش
ئارمانلاردىن تۆكۈلۈۋاتقان قىش
گويا ۋەتەنسىز كېچىك قۇش
گۈللەردىن ئويغانغان قىش
تۆكۈلىۋاتقان ياش
رەھىمسىز تۇرمۇش
ياشاش سەرتى
نائىنىق

2016-يىلى9-ئاينىڭ27-كۈنى كورلا