كۆرۈش: 185|ئىنكاس: 4

ئارتۇچ : گەپ تاپتۇق

“”

22 تېما	59 يازما	445 جۇغلانما

ئوقۇغۇچى

ئەزا ئۇچۇرى

تىزىم نومۇرى: 708

يازما سانى:

59

تىللا:

386

تۆھپە:

0

جەۋھەر يازما:

0

توردا:

20 سائەت

ئاخىرقى:

2017-3-5

ئۇچۇر

لىفىت

ساھىبخان

ۋاقتى: 2016-4-15 20:03:56 | ئايرىم كۆرۈش ئىنكاس مۇكاپاتى

|تەتۈر تىزىش |كۆرۈش شەكلى

گەپ تاپتۇق

ئەل ئىشقىدا گۈلخاندەك يانغانلاردىن گەپ تاپتۇق ،
يۈرىكىگە ئۈمىدلەر تاڭغانلاردىن گەپ تاپتۇق ،
نۇسرەت تامان ، ھەق تامان ماڭغانلاردىن گەپ تاپتۇق ،
ۋەتەن سۆيگەن ئوت يۈرەك ، ۋولقانلاردىن گەپ تاپتۇق ،
مەنزىللەردە مەردانە كارۋانلاردىن گەپ تاپتۇق .

باھادىرنى ھەسەتتە كۆكۈيۈندەك چاقىمىز ،
ئىزدەپ كىرلار تىرناقتىن بەدنامدىن تون ياپىمىز ،
گېزى كەلسە پىنھاندا زەھەرلىك ئوق ئاتىمىز ،
ساددىلارنى ئازدۇرۇپ نام - نەسەبنى ساتىمىز ،
ئەھلى ئىشچان ، ئاقكۆڭۈل ، مەردانلاردىن گەپ تاپتۇق .

ھۈرۈپ كەلدۇق سۆڭەك دەپ ئىتتەك قاۋاپ بەزىمىز ،
تاماخورلۇق ئىلكىدە يۈردۇق تۆكمەي تەرىمىز ،
كۆرەلمىدۇق ، ۋايسىدۇق بەركەت تاپسا ئەجرىمىز ،
ياخشىلارنىڭ ۋەسلىگە تەتۇر تۇردى پەيلىمىز ،
ياۋنى يېڭىپ ، تىك تۇرغان پالۋانلاردىن گەپ تاپتۇق .

پىتنە - پاسات تېرىدۇق مۇھەببەتتىن - شەپقەتتىن ،
سەپسەتىلەر تارقاتتۇق ئېسىل خىسلەت ،ھېكمەتتىن ،
مال- دۇنيانىڭ ئىشقىدا تاندۇق خالىس نىيەتتىن ،
سەۋدايىدەك تىنەيمىز شەيتان بەرگەن غەيۋەتتىن ،
ئەل كۆڭلىدىن ئورۇن - جاي ئالغانلاردىن گەپ تاپتۇق .

ئابرويپەرەس ، داغۋازلىق ۋابا بولدى ، جۇت بولدى ،
سېتىلماقتا ساپ سۆيگۈ يۈرەكلەرگە قان تولدى ،
پاكلىق ، ئىنساب مەلئۇنغا گويا تائام - نان بولدى ،
خەسىسىسلەرنىڭ ئويىدا بايلىق دېمەك جان بولدى ،
ئادىمىيلىك سازىنى چالغانلاردىن گەپ تاپتۇق ،

يالغان گەپلەر نەچچە ۋاخ كۈندە ياغدى تىللاردىن ،
بىكار بولساق ئۆسەك سۆز چېچەكلەيدۇ دىللاردىن ،
خۇش ھىد ئەمەس بەدبۇيلۇق تارقىلىدۇ ئىزلاردىن ،
ئۈنگەن كەبى ياۋا ئوت باغدىن ، ئېتىز - قىرلاردىن ،
ھالال ئىشلەپ ھاللانغان دېھقانلاردىن گەپ تاپتۇق .

بۇ دۇنياغا ھەممىمىز تۆت كۈنلۈكلا كەلگەنغۇ ،
ئەجرىمىزدىن چۆللەرگە گۈلى رەيھان تەرگەنغۇ ،
ئەھلى جانغا ھاياتلىق كەڭرى قۇچاق كەرگەنغۇ ،
سەۋەب قىلساڭ تەڭرىمىز رىزىقنى كەڭ بەرگەنغۇ ،
گاھ ساھىپخان ، مۇساپىر ،مېھمانلاردىن گەپ تاپتۇق .

بىلسەك يامان ئۆلۈمدىن تەپرىقچىلىق ، نادانلىق ،
ئېلىم - پەنگە ، ئۆمۈرگە ھۆرمەتسىزلىك ، قاراملىق ،
تىلتۇماردۇر پاك غورۇر ياشا ئىنسان ۋىژدانلىق ،
ۋىسال پەيزى ، ئارامى ، چىن گۈزەللىك ، ئامانلىق ،
ئۆم - ئىناقلىق سېپىلى قۇرغانلاردىن گەپ تاپتۇق .

بۇ يازمىنى يىقىندا زىيارەت قىلغانلار : كۆرۈنىشى باش رەسىم ھالىتى تىزىملىك ھالىتى