كۆرۈش: 139|ئىنكاس: 3

ئىككى شېئىر

“”

59 تېما	569 يازما	1647 جۇغلانما

سىنىپ مۇدىرى

ئەزا ئۇچۇرى

تىزىم نومۇرى: 725

يازما سانى:

569

تىللا:

988

تۆھپە:

30

جەۋھەر يازما:

0

توردا:

163 سائەت

ئاخىرقى:

2017-3-5

ئۇچۇر

لىفىت

ساھىبخان

ۋاقتى: 2016-5-17 19:55:47 | ئايرىم كۆرۈش ئىنكاس مۇكاپاتى

|تەتۈر تىزىش |كۆرۈش شەكلى

ئىككى شېئىر

يامغۇرنىڭ مەندىن كۈتكەنلىرى

ئابلىكىم مۇھەممەت ئۇپقۇن

ئىگىز بىنالارنىڭ قەددى پۈكۈلدى،
گۈللەرنىڭ بەرگىدىن ئاقار ھاياجان.
ئىزىمنىڭ پاتقاققا پېتىپ تۇرۇپمۇ،
مەن سېنى كۆرمىدىم دېگىنى يالغان.

يار ئاياغ باسمىغان قۇرغاق باغلىرىم،
كۈتۈشتىن ئايلاندى دەرتمەن ئايالغا.
قىيسايغان ئەسلىمە،كونا ئورۇندۇق،
دەرت تۆكەر ئۆتمۈشتىن كەپسىز باھارغا.

يامغۇرنىڭ دەرتلىرى بولدى مىڭ پارە،
ئاسماننىڭ كۆزىدىن ئاقار بىر قىيان.
دېرىزەم ئاسىقنىڭ ئاچچىق كەچمىشى،
بۇلۇتنىڭ كۆكسىدە چېچەكلەر ئارمان.

يامغۇرنىڭ مېنىڭدىن كۈتكىنى ياپراق،
شاخلاردىن تۆكۈلەر ھاياجانلىق چۈش.
ھۆل بولغان ئارزۇيۇم كۆيەر گۆرۈلدەپ،
يامغۇردەك ئەتراپقا سىڭمەكتە كۈتۈش.

ئىچىمدىكى كېچە

چىغىر يولدىن كېلەر گۇگۇم ئاۋايلاپ،
خىيال سۈرەر كونا كۆۋرۈك گۇندىسى.
كۆكتىن چۈشەر سالا-سالا ئىتىزلار،
سول كۆكسۈمدە تۇنجى يارنىڭ سوۋغىسى.

لەپىلدەيدۇ چىغىرىتماقنىڭ چاچلىرى،
ھۆل بولماقتا ياردىن پىنھان سىرلىرىم.
ئوت كۆيىدۇ ئىچىمدىكى كېچىدە،
شەپەرەڭدەك ئۇچۇپ كەتتى ھەم تېنىم.

بىلىجانلار ھەسرەت بىلەن سۆزلەيدۇ،
ئاۋازىمنىڭ بەتلىرىنى ۋاراقلاپ.
چېكىلمەكتە خىلۋەتتىكى دېرىزە،
گۈل تۈۋىدىن جۇپ يۇلتۇزلار جاراقلاپ.

ئۇسسىماقتا مەن سۇ ئىچكەن بۇلاقلار،
غەليان قىلار ئىچىمدىكى بۇ كېچە.
سايەم چۈشكەن ياپراقلاردىن ئەيمىندىم،
قىلغاچ بۈگۈن لەۋلىرىمنى دەپسەندە.

2016-يىلى5-ئاينىڭ15-كۈنى كورلا

ئاي بەرگى بۇ تېمىنى تەستىقلىغان، ۋاقتى: 2016-5-17 22:55

بۇ يازمىنى يىقىندا زىيارەت قىلغانلار : كۆرۈنىشى باش رەسىم ھالىتى تىزىملىك ھالىتى