ئوقۇغۇچى تىۋىشلىرى (2.سان)

نورۇز ۋە مەن سائادەت ساتتار سۈكۈت زىمىستانىنىڭ باغرىنى مۇلايىم بارماقلىرى بىلەن سىلىغان باش باھارنىڭ سالامىنى يەتكۈزىۋاتقان ئىللىق شامال قىرىق بىر تال ئۆرۈلگەن چاچلىرىنى سىيپاپ ئۆتكەندە سەبى قىزنىڭ شۇ تاپتىكى ناتىۋان تۇيغۇلىرىغا نىمە يەتسۇن؟ قېلىن دەرەخ پوستىنى زور غەيرەتتە يېرىپ چىققان رەڭگىگە تويۇنمىغان ئاجىز يوپۇرماقلار، كىشى قەلبىنىلا ئەمەس پۈتكۇل تەبىئەتنى لەرزىگە سالغۇچى چېچەكلەرنىڭ جەزبىگە ھەۋەس بىلەن باققان سەبى كۆزلەر باھاردەكلا گۈزەل! باھار دىمەك-يېڭى يىلنىڭ باشلىنىشى، باھار دىمەك، كۈزدىكى مول-ھۇسۇلنىڭ نىشانى، باھار دىمەك، ھايات بېتىمىزنىڭ يېڭى بىر ۋارىقى، بۇ ۋاراقلارنى باھار ئايلىرىدا ئۈمىتتىن ئۇرۇق چېچپ مىننەتسىز ئەجىر بىلەن پەرۋىش قىلغانلار، تۇمۇز ئايلىرىنىڭ پىژغىرىنلىرىدا تاۋلىنىپ ئەجىر بېغىنى بېزىگەنلەر كۈزنىڭ بەرىكەتلىك ئايلىرىدا مەمنۇنىيەت تاغارلىرىغا بەركەت خامانلىرىنى يىغالىغانلار قان-تەرى بەدىلىگە كەشتىلەنگەن ئەڭ گۈزەل سۆرەتلەر، ئىسىل نەزمىلەر، باياشاتلىق كۈيلەر... بىلەن ئەڭ چىرايلىق بېزىيەلەيدۇ. يېڭى كىيىمىنى بەس-بەستە تالىشىپ كىيىۋاتقان رەسىدە قىزلار كەبى نۇرلىنىۋاتقان باغۇ-بوستان، چىمەنزارلار، دىماقلارغا ئۇرۇلىۋاتقان ئۈرۈك چېچىكىنىڭ خۇشپۇراق ھىدلىرى، ئېتىز-ئېرىقلارغا شىلدىرلاپ قۇيۇلۇۋاتقان ئەگىز سۇلىرى، قاياقلاردىندۇر قايتىپ كىلىۋاتقان قارلىغاچلار، ھالال ئەجرىنىڭ مەنزىل-مەيدانىغا زور ئۈمىد ۋە ئىخلاس بىلەن بەس-بەستە قەدەم ئېلىۋاتقان، چېھرىدىن ساپلىق، ھالاللىق بالقىپ تۇرىدىغان دېھقانلار، چوكانتالدىن چاچ ئۆرۈپ سېلىۋاتقان شوخ قىزلار، تال چىۋىقنى ئات ئىتىپ، توپىلىق يوللارنى يالاڭئاياغلىرى بىلەن ئويغۇتۇپ، قىيغىتىپ كىلىۋاتقان سەبىيلەر... باھار كەلدى! باھار كەلدى! دەپ جار سالماقتا! شۇنداق، باھار كەلدى! ئۇ ھەممىمىزگە ھەر يىلىدىكى باھاردەكلا ئۈمىد ۋە ئارزۇ-ئارمانلارنى، ئىشەنچ ۋە ئىپتىخارلارنى تەكرار ئېلىپ كىلىۋاتىدۇ. يەنە قانچىلىغان ئۈمىدلەر كىلەر يىلقى باھارغا ئىلتىجا كۆزلىرى بىلەن باقاركىن؟! ئاپئاق تاغلار سالدى چاپان خۇش نورۇز كەلدى، مىسكىن باغلار كۈلدى لېۋەن خۇش نورۇز كەلدى. تال چىۋىقنى ئات ئىتىشىپ ئوينايدىغانغا، كەلدى باللا سالدى سۈرەن خۇش نورۇز كەلدى. تەبەسسۇمدا كۈلەر ئەنە تارىم-زەرەپشان، جۆر بولىدۇ سامالارغا شۇ تاپ يەر-ئاسمان، نورۇز بىلەن ياشارماقتا قەلىبلەرمۇ ھەم، ئۇيغۇر كۈلدى،جاھان كۈلدى خۇش نورۇز كەلدى. يىلنىڭ بېشى،ئىشنىڭ بېشى جانلاندى ھەممە، بۇلبۇل تاپقاچ گۈلشەنىنى قىلىدۇ نەغمە، ياشارماقتا سەن بىلەن تەڭ دىللاردا ئارمان، قىزلار كۈلدى، يىگىت كۈلدى خۇش نورۇز كەلدى. نورۇز بىلەن بارچە خۇشال ئوينايدۇ ساما، ئىشچان يىگىت بەسكە چۈشتى ئەمگەكتە يانا. كەلسە نورۇز كۈلەر ئۇيغۇر شادلىنار دىللار، ئېتىز كۈلدى،ئېقىن كۈلدى خۇش نورۇز كەلدى. ھەي نورۇز، ھەي نورۇز گۈزەلسەن نورۇز، ھەر بىر دىلغا ئۈمىتلەر بېرەرسەن نورۇز. ھەي نورۇز، ھەي نورۇز گۈزەلسەن نورۇز، ئۇيغۇر كۈلسە جۆر بولۇپ تەڭ كۈلەرسەن نورۇز. مىكروفۇن ئالدىدا : تىلسىم ، ئاي بەرگى قىتىۋىلىش ئەھۋالى كۆرۈلسە چۈشۈرۈپ ئاڭلاڭ : چۈشۈرۈش بىز مەخسۇس ئاۋاز ئىلىش ئۆيىدە ئاۋازغا ئالالمىدۇق ،  ئىككىمىزنىڭ ئارلىقى يىراق بولغانلىقى ئۈچۈن مۇڭداشقۇدا ئالدۇق ، شۇڭا بەزى يىتەرسىزلىكلەردىن خالى بولالماسلىقىمىز مۇمكىن ،  بارلىق مۇنبەرداشلارنىڭ تەنقىدى پىكىر بىرىشىنى چىن دىلىمىزدىن ئۈمۈت قىلىمىز. ئوقۇغۇچى ئاۋازلىق ئەسەر ئىشلەش گۇرۇپپىسى

باھالاش

قاتناشقانلار سانى 1	شۆھرەت +10	بايلىق +10	تۆھپە +10	يىغىش سەۋەبى
گۈلگۈن	+ 10	+ 10	+ 10	قالتىس!

باھا خاتىرىسى