دۇنيادا بىر ساڭا تارتىشقىنىم راس

دۇنيادا بىر ساڭا تارتىشقىنىم راس

     نۇرئەلى مەمەت كۆكلەم

تۇنجى رەت كۆرۈپلا ئىشقى-ئوتۇڭدا،
ئاھ ئۇرۇپ يىلاندەك تولغاشقىنىم راس.
ساڭىلا ئاتىغاچ بارچە سۆيگۈمنى ،
دۇنيادا بىر ساڭا تارتىشقىنىم راس.

يۈرەكلەر تۇتاشقاچ ئاشۇ ئاخشامدا،
سېنىلا كۈيلىگەچ ئىيتقان ناخشامدا.
سۆيگىمىز ھىجرانى تامغاچ ئاق شامدا،
دۇنيادا بىر ساڭا تارتىشقىنىم راست.

يۈرەككە پەقەتلا ئۆزۈڭ ئورنىغاچ،
سېنىڭدىن ئۆزگىگە كۆڭلۈم بولمىغاچ.
يۈرەكنى ۋىسالىڭ ھەردەم قىينىغاچ،
دۇنيادا بىرساڭا تارتىشقىنىم راست.

ھىچكىمنى ئەزىزەم سەندەك سۆيمىگەچ،
ئىشقىدا ھىچقاچان بىر رەت كۆيمىگەچ.
سېنىڭدىن ئۆزگىگە يۈرەك كۆنمىگەچ،
دۇنيادا بىر ساڭا تارتىشقىنىم راست.

بىلمىسەڭ سۆيگۈمنى ھىچقىسى يوق دەپ،
ھەرقانداق ئىنساندىن يۈرەتتىم كۈنلەپ.
ھەر كۈنى كەچكىچە يار غىمىڭنى يەپ،
دۇنيادا بىرساڭا تارتىشقىنىم راست.

بىرسېنى ئۆمۈرلۈك بەختىم دەپ بىلىپ،
ئىشقىڭدا يۈرەكنى توختىماي تىلىپ.
ئايرىلسام سېنىڭدىن كۆزگە ياش ئىلىپ،
دۇنيادا بىرساڭا تارتىشقىنىم راست.

ئىشقىمدىن بىر ساڭا گۈل دەستە تىزىپ،
تامچىغان قېنىمدا ئىسمىڭنى يىزىپ.
قالساممۇ بىركۈنى ئەقلىمدىن ئىزىپ،
دۇنيادا بىر ساڭا تارتىشقىنىم راست.

كەتسەڭمۇ يىنىمدىن كەتمەي يېنىڭدىن،
كەچسەڭمۇ مىنىڭدىن كەچمەي سېنىڭدىن،
بىلمىسەڭ سۆيگۈمنى ھەتتا شۇنىڭدىن،
دۇنيادا بىر ساڭا تارتىشقىنىم راست.

2016.يىل3.ئاينىڭ20.كۈنى
        
         ئۈرۈمچى