كۆرۈش: 243|ئىنكاس: 2

چىن دوستلۇق-روھىي ئوزۇق

“”

111 تېما	262 يازما	3085 جۇغلانما

سىنىپ مۇدىرى

ئەزا ئۇچۇرى

تىزىم نومۇرى: 340

يازما سانى:

262

تىللا:

2429

تۆھپە:

132

جەۋھەر يازما:

4

توردا:

199 سائەت

ئاخىرقى:

2016-11-21

ئۇچۇر

لىفىت

ساھىبخان

ۋاقتى: 2016-3-5 11:09:49 | ئايرىم كۆرۈش ئىنكاس مۇكاپاتى

|تەتۈر تىزىش |كۆرۈش شەكلى

                                                   چىن دوستلۇق-روھىي ئوزۇق
      دوستلۇق كىشىلىك تۇرمۇش مۇساپىسىدە مەنىۋىي ئوزۇق ھىسابلىنىدۇ. ئۇنىڭ ئىجتىمائىي مۇناسىۋەت، كىشىلىك ئالاقە داۋامىدا مەلۇم تەسىرى ۋە تۈرتكىلىك رولى بار. دوستلىرىمىز بىز ئۈچۈن يەنە بىر ھاياتتۇر. ئۇ يەنە ئۆز نۆۋىتىدە بىرخىل كۈچ ھەم ئىلھام ھىسابلىنىدۇ. دوستسىز كىشىلىك تۇرمۇش چۆل جەزىرىگە ئوخشايدۇ. ئۇنىڭ بوران-چاپقۇنى كۈچلۈك، سوغوقى ئاچچىق بولىدۇ. بىز ئىجتىمائىي ئالاقە جەريانىدا دوستلىرىمىز بىلەن بىللە ياشايمىز، ئېقىمىز كىلىشمەيدىغانلار بىلەنمۇ ھەمراھ بولۇشۇپ ئۆتىمىز. بۇ ھاياتلىق مۇساپىمىزدە قېچىپ قۇتۇلغىلى بولمايدىغان ھەقىقەت.
      ھاياتلىق مۇساپىمىزدە كۆڭۈلدىكىدەك دوست تۇتۇش ئىنتاين مۇھىم ھەم قىيىن. بىز ئۆزىمىزنى زىرەك تۇتۇپ، سۆز-ھەرىكەتتە سىپايە بولۇپ، ھەرخىل ئىشلارغا، ئەتراپىمىزدىكى كىشىلەرگە دوستانە مۇئامىلىدە بولالىغىنىمىزدا، ھالقىلىق پەيتتە ساداقىتىمىزنى نامايەن قىلىپ، ئاكتىپ پوزىتسىيە تۇتۇپ، ئاقىلانە يەكۈن چىقىرالىغىنىمىزدا، ياخشى دوست، ھەقىقىي سىرداش تاپالىغان بولىمىز.
      سىرداش دوست ئۆز نۆۋىتىدە يېتەكچىمىز ھىسابلىنىدۇ. ئۇ بىزنى ئۆگىنىش، خىزمەت، تۇرمۇش، ئىجتىمائىي مۇناسىۋەت، ئىقتىسادىي ئۈنۈم ئىشلىرىدا داغدام يولغا، يورۇق نىشانغا باشلىيالايدۇ، پۇرسەتكە ئېرىشتۈرىدۇ ۋە مۇۋەپپەقىيەت دۇلدۇلىغا يۈگەن سېلىشىمىز ئۈچۈن ئىلھام بېرىدۇ، مەدەت قىلىدۇ، كۆڭلىمىز پەرىشان بولغىنىدا روھىي يۈلەك ھەم ئۈنۈملۈك تەسەللە بولالايدۇ. دوستىمىزنى ئەزىزلىسەك ئىززەت تاپىمىز، ساداقىتىمىزدىن تەۋرەنمىسەك ھۆرمەت تاپىمىز.
      لېكىن دوستلىرىمىزنىڭ ھەممىسى ئۇنداق ئاقىللاردىن بولۇپ كېتەلىشى، ھەممىسىنىڭ پىكرى بىر يەردىن چىقالايدىغان، قىزىقىشى، دۇنيا قارىشى ئوخشاش بولۇشى ناتايىن. ئەمما، بىز ئۇلارنىڭ تۈرلۈك ياكى ئانچىكى نۇقسانلىرىغا ، دىتسىز تەرەپلىرىگە، پات-پات سادىر قىلىپ قويىدىغان سەۋەنلىكلىرىگە ئېسىلىۋالماي، مۇناسىۋەتتىكى نورماللىق، ئىزچىللىقنى ساقلاپ قېلىشىمىز، كۆرۈشكەندە ئۇلارنىڭ پىسخىكىسى بۇيىچە قىزىقىدىغان مۇنازىرە تىمىسى، كۆڭۈل بۆلىدىغان پائالىيەتلىرى، بېرىلىپ قىلىۋاتقان ئىشى، ئۈمىد قىلىدىغان تەرەپلىرىنى بىلىپ شۇ بۇيىچە پىكىرلىشىشىمىز زۆرۈر.
      چىن دوستلۇق روھىي ئوزۇق. چىن دوستلۇق بىزگە ھاياتنىڭ نەقەدەر گۈزەللىكىنى ھېس قىلدۇرىدۇ. بىز ئەزىزلەيدىغان، بىزنى ئەزىزلەيدىغان كىشىلەرنىڭ،  ھەقىقىي دوست، قىيامەتلىك ئاغىنىلەرنىڭ كۆپ بولۇشى تۇرمۇشقا بولغان مۇھەببىتىمىزنى، كەلگۈسىگە بولغان ئىشەنچىمىزنى، ئۆزىمىزگە بولغان چۈشىنىش، ئېتىراپ قىلىش تۇيغۇمىزنى تېخىمۇ كۈچەيتىدۇ.
                                                "شىنجاڭ ياشانغانلار گېزىتى" دىن ئېلىندى

بۇ يازمىنى يىقىندا زىيارەت قىلغانلار : كۆرۈنىشى باش رەسىم ھالىتى تىزىملىك ھالىتى