كۆرۈش: 572|ئىنكاس: 2

ئىس كەتكەن خىياللار ...

“”

51 تېما	135 يازما	1618 جۇغلانما

مۇنبەر شاھزادىسى

ئەزا ئۇچۇرى

تىزىم نومۇرى: 54

يازما سانى:

135

تىللا:

1304

تۆھپە:

43

جەۋھەر يازما:

2

توردا:

43 سائەت

ئاخىرقى:

2015-10-28

ئۇچۇر

لىفىت

ساھىبخان

ۋاقتى: 2013-10-26 07:35:30 | ئايرىم كۆرۈش ئىنكاس مۇكاپاتى

|تەتۈر تىزىش |كۆرۈش شەكلى

ئىس كەتكەن خىياللار ...

قاراخان

كۆك ئاسمان سەتھىدە مەغرۇر لەپىلدەپ،

تۇرىدۇ ئۆلكەمنىڭ زەپەر بايرىقى.

تۇغۇلغان يېرىمدە ئۆستۈم ئەركىلەپ،

تەگمىدى ياتلارنىڭ ھارام تايىقى.

كىملىكتىن بالقىدى تۇيغۇمدا  شەرەپ،

ۋەتەننىڭ پېقىرغا تەگدى مايىقى.

ھەقىقەت تىلىمەس مېھرىبانلىق بەس ،

ئادالەت قول سوزار ماڭا ھەسسىلەپ.

يولۇمدا رىسقىم بار بۇلۇڭدا ئەمەس،

يۈرمىدىم مەنزىلدە روھسىز تەمتىرەپ.

غېمىنى ئەلنىڭ ئەر دەيدۇ كىم يىمەس،

چۈشتىمۇ  ئېلىمدىن ياتسام ئەنسىرەپ.

غۇلىسا تۈگەشتى دەپتۇمىش بىراۋ،

ئادەملەر كەتتىمۇ شۇنچە ئەسكىرەپ.

باقمىسام رايىغا دەپتۇمىش ئاساۋ،

ئالەمنى دىتسىزلار كەتتى پەنجىلەپ.

يوقمىكىن ئىنساننى ئىنساندەك ئاياۋ،

روھىممۇ قەيسەركەن كەتمىدى جۈدەپ!

تاردىن مەن كېڭەيمەي،كەڭدىن تارايدىم،

تاش كۆۋرۈك بولغاننى بۇزالماس سەلەپ.

چىراقسىز قالغاندا تۈنگە ئالايدىم،

كۈنگە يا  قويمىدىم ئالەمچە تەلەپ.

مەن ئەلگە ،ۋەتەنگە تۇغما مالايدىم،

ئەقىلگە خۇن تۆلەپ بولدۇمغۇ بىزەپ.

ئەجەلنىڭ ئىشىكى ھەممىگە ئوچۇق،

ئۆلۈمنى سېغىنىپ يۈردۈم  ئۆمىلەپ.

يوق بولدى تەڭرىدىن ئۆلۈشكە بۇيرۇق،

نۇقساننى ئۆزۈمگە قويدى دۆۋىلەپ.

ئاچمىسا تەلىيىم ماڭا بىر يوچۇق،

قالاتتى بۇ چوقام ھالسىز چۆرگىلەپ.

مۇزدەككەن مۇڭ نىمە بىلمىگەن يۈرەك،

تەشنالىق تۇمشۇقتىن چىقتى يېتىلەپ.

بولدۇممەن شۇندىلا ئۈمۈدكە كۆيەك،

ئۆتتى كۈن ئۇيقۇسىز كېچە-كېچىلەپ.

ئەتراپتا كۆپ ئىكەن مېنىڭدىن زېرەك،

زېرەككە باقتىمدە قالدىم مىۋىلەپ.

دۈملىنىپ بەك ئۇزاق يېتىپتۇ خىيال،

مېنى دەم يىگۈزگەن قالغاچقا ئەسنەپ.

تۇۋاقنى ئېچىشقا نەدىدۇر ئامال،

ئوتقا سۇ چېچىلىپ تۇرسىمۇ پەسلەپ.

قايناشنىڭ پەيتىنى تاپماقلىق كامال،

بىلسەم ئىس كېتەمدۇ خىيالغا دەسلەپ!

چاپقاننىڭ ھەممىسى چەۋەنداز ئەمەس،

كەينىدە قالمىدىم توپتا تەمتىلەپ.

ئادەم ئۇ ئانىسىز، ئەجەلسىز ئەمەس،

ۋەتەن دەل ئانامدۇر تۇرغان پەپىلەپ،

قېلىپقا سالسىمۇ تەتۈر تۈزۈلمەس،

ئانىدىن ئوڭ تۇغۇل دەيمەن جېكىلەپ!

2013-يىلى 26-ئۆكتەبىر

بۇ يازمىنى يىقىندا زىيارەت قىلغانلار : كۆرۈنىشى باش رەسىم ھالىتى تىزىملىك ھالىتى

ساقلاش0 ھەمبەھر قېزىلما0 قوللاش0 قارشى0 ئۈندىدارغا

ئىنكاس

جابدۇق پاش قىلىش

ئۇدۇن

“”

94 تېما	341 يازما	3808 جۇغلانما

مۇنبەر شاھزادىسى

ئەزا ئۇچۇرى

تىزىم نومۇرى: 5

يازما سانى:

341

تىللا:

2592

تۆھپە:

270

جەۋھەر يازما:

7

توردا:

81 سائەت

ئاخىرقى:

2017-4-2

ئۇچۇر

دېۋان

ۋاقتى: 2013-10-26 10:13:11 يانفوندا يوللانغان | ئايرىم كۆرۈش

ھىكمەتلەرگە تويۇنغان ھاياتلىق ئىزتىراپلىرى بوپتۇ...قىسقىسى،بۇ«ئىس كەتكەن خىياللار»بولماستىن ھەر بىر ئەركەكنىڭ ۋۇجۇدىنى ئوت ئالدۇرىدىغان ئىزگۈ خىياللار ئىكەن. قەلىمىڭىز،ئىلھامىڭىز تالمىسۇن،ھارمىسۇن بۇرادەر.