كۆرۈش: 314|ئىنكاس: 5

تاماق سۇنۇش

“”

7 تېما	124 يازما	1899 جۇغلانما

سىنىپ مۇدىرى

ئەزا ئۇچۇرى

تىزىم نومۇرى: 202

يازما سانى:

124

تىللا:

1367

تۆھپە:

130

جەۋھەر يازما:

4

توردا:

90 سائەت

ئاخىرقى:

2015-12-31

ئۇچۇر

لىفىت

ساھىبخان

ۋاقتى: 2015-1-10 18:19:59 | ئايرىم كۆرۈش ئىنكاس مۇكاپاتى

|تەتۈر تىزىش |كۆرۈش شەكلى

‏تاماق سۇنۇش

                                          (ھېكايە)

                                          ئېلى ياسىن‏

‏    مۇختەر ئۆيگە قايتىپ كەلگەندە ھويلىغا قويۇلغان كارىۋات ئۈستىدە بىر قاچا ئۇماچنىڭ ئۇيۇپ قالغان ھالدا تۇرغانلىقىنى كۆرۈپ ئايالىدىن سورىدى:
ـــ ‏خوتۇن،چۈشلۈك تاماققا ئۇماچ ئەتتىڭلىما؟
‏ــ ۋاي ياق، بۇنى مەن ئەتمىدىم قوشنىمىز ئەكىرىپتۇ،-دېدى ئايالى قاچىدىكى ئۇماچقا قاراپ ياراتمىغاندەك قاپىقىنى دومسايتىپ.
‏ــ ئەمىسە ئىچىۋەتمەي بۇ يەرگە قويۇپ قويۇپسىلىغۇ؟
‏  ــ ۋاي،ئىچكىڭلا كەلگەن بولسا ئۆزۈڭلا بى ئىچىۋېتىڭلا !دائىم خوشۇم يوق تاماقنى سۇنغان،بۇندىن كېيىن تاماق سونغۇچى بولسام...
‏  ــ ئۇماچ بولسا نىمە بوپتۇ؟ كۈندە لەغمەن، پولۇ يەۋەرمەي ئۇماچنىمۇ ئىچىپ قويغۇلۇق، مەن ئۇماچقا ئامىراق. مەن ئىچىۋىتەي.
‏مۇختەر شۇنداق دەپ ھېلىقى ئۇماچنى قولىغا ئېلىپ ئىچكىلى تۇردى.
‏ـــ بۇ ھېلىمخان يا تاماق سونماي تۇرمىغان، سۇنغاندىكىن يا ئېغىزغا تېتىغۇدەك تاماق سۇنمىغان...سەت تۇرسىمۇ مەيلى بۇندىن كېيىن باللىدىن قاچىسىنى قۇرۇق چىقارتىمەن...
   مۇختەرنىڭ ئائىلىسى بۇ يەرگە كۆچۈپ كەلگەندىن كېيىن ئائىلە ئەھۋالى نامرات بولغان ھېلىمخان ئۇلارغا دائىم تاماق سۇنۇپ تۇراتتى، شۇنىڭ بىلەن مۇختەرنىڭ ئايالىمۇ تاماق سۇنۇپ تورىدىغان بولدى، لېكىن ئۇ ھېلىمخان سونغان تاماقلارنى ياراتمايىتتى، تېخى بەزىدە تۆكۈۋېتەتتى، شۇڭا بۈگۈن ئەكىرگەن ئۇماچنى كۆرۈپ ئۇ ھېلىمخانغا تاماق سۇنماسلىق قارارىغا كەلگەنىدى.
‏ شۇندىن كېيىن ھېلىمخان سونغان تاماق قاچىلىرى بۇ ئۆيگە يىغىلىپ قالدى، ئۈچ-تۆت قاچا يىغىلىپ قالغاندا ھېلىمخاننىڭ نەۋرە قىزى كىرەتتى:
ـــ ‏چوڭ ئانام قاچىلارنى ئاچىق دېگەنتى.
‏  ــ ھە،نەچچە كۈن بولدى، سالامەتلىكىم ياخشى ئەمەس، تاماق ئېتەلمىدىم چوڭ ئانىڭىزغا دەپ قويۇڭ...ــ مۇختەرنىڭ ئايالى شۇنداق گەپلەر بىلەن قاچىلارنى قۇرۇق تۇتقۇزۇپ قۇياتتى. شۇنداق قىلىپ بىر مەزگىل ئۆتتى. ھېلىمخان پۇل تېپىش ئۈچۈن سىرىتقا پاختا تەرگىلى چىقىپ كەتكەچكە تاماق سونۇش بىر مەزگىل توختاپ قالدى. «ھەنىم بولسا چىقىپ كەتتى بۇ خوتۇن»دەپ ئويلىدى مۇختەرنىڭ ئايالى ئىچىدە. ئۇزاق قالماي ھېلىمخان قايتىپ كېلىپ يەنە بۇرۇنقىدەك بۇ ئۆيگە تاماق سونۇپ تۇردى. بەزىدە تاماق سۇنغىلى كىرگەندە ھېلىمخان قورۇق باسقان يۈزىگە تەبەسسۇم يۈگۈرتۈپ:
‏  ـــ قىزىم، ئۆيدە گۆش تۈگەپ كېتىپ بۇ تاماق ئوخشىماي قالدى، شۇنداق بولسىمۇ زاڭلىق قىلماڭ-ھە،-دەيىتتى.
‏ مۇختەرنىڭ ئايالى ئاغىرىپ قېلىپ دوختۇرخانىدا بىر مەزگىل يېتىپ چىقتى. ئۇ ئۆيگە كەلگەندىن كېيىن خېلى بىر چاغقىچە ھېلىمخاننىڭ ئۆيىدىن تاماق كىرمىدى.
‏ــ ئاخىرى تاماق ئەكىرىۋېرىپ ھېرىپ قاپتۇ-دە بۇ خوتۇن،-دېدى بىر كۈنى يولدىشىغا
ــ ‏ھېلىمخاننى دەمسەن؟-دېدى مۇختەر.
ـــ ‏ھە،شۇ بولماي كىم بۇلاتتى ئەمىسە؟
‏ ــ ھە راست، ھېلىمخان سەن دوختۇرخانىدا ياتقان ۋاقتىڭدا ماڭا، ۋە بالىلارغا تاماق سونۇپ ھالىمىزدىن كۆپ خەۋەر ئالغان، ئەتتىگەن ئاڭلىسام بىچارە ئايال كىسەل بولۇپ ئۈچ كۈن ئىلگىرى تۈگەپ كېتىپتۇ. سەن بىلەن مەن چوڭ ئۆيىگە كېتىپ بۇ خەۋەرنى ئاڭلىماي قاپتىمىز....
‏ مۇختەرنىڭ ئايالى بۇ گەپنى ئاڭلاپ نىمە دېيىشنى بىلەلمەي گاڭگىراپ تورۇپ قالدى. ئۇ دوختۇرخانىدا ياتقاندا ھېلىمخان ئۇنىڭغا شورپا ئاپىرىپ يوقلىغانىدى، شۇ ۋاقىتتىمۇ ئۇنىڭغا چىراي ئاچمىغانلىقى ئىسىگە كېلىپ قاتتىق پۇشايمان قىلدى. ئەر-خوتۇن ئىككەيلەن تەكچىدە دەستىلەكلىك تۇرغان تاماق قاچىلىرىغا تىكىلىپ قاراپ قېلىشتى، مۇختەرنىڭ ئايالى ھۆڭرەپ يىغلىغىنىچە ئۆي ئىچىگە ئۆزىنى ئېتىپ ئىشىكنى گۈپ قىلىپ ياپتى...

‏ئىلاۋھە:مەزكۇر ھېكايە«ئاسىيا كېندىكى»گېزىتىنىڭ 7-نۇيابىر سانىدا ئىلان قىلىنغان

بۇ يازمىنى يىقىندا زىيارەت قىلغانلار : كۆرۈنىشى باش رەسىم ھالىتى تىزىملىك ھالىتى