بۇ يازمىنى ئاخىرىدا مەرىپەت-ئوغلى تەھرىرلىگەن. ۋاقتى 2015-10-24 08:39
قوش جىنازا
ھېكايە
مۇھەممەد ئابدۇللا نۇر مۇھەممەد سەبىي
ئايگۈلخان ھەدە ئۆيگە كىرىپ تۇرۇشىغا دەرۋازا چىكىلدى. ئايگۈلخان ھەدە چىقىپ دەرۋازىنى ئاچتى.دەرۋازا ئالدىدا قوشنىسىنىڭ ئوغلى سادىق تۇراتتى.
_ ھە، سەنمىدىڭ ئوغلۇم، قېنى، ئۆيگە كىر. _ ئايگۈلخان ھەدە ئۇنى ئۆيگە تەكلىپ قىلدى.
_ ئايگۈلخان ھەدە، مۇنداق ئىشتى. _سادىق ھويلىغا كىرىپ توختاپ تىلىنى چايناپ تۇرۇپ قالدى.
_ دەۋەر ئوغلۇم، نىمە ئىشتى؟
_ باياتىن سىز بازارغا چىقىپ كەتكەن ۋاقىتتا سىزنى ئىزدەپ… _ سادىق يەنە توختاپ قالدى.
_ ئوغلۇم، سەن ئەزەلدىن تىلىڭنى چاينىمايتتىڭغۇ، دىگىنە، زادى نىمە ئىش بولدى؟ ( قانداق قىلسام بولار، ئايگۈلخان ھەدەمنىڭ يۈرەك كىسىلى بار ئىدى. ئەگەر دەۋەرسەم ئۇ بۇ زەربىگە بەرداشلىق بىرەلمەي كىسىلى قوزغىىلىپ قالسا؟ ئەمما ئابدۇشۈكۈرگە كەلگەن كەلگۈلۈك؟ )ئەنە شۇلارنى ئويلىغان سادىق نىمە قىلارىنى بىلمەي قالدى.
_ قېنىم ئوغلۇم ، نىمە ئىش بولسا دەۋەرگىنە، ئادەمنى تەقەززا قىلماي…
_ باياتىن سىزنى ساقچىخانىدىكىلەر ئىزدەپ كەپتىكەن.
_ نىمە، ئابدۇشۈكۈرگە بىرەر ئىش بوپتىما؟
_ ياق، ئۇلار سىزنى بىر كىلىپ كەتسۇن دىگەن. _ دىدى سادىق.
_ ھە ماقۇل ئوغلۇم، مەن بېرىپ كىلەي. _ دىدى ئايگۈلخان ھەدە ھەم ئانچە ئەنسىرەپ كەتمىدى.
چۈنكى ئۇنىڭ ئوغلى ئابدۇشۈكۈر خروئىنغا كۆنۈپ قالغاچقا ساقچىلار ئۇنى تۇتۇپ تۇرۇش ئورنىغا ئاپىرىپ قويغان ئىدى.
سادىق تېخىچە چىقىپ كەتمەي قاراپ تۇراتتى.
_ سادىق ئوغلۇم، ساڭا بۈگۈن زادى نىمە ئىش بولدى، خىيالغا چۆكۈپ تۇرۇپ قاپسەنغۇ؟
_ ھە، ماڭا ھېچ ئىش بولمىدى. مەن چىقاي.
_ ھە ماقۇل ئوغلۇم. ئۇزاتمىدىم ئەمىسە. _ ئايگۈلخان ھەدە شۇنداق دىگەچ ئۆيىگە كىرىپ كەتتى.
سادىق دەرۋازا ئالدىغا چىقىشىغا ئۇنىڭ ئاكىسى ئۇنىڭدىن سورىدى:
_ قانداق بولدى، دىدىڭمۇ؟
_ ياق، دىيەلمىدىم.
_ نىمىشقا؟
_ ئابدۇشۈكۈر ئۆلۈپ كەتكەن تۇرسا قانداق دىيەلەيمەن. يا بۇ ئادەتتىكى ئىش بولمىسا…
_ ئاستىراق گەپقىل ، ئايگۈلخان ھەدەم ئاڭلاپ قالمىسۇن يەنە. ھە راست، دادام ساقچىخانىغا كەتكەن.
بىزمۇ بېرىپ باقامدۇق، قانداق بولدىكىن؟
_ بولىدۇ، بېرىپ باقايلى.
باياتىن ئۆي ئىچىگە ماڭغان ئايگۈلخان ھەدە سادىقنىڭ تىل چايناشلىرىدىن بىر نەرسىنى ھىس قىلىپ ئۇنىڭ كەينىدىن چىققان ئىدى. ئۇ ئىشىكنىڭ كەينىدە تۇرۇپ سادىق ئاكا _ ئۇكا دىيىشكەن سۆزلەرنىڭ ھەممىسىنى ئاڭلاپ قالدى دە سادىق ئاكا _ ئۇكا كىتىشىگە كىسىلى قوزغىلىپ كۆكسىنى تۇتقىنىچە تۇرغان ئورنىغىلا يىقىلدى.
كىيىن مەلۇم بولۇشىچە، ئابدۇشۈكۈر خىروئىننىڭ خۇمارىغا چىداپ تۇرالماي تۇتۇپ تۇرۇش ئورنىدىكى ساقچىلار سىرتقا ئەمگەككە ئېلىپ چىققاندا ساقچىلارنىڭ كۆزىدىن غىپلا قىلىپ قېچىپ چىققان ۋە چىقىپلا يەنە بىر بەڭگى دوستىنىڭ ئۆيىگە بېرىپ خروئىننى ئوكۇل قىلىپ
كۆپ ئۇرۇۋەتكەچكە قېتىپ قالغان ئىدى.
ئايگۈلخان ھەدىمۇ دەرۋازىسى تۈۋىدىلا نەپەستىن قالغان بولۇپ مانا بۈگۈن ئانا _ بالا ئىككىسىنىڭ نامىزى بىللە ئوقۇلدى.
ئۇرۇق _ تۇققانلار، قولۇم _ قوشنىلار ۋە نامازغا كەلگەن جامائەت ئايگۈلخان ھەدىنىڭ تەقدىرىگە قايغۇرسا، ئابدۇشۈكۈرگە لەنەت ئوقۇيتتى. ھەتتا سېخىي تەبىئەتمۇ ئايگۈلخان ھەدىنىڭ بالا دەردىدە ياش تۇرۇپ قازا قىلغىنىغا ئېچىغاندەك چىرايى تۇتۇلۇپ كەتكەن ئىدى.
( يامغۇر ياغامدۇ نىمە؟ ) نامازغا كەلگەن جامائەت ئاستاغىنە پىچىرلىشاتتى.....
| 
بايلىق
شۆھرەت
ۋاقتى: 2015-10-24 00:16:36
ساقلاش
ھەمبەھر
قېزىلما
قوللاش
قارشى
ۋاقتى: 2015-10-26 16:36:47