بۇ يازمىنى ئاخىرىدا ئاتىكەم تەھرىرلىگەن. ۋاقتى 2016-3-11 19:06
بېسىمنى تۈگىتىشتىكى 20 خىل ئۇسۇل
1. ھەر قانچە ئازابلىق ئىش بولسىمۇ، ئۇ ئۆمۈرۋايەت داۋاملاشمايدۇ، شۇڭا ھەرگىز بىئارام بولماڭ.
2. ئىلگىرىكى ئازابلىق كەچۈرمىشلىرىڭىزنى، ئەينى چاغدا قانداق قىلىپ قايتىدىن قەد كۆتۈرگىنىڭىزنى ھەمدە كېيىنكى كۆڭۈللۈك كۈنلەرنى ئويلاپ، بۇ قېتىممۇ ئوخشاشلا تىنچ-ئامان ئۆتۈپ كېتىدىغانلىقىڭىزغا ئىشىنىڭ.
3. ئۆزىڭىزگە «بۇ دېگەن كىشىلىك ھايات، كۆپچىلىكنىڭ ھەممىسى تىرىشىۋاتىدۇ» دېيىشىڭىز كېرەك.
4. كۈندىلىك خاتىرە يېزىڭ. ئۆزىڭىزنى ئازادە تۇتۇپ، كۆڭلىڭىزدە ساقلىغانلىرىڭىزنى تولۇق خاتىرلەپ كەيپىياتىڭىزنى تەڭشەڭ.
5. بارلىق ئىشلارنى بىر چەتكە قايرىپ قويۇپ تازا قانغۇچە ئۇخلاڭ. ئويغانغاندىن كېيىن كەيپىياتىڭىز چوقۇم ياخشىلىنىپ قالىدۇ.
6. بەزى يۇمۇرلۇق، ھەجۋى رەسىملەر توپلىمى، كىتابلار ياكى كومېدىيەلىك فىلىمدىن بىرنى پۈتۈن زېھنىڭىز بىلەن كۆرۈپ چىقىڭ. كۈلكە بارلىق كۆڭۈلسىز ئىشلىرىڭىزنى ئۇنتۇلدۇرىدۇ.
7. ئىسسىق سۇدا يۇيۇنۇڭ، بۇمۇ كەيپىياتىڭىزنى ياخشىلاشتىكى بىر ياخشى ئۇسۇل.
8. چېنىقىش مەركىزى ياكى ھۆسىن تۈزەش ئورۇنلىرىغا بېرىپ كەسپىي ئۇۋۇلاشتىن بەھرىمان بولۇپ، پۈتۈن بەدىنىڭىزنى تەلتۆكۈس بوشاشتۇرۇڭ.
9. بالكوندىن پايدىلىنىپ، باغۋەنچىلىك ھوزۇرىدىن بەھرىمان بولۇڭ. ھەر بىر تەشتەكتىكى گۈلگە نام بېرىڭ. ھەر بىر تال يۇپۇرماقنى كۆڭۈل قويۇپ سۈرتۈڭ. پۈتۈن زېھنىڭىز بىلەن ئۆسۈملۈكلەردىن خەۋەر ئېلىڭ.
10. سەھەر تۇرۇپ باغچا ياكى دەرەخزارلىقتىن ئىبارەت يېشىللىققا پۈركەنگەن جايلارغا بېرىپ سەيلە قىلىڭ.
11. ئەتىۋارلىنىش ھېسسىياتىدىن بەھىرىمان بولۇڭ. ئادەم چىرايلىق بولغانسېرى كەيپىياتىمۇ شۇنىڭغا ئەگىشىپ ياخشىلىنىدۇ.
12. پۇتىڭىزنى ئىسسىق سۇغا چىلاپ راھەتلىنىڭ. ئاسان توڭلايدىغانلار بۇ ئۇسۇلنى قوللانسا ئەڭ مۇۋاپىق.
13. ئەڭ راھەت قىياپەتتە تۇرۇپ، قورساق بىلەن نەپەسلىنىڭ، بۇرۇن بىلەن كۈچەپ نەپەس ئېلىپ، ئاندىن ئېغىز بىلەن ئاستا -ئاستا نەپەس چىقىرىڭ. مۇشۇنداق تەكرار بىر نەچچە قېتىم نەپەسلەنگەندە، كەيپىياتمۇ تۇراقلىشىدۇ.
14. بەدەن چېنىقتۇرۇش ئەسۋابى بىلەن بويۇن، غول، بەل ھەمدە پۈتۈن بەدەننى كۈچەپ ھەرىكەتلەندۈرۈڭ.
15. دوستىڭىز ياكى كۆڭلىڭىز يېقىن بولغان بىرەسى بىلەن پاراڭ قىلىڭ.
16. مەقسەتسىز مېڭىڭ. نىشان بەلگىلەشنىڭ ئورنى يوق، كەيپىياتىڭىز تۇراقلىشىدۇ.
17. تەنھەرىكەت مۇسابىقىلىرىنى كۆرۈپ ئۆزىڭىزنى شۇنىڭغا سىڭدۈرۈڭ.
18. ناخشا ئېيتىڭ ياكى ناخشا ئاڭلاڭ.
19. ئۆزىڭىز ياخشى كۆرىدىغان يېمەكلىكلەرنى يېيىشتىن ھېيىقماڭ، كەيپىياتىڭىز ياخشىلانغۇچە يەڭ. ئورۇقلاۋاتقان بولسىڭىزمۇ ھېچقىسى يوق، ئۆزىڭىزگە بىر كۈن روخسەت بېرىڭ.
20. كەيپىياتىڭىز ناچار ۋاقتىدا، ئىلگىرى سېتىۋالماقچى بولۇپ سېتىۋالالمىغان كىيىم ياكى باشقا نەرسىلەرنى سېتىۋېلىپ ئۆزىڭىزگە: «داۋاملىق تىرىشقىن» دەپ تەسەللى سۈپىتىدە سوۋغا قىلىڭ.
مەنبە: خەۋەر تورى
| 
بايلىق
شۆھرەت
ۋاقتى: 2016-3-11 19:02:19
ساقلاش
ھەمبەھر
قېزىلما
قوللاش
قارشى
ۋاقتى: 2016-3-11 22:17:41
