كۆرۈش: 89|ئىنكاس: 3

ئۇپقۇن:كۆزلەر سۆزلەشسۇن

“”

59 تېما	569 يازما	1647 جۇغلانما

سىنىپ مۇدىرى

ئەزا ئۇچۇرى

تىزىم نومۇرى: 725

يازما سانى:

569

تىللا:

988

تۆھپە:

30

جەۋھەر يازما:

0

توردا:

163 سائەت

ئاخىرقى:

2017-3-5

ئۇچۇر

لىفىت

ساھىبخان

ۋاقتى: 2016-12-30 17:11:41 | ئايرىم كۆرۈش ئىنكاس مۇكاپاتى

|تەتۈر تىزىش |كۆرۈش شەكلى

كۆزلەر سۆزلەشسۇن

ئابلىكىم مۇھەممەت ئۇپقۇن

يارنىڭ لېۋى ئوتنىڭ رەڭگىدە

رەڭگى جاننى يايرىتار بىر پەس،
ھەۋەسلەرگە قىلىدۇ تۇتقۇن.
قىزىل گۈلدەك جۇلالىنىدۇ،
كۆزلىرىمدىن چاقنىتىپ ئۇچقۇن.

يارنىڭ لېۋى ئوتنىڭ رەڭگىدە،
كۆيدۈرىدۇ تۇيغۇلىرىمنى.
كاۋاپ بولدۇم لېۋىدە بۈگۈن،
ئاھ كىملەرگە ئوخشىتاي سېنى.

ئۇسما سۈيىدەك كۆكەرگەن ئاسمان،
خىيالىمنى قاچار ئوغۇرلاپ.
ھاياجاننىڭ بوستانلىرىدا،
ئوتقا ئوخشاش چەكتىم ئىزتىراپ.

يارنىڭ لېۋى ئوتنىڭ رەڭگىدە،
مەڭلىيىدە گويا تاڭ ئاتقان.
ئۈستى بېشى رەڭدەر چىمەنزار،
ئىزلىرىدىن رەيھان ئىچىلغان.

يارنىڭ لېۋى ئوتنىڭ رەڭگىدە،
ھارارىتى تارار يىراققا.
ئوت رەڭگىدە لېۋى بار شۇ قىز،
ئىشقى بىلەن ئالار قىيناققا.

كۆزلەر سۆزلەشسۇن

كەل نىگارىم جىمجىت جايغا كېتەيلى،
سىرىمىزنى بېرىپ قويۇپ سۈكۈتكە.
قۇل تۇتۇشۇپ مۇھەببەتكە كىرەيلى،
ئەتراپ تولسۇن ھاياجانلىق ئۈمىدكە.

ئايدىڭ كېچە يۇلتۇز ئاقار ئېچىمگە،
قار گۈللىرى توزىغاندا پەرىشان.
بىلدۈرمىدىم سەندىن باشقا ھىچكىمگە،
ئىشكىمنى چەكسە نەچچە زىمىستان.

ئىككى تەندە سۆزلەر كېرەك ئەمەستۇر،
ئۈنسىز-ئۈنسىز پىچىرلىشار كۆزىمىز.
لەۋ ئىزىغا توشۇپ كېتەر ھەربىر قۇر،
ئوت ياقسا گەر ئارمىنىمغا ئاشۇ قىز.

قويۇۋەتتىم مەيلىگە ھەم تۇيغۇمنى،
ئاشىقلىقىم بىلىنىدۇ كۆزۈمدىن.
رۇخسارىڭغا تېگىشەيمۇ ئۇيقۇمنى،
جىمى دەرتكە دەۋا ئىزدەپ ئۆزۈمدىن.

قاقشال لەۋ

ھەرۋاقت تىڭىرقاپ چۆكتۈم خىيالغا،
بېغىمغا زىمىستان چېللىغىنىڭ راس.
قاقشالدۇر لەۋلىرىم تەكلىماكاندەك،
قىينىما جىنىمنى بولدى دارغا ئاس.

كۆزۈمگە تەلمۈرۈپ باقسا بارخانلار،
تۇيغۇمدا بىر ئاپقۇر ھىجران قاينايدۇ.
قاقشالغا ئايلانسا جانسىز لەۋلىرىم،
يۈرىكىم بېغىشى ئوتنى چاينايدۇ.

ئۆتمۈشنىڭ تاغلىرى سالغاندا سايە،
قېنىمدا چاپىدۇ توختىماي ئاق ئات.
قاقشالغا ئايلانسا تاشلاندۇق لەۋلەر،
سېغىنىش كەپتەر بوپ قاقىدۇ قانات.

قولۇڭدىن تارىغان ئىللىق سېزىمدا،
ئىچىمدىن-ئىچىمگە قىلىمەن سەپەر.
قار كەبى توزىسا ساداقەت گۈلى،
ئاھ ئۈنسىز پىچىرلار شۇ قاقشال لەۋلەر.

ئاپتۇرى:بايىنغۇلىن كەسپى-تېخنىكا ئىنىستىتۇتى بىئوقۇرلۇش فاكۇلتېتى 2014-يىللىق چارۋا-مال دوختۇرلۇق سىنىپتا
ئالاقىلىشىش تېلېفۇن نومۇرى:18699681182

ئاتىكەم بۇ تېمىنى تەستىقلىغان، ۋاقتى: 2016-12-30 17:33

بۇ يازمىنى يىقىندا زىيارەت قىلغانلار : كۆرۈنىشى باش رەسىم ھالىتى تىزىملىك ھالىتى