ھېلقى ساۋاقدىشىم(پوۋىست)

        مەن يىغلىمىدىم،يىغلاش تۈگۈل يىغلاشنى خىيالىمغا ئەكىلىپمۇ سالمىدىم. ئۇنىڭدەك پەسكەش ئادەملەر ياش تۆكۈشۈمگە ئەرزىيتتىمۇ؟ ئەمما يۈرىكىم زەرداپقا توشۇپ كەتكەچكە قاتتىق ئېچىشىپ مېنى چىدىغۇسىز دەرجىدە بىئارام قىلدى. ئەگەردە يىغلىيالىغان بولسام ئېدىم،ئازاپلىرىم ئاشۇ ھەسرەتلىك ھۆركىرەشلەرگە،ئاچچىق كۆز ياشلارغا قوشۇلۇپ چىقىپ كەتكەن،ھېچ بولمىدى دېگەندىمۇ بىر ئاز يەڭگىللىگەن ،نەتىجىدە يۈرۈكۈممۇ بۇنچىلىك قىينىلىپ كەتمىگەن بولار ئىدى. ئەپسۇس...... مەندىكى قان-قېنىمغا سىڭىپ كەتكەن جاھىل خاراكتىر بۇنىڭغا قەتئىي يول قويمىدى.

      ياتاقداشلىرىمنىڭ ئەجەپلىنىپ قاراشلىرى،ھەرخىل سۇئاللارنى تاشلاشلىرىغا پەقەتلا «سۇنغان ئەينەكنى قايتىدىن ئەسلىگە كەلتۈرگىلى بولمايدۇ،يۈرىكىمنىڭ ئاشۇ سۇنۇپ چۇل-چۇل بولغان ئەينەكتىن قىلچىلىك پەرقى قالمىدى. يوقاتتىم، تۈگىدى.» دەپلا جاۋاپ قايتۇردۇم. گەپلىرىمدىن سەل ئىسكەنسېرىگەن نۇرزىيە ئىتتىكلا سوراپ قالدى:

      - ئاداش،ھەممە ئىش جايىدىدۇ؟ سالامەتتۇرسىز؟  - ئۇ شۇنچە يېپىپ دېگىنى بىلەنمۇ نېمىنى كۆزدە تۇتىۋاتقانلىقى كۆڭلۈمگە ئايان بولغاچقا ئاچچىق بىلەن ۋارقىرىدىم:

     -سىزنىڭچە قانداقتۇرمەن نۇرزىيە؟ نېمانچە تېتىقسىزلىشىپ كەتتىڭىز سىز؟  شۇنىمۇ گەپ دەپ قىلىۋاتامسىز ماڭا؟

     -بولدى،بولدى. –دېدى ئىززەت ئارىغا چۈشۈپ.-بەختىگۈلنىڭ قانداق قىزلىقىنى ھەممىمىز ئوبدان بىلىدىغان بولغاندىكىن ئۇنىڭدىن ئارتۇقچە گۇمانلارنى قىلىشنى قويۇپ ئۇنىڭغا ئازراق بولسىمۇتەسەللىي بولىدىغان گەپلەرنى قىلىشايلى. ياتاقداشلىرى تۇرۇپ بىز مۇشۇنداق دېگىلى تۇرساق باشقىلار نېمىلەرنى دېمەيدۇ؟ ئۇرۇشۇشنى قويۇپ،كۆڭۈللۈكرەك گەپلەرنى قىلىشايلى ،قانداق؟

-ئىززەت توغرا ئېيتىدۇ. بەختىگۈل ئۆز ئىشىغا پۇختا ، ئەقىللىق،ھۇشيار،چىچەن  قىز. ئۇنڭغا نىسبەتەن گۇمانى خىياللاردا  بولۇپ غەيرى گەپلەرنى قىلىش  ۋە سوراش ئۇچىغا چىققان  بىمەنىلىك . لىكىن  نۇرزىيەنىڭ ئۇنداق سوراپ قېلىشىنى خاتا دەپمۇ قارىمايمەن. چۈنكى بەخىتىگۈل «يوقاتتىم» دېدى ئەمەسمۇ؟ شۇڭا نۇرزىيەنىڭ  بۇ گەپنىڭ چوڭقۇر مەنىسىنى تەھلىل قىلىشقا ئۈلگۈرمەيلا ئاشۇنداق سوراپ قالغىنى ئېنىق. شۇڭا نۇرزىيەنىمۇ بەك ئەيىبلەپ كەتمەي،ھەممىمىز ئىتپاقلىشىپ،«ياتىقىمىزنىڭ بەختى»نىڭ روھىنى كۆتۈرۈشكە بىرلىكتە كۈچ چىقىرايلى! - دېدى ئارزىگۈل. ھەممەيلەن بۇنىڭغا بىردەك باش لىڭىشتىشىتى.

       ئۇلار مېنىڭ يىغلىۋېلىشىمنى ئۈمىد قىلدى،ھەم مېنى يىغلىۋالسۇن دەپ ئالايتەن ۋاقتىت چىقىرىپ كۆڭۈللۈك تاغ سەيلىسى پائالىيتى تەشكىللەشتى.دالا تامىقى قىلىشتى. بىراق ئۇلارنىڭ بۇ ئۇرۇنۇشلىرى ھە دېگەندىلا بىكارغا كەتتى. خۇددى مېنىڭ سەۋەبىمدىنلا بولغاندەك،ياتاقداشلىرىم قايتىدىن ئىناقلىشىپ كەتتى. مېنى پات-پات تاماقلارغا ئېلىپ چىقىپ ئوينىتىپ كېلىشتى. ياتاققا كۆتۈرۈپ كىرگەن نەرسىللىرىنىمۇ ئەڭ ئالدى بىلەن ماڭا تەڭلىشەتتى. بارا-بار كۆڭلۈم قايتىدىن ئىللىشقا قاراپ يۈزلەندى.كەيپىياتىم خىېلى ئىزىغا چۈشۈپ قالغان كۈنلەرنىڭ بىرىدە ياتاقداشلىرىم تۇيۇقسىزلا بۇ ئايرىلىشنىڭ سەۋەبىنى قايتا سوراپ تۇرىۋالدى:

      -بەخىتى ئاداش، زادى  نېمىشقا ئايرىلپ كەتتىڭلار؟قايسىڭلار باشتا ئايرىلىشنى ئوتتىرغا قويدۇڭلار؟ ئېيتىپ بىرىڭچۇ بىز بىر يات ئادەم بولمىغاندىكىن! ئەگەر يانا دىگىلى ئۇنىماي جىم تۇرۋالسىڭىز بىزنى ئۆز كۆرمەيدىكەن دەپ خاپا بولىمىز جۇمۇ!

      -ياخشىسى سورمىساڭلار بولاتتى.-دېدىم بىر خىل غەيرى ئاھاڭدا. –سىلەر سوراپ  تۇرىۋالغان بىلەنمۇ مېنىڭ سىلەرگە قانائەتلەنگىدەك جاۋاپ بېرىشىم ناتايىن. چۈنكى زاھىر ئۇ مەيلى قانداقلا ئادەم بولمىسۇن،مەن بۇرۇن چىن دىلىمدىن سۆيگەن كىشىدۇر. شۇڭا ئۇنىڭ  مېنىڭ نەزرىمدە  چۇل-چۇل بولۇپ كەتكەن سۆيۈملۈك ئوبرازىنىڭ بۇ ئايرىلىش بىلەن تەڭلا  باشقىلارنڭ قەلبىدىكى يۈكسەك ئورنىدىنمۇ بىراقلا غۇلاپ چۈشىشىنى خالىمايمەن. ئۇ يەنە ياششى ،باشقا قىزلار بىلەن بېرش-كىلىش قىلىشى،تۇرمۇشقا چىقىشى كېرەك. يەنە كېلىپ زاھىرنىڭ خاتالىقى سەۋەبلىك مۇھەببەتتىن ئازار يىگەن باشقا قىزلاردەك ۋاپاسىزلىق قىلغان سۆيگۈنىنى يىرىتىپ سۆكىدىغان ئەخمىقانە  ئىشنى قىلىش مېنىڭ خاراكتىرىمغاياتتۇر. چۈنكى مەن  ئۇنى سەتلەشتۈرگىنىمنىڭ ئۆزۈمنى سەتلەشتۈرگىنىمدىن،  ئۆزئىناۋىتىمنى ئۆزۈم يەرگە ئۇرغىنىمدىن قىلچىمۇ پەرقى يوق. ئەڭ ئاخىرقى ھېساپتا يەنىلا  ئۇنىڭ بىلەن بېرىش-كىلىش قىلغانلىقىم، بۇرۇن  ئۇنى سۆيگەنلىكىمدەك بۇ ھەقىقەتنى ھېچقانداق نەرسە ئۆزگەرتەلمەيدىغان بولغاندىكىن ئۇنىڭ پەسلىكىنى،ناچارلىقىنى داۋراڭ قىلىپ يۈرىشىم ئۇنىڭ بىلەن ئارلاشقان مەن بەختىخاننىڭمۇ ئۇنىڭدىن قېلىشقۇسىز ئىكەنلىكىمنى،دەل ئۇنىڭ خىلى ئىكەنلىكمنى ئىسپاتلايدۇ. شۇڭا ئۆز ئىناۋىتىمنى ساقلاش، ئۆزۈمدەك ياشاش ئۈچۈن ،ھەم ئۇنى بۇرۇن سۆيگەنلىكىم ، ھېلھەممۇ سۆيىدىغانلىقىم ئۈچۈن ئۇنى ئاياشنى ئەۋزەل كۆرىمەن.مەيلى ئۇ ياخشى بولسۇن ياكى يامان بولسۇن ۋە ياكى ماڭا قايسى دەرجىدە يامانلىق قىلغان بولسۇن، ئۇ يەنىلا مېنىڭ سۆيگۈنۈم، تۇنجى سۆيگۈنۈم. مەن سۆيگۈنىمنى ئايايمەن ھەم بۇسۆيگۈنى ، بۇ خىل ھىسياتنى قەدىرلەيمەن. شۇڭا سىلەردىن ئۆتىنىدىغىنىم مەندىن ئارتۇق گەپ سورىماڭلار. سىلەرگە شۇنداق دىيەلەيمەنكى،پۈتكۈل لەنجۇ تەۋەسىدە مېنىڭ سىلەردىن ئۆزگە يېقىنىم يوق. مېنىڭ يېقىن سىرداشلىرىم بولغان ئىكەنسىلەر مېنىڭ ھالىمغا يېتىڭلار.

      ياتاقداشلىرىمنىڭ يۈزلىرىگە كۈلكە يۈگۈرۈپ بىردىنلا جىمىپ قېلىشىتى. مەنمۇ بىر مەزگىل خېلى ئارامىمدا يۈردۈم.

        ئىززەت ۋە ھېلقى دوسىتلىرىنىڭ ھىجابى ئۇلارنىڭ خىېلى بازرىنى چىقاردى بولغاي تىزلا كۇرىسى ئېشىپ،مەكتەپتىكى كۆپ قىسىم ئوغۇللارنىڭ قوغلىشىش ئوبىكتى بولۇپ قالدى. بۇلارغا قاراپ كۆڭلۈمدە ئوغۇللار زادى بۇ قىزلارنىڭ ئەخىلاقى ياخشى دەپ كەينىدىن ماڭامدىغاندۇ ياكى ئاشۇ ئالى جاناپ كىيىمى ئىچىدىكى،گۈل بەرگى ئارسىدا جۇلالىنىپ تۇرغان مەرۋايىت دانىسىدەك چىرايلىق جامالىدىن ئېزىقىپ كېتىۋاتامدىغاندۇ؟ ۋە ياكى زاھىر ئېيىتقاندەك شاپاق قىزلارغا ئامراق بولغىنى ئۈچۈن...................» دەپ ئويلىدىم. بىردە تۇرۇپلا شۇنچىلىك چىرايلىق كەلگەن بۇ تۆت قىزنى دۇنياغا كەلتۈرگەن شۇ گۈزەل ئانىلارغا ھۆرمىتىم قوزغىلاتتىيۇ،يەنە بىردىنلا ئۇلارنىڭ شۇنچە چىرايلىق قىزلارنى تۇغۇپ قويغىنى بىلەن  ئۇيغۇر ئانىللىرىغا خاس ئىسىل تەربىيلەش ئۇسۇللىرى بىلەن تەربىيلەپ  گۈزەل پەزىلەتلىك قىزلاردىن قىلىپ يىتىشتۈرمىگەنلىكى،قىزلىرىنىڭ ھەربىر خۇلىقىدىن تىپىك  ئەخلاقلىق ئۇيغۇرقىزلىرىنىڭ سىماسىنى كۆرۈشنى ئىزدىمىگەنلىكىدىن شۇنداق يىرگىنىپ كېتەتتىم. شۇنچە گۈزەل تۆت قىزنىڭ ۋۇجۇدىغا ئەگەر گۈزەل ئەخلاقى پەزىلەت يىلتىز تارتالىغان بولسىدى نەقەدەر ئىسىل ئىش بولار ئىدى ھە؟!  بۇخىيالىم بىردىنلا ماڭا ئۆتمۈشۈمنى ئەسلىتىپ،يارا-يېغىرغا تۇشۇپ كەتكەن بىچارە يۈرۈكۈمنى زەرىپ بىلەن تاتلاپ، كۆزلىرىمدىن ھەسرەتلىك ياشلىرىمنى قۇيۇلدۇرۇپ ئۆتۈپ كەتتى.

      سارىن بىلەن جاينانىڭ بېشىمنى ئاغرىتىشلىرى يەتمىگەندەك ، تازا دەۋىر سۈرىۋاتقان ئىززەت بىر كۈنلەرگە كەلگەندە مېنى ھە دېسىلا زاھىر بىلەن يارىشىشقا دەۋەت قىلىدىغان بولۇپ قالدى. مېنىڭ ئۇ سۆيۈملۈك ئادىمىم ياتاقتىكى ھەممىسىگە ئەقىلنى كىسىدىغان بىھوش دورىسى ئىچكۈزىۋەتتىمۇ ، ياتاقداشلىرىم  مېنى رەھىمسىزدىن-رەھىمسىزگە چىقىرىپ ماڭا قاتتىق ھاقارەت قىلدى. ئەمما ئۇلاردىن قەتئىيلا ئاغرىنمىدىم. چۈنكى ئەمەلى ئەھۋالدىن قىلچىلىك  خەۋىرى يوق ئۇلارنىڭ زاھىر دېگەن پوق كاللىنىڭ ئۇستىلىق بىلەن چالغان دېپىغا دىجى ئويناپ كېتىشى ناھايتى نۇرمال ئېدى. شۇڭا يۈرىكىم داشقالدەك قاتقان مەن بۇ ئىشلارغا ئانچە پەرۋا قىلىپ كەتمەي،يۈرىمگە مەھكەم ئورنىشىپ خۇاڭخىغا سەكرىسەممۇ چىقمايدىغان دەرجىگە يەتكەن ئاشۇ يىرگىنىچلىك ئىزنى، توغرىسى شۇ نۇمۇسلۇق ئۆتمۈشۈمنى قانداق خىرەلەشتۈرۈشنىڭ غېمىگە چۈشتۈم. بىر كۈنى ياتاقتىكىلەر مېنى قاتتىق تۇتتى:

       -ئاداش، زاھىرغا ئىچىڭىز ئاغرىپمۇ قويمىدىما؟ئەجىبا ئۇنى شۇنچە  تىزلا خىيالىڭىزدىن چىقرىۋىتەلىدىڭىزمۇ؟ نېمە قىلىسىز ئۆزىڭىزنىمۇ ئۆزگىنىمۇ قىيناپ؟ مۇشۇنداق قىلىپ نېمە پايدا تاپارسىز زادى؟ ئەخمەقتە سىز!!

      -ئازمايدىغان كىم با بۇ جاھاندا،كەچۈرۋەتسىڭىز بولماسمۇ ئۇنى بىرەر قېتىم؟ توغرا گەپكەن جۇمۇ شۇنىڭدىن قارىغاندا ھېلقى« ئاللاھ كەچۈرىدۇ،بەندە كەچۈرمەيدۇ.» دېگەن.شۇ بەندىنىمۇ ئاللاھ ياراتقان بولغاندىكىن سەل ئەپۇچانراق بولسا بولمامدۇ دەيمەن؟! ئۆمرۈمدە بەختىگە ئوخشاش باغرى قاتتىق قىزنى كۆرمىگەن مەن.

      -وندايدا اسىرىپ جىبەرمە(بۇنچىلىكمۇ قىلىپ كەتمىگىن) . دېدى جاينامۇ ئۆزىنىڭ تىلىدا.- وتكەندە ول سەنى رەنجىيىتگەن بولسا بالكىم سىڭىتەي وكىنگەن بولسا كى رەك( بەلكىم ئۇ بۇرۇن سېنى رەنجىتكەن بولسا ئەمدى پۇشايمان قىلغاندۇ).مەن قاراسام ول گبر  شىنشىل جان بولىپ (مەن قارىسام شۇنچىلىك سەمىمىي ھەم  قەتئىي كۆرۈندى ئۇ). سەنى راسىندا جاقسى كۆرەدى ەكەن (سېنى راستىنلا ياخشى كۆرىدىكەن جۇمۇ).وراي بولسا ونى كەشىر،جاراتقانىڭ بەرگەن ورايىن قولداپ جىبەرىپ الما.( مۇمكىن بولسا بۇ قېتىم ئەپۇ قىلىۋەت. خۇدانىڭ بەرگەن پۇرسەتلىرىنى قولدىن بېرىپ قويما يانا تۇمشۇقۇڭنى ئۇچلاپ ئولتۇرىۋىرىپ).

       -ئاداش،ئۇ  سىزنىڭ تەرىپىڭىزنى قىلىپ،  كەم ئەقىللىق قىلىپ چىراغ يېقىپمۇ تاپقىلى بولمايدىغان  بىر ئىسىل  قىزغا يامانلىق قىلىپ قويدۇم، ئۇنى راستىنلاياخشى كۆرەتتىم،مېنى بىر كەچۈرۋەتسە بۇندىن كىيىن چوقۇم ئۇنى قەدىرلەيتىم دەپ  ئۆزىنىڭ سىزنى رەنجىتكەنلىكىدىن قاتتىق پۇشايمان قىلغانلىقىنى ئېيىتتى. ئۇ كۈندە ماڭا تېلىفۇن قىلىپ سىزنىڭ ئەھۋالىڭىزنى ، تېلىفۇن نۇمۇرىڭىزنى سورايدۇ. مەندىن سىزگە نەسىھەت قىلىپ قويۇشۇمنى ئۆتىنىدۇ.مەن ئۇنىڭغا مېنىڭ نەسىھەت قىلىپ سىزنى ئەيۋەشكە كەلتۈرۈپ بولالمايدىغانلىقىمنى،شۇڭا بۇ ئىشقا ئۆزىنىڭ ئامال قىلىشى ، ئۆز ئىپادىسى ئارقىلىق سىزنى قايىل قىلىشى كېرەكلىكىنى  دېگەنىدىم،ئۇ ھازىر ئۆزىگەشۇنچىلىك بىر پۇرسەتنىڭمۇ يوقلىقىنى،بولسا ئۆزىگە يەنە بىر قېتىم پۇرسەت بېرىشىڭىزكېرەكلىكىنى تەلەپ قىلىپ تۇرۋالدى. ئۇ شۇنچىلىك بىچارە بولۇپ قاپتۇ ھازىر......... ئارزىگۈلنىڭ گېپى تۈگىمەستىنلا چېچىلىپ كەتتىم:

       - نەدە چوڭ بولغان نېمىكەن ئۇ شۇنچىلىك يۈزى قېلىن؟!پۇرسەت بەرگەن ۋاقىتتا ناشتىلىقىغا پوق يەپ قاپتىكەنمۇ  ئۇ گومۇش؟! ئىشىنى قىلسۇن ئەمدى..........-ئىززەت يانىمۇ بىر قىسىم گەپلەرنىڭ بولۇنۇپ كېتىشىدىن ئەنسىردىمۇ ، ئىتتىك قولى بىلەن ئاغزىمنى ئىتىپ تۇرۇپ:

       - بەختىگۈل، مېنىڭمۇ سىزگە دەيدىغىنىم بۇلارنىڭكى بىلەن ھېچقانچە پەرىق قىلمايدۇ. ئاغزىڭىزدا تىللاپ جاھىللىق بىلەن ئىگىلمەي يۈرگىنىڭىز بىلەن ئىچىڭىزدە قانچىلىك ئازاپ تارتىۋاتقىنىڭىزنى كۆرۈپ تۇرۇپتىمىز. مەيلى نېمىلا دېمەڭ سىز ئۇنى ياخشى كۆرىسىز، ھېلىھەممۇ بۇرۇنقىدەكلا . بۇ ئىش سەۋەبىدىنلا ئۇنىڭغا بولغان سۆيگۈڭىز بىر سانتىمۇ كەملەپ قالغىنى يوق. بۇنىڭغا كۆز يۇمالمايسىز ئەلۋەتتە.  بىلىمىز، سىز ئىچى كۈچلۈك ،ئىرادىلىك قىز. لېكىن شۇنداقتىمۇ سىزگە نەسھىتىم، ئۇنىڭ بىلەن بىر قېتىم بولسىمۇ كۆرۈشۈپ سۆزلىرىنى ئاڭلاپ بېقىڭ.شۇندىلا سىز يولسىزلىق قىلمىغان بولىسىز. ئەگەرئۇنداق قىلماي جاھىللىق بىلەن ئۆز پىكىرىڭىزدە چىڭ تۇرىۋالىدىكەنسىز، قاراپ تۇرۇڭ، ئاخىرقى ھېساپتا ھەممە ھاقارەت سىزگە ئارتىلىپ،سىز رەھىمسىز، قائىدە چۈشەنمەيدىغانلاردىن سانىلىپ قالىسىز. شۇڭا سۆزلىرىمىزنى ئوبدان ئويلىشىپ كۆرۈڭ.ئەگەر بەك كۆڭلىڭىز كۆتۈرمىگىدەك بولسا چىقىپ، چىرايلىق بىر تەرەپ بولۇپ، ئۇنى سىزدىن پەقەتلا ئۈمىدىنى ئۈزدۈرۋىتىپ قايتىپ كىرسىڭىز بولىدۇ ئەمەسمۇ؟! – دېدى.

        ئىززەتنىڭ گەپلىرى مېنى خېلىلا يۇمشاتتى.ئۇيان-ئويلىنا، بۇيان ئويلىنا ئاخىر ئۇنىڭ بىلەن كۆرۈشۈش قارارىغا كەلدىم.چۈنكى بۇقارارغا كېلىشتە كۆڭلۈمگە پۈكۈپ قويغان بەزى پىلانلىرىم بار ئىدى. ئارزىگۈلگە ئۇنىڭغا  بىزنىڭ ئۇچۇرشۇش ۋاقتىمىز ،ئورنىمىزنى ئېيتىپ قويۇشنى، ئەمما نۇمۇرۇمنى ئاشكارلاپ قويماسلىقنى تاپلاپ قويدۇم   ۋە  تۇيۇقسىزلا ئۆزگىرىپ قاپسىزغۇ دەپ سورغان سۇئالىغا كۆڭلۈمدە سان بار دەپلا قۇتۇلدۇم. بىز بۇرۇنقى جايدا ئۇچراشتۇق. نېمىشقىكىن ئۇنى كۆرۈپلا شۇنچىلىك جىددىيلىشىپ كەتتىم. يۈرىكىم ئۇنى ھېلىھەممۇ سۆيىدىغانلىقىنى ئاشكارە ئىتراپ قىلىشقا باشلىدى............ دېمىسىمۇ بىز كۆرۈشمىگەن بۇ بىر يېرىم ئاي داۋامىدا كۆرۈنۈشتە ئۇنىڭدىن يىرگىنىپ تۇرغىنىم بىلەن ئاسىي يۈرىكىم ئۇنىڭ بىلەن يۈز كۆرۈشۈشنى نەقەدەر ئارزۇ قىلغان ئىدى ھە!! ھاياجاندىن بەدەنلىرىم سۇس تىترەشكە باشلىدى.ئۇنىڭدىن ئىككى قەدەم ئارلىق تاشلاپ يەرگە قاراپ تۇردۇم.

      -نېمىشقا چىرايىمغا قارىمايسىز؟

     - خىجىل بولدۇم.

- نېمىشقا؟

- نېمە نېمىشقا؟ سىزدەك يۈزى قېلىن يارالماپتىكەنمە شۇ. يەنە كىلىپ قارىغۇدەك قانچىلىك چىرايىڭىز بار ئىدى سىزنىڭ.- دېدىم سەل نازلانغاندەك بىرخىل ھېسىياتتا. - مۇشۇ پۇرسەتتە كەيپىياتىم خېلى تەڭشىلىپ قالدى.

      - راس دەيسىز،سىز قاراشقا لايىق چىرايىممۇ يوق مېنىڭ، سىزگە لايىقمۇ ئەمەستىم. ئېگىزگە ئېسىلىپ سالغىنىمنىمۇ بىلىمەن.......

       -زاھىر ، مەن بۈگۈن بۇ يەرگە سىز بىلەن قۇرۇق سالا قىلشقىلى چىقمىدىم دېدىم مەن  ئازراق ھوشۇمنى تاپقاندەك بولۇپ. – گەپنى ئىخچام قىلىشىپ،ئېنىق مەقسىتىمىزنى دىيشەيلى.ئاۋال مەن سىزگە دەيدىغىنىمنى دەۋالاي،سىز ئەستايىدىل ئاڭلاپ بىرىڭ . ئەگە رگەپلىرىم كاللىڭىزدىن ئۆتسە،ئاندىن  سىزمۇ ئۆز گىپىڭىزنى قىلىڭ ،مەن قۇلاق سېلىپ ئاڭلايمەن. قانداق؟    - ئۇ ماقۇللۇق بىلدۈرۈپ بېشىنى لىڭشىتقاندىن كىيىن مەن سۆزۈمنى داۋاملاشتۇردۇم:

      - زاھىر ، بۇرۇن سىز ماڭا ئۆمۈرلۈك ھەمرا بولۇشنى ئەھدە قىلىپ تۇرۇپ مېنى قۇچاقلىغانىدىڭىز. ئەمما كەينىدىنلا ۋەدىڭىزگەخىلاپلىق قىلماقچى بولۇپ كۆڭلۈمنى قاتىق رەنجىتتىڭىز.  گەرچە مەن بۇ قېتىم سىزنى قەتئىي كەچۈرمەسلىكنى نىيەت قىلغان بولساممۇ سىزنىڭ سېلىپ كەتكەن پاراكەندىچىلىكىڭىز تۈپەيلىدىن ھەم سىزنى ياخشى كۆرىدىغانلىقىم سەۋەبىدىن  سىزبىلەن يەنە يۈز كۆرۈشۈپ ئولتۇرۇپتىمەن. نېمە ئۈچۈن؟ چۈنكى مەن سىز قۇچاقلىغاندىن بۇيان سىزگە بۇرۇن ئېيىتقىنىمدەك  ئاللىقاچان ئۆزۈمنىڭ بەردەملىكىمنى يوقىتىپ ، مىجىق شاپتۇلغا ئايلىنىپ بولغانمەن. شۇڭا كۆڭلۈمدە مېنى بۇ ئۆمرۈمدە تۇنجى قۇچاقلىغان ئادەم ئاخىرغىچە قۇچاقلىسۇن، شاپتۇلنى مىجىغان ئادەم ئۆزى يىسۇن دەپ ئويلاپ سىزگە يەنە بىر قېتىم پۇرسەت بىرىشنى لايىق كۆردۈم. بولسا سىز بىلەن ئۆمۈرلۈك بولۇپ كېتىشنى ئارزۇ قىلدىم . ئەمما ئەڭ ئاۋال سىزدىن ،ماڭا بىر ئىشنى قىلىپ بىرىشنى ئۆتىنىمەن. ئەگەر سۆزۈمگە قوشۇلسىڭىز بىز ياخشىلىشىپ يەنە بۇرۇنقىدەك ئۆتىمىز. مەن سىزنى چوقۇم مېنى ئۈمدسىزلەندۈرمەيدۇ دەپ ئىشەنگەنلىكىم ئۈچۈنلا بۇ يەرگە چىقتىم.تىلىكىمنى يەردە قويماڭ،بۇلامدۇ؟

       - ئاۋال دەپ بېقىڭ قېنى!

       - ماقۇل . دەڭە ئەمىسە.