مۇزلىدىم

مۇزلىدىم

قامىتىم كاللەك پېتى ،جىسمىم تېشىمدا مۇزلىدىم ،
قىسمىتىم ھەيكەل سىياق ،مەش بار قېىشىمدا مۇزلىدىم .

قامچىسى قالدى قوزۇقتا كەتكەچ يىراققا جان ئاتام ،
بىمەھەل تېنەپ چىغىر يول قىممەت يېشىمدا مۇزلىدىم .

قېرىنداش ئشىقى ئاقالماي قالدى يولىدا مۇز تۇتۇپ ،
شاھلىقىم كەتكەچ يامانلاپ ،گاداي ئېشىمدا مۇزلىدىم .

مېھرى يوق ھويلام ئۈچۈن ،كەتتى چۆمىلەم  جان ئۈزۈپ ،
تۇزى كەم بىر لوقما ئاش ،ئالتۇن چىشىمدا مۇزلىدىم .

تاز دىدى تاللاپ رىئاللىق ،ئىززىتىم كەتتى سولۇپ ،
شاھادەت ئالماي  تۇرۇپ پاينەك بېشىمدا مۇزلىدىم .

دوستلىرىم بولدى گويا مەركەزدىن قاچقان يۈز سىزىق،
ئۆتمۈشۈم ئەمەس رىۋايەت ، ئېنىق يېقىندا مۇزلىدىم .

مۈگدىسە تۇيغۇلىرىم ،نۇردا لەپىلدەر چۈشلىرىم ،
ئويلىسام سوغۇق ھايات ، رەڭدار چېقىندا مۇزلىدىم .

ھۆرمىتى يوق باغلىرىم گۈلدىن ياسايدۇ پاجىئە،
روھلىرىم دولقۇنسىراپ ،بىر خىل ئېقىمدا مۇزلىدىم .


ئاپتۇرى : ئابلەت مۇھەممەت باغۋەن