|
ئىنسانلار
(ھېكايە)
پەرىشتە بىلەن شەيتان ئۇچىرىشىپ قالدى.
-خوش نەگە ماڭدىڭ؟-سوردى شەيتان.
-بەندىلەرنىڭ ياخشى ئىش، خەيىرلىك ئەمەللىرىنى خاتىرلىگىلى ماڭدىم،-دەپ جاۋاپ بەردى پەرىشتە.
-ھازىرمۇ ياخشى ئەمەللەرنى قىلدىغان ئىنسانلار بارمىكەن؟-مەنسىتمىگەندەك كۈلدى شەيتان.
-ئەلۋەتتە بار، تېخى سېنىڭ يولۇڭغا ئەگەشكەنلەردىن خېلىلا كۆپ،-شەيتان بۇ گەپكە ئىشەنمىدى.
-قانداق ئىسپاتىڭ بار؟-سورىدى شەيتان.
-ئۇنداقتا مەن بىلەن ماڭ ساڭا كۆرسىتەي،-دىدى پەرىشتە. شەيتان بۇ سۆزگە قوشۇلدى. شۇنىڭ بىلەن ئىككىسى يوشۇرۇن ھالدا ئىنسانلار ئارىسىغا كەلدى. ئەلۋەتتە ئۇلارنى ئىنسانلار كۆرەلمەيتى.
چاچ-ساقاللىرىغا ئوبدانلا ئاق كىرگەن، يېشىمۇ بىر يەرگە بېرىپ قالغان بىر كىشى يول ئۈستىدە ياش بىر يىگىتتىن 1750 يۈۋەنگە بىر قوينى ئالدى،ۋە بازارغا يېتىلەپ ماڭدى.شۇ تاپتا چىڭقى چۈش بولغاندى. ئۇلار قايناق بىر مال-چارۋا بازىرىغا كەلدى . بۇ يەردە سودا قايناپ كەتكەن ئىدى. ئۇلار
-بۇ قوينى خۇدا ھەققى 2000 مىڭغا ئالغان 150 يۈۋەن پايدا بەرسەڭ ساتىمەن،-دىدى بوۋاي ساقاللىرىنى ئۇرۇق ،گۆشسىز قوللىرى بىلەن سىلاپ تۇرۇپ، شەيتان پەرىشتىگە مەنسىتمەسلىك نەزىرى بىلەن قاراپ دىدى،-مانا كۆردۈڭمۇ ئەرزىمەس نەپسىنىڭ كەينىگە كىرىپ شۇنچىلىك ئىشلارغىمۇ تەڭرىمىزنى شىرىك قىلىپ يالغان سۆزلىشىدۇ. بىر-بىرىنى ئالدايدۇ. ئۇلارنىڭ قايسى ياخشى ئەمەللىرنى خاتىرلىمەكچىسەن؟ پەرىشتە تولىمۇ ئازاپلاندى. لىكىن شەيتانغا قايىل بولمىدى. چۈنكى ئۇ يەر يۈزىدە يەنىلا ياخشى كىشىلەرنىڭ بارلىقىغا شەكسىز ئىشىنەتتى.
-ئالدىرىماي تۇر، ئىش تېخى تۈگكىنى يوق،-دىدى پەرىشتە،-يەنە قاراپ باقايلى. ئۇلار ئايلىنىپ بىر قىمار سورۇنىغا كەلدى. بىر نەچچە قىمارۋازلار دۈگىلەك بولۇپ ئولتۇرشۇپ ھەدەپ ئوشۇق ئىتىۋاتاتتى. ھەر قايسىنىڭ ئالدىدا كىرىلشىپ كەتكەن پۇللار تۇراتتى. شۇ تاپتا ئۇلار ھەممىنى ئۇنۇتقان ھالدا قىمارغا كىرىشىپ كەتكەن ئىدى. پەرىشتە بىلەن شەيتان ئۇن-تۈنسىز ھالدا ئۇلارنى كۆزىتىپ تۇراتتى. بىر دەمدىن كىيىن بويى پاكار، ۋىجىڭ بېشىدا سانىۋالغىدەك بىر نەچچە تاللا چېچى بار بىرسى ئالدىدىكى پۇللارنى ئۇتتۇرۇپ بولدى. قايىل بولماي ئۇچىسىدىكى چاپاننى ئوتتۇرغا تاشلىدى. ئۇتتۇرۋەتتى. ئارقىدىن تامبىلىنى سالدى. ئۇنىمۇ بىرلا ئېتىپ ئۇتتۇرۋەتتى. ئەمدى ئۇنىڭ ئۇچىسىدا كىر-قاسماقلىشىپ كەتكەن ئاسما مايكا بىلەن كالتە ئىشتىنلا قالغان ئىدى.
-قاسىم تاز يەنە نىمەڭ بار ، قېنى چىقار،-دىيىشتى باشقا قىمارۋازلار.
-يەنە ...يەنە...،- قاسىم تاز گەپ قىلالماي ئىككى يېنىغا قاراپ قالدى. لىكىن تىككىدەك بىر نەرسە تاپالمىدى.
-قاسىم تاز بولمىسا خوتۇنۇڭنىڭ بىر كېچىلىكىنى ...،-دەپ قالدى بىر قىمارۋاز. بۇ گەپنى ئاڭلاپ قاسىمنىڭ غۇژژىدە ئاچچىغى كەلدى بولغاي ئەسلىدىمۇ قارا چىراي تېخىمۇ قارىداپ ، كۆزلىرىگە قان تولغاندەك بولدى.
-نىمە دەۋاتىسەنۇي مەن ساڭا ئوخشاش سولامچى ئەمەس جۇمۇ؟
-ھەي تاز كىمنى سولامچى دەۋاتىسەن؟ ھېلىقى بەستىلىك يىگىت ئورنىدىن تۇرۇپ ۋىجىك يىگىتنىڭ ياقىسىدىن ئالدى. شۇنىڭ بىلەن ئىككىسى مۇشلىشىپ كەتتى. باشقىلار ئۇلارنى ئاجرىتىپ قويماقتا يوق، ئەكىسچە خۇددى بىر قىزىقارلىق ئويۇننى كۆرىۋاتقاندەك خاتىرجەم قاراپ تۇراتتى. شەيتان پەرىشتىگە ‹‹بۇنىڭغا نىمە دەيسەن›› دىگەندەك قاراپ قويدى. ئۇلار يولىنى داۋام قىلىدى. بۇ جەريانىدا ئۇلار مەسچىتلەردە ئىخلاس بىلەن ئىبادەت قىلىۋاتقان كىشىلەر توپىدىن ئۆتتى. پۈتۈن ۋۇجۇدى بىلەن ئۆز ھۆنەرلىرى بىلەن مەشغۇل بولىۋاتقان كىشىلەر توپىدىنمۇ ئۆتتى. كېچلىرى دەقىقە كۆز يۇمماي ئىنسانىيەتكە بەخىت يارىتىش ئۈچۈن ئىزدىنىۋاتقان ئالىملار توپىدىنمۇ ئۆتتى. ئاقكۆڭۈل ،تىرىشچان ئۆز ئەمگەكلىرى بىلەن دۇنيا ئەھلىنى يىمەك -ئىچمەك بىلەن تەمىللەۋاتقان دىھقانلار توپلىرىدىنمۇ ئۆتتى. بۇنداق كىشىلەر ھېلىقىدەك ئازغۇن كىشىلەردىن زور دەرىجىدە كۆپ ئىدى. بۇ جەرياندا شەيتاننىڭ دېمى ئىچىگە چۈشۈپ خۇددى ئوتقا چۈشكەن قىلدەك تولغىنىپ كەتتى. ئەكىسچە پەرىشتىنىڭ قەلبى يايراپ كەتتى.
يەنە بىر قېتىم كەچ كىردى ئۇلار شەھەرنىڭ سەل چېتىگىرەك جايلاشقان بىر كوچىغا كەلدى. بۇ يەردە بىر قاتار دۇكانلار بولۇپ كۆپىنچىلىرى ھاراق -تاماكا دۇكانلىرى ئىدى. كىشىلەر ئۇ دۇكانلارغا كىرىپ -چىقىپ تۇراتتى. شەيتان بىلەن پەرىشتە كىشىلەر ئەڭ كۆپ كىرىپ چىقىۋاتقان بىر دۇكانغا كىردى. پەرىشتە شۇنىڭغا ھەيران قالدىكى بۇ يەر بىر پاھىشخانا ئىدى. ھەممە يەردىن ھاراق ۋە تاماكىنىڭ قاڭسىق پۇرىقى كېلەتتى. ھاراق بوتۇلكىسى، تاماكا قالدۇقلىرى، مىۋە-چىۋە شۆپۈكلىرى ھەممىلا يەردە چېچىلىپ تۇراتتى. ئاددى رەخىتلەر بىلەن توسۇپ قويۇلغان كىچىك ‹‹ئايرىم خانە››لەردىن ئىڭرىغان، ھاسىراشقان، پىچىرلاشقان ئاۋازلار پات-پاتلا ئاڭلىنىپ تۇراتتى. پەرىشتىنىڭ يۈرىكى ئىغىپ كەتتى. شەيتان بولسا قاقاقلاپ كۈلىۋاتاتتى. دەل شۇ چاغدا بىر ھوجرىدىن چىققان ئاۋاز ئۇلارنىڭ دىھقىتىنى بۆلدى. پەرىشتە بىلەن شەيتان ئاستا ھېلىقى ئاۋاز چىققان ھوجرىغا كىردى. يۈزلىرى يۇمىلاق، ئوتتۇرا بوي ، سەل سىمىز، ئاقپىشماق بىر قىز بۇلۇڭدىكى كارۋاتتا تۇغما يالىڭاچ ھالەتتە ئولتۇراتتى. ياندىكى ھوجرىدىن بىر ئەر بىلەن بىر ئايالنىڭ ئىنجىقلىغان ، ھاسىراشقان ئاۋازى ئوبدانلا ئاڭلىنىپ تۇراتتى.
-تىزراق بولۇڭ مېنىڭ يەنە ئىشىم بار ،-دىدى ‹‹قىز›› سەل توڭلۇق بىلەن.
-ياق مەن كەتمىسەم بولمايدۇ،-دىدى يىگىت بىر نەرسىدىن سەل ئەنسىرەپ،
-نىمىشقا ئەمدى؟
-بىلەمسىز يان ھوجرىدىكى دادام ئىكەن،-دىدى يىگىت بوش ئاۋازدا ‹‹ قىز›› قاقاقلاپ كۈلۈپ كەتتى.
-ھە ، ‹‹ئالا ئىنەكنىڭ بالىسى چالا قۇيرۇق›› دەپ ئاتا-بالا ئىككىڭلار ئوخشاش ئىكەنسىلەردە.
-بولدى مەن چىقىپ كەتتىم،- ‹‹يىگىت ›› ئىشىك تەرەپكە ماڭدى.
-پۇلنى بېرىۋىتىپ مېڭىڭ›-دىدى قىز بۇيرۇق تەلەپپۇزى بىلەن.ئاستا ئورنىدىن تۇرۇپ يىگىتىنىڭ ئالدىنى توستى.
-قايسى پۇلنى مەن تېخى ھېچ ئىش قىلمىغان تۇرسام،-‹‹يىگىت ››غەزەپ بىلەن ئالايدى.
-شۇنداقمۇ تېخى، ئۇنداقتا مەن ۋارقىرايمەن. ئۇ چاغدا ئاتا-بالا ئىككىڭلار تەڭلا شەرمىسار بولىسىلەر قانداق؟- دىدى ‹‹قىز›› بوش ئەمما تەئەددى ئاۋازدا. بۇ گەپ بىلەن يىگىتنىڭ بايىقى كۆرەڭ ھالىدىن ئەسەرمۇ قالمىدى. ئۇ ئارتۇق گەپ قىلمايلا يېنىدىن 50 يۈۋەننى چىقىرىپ ‹‹قىز››غا تەڭلىدى.
-500 يۈۋەن ،-دىدى ‹‹قىز›› قاشلىرىنى سۈزۈپ تۇرۇپ.
-نىمە..نىمىگە،- ‹‹يىگىت›› ئوبدانلا ھۇدۇقتى.
-ئەمسە ۋارقىرايمەن جۇمۇ،- ‹‹ قىز ››شۇنداق دەپ ئاغزىنى ئۆمەللىۋىدى ‹‹يىگىت›› دەرھال ئۇنىڭ ئاغزىنى تۇتىۋالدى.
-بولدى مەن بېرەي. بەرسەملا بولىدىغۇ؟- ئۇ يەنە يېنىنى ئاختۇرۇپ بىر تۇتام پۇلنى ئېلىپ قىزنىڭ قولىغا تۇتقۇزدى. ئاندىن ئىشىكىتىن چىقپ كەتتى. ۋە بوش ئاۋازدا ‹‹جالاپ››دەپ قويدى.قىز قاقاقلاپ كۈلۇپ كەتتى.‹‹ھۇ ماز پاينەك››.
شۇ تاپتا پەرىشتىنىڭ ۋۇجۇدى ئازاپتىن تەۋرەپ كەتتى. ‹‹ئىنسانلار مۇشۇنچىلىك دەرىجىدە تاپتىن چىقىپ، ھەقىقەتتىن چەتنەپ كەتكەن تۇرۇپمۇ يەنىلا ھالاك قىلنمايدۇ›› دەپ ئويلىدى پەرشىتە. شەيتان بولسا غادىيىپ كەتكەندى. ئىنسانلار ئۇ كۆرسەتكەن يوللاردا شۇنچىلىك بىخارامان ماڭماقتا . شۇ تاپتا ئۇنىڭغا قىلغىدەك ئىشمۇ قالمىغان ئوخشايدۇ.
پەرىشتە دېڭىزغا قارىدى. دېڭىز غەزەپتىن تاشقىنلىماقتا. قىرغاقلارغا ئۇرۇلماقتا. يەر قاتتىق سىلكىنمەكتە. باغرىدىن ئوتلۇق ماگمىلارنى ئېتىپ چىقارماقتا. شاماللار غەزەپ بىلەن گۈركىرەپ ئۆزنى ھەر قايان ئۇرماقتا ئىدى. لىكىن ئۇلارغا ئىجازەت بېرىلمىگىنى ئۈچۇنلا ئۆز غەزەپ-نەپرىتىنى زورىغا بېسىپ تۇراتتى.
پەرىشتە بىلەن شەيتان تەكشۈرۈشنى داۋام قىلدى. تاڭ سۈزۈلدى. قانچىلىغان مەسچىتلەردىن تەڭلا ياڭرىغان ئەزان ئاۋازى شەيتاننى ئىنسانلار ئارىسىدىن يىراقلارغا قېچىشقا مەجبۇر قىلدى. پەرىشتە شۇنچىلىك ئاقكۆڭۈل ئىنسانلارنىڭ پۈتۈن ۋۇجۇدى بىلەن قىلغان گۇناھلىرى ئۈچۈن تۆۋە قىلىپ يىغا-زار قىلىۋاتقانلىقىنى كۆردى . ئەمدىلەتتىن قايتىپ كەلگەن شەيتانمۇ كۆردى. ئۇ كىشىلەر ئارىسىغا كىرىپ ئۇلارنىڭ ئىخلاسىنى بۇزۇشقا ئۇرۇنۇپ باقتى. ئەمما مۈرىنى-مۈرىگە تىرەپ قىيامدا تۇرۇشقان بۇ كىشىلەرنىڭ ئارىسىغا ھەر قانچە قىلىپمۇ كىرەلمىدى. شەيتان قاتتىق ئۆمىدسىزلەندى. ‹‹قارىغاندا بۇلار ماڭا بويسۇنمىغىدەك، كۈندۈزى گۇناھلارنى قىلسىمۇ، كېچىسى يىغلاپ تۇرۇپ تۆۋە قىلىدىكەن›› شەيتان بىردىنلا ئۆزنىڭ قاتتىق چارچاپ كەتكەنلىكىنى بىلدى.
‹‹دىمەك كىشىلەرنىڭ كۆپ سانلىقى يەنىلا ھەقىقەت تەرەپتە ئىكەن. ئۇلارنى ئازدۇرۇش ئۈچۈن قىلمىغان ھۆنەرلىرىم قالمدى. ئەمدى يەنە قانداق قىلىشىم كېرەكتۇ؟؟››
شۇنداق قىلىپ پەرىشتە خۇشال -خورام ھالدا جامائەت ئارىسىغا قېتىلدى. شەيتان بولسا ئۆمىدسز ھالدا غايىپ بولدى.
ئۇ ئەمدى يەنە قانداق ھېلە-مىكىرلەرنى ئويلاپ چىقار؟
يەنە قانداق كىشىلەر ئۇنىڭغا مۇرىت بولۇپ ئازغۇن يوللاردا تىڭىرقاپ يۈرەر؟
ئاپتۇر ئۆزخان. 2013.11.7
| 
بايلىق
شۆھرەت
ۋاقتى: 2013-11-8 13:14:50
ساقلاش
ھەمبەھر
قېزىلما
قوللاش
قارشى
ۋاقتى: 2013-11-8 15:03:17
ئىگىسى