ھەققانىي: ئادىل جاۋاپ (ساتىرا)

akkani

	ئادىل جاۋاپ (ساتىرا ) (مەنسەپتىن چۇشكەن مەنمەنچى ئەمەلدار تىلىدىن ) ئاپتۇرى :ئابدۇۋەلى راخمان ھەققانى قىن-قىنىمغا پاتماپتىمەن ئەمەل تەككەندە، ئاچماپتىمەن ھاجەتمەنلەر ئىشىك چەككەندە، پەرۋا قىلماي مېڭىپتىمەن كۆككە گېدىيىپ، نى-نى موھتاج بىچارىلەر دەرت-ھال تۆككەندە. ئامەت ئەمدى ئۆمۇر بۇيى ماڭا مەنسۇپ دەپ، كۇنۇم راھەت ئۆتتى خەقتىن ئېلىپ-يۇلۇپ نەپ، كۆزلىرىمگە ياغ تولۇپتۇ توۋا شۇ چاغدا، كۆنۇپ قاپتۇ يامان نەپسىم دايىم ھارام يەپ. ياۋاشلارغا سوقۇپتىمەن يولسىز بۇيرۇقنى، نەشتىرىمدىن ئاياپ قويماي يېقىن-يۇرۇقنى، يۇزتۇرانە داڭلاپ ئەمما ئارقىدىن پۇتلاپ، ئىشلەتتىم مەن تۇلكىلەرچە ھىلە -قۇۋلۇقنى. يۇقىرىنى ئالداپتىمەن تۆۋەننى بېسىپ ، ئارامىدا قويماپتىمەن ياخشىنى چېقىپ، ئۆزگىلەرنى دۆت ھىساپلاپ ئۆزۇمنى دانا، كەتكەنكەنمەن شۇ چاغ بىلسەم ھەددىمدىن ئېشىپ. ئەمدى بىلسەم مەنسەپ دىگەن مەڭگۇ ئەمەسكەن، ئاتمىش ياشتا ئەمەلدارلىق كىبرىم خالاسكەن، كۆزۇم قىيماي ئاخىر چۇشتۇم ئىگىز پەشتاقتىن، ئەمەل ئەمەس ئادىمىلىك بىزگە مىراسكەن. ئەپسۇس چۇشسەم قاچتى مەندىن ئەل-يۇرت يېراقلاپ، (مەنمۇ كەتكەچ ئەينى چاغدا بەكرەك تاراقلاپ،) بەرمەي شۇ چاغ ھېچ پۇخراغا سۆزلەش پۇرسىتى، مىنىڭ ھەق راس دەپتىكەنمەن دايىم ۋالاقلاپ. بۇگۇن قالدىم ئەل-ئاۋامدىن ئايرىلىپ يىتىم، مەن بار جايدىن جىمى قاچتى ئۆتمىدى گىپىم، يېڭى چىققان مەنسەپدارغا ئىبرەتلەر بولسۇن، غادايغانغا تۆۋە قىلدىم ئەمدى مىڭ قېتىم. قاتارچاي دەپ يېڭى بىر ئىش چىقمىسا ئەگەر، ئىچەركەنمەن يالغۇزلۇقتىن ھەتتاكى زەھەر، كىرىۋالدىم ئاشۇ چايغا خەشلەپ-يالۋۇرۇپ، مەنمەنچىنىڭ كۇنى شۇنداق خەتەركەن-خەتەر. تۇغۇلغاندا ئۆلمەكلىكنى ئويلاش كېرەككەن، كۆكتە ئۇچۇپ چۇشمەكلىكنى بىلگەن زىرەككەن، ئويلاپ باقسام تەكەببۇرلۇق ئىللەتلىرىمگە، خەلقىم بەرگەن مۇشۇ جازا ئادىل جاۋاپكەن. مەنبىئەسى؛ئۆزۇم .

教练王子

	رەخمەت . ياخشى يېزىپسىز

alenur

	بىكارغا يىگەن نەرسە ھامان كانايدا تۇرۇپ قالىدىغان گەپ

Sebr@

	ئاللاھ ئەجرىڭىزنى بەرسۇن.

qaraxani

	قالتىس يېزىلغان ساتىرا ئىكەن،بۇ ھارمىغايسىز؟

otmakani

	مەن سىزنىڭ شېئېرلىرىڭىزنى بەكلا ياقتۇرۇپ ئوقۇيمەن ...

otmakani

	مەن سىزنىڭ كۆپۈنچە شېئېرلىرىڭىزنى رامكىلاپ زىننەتلەپ قويغان ئىدىم ...

mahatjan

mahatjan

	ئادەمنىڭ تەكتى بىر قىسمىتى باشقا،    ئويولغان ئەمەستۇر قىممىتى تاشقا.    سەن باشلىق مەن پۇقرا بۇ بىر ئېھتىياج،   ئەمەس ئۇ يۇقۇر-تۆۋەن بەلگىمىز قاشقا.