ئانا

IZZAT

	ئانا ئىززەت غۇجابدۇللا ئانا! مېھرىبان ئانا، ھەر قېتىم ئىسمىڭىزنى تىلغا ئالغىنىمدا قەلبىمدە چەكسىز بىر ئىپتىخارلىق تۇيغۇسى پەيدا بولىدۇ. دۇنيادىكى ھەرقانداق بىر ئانا ئۆز پەرزەنتى ئۈچۈن مىھنەتسىز ئەجىر قىلىدۇ. لىكىن ئانا، سىز قەلبىمدە دۇنيادىكى ھەممە ئانىلاردىن ئۇلۇغ، مۇقەددەس ھەم بۈيۈكسىز. سىز بولغاچقا مىنىڭ بۈگۈنۈم بولغان، سىز بولغاچقا مەندە بەخت تۇيغۇسى بولغان، سىز بولغاچقا پەقەت سىز بولغاچقىلا قانداقلا قىيىنچىلىققا ئۇچراي مەندە يەنە خاتىرجەملىك تۇيغۇسى بولىدۇ. سىز مېنى، يەنە ئاكا-ئاچىلىرىمنى قاتارغا قوشۇش جەريانىدا تالاي جاپالارنى تارتتىڭىز، پىشانىڭىزغا چۈشكەن يول-يول قورۇقلار بۇنىڭ دەلىلى ئەمەسمۇ ئانا. ھەر بىر پەرزەنتىڭىز ئۈچۈن شۇنچە جان كۆيدۈرىسىز، گەرچە بىز مۇستەقىل تۇرمۇش كەچۈرۈش، سىزنىڭ ھالىڭىزدىن خەۋەر ئېلىش شارائىتىغا ۋە ئىمكانىيىتىگە ئىگە بولغان بولساقمۇ سىز يەنىلا بىز ئۈچۈن غەم يەيسىز، بىزنى پەقەت بىزنىلا ئويلايسىز، ئۆزىڭىز ئۈچۈن بىرەر قېتىم ۋايىم يەپ باققىنىڭزنى بىلمەيمەن، ھەر زامان بالام، بالام دەپلا كەلدىڭىز. قانداقلا بىر ئىشنى قىلماقچى بولسىڭىز باشتا ئويلايدىغىنىڭىز يەنىلا بىز، يەنىلا بىز پەرزەنىتلەر.... ھەردائىم مىھرىبانلىق چىقىپ تۇرغان شۇ چىرايىڭىز ئىسىمگە كەلگىنىدە، شۇ ئىسسىق قوللىرىڭىز بىلەن يۈزۈمنى سىلىغىنىڭىزدا، پىشانەمگە سۆيگەن ۋاقتىڭىزدا، مېنى ئىللىق قۇچاقلاشلىرىڭىزدا ۋۇجۇدۇمنى چەكسىز بەخىت ھىسى قاپلايدۇ. ئۇلۇغ ئاللاھتىن مېنى سىزدىن ئايرىماسلىقىنى تىلەيمەن. ھەم ئاللاھتىن سىزنىڭ سالامەتلىكىڭىزنى، ئۇزۇن ئۆمۈر كۈرىشىڭىزنى تىلەيمەن، ئانا.    مىھرىبانىم، قەدىردانىم ئانا، سالامەتلىكىڭىزنى ئاسراڭ، بىز پەرزەنتلەر ئۈچۈن بولسىمۇ ئۆزىڭىزنى ئاسراڭ ئانا. خۇددى بىز سىزگە مۇھىم بولغانغا ئوخشاش سىزمۇ بىز ئۈچۈن بەكلا مۇھىم، ھەمىشە يېنىڭىزدا تۇرۇپ ھالىڭىزدىن خەۋەر ئېلىشىمىزنى دىگىنىمىزدە «ئىشىڭلاردىن قالماڭلار، مەندىن ئەنسىرىمەڭلار» دەيسىز. لىكىن ئانا، بىز ئۈچۈن مۇھىم بولغان، بەكمۇ مۇھىم بولغان شۇ ئىشلار، ھەتتا ھەممە پەرزەنتىڭىزنىڭ مۇھىم ئىشلىرىنى يىغىپ ئېيتقاندىمۇ شۇ ئىشلار بىز ئۈچۈن سىزدىن مۇھىم ئەمەس، بىزگە ئەڭ مۇھىم بولغىنى يەنىلا سىز ئانا! ئانامسەن مۆھتىرەم ئۇلۇغ، پاسىبان، ئانامسەن جاپاكەش، دىلكەش مىھرىبان. ئانامسەن پەرزەنتڭ ئوتىدا كۆيگەن. ئانىنى ئۇلۇغلار ھەممىلا ئىنسان. تىلەيمەن جان ئانا سالامەت بولغىن، سېنىڭسىز بۇ ھايات بىزگە نە كېرەك. سەن بىلەن كۈلىمىز بەختىمىزدۇرسەن، ئانا! دەپ سۇقىدۇ بىزدىكى يۈرەك. جان ئانا! تىلەيمەن ئۇلۇغ ئاللادىن، ئۆمرۈڭنى ساقلىقىڭ، شادلىقىڭنى ھەم. ئەزىزسەن قەلبىمنىڭ تۆرىدە ئانا، سەن ھۆرمەت بېغىدا تەنھا مۆھتەرەم.

qaraxani

	ئانا ئۆينىڭ چىرىغى،قەلبلەرنىڭ غەمگۈزارى ،دىللارغا مەلھەم بولغۇچى.

qux...

	ئىجادىيەتلىرىڭىزگە ئۇتۇق تىلەيمەن!!!

ARZUY

	ئانا ئۈچۈن  قانچىلىغان  داستانلارنى يازساقمۇ  ئازلىق  قىلىدۇ . قەلەم  قۇۋۋىتىڭىزگە  ئاپىرىن . رەھمەت،

rohilan

	ھەمە شائېر ئانلادېد  ئاتلار يۇقمېكېن ئەستە

kar0923

	ئانامنى سېغىندىم

ئۇدۇن ئوغلى

	جان ئانا قەلبىڭكى دەريا، نەكى دەريا بىر دېڭىز. مىڭ قوياش تەپتىدىن ئىللىق، پەرزەنتكە بەرگەن مىھرىڭىز. - ئۇدۇن ئوغلى

vmvdwar-uyhur

	ئادەمدە شۇنداق بىر تەبئىي ئىنكاس بار ئۇ بولسىمۇ ،ئادەم ھەرۋاقىت بىرەر نەرسىدىن قورققاندا ،يامان چۈشلەردىن چۈچۈپ ئويغانغان ۋاقىتلاردا تەبئىيلا «ئانا !»دەپ توۋلاپ كىتىدۇ .ھەتتا كىچىك بالىلار شىرىن ئۇيقۇسىدىن ئويغىنىپلا «ئانا »دەپ چاقىردۇ .ھەرقېتىم بالامنىڭ ئويغىنىپلا «ئانا »دەپ چاقىرغىنىنى ئاڭلىغىنىمدا ،ئايالىمنىڭ دەرھال بالام قېشىغا بىرىپ ئۇنى سۇيۇشلىرى ،ئەركىلىتىپ كىتىشلىرىنى كۆرگىنىمدە ئىختىيارسىز كۆزلىرىمگە ياش كىلىدۇ ،بىچارە ئانام مىنىمۇ مۇشۇنداق پەپىلەپ ،ئەركىلىتىپ چوڭ قىلغان ،مانا ئەمدى چوڭ بۇلۇپ دادا بولغىنىمدا بولسا ئائىلە ،بالا ،تۇرمۇش ھەلەكچىلكىدە ئاشۇ جاپاكەش ئانامنىڭ ھالىدىن خەۋەر ئېلش پۇرسىتىنى قولدىن بىرىپ قۇيىۋاتىمەن .ھەرۋاقىت تىلفۇن قىلغان ۋاقىتلىرىمدا بالام داداڭ ئىككىمىزدىن خاتىرجەم بول ،ياخشى تۇرۋاتىمىز دەپ ماڭا تەسەللى بىردۇ ،ئاي بىرەر قېتىم تۇرمۇش خىراجتى ،ياكى سوۋغا سالام ئىۋەتسەم كۆزلىرىدىن خۇشاللىق ياشلىرىنى ئېقىتىپ بۇندىن كىيىن ھەرگىز بىزگە ئەۋەتمەي ئائىلاڭنى ياخشى باق دەپ تەربىيە قىلىدۇ .......! ئانا نەدەر ئۇلۇغ -ھە !تىما ئىگىسىگە تەشەككۈر . «چىنەڭگە زەم -زەم قۇيۇپ بىرەي دىسەم سەن يوق »دەپ ناخشا توۋلاپ يۈرگىچە قەدردانلىرىمىزنىڭ بارىدا ئۇلارنى قەدىرلەپ چىنىسىگە  سوغۇق سۇ بولسىمۇ قۇيۇپ بىرىشكە تىرشايلى !

YOLOQI

	ئاتاڭنىڭ ئززىتىنى  قىل         ئاناڭنىڭ    خىزمىتىنى    قىل  . تىما    ئىگىسىگە    رەھمەت،

TáwpéK0903

	ياخشى تىما .........................................؟!!!!!!!!!!!!!!!!!