ھىجران

yawa-xir

	ھىجران يېتىپ كەلدى جۇدۇنلۇق كەچ كۈز، تۆكۈلدى ھەم سىم-سىم يامغۇرى. سېپىلگەندەك يارامغا شور-تۇز، مەھكەم قىستى ھىجران ئامبۇرى. خازان بولۇپ تۆكۈلەر ياپراق، تۆكۈلدى ھەم گۈلنىڭ بەرگىسى. شادلىق كەتتى كەلمەيدۇ پاتراق، قاقاقلايدۇ ھىجران كۈلكىسى. مىڭ ھەسرەت بار گۈلنىڭ بەرگىدە، سۆزلىيەلمەس ئەمما دەردىنى. خازان بولغان چوغلۇق ئەقىدە، كىملەر بىلگەن ئۇنىڭ قەدرىنى. خازان بولغان ياپراق ئۇنتۇلار، بىللە كېتەر ئۇنىڭ ھەسرىتى. ھىجرانىمدىن قاچان قۇتۇلار، نازۇك يۈرەكنىڭ يۈتسە غەيرىتى. باھار كەلسە سايرىغان قۇشلار، كەچ كۈز كەلسە يىراققا كەتتى. بىللە ئويناپ كۈلگەن شۇ دوستلار، ئەمدى قېنى، قاياققا كەتتى؟ خازان بولغان ياپراق يىغلايدۇ، چۇقان سالماس ئەمما يىغىسى. يۈرىكىمنى ھىجران تىلغايدۇ، ئاياندۇر ھەم ئازاپ تىۋىشى. زىمىستاننى ئۆتكۈزەر جىمجىت، ئېيتىپ باققان دەردىنى كىمگە؟ بولماس ئەمدى يۈرىكىم تىت-تىت، كىشى دىسە مەيلى ئۆزىگە. ئازاپلارنى قوينىغا تېڭىپ، يۈرەك-باغرىم يىغلايدۇ قان-ياش. بەختىم ئاڭا ئازاپنى ئېمىپ، ئېغىر كەلدى ھىجراندا ياشاش. مەنبە:مەن

oyqan0999

	ياخشى شېئىر.قەلىمىڭىز توختاپ قالمىسۇن.

mahatjan

	بەك ياخشى يېزىپسىز،مىنى تەسىرلەندۈرگەنلىكىڭزگە رەھمەت.

yawa-xir

	زۇلئاي يوللىغان ۋاقتى  2012-11-11 12:54 AM ياخشى شېئىردىن يەنە بىرنى تاماملىغىنىڭىزدىن ناھايىتى  ... ئۇنداقتا ئۇچۇرىڭىزنى كۆرمەپتىمەن،كۆرگەن بولسام چوقۇم قايتۇراتتىم،لېكىن قايسى شېئىرىم ئۆچۈرۈلگەن بولغىيتىمەن قاراپ باقسام ئۆچۈرۈلگەندەك ئەمەس،تەستىقلانمىغاندىن بىرىلا بارتى،لېكىن ئۇنى يازغىلى كەم بولغاندىمۇ يېرىم يىلدىن ئېشىپ كەتتى.ياكى يوللاپ بەرسىڭىز كۆرۈپ باقساممۇ بولىدۇ،ئىلھام بېرەلىسەم ئەجەپ ئەمەس،qqنومۇرۇم1131072139

ardamay

	يېتىپ كەلدى جۇدۇنلۇق كەچ كۈز، سىم سىم ياغار قەلبىمدىن ھىجران. كەچكۈز شامال سوققاندا ھەر رەت، شېرىن تۇيغۇم بولىدۇ گۇمران.

ardamay

	يېتىپ كەلدى جۇدۇنلۇق كەچ كۈز، سىم سىم ياغار قەلبىمدىن ھىجران. كەچكۈز شامال سوققاندا ھەر رەت، شېرىن تۇيغۇم بولىدۇ گۇمران.

axek13999649893

	ئۇپا-ئەڭلىك گىرىمدە ، بولۇپ يۈرسە ئالتۇن بۇت . پاكىز ئادەم دەپتىمەن ، ئىكەن ئەسلى سېسىق پۇت . يىڭى ئۆيگە ئالدۇق بىز ، ئىككى سافا بىر ساجى . ئاچچىقىمنى كەلتۈرمە ، يوغان قورساق جۇباجى

ataman118

	ياخشى يىزىپسىز ئۇلۇغ اللە قەلىمىڭىزنى زىيادە قىلغاي

ah~tilek

	قەلىمىڭىزگە بەركەت تىلەيمەن .